ပြင်သစ် စကား သင်ကြမလား ?

အင်္ဂလိပ်အသံ = ပြင်သစ်အသံ

A                 =       R

B                  =       ဘေ

C                  =       စေ

D                 =       D

E                  =       အဲ ။ မြန်မာမှာရော၊အင်္ဂလိပ်မှာရောအသံတူတာမရှိပါဘူး။

F                  =       F

G                 =       J

H                 =       အပ်

I                  =       E

J                  =       G

K                  =       ကေ

L                  =       L

M                 =       M

N                 =       N

O                 =       O

P                  =       ပေ

Q                 =       Q

R                  =       အဲ

S                  =       S

T                  =       တေ

U                 =       ဥ နဲ့ ဦး ကြားအသံနဲ့ဆင်ပါတယ်။ ခုထက်ထိ U ကိုကျမ မပြောတတ်သေးပါဘူး။   မြန်မာမှာရော၊အင်္ဂလိပ်မှာရောအသံတူတာမရှိပါဘူး။

V                  =       V

W                 =       doubl v

X                  =       X

Y                  =       အီးဂရက်

Z                  =       Z

          ကျမတို့ခပ်ငယ်ငယ်က ဈေးသွားဝယ်ရင်အတော်အတန်မြှောက်တာ၊ စားတာ လောက် ကတော့ (Calculater) ဂဏန်းပေါင်းစက်မလိုပါဘူး။ စိတ်ထဲမှာပဲတွက်လိုက် တယ်။ ကျောင်းတုံးက ၁၂ အလီ အထိအလွတ်ကျက်ခဲ့ရတာမို့ အမြှောက်အစားကို စိတ်တွက် တွက်နိုင်ပါတယ်။

ဂျပန်ရောက်တော့ သူတို့တွေ ဘာတွက်တွက် ဂဏန်းပေါင်းစက်နဲ့၊ ပြီးတော့ ခလုပ်မှား နှိုပ်ပြီး မှားကြတာ လည်းအခါခါမို့ သူတို့ကိုအားမရပါဘူး။ ငါတို့နဲ့တော့ကွာပါ့လို့ ဂုဏ်ယူခဲ့မိ ပါတယ်။ ပြင်သစ်ရောက်တော့မှ ဂျပန်ကိုကဲ့ရဲ့မိတဲ့ဝဋ်လည်တော့တာပါပဲ။

          ပြင်သစ်စကားမတတ်ရတဲ့ အထဲ ပြောလာတဲ့ တယ်လီဖုန်း နံပါတ်ကို မမှတ်နိုင်လို့ ဒုက္ခ တော်တော်ရောက်ပါတယ်။ ပြင်သစ်မှာ ဖုန်းနံပါတ်က ၁၀ လုံး ရှိပါ တယ်။ ၁၀ လုံးကို နှစ်လုံးစီပြောပါတယ်။ ဥပမာ ၁၂ ဆိုရင် တစ်၊ နှစ်လို့မပြောပါဘူး။ ဆယ့်နှစ် လို့ပြောပါတယ်။ ဂဏန်းကိုရည်တွက်တဲ့နေရာမှာ တစ် က ၆၉ အထိကတော့ အိုကေ ပါတယ်။ ၇၀ ကစပြီး ဒုက္ခရောက်တော့တာပါပဲ။

၇၀ ကို  ၆၀ အပေါင်း ၁၀ လို့ပြောပါတယ်။

၇၁ ကို  ၆၀ အပေါင်း  ၁၁

၇၂ ကို  ၆၀ အပေါင်း  ၁၂

၇၃ ကို  ၆၀ အပေါင်း  ၁၃

၇၄ ကို  ၆၀ အပေါင်း  ၁၄

၇၅ ကို  ၆၀ အပေါင်း  ၁၅

၇၆ ကို  ၆၀ အပေါင်း  ၁၆

၇၇ ကို  ၆၀ အပေါင်း  ၁၇

၇၈ ကို  ၆၀ အပေါင်း  ၁၈

၇၉ ကို  ၆၀ အပေါင်း  ၁၉

၈၀ ကျတော့ ၄ မြှောက် ၂၀

၈၁ ကျတော့ ၄ မြှောက် ၂၀ အပေါင်း ၁

၈၂ ကျတော့ ၄ မြှောက် ၂၀ အပေါင်း ၂

၈၃ ကျတော့ ၄ မြှောက် ၂၀ အပေါင်း ၃

၈၄ ကျတော့ ၄ မြှောက် ၂၀ အပေါင်း ၄

၈၅ ကျတော့ ၄ မြှောက် ၂၀ အပေါင်း ၅

၈၆ ကျတော့ ၄ မြှောက် ၂၀ အပေါင်း ၆

၈၇ ကျတော့ ၄ မြှောက် ၂၀ အပေါင်း ၇

၈၈ ကျတော့ ၄ မြှောက် ၂၀ အပေါင်း ၈

၈၉ ကျတော့ ၄ မြှောက် ၂၀ အပေါင်း ၉

၉၀ ကျတော့ ၄ မြှောက် ၂၀ အပေါင်း ၁၀

၉၁ ကျတော့ ၄ မြှောက် ၂၀ အပေါင်း ၁၁

၉၂ ကျတော့ ၄ မြှောက် ၂၀ အပေါင်း ၁၂

၉၃ ကျတော့ ၄ မြှောက် ၂၀ အပေါင်း ၁၃

၉၄ ကျတော့ ၄ မြှောက် ၂၀ အပေါင်း ၁၄

၉၅ ကျတော့ ၄ မြှောက် ၂၀ အပေါင်း ၁၅

၉၆ ကျတော့ ၄ မြှောက် ၂၀ အပေါင်း ၁၆

၉၇ ကျတော့ ၄ မြှောက် ၂၀ အပေါင်း ၁၇

၉၈ ကျတော့ ၄ မြှောက် ၂၀ အပေါင်း ၁၈

၉၉ ကျတော့ ၄ မြှောက် ၂၀ အပေါင်း ၁၉           

၁၀၀ ကျတော့တော်သေးတယ် စောန် ဆိုတဲ့စကားလုံးရှိလို့။

                 ပြင်သစ်စကားကအသံအနိုမ့်အမြင့်နဲ့သာယာတယ်တဲ့၊သဒ္ဒါကလည်းများပြားလို့ အမျိုးမျိုး လှည့်ရေးနိုင်တယ်တဲ့။ ဂဏန်းကျတော့ ဘာလို့များ စကားလုံးတွေ မထွင်ခဲ့ကြလဲ မသိပါဘူး။ ရှေးပြင်သစ်တွေက အခုခေတ်မြန်မာတွေလို အတွက်အချက် ၀ါသနာ ပါကြလို့ လား (ကျမမိတ် ဆွေတစ်ဦးက သူက တွက်တာချက်တာ ၀ါသနာပါလို့ ချဲထိုးတာပါတဲ့)။

              ကျမငယ်စဉ်က ကျမမိဘများ စစ်အတွင်း သူတို့ရဲ့ လယ်ယာ၊ အိမ်၊ ဆိုင် တွေ၊ ထားပြီး စစ်ပြေးကြရတာမို့ မေမေတို့ ကုန်းကောက်စရာ မရှိအောင် ဆင်းရဲမွဲတေခဲ့ကြပါတယ်။ ဒီကြားထဲ ကျမမွေးပြီး မေမေက အိပ်ရာကမထနိုင်အောင် နာတာရှည်ရောဂါဖြစ်ပါတယ်တဲ့။ ဒီတော့ ကျမကိုပိုက်ဆံ မပေးရတဲ့ ဓမ္မာရုံကျောင်းမှာ အိမ်နီးနားချင်း မိတ်ဆွေကို သွားအပ်ခိုင်း ရတယ်တဲ့။ ဓမ္မာရုံကျောင်းက အောင်ပြီး ၅တန်း ရောက်မှ အင်္ဂလိပ်စာ စသင်ရပါ တယ်။ ဒါကြောင့် ကျမအင်္ဂလိပ်စာ အလွန်ညံ့ပါတယ်။ အင်္ဂလိပ်စာ အောင်ရင်ကျမ ပဌမထွက်လေ့ရှိပါ တယ်။ အင်္ဂလိပ်စာကျရင်တော့ အဆင့်  ၂၀ ကျော်သွား ပါရော်။

              ဒါကြောင့် အင်္ဂလိပ်စာဟာ ကျမ အတွက်တော့ အခက်အခဲဆုံး ဘာသာရပ်ပါပဲ။ အခု ပြင်သစ်စာသင်မှ အင်္ဂလိပ်စာလွယ်လိုက်တာလို့ ခဏခဏပြောဖြစ်ပါတယ်။ ဘ၀ မေ့ သွားတာ မဟုတ်ပါဘူး။ တကယ့်ကို ပြင်သစ်စာနဲ့ စာရင်အများကြီးလွယ်ပါတယ်။ အခု ဂဏန်းနံပတ်နဲ့တင် စာရှုသူတွေ နည်းနည်း အကဲခတ်နိုင်မယ်ထင်ပါတယ်။

အင်္ဂလိပ်စာမှာ ယောက်ျား (He)၊ မိန်းမ(She) နဲ့ အရာဝတ္ထုကို (it) ဆိုတဲ့နမ်စားသုံး ပါတယ်။ (it) မှာ ယောက်ျား၊ မိန်းမ မရှိပါဘူး။ ပြင်သစ်ကျတော့ အရာဝတ္ထုတိုင်းကိုယောက်ျား၊ မိန်းမ ခွဲပါတယ်။ ဥပမာ။ ကုလားထိုင်ဆိုရင်ယောက်ျား၊ စာပွဲဆိုရင်မိန်းမတဲ့ ဘာဥပဒေနဲ့ခွဲသလဲ ဆိုတော့ ဥပဒေမရှိဘူးတဲ့ အသေမှတ် ရမယ်တဲ့။ ပြင်သစ်စာ သင်ပေးတဲ့ဆရာမက ပြင်သစ်စာ က ဒီလိုပဲ ငါလည်းဘာမှ မတတ်နိုင် ဘူးတဲ့။

ကျမရဲ့ အားနည်းချက်ကလည်း နံမည်တွေ၊ နံပါတ်တွေကို မှတ်လို့မရတာပဲ။ ကျမ တောင်ကြီးမြို့မှာ တာဝန်ကျစဉ်က ကားဓါတ်ဆီထဲ့မယ်ဆိုရင် ကားနံပါတ်ရေးပေးရပါတယ်။ ကျမရဲ့ ကားနံပါတ်ကို ကျမ မမှတ်မိလို့ ကားနံပါတ် ပြန်ပြန်ကြည့်ရပါတယ်။ မေမေက နင် မရှက်ဘူးလား တဲ့။ သူများတွေက နင် ကားငှါးစီးလာတယ် ထင်မှာပေါ့တဲ့။ မတတ်နိုင်ဘူးလေ ကိုယ်မှမမှတ်မိတာ။

ကျမ နံမည်မေ့ပုံကလည်း မှတ်လောက်သားလောက်ပါတယ်။ ကျမ ဂျပန်ပြည်ရောက် တော့ မြန်မာတော်တော်များများနဲ့ တွေ့ပါတယ်။ အဲ့ဒီထဲကကျမထက်အသက် ၁၀ နှစ်လောက် ငယ်တဲ့မြန်မာ တစ်ဦးက ကျနော့်သူငယ်ချင်း ဆရာဝန် တစ်ယောက်ရှိတယ်။ သိုက်ထွန်းလို့ ခေါ်တယ်လို့ ပြောပါတယ်။ ကျမရဲ့ မိတ်ဆွေ ဆရာဝန်ထွေထဲမှာ ဒီနံမည်မရှိပါဘူး။ တစ်နှစ်ကို အဲ့ဒီတုံးက ဆေး(၁) က ၃၀၀၊ ဆေး (၂) က ၁၀၀ နဲ့ မန္တလေးဆေးက ၂၀၀ ဆရာဝန်ဘွဲ့ ယူကြ တာမို့ အောင်တဲ့နှစ်ချင်း၊ တက္ကသိုလ်ချင်း တူမှ သိတဲ့ အကြောင်း ပြန်ပြောလိုက်ပါတယ်။ ဒါပေမဲ့ အဲ့ဒီနံမည်က တစ်မျိုးဖြစ်နေတယ်။ ကျမနဲ့ ရင်းနှီးနေသလို ခံစားရတယ်။ နောက်နေ့ အိပ်ရာထတော့မှ သြော် ဒါငါ့ရဲ့တစ်ဦးတည်း သောမတ် (ညီမငယ်ရဲ့အမျိုးသား) ဆိုတာ မှတ်မိ ပါတော့တယ်။ သူ စိတ်မကောင်းမှာစိုးလို့ သူ့ကိုတခါမှ ပြောမပြခဲ့ပါဘူး။

          အဲဒီလို အသေမမှတ်တတ်တဲ့ ကျမနဲ့ အသေမှတ်ရတဲ့ပြင်သစ်နံမည်တွေ ဘယ်ဟာက ယောက်ျား၊ မိန်းမဆိုတာကို မှတ်ရတာဘယ်လောက်ဒုက္ခရောက်မယ်ဆိုတာစဉ်းစားသာကြည့် ကြပါတော့။

          အထီး၊ အမ၊ ခွဲမှတ်လို့မရတဲ့ ကြားထဲ ပြင်သစ် (verb) တွေ (adjective) တွေက အထီး၊ အမ၊ အနည်း၊ အများ ပေါ်မူ တည်ပြီး ပြောင်းပြန်ပါတယ်။ ဥပမာ။ အမျိုးသမီး (၀ါ)  အမ ၀တ္ထုပစ္စည်း တစ်ခုကို လှတယ် ဆိုရင် belle ၊ အများဆို belles ၊ လို့ပြောရပြီး၊ အမျိုးသား (၀ါ) အထီးဝတ္ထုပစ္စည်းတစ်ခုဆိုရင်  beau ၊ အများဆို beaux လို့ ပြောရ ပါတယ်။

         

တကယ်က A B C D စသင်ကတဲကိုက ဒုက္ခရောက်တာပါ။ အင်္ဂလိပ်လို ရေးပြီး ဖတ် တော့ ပြောင်းပြန် ဖတ်ပါတယ်။ အသက်ရဲ့ ထက်ဝက်နည်းပါး အင်္ဂလိပ်စာသင်ခဲ့တာမို့ စာလုံး တွေ တွေ့လိုက်ရင် အင်္ဂလိပ်လို အသံကထွက်ပြီးသား ဖြစ်နေပါတယ်။ စွဲနေတဲ့ အင်္ဂလိပ်သံ ကို မေ့မှ ပြင်သစ်လိုမှတ်မိမှာ ဆိုလို့ အင်္ဂလိပ်ကို မေ့လိုက်တာ၊ အခုတော့ အင်္ဂလိပ်လဲ မေ့သွားပြီး ပြင်သစ်လိုလဲ မတတ်ဖြစ်သွားပါတယ်။ အသံထွက်တင်မဟုတ်ပါဘူး။ spellingကလည်း ကွာ ပြန်ပါတယ်။ ဥပမာ။ အင်္ဂလိပ်လို adress က ပြင်သစ်လို address ။ အထီးအမကိုလိုက်ပြီး spelling ကလည်း ကွာပြန် ပါတယ်။ ပူတယ် ဆိုရင်အမဆို Chaude။ အထီးဆို Chaud တဲ့။ ခြောက်တယ် (dry ကို ပြောတာနော်) ဆိုရင်အမဆို sèche ။ အထီးဆို sac တဲ့။ ပြင်သစ်မှာ နောက်ပစ် အပြင် ရှေ့ပစ် (é) နဲ့ ဥထုပ် (ê)၊ (ç) အောက်ပစ်ခေါ်ရမလား မသိတဲ့ ဟာလည်း ရှိပါတယ်။ မနှစ်က တန်ဆောင်မုန်းပွဲ လုပ်တော့ (ပွဲ) ကို (ပွ)ကိုပြင်သစ်ရှေ့ပစ်နဲ့ရေးထားတာ တွေ့လိုက်ရပါတယ်။ အဲ့ဒါကို ကျမတစ်ယောက်ပဲ သတိထားလိုက်မိပါတယ်။ သြ ကျမသာမက ပြင်သစ် ရောက် မြန်မာတွေလည်း အမိမြန်မာစကားတောင်မေ့ကုန်ပြီးလား ?

အသံထွက် ကျတော့ ပြင်သစ်က လည်ချောင်းသံနဲ့ ပြောပါတယ်။ မြန်မာလို အာမထိ၊

ရှာမထိ ပေါ့။ မြန်မာ အမျိုးသားတစ်ဦးက ပြောဘူးပါတယ်။ ပြင်သစ်စကားဆိုတာ အင်္ဂလိပ် စကားကို ထွေးပြီး ပြောတာတဲ့။ ကျမ ငယ်ငယ်က လည်ချောင်းနာရောဂါဖြစ်ခဲ့ပြီး၊လည်းချောင်း ထဲက အသံထွက်တဲ့ အဖတ်ကလေးနှစ်ခု  (ပုလွေထဲက အဖတ်လေးနဲ့ ဆင်ပါတယ်) မှာ အနာရွတ်တွေ ရှိနေတာမို့ အချို့အသံထွေကို ပီအောင်ပြောလို့ မရပါဘူး။ ဒါကြောင့် ကျမ ပြင်သစ်လိုပြောရင် ပြင်သစ်တွေ နားမလည်ပါဘူး။

          ပြီးတော့ ရေးသလို မဖတ်ပါဘူး။ ရှေ့က (word) ရဲ့ နောက်ဆုံး အက္ခရာ ကိုအသံမ

ထွက်ပါဘူး။ အဲ့ဒီ အက္ခရာက နောက်က (word) ရဲ့စာလုံးနဲ့ ပေါင်းအသံထွက်ပါတယ်။ ဥပမာ

Comment allez vous ? How are you ?

ပြောတော့ Commen tallez vous ? လို့ပြောပါတယ်။

ဒါပေမဲ့ စိတ်မပူပါနဲ့ မြန်မာတွေအတွက် ပြင်သစ်လာလယ်တဲ့အခါ သွားတတ် လာတတ်အောင် ထမင်းစားရေသောက် ပြောတတ်မဲ့ လွယ်ကူတဲ့ ပြင်သစ်စကား ပြောနည်း ကျမတီထွင်ထားပါတယ်။

ဆက်လက်ဖေါ်ပြပါမယ်။