လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Thursday, March 30, 2017

အိမ်မှာနေရင်းတရားအားထုတ်ဘို့ ကို

Thit Lwin
19 hrs
အိမ်မှာနေရင်းတရားအားထုတ်ဘို့ ကို ဘုရားရှင် ကိုယ်တော်မြတ်ကြီးက အထူး မှာကြား ဟောပြခဲ့ပါတယ်။
တကယ်လည်း လူအတော်များများဟာ အလုပ်တွေများလွန်းတာကြောင့် ရိပ်သာ မဝင်နိုင်...ကြပါဘူး။
အခုခေတ်မှာ အချိန်ပို ရှိတဲ့သူဟာတော်တော် နည်းပါတယ်။
အပြင်ထွက်ပြီးအလုပ်လုပ်တဲ့သူဖြစ်ဖြစ်
အိမ်မှုကိစ္စလုပ်နေရသူဘဲဖြစ်ဖြစ်
အားလပ်ချိန် အနာယူချိန် ရှားပါးပါတယ်။
အချိန်အားရှိမှ တရားအားထုတ် မယ်ဆိုရင် တရားအားထုတ်ဘို့ မဖြစ်နိုင်တော့ သလို ဖြစ်သွားပါလိမ့်မယ်။
မအားတဲ့ကြားထဲက ဘဲ အလုပ်တွေလုပ်ရင်းနဲ့ အားထုတ် တတ်မယ်ဆိုရင် အချိန် တိုင်းလိုလို တရားအားထုတ် နေတာ ဖြစ်သွားပါလိမ့်မယ်။
တရားအားထုတ်တာဟာ သီလ သမာဓိ ပညာ တိုးပွါးရာ အကျင့် ကို ကျင့်တာပါဘဲ။
သီလ ရော သမာဓိရော ပညာရော သုံးခုစလုံး တပြိုင်နက်တည်း တိုးပွါးအောင် အားထုတ်နည်းကတော့ သတိပဋ္ဌာန် နဲ့ နေ ခြင်းပါဘဲ။
သတိပဋ္ဌာန် ဆိုတာ မိမိ ကိုယ်နဲ့ မိမိ စိတ်မှာ ဖြစ်နေတာ ကို သတိထား တာမို့ လူတိုင်း လေ့ကျင့်နိုင်တဲ့အရာပါ။

ဒါပေမဲ့
မလုပ်ဖြစ်ကြပါဘူး။
အဓိက က သတိမရှိလို့ မဟုတ်ပါဘူး။
သတိပဋ္ဌာန် အာရုံမှာ သတိ မရှိလို့ ပါ။
အိမ်မှာနေရင်း အိမ်အလုပ်လုပ်နေသူ လည်းသတိ ရှိတာ ပါဘဲ။
အပြင်မှာ အလုပ်လုပ်နေသူလည်း သတိရှိတာပါဘဲ။
ဒါပေမဲ့ သတိက အပြင် အာရုံတွေ မှာထားမိနေတတ်ပါတယ်။
ဘုရားရှိခိုးရင် ဘုရားပုံတော်မှာ သတိထားနေမယ်။
ထမင်းဟင်းချက်ရင် ထမင်းဟင်း မှာ သတိထားနေမယ်။
ရေမိုးချိုး ရေမှာ သတိထားနေမယ်။
ငရုတ်သီးထောင်းရင် ငရုတ်ဆုံမှာသတိထားနေမယ်။
တီဗွီ ကြည့်ရင် တီဗွီ မှာသတိထားနေမယ်။
အဝတ်အစားဝတ်ရင် အဝတ်အစားမှာ သတိထားနေမယ်။
စသည်ဖြင့်
ပတ်သက်ရာ ပတ်သက်ရာ ပြင်ပ အာရုံတွေမှာ သတိထားနေ တတ်ပါတယ်။
ကိုယ့် ခန္ဓာမှာ ဘာဖြစ်နေလဲဆိုတာကို သတိမထား မိ ဘူးဖြစ်နေတတ်ပါတယ်။
နေထိုင်မကောင်းတဲ့ အခါ နဲ့ မှန်ကြည့်တဲ့ အခါလောက်ဘဲ ကိုဟ့်ကိုယ်ကို သတိထား မိ တတ်ကြပါတယ်။
ဒါကလည်း တစ်သက်လုံး ဒီလိုဘဲ နေတဲ့အကျင့်က ပါနေပြီး ဖြစ်နေတော့ ကိုယ့် ခန္ဓာကို အပြင် အရာတွေ လောက် အာရုံ မရှိဘူးဖြစ်နေတာပ။
တရားအားထုတ်တာ ဟာ ကိုယ့်ခန္ဓာမှာဖြစ်နေတာကိုသတိထားပြီးကြည့်ရတာ မို့  အလုပ်တွေအားမှဘဲ ဘုရားဆင်းတုတော်ရှေ့  မှာ ထိုင် ရမှာလို့ ထင်နေတတ်ကြပါတယ်။
အပြင်သွားနေသူထက်စာရင် အိမ်မှာနေသူက အပြင်အာရုံတွေ နဲ့ ထိတွေ့ မှ ပိုနည်းပါတယ်။အိမ်မှာလုပ်ရိုးလုပ်စဉ် အလုပ်တွေကို လုပ်နေရင်းမိမိ ခြေတွေလက်တွေ လှုပ်ရှားနေတာကို သတိထား လို့ ရပါတယ်။
အပြင်လူထက်စာရင် ပိုပြီး သတိထားနိုင်တဲ့ အခွင့်အရေးရှိပါတယ်။
ခဏတဖြုတ် အိမ်အလုပ်နားချိန်မှာ လည်း တစ်နေရာ မှာ သက်တောင့်သက်သာ ထိုင်နေရင်း မိမိ ကိုယ်ပေါ်မှာ လတ်တလော ဖြစ်ပေါ်နေတဲ့ ပူမှုအေးမှု တိုးမှု လှုပ်မှု တွေကို သိနေလို့ ရပါတယ်။
တွေးနေရင်လည်းတွေးနေတဲစိတ်ကိုသတိထားနေနိုင်ပါတယ်။
အကောင်းဆုံးအားထုတ်နိုင်တဲ့ အချိန်ကတော့ ကျင်ကြီးကျင်ငယ် စွန့် တဲ့ အချိန်ပါဘဲ။
ဆီးသွားချင်တယ်။
ဆီးသွားတယ်။
ဆီသွားတဲ့ အခါမှ မိမိ ရုပ်ခန္ဓာမှာပြောင်းလဲ သွားတဲ့အဆင့်ဆငိ့ကို သိနေနိုင်ပါတယ်။
ဝမ်းသွားချင်တယ်
ဝမ်းသွားတယ်
ဝမ်းသွးစဉ်မှာ အဆင့်ဆင့် ဖြစ်ပေါ်နေတဲ့ ဖြစ်စဉ်တွေ ကို သတိထားနေနိုင်ပါတယ်။
ဆီးတွေ ဝမ်းတွေ သွားချိန်မှာ ဆီးတွေ ဝမ်းတွေ ကို ကြည့်တဲ့ သူရှားပါတယ်။
မိမိ ပိုယ် ကာယ မှာ ဖြစ်ပေါ်ပြောင်းလဲမှုတွေကလည်းထင်ရှားပါတယ်။
ဆီးဝမ်းသွားချိန်မှာ ရှု မှတ်တာ ဟာသတိပဋ္ဌာန်ရဲ့  မူ ဖြစ်တဲ့
မိမိကိုယ်မှာ
ဖြစ်ပေါ်နေတာ ကို
ဖြစ်ပေါ်နေတဲ့ အခိုက်
အတွေးမပါဘဲ
တိုက်ရိုက် သိခြင်း ဆိုတဲ့ အချက်တွေ နဲ့  ကိုက်ညီတာ မို့  အိမ်မှာနေတဲ့ အိမ်ရှင်မ တွေ အဘို့  အိမ်မှာနေရင်း အိမ်သာမှာ တရာအားထုတ် တတ်အောင် သတိပဋ္ဌာန် အခြေခံ လေး ရေး ပေးလိုက်ပါတယ် ခင်ဗျာ

Sunday, March 26, 2017

ရသေ့ကြီး နဲ့ ပြည့်တန်ဆာမလေး။



ရသေ့ကြီး နဲ့ ပြည့်တန်ဆာမလေး။
═══════════════════════════
❖ တစ်ခါ က သာဝတ္တိမြို့ အစွန့် တောစပ်မှာ ရသေ့ကြီးတစ်ပါး
တဲလေးထိုးပြီး သတင်းသုံး တရားကျင့်နေလေတယ်။
များ...မကြာမှီ
အဲဒီရသေ့ကြီးကျောင်းသင်္ခန်းနဲ့ မနီးမဝေးမှာ
ပြည့်တန်ဆာမလေးတစ်ယောက်
ဟာ တဲလေးထိုးပြီးလာနေလေတယ်။

❖ ရသေ့ကြီး ကျောင်းသင်္ခန်းကနေ မြင်နေရတဲ့နေရာလောက်မှာပါ။
အဲလိုပဲ ပြည့်တန်ဆာမ တဲကကြည့်ရင်လည် ရသေ့ကြီး ကျောင်းသင်္ခန်းကိုမြင့်နေရတာပေါ့ ။
❖ မနက်တိုင်း သူမ က ရသေ့ကြီးကို
ဦးချ ကန်တော့တယ်။
❖ နောက်တော့ ရသေ့ကြီးက ပြည့်တန်ဆာမဆီ အမျိုးသားတစ်ယောက်လာတိုင်း ကျောက်ခဲလေး
တစ်လုံးကောက်ထားတယ်။
အဲလို နဲ့ အဲဒီ ကျောက်ခဲလေးတွေက
ကျောက်ပုံလေး ဖြစ်လာတယ် ။
❖ ရသေ့ကြီးကနေ့တိုင်းတွေးတယ်။
အော် ဒီကလေးမ နှယ် ငါ့ကျောင်းသင်္ခန်းနားမှာ မှ
လာပြီး တဲထိုးရတယ်လို့ ကွာ ။
ငါ့ကို မလေးစားတာပဲ လို့ ဒေါသဖြစ်တယ်။ ပြီးတော့ ကြည့်ပါဦး
ယောင်္ကျားတွေ တစ်ယောက်ပြီး တစ်ယောက် အထဲဝင်သွားပြီးဘယ်လိုတွေများဖြစ်နေလဲ မသိ ။ တစ်ခါ တစ်ခါ နှစ်ယောက်ပူးကြီးတောင် ၀င်သွားတာ ။ အဲဒီ နှစ်ယောက်နဲ့ များ ဘယ်လိုများ စခန်းသွားကြလဲမသိ ။
ဆိုပြီး တွေးရင်း ဒေါသတွေ သောကတွေ မောဟ တွေ
ဖြစ်နေလေရဲ့ ။
❖ သေလွန်တဲ့အခါ ရသေ့ကြီးက
အပယ်ကျသွားတယ်။ ပြိတ္တာဖြစ်သွားတယ်။
❖ ပြည့်တန်ဆာမ ကတော့ နတ်ပြည်ရောက်သွားလေ ရဲ့ ။
အဲဒါနဲ့ ရသေ့ပြိတ္တာကြီးက ငရဲမင်း ကို မကြေမနပ်နဲ့ သွားပြောလေတယ်။
❖ "' ဒီမှာ ငရဲမင်း တရားကျင့်တဲ့ ကျူပ် ရသေ့ က တော့ အပယ်ကျပြီး ဟိုပြည့်တန်ဆာမ ကျတော့ ဘာလို့ နတ်ပြည်ရောက်ရတာလဲ ''
လို့ပေါ့ ...
❖ အဲဒီမှာ ငရဲမင်း က ပြောတာက --
❖ '' မင်းက ရသေ့ဖြစ်ပြီး မင်းရဲ့ စိတ်က ပြည့်တန်ဆာမ ဆီပဲ စိတ်ရောက်ပြီး တစ်ချိန်လုံး အကုသိုလ်စိတ်ဖြစ်နေခဲ့တယ်လေ။ တစ်ချိန်လုံး ပြည့်တန်ဆာမ အကြောင်းပဲ တွေးနေတယ်။ အဲဒါကြောင့် အပယ်ကျတာ။
ဟိုတစ်ယောက်ကျတော့
မနက်တိုင်း ညတိုင်း ရသေ့ကြီးဖြစ်တဲ့မင်းကို ကန်တော့ရင်း အော် ရေသေ့ကြီးတို့ ဘ၀ ကံကောင်းလိုက်တာ ၊ လှူမည့်တမ်းမည့်သူနဲ့ ကျောင်းဆောက်ပေးမည့်သူနဲ့ ကိုယ့်ဟာကို
လွတ်လွတ်လပ်လပ်တရားကျင့်ရုံပဲ ။ ငါဘ၀များကျတော့ သူများတကာနဲ့
ပျော်ပါးမှ ထမင်းစားရတဲ့ဘ၀ ငါ့ အတိတ်ကံကလည်း ဆိုးလိုက်တာ လို့
ကုသိုလ်ကံကောင်းတဲ့ ရသေ့ကြီးကို ကန်တော့ပါတယ်။ ရသေ့ကြီးကျန်းကျန်းမာမာ တရားကျင့် တရားထူး ရနိုင်ပါစေ ။
တပြည့်တော်မ ကန်တော့ ပါတယ် ဘုရား လို့ စိတ်ထဲက အမြဲ
သတိသံဝေဂ ရပြီး ကန်တော့ရင်း
ကုသိုလ်စိတ်တွေ ဖြစ်နေခဲ့တာလေ ။
အဲဒီ ကုသိုလ်စိတ်ကြောင့် သူမ က နတ်ပြည်ရောက်ရတာပေါ့ ။
ရသေ့မိုက် ရဲ့ ""
လို ပြောလိုက်လေတော့ သတည်း ။
--------------
ကျွန်တော်တို့ ပတ်ဝန်းကျင်မှာလည်း ......
.....
.....
.....
ကိုယ်ဘယ်လို အနေအထားပဲ ရောက်ရောက်
ကိုယ့်စိတ်ကို အကုသိုလ်စိတ်ကင်းပြီး
ကုသိုလ်စိတ်တွေ များများ ထားနိုင်ကြပါစေ
လို့
ဆုတောင်းမေတ္တာ ပို့သရင်း ..........
credit
ဆရာထွန်း ကျောက်ဆည် ။
ဗုဒ္ဓရေအိုးစင် မှဓမ္မဒါန ကူးယူမျှဝေပါသည်။
★ _/\\_ သဗ္ဗဒါနံ ဓမ္မဒါနံ ဇိနာတိ၊ _/\\_ ★
#မေတ္တာဖြင့်အားလုံးငြိမ်းအေးချမ်းသာကြပါစေ ...

ဆွမ်းတော်လဲကပ်ပါ ကိုယ်လည်းစားပါ

Image may contain: 2 people, food and indoor

ဆွမ်းတော်လဲကပ်ပါ ကိုယ်လည်းစားပါ
-----------------------------------------------------
ဘုရားရှင်ဆွမ်းဘုန်းပေးနေတာကိုကြည့်ပြီး
ဘုရင်ကြီးက ဘုရားရှင်ရဲ့ဆွမ်းကိုစားခ...ျင်နေတယ်
ဒါကို ဘုရားရှင်ကသိတော့ ဘုန်းပေးပြီးတယ်ဆို
ကျန်တဲ့ဆွမ်းကိုဘုရင်ကြီးထံစွန့် ပေးတယ်
ပြီတော့ ဘုရားရှင်ကိုကပ်တဲ့ဆွမ်းကို ပြန်စွန့် ပြီးစားရင်
အနာရောဂါကင်းတဲ့အကြောင်း ဒါပေမဲ့
ဝေယျာဝစ္စပြုလုပ်ပြီးမှစားသင့်ကြောင်းမိန့် ကြားတယ်

မိတ်ဆွေတို့ လည်း ဘုရားဆွမ်းတော်ကပ်တဲ့အခါ
သက်ရှိထင်ရှားဘုရားရှင်ကိုကပ်သလိုမျိုး
ကပ်နိုင်အောင်ကြိုးစားပါ ပြီးရင်ပြန်စွန့် ပြီးစားပါ
အနာရောဂါကင်းတဲ့အကျိုးကျေးဇူးရပါတယ်
တကယ်တော့
ကိုယ့်ါမိသားစုအတွက်တောင် ပင်ပင်ပမ်းပမ်း
ချက်ပြုတ်ပြီးကျွေးရမွေးရသေးတာပဲ
ဘုရားရှင်အတွက်ဆိုပြီးရည်ရွယ်ချက်လေးထားကာ
ချက်ပြုတ်မယ်ဆိုရင် ကြီးမားတဲ့ကုသိုလ်တွေလည်း
ရမယ် ပြီးတော့ ကိုယ်ချက်ပြုတ်ထားတာတွေဟာ
လည်းဘုရားရှင်ကိုကပ်လို့ လျော့နည်းသွား
တာမှမဟုတ်ပဲ ကိုယ်ပဲပြန်စွန့် ပြီးစားရတာ
ဘာလို့ မလုပ်နိုင်ရမှာလည်း
တချို့ ကဘုရားဆွမ်းတော်ကိုစားတာဟာ
မသင့်တော်ဘူးပြောကြတယ် အခြေအမြစ်
မရှိပါဘူး အနာရောဂါတောင်ကင်းပါတယ်
ချက်ရပြုတ်ရလုပ်ရတဲ့အတွက် ဝေယျာဝစ္စလည်း
လုပ်ပြီးသားဖြစ်သွားပါတယ် ဒါ့ကြောင့်စားလို့ 
အပြစ်မရှိပါဘူး
တွေးကြည့်ရင်ပင်ပမ်းမယ်ထင်ပေမဲ့
ကျွန်တော်ကိုယ်တိုင်အဲဒီလို နေ့ စဉ်ကျင့်သုံး
လာတာ ၁၀ နှစ်ကျော် လောက်ရှိပါပြီ နေ့ စဉ်အလုပ်လို
ဖြစ်သွားတဲ့အတွက်ဘာမှပိုပြီးမထူးပါဘူး
ကိုယ့်အတွက်လောက်ဆိုရင်တောင် ဘယ်အချိန်
စားရစားရဆိုပြီးနောက်ကျနိုင်ပေမဲ့ ဘုရားရှင်အတွက်
မွန်းမလွဲခင်ကပ်ရမယ်ဆိုတဲ့အတွက် ဝိရိယတောင်
ပိုပြီးသုံးရတဲ့အတွက်ပိုကုသိုလ်ရပါတယ်
ကျွန်တော်ကတော့ တနေ့ ကို အရုဏ်ဆွမ်း
နေ့ ဆွမ်း နှစ်ကြိမ်ကပ်ပါတယ်
လူတရောက်စားရင် ၁၅ မိနစ်ခန့် ကြာပါတယ်
ဆွမ်းတော်ကပ်ပြီး နာရီဝက်ထားပါတယ်
တခါတရံ ယပ်လေတောင်ခပ်ပေးတဲ့ကုသိုလ်ကို
ယူလိုက်ပါသေးတယ်
ဘေးကလူကြည့်ရင် ရယ်စရာဖြစ်နေပေမဲ့
ကိုယ့်ယုံကြည်ချက်နဲ့ ကိုယ်ပဲလေ အရုဏ်ကတော့
မုန့် တခုခုဖြစ်တာများပါတယ် ဆွမ်းချက်ကပ်တာ
တခါတရံမှပါ နေ့ ဆွမ်းကတော့အမြဲကပ်ဖြစ်ပါတယ်
ကျွန်တော်တို့ လို စားဝတ်နေရေးအဆင်မပြေသူများ
အတွက်က အဲလိုမှမယူတက်ရင် ဘာကောင်းမှု့ မှ
လုပ်နိုင်မှာမဟုတ်ပါဘူး
မိတ်ဆွေတို့ လည်း
ယုံကြည်ရင် လုပ်နိုင်ကြပါတယ်
ဦးမြင့်ခိုင်
share

Saturday, March 25, 2017

“ စိတ်ဓါတ်ရင့်ကျက်လာဖို့ ”


“ စိတ်ဓါတ်ရင့်ကျက်လာဖို့ ”

(၁) တစ်နေ့ အရာအာလုံးကို စွန့်ခွာသွားရမှာ..တစ်နေ့ အားလုံးအားလုံးကို ထားသွားရအုံးမှာ.. ဆိုတာ ခဏခဏ တွေးပေးပါ။
(၂) ကိုယ့်ကိုကိုယ်တောင် မပိုင်တာ..ငါပိုင်တာ တကယ်တမ်းတော့ ဘာဆိုဘာမှ မရှိပါလားလို့ ခဏခဏ ဆင်ခြင်နေပေးပါ။
(၃) ငါ သေရအုံးမှာ..အချိန်မရွေး ငါသေသွားနိုင်တယ်လို့လည်း ခဏခဏ ရွတ်ရွတ်ပေးပါ။
(၄) ငါဘာတွေတွေးနေလဲ?ဘာတွေခံစားနေလဲ ?
ခုစိတ်ထဲမှာ ဘယ်လိုတွေဖြစ်နေလဲ.. ဆိုတာမျိုး ကိုယ့်စိတ်ကို ကိုယ်အမြဲတမ်း သတိရတိုင်းရတိုင်း ပြန်ပြန်ကြည့်နေပေးပါ။ ပြန်ပြန်သိနေပေးပါ။
(၅) ငါဘာကိုတန်ဖိုးထားတာလဲ? အပေါ်ယံအရာဖြစ်တဲ့ပစ္စည်းတွေလား?
တစ်စုံတခုလား? တစ်စုံတစ်ယောက်လား?စိတ်ထားမြင့်မြတ်တာလား? ကိုယ်ကျင့်တရားမြင့်မြတ်တာလား?
ငါ့ဘဝမှာ ငါတကယ်တမ်း တန်ဖိုးအထားဆုံးအရာဟာ ဘာလဲ?
ခုလုပ်နေတာတွေဟာ ငါဘာကိုတန်ဖိုးထားပြီး လုပ်နေကိုင်နေပြောနေတာလဲ?
ငါတန်ဖိုးအထားဆုံးအရာဟာ တကယ်တမ်း နောက်ဆုံးတော့ အားကိုးရရဲ့လား?
ဆိုတဲ့မေးခွန်းမျိုးကို ကိုယ့်ကိုကိုယ် မမေ့မလျော့ ပြန်ပြန်မေးပါ။
(ကိုယ့်ကိုကိုယ် မလိမ်မညာပဲဖြေရင် အမှန်တွေနဲ့ အကောင်းတရားတွေနဲ့ နီးလာပြီ)
(၆) ဖြစ်နေတဲ့ အဆိုးတွေရော အကောင်းတွေရောဟာဘာမှ မမြဲဘူး။ ဘာမှ မဟုတ်ဘူး။ တခဏလေးတွေချည်းပဲ။ သင်္ခါရတရားတွေ အချိန်ပြည့် နှိပ်စက်နေတာလို့ အမြဲနှလုံးသွင်းနေကြည့်လိုက်ပါ။
သဘာဝကို သဘာဝ၊ အမှန်ကို အမှန်လို့ကြည့်တတ် မြင်တတ် လက်ခံတတ်တာ လက်ခံနိုင်တာဟာ သတ္တိရှိလို့ပါ။
သဘာဝအမှန်တရားကို လက်ခံနိုင်ရင် စိတ်ဓါတ်ရင့်ကျက်လာပြီ။အရှိကိုအရှိအတိုင်း အမှန်တရားကို အမှန်အတိုင်း လက်ခံနိုင်တဲ့စွမ်းရည်ကပဲအရာရာအပေါ်ကို balance အဖြစ် မြင်တတ်လာလိမ့်မယ်။
အဲဒီလက်ခံနိုင်တဲ့ စိတ်ဓါတ်ကပဲ ကိုယ့်ဘဝကို တကယ်တမ်းဘာရှေ့ဆက်လုပ်ရမလဲ ဘယ်အရာတွေကို မလုပ်သင့်တော့ဘူး။ဘယ်အရာတွေတော့ ပိုလုပ်သင့်သလဲဆိုတာ လမ်းပြပေးသွားပါလိမ့်မယ်။
နေတတ်ထိုင်တတ်အောင် စိတ်ချမ်းသာနေအောင်လည်း အပြည့်အဝ ကူညီပါလိမ့်မယ်။
ဒါပေမယ့် ဖတ်ထားပြီးရော ပြီးရင်မေ့ မလုပ်ပဲ…အဲဒီအတွေးတွေကို မမေ့မလျော့ သတိတရ တွေးတွေးနေပေးဖို့တော့ လိုတယ်။
တကယ် တွေးတွေးကြည့်ပြီးတဲ့အခါ လက်တွေ့ စိတ်ချမ်းသာလာတာကို တွေ့ရလိမ့်မယ်။
တချို့အရာတွေက သူများရေးထားတာဖတ်တာထက် ကိုယ်ကိုတိုင် လက်တွေ့ကြုံလာတဲ့အခါ အဲဒီအရသာက ပိုပြီးစိတ်ကိုကြည်နူးကျေနပ်စေတယ်။ တချို့အမြင်တွေက ကိုယ်ကိုတိုင်လုပ်ကြည့်လာမှ မြင်လာတယ်။ ပြီးမှ ဟုတ်ပါလားလို့ပေါ့..။ေ၇းထားတဲ့စာလေးနဲ့ ရပ်မနေပဲ ဒီထက်ပိုပြီးချဲ့တွေးစေချင်တာရယ်ပါ။
ဥပမာအနေနဲ့ “တစ်နေ့ အရာအာလုံးကို စွန့်ခွာသွားရမှာ.. တစ်နေ့ အားလုံးအားလုံးကို ထားသွားရအုံးမှာ.. ဆိုတာ ခဏခဏ တွေးပေးပါ” လို့ ရေးထားတဲ့အတိုင်း ကိုယ့်စိတ်ရင်းနဲ့ တွေးပေးလိုက်ရင် မတရားသဖြင့်လိုချင်တဲ့ မတရားလောဘတွေနဲသွားစေတယ်။ ငါစွန့်သွားရမှာပဲ..။ မတရားသဖြင့် လိုချင်မက်မောတာတွေနဲ့ မတရားလုပ်မနေတော့ပါဘူးဆိုတာမျိုး ဖြစ်လာတယ်။ ဒီထက်မကကို ကျယ်ပြန့်လွန်းပါတယ်။
“ကိုယ့်ကိုကိုယ်တောင် မပိုင်တာ.. ငါပိုင်တာ တကယ်တမ်းတော့ ဘာဆိုဘာမှ မရှိပါလားလို့ ခဏခဏ ဆင်ခြင်နေပေးပါ” ဆိုတာကို ဆင်ခြင်တဲ့အခါ.. ကိုယ်တကယ်ပိုင်လို့မရတဲ့အရာတွေရှိလာရင် ကိုယ်တကယ်လုပ်ယူလို့မရတဲ့အရာတွေ ဖြစ်လာရင် အဲဒီတွေးနည်းက တော်တော်အလုပ်ဖြစ်တယ်နော်..။ အဲဒီဆင်ခြင်နည်းက တော်တော်စိတ်ကိုသက်သာစေလိမ့်မယ်နော်။
“ငါ သေရအုံးမှာ.. အချိန်မရွေး ငါသေသွားနိုင်တယ်လို့လည်း ခဏခဏ ရွတ်ရွတ်ပေးပါ” လို့ နှလုံးသွင်းကြည့်ရင်… စာဖတ်သူ သေသေချာချာစိတ်နှစ်ပြီး နှလုံးသွင်းကြည့်လိုက်ပါ..။ဘယ်လိုခံစားရလဲလို့..။ ဒါဆိုရင် ရေးနေစရာတောင်မလိုတော့ပါဘူးနော်..။ အနည်းဆုံးဥပမာလေးကတော့ မာန်တွေ တော်တော်လျော့သွားစေတယ်..။
“ငါဘာတွေတွေးနေလဲ? ဘာတွေခံစားနေလဲ ? ခုစိတ်ထဲမှာ ဘယ်လိုတွေဖြစ်နေလဲ.. ဆိုတာမျိုး ကိုယ့်စိတ်ကို ကိုယ်အမြဲတမ်း သတိရတိုင်းရတိုင်း ပြန်ပြန်ကြည့်နေပေးပါ။ ပြန်ပြန်သိနေပေးပါ”
အဲဒီအတိုင်း ပြန်ပြန်ကြည့်တဲ့အခါ ကိုယ့်စိတ်အကြောင်း ကိုယ်သိလာတယ်။ ပိုသိလာတယ်။ ကိုယ်ကောင်းတာလည်းသိလာလိမ့်မယ်။ ကိုယ်မကောင်းတာလည်း သိလာလိမ့်မယ်။ ဆရာတော်ဦးဇောတိကစာအုပ်တွေ ဖတ်ပြီးလက်တွေ့လုပ်ကြည့်တဲ့သူတွေဆိုရင် အထူးသိပြီးသားတွေပါ။ ကိုယ့်စိတ်ထဲကခံစားမှုတွေကို စောင့်ကြည့်ပါများလာရင် မကောင်းတာတွေတွေးတာတွေ မကောင်းတာပြောတော့မှာတွေ မကောင်းတာလုပ်တော့မှာတွေကို ခွင့်မပြုတော့ဘူး။
အသေးစားဥပမာအနေနဲ့ ဒေါသအားကြီးလို့ ဒေါသကြီးလိုက်တာကိုတောင် အနည်းဆုံး ဒေါသဖြစ်နေတယ်လို့ ကိုယ့်ကိုကိုယ် ပြန်သိနေတယ်။ သိနေတော့ ဆိုးဆိုးဝါးဝါးတွေ မလုပ်ဖြစ်အောင် စိတ်ကပြောနေတယ်။ တုံ့ခနဲ့ ရပ်နိုင်တာ မရပ်နိုင်တာတော့ အလေ့အကျင့်ပေါ်မှာ မူတည်ပါတယ်။ နောက်ထပ်အကျိုးကျေးဇူးတွေက အများကြီးပဲ..။ အကျိုးများလွန်းလို့ လုပ်ကြည့်စေချင်တာရယ်ပါ။ အဓိကက အလေ့အကျင့်ရှိဖို့ အလေ့အကျင့် လုပ်ဖို့ရယ်ပါ..။
နံပါတ်(၅)က ကိုယ်တိုင်ဖြေရမှာမို့…………
ကိုယ့်အတွေးတွေကို ပြောင်းလိုက်ရင် ကိုယ့်လောကလည်း ပြောင်းသွားပါတယ်
(ဆရာတော်ဦးဇောတိက)။
ကိုယ့်နှလုံးရဲ့ နှလုံးသွင်းနည်းတွေကို ပြောင်းပစ်လိုက်ရင် ကိုယ့်ဘဝလည်း ပြောင်းသွားမယ်။
ဘယ်လိုအခက်အခဲ အကြီးအသေးတွေကြုံကြုံ ကိုယ်စိတ်ထားတတ်ရင် အိုခေနေတယ်ဆိုတာ သိလာလိမ့်မယ်။ အခက်အခဲက သေးနေပါစေ ကိုယ်စိတ်မထားတတ်ရင် စိတ်ဆင်းရဲနေတယ်ဆိုတာ သိလာလိမ့်မယ်။ အဲဒါမို့လို့ အဲဒါတွေအပေါ်ထားတဲ့ မြင်တဲ့ ကိုယ့်အတွေးတွေ၊ ကိုယ်နှလုံးသွင်းတဲ့နည်းတွေက အရမ်းအရေးကြီးနေပါတယ်။
Credit to Ko Nyo Lwin

သေခါနီး ဖြစ် တဲ့ စိတ်

Image may contain: one or more people
ဓမ္မရေချမ်းစင်
20 June 2016
သေခါနီး ဖြစ် တဲ့ စိတ်
အချိန် (၂ )မိနှစ် သာပေးပြီး ဖတ်ပေးပါ။
=============
သေခါနီး ဖြစ် တဲ့ စိတ်ဟာ အရမ်းကို အရေးကြီးပါတယ် ။ ...
လားရာ သုဂတိ ကို ချက်ချင်း အကျိုးပေး နိုင်ပါတယ် ။

ဒီအကြောင်း တရား ကိုမြတ်စွာ
ဘုရားရှင်က ယခု လိုဟောကြား ခဲ့ပါတယ် ။
နွား ကျောင်းသား ဟာ နေ၀င် လို့ နွားတွေ
ကို ခြံထဲသွင်း တဲ့အခါမှာ နွားပျို နွားပေါက်စ
လေးတွေက ရှေ့ဆုံးကနေ တိုးဝှေ့ပြီး ၀င်ကြတယ် ။
ဒါပေမယ့် မသန် မစွမ်းတော့ တဲ့ ..
နွားအိုကြီး တွေကတော့ ဘယ်လောက်ပဲ
ရိုက်နှက် ခြောက်လှန့်သည်ဖြစ်စေ ...
ဖြည်းဖြည်း ချင်းပဲ နောက်ဆုံး ကနေ ၀င်ကြတယ်။
နောက်ဆုံး နွားခြံကို ပိတ်လိုက် တဲ့ အချိန်
မှာတော့ နွားအိုကြီး တွေကခြံပေါက်ဝ မှာပဲ အိပ်ကြရတယ် ။
ဒါပေမယ့် နောက်တစ်နေ့ နွားတွေကို ခြံထဲက
ပြန်ထုတ် တဲ့ အခါမှာ တော့ ခြံဝမှာ အိပ်နေ
တဲ့ နွားအိုကြီး တွေကပဲ အရင်ထွက် ခွင့်ရပါတယ် ။
နွားပျို နွားငယ် တွေက တော့
နောက်ဆုံး မှပဲထွက် ကြရပါတယ် ။
အဲ့ဒီလိုပဲ သေခါနီး ခိုကိုးရာ မဲ့ နေတဲ့ အချိန်မှာ
ဖြစ် တဲ့ စိတ်ဟာ အရင်ဆုံး အကျိုးပေး ပါတယ် လို့ မြတ်စွာဘုရား ဟောကြား တော်မူခဲ့ပါတယ် ။
ဝိပဿနာအသိ မရှိတဲ့ လူ့ပတ်ဝန်းကျင်မှာ
သေရရင်ဖြင့် အရမ်းကို ကြောက်ဖို့ကောင်းပါတယ် ။
ကြည့်လေရာ မြင်လေရာက ကိုယ်တစ်
ဘ၀လုံး စွဲခဲ့တဲ့ အရာတွေ ချည်းပါပဲ ။
အိမ်တွေ အသုံး အဆောင် တွေ အ၀တ် အစား
တွေ သား သမီး လင်မယားတွေ အိမ်မွေး တိရစ္ဆာန်တွေ ။
ကိုယ့်ပတ်ဝန်းကျင်မှာ ရှိတာတွေ အကုန်လုံးက
ကိုယ့်ကို အပါယ်ဆွဲချမယ့် အရာတွေ ချည်းပဲ ။
ဒါကြောင့် ...
တစ်ချို့ နားလည် သဘောပေါက် တဲ့ လူတွေ
ဟာ သူတော်ကောင်း နေရာ မေတ္တာဓါတ်လွှမ်းခြုံ...
တဲ့ နေရာ ဆိတ်ငြိမ် တဲ့ နေရာ တွေမှာ
ကြိုတင် စီစဉ်ပြီး သေဆုံးလေ့ ရှိကြပါတယ်။
သေမယ့် အချိန်ကို ကြိုမသိ နိုင်ပေမယ့်
အဲ့လို နေရာမျိုး မှာပဲ ဘ၀ရဲ့ နောက်ဆုံး
အချိန်တွေကို ဖြတ်သန်း သွားကြပါတယ် ။
ကြောက်လည်း ကြောက်စရာ ပါပဲ။
အပါယ်ကျသွား လို့ ဘွာတေး လုပ်လို့ မရပါဘူး ။
အကုသိုလ် အစွဲအလန်း တွေ အားကြီး
လွန်းလို့ သေခါနီး ၀ိဥာဉ် မချုပ်နိုင်ပဲ
ဆန့်တငင်ငင် ဖြစ်နေတဲ့ ပုဂ္ဂိုလ်တွေ ရှိပါတယ် ။
တစ်ချို့ကလည်း အကုသိုလ် စေတနာ
ကုသိုလ် စေတနာ သိပ်ကြီးကြီး မားမား မရှိ....
ဝိပဿနာ ဥာဏ်ကလည်း မရှိတော့ သူ့ ကံက
သူ့ကို ဘယ်ပို့ရမှန်း မသိပဲ ဟိုစိတ် ရောက်လိုက်
ဒီစိတ် ရောက်လိုက်နဲ့ ကြာနေတာ တွေ ရှိပါတယ်။
ဒါကိုပဲ ဘေးက လူက ဟိုလူ့စောင့် သလိုလို
ဒီလူ့ စောင့် သလိုလို သားကိုပဲ မျှော်သလိုလို
သမီးကိုပဲ မျှော်သလိုလို ထင်တော့ တာပါပဲ ။
သားလေး ရောက်လာပြီ သမီးလေး ရောက်လာပြီ
ထကြည့်ပါဦး လို့ ဘေးကများ ..
ကုန်း အော်လိုက် လို့ကတော့ သေတဲ့ သူ
တစ်ခါတည်း သွားရော့ ငရဲအိုးပဲ ..
အပါယ်လေးဘုံကို....
တန်းနေအောင် ပြေးပါတော့တယ် ။
သေတဲ့ သူကို ဆွဲခါ လှုပ်ယမ်း ဖက်ပြီး
အော်ငိုတာ ကတော့ အဆိုးဆုံးပါပဲ ။
ကျလု ကျခင် ဖြစ်နေ တဲ့ သူကို
ချစ်သလိုလို နဲ့ ဆောင့်ကန်ချ လိုက်တာပါပဲ ။
ဒါကြောင့် .....
ငါသေရင် မငိုကြနဲ့ ဆူဆူညံညံလည်း မလုပ်ကြနဲ့…
ငါ့ဘေးနားလည်း မနေကြ နဲ့ ငါ့တရား နဲ့
ငါ နှလုံးသွင်းပြီး ငြိမ်းငြိမ်း ချမ်းချမ်း သေမယ်လို့
အဲ့လို ကြိုတင်ပြီး မိသားစုကို မှာထားရမယ်...
အဖေရယ် အမေရယ် နိမိတ် မရှိသော
စကားမပြောပါ နဲ့ အဲ့လို ပြောလာရင် ဟဲ့ နိမိတ်
မရှိ မလုပ်နဲ့ ငါက သေရင် ဒီနိမိတ်နဲ့ပဲ သွားရမှာ ...
အဲ့လို ပြတ်ပြတ် သားသား မှာထား
ရမယ် လို့မိုးကုတ် ဆရာတော် ဘုရားကြီးက
အထပ်ထပ် အခါခါ သတိပေး သွားခဲ့တာပါ ။
တစ်ချို့က ကုသိုလ် ကောင်းမှု့ တွေတော့ လုပ်ခဲ့ပါရဲ့
ဒါပေမယ့် သေခါနီး ကျတော့ လှူတုန်းကဖြစ်ခဲ့တဲ့
စေတနာကို ပြန်မစွဲပဲ ကျောင်းစွဲ ဘုရားစွဲ
ဇရပ် စွဲအဲ့လို စွဲတော့ ကျောင်းစောင့် ဘုရားစောင့်
စေတီစောင့် တွေပဲ ဖြစ်ကြရတယ် ။
ရိပ်သာမှာ အားထုတ် ခဲ့ပေမယ့်
ဝိပဿနာ စိတ် မဖြစ်ပဲ ရိပ်သာ
စွဲသေတော့ ရိပ်သာ စောင့် ဖြစ်ရပြန်တယ် ။
စေတနာကို ပြန်စွဲမိရင် တောင်မှ အစွဲဖြစ်
တဲ့ အတွက် ကံရှိ သလောက် အကျိုးပေး
ပြီး ကံကုန်တာ နဲ့ ပြန်ဆင်း ရမှာပါပဲ။
ဒါကြောင့် အပါယ်
လွတ်ရာ လမ်း တစ်လမ်းပဲ ရှိပါတယ်။
အဲ့ဒါ ကတော့ အသက်ရှင် နေထိုင်
တုန်းမှာ ၀ိပဿနာကို မြင့်မြတ်စွာ ကျင့်ကြံ
အားထုတ်ပြီး အသေ တတ်အောင် ကြိုးစားဖို့ပါပဲ ။
သစ္စာ တရားကို နှလုံးသားမှာ ယုံမှား
သံသယမရှိအောင် ကျင့်ကြံ သွားနိုင် တဲ့
အရိယာ ပုဂ္ဂိုလ်က တော့ ပတ်ဝန်းကျင်
ဘယ်လိုပဲ ဖြစ်ဖြစ် မတုန်လှုပ် တော့ပါဘူး ။
အရိယာ တို့ရဲ့ လားရာ သုဂတိဟာ မြဲသွား
ပြီ ဖြစ် တဲ့ အတွက် သူသွား ရမယ့် လမ်းကို
ဖြောင့်ဖြောင့် တန်းတန်း ပဲ သွားပါတယ် ။
ဒါပေမယ့် အဲ့လို မှ မကျင့်ကြံနိုင် တဲ့ သာမာန်
ပုဂ္ဂိုလ်များ အတွက် ကတော့ သေခါနီး အချိန်နဲ့
ပတ်ဝန်း ကျင်ဟာ ကိုယ့်အတွက် နောက်ဆုံး
အခွင့်အရေး နောက်ဆုံး ကျည်ဆန် ဖြစ်တဲ့အတွက်
အလွန် အင်မတန် မှ အရေးကြီး လှပါတယ်
လို့ စေတနာ အရင်းခံပြီး သတိပေး လိုက်ရပါတယ် ။
Share ခြင်းဖြင့် ကုသိုလ်ယူပါ…
(အနန္တမေတ္တာ)
Nann
Credi to Original Uploader.
မင်းကွန်းဆရာတော်ဘုရားကြီး၏
ဘဝမှတ်တိုင်များ မှ။

ကိစ္စတိုင်းကို နင်မှားတယ်၊ ...ငါမှန်တယ် လုပ်စရာမှမဟုတ်တာ။


Image may contain: mountain, outdoor and nature
ဓမ္မရေချမ်းစင်
27 July 2016
( အရမ်းကောင်းလွန်းလို့ ဝေမျှပေးတာပါ
ဖတ်ဖြစ်အောင် ဖတ်ကြည့်စေချင်ပါတယ် )
Be a better than you
ကိစ္စတိုင်းကို နင်မှားတယ်၊ ...
ငါမှန်တယ် လုပ်စရာမှမဟုတ်တာ။

အိမ်သူအိမ်သားနဲ့ စကားနိုင် လုတယ်၊
လုလို့နိုင်သွားတယ် ၊ ၅၂၈ လျော့သွားတယ်။
ချစ်သူနဲ့ စကားနိုင် လုတယ်၊
လုလို့နိုင်သွားတယ် ၊ ၁၅၀၀ လျော့သွားတယ်။
သူငယ်ချင်းနဲ့ စကားနိုင် လုတယ်၊
လုလို့နိုင်သွားတယ် ၊ သူငယ်ချင်းသံယောဇဉ်
လျော့သွားတယ်။
လုတာက ခဏနေမေ့မယ့်ကိစ္စ၊
ရှုံးတာက သံယောဇဉ်၊
နာကျင်တာက မိမိကိုယ်ကို။
အဖြူက အဖြူ၊ အမည်းက အမည်းပဲ..
အချိန်က သက်သေပြသွားပါလိမ့်မယ်။
ကိုယ့်ရဲ့ တစ်ယူသန်ခေါင်းမာတတ်တဲ့
အကျင့်ကိုဖျောက်ပြီး လူလုပ်ပါ။
ကိစ္စအချို့ကို အရှုံးပေးတာ
လူ့ဘဝအနေနဲ့နိုင်ပါတယ် ။
ပြေလည်မှု တစ်ခုပေးလေ၊
နွေးထွေးမှု တစ်ခုရလေ။
အချက် (၉)ချက်စလုံးဖတ်လို့
နားလည်သွားရင် လူဖြစ်ရတာ ပျော်လာမှာပါ။
၁။ ချမ်းသာမှု - ကိုယ်ရဲ့ ရောင့်ရဲမှုနဲ့ တိုက်ရိုက်အချိုးကျတယ်။
ရောင့်ရဲတင်းတိမ်တဲ့လူအဖို့ ကြမ်းပြင်မှာ အိပ်နေရလည်း နတ်ပြည်သမျှပါပဲ။
မရောင့်ရဲတတ်တဲ့သူအတွက် နတ်ပြည်မှာလှဲနေရလည်း ငရဲသမျှပါပဲ။
လူ့စိတ်ကသာ အရေးကြီးတာပါ။
လိုချင်တပ်မက်မှုတွေအများကြီးရှိနေသရွေ့ ကိုယ့်မှာ ဘယ်လောက်ပဲ ပိုင်ဆိုင်ပိုင်ဆိုင် ဆင်းရဲနေဦးမှာပဲ။
လိုချင်လျှင် ဆင်းရဲသည်၊ မလိုချင်လျှင် ချမ်းသာသည်ဆိုတဲ့စကားရှိပါသည်။
၂။ တွက်ကပ်မှု - မတွက်ကပ်တဲ့သူရဲ့ နှလုံးသားက အခန်းပိုကျယ်တယ်။
လူစိတ်တွေဟာ တစ်ခုကိုတစ်ခု အမှီသဟဲပြုထားတာပါ၊
သင်သူများကို တစ်လှမ်းနောက်ဆုတ်ပေးရင် သူများက သင့်အပေါ် တစ်ပေတိုးပြီးလေးစားပါတယ်။
မှီထားတဲ့အတွက်နေရာလွတ် ဆိုတာမရှိပါဘူး။ သင်က သူ့အပေါ်တစ်လှမ်း လွန်သွားရင်တော့ သူက တစ်လှမ်းကိုယ့်ကို အထင်သေးသွားပြီ။
လူ့စိတ်ဟာ လမ်းတစ်ခုလိုပဲ၊ ကိုယ်ကပိုတွက်ကပ်လေ ကိုယ်လျှောက်မယ့်လမ်းက ကျဉ်းလေ။
လူကောင်းကို မတွက်ကပ်ပါနဲ့၊ နောက်သင့်ကိုသူမကူညီတော့မှာစိုးလို့ပါ။
လူဆိုးကို မတွက်ကပ်ပါနဲ့၊ နောက် အခွင့်ကြုံရင် သင့်ကိုသူ ခြေထိုးမှာစိုးလို့ပါ။
သူတစ်ပါးကို သဘောထားကြီးခြင်းဟာ မိမိကိုယ်ကို လမ်းဖွင့်ခြင်းပါ။
၃။ လွှတ်ချမှု - အတိတ်ကို လွှတ်ချပြီး ပေါ့ပေါ့ပါးပါးနေထိုင်ပါ
ဒီနေ့ ဘယ်လောက်ပင်ကြီးမားတဲ့ ကိစ္စဖြစ်နေပါစေ၊ မနက်ဖြန်ရောက်ရင် ကိစ္စလေးဖြစ်သွားကော။
ဒီနှစ် ဘယ်လောက်ပင်ကြီးမားတဲ့ ကိစ္စဖြစ်နေပါစေ၊ နောက်နှစ်ရောက်ရင် ပုံပြင်လေးဖြစ်သွားကော။
ဒီဘဝ ဘယ်လောက်ပင်ကြီးမားတဲ့ ကိစ္စဖြစ်နေပါစေ၊ နောင်ဘဝရောက်ရင် ယုံတမ်းစကားဖြစ်သွားကော။
ကျွန်တော်တို့တွေက ယုံတမ်း ပုံပြင်တွေကို ဖန်တီးနေတဲ့သူတွေလေ... မေ့နေပြီလား။
ဘဝမှာ အလုပ်မှာ အဆင်မပြေမှုကြုံတိုင်း ကိုယ့်ကိုပြန်သတိပေးပါ။
ဒီနေ့က ကုန်သွားမှာ၊ မနက်ဖြန်က ရောက်လာမှာ၊ နေ့ရက်အသစ်နဲ့ ကိုယ်က ပြန်စတင်ရမှာ။
၎။ လွယ်ကူပါ - လောကကြီးကို လွယ်လွယ်လေးကြည့်ပါ၊ ပျော်ရွှင်မှုက နေရာအတိပါ။
စိတ်ကို ဖြေဖျော့ရင် လောကကြီးက ကိုယ့်အတွက်ချောင်ချိနေပြီး အသက်ရှုရတာ လွယ်ကူလို့နေတယ်။
စိတ်ကို လွတ်လပ်ထားရင် ဘဝဟာ အလိုလိုလွတ်လပ်နေပြီး ဘယ်ရောက်ရောက် ဘာလုပ်လုပ် အလိုလို ပျော်ရွှင်လို့နေတယ်။
လူ့ဘ၀မှာ အရာအချို့က လွှတ်ချတတ်ရမှာ။
လက်ထဲက သဲတစ်ဆုပ်ကို လွှတ်ချမှ အရှေ့မှာရှိတဲ့ ရွှေတစ်ဆုပ်ကို ဆုပ်ယူခွင့်ရှိမှာပေါ့။
တစ်ခါတစ်လေ စွန့်လွှတ်ခြင်းရဲ့အဆုံးဟာ ရယူခြင်းရဲ့ အစပါ။
အရာရာက ဖာသိဖာသာနဲ့ အတိတ်ဖြစ်သွားမှာ။
၅။ နှလုံးသား - နှလုံးသားတစ်ခုကို နှလုံးသားတစ်ခုနဲ့လဲမယ်။
သူများရဲ့အားနည်းချက်ကို မကဲ့ရဲ့ပါနဲ့ - ဒါက ကိုယ်ချင်းစာမှုပါ
သူများရဲ့ သဘောထားကြီးမှုကို မလှောင်ပြောင်ပါနဲ့ - ဒါက နားလည်မှုပါ။
သဘောထားကြီးတဲ့သူက လွယ်လွယ်ဒေါသမထွက်တာကိုပြောတာ၊ ဒေါသမထွက်တတ်ဘူးမပြောဘူး။
သည်းခံတာ အလို့မဟုတ်ဘူး။ သူ့သည်းခံနိုင်စွမ်းဆိုတာသူရှိတယ်။
အချစ်ကို အတင်းမလုပ်ယူရဘူး၊ နှလုံးသားက ကစားစရာအရုပ်တစ်ခုမဟုတ်
ရေစက်က မကုန်ချင်လို့မရဘူး၊
နှလုံးသားတစ်ခုကို နှလုံးသားတစ်ခုနဲ့လဲရတယ်၊ ဒါမှအချစ်စစ်ကိုရတာ။
စိတ်တစ်ခုကို စိတ်တစ်ခုနဲ့လဲရတယ်၊ ဒါမှ သူ့ဆီက စိတ်အစစ်ကိုရမှာ။
၆။ ကုသိုလ်၊ အကုသိုလ် - ကုသိုလ်အများကြီးရှိတဲ့လူကို အကုသိုလ်က ကြောက်နေရော။
ကိုယ့်စိတ်ကို သူများကိုဖုံးလို့ရပေမယ့် ကိုယ်မှာ ကုသိုလ်များလား အကုသိုလ်များလား ဘုရားသိပါတယ်။
လူက ကောင်းမှုပြုရင် အကုသိုလ်က ကြောက်လန့်နေပြီး ဝေးဝေးကိုပြေးပါတယ်။
လူက မကောင်းမှုပြုရင် ကုသိုလ်က ကြောက်လန့်နေပြီး ဝေးဝေးပြေးပါတယ်။
ကောင်းမှုပြုတဲ့သူဟာ ပန်းခြံထဲ မြက်ပင်လေးတွေလိုပဲ၊ တစ်နေ့တစ်ခြား တိုးတက်တာမမြင်ပေမယ့် နေ့စဉ်နဲ့အမျှ ရှင်သန်ကြီးထွားလာတယ်။
မကောင်းမှုပြုတဲ့သူဟာ ဓားသွေးကျောက်ထက်က ဓားလိုပဲ၊ ဆုတ်ယုတ်သွားတာမမြင်သာပေမယ့် တစ်နေ့ကျရင် ထက်ပိုင်ကျိုးမှာ။
ကုသိုလ်၊ အကုသိုလ်က တံခါးမရှိ ဓားမရှိ မိမိစိတ်ကို ဝင်ထွက်သွားလာနိုင်တယ်။
အကုသိုလ်ရဲ့အမှောင်က သူတစ်ပါးမသိသော်လည်း မိမိစိတ်ကို မှောင်ရိပ်ကျပြီး ကြီးစိုးတတ်တယ်။
ကုသိုလ်ရဲ့ အလင်းက သူတစ်ပါးမချီးမွမ်းလည်း မိမိစိတ်မှာ ထွန်းလင်းလို့နေတယ်။
၇။ နေရာလွတ် - နေရာလွတ်တစ်ခုထားပြီး ထည့်ချင်တဲ့အရာထည့်သွင်းပါ။
မိမိကိုယ်ကို နေရာလွတ်ပေးပါ၊ ဒါမှ စိတ်ပြတင်းပေါက်လည်းပွင့်ပြီး အသက်ဝဝရှုနိုင်မှာ။
မိမိ အရမ်းပျော်နေတဲ့အခါ
ကိုယ့်ကိုယ်ကို စဉ်းစားချိန်ပေးပါ၊ ဒါမှ ပျော်ရွှင်မှုက နှလုံးသားထဲထိစီဆင်းသွားမှာ။
မိမိ နာကျင်တဲ့အခါ
ကိုယ့်ကိုယ်ကို နှစ်သိမ့်ချိန်ပေးပါ၊ ဒါမှ နာကျင်တဲ့မီးကို ငြိမ်းသတ်ချိန်ရှိမှာ။
မိမိ ခေါင်းရှုပ်နေတဲ့အခါ
ကိုယ့်ကိုယ်ကို ပျော်ရွှင်ဖို့အချိန်ပေးပါ၊ ဒါမှ ခေါင်းရှုပ်စေတဲ့ကိစ္စက ပျောက်သွားမှာ။
မိမိအထီးကျန်ဆန်ခံနေရတဲ့အခါ
ကိုယ့်ရဲ့ အချစ်ဆုံးသူကို အချိန်ပေးပါ၊ ဒုတိယ အချစ်ဆုံးသူက မိမိကိုယ်တိုင်ပဲဆိုတာ မမေ့ပါနဲ့။
နေရာလွတ် တစ်ခုထားခြင်းဟာ လူ့ဘဝရဲ့ လိုအပ်မှုတစ်ခု။
မိမိကိုယ်ကိုယ် အချိန်ပေးခြင်းဟာ တန်ဖိုးရှိပေမယ့် လူတိုင်းမေ့လျော့နေတတ်တဲ့အရာတစ်ခု။
၈ - ကျေးဇူးတင်ပါ - လူ့ဘဝက အရောင်အသွေးပိုစုံလင်သွားမှာ။
သင့်ကို နာကျင်အောင်လုပ်တဲ့သူကို ကျေးဇူးတင်ပါ။ သူ့ကြောင့်မို့လို့ပဲ သင့်စိတ် လေ့ကျင့်ပြီးသားဖြစ်သွားတာမဟုတ်လား။
သင့်ကို လိမ်ခဲ့တဲ့သူကို ကျေးဇူးတင်ပါ။ သူ့ကြောင့်မို့လို့ပဲ သင် ဗဟုသုတအသစ် ရသွားတာမဟုတ်လား။
သင့်ကို စွန့်လွှတ်ခဲ့တဲ့သူကို ကျေးဇူးတင်ပါ။ သူ့ကြောင့်မို့လို့ပဲ သင် ကိုယ့်ခြေထောက်ပေါ်ရပ်နိုင်ခဲ့တာမဟုတ်လား။
သင့်ကို ခြေထိုးတဲ့သူကို ကျေးဇူးတင်ပါ။ သူ့ကြောင့်မို့လို့ပဲ သင့်လဲကျတိုင်း ပြန်ထတတ်သွားတာမဟုတ်လား။
သင့်ကို ဝေဖန်တဲ့သူကို ကျေးဇူးတင်ပါ။ သူ့ကြောင့်မို့လို့ပဲ သင့်အားနည်းချက်ကိုပြင်ဖို့ သိသွားတာမဟုတ်လား။
သင့်ကို ရင့်ကျက်လာအောင် သွန်သင်ပေးခဲ့တဲ့လူတွေအားလုံးကို ကျေးဇူးတင်ပါ။
ဒါမှ လူ့ဘဝက အရောင်အသွေးပိုစုံလင်သွားမှာ။
၉။ ကံစီမံရာကို လျှောက်လမ်းတတ်ပါ၊ ချမ်းသာသုခက ကိုယ်နဲ့မကွာ ကပ်လိုက်လာမှာ။
လူ့ဘဝက ကော်ဖီတစ်ခွက်လိုပဲ၊
များလည်းကောင်းတယ်၊ နည်းလည်းကောင်းတယ်၊ ဘာကိုလုမှာလဲ။
ပျစ်လဲကောင်းတယ်၊ ကျဲလည်းကောင်းတယ်၊ သူ့အရသာနဲ့သူပဲ။
လောပြီးသောက်လည်းကောင်းတယ်၊ နှပ်ပြီး အေးဆေးသောက်လည်းကောင်းတယ်၊ အဲတော့ဘာဖြစ်လဲ။
ပူလည်းကောင်းတယ်၊ အေးလည်းကောင်းတယ်၊ ပြုံးပြီးသောက်ရင်ပိုတောင်ကောင်းသေးတယ်။
ချိုလည်းကောင်းတယ်၊ ခါးလည်းကောင်းတယ်၊ ကိုယ်ဘယ်လို လက်ခံမလဲပဲမူတည်တယ်။
လူ့ဘဝကို သင်ကသွား ဂရုစိုက်နေလို့သာ ခါးတာပါ။
သံသယထားလို့သာ နာကျင်တာပါ။
ပေါ့ပေါ့လေး ကြည့်ရင် ပျော်ဖို့ကောင်းနေမှာ။
ပျော်ရွှင်မှု အမြင်နဲ့ကြည့်ရင် ချမ်းသာသုခကကိုယ်နဲ့မကွာ ကပ်လိုက်နေမှာ။
ကျွန်တော်တို့အားလုံးက ခေတ်ကာလတစ်ခုရဲ့ ဧည့်သည်အချို့ပါ။
ရေတစ်ခွက်ထဲ ဆားတစ်ဆုပ်ထည့်သောက်ရင် ငန်မယ်၊ ဒါပေမယ့် တိုင်ကီထဲထည့်သောက်ရင် မငန်တော့ဘူး။
လောကဓံက ဆားတစ်ဆုပ်ဆိုပါစို့ ၊ အဓိက,က မိမိဘာခွက်နဲ့ခံပြီးသောက်မလဲပေါ်ပဲမူတည်ပါတယ်။
တစ်ခါတစ်လေကျနော်တို့ ရွေးချယ်ခွင့်မရှိတော့ရင် ကံစီမံရာအတိုင်းပေါ့။
သင့်ရဲ့စိတ်ကို အရှုပ်ထုပ်တွေနဲ့ မချည်နှောင်ထားပါနဲ့၊
အသက်တစ်ချက် ပြင်းပြင်းရှုကြည့်ပါ။
တစ်ချို့ မမြင်ရတဲ့အရာတွေကို နှလုံးသားနဲ့ နားလည်ကြည့်ပါ။
Be a better than you from yesterday , i wish smile emoticon
Peace
စာပေ မှတဆင့်ပြန်လည်မျှဝေပေးပါတယ်။

Friday, March 24, 2017

ရွှေဥမင်ဆရာတော်ဘုရားကြီး၏🌷တရားအားထုတ်နည်း🌿

Image may contain: 2 people, people standing
ရွှေဥမင် ဓမ္မသုခ တောရရိပ်သာ စာသင်တိုက်.မင်္ဂလာဒုံ
14 hrs
🌷ရွှေဥမင်ဆရာတော်ဘုရားကြီး၏🌷
🌿 တရားအားထုတ်နည်း🌿
သတိကလေး ထားနေရုံပဲ။...
စိတ်ကို အတင်းထိန်းလည်း မထားနဲ့၊
တောင့်လည်း မထားနဲ့၊
ချုပ်မထားနဲ့၊
အလိုက်သင့်
အလျားသင့် ကလေးနေပြီး
ဖြစ်တာကို
ဖြစ်တဲ့အတိုင်း
သိနေရုံပဲ။

သူ့သဘာဝအတိုင်း
ဖြစ်နေတာကို
သတိကလေး
ထားနေရုံပဲ၊
ပေါ်အောင်လည်း မလုပ်နဲ့၊
ပျောက်အောင်လည်း မလုပ်နဲ့။
သူ့ သဘာဝ ဖြစ်တိုင်း ဖြစ်တိုင်း
ဖြစ်တာလေးကို
ဖြစ်တဲ့ အတိုင်းသိနေပါ။
ချုပ်မရှူ့နဲ့၊
လုပ်မရှူ့နဲ့
သူ့ သဘာဝအတိုင်း
ဖြစ်တာကို
သိနေဖို့ပဲ။
သတိရှိနေဖို့ပဲ။
ကိုယ်မှာ ဖြစ်တိုင်း ဖြစ်တိုင်း၊
စိတ်မှာ ဖြစ်တိုင်းဖြစ်တိုင်း
ကိုယ်ရော
စိတ်ရော
သိမှ။
အဲ့လို သိနေဖို့က
သွားတိုင်းလာတိုင်း၊
စားတိုင်း၊
သောက်တိုင်း ၊
မြင်တိုင်း၊
သတိရှိနေရမယ်။
ရှေ့ သတိနဲ့ နောက်သတိ၊
ရှေ့သမာဓိနဲ့ နောက်သမာဓိ၊
ရှေ့အသိနဲ့ နောက်အသိ၊
အမြဲ ဆက်စပ်နေရမယ်။
သိက္ခာသုံးပါး ဖြည့်ကျင့်ခြင်း
ဘာပဲဖြစ်ဖြစ်
ကောင်းကောင်းဆိုးဆိုး သတိထား၊
ကိုယ်မှာ ဖြစ်တိုင်းဖြစ်တိုင်း၊
စိတ်မှာ ဖြစ်တိုင်း ဖြစ်တိုင်း
သတိထား။
အစမှာတော့
နှာသီးဖျားမှာ
သတိထား
ထွက်တိုင်းသိ
ဝင်တိုင်းသိ။
တိုးပြီးဝင်သွားတာ သိနေ၊
တိုးပြီး ထွက်နေတဲ့
ထိမှုကလေးကို
သိသိနေဖို့ပါပဲ။
အမှန်သိမှု
ဥာဏ်ကုသိုလ်တွေ ဖြစ်သွားမယ်။
ဖြစ်တာကို ဖြစ်တဲ့အတိုင်း
သိနေတာဟာ ၀ိပဿ နာပဲ့။
ဖြစ်အောင်လဲ မလုပ်ရ၊
ပျက်အောင်လည်း မလုပ်ရဘူး။
အဲ့လို ဖြစ်တိုင်း ဖြစ်တိုင်း
သိရုံမျှ သိပေးနေရုံပဲ။
အဲ့လို သိနေတဲ့အတွက်
(ဣန္ဒြိယသံဝရသီလစတဲ့)
သီလ သိက္ခာတွေလည်း
လုံခြုံပြီးနေတယ်။
သတိရှိနေတဲ့အတွက်
သမာဓိ သိက္ခာလည်း
ညီညွတ် မျှတနေတယ်။
သတိရှိနေတဲ့ အတွက်
(ပညာသိက္ခာ)
သိစရာတွေကို အမှန်တိုင်း
ပိုင်းခြားပြီး သိနေတယ်။
သတိထားလိုက်တိုင်း
သိက္ခာသုံးပါး
ဖြည့်ကျင့်ပြီးသား
ဖြစ်သွားတယ်။
သိက္ခာသုံးပါးရှိတဲ့ ပုဂ္ဂိုလ်ဟာ
လူ၊ နတ်၊ ဦးခိုက်ပူဇော်ထိုက်တဲ့
အဆင့်မြင့်ပုဂ္ဂိုလ် ဖြစ်သွားတယ်။
စိတ်ပျံ့လွင့်သော်
စိတ်ပျံ့လွင့်တာကို
အတင်းထိန်းမထားပါနဲ့၊
ပျံ့လွင့်ရင်
ပျံ့လွင့်မှန်း သိဖို့ပဲ။
စိတ်မငြိမ်တာကို
မငြိမ်မှန်းသိဖို့ပဲ့၊
စိတ်ပြေးရင် ပြေးမှန်း၊
တွေးရင်တွေးမှန်း၊
စိတ်ကူးရင် စိတ်ကူးမှန်း၊
ကြံရင် ကြံမှန်း
သိနေရုံပဲ။
သိရင်တော်ပြီ၊
တည်ငြိမ်လို့ ကောင်းလို့
သဘောကျနေရင်လည်း
မဟုတ်သေးဘူး။
တည်တာကို
ကောင်းတယ်ထင်ပြီးတော့လဲ
မစွဲရဘူး။
ပျံ့လွင့်တာကို
မကောင်းဘူးထင်ပြီးတော့လည်း
စိတ်မပျက်ရဘူး။
သိနေဖို့ပဲ။
ကောင်းကောင်း
မကောင်းကောင်း
တည်တာကိုလည်း သိ၊
မတည်တာကိုလည်း သိရမယ်။
တရားအားထုတ်တယ်ဆိုတာ
စိတ်ကလေးကို
ပ၀ါဖြူလေးလို
ဖြူ စင်သန့်ရှင်းအောင်
လုပ်နေတာပါ။
စိတ်ကို ကိလေသာတွေနဲ့
မပေါင်းမိအောင်၊
စိတ်ကို ပူလောင်စေတတ်၊
ညစ်နွမ်းစေတတ်၊
နှိပ်စက်ညှဉ်းပန်းတတ်တဲ့
လောဘ၊ ဒေါသ၊ မောဟ
ကိလေသာတွေနဲ့
မပေါင်းမိအောင်
စင်ကြယ်သန့်ရှင်းတဲ့
စိတ်ကလေး အမြဲဖြစ်နေအောင်
သတိကလေးထားပြီး အမြဲနေရမှာ။
(ရွှေဥမင်ဆရာတော်ဘုရားကြီး သြဝါဒ)

✿ သရဏဂုံဆိုတာ ✿

Image may contain: 1 person, sitting and text
ဓမ္မရေချမ်းစင်
11 May 2016
✿ သရဏဂုံဆိုတာ ✿
════════════
သရဏဂုံရဲ့ အကျိုးတွေတင်ထားပြီး သရဏဂုံအကြောင်း ပြည့်ပြည့်စုံမတင်ရသေးလို့ ရှာပြီး တင်ပေးလိုက်ပါတယ် ...
...
သရဏဂုံ တည်သူသည် ဗုဒ္ဓဘာသာဝင်၊ ဗုဒ္ဓသာသနာဝင် ဖြစ်သည်။
သရဏဂုံအဓိပါယ်
══════════
ပါဠိဘာသာ သရဏဂမနကို မြန်မာလို သရဏဂုံ ဟုခေါ်သည်။
သရဏ = ကိုးကွယ်ရာ၊ အားကိုးရာ၊ အားထားရာ။
ဂမန = ယုံကြည်ဆည်းကပ်ခြင်း။
မြတ်စွာဘုရားသည် အားကိုးရာ သရဏ။
မြတ်စွာဘုရား၏ တရားတော်သည် အားကိုးရာ သရဏ။
သံဃာတော် အပေါင်းသည် အားကိုးရာ သရဏ။
လူတို့ အားကိုးရာ ဟူ၍ ယုံကြည် ဆည်းကပ်ခြင်းသည် ဂမန = ဂုံ။
ထို့ကြောင့် ဘုရား၊ တရား၊ သံဃာ၊ ရတနာ သုံးပါးကို အားကိုးရာ ဟူ၍ ယုံကြည် ဆည်းကပ်ခြင်းကို သရဏ ဂမန = သရဏဂုံ သုံးပါး ဟု ခေါ်သည်။
မြတ်စွာဘုရားကို အားကိုးရာ ဟူ၍ ယုံကြည် ဆည်းကပ်လျှင် ဗုဒ္ဓသရဏဂုံ တည်သည်။
မြတ်စွာဘုရား၏ တရားတော်ကို အားကိုးရာ ဟူ၍ ယုံကြည် ဆည်းကပ်လျှင် ဓမ္မသရဏဂုံ တည်သည်။
သံဃာတော် အပေါင်းကို အားကိုးရာဟူ၍ ယုံကြည်ဆည်းကပ်လျှင် သံဃသရဏဂုံ တည်သည်။
သရဏဂုံ တည်သူသည် ဗုဒ္ဓဘာသာဝင်၊ ဗုဒ္ဓသာသနာဝင် ဖြစ်သည်။
ဆောင်ပုဒ်
══════
ရတနာသုံးဖြာ၊ အားကိုးရာဟု၊ ဆည်းကပ်ပြု၊ ခေါ်မှု သရဏဂုံ။
သရဏဂုံ သုံးပါး၊ တည်သူများ၊ ရငြား ချမ်းသာစုံ။
ရှိခိုးတိုင်း သရဏဂုံ မဖြစ်
-------------------------------
မည်သည့် ပုဂ္ဂိုလ်ကို မဆို ရှိခိုးတိုင်း သရဏဂုံ မဖြစ်၊ ယုံကြည်ဆည်းကပ်မှု မဟုတ်။ သီလ သမာဓိ ပညာ ကိုယ်ကျင့်တရားတို့နှင့် ပြည့်စုံ၍ မြင့်မြတ်သော ပုဂ္ဂိုလ်အဖြစ်ဖြင့် ရှိခိုးမှသာ သရဏဂုံ ဖြစ်သည်။ ယုံကြည် ဆည်းကပ်မှု ဖြစ်သည်။
ဆွေမျိုးဖြစ်၍ ရှိခိုးခြင်း
ကြောက်၍ ရှိခိုးခြင်း
ဆရာဖြစ်၍ ရှိခိုးခြင်း
ဤ ရှိခိုးခြင်းများသည် သရဏဂုံ မဖြစ်။ မြတ်စွာဘုရားကိုပင် ဆွေမျိုးဖြစ်၍ ရှိခိုးလျှင် သရဏဂုံ မဖြစ်ပေ။
(ဒီ-ဋ္ဌ ၁၊ ၂၀၇)
ဆောင်ပုဒ်
══════
ဆွေမျိုးအဖြစ်၊ ရှိခိုးလစ်၊ မဖြစ် သရဏဂုံ။
ကြောက်ရသူအဖြစ်၊ ရှိခိုးလစ်၊ မဖြစ် သရဏဂုံ။
ဆရာအဖြစ်၊ ရှိခိုးလစ်၊ မဖြစ် သရဏဂုံ။
ပုဂ္ဂိုလ်မြတ်ဟူ၊ ရှိခိုးမူ၊ ရယူ သရဏဂုံ။
သရဏဂုံ တည်က၊ ပါယ်လေးဝ၊ လားရ မရှိကုန်။
ရှိခိုးသော်လည်း သရဏဂုံမပျက်
--------------------------------------
ရတနာသုံးပါးကို ယုံကြည်ဆည်းကပ်သဖြင့် သရဏဂုံတည်နေသော ဗုဒ္ဓဘာသာဝင် တယောက်သည် တခြားဘာသာမှ ဘုရား ဆိုသူများ၊ ဘုန်းကြီး ဆိုသူများကို ဆွေမျိုးဖြစ်ခြင်း၊ ဆရာဖြစ်ခြင်းကြောင့် ရှိခိုးသော်လည်း တည်ပြီးသားသရဏဂုံ မပျက်။ မြင့်မြတ်သောပုဂ္ဂိုလ်ဟု ယူဆ၍ ရှိခိုးမှသာ သရဏဂုံ ပျက်သည်။
(ဒီ-ဋ္ဌ ၁၊ ၂၀၇)
သရဏဂုံ ညစ်နွမ်းခြင်း ၄ မျိုး
════════════════
ရတနာသုံးပါး၏ ဂုဏ်ကို မသိလျှင် ဖြစ်စေ
အသိမှားလျှင် ဖြစ်စေ
ယုံမှား သံသယ ရှိလျှင် ဖြစ်စေ
ရတနာ သုံးပါးကို မရိုသေလျှင် ဖြစ်စေ သရဏဂုံ ညစ်နွမ်း၏။ သရဏဂုံ ညစ်နွမ်းလျှင် ကြီးကျယ် ဖွံ့ဖြိုးသော ကောင်းကျိုးကို မရနိုင်ပေ။
(ခုဒ္ဒကပါဋ္ဌ-ဋ္ဌ၊ ၇)
ဆောင်ပုဒ်
═══════
ဘာသာတပါး၊ ကိုးကွယ်ငြား၊ ပျက်ပြား သရဏဂုံ။
သေဆုံးလေငြား၊ ထိုသူအား၊ ပျက်ပြား သရဏဂုံ။
သရဏဂုံ မတည်နိုင်သူ
═════════════
သရဏဂုံ တည်နေသူသည် တခြားဘာသာကို ပြောင်းလဲ ကိုးကွယ်မှုမပြုသမျှ မသေမချင်း သူ့ သန္တာန်၌ သရဏဂုံ တည်နေ၏။ သေလျှင်ကား သရဏဂုံ ပျက်သွားပေပြီ။ သေပြီးနောက် စိတ်မရှိတော့သော ဥတုဇ ရုပ်အလောင်း၌မူ သရဏဂုံ မတည်နိုင်ပေ။ စိတ်သည်လည်း ဥတုဇ ရုပ်ကြွင်းအနီး၌ မရှိတော့ပဲ နောက် တဘဝ၌ ဖြစ်ပျက် အစဉ်အတိုင်း ဖြစ်လျက် နေလေပြီ။
သရဏဂုံ ၂ မျိုး
════════
ပုထုဇဉ် ပုဂ္ဂိုလ်တို့၏ သန္တာန်၌ ယုံကြည်ဆည်းကပ်မှုဖြင့် တည်သော လောကီသရဏဂုံ၊ အရိယာတို့၏ သန္တာန်၌ မဂ်ဉာဏ်နှင့် အတူတကွဖြစ်သည်လာသော လောကုတ္တရာ သရဏဂုံ ဟု ၂ မျိုး ရှိ၏။ လောကီ သရဏဂုံသည် ညစ်လည်း ညစ်နွမ်း နိုင်၏။ ပျက်လည်း ပျက်စီးနိုင်၏။ လောကုတ္တရာ သရဏဂုံ သည် ညစ်လည်း မညစ်နွမ်း၊ ပျက်လည်း မပျက်စီးပေ။ (ခုဒ္ဒကပါဋ္ဌ-ဋ္ဌ၊ ၇)
သရဏဂုံ အကျိုး
═════════
သရဏဂုံ တည်လျှင် ဘဝကောင်း ဘဝမွန်တွေကို ရခြင်း၊ စည်းစိမ် ဥစ္စာပြည့်စုံခြင်းမှ စ၍ ဆင်းရဲခပ်သိမ်း ငြိမ်းသည်အထိ ကောင်းကျိုးချမ်းသာကို ရရှိနိုင်၏။
နတ်ဖြစ်ရသော တံငါသည်
═══════════════
ရှေးက သီဟိုဠ်ကျွန်း၌ မဓုအင်္ဂဏ ရွာတွင် တမီလ် လူမျိုး တံငါသည် တယောက် ရှိ၏။ သူသည် နှစ်ပေါင်း ငါးဆယ်တိုင်တိုင် တံငါလုပ်ငန်းဖြင့် အသက်မွေးဝမ်းကျောင်းပြီးနောက် အိုမင်းမစွမ်း ဖြစ်သောအခါ ရောဂါ နှိပ်စက်၍ အိပ်ရာထက်၌ လဲလျောင်း နေရ၏။
ရဟန်းတော်တစ်ပါးသည် ထို တံငါသည်နှင့် သိကျွမ်းသဖြင့် သေခါနီး တံငါသည်မှာ အနည်းငယ် မျှပင် ထောက်တည်ရာ ရစေတော့ ဆိုသော သဘောဖြင့် သူ့အိမ်သို့ ကြွသွား၏။ အိမ်သို့ ရောက်သောအခါ လူမမာ တံငါသည်ကို သရဏဂုံ ဆောက်တည် စေ၏။ တံငါသည်သည် သေဘေးကို ကြောက်သဖြင့် သရဏဂုံကို လိုလိုလားလား ခံယူ ဆောက်တည်၏။ ရဟန်းတော်က ဆက်လက်၍ ငါးပါးသီလ တိုင်ပေးသောအခါ လူမမာမှာ မေးခိုင်သွား၍ လိုက်မဆိုနိုင်တော့ပေ။
ရဟန်းတော်က သင့်လောက်ပြီဟု ဆိုကာ ကျောင်းသို့ ပြန်ကြွသွား၏။ မကြာမီပင် တံငါသည် ကွယ်လွန်၍ စတုမဟာရာဇ် နတ်ပြည်၌ နတ်စည်းစိမ်ချမ်းသာကို ခံစားရ၏။
ဤတံငါသည် နှစ်ပေါင်းငါးဆယ် ပြုလုပ်ခဲ့သော ပါဏာတိပါတ ( အာစိဏ္ဏကံ ) အကုသိုလ်ကို သေခါနီးမှ ပြုရသော ( အာသန္နကံ ) သရဏဂုံ ကုသိုလ်က တားမြစ်လိုက်ကာ ကောင်းကျိုးချမ်းသာကို ပေးခြင်းဖြစ်သည်။ ( အံ-ဋ္ဌ ၂၊ ၁၀၇ )
၇ နှစ်သား ရဟန်းကလေး
═══════════════
ဝိပဿီ မြတ်စွာဘုရား လက်ထက်တော်အခါက ဆင်းရဲသော သူငယ်တယောက်သည် မျက်မမြင် မိဘ နှစ်ပါးကို ရိုသေစွာလုပ်ကျွေး ပြုစုလျက် နေ၏။ ဆင်းရဲလှသဖြင့် ဒါန စသော ကုသိုလ်များကို မပြုနိုင်ပဲ အဂ္ဂသာဝက တပါး ဖြစ်သော နိသဘမထေရ် ထံ၌ သရဏဂုံကိုသာ ခံယူဆောက်တည်လျက် အသက်ထက်ဆုံး နေထိုင်ခဲ့၏။ ထိုသူငယ် ကွယ်လွန်သောအခါ နတ်ပြည်၌ ဖြစ်ရ၏။
နောက်နောက် ဘဝများတွင်လည်း လူ့ချမ်းသာ၊ နတ်ချမ်းသာ တို့ကိုသာ လှည့်လည် ခံစားပြီးနောက် ဂေါတမ မြတ်စွာဘုရား ပွင့်တော်မူသော အခါ၌ သာဝတ္ထိပြည်တွင် သဌေးသား ဖြစ်လာ၏။ ပါရမီဓာတ်ခံ ပြည့်သူဖြစ်၍ အဖော်ကလေးများနှင့်အတူ ဇေတဝန် ကျောင်းတော်သို့ သွားရခြင်းကို အလွန် နှစ်သက်၏။
ရဟန္တာဖြစ်ပြီ တနေ့တွင် ဇေတဝန်ကျောင်းတော်သို့ သွားကြရာ ရဟန်းတော်တပါးက ကလေးများကို သရဏဂုံ ခံယူဆောက်တည် စေ၏။ သရဏဂုံ ဆောက်တည်ပြီးနောက် အဆိုပါ ကလေးငယ်သည် ရှေးဘဝက မိမိ တသက်လုံး သရဏဂုံ တည်ခဲ့သည်ကို ပြန်လည် သတိရ ဆင်ခြင်မိ၍ နှစ်သက်ဝမ်းမြောက်ခြင်း ပီတိတွေ အတိုင်းမသိ ဖြစ်ပေါ်လေ၏။ ထိုပီတိကို ဝိပဿနာ ရှုသောအခါ ခဏချင်းပင် ဝိပဿနာ ဉာဏ်တွေ ရင့်ကျက်၍ အရဟတ္တ မဂ်ဉာဏ်၊ အရဟတ္တ ဖိုလ်ဉာဏ်အထိ ရရှိပြီးလျှင် ရဟန္တာ အဖြစ်သို့ ရောက်ကာ ကိလေသာဆင်းရဲ လုံးဝ ငြိမ်းစဲ လေတော့၏။ (အပ-ဋ္ဌ ၂၊ ၃၉)
သာသနာတော်၌ အသက် ၂၀ ပြည့်မှ ရဟန်းပြုခွင့် ရှိသော်လည်း ဤ ရဟန္တာကလေးကိုမူ မြတ်စွာဘုရားသည် အသက် ၇ နှစ်မှာပင် ရဟန်း ပြုပေးလေသည်။
သရဏဂုံတည်ခြင်း၏ အကျိုးတရားကား ကြီးမားလှ၏။
သရဏဂုံ အမှားများ
════════════
ဘုရား၊ တရား၊ သံဃာ ရတနာသုံးပါးမှ တပါး တခြားတရား တခြား အရာကို မိမိတို့ ဆင်းရဲကို ငြိမ်းပေးနိုင်သည်ဟု ထင်မှတ်ကာ အားကိုးရာ အနေဖြင့် ယုံကြည် ဆည်းကပ် ကိုးကွယ်လျှင် မှားယွင်းသော ယုံကြည် အားကိုးမှု၊ မှားယွင်းသော ကိုကွယ်မှုသာ ဖြစ်၏။ အဘယ်ကြောင့်ဆိုသော် ထိုတရား ထိုအရာတို့၌ ဆင်းရဲငြိမ်းကြောင်း အကျင့်ကောင်း အကျင့်မှန် မရှိကြသောကြောင့်ပင်။
မြတ်စွာဘုရား လက်ထက်တော် အခါက အဂ္ဂိဒတ္တ ရသေ့ကြီးနှင့် တပည့် တသောင်းတို့သည် သစ်ပင်၊ တော၊ တောင်၊ သစ်သီး ဥယျာဉ်၊ ပန်း ဥယျာဉ်၊ နတ်ကွန်းတွေကို ကိုးကွယ်နေကြ၏။
မြတ်စွာဘုရားက သူတို့ ကိုးကွယ်နေကြသည်မှာ မှားယွင်းသော ကိုးကွယ်မှုတွေ ဖြစ်ကြောင်း၊ ဆင်းရဲကို မငြိမ်းစေနိုင်ကြောင်း၊ ရတနာသုံးပါးကို ယုံကြည် ကိုးကွယ်မှသာလျှင် အမှန်တရား လေးပါးကို သိ၍ ဆင်းရဲငြိမ်းစေနိုင်ကြောင်း ဟောကြားလျက် လမ်းမှန်ကို ပြပေးရ၏။ ထိုအခါမှ ပင် အဂ္ဂိဒတ္တနှင့် တပည့်အားလုံး အသိမှန် အမြင်မှန် ရကာ ရဟန္တာ ဖြစ်သွားကြ၏။ ( ဓမ္မ-ဋ္ဌ ၂၊ ၁၅၉ )
အမှားအမှန် ဝေဖန်နည်း မြတ်စွာဘုရား သက်တော် ၈၀ ပြည့်သည့်ည ပရိနိဗ္ဗာန် စံခါနီး၌ ကုသိနာရုံပြည် အင်ကြင်းဥယျာဉ်ကြီး အတွင်းဝယ် ကိုးကွယ်ရာ ဘာသာအယူဝါဒ အမှား အမှန် ဝေဖန် ရွေးချယ်နိုင်ရန် သုဘဒ္ဒပရိဗိုဇ် အား အောက်ပါ သဘောတရားကို ဟောကြားတော် မူခဲ့၏။
မဂ္ဂင်ရှစ်ပါး ကျင့်စဉ်ပါသော ဘာသာအယူဝါဒ သည်သာလျှင် ကိလေသာကို ငြိမ်းစေ၏။ ကိလေသာ ငြိမ်းမှ ဆင်းရဲငြိမ်း၏။ ဆင်းရဲငြိမ်းမှ မှန်ကန်သော ဘာသာအယူဝါဒ၊ မှန်ကန်သော ကိုးကွယ်ရာ ဖြစ်၏။
မဂ္ဂင်ရှစ်ပါး ကျင့်စဉ်မပါသော ဘာသာအယူဝါဒသည် ကိလေသာကို မငြိမ်းစေနိုင်။ ထို့ကြေင့် ဆင်းရဲကို မငြိမ်းနိုင်သဖြင့် မှန်ကန်သော ဘာသာ အယူဝါဒ မဟုတ်၊ မှန်ကန်သော ကိုးကွယ်ရာ မဟုတ်။
ထို့ကြောင့် မဂ္ဂင်ရှစ်ပါးကို အားထားကိုးကွယ်ရာ သရဏ = ဘာသာအယူဝါဒ မှန် မမှန် ခွဲခြား ဝေဖန်ရန် ဘာသာရေးစံ၊ သာသနာရေး မှတ်ကျောက် အဖြစ် မှတ်ယူ သင့်ပေသည်။
အကျင့်လမ်းမှန် မဂ္ဂင်ရှစ်တန်
════════════════
ပညာမဂ္ဂင် ၂ ပါး
----------------------
သမ္မာဒိဋ္ဌိ = မှန်စွာ သိမြင်မှု
သမ္မာသင်္ကပ္ပ = မှန်စွာ ကြံစည်မှု
သီလမဂ္ဂင် ၃ ပါး
--------------------
သမ္မာဝါစာ = မှန်စွာ ပြောဆိုမှု
သမ္မာကမ္မန္တ = မှန်စွာ ပြုလုပ်မှု
သမ္မာအာဇီဝ = မှန်စွာ အသက်မွေးမှု
သမာဓိမဂ္ဂင် ၃ ပါး
----------------------
သမ္မာဝါယာမ = မှန်စွာ ကြိုးစားအားထုတ်မှု
သမ္မာသတိ = မှန်စွာ သတိရမှု
သမ္မာသမာဓိ = မှန်စွာ စူးစိုက်တည်ငြိမ်မှု
ဆောင်ပုဒ်
══════
ရွေးချယ်ကြ
--------------
ဘာသာဝါဒ၊ ရွေးချယ်ကြ၊ မှန်မှ ကျိုးများသည်။
အယူဝါဒ၊ မှားယွင်းက၊ မုချ ကျိုးနည်းမည်။
အမှား အမှန်၊ ရွေးချယ်ရန်၊ စံမှန် ရှိရမည်။
မှတ်ကျောက်မှာတင်၊ စံမှာယှဉ်၊ ရွေးလျှင် မမှားပြီ။
မှတ်ကျောက်နှင့် စံ
----------------------
မဂ္ဂင်ရှစ်တန်၊ စံကောင်းမှန်၊ တင်ရန် မှတ်ကျောက် ဖြစ်ပေသည်။
ရှစ်ဖြာမဂ္ဂင်၊ ဘောင်မဝင်၊ ကျင့်စဉ် မှားလှသည်။
ရှစ်ဖြာမဂ္ဂင်၊ ဘောင်၌ဝင်၊ ကျင့်စဉ် မှန်လှသည်။
ကျင့်စဉ် မှန်မှ၊ ယူဝါဒ၊ ဒုက္ခ ငြိမ်းစေသည်။
ဒုက္ခ ငြိမ်းမှ၊ ထိုဝါဒ၊ မုချ စစ်မှန်သည်။
ဆင်းရဲ ငြိမ်းသူနှင့် မငြိမ်းသူ
--------------------------------
မဂ္ဂင်ရှစ်ထွေ၊ ကျင့်သူတွေ၊ ကိလေ ငြိမ်းကြသည်။
ကိလေ ငြိမ်းမှ၊ ဝဋ်ဒုက္ခ၊ မုချ ငြိမ်းပေသည်။
မဂ္ဂင်ရှစ်ထွေ၊ မကျင့်ပေ၊ ကိလေ မငြိမ်းပြီ။
ကိလေ မငြိမ်း၊ ဆင်းရဲကိန်း၊ အေးငြိမ်းချမ်းသာ မရှိပြီ။
ချမ်းသာမဆောင်၊ တရားယောင်၊ ဝေးအောင် ရှောင်ရမည်။
စစ်မှန်သော ဘာသာဝါဒ
------------------------------
ဗုဒ္ဓသာသနာ၊ မဂ်ရှစ်ဖြာ၊ သေချာ ရှိပေသည်။
ရှစ်မဂ္ဂင်ပွါး၊ ကိလေများ၊ ငြိမ်းသွား ချမ်းသာသည်။
ထို့ကြောင့် ဗုဒ္ဓ၊ ယူဝါဒ၊ မုချ စစ်မှန်သည်။
ကြုံကြိုက်ခဲစွာ၊ သာသနာ၊ ကြုံလာ ရပေသည်။
ကြုံလာသော်လဲ၊ သင်ယူလွဲ၊ သင်ပဲ ဆင်းရဲမည်။
မလွဲစေချင်၊ ရှစ်မဂ္ဂင်၊ တွင်တွင် ပွါးရမည်။
မဂ္ဂင်ပွါးလျှင်၊ ကိလေစင်၊ ပြေးဝင် နိဗ္ဗာန်ပြည်။
မဂ္ဂင်ရှစ်ပါး
-------------
သိမှန် ကြံမှန်၊ ပြောပြု မှန်နှင့်၊ ကောင်းမှန် သက်မွေး၊ ဖြူစင်ဖွေး၍၊ မှန်ရေး ကြိုးစား၊ မှန်ငြားသတိ၊ သမာဓိဟု၊ ဤသည့် ရှစ်ဖြာ၊ ကျင့်စဉ်ပါမူ၊ ဘာသာဝါဒ၊ ဝဋ်ဒုက္ခ၊ မုချ ငြိမ်းစေသည်။
ဥပါသကာ ဥပါသိကာ
════════════
စစ်မှန်သော အားကိုးရာ ကိုးကွယ်ရာ ဖြစ်သည့် ရတနာသုံးပါးကို ယုံကြည် ဆည်းကပ်သော အမျိုးသားကို ဥပါသကာ၊ အမျိုးသမီးကို ဥပါသိကာ ဟု ခေါ်သည်။
ဥပါသကာ = ရတနာသုံးပါးကို ယုံကြည် ဆည်းကပ်သူ အမျိုးသား။
ဥပါသိကာ = ရတနာသုံးပါးကို ယုံကြည် ဆည်းကပ်သူ အမျိုးသမီး။
ဆောင်ပုဒ်
══════
ရတနာသုံးရပ်၊ မြဲဆည်းကပ်မူ၊ ထိုသည့်သူ၊ မှတ်ယူ ဥပါသကာ။
ဥပါသကာ၏ သီလ ဥပါသကာ ဥပါသိကာ တို့သည် ( ၁ ) လက်နက်၊ ( ၂ ) လူ၊ ( ၃ ) သားငါး၊ ( ၄ ) အရက်သေစာ၊ ( ၅ ) အဆိပ် တို့ကို ရောင်းဝယ် ကုန်သွယ်ခြင်း မပြုရ။ ဤငါးမျိုးကို မိစ္ဆာဝဏိဇ္ဇာ = အပြစ် မကင်းသော ကုန်သွယ်မှု ဟု ခေါ်သည်။
ဤ မိစ္ဆာဝဏိဇ္ဇာနှင့် ကာယ ဒုစရိုက် ၃ ပါး၊ ဝစီ ဒုစရိုက် ၄ ပါးကို ရှောင်ကြဉ်၍ အသက် မွေးဝမ်းကျောင်း ပြုလျှင် ဥပါသက အာဇီဝ ပြည့်စုံ စင်ကြယ်တော့သည်။
http://csvbooks.blogspot.com/ မှ ကူးယူဖော်ပြထားပါသည်။

Sunday, March 19, 2017

*ငါဆိုတဲ့ဒိဋ္ဌိဘယ်မှာခိုနေသလဲ*


*ငါဆိုတဲ့ဒိဋ္ဌိဘယ်မှာခိုနေသလဲ*
••••••••••••••••••••••••••
ဒါဘယ်သူ့ ဆံပင်လဲဆိုရင် ငါ့ဆံပင်လို့ 
ဖြေမှာပဲ။ဆံပင်ဆိုတဲ့ရူပက္ခန္ဓာမှာသွား...
ခိုတယ်။

ငါလက်ဖက်ရေသောက်လို့ 
ကောင်းလိုက်တာဆိုရင်ဝေဒနက္ခန္ဓာမှာသွားခိုတယ်။
ဒီစာကြောင်းလေးငါရေး
ထားတယ်ဆိုရင်သညာ သညာက္ခန္ဓာမှာ
သွားပြီးခိုတယ်။
ငါရက္ကန်းခေတ်တာရှာမှ
ရှာဆိုတာသင်္ခါရက္ခန္ဓာမှာငါသွားခိုတယ်။
ငါ့စိတ်မစမ်းနဲ့ ဆိုတာ ဝိညာဏက္ခန္ဓာမှာ
သွားခိုတယ်၊ဒါတွေဟာခိုစရာ ကပ်စရာ
ဋ္ဌာနဆိုတာသဘောကျပြီလား။
(ကျပါပြီဘုရား)
သဘောကျရင် ခန္ဓာနဲ့ ဒိဋ္ဌိဝိကိစ္စခွာရ
လိမ့်မည်။စာနေကတော့ရုပ်နာမ်ကွဲရင်
ဒိဋ္ဌိဝိစိကိစ္စာကွယ်တယ်လို့ ရေးကြလိမ့်
မည်။တစ်ဆင့်ကျန်နေသေးတယ်။
ပဋိစ္စသမုပါဒ်ဖြစ်ကြောင်းကိုလည်းနား
လည်မှ ပဋိစ္စသမုပ္ပါဒ်ချုပ်ကြောင်းကို
လည်းနားလည်းမှ ဒိဋ္ဌိရော ဝိစိကိစ္ဆာ
ရောကွာမယ်။
ခန္ဓာဖြစ်ကြောင်းမသိရင် ဒိဋ္ဌိဝိစိကိစ္ဆာ
ကပ်မယ်။ခန္ဓာဖြစ်ေ
ကြာင်းသိရင် ဒိဋ္ဌိ
ဝိစိကိစ္ဆာသေမယ်။
္က*ပစ္စုပ္ပန်တည့်တည့်ရှုပါ*
•••••••••••••••••••
အလုပ်ခွင်ဝင်ရမည့်ပဋိစ္စသမုပ္ပါဒ်က
ပစ္စုပ္ပန်ပဋိစ္စသမုပ္ပါဒ်ပဲ၊ခုမြင်တဲ့အခိုက်၊
ကြားတဲ့အခိုက်၊ပေါ်တဲ့ပဋိစ္စသမုပ္ပါဒ်
ခုတရားထိုင်မည့်အချိန်မှာပစ္စုပ္ပန်တည့်
တည့်ရှုဖို့ ရာအရေးကြီးတယ်။
အသက်ငယ်ငယ်တုန်းကလဲကိုယ့်ကိုယ်
ကိုဒီရုပ်၊ဒီရည်ပဲ၊ခုကြီးလာတော့လဲဒီရုပ်
ရည်ပဲ၊ရုပ်မကျဘူးလို့ ဆိုလို့ ရှိရင်
သဿတဒိဋ္ဌိဖြစ်နေတယ်(ခိုင်မြဲတဲ့သ
ဘော)။အဲဒီလိုဆက်ပြီးတည်တယ်လို့ 
လဲမယူရဘူး။
ငါပိုက်ဆံများများရမယ်ဆိုရင် ဘယ်အ
ရပ်ဖြစ်ဖြစ်ဘာအလုပ်ဖြစ်ဖြစ်သွားရဲပါ
တယ်၊သေလဲပြီးတာပဲ၊သေရဲပါတယ်ဆို
လို့ ရှိရင် ဥစ္ဆေဒဒိဋ္ဌိဖြစ်နေတယ်(ပြတ်တဲ့
သဘော)။
အဲဒီလိုအပြတ်မယူရဘူး။
နားလည်ရဲ့ လား။
(နားလည်ပါတယ်ဘုရား)။
ဒီလောက်ဆိုရင်တော်လောက်ပါပြီ၊
ဆိတ်ငြိမ်တဲ့နေရာသွားပြီးအားထုတ်လို့ 
ရပြီပေါ့။ပထမတော့ သမာဓိကောင်း
ကောင်းရအောင်အားထုတ်ပါ။
ခန္ဓာကိုယ်ကိုတည့်တည့်ထိုင်ပါ၊ထွက်
လေဝင်လေကိုမှန်မှန်ရှုပါ၊ဝင်လိုက်တာ
လဲသိ၊ထွက်လိုက်တာလဲသိပေးပါ။
သမာဓိအားကောင်းလာလိမ့်မယ်။
အဲဒီအချိန်မှာဝီရိယကိုလဲအလျော့မပေး
ရဘူး၊သတိနဲ့ ပညာလဲတပါတည်းကပ်
လိုက်ပါ။
ခန္ဓာကိုယ်ကြီးဟာဖောက်ပြန်
ပြီးဝေဒနာတွေပေါ်လာလိမ့်မယ်၊ပေါ်
လာတာတွေကိုသိလိုက်ပါ။ဒီလိုသိနေ
တဲ့ကြားထဲကအသံတစ်ခုခုကြားလိုက်
ရင်လဲကြားလိုက်ပြန်ပြီလို့ သိလိုက်ပါ။
နားလည်ပြီလား…
(နားလည်ပါပြီဘုရား)
တစ်ခါတရံ သမာဓိအားကောင်းလာရင်
အလင်းရောင်တွေလဲမြင်ရတယ်၊ဒါတွေ
ဂရုမစိုက်ပါနဲ့ ။
ဒီလိုသမာဓိရလာရင် ပညတ်နိမိတ်အာ
ရုံအမျိုးမျိုးတွေ့ မြင်ရမယ်။ဒါတွေကို
ဆက်မလိုက်နဲ့ ။အာနာပါနလုပ်ပြီး
သမာဓိအားကောင်းလာတဲ့ယောဂီဟာ
ငါ၊သူ၊ယောက်ျား၊မိန်းမ မဟုတ်ဘူးလို့ 
သတိနှင့်ယှဉ်ပါ။
ရုပ်နာမ်နှစ်ပါး၊ခန္ဓာငါးပါးဆိုတာလဲသိနေ
ရမယ်၊ဒီလိုသိပြီးရင် သတိနဲ့ ယှဉ်တဲ့
စိတ်ဟာ၊နာမ်ပါလားလို့ သေသေချာချာ
ထပ်ပြီးသိရမယ်။
ဒီနာမ်ရဲ့ မှီရာဟာ ဟဒယဝတ္ထု နှလုံး
အိမ်ပဲ၊အာနာပါန အလုပ်တရားထိုင်နေ
တာကရုပ်ပဲလို့ ဟုတ်တိုင်းမှန်စွာထပ်
ပြီးသိလာလိမ့်မယ်။
ဒီရုပ်နာမ်နှစ်ပါးပိုင်းခြားပြီးရင်၊ရုပ်ဟာ
ရူပက္ခန္ဓာ၊အသိစိတ်ဟာ ဝိညာဏက္ခန္ဓာ။
အသိစိတ်နဲ့ ယှဉ်တဲ့ဝေဒနာဟာ
ဝေဒနာက္ခန္ဓာ။
သညာကတော့သညာက္ခန္ဓာ၊ဝေဒနာသ
ညာမှကြွင်းတဲ့ဖဿစေတနာစတဲ့
စေတသိက်(၅၀)ကတော့သင်္ခါရက္ခန္ဓာ
လို့ ဟုတ်တိုင်းမှန်စွာသိရလိမ့်မယ်။
အခုဟောခဲ့တာတွေနားလည်ကြရဲ့ 
လား။နောက်ထပ်ပဋိစ္စသမုပ္ပါဒ်နဲ့ လဲ
အကြောင်းအကျိုးခွဲပြီး ဒိဋ္ဌိခွာရဦးမယ်၊
ဒီလိုသိမှုအရင်ပေးပြီးမှ အလုပ်တရား
ကိုပေးလို့ ဖြစ်မယ်။
ဒီလိုခန္ဓာငါးပါးပိုင်းခြားသိမြင်ပြီးရင်၊ရုပ်
နာမ်ခန္ဓာကိုဖြစ်စေ တတ်တဲ့ရှေးကဖြစ်
ပြီးခဲ့တဲ့အဝိဇ္ဇာ တဏှာတို့ က၊အကြောင်း
တရား၊ဒီရုပ်နာမ်ခန္ဓာတွေက၊အကျိုး
တရားလို့  အကြမ်းအားဖြင့်သိမြင်ရမယ်။
(ကျေးဇူးတော်ရှင်မိုးကုတ်ဆရာတော်
ဘုရားကြီး၏"တရားအားထုတ်နည်း"
စာအုပ်မှကူးယူပူဇော်မျှဝေအပ်ပါသည်။
ဓမ္မမိတ်ဆွေများအားလုံးကိုယ်စိတ်
နှစ်ဖြာကျန်းမာချမ်းသာနိုင်ကြပါစေ။
Credit to Htin Aung.

Wednesday, March 15, 2017

သူကကိုမှမဟုတ်ပဲလေ


Image may contain: text
ဓမ္မရေချမ်းစင်
4 July 2016
"စိတ်ထွက်ပေါက်တွေ ပိတ်နေတဲ့အခါ"
************************
မနက်ဖန်ဆိုတာကို
ခဏမေ့လိုက်ပါ။
...
သုံးစားလို့မရတဲ့
မနေ့ကအကြောင်းအရာတွေကို
မတွေးပါနဲ့။
သင့်ခြေတွေလက်တွေပြန်စမ်းကြည့်ပါ။
အကောင်းအတိုင်းရှိနေပြီဆိုရင်.........
သင်ဖြစ်နေတဲ့ ပြဿနာကို ပြန်လည်သုံးသပ်ပါ.........
အချစ်ရေးလား????
တကယ်တော့အချစ်ဆိုတာ မီးပါ။
ငြိမ်းလိုက်ရင်ငြိမ်းသွားပြီး
မွေးထားရင်တော့ ဆက်လောင်ပါတယ်။
လူတစ်ယောက်မှာ...
အသဲတစ်ခါကွဲဖူးရင် အချစ်ကို
ဘယ်လိုကိုင်တွယ်ရမလဲသိသွားပါပြီ။
ကိုယ့်ဒူးကိုယ်တောင်မယုံရတဲ့ခေတ်မှာ
သင်ကဘယ်သူ့ကိုတောင်ယုံကြည်
နေချင်သေးတာလဲ။
သင်ကအချစ်ကြောင့် စိတ်ညစ်နေရချိန်မှာ
အိပ်ယာပေါ်မှာ နှစ်ပေါင်းများစွာ
ရောဂါဝေဒနာခံစားနေရသူကို ကြည့်ပါ။
အဲ့လိုလူနဲ့သင်နဲ့
နေရာချင်းလဲမလား။
ဘယ်လိုလဲ မလဲနိုင်ဘူးမလား။
နောက်တစ်ခု အိပ်ဆေးတွေကျွေးခံရပြီး
လမ်းမှာတောင်းရမ်းနေတဲ့ အနာဂတ်မဲ့
ကျောပိုးခံထားရတဲ့ ကလေးငယ်နဲ့
သင်နေရာချင်းလဲမလား
ဘယ်လိုလဲ မလဲနိုင်ဘူးမလား။
အမှိုက်ပုံထဲက အမှိုက်တွေချည်းကောက်စားနေရတဲ့
လူတွေနဲ့နေရာချင်းချိန်းမလား။ဘယ်လိုလဲ??????
သိပ်မငြီးတွားပါနဲ့
အချစ်ငတ်တာ
ထမင်းငတ်တာလောက်
မဆိုးဝါးပါဘူး။
စီးပွားရေးကြောင့် စိတ်ညစ်နေသလား.......
စိတိမညစ်ပါနဲ့။
ဘယ်နှစ်ခါလဲကျသွားလဲအရေးမကြီးပါဘူး
ဘယ်လောက်မြန်မြန်ပြန်ထနိုင်လဲပဲ
အရေးကြီးတာပါ။
သင့်မှာ ခြေတွေလက်တွေ
အကောင်းကြီးရှိနေတယ်မလား။
မိတ်ဆွေအပေါင်းအသင်းတွေရှိနေတယ်။
စိတ်ကောင်းတစ်ခု
ရှိနေသေးတယ်ဆိုရင်
သင်ပြန်ထနိုင်မှာပါ။
အကြွေးတွေများလို့ စိတ်ညစ်နေသလား။
အကြွေးကင်းတဲ့သူဆိုတာ
မရှိသလောက်ရှားပါတယ်။
အလုပ်လုပ်နေသမျှတော့
အကြွေးမကင်းကြပါဘူး။
သားရေးသမီးရေးအတွက် စိတ်ပူနေသလား????
သင့်မှာ
လိမ္မာ ကောင်းမွန်တဲ့သားသမီးတွေ
ရှိနေရင်အမွေပေးဖို့ လိုအပ်လို့လား။
ဆိုးသွမ်းတဲ့သားသမီးရှိလို့
အမွေပေးရင်ရော..
သူတို့တွေ သုံးဖြုန်းရင်ကုန်မှာမို့
အမွေပေးဖို့လိုသလား။
ကျွန်မတို့မိဘတွေလက်ထက်
သားသမီး ၇ယောက်
၈ယောက် ၉ယောက်
၁၀ယောက် မွေးဖူးသူတွေ
ပြန်ကြည့်ပါလား။
အခုခေတ်
ကလေး၂ ယောက် ၃ယောက်
မွေးထားရုံနဲ့ပူစရာလား။
အိမ်ထောင်ရေးအဆင်မပြေလို့
စိတ်ညစ်နေလား။
တစ်ယောက်တည်းလာပြီး
တစ်ယောက်တည်း သေရွာပြန်
ကြရမယ့် ဘဝမှာ
တစ်စုံတစ်ယောက်ကြောင့်
ဘဝတိုတိုလေးမှာ
စိတ်ဆင်းရဲနေတာ တန်ပါ့မလား။
စိတ်ညစ်တယ်ဆိုတာ..........
တစ်ခုခုကို ဆုပ်ကိုင်ထားလို့ပါ။
လိုချင်ဖြစ်ချင်တာတွေ များနေလို့ပါ။
အလုပ်ကို အတတ်နိုင်ဆုံး
လုပ်သင့်တာလုပ်ပြီး
ဘဝကို နေပျော်ဖို့ပဲအရေးကြီးတာပါ။
တစ်စုံတစ်ရာကို
အလွန်အမင်းတွယ်တာ ဆုပ်ကိုင်တာကို
တဏှာရူးလို့ခေါ်ပါတယ်။
အရာအားလုံးဖြစ်ချိန်တန်ဖြစ်ပြီး
ပျက်ချိန်တန်ပျက်ပါတယ်။
ကံ ကံရဲ့အကျိုးကိုယုံကြည်မှ
ဗုဒ္ဓဘာသာဝင်စစ်စစ်ပါ။
ဘာအတွက် ဘယ်သူ့အတွက်မှ
စိတ်မညစ်နဲ့။
ယနေ့လုပ်စရာရှိတာသာ
အကောင်းဆုံးလုပ်........
သင်တကယ်စိတ်ညစ်ရမှာက
👉👉👉👉👉👉
ဘဝကို ဒါန သီလ ဘာဝနာမပါဘဲ
ကုန်ဆုံးသွားမှာကိုပဲ.......
သင့်နှာသီးဝကို
အောက်ဆီဂျင်ဝင်နေသမျှ
ကံကောင်းနေတဲ့လူလို့မှတ်
ဒါဟာဘဝပဲ
👍👍👍👍👍👍👍👍👍
.
မဟူရာ နတ်သမီး ။

Thursday, March 2, 2017

"ဗုဒ္ဓလက်ထက် အရှင်လတ်လတ် မြေမျိုခံခဲ့ရသူ (၅)ဦး"

ဓမ္မရေချမ်းစင်
"ဗုဒ္ဓလက်ထက် အရှင်လတ်လတ် မြေမျိုခံခဲ့ရသူ (၅)ဦး" (မဖတ်မိရသေးရင်
ဖတ်ကြည့်ပါ..ဗဟုသုတပေါ့)
-----------------------------------------------------------------------
မိ...လိန္ဒပဥှပါဠိတော် (၁၀ဂ)တွင် ဂေါတမဘုရားရှင် သာသနာတော်
အတွင်း၌ အရှင်လတ်လတ် မြေမျိုခံခဲ့ရသူ ငါးဦးရှိကြောင်း
ဖော်ပြထား၏။
ထိုငါးဦးမှာ -
(၁) စိဉ္စမာဏ
(၂) သုပ္ပဗုဒ္ဓ
(၃) အရှင်ဒေဝဒတ်
(၄) နန္ဒကဘီလူး
(၅) နန္ဒလုလင် တို့ပင် ဖြစ်သည်။

၁။ စိဉ္စမာဏ
----------------
စိဉ္စမာဏသည် ဘုရားလက်ထက် တိတ္တိဆရာကြီးများ၏ စေခိုင်းမှုကြောင့် မြတ်စွာဘုရားရှင်အား အမျိုးမျိုး စွပ်စွဲခဲ့သူ ဖြစ်သည်။ စိဉ္စမာဏသည် မြတ်ဗုဒ္ဓအား လူအများ အထင်လွဲမှားစေရန် ရည်ရွယ်၍ ညနေချမ်းလူများ မြင်ရချိန်တွင် ဘုရားကျောင်းတော်အတွင်း ဝင်သွားပြီး မနက်စောစော လူအများကျောင်းကို လာချိန်တွင် ဘုရားကျောင်းတော်မှ ပြန်ထွက်လာဟန် ပြုမူနေထိုင်ခဲ့ပြီး အတော်အတန် ကြသည့်အခါ ရဟန်းဂေါတမနှင့် ကိုယ်ဝန်ရသည့် ပုံစံဖြင့် မိမိဝမ်းဗိုက်တွင် ပြင်ချပ်ချည်ကာ တရားဟောနေသည့် ဘုရားရှင်အား တရားနာပရိတ်သတ်ကြားတွင် စွပ်စွဲလေ၏။ မြတ်ဗုဒ္ဓက မေတ္တာတရားဖြင့်သာ နေတော်မူချိန် နတ်သားလေးယောက်တို့က ကြွက်ယောင်ဖန်းဆင်းပြီး စိဉ္စမာဏ၏ ကိုယ်ဝန်အတုကို ကိုက်ဖြတ်ကာ အမှန်ကို ဖော်ထုတ်ပေးခဲ့သည်။ ထိုအခါမှသာ တရားနာပရိတ်သတ်များလည်း အမြင်ရှင်းကာ ထိုအမျိုးသမီးအား ရိုက်ပုတ်ပြီး ကျောင်းအပြင်သို့ နှင်ထုတ်လိုက်ကြလေသည်။ စိဉ္စမာဏသည် ဘုရားရှင် မျက်ကွယ်သို့ ရောက်သည့်ခဏမှာပင် မြေမျိုခံခဲ့ရလေတော့သည်။ အဝီစိငရဲမှ မီးလျှံများသည် စိဉ္စမာဏအား ရစ်ပတ်၍ အဝီစိငရဲသို့ ခေါ်ဆောင်သွားခဲ့လေသည်။
၂။ သုပ္ပဗုဒ္ဓ
-------------
သုပ္ပဗုဒ္ဓသည် ဘုရားရှင် သိဒ္ဓတ္ထမင်းသား ဘဝက တော်စပ်ခဲ့ရသည့် ယောက္ခမ သကျသာကီဝင် မင်းမျိုးဖြစ်၏။ ဒေဝဒတ်နှင့် ယသော်ဓရာတို့၏ အဖေ၊ သိဒ္ဓတ္ထမင်းသား၏ ဦးရီးတော်လည်း ဖြစ်၏။ သုပ္ပဗုဒ္ဓသည် တူတော်သိဒ္ဓတ္ထမင်းသာ ဘုရားအဖြစ်ကို ရောက်ပြီးနောက်ပိုင်း သမီးတော် ယသော်ဓရာကို ထားခဲ့သည့် အကြောင်း၊ သားတော် ဒေဝဒတ်၏ ရန်သူအရာ၌တည်ခဲ့သည့် အကြောင်း၊ မိမိထက်ငယ်ရွယ်သူ တူတော်မောင် တစ်ယောက်အပေါ် ရိုသေလေးစားမှု မပြုလိုသည့်အကြောင်း စသည့်အကြောင်းများဖြင့် ဘုရားရှင်အပေါ် ရန်ငြိုးထားသူ ဖြစ်သည်။ တစ်နေ့တွင် ဘုရားရှင်ကြွတော်မူရာ လမ်းကိုပိတ်ပင်တားဆီး၊ ဘုရားရှင်တို့၏ ခရီးလမ်းကို နှောက်ယှက်ဖျက်ဆီးသည်ကို အကြောင်းပြု၍ ဘုရားရှင်က ဦးရိးတော်သည် ဤအကုသိုလ်ကြောင့် (၇)ရက်လွန်သည့်အခါ ပြဿဒ်ခြေရင်း လှေခါးရင်းတွင် မြေမျိုခံရမည် ဖြစ်ကြောင်း မိန့်တော်မူခဲ့သည်။ ထိုအကြောင်းကို သုပ္ပဗုဒ္ဓ ကြားသိသည့်အခါ မြတ်စွာဘုရားစကား မမှန်အောင်နေပြီး မုသာဝါဒဖြင့် စွပ်စွဲမည်ဟု နှလုံးပိုက်ကာ ဘုံ(၇)ဆင့်ရှိသည့် ပြဿဒ်ထက်ဝယ် နေခဲ့လေ၏။ သို့သော် (၇)ရက်မြောက်သည့်နေ့တွင် ရှင်ဘုရင်၏ မင်္ဂလာစီးတော်မြင်း၏ မြည်ဟီးကာ သောင်းကျန်းနေသည်ကို အကြောင်းပြုပြီး စီးတော်မြင်အား တားဆီးရန် သတိလက်လွတ်ဖြင့် ပြဿဒ်ထက်မှ ဆင်းသက်မိရာက လှေကားခြေရင်းတွင် မြေမျိုကာ အဝီစိငရဲသို့ ကျရောက်ခဲ့ခြင်း ဖြစ်သည်။ ဘုရားရှင်တို့၏ စကားတော်သည် လွဲချော်ရိုးထုံးစံမရှိသည့်အလျောက် (၇)ရက်မြောက်လျင် မြေမျိုခံရမည့်သုပ္ပဗုဒ္ဓ္ပသည်လည်း မဖြစ်မနေ အကြောင်းဖန်ကာ မြေမျိုသေဆုံးခဲ့ခြင်း ဖြစ်သည်။
၃။ အရှင်ဒေဝဒတ်
----------------------
ဒေဝဒတ် မြေမျိုခြင်းအကြောင်းကား အတော်များများ သိထားပြီး ဖြစ်၏။ မြတ်ဗုဒ္ဓ၏ ယောက်ဖတော်လည်းဖြစ်၊ ညီကိုတော်လည်း ဖြစ်သည့် ရှင်ဒေဝဒတ်သည် ရဟန်းအဖြစ်ကို ရရှိပြီးနောက် မိမိနောက်မှ ရောက်လာကြသည့် အရှင်သာရိပုတ္တရာနှင့် အရှင်မဟာမောဂ္ဂလာနတို့ကို ဘုရားရှင်က အဂ္ဂသာဝက ရာထူးများ ပေးအပ်လိုက်ချိန်မှစ၍ ဘုရားရှင်အပေါ် ရန်ငြိုးဖွဲ့မှုများ တိုးပွားလာခဲ့ခြင်း ဖြစ်သည်။ ဘုရားရှင်ကို အမျိုးမျိုး အတိုက်အခံပြု ဆန့်ကျင်ဘက်ပြုကာ ဘုရားကို သွေးစိမ်းတည်အေငာ် လုပ်ခြင်း၊ ညီညွတ်နေသည့် သံဃာတော်များ ကွဲပြားသွားအောင် သံဃာသင်းခွဲခြင်း စသည့် ပဉ္စာနန္တရိယကံများအထိ ကျူးလွန်မိခဲ့သည်။ မြတ်ဗုဒ္ဓနှင့် လမ်းခွဲကာ နောက်ပါတပည့်များနှင့် နေပြီးမကြာခင်မှာ ရောဂါစွဲကပ်လာခဲ့သည့် ရှင်ဒေဝဒတ်သည် မိမိ၏အမှားများအပေါ် နောင်တတရားများ ဖြစ်ခဲ့လေ၏။ နောက်ဆုံး ဘဝနိဂုံးမချုပ်ခင် မြတ်စွာဘုရားအား ဖူးမြော်လိုကြောင်း တပည့်များအား တိုးလျိုးတောင်းပန်သဖြင့် တပည့်များက ထမ်းစင်ဖြင့် ဘုရားရှင်ရှိရာ ဇေတဝန်ကျောင်းတော်သို့ ပို့ဆောင်စဉ် ကျောင်းဘေးနားရှိ ရေကန်နားအရောက် တပည့်များက ထမ်းစင်ကိုချပြီး ရေကန်ဘက်အသွား တပည့်များအလာကို မစောင့်နိုင်ဘဲ ဘုရားကျောင်းတော်ကို မိမိကိုယ်တိုင် အားပြုရုန်းထလျက် ထမ်းစင်ပေါ်မှ အဆင်းမှာပင် မဟာပထဝီမြေကြီး ကွဲအက်ကာ အရှင်လတ်လတ် မြေမျိုခံခဲ့ရခြင်း ဖြစ်သည်။
၎။ နန္ဒကဘီလူး
-------------------
နန္ဒကဘီလူးသည် သူတော်ကောင်း ဓာတ်ခံအလွန်နည်းပါးသည့် ဘီလူးဖြစ်သည်။ ထို့ကြောင့် သူတော်ကောင်းများ အပေါ်တွင်လည်း မနောကံအပြင် ဝစီကံ၊ ကာယကံတွေနဲ့များဖြင့် ကိုယ်ထိလက်ရောက် ဆော်ကားလေ့ရှိသည်။ တစ်ချို့ဆော်ကားမှု အပိုင်းများသည် လက်တွေ့ပိုင်းမှာ အကျိုးသက်ရောက်မှု မရှိသော်လည်း ပညာရှိသူတော်ကောင်း၊ သီလသမာဓိပညာ အားကောင်းသည့် အရိယာသူတော်ကောင်းများကို ဆော်ကားမိပါက လက်တွေ့ခံရသည်ကို နန္ဒကဘီးလူး သဘောပေါက်သွားခဲ့သည်။ တစ်နေ့ "အရှင်သာရိပုတ္တရာ"
မထေရ်မြတ်သည် ဂိဇ္ဈဂုတ်တောင်တွင် တရားအားထုတ်နေစဉ်
နန္ဒကဘီလူး ရောက်ရှိလာပြီး တရားအားထုတ်၍ မရအောင် အမျိုးမျိုး နှောက်ယှက်လေသည်။ နောက်ဆုံး မထေရ်မြတ်၏ ဦးခေါင်းတော်ကို ကိုယ်ထိလက်ရောက် ရိုက်ပုတ်သည်အထိ စော်ကားနှောက်ယှက်ခဲ့သည်။ ထိုအကုသိုလ် အကျိုးကြောင့် နန္ဒကဘီလူးသည် မြေကြီးကွဲအက်ကာ အဝီစိငရဲမှ ခေါ်ဆောင်သွားခြင်းကို ခံခဲ့ရသည်။ နန္ဒကဘီလူးသည် လက်တွေ့ဘဝတွင် သူတော်ကောင်းကို စော်ကားမိသဖြင့် အရှင်လတ်လတ် မြေမျိုးခဲ့ရလေသည်။
၅။ နန္ဒလုလင်
------------------
နန္ဒလုလင်သည် ရဟန္တာမထေရ်မကို ဆော်ကားမိသဖြင့် အရှင်လတ်လတ်မြေမျို ခံခဲ့ရသူဖြစ်သည်။ သူဆော်ကားခံရသူမှာ
"ဥပ္ပလဝဏ် ထေရီမ" ဖြစ်သည်။ ဥပ္ပလ၀ဏ်ထေရီမသည် "တန်ခိုးကြီးသောအရာ၌ အမြတ်ဆုံးဧတဒဂ်ဘွဲ့ရ ရဟန္တာထေရီမ"
တစ်ဦး ဖြစ်ပေသည်။ ထေရီမသည် တန်ခိုးကြီးသည်သာမက ဥပဓိသမ္ပတ္တိနှင့်လည်း ပြည့်စုံသဖြင့် ထေရီမဖြစ်သော်လည်း လူယောက်ျားများ၏ စိတ်ဝင်စားမှုကို ခံရသူဖြစ်သည်။
ထိုအထဲတွင် နန္ဒလုလင်လည်း တစ်ဦးအပါအဝင် ဖြစ်သည်။
တစ်နေ့သော် နန္ဒလုလင်သည် လူသူကင်းဆိတ်ချိန်တွင် ထေရီမ၏ ကျောင်းသင်္ခမ်းသို့ ရောက်ရှိလာပြီး ထေရီမအား အဓမ္မပြုကျင့်လေသည်။ ရဟန္တာဖြစ်နေသည့် ထေရီမအား ဆော်ကားမိသဖြင့် ယင်းအကုသိုလ်ကံ အကျိုးကြောင့် နန္ဒလုလင်မှာ မြေကြီးကွဲအက်၍ အရှင်လတ်လတ် မြေမျိုခြင်းကို ခံခဲ့ရပြီး အဝီစိငရဲသို့ ကျရောက်သွားခဲ့လေသည်။
ဤကား ဒိဋ္ဌဓမ္မဝေဒနီယကံ၏ အကျိုးဆက်အဖြစ် လက်ရှိဘဝမှာပင် သူတော်ကောင်းကို ဆော်ကားမိသဖြင့် အရှင်လတ်လတ်မြေမျိုခံခဲ့ရသည့် ပုဂ္ဂိုလ်ငါးဦးအကြောင်း တစေ့တစောင်းပင် ဖြစ်ပါသည်။
ဓမ္မစာပေပရိတ်သတ် တစ်ဦး၏ တောင်းဆိုချက်ကို
အကျဉ်းချုပ်၍ ရေးသားဖော်ပြလိုက်ပါသည်
အများသူငါ ဗဟုသုတ တိုးစေရန်လည်း တစ်ဆင့်ပြန်လည် မျှဝေလိုက်ပါသည်။
မေတ္တာဖြင့်
- [မနာပဒါယီ အရှင်ဝိစိတ္တ (ဒိုက်ဦး)]
credit = Young Buddhist Association
Young Buddhist Association page နှင့်
အောင်မြတ် ဗုဒ္ဓဂယာဘုရားဖူးပို့ဆောင်ရေး page တို့ မှ ပြန်လည်မျှဝေပူဇော်ပါသည်။
===============================