လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Saturday, May 11, 2013

ဘိက္ခုနီ၏၀ိနည်းတော် ၃၀၁ ပါး ။



ဘိက္ခုနီ (ရဟန်းအမျိုးသမီး) များသည် ရဟန်းယောက်ျားများထက် ၀ိနည်းတော် (၃၀၁-၂၂၇= ၇၄ ပါး) ပိုမိုဆောက်ထိန်းရသည့်အပြင်အောက်ပါ ဂရုဓံ (၈) မျိုးကိုပါဆောက်ထိန်းရပါသည်။  

ဂရုဓံ (၈)မျိုး http://siamtai.com/profiles/blogs/2262632:BlogPost:93910  မှကူးယူပါသည်။

(၁) ဘိက္ခုနီ=ရဟန်းအမျိုးသ္မီးတစ်ပါးသည် အသက်တစ်ရာပင်ဖြစ်သော်လည်း ယနေ့မှရဟန်းဖြစ်လာ သော ဘိက္ခု (အမျိုးသားရဟန်း) ကို အရိုအသေပေးရမည်၊၊
 (၂) ဘိက္ခုနီ=ရဟန်းအမျိုးသ္မီးတစ်ဦးသည် ရဟန်းအမျိုးသားရှိသောကျောင်း၌သာ
ဝါဆိုရမည်၊၊
 (၃) ဘိက္ခုနီ=ရဟန်းအမျိုးသ္မီးတစ်ဦးသည် လခွဲတိုင်း ဘိက္ခုသံဃာ၌ ဥပုသ်မေးခြင်း၊ အဆုံးအမခံယူခြင်းနှစ်မျိုးကို လိုလားခံယူရမည်၊၊
 (၄) ဘိက္ခုနီ=ရဟန်းအမျိုးသ္မီးတစ်ဦးသည် ၀ါကျွတ်သောအခါ ဘိက္ခုသံဃာအထံ၌
သံသယရှိခဲ့သော် ဆုံးမရန် လျောက်ထားရမည်၊၊
 (၅) ဘိက္ခုနီ=ရဟန်းအမျိုးသ္မီးတစ်ဦးသည် သံဃာဒိသေသ်အာပတ်သင့်ခဲ့သော်
ဘိက္ခုသံဃာ၊ ဘိက္ခုနီ သံဃာနှစ်မျိုးအထံ၌ ပက္ခမာနတ်ကို ကျင့်သုံးရမည်၊၊
 (၆) ဘိက္ခုနီ=ရဟန်းအမျိုးသ္မီးဖြစ်လိုသူ အမျိုးသ္မီးတစ်ဦးသည် (၂)နှစ်တိုင်
တရားခြောက်မျိုးကို ကျင့် သုံးပြီးလျင် ဘိက္ခုသံဃာ၊ ဘိက္ခုနီသံဃာနှစ်မျိုးအထံ၌
ရဟန်းခံရမည်၊၊
 (၇) ဘိက္ခုနီ=ရဟန်းအမျိုးသ္မီးတစ်ဦးသည် ဘိက္ခုကို ကြမ်းတမ်းသောစကားကို
မပြောဆိုရ၊၊
 (၈) ဘိက္ခုနီ=ရဟန်းအမျိုးသ္မီးတစ်ဦးသည် ဘိက္ခု=အမျိုးသားရဟန်းကို
ဆုံးမသြ၀ါဒ မပေးရ၊၊

 ဤ ဂရုဓံရှစ်မျိုးတို့သည် ဘိက္ခုနီသာသနာ စည်ပင်တိုးတက်စေရန်၊ ဘိက္ခုနီသာသနာတော်
အစ တည်ထောင်ရန် မြတ်စွာဘုရားရှင် ချမှတ်ပေးသည့် ဘိက္ခုနီသာသနာတော်၏ ရေသောက်မြစ်စည်းကမ်း ရှစ်မျိုးပင်ဖြစ်ပါသည်၊၊


ပါရာဇိကအခန်း။ (ဘိက္ခုနီတို့အတွက်သီးခြားပညတ်တော်မူအပ်သောပါရာဇိကလေးပါး)။
      ဘိက္ခုနီတို့အတွက်သီးခြားပညတ်တော်မူအပ်သောဤပါရာဇိကလေးပါးအပြင်၊
ဘိက္ခုတို့အား ပညတ်အပ်သော မေထုန်မှီဝဲမှု၊ လူ့ဥစ္စာခိုးမှု၊ လူကိုသတ်မှု၊ဈာန်မဂ်ဖိုလ်
မရဘဲ နှင့်ရသည်ဟုလိမ်မှု လေးပါးကိုလည်းဘိက္ခုနီတို့လိုက်နာရသည်။ ထိုကြောင့်
ဘိက္ခုနီများတွင် ပါရာဇိက ၈ ပါးရှိသည်။

၁။ ဥ ဗ္ဘဇာဏုမဏ္ဍလိကာပါရာဇိက = အကြင်ဘိက္ခုနီသည် ကိုယ်လက်နှီနှောလိုသော ရာဂစိတ် ရှိသည်ဖြစ်၍ ကိုယ်လက်နှီနှောလိုသော ရာဂစိတ် ရှိသောယောက်ျားက ညှက်ရိုး နှစ်ဘက်အောက်၊ ဒူးဆစ်နှစ်ဘက်၏အထက်၊ တစ်ထောင်ဆစ်မှအထက်လက်မောင်း၊ ဤအတွင်းတစ်နေရာဝယ်             နေရာမရွှေ့ပဲနာနာဖြစ်ညှစ်၍ကိုင်ခြင်း (အာမသန)၊ ဟိုရွှေ့သည်ရွှေ့ရွှေ့၍ နာနာညှစ်၍ကိုင်ခြင်း (ပရာမသန)၊ နာနာမညှစ်ပဲကိုင်ရုံမျှဖြစ်သော (ဂဟဏ)၊ တို့ခြင်းဟူသော (ဆုပန)၊ ပွေ့ယူဖြစ်ညှစ် ခြင်းဟူသော (ပဋိပီဠန)၊ ဤပြုမှုကိုသာယာနှစ်သက်အံ့၊ထိုဘိက္ခုနီသည် ဥ ဗ္ဘဇာ ဏုမဏ္ဍလိကာ
မည်သော ပါရာဇိက ကျလေ တော့သည်။

၂။ ၀ဇ္ဇပဋိ စ္ဆာဒိကာ ပါရာဇိက = အကြင်ရဟန်းမသည် ပါရာဇိက ကျနေမှန်းသိပါလျက်၊ ပါရာဇိက
ကျနေသောရဟန်းမကို ကိုယ်တိုင်လည်း မစောဒနာ၊ ဘိက္ခုနီဂိုဏ်းအားလည်း မတိုင်ကြားပဲနေအံ့၊
အကြင်အခါ ထို ပါရာဇိက ကျနေသောဘိက္ခုနီသည် ဘိက္ခုနီအသွင်တွင်တည်နေ၏။ သို့မဟုတ် စုတေ
(သေ)၏။ သို့မဟုတ် လူထွက်၏။ သို့မဟုတ် တိတ္ထိအဖြစ်သို့ပြောင်းသွား၏။ ထိုဖုံးထားပြီးရာ
နောက်အခါကျမှ ရှေးတုန်းကပင်သူမရဲ့အကြောင်းကို ဒီလို ဒီလိုဆိုတာ သိခဲ့ပါရဲ့၊ သို့သော်
ကိုယ်တိုင်လည်း မစောဒနာခဲ့ပါ၊ ဘိက္ခုနီဂိုဏ်းအားလည်း မတိုင်ကြားခဲ့ပါ -ဟုပြောအံ့ (ဤသို့ပြော
ဆိုဝန်ခံခြင်း၊ မခံခြင်းသည်လိုရင်းမဟုတ်၊ အပြစ်ကိုဖုံးထား၍ မပြောကြားတော့ဟု ဆုံးဖြတ် တုန်းကပင်)
ဇ္ဇပဋိ စ္ဆာ ဒိကာမည်သော ပါရာဇိကကျသူဖြစ်တော့၏။

 
၃။ ဥက္ခိတ္တာနုဝတ္တိကာပါရာဇိက = ညီညွတ်သောသံဃာတော်သည် သဘောအားဖြင့်မှန်ကန်၍ စစ်ဆေးမေးမြန်းမှု၊ သူ့အပြစ်ကိုအမှတ်ရစေမှု၊ ဟူသောဝိနည်းထုံးတမ်းအတိုင်းစစ်ဆေး သတိပေး၍ ဥတ်ကမ္မ၀ါစာဖြင့်ကျကျနန နှင်ထုတ်ထားသော၊ နှင်ထုတ်ထားသောပုဂ္ဂိုလ်များနှင့် ဥတ်ကမ္မ၀ါစာ ကို လည်းအရေးမစိုက်သော ထိုနှင်ထုတ်ကံငြိမ်းအေးအောင် (ရုပ်သိမ်းအောင်) ကုစားခြင်းလည်း မရှိသော ကံကြီး ကံငယ်ကိစ္စသူ့ကိုအပေါင်းဖေါ်မရှိသောသူ့ကို(အရိဋ္ဌကဲ့သို့သော) ရဟန်းကိုအကြင် ဘိက္ခုနီ သည် နောက်လိုက်လုပ်၏။ ဘိက္ခုနီကို ထိုရဟန်းသည်ဝိနည်းထုံးတမ်းအတိုင်းနှင်ထုတ်ထားသော ပုဂ္ဂိုလ်ဖြစ် ကြောင်းပြောပြ၍ သူ့အယူဝါဒသို့အလိုက်ဖို့ရန်ပြောပြရမည်။ ထိုသို့ပြောပါလျက်နဂိုအတိုင်းမလျှော့ပဲသူ့အယူဝါဒကိုပင် အကောင်းအနေမျိုးဖြင့်ချီးမြှောက်နေသေးလျှင်ထို ဘိက္ခုနီကိုထိုအယူဝါဒစွန့်ဖို့ရာ
ဥတ်ကမ္မ၀ါစာဖြင့် ၃ ကြိမ်တိုင်တိုင်ဆုံးမရမည်။ ထိုသို့ဆုံးမ၍သူ့အယူစွန့်လျှင်ကောင်း၏။ (ပါရာဇိက
အာပတ် မသင့် သေး)။ မစွန့်လျှင်ကား ဥက္ခိတ္တာနုဝတ္တိကာမည်သောပါရာဇိကသို့ရောက်တော့သည်။

၎။ အဋ္ဌ၀တ္ထုကာပါရာဇိက = အကြင်ရဟန်းမသည် ကိုယ်လက်နှီးနှောလိုသော ရာဂမိုးရေဆိုစေအပ် သည်ဖြစ်၍ထို ရာဂမိုးရေ ဆိုစေ အပ်သောယောက်ျား၏လက်ဆွဲမှုကိုလည်းသာယာအံ့၊ အ၀တ် သင်္ကန်းကိုင်ဖွဲမှု ကိုလည်းသာယာအံ့၊ နှစ်ထောင့်ထွာအတွင်းအနီးတွင်လည်းရပ်နေအံ့၊ နီးနီးကပ်ကပ် လည်းစကားပြောအံ့၊ယောက်ျားချိန်းချက်အပ်သောအရပ်သို့လည်းသွားအံ့၊ မိမိဆီသို့ယောက်ျား ၏ လာမှုကိုလည်းသာယာအံ့၊ အမိုးအကာရှိသောအရပ်သို့လည်းဝင်အံ့၊ ကိုယ်ကိုလည်း ထိုကိုယ်လက်
နှီးနှောဖို့ရာအနီးသို့ညှတ်ပေးအံ့၊ဤဘိက္ခုနီလည်း အဋ္ဌ၀တ္ထုကာ မည်သော ပါရာဇိကကျ၏။

မှတ်ချက်။ ဤပါရာဇိကတွင် ၈ ပါးလုံးကျူးလွန်မှ ပါရာဇိကကျသည်။ ၈ ပါးလုံးဟူရာတွင် တစ်ဆက်တည်း
ကျူးလွန်မှမဟုတ်၊ ယနေ့တစ်ခုကျူးလွန်၊ နောက်ရက်တွင် တစ်ခု ကျူးလွန်ခြင်း စသည်ဖြင့်ကျူးလွန် လျှင်
၈ပါးပြည့်သောအခါ ပါရာဇိက ကျ၏။ တစ်ခုခုကျူးလွန်ပြီးနောက် သံဝေဂ ဖြစ်၍နောက်မကျူးလွန်တော့
ပါဟုဆုံးဖြစ်၍ဒေသနာပြော (အာပတ်ဖြေ)နိုင်လျှင် ထိုအာပတ် ပပျောက်သွား၏ ထိုနောက်စိတ်ကို
မထိန်းနိုင်၍ နောက်ထပ်အခြားအပြစ်များကိုကျူးလွန်သော်လည်း ၈ ပါးအပြည့်ဟုမဆိုရ။ဤအပြစ်ကိုလည်း
ကျူးလွန်မည်၊ထိုထိုအပြစ်များကိုလည်းကျူးလွန်မည်ဟုနောက်မဆုတ်သောစိတ်ဖြင့် တစ်မျိုးပြီးတစ်မျိုး
ကျူးလွန်မှသာ ၈ပါးပြည့် ဟုဆိုရသည်။


ကျမ်းကိုး။
တောင်မြို့ဆရာတော်ဘုရား၏ ဘုရားဥပဒေသတော်ကြီး။

ဆက်လက်ဖေါ်ပြပါမည်။

No comments:

Post a Comment