လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Wednesday, May 25, 2016

ဒုက္ခဝေဒနာကို ဆူးထွင်သလို ရှု

  • Words of Buddha with Devi Khin and 46 others.
    ဒုက္ခဝေဒနာကို ဆူးထွင်သလို ရှု
    ---------------------------
    ဒုက္ခဝေဒနာကို ဆူးထွင်သလို ရှုမှတ်ရမယ်ဆိုတာက ဥပမာ ခြေဖဝါးကို ဆူးစူးတယ်ဆိုပါတော့ နင့်လိုက်တိုင်း နင်းလိုက်တိုင်း ‘နင့်ခနဲ၊ နင့်ခနဲ’ ဆို လမ်းသွားလို့ကောင်းပါ့မလား။ “မကောင်းပါဘူးဘုရား”
    အဲဒါဆို မသွားနဲ့ဦး။ ဓားနဲ့ခွဲသင့်ရင်ခွဲ၊ သို့မဟုတ် အပ်နဲ့အနာပေါက်ကိုချဲ့ပြီးတော့ ဆူးကို ဆွဲထုတ်ရမယ်။ နည်းနည်းတော့ ပိုနာမှာပဲ။ အနာခံမှလည်း ဆူးစူးတဲ့ ဒုက္ခဝေဒနာက ပျောက်မှာပေါ့ဗျ။
    အဲဒီလိုပဲ နာကျင်ကိုက်ခဲတဲ့နေရာကို တည့်တည့်ရှုမှတ်ရင် ဆူးထွင်သလိုပဲ ပိုနာတယ်။ နာပေမယ့် ဝေဒနာရဲ့သဘောကို ပိုသိလာတယ်။ ဘယ်လိုသိလာသလဲဆိုတော့ အစတုန်းက နာတာက ငါ့ပေါင်က နာတယ်။ ငါ့ဒူးခေါင်းက နာတယ်။
    အမယ်လေး နာတာက (၁၅)မိနစ်လောက် ကြာတယ်။ နာရီဝက်လောက်ကြာတယ်။ တောက်လျှောက်ကြီး နာနေတာ။ ဖြုတ်တာတောင် မပျောက်ဘူး။ နာလိုက်တာမှ ပေါင်ကြီးကို တန်းနေတာပဲ။ ခါးကြီးကို တောင့်နေတာပဲ။ ဒီလိုထင်တယ်။ နာတာကို သည်းညည်းခံပြီး စိတ်ရှည်ရှည်နဲ့ ရှုမှတ်တော့ -
    ဒူးခေါင်းတွေ ပေါင်တွေ မရှိတော့ဘူး။ မှတ်တဲ့သဘောရယ်၊ နာတဲ့သဘောရယ်၊ ပိုပိုနာလာတဲ့သဘောရယ်၊ မှတ်တဲ့သဘောရယ် ဒါပဲ ကျန်တော့တယ်။
    နာတာကလည်း “နာတယ် နာတယ်” မှတ်လိုက်တယ်။ ပျောက်သွားတယ်။ နောက်တစ်ခါ ထပ်နာတယ်။ မှတ်လိုက်တယ်။ ပျောက်သွားတယ်။
    တစ်နာပေါ်လာလိုက် ပျောက်သွားလိုက်၊ နောက် တစ်နာ ပေါ်လာလိုက် ပျောက်သွားလိုက်၊
    တစ်နာပြီးမှ တစ်နာ၊ ဒီလိုလာတာ။
    အော်မိုမက်တစ်မီးလုံးများလို လင်းလာလိုက် မှိတ်သွားလိုက်။ လင်းလာလိုက် မှိတ်သွားလိုက် ဖြစ်နေတာ။ အဲဒီလို
    ပေါ်တာကို သိတာက ဖြစ်တာကို သိတာ။
    ပျောက်တာကို သိတာက ပျက်တာကို သိတာ။
    ဟာ - ဖြစ်ပြီးပျက်သွားတာပဲလို့ ပါးစပ်ကလေးနဲ့ ပြောရုံနဲ့ မရဘူး။ အဲဒါ ပါးစပ်ဖြစ်ပျက်လို့ ခေါ်တယ်။ စာအုပ်ဖတ်ရင်း လူတိုင်းပြောတတ်တယ်။
    နာတာကိုလည်း သည်းညည်းခံပြီး စိတ်ရှည်ရှည်နဲ့ ရှုမှတ်လို့ ဝေဒနာရဲ့သဘောတွေကို သိလာတဲ့အခါကျတော့ ဝေဒနာနဲ့ မှတ်စိတ် ဘယ်သူက အားကောင်းတုန်း အားပြိုင်ကြတာပဲ။
    မှတ်စိတ်က အားကောင်းရင် ဝေဒနာတွေ သေလောက်အောင် နာပါစေ၊ မှတ်စိတ်အောက် ရောက်သွားတာပဲ။ ‘တောင်ကြီး ဖဝါးအောက်၊ လှိုင်းကြီးလှေအောက်’ စကားလိုပေါ့။
    တစ်ခါတလေ ဝေဒနာက ပိုအားကောင်းရင်တော့ အသားတွေ ဆိုးဆိုးဆတ်ဆတ်တုန်ပြီး အရှုံးပေးလိုက်ရတဲ့အခါတွေလည်း ရှိမယ်။ သုံးလေးခါ ရှုံးချင်လည်း ရှုံးမှာပဲ။ ရှုံးရှုံး ဘာဖြစ်လဲ။ သူတော်ကောင်းအလုပ် လုပ်ရတာ-
    လိုချင်သလောက် မရပေမယ့် လုပ်သလောက်တော့ ရမှာပဲ ဆိုတာ သိထားရမယ်။
    ကိုယ်က မနေ့ တစ်နေ့ကမှ အားထုတ်ပြီး ရဟန္တာဖြစ်ချင်နေလို့ ဘယ်ရမလဲ။ တစ်ခါမှ အားမထုတ်တဲ့သူတွေထက်စာရင်တော့ ကိုယ်က ပိုရတာပေါ့ဗျာ။ တစ်ချို့က အားတော့ထုတ်တယ်။ အပေါ်ယံ နည်းနည်းပါးပါးလေး အားထုတ်ပြီး နားပြန်ပြီ။ သေသေချာချာ ထိထိမိမိ အားမထုတ်တော့ မဂ်ဥာဏ် ဖိုလ်ဥာဏ်က မရဘူး။ တရားက ကိုယ်လုပ်မှ ကိုယ်ရတာ။
    ဝေယျာဝစ္စအလုပ်ပဲဖြစ်ဖြစ်၊ စာကျက်တဲ့အလုပ်ပဲဖြစ်ဖြစ်၊ စီးပွားရှာတဲ့အလုပ်ပဲဖြစ်ဖြစ် ကိုယ်လုပ်မှကိုယ်ရတာ။ မလုပ်ဘဲနဲ့ အချိန်ဖြုန်းတဲ့ပုဂ္ဂိုလ်ကတော့ တရားလည်းမရ၊ ကုသိုလ်လည်းမရ၊ ပညာလည်းမရ၊ ဥစ္စာလည်းမရ၊ ဘာမှမရဘူး။ အလကားနေရင်း ရတာကတော့ ပျင်းတဲ့ရောဂါနဲ့ ကိလေသာပဲရမှာ။
    နောက်က ဘာလာမလဲ၊ စိတ်ကူးယဉ်မယ်၊ စိတ်တိုမယ်၊ စိတ်ညစ်မယ်၊ ရုပ်တွေ နာမ်တွေအကြောင်း မေးလိုက်ရင် ဘာမှမသိဘူး။ ဝေဒနာကို ဘယ်လိုရှုမှတ်ရမယ်ဆိုတာကိုလည်း မသိဘူး။ တရားလည်း မနာ။ နာပြန်တော့လည်း မမှတ်မိ။ တရားလည်း သေသေချာချာအားမထုတ်။ အဲဒီလို လောဘ၊ ဒေါသ၊ မောဟတွေ လွှမ်းမိုးနေပြီးတော့ မဂ်ဥာဏ် ဖိုလ်ဥာဏ်ကျတော့ လိုချင်တယ်။ ဒီကြားထဲ စိတ်ထဲကလည်း ဝေဒနာလာသေးတယ်။ ကိုယ်ပေါ်မှာ ဖြစ်တာက ကာယိကဒုက္ခဝေဒနာ ကိုယ်ဆင်းရဲ။ စိတ်ထဲမှာဖြစ်တာက ဒေါမနဿဝေဒနာ စိတ်ဆင်းရဲ။
    “ငါ့နှယ် ဖြစ်မှ ဖြစ်ရလေခြင်း၊ ရောဂါက တော်တော်များတာပဲ။ စိတ်ညစ်လိုက်တာ သေတောင်သေလိုက်ချင်တယ်”
    ဟာ - မသေချင်နဲ့ယောဂီ။ စိတ်ရူးပေါက်ပြီးလည်း လျှောက်မလုပ်နဲ့။ သေလို့ ကိုယ့်မှာ တရားရရင် အကြောင်းမဟုတ်ဘူး။ ဘာမှတရားမရသေးဘဲသေရင် အပါယ်လေးပါး ရောက်သွားလိမ့်မယ်၊ ရောဂါများတာဟာ ယောဂီအတွက်ရှုမှတ်ဖို့ အရှုခံတွေများတာပဲ။
    သေချင်တဲ့စိတ်ကလေးပေါ်လာရင် “သေချင်တယ်၊ သေချင်တယ်”လို့ မှတ်။ ဝမ်းနည်းရင် “ဝမ်းနည်းတယ်၊ ဝမ်းနည်းတယ်” မှတ်။ စိတ်ညစ်ရင် “စိတ်ညစ်တယ်၊ စိတ်ညစ်တယ်” မှတ်။ အိမ်ပြန်ပြေးချင်ရင်လည်း “ပြန်ချင်တယ်၊ ပြန်ချင်တယ်” မှတ်။
    စိတ်ထဲက ပေါ်လာတဲ့အတိုင်း စူးစိုက်ပြိး ရှုမှတ်နေလို့ရှိရင် သဘောလေးတွေကို အရင်သိမယ်။ ယောက်ျား မိန်းမ မဟုတ်ဘူး။ ခေါင်း၊ ခါး၊ ခြေ၊ လက် မဟုတ်ဘူးဆိုတာကို သိလာလိမ့်မယ်။
    အဲဒီလို ရုပ်သဘော နာမ်သဘောအပေါ် ဥာဏ်ရောက်တဲ့အခါကျတော့ သက္ကာယဒိဋ္ဌိ တဒင်္ဂ တဒင်္ဂ စင်စင်သွားတယ်။ တဒင်္ဂ တဒင်္ဂ စင်ပါများလို့ရှိရင် ခပ်ကြာကြာစင်လိမ့်မယ်။ နောက်ကျတော့ အမြစ်ပြတ်စင်လိမ့်မယ်။ အဲဒီလိုစင်အောင် ဒုက္ခဝေဒနာကို ဆူးထွင်သလို ရှုမှတ်ရမယ်။
    မြစိမ်းတောင် ဆရာတော် အရှင်ဇာနေယျ
    (စိတ်ကိုဆုံးမ ချမ်းသာရ တရားတော်မှ)
    စိတ်ချမ်းသာ၊ ကိုယ်ကျန်းမာစွာဖြင့် ကောင်းမှုကုသိုလ်များ ဆထက်တိုး၍လုပ်ကိုင်နိုင်ပြီး ကောင်းကျိုးလိုရာဆန္ဒများ ပြည့်ဝကြပါစေ....
    Credit >> ukkmaung

Monday, May 23, 2016

" သေရမှာ ကြောက်စရာလား "

" သေရမှာ ကြောက်စရာလား " by Dr Pe Thet Tun

မိမိရဲ့ဆရာဝန်သက်တန်းတစ်လျှောက်မှာ လူနာများစွာ၊ ရောဂါပြင်းထန်သူများစွာ၊ သေတဲ့သူ များစွာနဲ့ လုပ်ငန်း သဘာဝအရ ရင်းနှီးစွာ ဆုံခဲ့ရဘူးပါတယ်။ အ...များစုကတော့ ပုထုဇဉ်ပီပီ သေရမှာကြောက်တဲ့ သူတွေသာများပါတယ်။ တချို့ဆိုဘာမဟုတ်တဲ့ အနာရောဂါလေးဖြစ်တာ ခေါင်းကိုက်တာ တုတ်ကွေးဖျားလေး ဖျားတာလောက်ကိုပဲ မျက်စိမျက်နှာတွေ ပျက်ပြီး တခွေခွေနဲ့ အိပ်ရာထဲ လဲနေလောက်အောင် စိတ်ဆင်းရဲနေကြပါတယ်။ ဦနှောက်သွေကြောပြတ်ပြီး သေသွားသူတွေ အကြောင်းကို ကြားဘူးနားဝနဲ့ သာမာန် ခေါင်းမူးတာလေးကိုပဲ သူ့ကိုယ်သူ ဦးနှောက်ကြော ပြတ်တော့မှာလို့ ထင်တဲ့စိတ်နဲ့ ငိုကာယိုကာ ထိမ်းမနိုင်

    သိမ်းမရ သေမှာကြောက်နေတဲ့ သူတွေကိုလည်း မကြာခဏ ဆေးကုပေးခဲ့ရ ပါတယ်။
    နေမကောင်းတာနဲ့ အိပ်ရာထဲက မထတော့ပဲ မျက်နှာငယ်ကလေးနဲ့ တငြီးငြီး တငြူငြူလုပ်နေတဲ့ တရားသမား အရင့်အမာကြီးတွေကိုတောင် တွေ့ဘူးပါတယ်။ 


    ကျန်းမာရေးကောင်းနေတဲ့အခါမှာတော့ သေရမှာ မကြောက်ဘူးလို့ ပြောတတ်တဲ့ သူတွေလည်း ရှိပါတယ်။
    အများစုကတော့ အခုလောလောဆယ်တော့ ကိုယ်ကိုယ်ကို မသေနိုင်လောက်သေးဘူး ဆိုတဲ့ အထင်နဲ့ မေ့မေ့လျော့လျော့ ပေါ့ပေါ့ဆဆနေရင်း ဟန်ဆောင်ကြွားဝါပြီး မကြောက်ဘူး ပြောနေ ကြတာများပါတယ်။
    တကယ့်အရေးမှာကျတော့ လူအများစုဟာ သေရမှာကို သေမတတ် ကြောက်ကြပါတယ်။
    တစ်ချို့လူတွေလည်း သေလောက်တဲ့ရောဂါတွေ ဖြစ်နေပြီလို့ သိကာစမှာ ကြောက်တဲ့စိတ်နဲ့ ပူကာ လောင်ကာ ဖြစ်တတ်ပေမဲ့ တကယ်တမ်း ကြိူးစားကုသရင်း ဘယ်လိုမှ ကုသလို့ မရနိုင် တာကိုသိပြီး တကယ်သေရတော့မှာကို နားလည်သွားတဲ့ အခါမှာတော့ စိတ်လျှော့ပြီး လက်ခံနိုင် လိုက်တာမျိုးလည်း ရှိပါတယ်။
    အဲဒီလို သေချာပေါက် သေရတော့မယ်ဆိုတာကို သိသွားတဲ့ အချိန်မှာ စိတ်လျှော့လက်လျှော့နဲ့ သေခြင်းတရားကို ကျေကျေနပ်နပ် လက်ခံ လိုက်တာတောင်မှ အလွန် အကျိုးများပါတယ်။
    အဲဒီလို လက်ခံနိုင်လိုက်တဲ့စိတ် ထားနိုင်တဲ့ သူတွေဟာ ငြင်းဆန်နေတဲ့သူတွေစာရင် သူတို့ရဲ့ နောက်ဆုံးခရီးဟာ ပိုပြီး သက်တောင့်သက်သာနဲ့ ငြင်ငြင်သာသာ ရှိတတ်ပါတယ်။
    နိုင်ငံခြားက ရောဂါပြင်းထန်လို့ သေခါနီးတဲ့ လူနာတွေကို သီးသန့် ပြုစုစောင့်ရှောက်ပေးတဲ့ ဋ္ဌာနတွေက မှတ်တမ်းတွေမှာ ရေးထားတာတွေ ရှိပါတယ်။
    အဲဒီလို သေလောက်တဲ့ရောဂါတွေနဲ့သေဖို့စောင့် နေကြတဲ့ လူနာတွေထဲမှာ သေမှာကို ကျေကျေ နပ်နပ် လက်ခံလိုက်တဲ့ သူတွေဟာ နာကျင်မှုတွေ ကို ဆိုးဝါးစွာ မခံစားရပဲ တည်ငြိမ်အေးဆေးစွာ သေခြင်းတရားကို ရင်ဆိုင်သွားကြတဲ့ အကြောင်း သုတေသန လုပ်ထားတာတွေနဲ့ အထင်အရှား သက်သေပြထားပါတယ်။
    သေမှာကို ကျေနပ်စွာ လက်ခံလိုက်တဲ့စိတ်ကလေး ထားနိုင် လိုက်တာနဲ့ သေခြင်းတရားကို ရင်ဆိုင်တဲ့ နေရာမှာ များစွာလွယ်ကူ သက်သာသွားစေ ပါတယ်။
    တကယ်သေရမှာမကြောက်ပဲ သေခြင်းတရားကို စိတ်အေး လက်အေးနဲ့ ရင်ဆိုင်သွားတဲ့ သူတွေလည်း ရှိပါတယ်။
    အဲဒီအထဲက မှတ်မှတ်ရရ ဖြစ်ခဲ့ရတဲ့ သေရမှာ မကြောက်တဲ့သူ ( ၂ )ယောက်အကြောင်းကို ဥပမာပေးပြီး ပြောပြချင်ပါတယ်။
    တစ်ယောက်ကအသက် ၉၀ လောက် အမေကြီး တစ်ယောက် ပါ။မိမိသိသလောက် နှစ်ပေါင်းများစွာ ဘယ်သူ့ကိုမှ အပြစ်တင်တာမျိုး ဒုက္ခပေးတာမျိုး မရှိပါဘူး။
    မသေခင် (၂ )နှစ် လောက်ကထဲက သူသေရင် လာကြည့်ပြီး သေမသေ ဆုံးဖြတ်ပေးဖို့ မိမိကို မှာထားပါတယ်။ ပြီးတာနဲ့ ချက်ချင်း အသုဘချဖို့ ကြိုပြောထားတာပါ။ သူအသည်း အသန်ဖြစ်တော့ မိမိသွားကြည့်ပေးရပါတယ်။
    ဘယ်လိုမှ အခြေအနေမကောင်းတဲ့ ကြားက မိမိကို ခပ်ယဲ့ယဲ့ပြုံးပြရင်း
    " ဆရာလေး မရတော့ဘူး မဟုတ်လား"လို့ မေးလိုက်ပါသေးတယ်။ တစ်နာရီလောက်ကြာတော့ ဆုံးသွားပါတယ်။ တချက်မှမငြီးပါဘူး။ အေးအေးဆေးဆေး သေသွားတာပါပဲ။
    သမထ ဝိပဿနာတွေ အားထုတ်မထားပေမဲ့ သူဟာနှစ်ပေါင်း များစွာ သီလတွေ လုံခဲ့ပါတယ်။ စိတ်ကောင်းတွေ ရှိခဲ့ပါတယ်။
    အဲဒီနှစ်ချက်နဲ့ သေခြင်းတရားကို မတုန်မလှုပ် ရင်ဆိုင် သွားနိုင်ခဲ့ပါတယ်။
    နောက်တစ်ယောက်ကတော့ နည်းလမ်းမှန်စွာ တရား အားထုတ်ထားတဲ့ မိတ်ဆွေတစ်ယောက်ပါ ။ သေခါနီးမှာ
    " နီးပြီနဲ့တူတယ်" ဆိုတဲ့စကား တစ်ခွန်းသာပြောပြီး တည်ငြိမ်အေးဆေးစွာ တရားနဲ့ သေသွားခဲ့တာပါ။ သူတိုနှစ်ယောက်လုံးဟာ အားလုံး ကြားဘူးထားကြသလို ဝေဒနာတွေ ပြင်းပြင်းထန်ထန် ခံစားသွားရတာမျိုး မရှိပါဘူး။
    တစ်နေ့က အရေးပေါ် လူနာလာပင့်တာနဲ့ လိုက်ကြည့်ပေးရပါတယ်။ လူနာနေတဲ့အိမ်က မိမိအိမ်နဲ့ နီးနေတာမို့ ချက်ချင်းဆိုသလို ရောက်သွားပါတယ်။
    မိမိရောက်သွားတော့ လူနာကပက်လက် ကုလားထိုင် မှာထိုင်နေရက်သား တွေ့ရပါတယ်။အိပ်ပျော်နေသလိုပါပဲ။ စမ်းသပ်ကြည့်တော့ အသက်တော့မရှိတော့ပါဘူး။
    အသက် ၇၈ နှစ် ရှိပါပြီ။ အထွေအထူး ရောဂါမရှိပါဘူး။
    နေ့တိုင်းဒီကုလားထိုင်မှာ ထိုင်ရင်း သားသမီးတွေနဲ့ စကားပြောနေကျပါ။ ဆုံးတဲ့နေ့ကသမီး တစ်ယောက်က အနားမှာ ဆန်ရွေးနေတာပါ။ သူ့အမေနဲ့ စကားပြောနေရင်း သူ့ကိုဘာမှပြန်မပြောလို့ အိပ်ပျော်နေတယ်ပဲ ထင်နေခဲ့တာ။
    တော်တော်ကလေးကြာမှ စိတ်ထဲမှာ မသင်္ကာလို့ သေချာကြည့်တဲ့အခါ အသက်ရှုတာ မတွေ့တာနဲ့ တခုခုမှားတယ် ထင်ပြီး မိမိကို လာပင့်တာပါ။
    ရုန်းရင်းဆန်ခတ် မရှိရုံမက ဘာတခုမှတောင် မသိသာလိုက်ပါဘူး။
    ဒီလူနာ ဘဝကူးသွားပုံဟာ ညင်သာလှပါတယ်။ အကြောင်းသိတဲ့ လူနာတွေမို့ မိမိ သိထားတာတွေ ရှိပါတယ်။
    သူဟာ တရားတွေကြိုးစား အားထုတ်ထားတာ လုံးဝ မရှိပါဘူး။ သာမာန်မိရိုးဖလာ ဗုဒ္ဓဘာသာပါပဲ။
    မိမိရဲ့ဆရာဝန်သက်တမ်း ၂၅ နှစ်ကျော်အတွင်းမှာ မြိုခံ ဆရာဝန်ဆိုတော့ အခုလိုဆေးကုစရာ မလိုတဲ့ လူနာတွေ များစွာကို လုပ်ငန်းသဘာဝအရ ကြည့်ခဲ့ရပါတယ်။ တချို့လည်းသေခါနီးဆဲဆဲပါ။
    စောစောကလူနာလိုပဲ တချို့လူတွေ သေဆုံးသွားကြတာဟာ အလွန် ငြင်သာ ပါတယ်။ ခြုံထားတဲ့စောင်ကလေးတောင် မတွန့်ပါဘူး။ တစ်ချို့ကျ တော့ လဲ cancer လိုရောဂါမျိုးနဲ့ ဆိုတော့ မသေခင်မှာ နာကျင်မှုကို တော်တော် ခံစားကြရ ပါတယ်။
    ဘာဘဲပြောပြော လူအများစုဟာ သေမှာကို တော်တော် ကြောက်ကြပါတယ်။တချို့အစ အနောက်တောင် မခံနိုင်ပါဘူး။ အစမ်းသေကြည့်တာတောင် စိတ်ထဲမှာမခံနိုင်ပါဘူးဆိုတဲ့ သူတွေလည်း အများကြီးရှိနေပါတယ်။ မိမိလေ့လာကြည့်မိသလောက်လူတွေဟာ
    (၁)ကြားဘူးနားဝ စကားတွေနဲ့ မသေခင်မှာ သေလောက်အောင် နာမှာပဲဆိုပြီး အဲဒီနာမဲ့ အနာကြီးကို တွေးပြီးကြောက်နေကြတာမို့ သေရမှာကို ကြောက်ကြပါတယ်။
    (၂)ထားခဲ့ရမဲ့ သက်ရှိသက်မဲ့အရာတွေ အပေါ်မှာ စွဲလန်းတဲ့ စိတ်နဲ့လည်း သေမှာကို ကြောက်ကြပါတယ်။
    (၃)နောက်ဆုံးအချက်က သေပြီးရင် အပါယ်ကျမှာစိုးလို့လည်း ဒီဘဝကိုစွန့်ပြီး မသေရဲကြပါဘူး။
    သေတာနဲ့ပါတ်သက်ပြီး ဒီအကြောင်းတွေကို နည်းနည်း စဉ်းစားကြည့် စေချင်ပါတယ်။
    တကယ်တော့ သေတယ်ဆိုတာဟာ အလွန်ကြောက်စရာ ကောင်းတဲ့ အရာကြီးတစ်ခု ကိုယ့်ဆီရောက်လာတာ မဟုတ် ပါဘူး။မနေရတော့တာ တစ်ခုပါပဲ။
    နေခွင့်မရှိတော့တာ၊ နေခွင့်တစ်ခု ကုန်ဆုံးသွားတာဟာ သေတာပါပဲ။ ရှေ့ကလူတွေလည်း ဒီလိုပဲ နေခွင့်တွေ ကုန်ဆုံးသွားခဲ့ရတာပါ။
    ကြောက်တဲ့သူလည်း ကြောက်ရင်းသေရတာပါပဲ။ မကြောက်တဲ့သူလည်း မကြောက်ပေမဲ့ သေရတာပါပဲ။ ခံစားချက်တွေ ဘယ်လိုပဲရှိရှိ နောက်ဆုံးမှာတော့ သူတို့လည်း ဒီလိုပဲ ရင်ဆိုင်သွားခဲ့ကြတာပါ။
    ကိုယ်လောက်အသိဥာဏ်မရှိ၊ ကိုယ်လောက် ပြင်ဆင်ထားတာ မရှိတဲ့ သူတွေတောင် ရင်ဆိုင်နိုင်သေးတာ။
    ဘုရားရှင်ရဲ့တရားတော်တွေကို ကျင်ကြံပွားများ အားထုတ်ခွင့်ရနေတဲ့ ကိုယ်က ဘာလို့ကြောက်နေရမှာလဲ။
ိုနေခွင့်မရှိရင် မနေရုံပဲပေါ့။
    သေရင်တော မသေခင်လေးမှာ သေလောက်အောင်နာမှာပဲ ဆိုတဲ့စကားကိုလည်း သေချာစဉ်းစားဖို့လိုပါတယ်။
    စောစောက ပြောခဲ့တဲ့လူနာတွေလို ဘာမှ သိပ်မခံစားရပဲ သေသွားတဲ့ သူတွေကိုလည်း အားလုံးကြုံဖူးကြမှာပါ။ ကိုယ့်အလုပ်နဲ့ ဆက်စပ်နေတာမို့ သေခါနီးလူနာများစွာကို နောက်ဆုံးအချိန်အထိ ထိုင်စောင့်ပေးခဲ့ရဘူးပါတယ်။ တကယ်သေခါနီး အချိန်မှာ တချို့ ဆယ့်ငါးမိနစ်/ နာရီဝက်လောက် အလိုမှာ အသက်ရှူတယ်ဆိုရုံ ရှူရင်း ငြိမ်ကျသွားပါတယ်။ နာလွန်းလို့ တွန့်လိမ် ရုန်းကန်နေရတာမျိုးတွေ မရှိတော့ပါဘူး။ ငြိ်မ်းခါနီးမီးတောက်တစ်ခုလိုပဲ တချို့ဆို သေခါနီးမှ စကားတွေ ဘာတွေတောင် ပြောသွားလိုက်ပါသေးတယ်။
    သေလောက်အောင် ဖေါက်ပြန်လို့သာ သေသွားတယ် ဆိုတာမှန်ပါတယ်။ ဒါပေမဲ့ အဲဒီ ဖေါက်ပြန်တာကို အလွန်နာမှာပဲ လို့တော့ မယူဆစေချင်ပါဘူး။
    Cancer လိုရောဂါမျိုးမို့နာကျင်မှုတွေ ခံစားရမယ်ဆိုရင်လည်း နာစရာရှိတာနာပေါ့။ အနာ သက်သာတဲ့ ဆေးတွေနဲ့လည်း ကုမှာပေါ့။
    အစပိုင်းဘယ်လိုပဲနာနေပေမဲ့ နောက်ဆုံးအချိန် သေခါနီးမှာတော့ မနာတော့ပါဘူး။
    အဲဒီအချက်နဲ့ပါတ်သက်ပြီး ဘုရားရှင် ဟောကြားထားတာ ရှိပါတယ်။
    သေခါနီးမှာ ကာယပသာဒတွေ အရင်ဆုံး ချုပ်ပါတယ်။ ကျန်တာတွေလည်း တဖြည်းဖြည်းချုပ်သွားရင်းနဲ့ တဖြည်းဖြည်း ဆုပ်သွားလိုက်တာ နောက်ဆုံး မနောဝီဥာဉ် စိတ်ကလေး တစ်ခုသာကျန်ပါတယ်။
    ကာယပသာဒချုပ်ကထဲက ဘာနာကျင်မှုမှ မရှိတော့ပါဘူး။ ဘာထိတွေ့မှုကိုမှ မသိတော့ပါဘူး။
    ဒီအကြောင်းတွေကို မြတ်စွာဘုရားဟောတဲ့ ဖက္ခုနသုတ္တန် မှာ အသေးစိတ်ပါပါတယ်။
    သေခါနီးလူတွေ အစက ဘယ်လောက်ပဲ နာလို့ အော်ဟစ် ရုန်းကန် နေပေမဲ့ တကယ်သေတော့မဲ့ အချိန်နီးလာရင် ငြိမ်သွားတတ်တာ ဆရာဝန်တွေ ဆေးဝန်ထမ်းတွေ တော်တော်များများ သတိထားမိမယ် ထင်ပါတယ်။
    ဆိုလိုချင်တာက မိမိတို့အများစု ကြောက်နေကြတဲ့ နာကျင် မှုဆိုတာတွေ လုံးဝမရှိဘဲနဲ့ သေခါနီးမှာ တရားနှလုံးသွင်း ဖို့အချိန် ကောင်းစွာရပါတယ်။ ကိုယ့်စိတ်ကလေးကိုကြည့်နေရင်းနဲ့ သေရမှာပါ။ ဆရာတော်ဦးဇောတိကလည်း ဒီအကြောင်းတွေဟောခဲ့ ဘူးပါတယ်။အသက်ရှုရပ်ပြီး မိနစ် ၂၀ လောက် ကြာတဲ့အထိ သိတဲ့စိတ်ကဆက်ရှိနေပါတယ်။ အဲဒီအချိန်လေးမှာသာ မိမိတို့အနေနဲ့ အားထုတ်ရင်း သေနိုင်ခဲ့မယ်၊ ကုသိုလ်စိတ်တွေနဲ့ သေနိုင်ခဲ့မယ်ဆိုရင် ဘာမှကို ပူစရာ မလိုတာပါ။
    မိမိအနေနဲ့ pressure 40/0 နဲ့ ( ၉ )နာရီ လောက် ဘယ်လိုနာကျင်မှုမျိုးကိုမှ မခံစားရတော့ပဲ အချိန်ကောင်းစွာ ရပြီး တရားအားထုတ်ရင်း ဆုံးသွားတဲ့ အစာအိမ် cancer လူနာ တစ်ယောက်ကို တွေခဲ့ဘူးပါတယ်။
    မိမိတို့သာ သူတော်ကောင်းတရား တွေနဲ့ထိုက်သင့်သလောက် ပြည့်စုံအောင်၊ ရင့်ကျက်အောင် လေ့ကျင့်ထားမယ် အားထုတ်ထားမယ် ဆိုရင် အဲဒီအချိန်လေးမှာ ဆက်ပြီး အားထုတ်သွားရုံပါပဲ။ အဲဒီလိုသာအားထုတ်နိုင်ရင် အခုဘဝ တရားမရ ရင်တောင် ဒုတိယဘဝမှာ ရနိုင်တဲ့ အကြောင်းကို ဘုရားရှင် အာမခံထားတော်မူခဲ့ပါတယ်။
    အဲဒီလို quality ကောင်းတဲ့စိတ်နဲ့သာ သေနိုင်သွားရင် ကျန်ခဲ့တာတွေကို ဘာများစွဲစရာ ရှိသေးလို့လဲ။
    နောက်ဘဝ ဘာဖြစ်မယ်ဆိုတာကိုလည်း တွေးပူစရာ မရှိပါဘူး။ အပါယ်ကျဖို့ဆိုတာ ခေါင်းထဲမှာ ထည့်ထား စရာတောင် မလိုတာပါ။
    အရေးကြီးတာက မိမိတို့ဘက်က အခုလို ကျန်းမာရေး ကောင်းလို့ စွမ်းနိုင်တုံးမှာ သီလ၊ သမာဓိ၊ ပညာ အကျင့်တွေကို နည်းလမ်းမှန်စွာ ကြိုးစားအားထုတ်ဖို့ပါပဲ။
    နေတဲ့အချိန်မှာ ကာယကံ၊ ဝစီကံ၊ မနောကံတွေ ကောင်းသည်ထက်ကောင်းအောင်၊ စိတ်ထားတွေ မြင့်မြတ်သည် ထက် မြင့်မြတ်အောင်၊ ကုသိုလ်စိတ်တွေ အမြဲဖြစ်လို့ ယဉ်ကျေးသည် ထက်ယဉ်ကျေးအောင်၊ စိတ်ထားတွေ စင်ကြယ်သည်ထက် စင်ကြယ်အောင် လေ့ကျင့်ထားမယ် ဆိုရင် သေတဲ့အခါမှာလည်း ဒီအလေ့အကျင့်တွေက သူ့အလုပ်သူ လုပ်ဆောင်သွားပါလိမ့်မယ်။
    တကယ်လေ့ကျင့်ထားတဲ့ အားကိုးလောက်တဲ့ တရားအသိတွေ ရှိနေသူအတွက် သေတော့လည်း " ဂွပ် "ကနဲ သေလိုက်ရုံပါပဲ။
    " ဓမ္မော ဟဝေ ရက္ခတိ ဓမ္မစာရီ "
    တရားကျင့်သောသူကို တရားက ပြန်ပြီး စောင့်ရှောက်တယ်ဆိုတဲ့ ဘုရားရှင်ဟောကြားခဲ့တဲ့ တရားတော်ကို အကြွင်းမဲ့ယုံစေချင် ပါတယ်။
    ကဲ…သေရမှာကြောက်စရာလား။
    မေတ္တာဖြင့်
    (ဤစာစုကို မိမိကဲ့သို့ တရားအသိဥာဏ် မရရှိ သေးသူများကို အားပေးလိုတဲ့ စေတနာနဲ့ ရေးရပါတယ်)

Thursday, May 19, 2016

သတိပဋ္ဌာန်း

Myo Min's photo.
Myo Min
မဟာဗောဓိမြိုင်ဆရာတော်ဘုရားကြီးနှင့်
ထိုင်းလူမျိုး တို့၏ တရားအမေးအဖြေ
============================
ဆရာတော် - ဒကာတော်တို့ ဘယ်က လာခဲ့တာလဲ။
ထိုင်း - ဇင်းမယ်ကပါဘုရား...။ ဆရာတော့်သတင်းကြား
လို့ ကြည်ညိုလို့လာဖူးတာပါ ဘုရား။
ဆရာတော် - ဘုန်းကြီးတွေအများကြီး ထိုင်းမှာလဲ
ရှိတာမဟုတ်လား။
ထိုင်း - ဘုန်းကြီးချင်းမတူပါဘူးဘုရား။ ထိုင်းမှာ
တောရဆောက်တည်တဲ့ ပုဂ္ဂိုလ်သိပ်မရှိတော့ပါ
ဘူး။
ဆရာတော် - တို့က သတ္တိမရှိလို့ တောထဲနေတာပါဗျာ။
မြို့ထဲနေတဲ့ ဘုန်းကြီးတွေက တောထဲနေတာထက်ပိုပြီး
ထက်လို့ ပိုပြီးသတ္တိရှိနေတာဗျ။ တို့က သူတို့လောက်
သတ္တိမရှိလို့ တောမှီနေတာဗျ။ တောထဲနေတာဗျ။
ဘုန်းကြီးအားလုံး အတူတူပါဗျာ။ ထိုင်း၊ ကမ္ဘောဒီးယား၊
လာအို၊ မြန်မာရယ်က ထေရ၀ါဒလို့ခေါ်တယ်။ အရှင်
မဟာကဿပ၊ အရှင်သာရိပုတ္တရာတို့အဆက်ဆက်
က တစ်ဆင့်သြ၀ါဒတွေကို လုံးဝမပြင်ဘဲကျင့်တာဗျာ။
အကျင့်တူပါပဲဗျာ။
ထိုင်း - မြန်မာနိုင်ငံက ဆရာတော်တွေက သာသနာ
တော်ကို ပိုပြီးတော့ ကြည်ညိုပြီး ၀ိနည်းတော်တွေကို
လေးစားလိုက်နာကြပါတယ် ဘုရား။
ဆရာတော် - တို့ဆီရောက်တုန်းမို့ ပြောတာလားဗျာ။
ထိုင်း - တကယ်ပြောတာပါဘုရား။ တပည့်တော်တို့
ဝိပဿနာတရားတော့ အားထုတ်ချင်ပါတယ်ဘုရား။
နည်းလမ်းတော့မသိပါဘုရား။
ဆရာတော် - နည်းလမ်းတွေ ဘာလို့မသိရမှာလဲ။
ထိုင်းမှာလည်းရှိတာပဲ။ ဒီကသွားတာတွေရှိတာပါပဲ။
နည်းလမ်းတွေ ဘယ်လောက်များများ တို့ဗုဒ္ဓက
သတိတစ်လုံးပဲဗျာ။ ဘာလုပ်လုပ် လုပ်တဲ့အလုပ်ကို
သတိနဲ့တွဲလုပ်။ အဲဒါဝိပဿနာဖြစ်သွားတာပဲ။
သတိနဲ့လုပ်တော့ ကိုယ့်စိတ်ကိုယ့်ဆီမှာရှိတယ်။
ရှိတော့ ကိုယ့်အကြောင်း ကိုယ်သိတာပဲ။ အဲဒါ
ဝိပဿနာဗျ။
ထိုင်း - တပည့်တော် တရားထိုင်တဲ့အခါ စိတ်က
မငြိမ်ပါဘူးဘုရား။ စိတ်ကလေးကိုတစ်နေရာတည်း
မှာ ငြိမ်ငြိမ်ကလေးနေဖို့အတွက် အကောင်းဆုံး
နည်းလမ်းပေးပါ ဘုရား။
ဆရာတော် - ကိုယ်ထဲမှာ နှစ်သက်ရာကိုမှတ်။
တို့ ဘုရားတိုင်း ဘုရားတိုင်းမှတ်တာ နှာခေါင်းပဲ။
နှာခေါင်းမှာ ၀င်လေလေးဝင်တာထွက်တာကို
စာလို ၀င်သက်ထွက်သက်ခေါ်တယ်ဗျာ။ အဲဒါ
အသက်ပဲဗျာ။ လူတစ်ယောက်လုံးရဲ့အသက်ဟာ
နှာခေါင်းမှာရှိတယ်။ ၀င်လေထွက်လေကိုပြော
တာ။ ဒီနှာခေါင်းကနေထိုင်ပြီးမှတ်ရင် တစ်ကိုယ်
လုံးအကုန်သိတယ်ဗျာ။ စာလို ပင်တိုင်ကမ္မဋ္ဌာန်း
လို့ ခေါ်တယ်။ ကျန်တဲ့အလုပ်တွေလုပ်ရင်းလည်း
နှာခေါင်းဝကိုမှတ်ဗျာ။ ဝေဘူဆရာတော်ကြီးက
ဒီအတိုင်းမှတ်သွားတာဗျ။ မှတ်နိုင်ပါ့မလားဗျာ။
ထိုင်း - မလွယ်ပါဘုရား။ သိပ်မရပါဘုရား။
ဆရာတော် - အဲဒါကျတော့ဗျာ။ မျက်စိကမြင်တဲ့
အခါ ကြည့်စရာရှိရင် မျက်စိမှာ သတိချထားဗျာ။
နားကကြားတဲ့အခါမှာ နားထိပ်မှာ ချထားဗျာ။
သတိနဲ့သွားဗျာ။ တသက်လုံးလုပ်သွားဗျ။
ဘယ်တော့မှ မလွှတ်နဲ့ သိရုံသိသွားဗျာ။
ထိုင်း - မလွယ်ဘူးထင်တယ်ဘုရား။ တရားထိုင်
ချိန်မှာ စိတ်ကိုထိန်းမရပါဘုရား။ စိတ်မငြိမ်ပါ
ဘုရား။ သမာဓိမရပါဘုရား။ အတွေးလည်း
များမိပါတယ်ဘုရား။
ဆရာတော် - တွေးတဲ့စိတ်ကတော့ တွေးမှာပဲ။
ဝိပဿနာဉာဏ်တွေဘယ်လောက်တက်တက်
တွေးမှာပဲ။ စိတ်ကိုမနိုင်ရကောင်းလားဆိုပြီး
ရန်မလုပ်ရဘူး။ လျှော့လည်းမလျှော့ရဘူး။
မှတ်စရာရှိတာသာမှတ်။ အမှတ်များရင်အတွေးက
သူ့ဟာသူလျော့သွားလိမ့်မယ်။
ထိုင်း - ဆရာတော်ကြီးပြောတာ နားလည်ပါပြီ
ဘုရား။
ဆရာတော် - လုပ်နိုင်ပါ့မလား။
ထိုင်း- ကြိုးစားပါ့မယ်ဘုရား။
ဆရာတော် - လူတိုင်းလူတိုင်းဟာမွေးကတည်းက
အတွေးနဲ့မွေးလာတာ။ တစ်သက်လုံးလည်းအတွေး
နဲ့နေတာ။ လုပ်စရာရှိလည်း အတွေးနဲ့လုပ်နေတာ။
အဲဒါ ထိုင်မှတ်တာ ခဏလေးရှိသေးတယ်။ ချက်ချင်း
တောမရနိုင်သေးဘူး။ မှတ်အားကောင်းရင်သူ့ဟာ
သူတက်သွားမှာပဲ။ ဘုရားဟောတဲ့အထဲမှာ သတိ
ပဋ္ဌာန်ဆိုတာရှိတယ်။ အဲဒါ သတိပဋ္ဌာန်ခေါ်တယ်။
နှာခေါင်းမှတ်မှု ပင်တိုင်ထားပြီး တွေးတာနဲ့နှာခေါင်း
နဲ့ ဘယ်ကို စိတ်ရောက်များလဲ။ တွေးတဲ့စိတ်ကို
အရောက်များရင် နှာခေါင်းမှတ်တာ ခဏလွှတ်
လိုက် တွေးပြီးတာနဲ့ နှာခေါင်းပြန်မှတ်။ တစ်ခါ
နှာခေါင်းမှတ်ရင်း ခန္ဓာကိုယ်က နာလာမယ်ဆို
ရင် နာတဲ့ဘက်စိတ်အရောက်များရင် နှာခေါင်း
မှတ်တာကိုလွှတ်ပစ်ပြီး နာတာကိုမှတ်။ ပြီးမှ
နှာခေါင်းကိုပြန်မှတ်။ အသံကိုကြားလို့ ကြားတာ
ဘက်စိတ်ရောက်တာများသွားလို့ရှိရင် နှာခေါင်း
အမှတ်ကိုလွှတ်ပြီး ကြားတဲ့ဘက်ကို မှတ်။
ပြီးမှ နှာခေါင်းကိုပြန်မှတ်။ ရှင်းရဲ့လား။
ထိုင်း - နားလည်ပါတယ် ဘုရား။ တပည့်တော်
မိသားစုထဲက တစ်ယောက်အကြောင်းကိုလျှောက်
ချင်ပါတယ်ဘုရား။
ဆရာတော် - အဲဒါကျ တို့မလုပ်ဘူး။ အဲဒါလောကီ
ကိစ္စတွေ၊ တစ်ဦးလုပ်ပေးလိုက်ရင် တစ်ဦးလုပ်ပေး
ရင် တစ်ပြည်လုံးလာမှာ၊ တို့ နားရတော့မှာမဟုတ်
ဘူး။ တို့တရားအလုပ် လုပ်ရတော့မှာ မဟုတ်ဘူး။
ထိုင်း - ဆရာတော်ကြီးကို အနှောက်အယှက်ပေး
သလိုဖြစ်သွားတယ်ဘုရား။ ခွင့်လွှတ်ပါဘုရား။
ဆရာတော် - တို့ ရန်ကုန်ကတည်းက ဒီမေးတာ
တွေ အိမ်တွင်းရေးတွေက အစ မေးလျှောက်တာ
တွေ အဲဒါတွေ ဒိုင်ခံပြောလာတာ တစ်ယောက်ကစ
တစ်ရာဆိုသလို ဖြစ်လာတယ်။ အဲဒီကတည်းက
ကြောက်လာတာ။ တစ်ဦးပြောလိုက်ရင် တစ်တိုင်း
ပြည်လုံးကလာမှာ။ ဒီလောကီကိစ္စတွေကလျှောက်
ရမှာမဟုတ်ဘူး။ တို့ဒီတောထဲကနေအာရုံပြုပေး
နေတာပဲ။ တို့ရှုမှတ်နေတာဟာ ဒေါသကင်းနေ
တဲ့အတွက် မေတ္တာပဲ။ ဘုရားတို့ ရဟန္တာတို့ဆိုတာ
က ဘယ်သူဘယ်ဝါ ကျန်းမာပါစေလို့တိုက်ရိုက်
ပေးတာမဟုတ်ဘူး။ ရှုမှတ်နေတာဟာ ဓမ္မဓါတ်
လှိုင်းပေးနေတာပဲ။ လ ဟာတစ်ကမ္ဘာလုံးသာနေ
တာပဲ။ မော့ကြည့်သူ ထွက်ကြည့်သူအေးတာပေါ့။
ကိုယ့်ဘက်က ယုံယုံကြည်ကြည်နဲ့ လထွက်ကြည့်
သလိုထွက်ကြည့်နေရင် အကုန်ပြီးတယ်။ ထပ်ပြီး
အဆစ်ပေးလိုက်ဦးမယ်။ သမာဓိ(၃)မျိုးရှိတယ်။
တစ်ခါမှတ်တစ်ခါတည်ရင် ပထမ သမာဓိပဲ။
(၅)မိနစ် (၁၀)မိနစ်ကလေးတည်နေရင် အဲဒါ
ဒုတိယ သမာဓိပဲ။ ၀ိပဿနာအထက်ပိုင်းရောက်
ရင် စိတ်ကဘယ်မှမထွက်တော့ဘူး။ အဲဒါတတိယ
သမာဓိပဲ။
ထိုင်း - မှတ်မိပါတယ်ဘုရား။
ဆရာတော် - လုပ်နိုင်ပါ့မလား။
ုထိုင်း - ရအောင် ကြိုးစားပါ့မယ်ဘုရား။
ဆရာတော် - ဟိုမှာ ဘယ်လိုအားထုတ်လဲ
အဓိဋ္ဌာန်နဲ့လား။
ထိုင်း - ရိပ်သာလည်း သွားပါတယ်ဘုရား။
အိမ်မှာလည်း လုပ်ပါတယ်ဘုရား။ တစ်ရက်
လည်း သွားဖူးတယ်။ သုံးရက်လည်း သွားဖူး
တယ်။ (၁၀)ရက်လည်း သွားဖူးတယ်ဘုရား။
ဆရာတော် - မရဘူး။ အနည်းဆုံး နှစ်လဆက်တိုက်
အားထုတ်ရမယ်။ အင်္ဂုလိမာလ လက်ညှိုးဖြတ်သလို
ဖြစ်နေမယ်။ တစ်ချောင်းဖြတ်လိုက် ဟိုနားထားလိုက်၊
တစ်ချောင်းဖြတ်လိုက် ဒီနားထားလိုက်ဆိုတော့
တစ်ထောင်ရသလား။
ထိုင်း - မရပါဘုရား။
ဆရာတော် - တစ်ထောင်ပြည့်ချင်ရင် ကြိုးနဲ့သီမှ
ရမယ်မဟုတ်လား။
ုထိုင်း - ဥပမာ တအားကောင်းပါတယ်ဘုရား။
ဆရာတော် - တို့တုန်းက မဟာစည်မှာ အားထုတ်ခဲ့
တော့ နှစ်လလောက် အပင်ပန်းခံပြီးအားထုတ်ခဲ့ရ
တယ်။ တစ်ရက်လောက်က အသေအလဲအားထုတ်
ခဲ့ရတာ။ တစ်သက်လုံးက အတွေးနဲ့ အမှတ်နဲ့က
အားပြိုင်နေတာပဲ။ သည်ခံမှစိတ်ရှည်မှရမယ်။
ဇွဲရှိမှ ရတယ်။ စိတ်ရှည်ပါများလာရင် ဒီဘက်က
အမှတ်များသလောက် ဟိုဘက်ကအတွေးနည်း
သွားတယ်။ အတွေးနည်းသွားရင် ကိုယ်မှတ်တဲ့
နေရာ စိတ်ဒက်ခနဲ တစ်ချက်လောက်ကျသွား
တာနဲ့ ဖြစ်လိုက်တာနဲ့ သူ့ဟာနဲ့သူသဘောပေါက်
သွားမယ်။ လမ်းဆုံးအောင်နှစ်လလောက်လုပ်
လိုက်မှဗျ။ လမ်းဆုံးအောင်။ တစ်သက်လုံးသား
တွေမယားတွေအတွက် သထာပြီး၊ ကိုယ့်အတွက်
နှစ်လလောက်မှ မသထာဘူးလား။ ထိုင်းမှာဘာ
အလုပ်လုပ်လဲ။
ထိုင်း - အင်ဂျင်နီယာပါဘုရား။
ဆရာတော် - အင်ဂျင်နီယာနှစ်လလုပ်ရင်ဘယ်
လောက်စားရလဲ။
ထိုင်း - ဘယ်လောက်မှ မများပါဘူးဘုရား။
ဆရာတော် - ဒါက နှစ်လလုပ်လိုက်ရင် ဒီတစ်သက်
မကဘူး။ ဟိုက တစ်သက်ပါ တာဝန်ယူတယ်။
ထိုင်း - ဒီလပိုင်းတော့ မအားပါဘုရား။ နောက်တော့မှ
လုပ်ပါ့မယ် ဘုရား။
ဆရာတော်- သေမင်းက ဘယ်တော့ခေါ်မယ်မှန်းမှ
မသိတာ။ ဒီတော့ ဒီလိုလုပ်။ အိမ်မှာ အဓိဋ္ဌာန်နဲ့
ဘယ်နှရက်၊ ဘယ်အချိန်၊ ဘယ်နှနာရီဆိုပြီး
အားထုတ်ပါ။
ထိုင်း - အဲဒီလိုတော့ လုပ်လို့ရပါတယ်ဘုရား။
ဆရာတော် - တို့တုန်းကတော့ မဟာစည်မှာ
ညယောဂီရှိတယ်။ ညနေ(၆)နာရီက မနက်(၆)
နာရီအတွင်း ည(၂)ကြိမ်၊ မနက်(၂)ကြိမ်ရတယ်။
အဲဒါမဟာစည်မှာ ညယောဂီပဲ။
ထိုင်း - နည်းနည်းတော့ ခက်မယ်ထင်ပါတယ်ဘုရား။
စင်္ကြံနဲ့ထိုင်တာ တွဲမှတ်ရင် ရပါသလားဘုရား။
ဆရာတော် - မဟာစည်မှာ ထိုင်တစ်နာရီ၊
စင်္ကြံတစ်နာရီရှုမှတ်ရတာပဲ။ ရပါတယ်။
ထိုင်း- ဘုန်းကြီးဝတ်ပြီးမှ ရိပ်သာဝင်ရင်ကောင်းပါ
သလားဘုရား။
ဆရာတော်- သင်္ကန်းဝတ်ကြီးထမ်းရတာလေးတယ်။
ရိပ်သာဝင်ရင် ငါသေလည်းထားခဲ့ရမှာ ဆိုတဲ့စိတ်
မွေးနိုင်မှရတယ်။
ထိုင်း - ဆရာသမားလိုတာပေါ့နော်။
ဆရာတော်- သတိရှိရင် ဆရာမလို။ သတိဟာဆရာပဲ။
ထိုင်လို့ သတိမြဲနေပြီဆိုပါစို့။ သတိမြဲကြောင်းကိုနှာခေါင်း
ရှုရင် နှာခေါင်းမှာ လေနိမိတ်ပေါ်ရတယ်။ တို့တုန်းက
ဖောင်းပိန်မှတ်တော့ ဖောင်းနိမိတ် ပိန်နိမိတ် ပေါ်တာ
ပေါ့။ စိတ်တည်ကြောင်းပြတဲ့နိမိတ်ခေါ်တယ်။ စက်များ
ဆိုရင် ဘယ်နှမိုင်ရောက်ရင် ဘယ်နှမိုင်ရောက်ကြောင်း
အချက်ပြသလို တို့ဒီမှာလည်း နှာခေါင်းမှတ်ရင်နှာခေါင်း
အချက်ပြရှိတယ်။ အဲဒီလိုဖြစ်နေတဲ့အချိန်မှာ တို့သံသရာ
အဆက်ဆက်က ပါလာတဲ့ဉာဉ်နဲ့ ဒီကသတိနဲ့သွားတဲ့
ဉာဏ်နဲ့ အဲဒီနေရာမှာ အတိုက်အခံ သွားလုပ်တော့
ဉာဉ်ဘက်က အာရုံဆန်းတွေပေါ်တတ်တယ်။ တခြား
က လာပြီးပြတာမဟုတ်ဘူး။ စရိုက်လိုက်ပြီး ပေါ်တတ်
တယ်။ ဒေါသကြီးသူ ဒေါသကြီးတဲ့အလျောက်ပြမှာ။
ရာဂကြီးတဲ့သူ ရာဂအလိုက်ပြမှာ။ အဲဒါကိုသတိနဲ့
မကြောက်မရွံ့သွားနိုင်ရင် ဆရာမလိုဘူး။ လာချင်
တာ လာမှတ်မှာပဲ။ အဲဒါကြောင့် ဆရာမလိုဘူးပြော
တာ။
ထိုင်း - အဲဒီလို တစ်ယောက်တည်း သွားလုပ်လို့
သိပ်အဆင်မပြေဘူးထင်ပါတယ်ဘုရား။
ဆရာတော် - အများဆုံးတွေ့ရတာက သမာဓိ
တည်ကြည်ခါစ ၀ိပဿနာဉာဏ်တက်တော့ စာလို
အနိစ္စ၊ ဒုက္ခ၊ အနတ္တ လက္ခဏာမြင်ရတာကိုတို့က
အတ္တစွဲတာကိုး။ ဟိုက အနတ္တပြမှာ တို့က နိစ္စစွဲတာ။
ဟိုက အနိစ္စပြမှာ တို့က သုခလို့ထင်တာကို။ အဲဒီ
အချိန်မှာပေါ်တာပဲ။ သဒ္ဓါထက်သူကျတော့ ဘုရား
ရဟန္တာတို့ပေါ်တယ်။ နတ်တို့ပေါ်တယ်။ ပေါ်ရုံတင်
မက လာကိုပြောတာရှိတယ်။ မြင်ရုံမြင်တာပဲရှိတယ်။
အဲဒါကို ဘယ်ကိုမှမလိုက်ဘဲ ကိုယ့်ရှုကွက်ကို လက်
မလွှတ်နဲ့။ အဲဒါဆိုရင် မှားစရာမရှိဘူး။ ကိုယ့်ရှု့ကွက်
ကို လက်လွှတ်ပြီး အဲဒီနောက်သွားရင် လမ်းမှားပြီ။
ထိုင်း - တပည့်တော် အားထုတ်လာတာ တစ်ခါမှ
နိမိတ်မပေါ်သေးပါဘူးဘုရား။
ဆရာတော်- တစ်ရက် နှစ်ရက်လောက်နဲ့တော့
မတွေ့နိုင်ဘူး။ သတိအားကောင်းမှ အတွေးမ၀င်မှ
ပေါ်တာ။ တို့ကိုယ်ခန္ဓာမှာ သွေးကလည်ပတ်
နေတာ။ အတွေးနဲ့လည်တယ်။ သောကနဲ့လည်
တယ်။ မာနနဲ့လည်တယ်။ အဲဒီအချိန်မှာတို့သွေး
က မည်းနေတာ။ သွေးကမကြည်ဘူး။ နောက်နေ
တာ။ အဲဒီတော့ မှတ်ဟဲ့။ မှတ်ပါများတော့ အဲဒီ
စိတ်တွေမပါဘူး။ အတွေးမပါတော့ သွေးကြည်
တာပေါ့လေ။ သွေးကြည်ပါများတော့ မှန်ကြည့်
တော့ အရိပ်ပေါ်သလိုပေါ့လေ။ အဲဒီတော့မှ
နိမိတ်ပေါ်တာ။
ထိုင်း - တရားထိုင်တဲ့အခါ အရှင်ဘုရားကို စိတ်နဲ့
တည်ပြီး တပည့်တော်၏ဆရာသမားဖြစ်တော်မူ
ပါလို့ တောင်းလို့ရပါသလားဘုရား။
ဆရာတော် - စိတ်ကအဓိဋ္ဌာန်တာတော့ ရတယ်။
လာ မလာတော့ မသိဘူး။ တို့က အိပ်ပျော်နေတဲ့
အခါ ရှိတယ်။ အဲဒီအခါကျတော့ မလာဘူးပေါ့ဗျာ။
တို့က နိမိတ်ပြောတော့ ဒီနိမိတ်ပေါ်အောင်အမျှော်
နဲ့ လုပ်ရင် ဘယ်တော့မှ မပေါ်ဘူး။ မှန်နဲ့မျက်ခွက်
တည့်မှ အရိပ်ပေါ်သလို ရှု့ကွက်နဲ့မှတ်စိတ်တည့်
လို့ စိတ်အကြည်ဓါတ်လာရင် ဒီနိမိတ်ပေါ်လာတာ
ပဲ။ တရားက အဲဒီလိုပဲ။ တရားရအောင်လုပ်မယ်လို့
စိတ်ဘယ်တော့မှ မထားနဲ့။ ကြိုးစားချင်တဲ့စိတ်သာ
ရှိရမယ်။ ရချင်တဲ့စိတ်မရှိရဘူး။ သူပြတဲ့နေရာကို
ကြည့်နေရင် တရားက သူ့ဟာသူ ဇာတ်ကောင်
တွေက ပြလာမှာ။
ထိုင်း - စောစောက ဒေါက်တာကြီး( ကပ္ပိယ
ဒေါက်တာ သန်းထွန်းအောင်ကိုဆိုလိုပါသည်။)
နဲ့ တရားစကား နည်းနည်းဆွေးနွေးတော့
ဒေါက်တာကြီးက ပွဲကြည့်ရသလို ကြည့်ရတာ
လို့ ဆရာတော်ကြီးဆုံးမဖူးတယ်လို့ ပြောပါတယ်။
ကလေးလို မကြည့်နဲ့ လူကြီးလိုကြည့်လို့ပြောပါ
တယ်ဘုရား။
ဆရာတော် - လိုချင်စိတ်နဲ့ကြည့်ရင် တွေ့ခဲတယ်။
စိတ်မပါလက်မပါကြည့်ရင် သွေးကမဲနေလို့မမြင်ရ
ဘူး။ မရရအောင် မခံချင်စိတ်နဲ့လုပ်တော့ သွေးက
မည်းတယ်။ အဲဒီတော့ မမြင်ရဘူးပေါ့။ အဲဒီတော့
တရားရှာတဲ့အခါ အဲဒီစိတ် (၃)စိတ်မပါရဘူး။
သတိနဲ့မှတ်တော့ ကိုယ်မမြင်ဖူးတဲ့ရှု့ကွက်တွေ
ထဲက အရာတွေမြင်လိမ့်မယ်။ နှာသီးဝဆိုနှာသီးဝ
ပေါ့။ လေရဲ့နိမိတ်တွေ လေတန်းတွေမြင်ချင်မြင်
မှာပေါ့။ မြင်လာတော့ ယုံလာတယ်။ ခန္ဓာဖြစ်ပျက်
မြင်လေလေ ယုံလေလေပဲ။ ဆရာသမားအပေါ်
ယုံတာလည်း ဖြစ်နိုင်တယ်။ ဒီလိုယုံလာရင်သွေးက
ကြည်လာတာ။ ကြည်လာမှ ဒီဖြစ်ပျက်မြင်လာတာ။
ထိုင်း - လောကထဲကျင်လည်နေတဲ့အတွက် ငါးပါး
သီလ မလုံတဲ့အခါတွေလည်းရှိတော့ သီလမစင်
ကြယ်ရင် တရားအားထုတ်တဲ့အခါ အနှောင့်အယှက်
များ ဖြစ်နေမလားဘုရား။
ဆရာတော် - ထိုင်မယ့်အချိန်မှာ သီလယူပါ။
သီလယူတယ်ဆိုတာ အရင်တုန်းကဟာတွေကို
အဖြတ်ခိုင်းတာပဲ။ ဘာစည်မှ ချဖို့မလိုဘူး။
ဘေးက အနှောင့်အယှက်မလုပ်နိုင်အောင်
သာသနာတော်စောင့်နတ်တွေက စောင့်ရှောက်
ပေးရတယ်။ ဆိုင်ရာနတ်တွေက စောင့်ရှောက်ပေး
ရမယ်။ သာသနာတော်စောင့်နတ်တွေက တာဝန်
ယူပေးရတာ။ ဒါကြောင့် သီလယူရတာ။
ထိုင်း - ဆရာတော်ကြီးက မေတ္တာထားပြီး အချိန်
တွေ အများကြီးပေးတာ ၀မ်းသာပါတယ်ဘုရား။
အားလည်း နာပါတယ်ဘုရား။
ဆရာတော် - ကိုယ်လုပ်ချင်တာကိုလုပ်၊ သတိလေးနဲ့
လုပ်၊ သတိမပါရင် တို့ဉာဉ်ကခိုင်းတာလုပ်ရလိမ့်
မယ်။ သတိပါတော့ တို့ခိုင်းတာကို ဉာဉ်ကလုပ်ပေး
ရမှာ။ ဘုရားတရားအပေါ်မှာ ဖြည်ချုပ်ပြီး ၀ယ်ရတာ
မရှိဘူး။ အောင့်ပြီးဖယ်ရတာမရှိဘူး။ အမှတ်မှတ်ရင်း
နဲ့ နောက်တော့ သူ့ဟာသူသိသွားပြီး သတိက ၀ယ်
သွားတာ။ တို့ဝယ်တာမဟုတ်ဘူး။
ထိုင်း - တရားအားထုတ်ဖို့ စဉ်းစားနေပါတယ်ဘုရား။
အာမခံပြီးတော့ မလုပ်ဖြစ်မှာ စိုးပါတယ်ဘုရား။
ဆရာတော် - ဘုရားသား ဖြစ်ချင်သလား မဖြစ်ချင်ဘူး
လား။
ထိုင်း - ဖြစ်ချင်ပါတယ်ဘုရား။
ဆရာတော် - သတိရှိရင် ဘုရားသားပဲ။ သတိမရှိရင်
အလကားပဲ။ ဘုရားသားဖြစ်ချင်ရင် သတိရှိမှဖြစ်တာ။
တို့ဒကာဒကာမတွေ ကျမ်းမာချမ်းသာကြပါစေ။
ညီညီတင်
အပ္ပမာဒဓမ္မရသမဂ္ဂဇင်း
၂၀၁၅ခုနှစ်၊ ဧပြီလ။

Saturday, May 7, 2016

အုတ်ခဲပုံကြီးကို ရှိခိုးဦးချနေခြင်းမဟုတ်

Su Su Hlaing and Myint Gyi shared ဓမ္မရတနာ's photo.
  • အုတ်ခဲပုံကြီးကို ရှိခိုးဦးချနေခြင်းမဟုတ်
    =================================
    တစ်ခုချင်းစီ၏ အဓိပ္ပါယ် အကျဉ်းများမှာ -
    (၁) တံခွန်တိုင် = မာန ( ရတနာတော်မြတ် ၃ ပါးအား ...ဖူးမျှော်မာန်လျော့ ကန်တော့ရန်)
    (၂) ပန်းတင်ခုံ = ပတ္ထနာ - နိဗ္ဗာန်ရောက်ကြောင်း ဆုတောင်းရန်
    (၃) ရှစ်မြှောင့် = မွေးခြင်း(၄)မျိုး+ သေခြင်း(၄) မျိုးကို နှလုံးသွင်းဆင်ခြင်ကြရန်
    (၄) ကြီဝင်း-၅ခု = ဂတိ-၅ပါးမှ လွတ်အောင် ကြိုးစားကြရန်
    (၅) ခါးစည်း = သီလ/သမာဓိ/ပညာ ဟူသော အဓိသိက္ခာ-၃ပါးဖြင့် ခါးကိုစည်းနိုင်ကြရန်
    (၆) ခေါင်းလောင်း = မိမိတို.၏ ကုသိုလ်ကောင်းမှုများကို ကုသိုလ်ငတ်မွတ်နေသောသတ္တ၀ါများသို့ မျှဝေပေးရန်
    (၇) ဖောင်းရစ်-၇ရစ် = ၀ိသုဒ္ဓိ ၇ပါး(စင်ကြယ်ခြင်း ၇မျိုး)ပြည့်စုံအောင်ကြိုးစားကြရန်
    (၈) သပိတ်မှောက် = တဏှာ/မာန/ဒိဌိ(အယူမှား) ဟူသော သံသရာနယ်ချဲ့တတ်သည့်ပပဉ္စတရား(၃)ပါးတို.ကို သပိတ်မှောက် ဆန့်ကျင်တော်လှန်ကြရန်
    (၉) ဘီလူးပန်းဆွဲ-၁၆ခု = ဥာဏ်စဉ်-၁၆ပါး ရအောင်ကြိုးစားကြရန်
    (၁၀) ကြာမှောက်/ကြာလှန်= ကြာပန်းသည် ဗုဒ္ဓမြတ်စွာဘုရား၏သင်္ကေတ
    (၁၁) ထီးတော်ဘုံ ၇ဆင့် = အေးငြိမ်းသည့် အရိယာသူတော်စင်တို့ ရရှိခံစားရသည့်မဂ်(၃)တန်+ ဖိုလ်(၄)တန်(သောတာပတ္တိမဂ်အပါအ၀င်)
    (၁၂) ငှက်မြတ်နား = ရဟန္တာအရှင်မြတ်တို. ခန္ဒာဝန်မချမီ စာရေး စာချ တရားဟော တရားပြ/သာသနာပြုသူတော်မြတ်အလုပ်များဖြင့် ခေတ္တနားခိုရာ
    (၁၃) စိန်ဖူးတော် = စိန်တွင် အညစ်အကြေးပါဝင်မှု ကင်းစင်သလို ကမ္ဘာပေါ်တွင် အမာဆုံးပစ္စည်းဖြစ်သလို၊စ်ိတ်အညစ်အကြေး(ကိလေသာ)အားလုံး ကင်းစင်သည့် နိဗ္မာန်တရားတော်မြတ်
    သူတော်ကောင်းတရား လွှမ်းပတ်ကမ္ဘာတည်ပါစေ…
    ယုတ်မာညစ်ဆိုး ဒုစရိုက်မျိုးကို
    သူတော်လက်နက် တရားစက်ဖြင့်
    ဖြိုဖျက်နိုင်ကြပါစေ…
    အလောင်းအလျာ ဖြည့်ကောင်းရာသည့်
    သုံးဖျာဆယ်လီ ပါရမီတော်တို့ကို
    မလင့်ပုံသေ ဖြည့်ကျင့်နိုင်ကြပါစေကုန်သတည်း
    မေတ္တာဖြင့်မျှဝေသူ
    ကိုညာကြီး…

Sunday, May 1, 2016

ဗုဒ္ဓဘာသာ(၅)မျိုး



မြန်မာအွန်လိုင်းစာအုပ်စင်
ဗုဒ္ဓဘာသာ(၅)မျိုး
.......................
မြတ်စွာဘုရားက “နောင်အနာဂတ်မှာ ဗုဒ္ဓဘာသာ (၅)မျိုး ကွဲပြားလိမ့်မယ်” ဟု ဟောတော် မူခဲ့ပါတယ်။
ယနေ့ခေတ်လူတွေဟာ ဘာသာအသိတရား တ...ဖြည်းဖြည်းနဲ့ ခေါင်းပါးလာပြီ။ ဘုရားတောင် မှ ထိခြင်းငါးပါးနဲ့ ဦးချရကောင်းမှန်း မသိကြတော့ပါဘူး။ ဒီလိုအခြေအနေတွေကို ကြို၍သိလို မြတ်စွာဘုရားက ဟောတော် မူခဲ့ပါတယ်။
အဲ့ဒီ ဗုဒ္ဓဘာသာ(၅)မျိုးကတော့...

(၁) ကုလဗုဒ္ဓဘာသာ
(၂) လာဘဗုဒ္ဓဘာသာ
(၃) ဘယဗုဒ္ဓဘာသာ
(၄) သဒ္ဓါဓိကဗုဒ္ဓဘာသာ
(၅) ပညာဓိကဗုဒ္ဓဘာသာ
(၁)ကုလဗုဒ္ဓဘာသာ......ကုလ ဗုဒ္ဓဘာသာဆိုတာ ရိုးရာဗုဒ္ဓဘာသာကို ပြောတာပါ။ မိဘ ဗုဒ္ဓဘာသာမို့ သားသမီးက ဗုဒ္ဓဘာသာဖြစ်လာ ရတာပါ။ မိဘက ခရစ်ယာန်ဆိုရင် သားသမီးကလည်း ခရစ်ယာန်။ ဒါကို မိရိုးဖလာ ကုလဗုဒ္ဓဘာသာပေါ့။ မိဘက ဗုဒ္ဓဘာသာမို့သာ သားသမီးက ဗုဒ္ဓဘာသာဖြစ်လာ ရတာပါ။ ဘုရားရှင် ဘာလို့ပွင့်မှန်းလည်း မသိ၊ ဘုရားက ဘာတရား ဟောမှန်းလည်း မသိ၊ ကိုးကွယ်နေတဲ့ မြတ်စွာဘုရား ဘာကြောင့် ကိုးကွယ်ရမှန်းလည်း မသိ။ တရားတော်ကို ဘာ ကြောင့် ကိုးကွယ်ရမှန်း မသိ၊ ဘုရားကို ဦးချတာ ဘာရည်ရွယ်ချက်နဲ့ ဦးချမှန်း မသိ၊ ဘာ ကြောင့် ဒီလောက်ရိုရိုသေသေနဲ့ အလေးပြုနေမှန်းကို မသိတာ။ လုပ်တော့ လုပ်နေတာပဲ။ အသိပညာ ဘာမှ မပါတာ ကုလ ဗုဒ္ဓဘာသာပါ။
(၂)လာဘဗုဒ္ဓဘာသာ.......လာဘ ဗုဒ္ဓဘာသာဆိုတာ လာဘ်လာဘလိုလို့ ကိုးကွယ်တဲ့ ဗုဒ္ဓဘာာသာမျိုးကို ဆိုလိုတာပါ။ ဒီဘဝ စီးပွားရေးလေးများ တက်မလားဆိုပြီးမှ ဘုရားကိုးကွယ်တာမှာ ရွေးပြီးကိုးကွယ်တယ်။ ဒီဘုရားကို ကိုးကွယ်ရင်တော့ လာဘ်လာဘ ပေါများတယ်၊ ဟိုဘုရား ကိုးကွယ်ရင်တော့ဖြင့် စီးပွားရေး တက်တယ်ဆိုပြီး ရွေးကိုးကွယ်တာ လာဘ ဗုဒ္ဓဘာသာပါ။ ဘုရားကိုးကွယ်မှသာ လာဘ်ပေါများမယ်ဆိုရင် ဘုရားမကိုးကွယ်တဲ့ ခရစ်ယာန်တွေ ဘာလို့ လာဘ်ရွှင်နေလဲ။အဓိကက စီးပွားဖြစ်နေတယ်ဆိုတာ ဘုရားကြောင့် မဟုတ်ပါဘူး။ ကံ၊ ဉာဏ်၊ ဝိရိယ၊ သတ္တိ ကြောင့်ပါ။ အိမ်ခြံ ဝယ်မယ်/ရောင်းမယ်။ အိမ်နေရာ ပြောင်းမယ်ဆိုရင်တောင်မှ ရက်ရာဇာ၊ ပြဿဒါး ရွေးနေတာတွေ။ ဘုရားကျောင်းဆောင်ပေါ်မှာ ဘိုးတော်၊ ဘွားတော်ပုံတွေကို တင် ထားတာတွေ။ ကိုကြီးကျော်၊ မနှဲလေး အစရှိတဲ့ နတ်တွေ ကိုးကွယ်တာတွေ။ ဗေဒင်တွေ ယုံ ကြည်ပြီး ယတြာတွေ ချေလိုက်ကြ စသည့် လာဘ်လာဘများ လိုချင်လို့ ကိုးကွယ်နေကြတဲ့ ဗုဒ္ဓဘာသာများကို လာဘဗုဒ္ဓဘာသာလို့ ခေါ်ပါတယ်။
(၃)ဘယဗုဒ္ဓဘာသာ......ဘယ ဗုဒ္ဓဘာသာဆိုတာ ဘေးကိုကြောက်လို့ ကိုးကွယ်တာကို ခေါ်ပါတယ်။ အန္တရာယ်ကင်း ဖို့၊ ဘေးရှင်းဖို့၊ အသက်ရှည်ဖို့၊ ကျန်းမာဖို့၊ ဒီလိုအတွေးအခေါ်တွေနဲ့ ဘုရားကိုးကွယ်တာကို ဘယ ဗုဒ္ဓဘာသာဟု ခေါ်ပါသည်။ ဒီဘုရားကို ကိုးကွယ်မှ အသက်ရှည်မည်သာဆိုရင် ဘုရား မကိုးကွယ်တဲ့ ခရစ်ယာန်၊ အစ္စလာမ်တွေ အသက်ရာကျော် ရှည်နေကြတာ ဘာလို့ပါလဲ။ဘာမှမသိဘဲ ရမ်းကိုးကွယ်တာ ကုလ ဗုဒဘာသာ၊ လာဘ်လာဘ လိုချင်လို့ ကိုးကွယ်တာကို လာဘ ဗုဒ္ဓဘာသာ။ ဘေးကြောက်ပြီး အကိုးအကွယ် မှားနေတာ ဘယ ဗုဒ္ဓဘာသာ။ ဒီ ကုလ၊ လာဘ၊ ဘယ ဗုဒ္ဓဘာသာ (၃)မျိုးကို အောက်တန်းစားဗုဒ္ဓဘာသာများဟု ခေါ်ပါသည်။ ဟိုလူ မပါ။ ဒီလူမပါ။ ဟိုလူ့ ပသပါတယ်။ ဒီလူ့ ပသပါတယ်။ လက်ညှိုးထိုး ခွက်လှန် လုပ်နေတာ တွေကို ဘုရားက သူတောင်းစား ဗုဒ္ဓဘာသာပါတဲ့။ခန္ဓာမှာ အသိ၊ ဘာသာရေး အသိဓာတ်ခံနည်းတော့ လိမ်စားနေတဲ့သူတွေက လိမ်လို့အရမ်း ကောင်းနေပါတယ်။ ဘုရားလည်း ကိုးကွယ်ရသေး၊ တရားလည်း ကိုးကွယ်ရသေး၊ ဆွမ်းဦးကို လည်း လောင်းလှူရသေး၊ သာသနာတော်ကိုလည်း ပစ္စည်းလေးပါးဖြင့် လှူဒါန်းပူဇော် ဆက် ကပ်ရသေး။ ဘာအတွက် ဒါတွေ လုပ်နေရတာလဲ? ဘာအတွက် သာသနာကို ချီးမြှောက်နေ တာလဲ? ဘာအတွက် ကျောင်းဆောက် နေတာလဲ? စဉ်းစားပါ။ ဝေဖန်ပါ။ သုံသပ်ပါ။
(၄)သဒ္ဓါဓိကဗုဒ္ဓဘာသာ.......သဒ္ဒါဓိကဗုဒ္ဓဘာသာဆိုတာ သဒ္ဒါတရားကို အရင်းခံပါတယ်။ သဒ္ဒါတရားဆိုတာ ယုံကြည်ချက် ပါ။ ဘုရား၊ တရား၊ သံဃာကို တကယ်သက်ဝင် ယုံကြည်တာကို ခေါ်ပါတယ်။ ယုံကြည်တဲ့နေ ရာမှာလည်း မှန်မှန်ကန်ကန် ယုံကြည်တဲ့ သမ္မာသဒ္ဒါနဲ့၊ မှားမှားယွင်းယွင်း ယုံကြည်တဲ့ မိစ္ဆာ သဒ္ဒါဆိုပြီး (၂)မျိုး ရှိပါတယ်။ သမ္မာသဒ္ဒါ မှန်မှန်ကန်ကန်ယုံကြည်ချက်ဆိုတာ သစ္စာတရားကို သိတော်မူတဲ့ မြတ်စွာဘုရားဟာ ဝေနေယျ သတ္တဝါတွေကို သူသိသကဲ့သို့ မေတ္တာ၊ ဂရုဏာ တော် အပြည့်နဲ့ သစ္စာလေးချက်၏ အနက်ကို ဟောကြားတော် မူခဲ့ပါသည်။ ဒီတရားတော်ရဲ့ အနက်တွေကို ပိုင်ပိုင်နိုင်နိုင် သိတော်မူသွားကြတဲ့ အရိယာသူတော်စင်ကြီးတွေဟာ နိဗ္ဗာန် ဝင်စံ သွားကြပါတယ်။ နိဗ္ဗာန်ဆိုတာ အို ၊သေ၊ နာ လွတ်ရာပါ။အသေလွတ်ရာ ပြတတ်လို့ "မြတ်စွာဘုရားအား ကိုးကွယ်ပါ၏" ဆိုတဲ့ ယုံကြည်ချက်ဟာ မှန်ကန်သော ယုံကြည်ချက်၊ တရားတော်ကို ဘာကြောင့် ကိုးကွယ်ရသလဲ?။ မြတ်စွာဘုရား ဟောတော်မူခဲ့သော တရားတော်ကို ကြိုစားအားထုတ်လိုက်လို့ တရားလမ်းကြောင်းအတိုင်း သာ လျှောက်သွားနိုင်ရင် နိဗ္ဗာန်ရောက်ပါမည်။ ထိုအသေလွတ်ရာသို့ပို့ဆောင်တာ တရားက ပို့ဆောင်တာပါ။ ပုဂ္ဂိုလ်က ပို့ဆောင်တာ မဟုတ်ပါဘူး။ ထိုတရားတွေ မကွယ်မပျောက် သေး တာ ဘယ်သူ့ကျေးဇူးပါလဲဆိုရင် သံဃာတော်တွေရဲ့ ကျေဇူးပါ။ ဘုရားရှင် ဟောတော်မူသော ဓမ္မက္ခန္ဓာပေါင်း ရှစ်သောင်းလေးထောင်၊ သုတ်ဝိနည်း အဘိဓမ္မာတရားတွေကို သံဃာတော် တွေက ဆောင်ထားတာပါ။ ပိဋကသုံးပုံကို သံဃာတော်တွေက စောင့်ရှောက် ထားခဲ့တာပါ။ သံဃာတော်ကို ယုံကြည်မှု၊ ဒါတွေက ရတနာမြတ်သုံးပါးကို မှန်မှန်ကန်ကန်နဲ့ ယုံကြည်ကြတဲ့ သမ္မာသဒ္ဒါ ယုံကြည်မှု။ မိစ္ဆာသဒ္ဒါယုံကြည်မှုက လာဘ်လာဘ ပေါတယ်။ အန္တရာယ် ကင်း တယ်ဆိုပြီး ကိုးကွယ် ယုံကြည်နေတာ မိစ္ဆာသဒ္ဒါ။လာဘ်လာဘ ပေါတယ်ဆိုတဲ့ လာဘဗုဒ္ဓဘာသာ ယုံကြည်ချက်၊ အန္တရာယ်ကင်းအောင် ဆိုပြီး ဘယ ဗုဒ္ဓဘာသာတွေရဲ့ ယုံကြည်ချက်၊ ဗုဒ္ဓရဲ့ ဂုဏ်ကျှေဇူးကို ဘာမှနားမလည်ဘဲ သူများက ဦးတိုက်နေလို့သာ ရမ်းဦးတိုက်ရတဲ့ ကုလဗုဒ္ဓဘာသာတွေရဲ့ ယုံကြည်မှု၊ ဒါတွေဟာ မိစ္ဆာသဒ္ဓါ တွေပါ။ အသေလွတ်ရာလမ်းကို ပြတတ်လို့၊ အသေလွတ်ရာ ပို့ဆောင်နိုင်ခဲ့လို့၊ အသေလွတ် ရာ တရားကိုဆောင်ထားနိုင်လို့ "ရတနာသုံးပါးကို ကိုးကွယ်ပါ၏" ဆိုတဲ့ သမ္မာသဒ္ဒါ။ အနှစ် သာရ မရှိတာကို မရှိဘူးလို့ သိပါတယ်၊ အနှစ်သာရ ရှိတာကို ရှိတယ်လို့ သိပါတယ်၊ မှား တာကို မှားတယ်လို့ သိတယ်၊ မှန်တာကို မှန်တယ်လို့ သိတယ်၊ သိတဲ့အပြင် အမှားလမ်းကို ရှောင်၊ အမှန်လမ်းကို ဆောင်တာသည် သမ္မာသဒ္ဒါရှိတဲ့ သဒ္ဒါဓိက ဗုဒ္ဓဘာသာပါ။
(၅)ပညာဓိကဗုဒ္ဓဘာသာ......သစ္စာတရားကို သေချာသိတဲ့ ဗုဒ္ဓဘာသာကို ပညာဓိက ဟုခေါ်သည်။ ပညာဓိက ဗုဒ္ဓဘာ သာဟာ တရားတော်ကို ယုံကြည်တယ်။ တရားတော်ကို ဘယ်လိုယုံကြည်တာလည်းဆိုတော့ ရမ်းယုံကြည်တာမဟုတ်ဘဲ ခန္ဓာအသိနဲ့ အသေအချာသိပြီး ယုံတယ်။ ထိုသို့သိတာကို ပညာ ဟုခေါ်ပါသည်။ သစ္စာလေးပါးကို အသေအချာ ပညာနဲ့သိတဲ့ ဗုဒ္ဓဘာသာ၊ ဖြစ်ပျက်မှုတွေကို သိတဲ့ ဗုဒ္ဓဘာသာ၊ ဖြစ်ပျက် မြင်တာ ခန္ဓာက မြင်တာလား? ပညာက မြင်တာလားဆိုတော့ ပညာက မြင်တာပါ။ ပညာဓိက ဗုဒ္ဓဘာသာပါ။ ဘုရားက မင်းတို့ခန္ဓာထဲမှာ ဖြစ်တာနဲ့၊ ပျက် တာပဲ ရှိတာလို့ ဟောခဲ့ပါတယ်။ ဒါကို ကိုယ်တိုင် သစ္စာတရားကို သေချာသိပြီး ကျင့်ကြံလိုက် တော့ မြင်တယ်။ ကိုယ်တိုင်မြင်တော့ ယုံကြည်လာတယ်။ ယုံကြည်တော့ သဒ္ဒါ၊ ဖြစ်ပျက်မြင် တာက ပညာ။ ထိုကြောင့် သဒ္ဒါနဲ့ပညာဟာ သွားပြီး တွဲနေပါတယ်။သဒ္ဒါတရား မှန်မှန်ကန်ကန်ဖြင့်သာ ကြိုးစားမယ်ဆိုရင် အပ္ပါယ်လေးပါးမှ လွတ်မြောက်နိုင်ပါ ၏။ ဒို့မှာ အပ္ပါယ်မျိုးစေ့တွေ၊ အပ္ပါယ်ကျကြောင်းကံတွေ လုပ်ထားတာရှိကြပါတယ်။ ဒါတွေကို ဘယ်သူမှ ဝင်တားလို့ မရပါဘူး။ သူ့ကို တားချင်ရင်၊ သူ့ကို အကျိုးမပေးစေချင်ရင် ဘာနဲ့ ဖြတ်ရမလဲဆိုတော့ ဉာဏ်နဲ့ဖြတ်ရမယ်။ ဉာဏ်နဲ့ဖြတ်လိုက်လို့ ဖြစ်ပျက်မဂ်ဆိုက်နေတဲ့ ပုဂ္ဂိုလ် မှာ သဒ္ဒါလည်း ပါတယ်၊ ပညာလည်း ပါတယ်။ ဒါသည် သဒ္ဒါဓိကနှင့် ပညာဓိက ဗုဒ္ဓဘာသာ ဖြစ်ပါသည်။ သဒ္ဒါဓိကနှင့် ပညာဓိက ဗုဒ္ဓဘာသာဟာ အထက်တန်း ဗုဒ္ဓဘာသာပါ။
(ဒီဗုဒ္ဓဘာသာ(၅)မျိုးအကြောင်းအား အရှင်ဇောတိကသာရ(စဥ့်ကူး) ရေးးသားပူဇော်ခဲ့သည့် မိုးကုတ်မြို့၊ ကုန်းမြင့်သာရပ်၊ ဓမ္မရံသီရိပ်သာ၊ ပဓာနနာယက ကမ္မဠာနစရိယ နယ်လှည့်ဓမ္မ ကထိကဆရာတော် ဘဒ္ဒန္နသုနန္ဒ ဟောကြားတော်မူသော ဗုဒ္ဓဘာသာ(၅)မျိုးနှင့် သစ္စာလေး ပါး တရားတော် စာအုပ်မှ ကောက်နှုတ် ဖော်ပြခြင်း ဖြစ်ပါတယ်)
Myanmar Journal - မှ ပြန်လည် မျှဝေလိုက်ပါတယ် ... ။
(ဆရာတော် ဦးနရိန္ဒ ငြိမ်းချမ်းရေး စာမျက်နာမှကူးယူဖေါ်ပြ၏)

ဗန်းမော်ဆရာတော်ဘုရားကြီး၏သမ္ဗုဒ္ဓေဂါထာတော်ကြီးရှင်းပြချက်

ခါးခါး တူးတူး with Myo Mg Mg and 9 others.
ဗန်းမော်ဆရာတော်ဘုရားကြီး၏
သမ္ဗုဒ္ဓေဂါထာတော်ကြီးရှင်းပြချက် (သိမ်းဆည်းထားရန် ကူးယူဖော်ပြသည်)
× × × × × × × × × × × ×
...
သမ္ဗုဒ္ဓေဂါထာတော်ပါဠိရွတ်ဖတ်ပုံ
သမ္ဗုဒ္ဓေ အဋ္ဌဝီသဉ္စ၊ (သမ်ဗုတ်ဓေ အထဝီသင်စ)
ဒွါဒသဉ္စ သဟဿကေ၊ (ဒွါဒသင်စ သဟသကေ) ပဉ္စဿတ သဟဿာနိ၊ (ပင်စ သတ်တာ သဟသာနိ) နမာမိ သိရသာမဟံ။ (နမာမိ သိရသာမဟံ)
အပ္ပကာ ဝါဠုကာ ဂင်္ဂါ၊ (အပ်ပကာ ဝါလုကာ ဂင်ဂါ)
အနန္တာ နိဗ္ဗုတာ ဇိနာ၊ ( အနန်တာ နိတ်ဗုတာ ဇိနာ)
တေသံ ဓမ္မဉ္စ သံဃဉ္စ၊ (တေသံ ဓမ်မင်စ သံဃင်စ)
အာဒရေန နမာမဟံ။ (အာဒရေန နမာမဟံ)
နမက္ကာရာ နုဘာဝေန၊ (နမက်ကာရာ နုဘာဝေန)
ဟိတွာ သဗ္ဗေ ဥပဒ္ဒဝေ၊ (ဟိတွာ သတ်ဗေ ဥပတ်ဒဝေ)
အနေက အန္တရာယာပိ၊ (အနေက အန်တရာယာပိ)
ဝိနဿန္တု အသေသတော။ (ဝိနတ်သန်တု အသေသတော)
ဆရာတော်ကြီး တိုကျိုမြို့ ၊ နိပိုရီသုဿ န်သို့ မေတ္တာပို့ရန် ကြွရောက်တော်မူလာစဉ် အေး.. သမ္ဗုဒ္ဓေ ဆိုတာ ဘုရားရှင်တို့ကို အဋ္ဌ၀ီသဉ္စ ဆိုတာ အဋ္ဌက (၈) ဝီသဉ္စက (၂၀)။ (၈)(၂၀) ဆိုတော့ (၂၈) ပေါ့။ နှစ်ကျိပ်ရှစ်ဆူသော ဘုရားရှင်တို့ကို နမာမိ သိရသာ မဟံ ၊ မဟံ တပည့်တော်သည် သိရသာ ဦးခေါင်းတော်ဖြင့် နမာမိ ရှိခိုးပါ၏။ ဘုန်းဘုန်းရှိခိုးတာလေးကြည့်စမ်းအုံး။
ဦးခေါင်းဖြင့်ရှိခိုးပါ၏ ဆိုတာ ရှိခိုးပြစမ်းပါ။
အေး…အဲဒီလို ရှိခိုးတာကို ခေါင်းဖြင့်ရှိခိုးတယ်လို ခေါ်တယ်နော်။ ဟောဒီလိုရှိခိုးတာကျတော့ လက်အုပ်ချီ၍ ရှိခိုးပါ၏။ ဟုတ်လား။ ဟောဒါကြတော့ လက်ဆယ်စုံ ထိပ်မှာမိုး၍ ရှိခိုးပါ၏။ ဒီခေါင်းပေါ်ကို လက် (၁၀)ချောင်းတင်လိုက်တာ ။ (မှန်လှပါဘုရား) ။ နတ်တွေ ဗြဟ္မာတွေ ရှိခိုးတာနည်းက အဲဒီလို ရှိခိုးတာနော်။ နတ်တွေ ဗြဟ္မာတွေက ဟောဒီလို ရှိခိုးတာ။ အဲဒီလိုရှိခိုးတဲ့ရုပ်ပုံတွေ မြင်ဖူးကြလား။ (မြင်ဖူးပါတယ်ဘုရား)။ ဘယ်မှာ မြင်ဖူးတုန်း။
အဲဒီလို ရှိခိုးတာတွေ အညာမှာတော့ ကောင်းမှုတော် ဆိုတဲ့စေတီကြီး မြင်ဖူးကြလား။ (မြင်ဖူးပါတယ်ဘုရား)။ အကြီးကြီးလေ ဒီလိုကြီး အဲဒီလို ပုံကြီး။ အဲဒီ ကောင်းမှုတော်စေတီကြီးဘေးမှာ နတ်ရုပ်တွေ၊ ဗြဟ္မာရုပ်တွေ ဒီလိုကြီးတွေ ရှိခိုးနေကြတာနော်။ အဲဒီနားရောက်တဲ့အခါ ဝင်ကြည့်ကြပေါ့။ အေး…ထားကြပါစို့။ ဘုရားပေါင်း ၂၈ ဆူကို ခေါင်းဖြင့်ရှိခိုးပါ၏။
ပြီးတော့ ဒွါဒသဉ္စ သဟဿကေ ဒွါဒသ ဆိုတာ ၁၂ သဟဿ ဆိုတာ ၁၀၀၀။ ၁၂ နဲ့ ၁၀၀၀ နဲ့ မြှောက်စမ်းပါ။ ၁၂၀၀၀ အေး.. ဒွါဒသဉ္စ သဟဿကေ ၁၂၀၀၀ သော ဘုရားရှင်တို့ကို့ နမာမိ သိရသာ မဟံ တပည့်တော်သည် ဦးခေါင်းတော်ဖြင့် ရှိခိုးပါ၏ ဘုရား။ ဘုရားပေါင်း ဘယ်လောက်ရှိခိုးလိုက်လဲ၊ ၁၂၀၀၀ ၊ ပြီးတော့မှ ပဉ္စသတ သဟဿာနိ ပဉ္စ က ၅ သတ က ၁၀၀ နော်။ ၅ နဲ့ ၁၀၀ နဲ့မြှောက် ၅၀၀။ သဟဿာနိ က ၁၀၀၀နော်။ ၅၀၀ နဲ့ ၁၀၀၀ နဲ့မြှောက် ၅ သိန်း။
ပဉ္စသတ သ ဟဿာ နိ ၅ သိန်းသော ဘုရားရှင်တို့ကို့ နမာမိ သိရသာ မဟံ တပည့်တော်သည် ဦးခေါင်းတော်ဖြင့် ရှိခိုးပါ၏ ဘုရား။ အဲဒီတော့ ဘုရားပေါင်း ၅၁၂၀၂၈ ဆူ။ ဘုရားပေါင်း ဘယ်လောက်ရှိခိုးတာလဲ။ (၅၁၂၀၂၈ ဆူ)။ အေး ဘုရားပေါင်း ၅၁၂၀၂၈ ဆူ ထေရီအပဒါန ဒီပနီ ဆိုတဲ့ ကျမ်းထဲမယ် အဲဒါအပြည့်အစုံပါတယ်။
ဘုန်းဘုန်းဝတ္ထုအကြောင်းလေးပြောပြပါမယ်။ ဒီကမ္ဘာက ပြန်ပြီးနောက်ပြန်ရေလိုက်တဲ့အခါ သင်္ချေ (၂၀) နဲ့ ကမ္ဘာတစ်သိန်းထက်မယ်၊ ဘယ်လောက်ကြာတုန်း။ ကမ္ဘာပေါင်း သင်္ချေ (၂၀)နဲ့ ကမ္ဘာ တစ်သိန်း၊ အဲဒီမယ် ဒီပင်္ကရာ ဆိုတာပွင့်တော်မူတယ်။ ဘာဘုရားပွင့်တော်မူလဲ။ (ဒီပင်္ကရာဘုရား) ။ ဒီပင်္ကရာ နှစ်ဆူရှိတယ်။ သင်္ချေ (၂၀)နဲ့ ကမ္ဘာ တစ်သိန်းထက်ပွင့်တဲ့ ဒီပင်္ကရာကို အရင်ကျလို့ ပေါရာဏ ဒီပင်္ကရာတဲ့။
သုမေဓာရသေ့လေးကို ဗျာဒိတ်ပေးတာက ဗျာဒိတ်ပေး ဒီပင်္ကရာတဲ့။ ဒီပင်္ကရာဘယ်နှစ်ဆူရှိလဲ။ (နှစ်ဆူရှိပါတယ်ဘုရား)။ ဘာတဲ့တုန်း။ (ပေါရာဏ ဒီပင်္ကရာ နဲ့ ဗျာဒိတ်ပေး ဒီပင်္ကရာ) ။ အေး ပေါရာဏဒီပင်္ကရာဘုရားလက်ထက် ဘုရင် သမီးတော်လေးတစ်ပါးရှိသတဲ့။ သူ့ကို ဘုံခုနှစ်ဆင့်ရှိတဲ့ ပြသဒ်ထဲမယ် သူ့ကိုတပင်တိုင် မြနန်းထားတယ်ပေါ့။
ရှေးတုန်းကတော့ တပင်တိုင်မြနန်းလို့ ရှိသေးတယ်။ ဒီပြင့်လူတွေ ယောက်ျားလေးတွေ မဝင်ရဘူး။ မိန်းကလေးတွေချည်းထားတယ်။ နောက်တက်မယ့်မင်းရဲ့ မိဖုရားဖြစ်အောင်လို့ သူ့ကိုတပင်တိုင်မြနန်းနဲ့ထားတယ်။ အဲဒီမင်းသမီလေးက ဟိုးအထက်ဆုံးအထပ်ကနေပြီးတော့ ဒီလိုလေး လှည့်ပတ်ပြီးတော့ မြို့ ကိုကြည့်တာ ညနေကြီး ဦးဇင်းလေးတစ်ပါး ဆွမ်းခံလို့တဲ့ဗျာ။
ဟိုက ဦးဇင်းလေး ညနေကြီးဆွမ်းခံနေတယ် သွား..သွား..သွား ပင့်စမ်းဆိုတော့ ပင်လိုက်လို့ ရောက်လာတော့ ဦးဇင်းလေး သူများတွေ မနက်ဆွမ်းခံ ဦးဇင်းလေး ညနေကြီးဆွမ်းခံသလား။ ညဆွမ်းစားသလားလို့မေးသတဲ့။ သမီးတော်လေးရယ် ကြည့်ပါဆိုပြီးတော့ သပိတ်လှပ်ပြတယ်။ သပိတ်ထဲမယ် ဆီတွေဘဲပါတယ်။ ဆွမ်းတွေဆွမ်းရံတွေ မပါဘူးလို့ ပြောသတဲ့။ ဘာလို့ ဆီတွေဘဲအလှူခံတာတုန်း။
သူများချက်ပြီးပြုတ်ပြီးသား စားနေတာ ဆီဘာလုပ်ဖို့တုန်း။ အဲဒီတော့ ဦးဇင်းလေးက သမီးတော်လေးရယ် ညကျတော့ ကျောင်းတိုက်ထဲမှောင်လို့ပါ၊ ဆီမီးလေးပူဇော်ပြီးတော့ ဦးဇင်းတွေ၊ ကိုယ်တော်တွေ သွားတဲ့လာတဲ့ပုဂ္ဂိုလ်တွေလင်းအောင်လို့ ထွန်းပေးတာပါ။ မြတ်စွာဘုရားနားလေးလည်းဘဲ ဆီမီးပူဇော်တာပါလို့ ပြောသတဲ့။ အော်ဒီလိုဆိုရင်ပေးပေး၊ သပိတ်ပေးဆိုပြီး သပိတ်ယူပြီး အဲဒီသပိတ်ထဲကို မုန်ညင်းဆီတွေ မုန်ညင်းဆီရော သိကြလား။ (သိပါတယ်ဘုရား) ။
မုန်ညင်းစေ့လေးတွေကို ကြိတ်လိုက်တော့ မုန်ညင်းဆီရတာပေါ့။ နှမ်းတွေ ကြိတ်တော့ နှမ်းဆီတွေရတာပေါ့။ မြေပဲတွေ ကြိတ်လိုက်တော့ မြေပဲဆီရတာပေါ့။ အဲဒီလို မုန်ညင်းစေ့လေးတွေကြိတ်လိုက်တော့ မုန်ညင်းဆီတွေရ၊ အဲဒီမုန်ညင်းဆီတွေ သပိတ်နဲ့အပြည့်လှူလိုက်တော့ ဦးဇင်းလေးကမေးသတဲ့။ သမီးတော်လေး ဘာဆုများ ပန်တုန်း။ တပည့်တော်မ က ဘုရားဖြစ်ချင်တာပါဘုရားလို့ပြောသတဲ့။ အော်..ကောင်းပ..ကောင်းပလို့ပြောပြီး သာဓု..သာဓုလို့ ခေါ်သွား။
ညကျတော့ မြတ်စွာဘုရားက ဆီမီးပူဇော်တဲ့ ဦးဇင်းလေးကို ခေါ်စမ်းဟဲ့ ဆိုတော့ရောက်လာတယ်။ ဦးဇင်းလေး ဒီနေ့ ဆီမီးတွေမြိုင်လှချည်လား။ ဘယ်ကဆီရတုန်း။ သမီးတော်လေးဆီကပါဘုရား။ ဘုရင့်သမီးတော်လေးက အရှင်ဘုရားနှမတော်လေးက ဘုရား ဆီမီးပူဇော်ဖို့ မုန်ညင်းဆီတွေ သပိတ်အပြည့်လှူပါတယ်ဘုရား။ အဲဒီသမီးတော်လေးနဲ့ ဒီပင်္ကရာဘုရားကလည်း ဖအေတူမအေကွဲ မောင်နှမတော်သတဲ့။
ဒါကြောင့် အရှင်ဘုရားနှမလေးက မုန်ညင်းဆီတွေအပြည့် လှူလိုက်လို့ပါဘုရား။ အော် သမီးတော်လေးက ဘာဆုပန်သတဲ့တုန်း။ တပည့်တော်လည်းမေးကြည့်တယ်ဘုရား၊ သမီးတော်လေးဘာဆုပန်တုန်း မေးတော့ ဘုရားဖြစ်ချင်တယ်လို့ ပြောပါတယ် ဘုရား။ အော်..ဒါဆိုရင် နက်ဖြန်ခါပြန်ပြောအုံး၊ မိန်းကလေးဘဝနဲ့ ဘုရားဆု မပန်ရဘူး။ နောက်ဘဝ ယောက်ျားလေးဖြစ်ပါစေ၊ ယောက်ျားလေးဖြစ်မှ ပါရမီတွေ ဒါနစတဲ့ ပါရမီတွေ လုပ်ရင် ဘုရားဖြစ်လိမ့်မယ်လို့ပြော။ ကောင်းပါပြီဘုရား။
တပည့်တော်နက်ဖြန်ခါ ပြန်ပြောပါ့မယ်ဘုရား။ ကဲကဲ ထားတော့။ ဦးဇင်းလေးကရော ဘာဆုပန်တုန်း။ တပည့်တော်က အရှင်ဘုရားအားကျလို့ဘုရား။ အရှင်ဘုရားဒီပင်္ကရာ ဆိုသလို ဒီပင်္ကရောတိ ဒီပင် ဆီမီး ကရောတိ ပြုတက် ပူဇော်တတ်၏။ ထို့ကြောင့် ဒီပင်္ကရော ဒီပင်္ကရာ မည်၏။ ဆီမီးပူဇော်တာက တပည့်တော် အရှင်ဘုရားအားကျပြီးတော့ တပည့်တော် ဘုရားဆုပန်ပါတယ်ဘုရား။
ဘုရားဖြစ်တဲ့ အခါလည်း ဘုရားဘွဲ့က ဒီပင်္ကရာ ဆိုတဲ့ ဘွဲ့ လိုချင်ပါတယ်ဘုရား လို့ဆိုသတဲ့။ အဲဒါနဲ့ ပေါရာဏဒီပင်္ကရာဘုရားက အဘိညဉ်တန်ခိုးနဲ့ကြည့်လိုက်တော့ အော်ဦးဇင်းလေး မင်းနောက် ၁၆ သင်္ချေ ကြာတဲ့အခါ ဘုရားဖြစ်လိမ့်မယ်လို့ ဗျာဒိတ်ပေးသတဲ့။ ဗျာဒိတ်ပေးတော့ ဟာ ငါဘုရားလောင်းဖြစ်ပြီ မြတ်စွာဘုရား ဗျာဒိတ်ပေးပြီးပြီ။ ည ညအိပ်မပျော်ဘူးတဲ့ ဝမ်းသာလွန်းလို့။ အဲဒီနောက် တစ်နေ့ကျတော့ ညနေကျ လေးနာရီလောက် မြို့ထဲ နန်းတွင်းထဲ ဆွမ်းခံသွားပြန်ရော။ ဆီဆွမ်းခံ ပေါ့။
သမီးတော်လေးကလည်း ဘုံခုနှစ်ဆင့် ရှိတဲ့ပြဿဒ်က လှည့်ပတ်ကြည့်လိုက်တော့ ဟာမနေ့ ကဦးဇင်းလေး နဲ့တူတယ်။ ဆွမ်းခံနေတယ် သွား…သွားး…ပင့်အုံးဆိုတော့ သွားပင့်တယ်။ ရောက်လာ ဦးဇင်းလေး မနေ့ကလည်း ဆွမ်းခံ၊ ဒီနေ့လည်းဆွမ်းခံ နေတိုင်းဆွမ်းခံသလား။ အော် သမီးတော်လေးရယ် ကျုပ်က ဘုရားလောင်း။ မနေ့က ဗျာဒိတ်ရပြီးပြီ။ နောက် ၁၆ သင်္ချေကြာတဲ့အခါ ကျုပ်က ဒီပင်္ကရာ ဘုရားဖြစ်မှာ။ ဘုရားလောင်းဆိုတာ တစ်နေ့တည်း ကုသိုလ်လုပ်ပြီးတော့ ဆုပန်လို့ ဘယ်ရမတုန်း။
နေ့တိုင်းနေ့တိုင်း ဒါနပြုရတယ်၊ သီလဆောက်တည်ရတယ်၊ အနိစ္စ၊ ဒုက္ခ၊ အနတ္တ ဆိုတဲ့ ဝိပဿနာ တရားတော်တွေ ပွားရတယ် သမီးတော်လေးရဲ့။ အော်ဒီလိုလား ဘုရား။ မသိလိုပါဘုရား။ ဒီလိုဆိုရင် ပေးပေး၊ သပိတ်ပေးဘုရား ဆိုပြီးတော့ သပိတ်ထဲ မုန်ညင်းဆီတွေ ထည့်ထည့်ပြီးတော လှူတယ် သူက။
အရှင်ဘုရားကို တပည့်တော် ပါရမီဖြည့်ပေးမယ် ဘုရား။ အရှင်ဘုရား နေ့တိုင်းနေ့တိုင်း မြို့ထဲမယ် လှည့်ဆွမ်းခံရတာ ပင်ပန်းတယ်၊ အဲ့တော့ ဘယ်မှ မသွားနဲ့ တပည့်တော်ဆီ ဒီပြဿဒ်တန်းလာခဲ့။ တပည့်တော် နေ့တိုင်း နေ့တိုင်း တစ်သပိတ်၊ တစ်သပိတ် အပြည့်လှူမယ်။ ကောင်းပ…ကောင်းပ….သာဓု…သာဓု…သာဓု။
မနေ့တုန်းက မြတ်စွာဘုရားက မှာလိုက်သေးတယ်။ ဘယ်လို မှာတုန်းဘုရား။ သမီးတော်လေးက ဘုရားဆုပန်တယ်လို့ ဦးဇင်းက ပြောလိုက်တဲ့ အခါကျတော့ မိန်းကလေးဘဝနဲ့ ဘုရားဆုပန်လို့မပြည့်ဘူး။ နောက်ဘဝ ယောက်ျားလေးဖြစ်ပါရစေလို့ ဆုတောင်းလို့ မှာလိုက်တယ်။ အော် အဲဒီလိုလားဘုရား။ ဒီလိုဆိုရင် သပိတ်လေးကိုကပ်၊ ဘုရားတပည့်တော် မုန်ညင်းဆီလှူရတဲ့ ကုသိုလ်ကြောင့် နောင်ဘဝ ယောက်ျားလေးဖြစ်ပါရစေဘုရားလို့ ဆုပန်တယ်နော်။
အဲဒီလိုဆုပန်တဲ့ အတွက်နောက်ဘဝ ယောက်ျားလေးဖြစ်တယ်။ ဖြစ်တော့ ထားကြပါစို့ ။ ၁၆ သင်္ချေကို နှစ်ပုံ ပုံလိုက်တော့ ဘုရားဆုပန်လို့ စိတ်ထဲမယ် ဆုတောင်းတာ ကမ္ဘာပေါင်း (၇) သင်္ချေ။ ဘယ်လောက်ကြာတုန်း။ (၇) သင်္ချေကြာတယ်။ စိတ်ထဲတွင်မနေနိုင်တော့ တပည့်တော် ဘုရားတပည့်တော် ဒီကုသိုလ်ကြောင့် ဘုရာဖြစ်ပါရစေဘုရားလို့ အကျယ်ကြီးဆုတောင်းတာက (၉)သင်္ချေ။ စိတ်ထဲတွင် ဆုတောင်းတာက ဘယ်လောက်လဲ။ (၇)သင်္ချေ။ နှုတ်ရွတ်ပြီးတော့ ပါးစပ်က အော်ပြီးတော့ ဆုတောင်းတာက (၉)သင်္ချေ။ (၇)သင်္ချေ နဲ့ (၉)သင်္ချေ ပေါင်းလိုက်ရင် (၁၆) သင်္ချေ။ ပထမ (၇)သင်္ချေတွင် ဘုရာပေါင်း ဘယ်လောက်ပွင့်သလဲဆိုရင် ဘုရားပေါင်း ၁၂၅၀၀၀။
ပထမ (၇) သင်္ချေ အချိန်ကာလအားဖြင့် (၇)သင်္ချေ၊ အဲဒီ (၇)သင်္ချေအတွင်းမယ် ဘုရားပေါင်းပွင့်တာက ၁၂၅၀၀၀။ အဲဒီ ဘုရားပေါင်း ၁၂၅၀၀၀ ဆီမှာ ကုသိုလ်ကောင်းမှုပြုပြီးတော့ စိတ်ထဲတွင်သူကဆုပန်တာနော်။ စိတ်ထဲတွင် ဆုပန်တဲ့ ဘုရားပေါင်း ၁၂၅၀၀၀။ နောက်ထပ် ၉ သင်္ချေကြာတော့ စိတ်ထဲတွင် မနေနိုင်တော့ဘူးတဲ့။ သူက ကုသိုလ်ကောင်းမှုပြုပြီးရင် ဘုရားတပည့်တော် ဒီကုသိုလ်စေတနာကြောင့် ဘုရားဖြစ်ပါရစေဘုရားလို့ အကျယ်ကြီးဆုတောင်းတယ်။ အဲဒီလို နှုတ်နဲ့ အကျယ်ကြီးဆုတောင်းတဲ့ အချိန်ကာလ က ၉ သင်္ချေ။ ဘုရားပေါင်းက ၃၈၇၀၀၀ ။
အဲခုနက ၁၂၅၀၀၀ နဲ့ ခု ၃၈၇၀၀၀ ပေါင်းလိုက်စမ်း။ ၅၁၂၀၀၀ နော်။ ပေါ်ပြီမဟုတ်လား။ အေး… ဒွါဒသဉ္စ သဟဿကေ ပဉ္စသတ သဟဿာနိ ၅၁၂၀၀၀ သော ဘုရားရှင် တို့ကို့ တပည့်တော်ရှိခိုးပါ၏။ ဟုတ်လား။ အဲလိုနဲ့ ဘုရားဆုပန်လိုက်တာ သုမေဓာရသေ့ဘဝရောက်၊ သုမေဓာရသေ့ဘဝကနေ ပြီးတော့ သူကတောထဲမယ် တရားကျင့်နေတာ။
ရသေ့တွေ ဆိုတော့ တောထဲမယ် အကြာကြီးမနေရဘူးတဲ့။ တောထဲမယ် အကြာကြီးနေရင် အိုက်အိုဒင်းဆားဓါတ်နည်းပြီးတော့ လည်ပင်းကြီးရောဂါဖြစ်တယ်။ အဲဒီရောဂါကို အိုက်အိုဒင်းဆား စားလိုက်ရင်ပျောက်တယ်။ သုမေဓာရသေ့က ကဲ ငါလည်းဘဲ တော်ကြာ လည်ပင်းကြီးနေ လိမ့်မယ် ဆိုပြီးတော့ ကောင်းကင်ကပြန်လာ၊ အောက်မှာ လူတွေ တအုံးအုံးနဲ့ လူတွေတပျော်တပါးကြီး အလုပ်လုပ်နေတာ မြင်တော့ ဆင်းပြီးတော့ သူကမေးတယ်။
ဟေ့..ကောင်တွေ မင်းတို့ဘာလုပ်နေကြတာတုန်း တပျော်တပါးကြီးပါလား။ လောကသုံးပါး ဘုရားပွင့်ပြီလေ။ ဒီပင်္ကရာဘုရားပွင့်ပြီ။ နောက်တော်ပါ ရဟန်း လေးသိန်းနှင့်အတူ အခုဆွမ်းခံ ကြွမှာ။ မိုးတွေရွာလို့ ဒီမှာ ဗွက်တွေ ပြင်နေတာ ကျုပ်တို့ ဗွက်တွေ ဖို့နေတာဗျလို့ ပြောသတဲ့။ ဟာ....ဒီလိုဆိုရင် ငါလဲဘဲ ကုသိုလ် ပါဝင်အုံးမယ်ကွ။ ငါ့ကိုတစ်နေရာပေးလို့ ပြောကတဲ့။ ဦးရသေ့ကြီး ခင်ဗျားက မြေလျှိုးမိုးပျံ တန်ခိုးတွေ ရနေတော့ ဗွက်တွေ ထူတဲ့နေရာ ခင်ဗျားယူ။
ဗွက်ထူတဲ့နေရာပေးသတဲ့။ ပေးတော့လည်း အေးပါကွာ ဘယ်နေရာရရ ငါရသမျှ လုပ်မယ်ဆိုပြီးတော့ နီးတဲ့အိမ်လေးတစ်အိမ်က ပေါက်ပြားလေးတစ်လက်၊ တံရွင်းတစ်ချောင်း၊တောင်းတစ်လုံး ငှား။ မြေကြီးတွေ တူးပြီးတော့ သူကဖို့တာပေါ့။ ဖို့တော့ ပြီးခါနီး ဟောဒီလောက်ကလေးကျန်တော့တယ်။ တလံလောက်ကလေး။ အဲဒီလောက်ကလေးလဲကျန်ရော။ အော်..ဒီပင်္ကရာဘုရား နောက်တော်ပါရဟန်း လေးသိန်းနဲ့ ဆွမ်းခံကြွလာပြီခင်ဗျား။
ဆွမ်းလောင်းဖို့ ပြင်ကြပါလို့ နိဗ္ဗာန်ဆော်က ကြေးစည်လေးတီးပြီး ရှေ့ကနေဟစ်သတဲ့။ ဟာ..ဘုရားကြွလာပြီ ဘုရားကြွလာပြီ ဆိုပြီး ပြေးကြလွှားကြ ဆွမ်းတွေ၊ ဆွမ်းရံတွေပြင်ဆင်ကြပေါ့လေ။ သုမေဓာ ရသေ့လေးကျတော့ အရမ်းချစ်နေကြတာ။ သူ့ဘယ်သူမှ ဂရုမစိုက်၊ ကူဖေါ်လောင်ဖတ်လည်း မရှိဘူး။ ငါလည်း ခက်နေပြီ ဒီလောက်ကလေးကျမှ ကျန်နေတယ်။ ခက်ပြီ..ဘယ်လိုလုပ်ရပါ့မတုန်းဆိုပြီးတော့ သူက သင်္ကန်းကြီးဖြန့်ခင်း အဲဒီပေါ်မယ် ဝမ်းယားမှောက် ဘုရားကြွလာတဲ့ဘက် ခေါင်းပြုပြီးတော့ မြတ်စွာဘုရား တပည့်တော် ကျောပေါ် သံဃာတော် လေးသိန်းနှင့်တကွ နင်းလျှောက်ပါဘုရား။
ဗွက်ထဲကို မနင်းပါနဲ့ ဘုရား။ တပည့်တော်ကျောပေါ်နင်းပါဘုရားလို့ သူကအော်လျှောက်တယ်။ အော်လျှောက်တော့ ဟာ..အာဂယောက်ျားဘဲဟေ့။ သံဃာတော် လေးသိန်းနဲ့ တက်နင်းရင် သူသေမှာ အသေခံရဲတယ်။ တကယ့်ယောက်ျား၊ ဘယ်လို ပုဂ္ဂိုလ်လဲဟဲ့လို့ ကြည့်လိုက်တော့မှ အော်လွန်ခဲ့တဲ့ ဆယ်ခြောက်သင်္ချေတုန်းက သမီးတော်လေး ဖြစ်ပြီးတော့ ငါ့ကိုနေ့တိုင်းနေ့တိုင်းမုန်ညင်းဆီ တစ်သပိတ်လှူတဲ့ ပုဂ္ဂိုလ်လေးဘဲလို့သိသွားတယ်။ ဘုရားက။
အေး.. သုမေဓာရသေ့လေး ဆိုပြီးတော့ ခုန သမီးတော်လေးအကြောင်းပြန်ပြောင်းဟော၊ ဟောပြီးတော့ မင်းကျောပေါ်မလျှောက်ပါဘူးကွာ တို့ကောင်းကင်ကကြွမယ်ဆိုပြီးတော့ တန်းခိုးနဲ့ကြွ၊ ကြွပြီးတော့ သင်ဟာ ဒီကုသိုလ်စေတနာကြောင့် လေးသင်္ချေ နဲ့ ကမ္ဘာ တစ်သိန်းကြာတဲ့အခါ ဂေါတမ ဘုရားဖြစ်လိမ့်မယ်လို့ ဗျာဒိတ်ပေးသတဲ့။ သင်ဟာ ငါဦးဇင်းလေးဘဝတုန်းက နေ့တိုင်းနေ့တိုင်း မုန်ညင်းဆီ တစ်သပိတ်လှူတဲ့ ကုသိုလ်စေတနာကြောင့် သင့်နောက်ဆုံးဘဝ နာမည်က သိဒ္ဓတ္တ မင်းသားလို့ဖြစ်လိမ့်မယ်။
သိဒ္ဓတ္တ ဆိုတာ မုန်ညင်း တေလဆိုတာ ဆီ။ သိဒ္ဓတ္တတေလ ဆိုတော့ မုန်ညင်းဆီ ။ မုန်ညင်းဆီ တစ်သပိတ် တစ်သပိတ် လှူခဲ့တဲ့အတွက် အဲဒီစေတနာက အကျိုးပေးပြီးတော့ သင့်ရဲ့နောက်ဆုံးနာမည်သည် ဘာဖြစ်လိမ့်မတုန်း။ သိဒ္ဓတ္တမင်းသားလို့ ဖြစ်လိမ့်မယ်လို ဗျာဒိတ်ပေးသတဲ့။ အေး...အဲဒီမုန်ညင်းဆီလှူတဲ့ ကုသိုလ်စေတနာကံသည် ကမ္မပစ္စည်း၊ ဒီဘက်ဘဝမယ် သိဒ္ဓတ္တ လို့ နံမည်လေးရ၊ ဘုရားဖြစ်တာက ကမ္မပစ္စည်းရဲ့ ပစ္စယုပ္ပန် သဘောပေါက်လား။
ဘဝပေါင်း ကမ္ဘာပေါင်း သင်္ချေ ၂၀ နဲ့ ကမ္ဘာပေါင်း တစ်သိန်းကြာတယ်။ ပျောက်မသွားဘူးနော်။ အဲ့ဒီပျောက်မသွားတဲ့ သတ္တိလေးကို ကမ္မသတ္တိ။ ဟုတ်ကလား။ အဲဒါဆိုရင် အဖိုးတန်တယ် မဟုတ်လား။ အဲ...ဟုတ်ပြီ။တစ်ခေါက်လောက်ဆိုပြစမ်းပါအုံး။
သမ္ဗုဒ္ဓေ အဋ္ဌ၀ီသဉ္စ ဒွါဒသဉ္စ သဟဿကေ ပဉ္စသတ သဟဿာနိ နမာမိ သိရသာ မဟံ အပကာ ၀ါဠုကာ ဂင်္ဂါ အနန္တာ နိဗ္ဗုတာ ဇိနာ တေသံ ဓမ္မဉ္စ သံဃဉ္စ အာဒရေန နမာမဟံ နမက္ကာရာ နုဘာဝေန ဟိတွာ သဗ္ဗေ ဥပဒ္ဒဝေ အနေက အန္တရာယာပိ ၀ိနာဿန္တု အသေသတော”
ကဲ....တော်လိုက်ကြအုံးစို့။ သာဓု……သာဓု……သာဓု
(ဗန်းမော်ဆရာတော်ကြီး ပဋ္ဌာန်းတရားပွဲ အသံတော်မှ ကူးယူပူဇော်ပါသည်။)
Ashin Pannavimsa - မှ
ပြန်လည် မျှဝေလိုက်ပါတယ် ...