စကားထာ

 စကားထာဆိုသောဝေါဟာရ၏ အနက်ကို အချို့ ပညာရှိများက “စကား+အတ္ထ=စကတ္ထ” တို့မှတဆင့် “စကားထာ”ဟူ၍ ဖြစ်လာကြောင်းပြောပါသည်။ အဓိပ္ပာယ်မှာ “စကား၏ အနက်”ဟုဆိုလိုပါသည်။

အချို့ပညာရှိများကလည်း “စကား+ထပန” ဟူသည့်ပုဒ်နှစ်ခုကို မြန်မာ့အသံဖြင့် ပေါင်းဖတ်လျှင် “စကားထာပနာ”ဟု ရသည်ဖြစ်ရာ အတိုကောက်အားဖြင့် စကားထာ ဟုတွင်လာကြောင်း ပြောပါသည်။ ပါဠိဘာသာ “ထပန”ပုဒ်သည် သွင်းနှံထားရှိသည် (ဝါ) မြုပ်၍ထားသည် ဟူသောအနက် ကိုရပါသည်။ “ထပန” ကို မြန်မာတို့က မြန်မာသံဖြင့်ဖတ်လျှင် “ထာပနာ (ဝါ) ဌာပနာ” ဟုဖတ်ကြပါသည် ။

တချိူ့ပညာရှိကြီးများကလည်း “စကားထာဟူသည်မှာ စကား၏အထာ ကို ဆိုလိုကြောင်း၊ မြန်မာ စကားတွင် သူ့အထာဟုပြောလေ့ပြောထရှိကြရာ အထာဆိုသောပုဒ်၏ အနက်မှာ အနေအထား သဘောသရုပ်ကို ဆိုလိုကြောင်း”၊ “ကျွန်တော် သူ၏ အထာကို ကောင်းစွာသိပါသည်” ဟုပြော သောစကားတွင် အထာမှာ ထိုပုဂ္ဂိုလ်အနေအထား၊ သဘောသရုပ်ကိုဆိုလိုကြောင်း၊သို့ဖြစ်၍ စကားထာ ဟူသည်မှာ အကြင် စကားရပ် တခု၏အနေအထား၊ သဘောသရုပ်ကို ကြည့်၍အဖြေကို ထုတ် ဖော် ရသည့်စကားမျိုးဖြစ်ကြောင်းမိန့်ဆိုကြ ပါသည်။

စကားထာအမျိုးအစားနှင့်ပတ်သက်၍ မြန်မာ့စွယ်စုံကျမ်း အတွဲ (၃)တွင်

-ကာရန်အားဖြင့် ဝှက်သော စကားထာ

-ဥပမာအားဖြင့် ဝှက်သောစကားထာ

-အနက်အားဖြင့် ဝှက်သောစကားထာ

-စကားလိမ်အားဖြင့် ဝှက်သောစကားထာ

-သင်္ချာအားဖြင့် ဝှက်သောစကားထာ ဟူ၍ခွဲခြားဖော်ပြထားသည်ကိုတွေ့ရပေသည်။

အမျိုးအစားခွဲခြားပုံ မရှင်းလင်းဘဲ ထွေးရောယှက်တင် ဖြစ်၍နေပေသည်။ သို့ဖြစ်၍ ဤစာအုပ်တွင်မူ မြန်မာစကားထာများကို အမျိုးအစားအားဖြင့် (၆)မျိုးခွဲခြားဖော်ပြထားပါသည်။ယင်းတို့မှာ -

၁-စကားထာ(ရိုးရိုး)

၂-စကားလိမ်

၃-စကားဝှက်

၎-သင်္ချာစကားထာ

၅-ပုစ္ဆာစကားထာ

၆-ပုံပြင်စကားထာ ဟူ၍ဖြစ်ပါသည်။

နမူနာ စကားထာများ။

၁။ သူ့အပင်က တစ်ရုံကြီး၊ သူ့အသီးက တစ်လုံးသီး။ (ဆံပင်နှင့် ဆံထုံး)

၂။ အစာကို နှစ်ယောက်ကမြင်၊ ငါးယောက်က ယူ၊ သုံးဆယ်က ၀ါး၊ ကောင်းစားတော့ တစ်ယောက်တည်း။ (မျက်စိ၊ လက်ချောင်း၊ သွားနှင့် လျှာ)

၃။ ကြည့်လေဝေးလေ၊ ဝေးလေကြည့်လေ။ (မျက်စိနှင့် နား)

၎။ ခေါင်းကြီးလို့ လည်သိမ်၊ ဖင်ပိန်တဲ့ ယောကျာ်း၊ မိုးပေါ်ပျံကာသွား၊ သိကြားလား နတ်လား။ (ပုစဉ်း)

၅။ တက်လေးစင်းနှင့် အပြင်းလှော်၊ မယ်တော်ရှင်မ ပေါင်းထဲက။ (လိပ်)

၆။ သွားတော့ ကွေ့ကောက်၊ မြင့်ရာက နိမ့်ရာရောက်။ (မြစ်ချောင်း)

၇။ နွားနို့တစ်မြူ၊ ပြည်လုံးဖြူ။ (လ)

၈။ နတ်သမီး တံတွေးပေါက် ကြက်မကောက်နိုင်။ (ထရံပေါက်မှကျရောက်လာသော နေပြောက် အကွက်)

၉။ အမြင်နီး ခရီးဝေး။ (တောင်)

၁၀။ စည်ကြီးတီး မျက်နှာမည်းကြီးငို သေသူရှင် ပုန်းသူပေါ်။ (မိုးဦကျကာလတွင် မိုးကြိုးပစ်၊ မိုးရွာ၊ မြက်ပေါက်၊ ဖားအော်)

၁၁။ မတီးဘဲမြည်။ (မိုးခြိမ်းသံ)

၁၂။ ခုတ်လို့မပြတ် သတ်လို့မသေ။ (ရေ)

၁၃။ အိမ်ရှိပေမယ့် လူမရှိ၊ လူရှိပေမယ့် အသံမကြားရ။ (သင်္ချိုင်း)

၁၄။ ငမဲဖင် ငနီလျက်။ (အိုးနှင့် မီး)

၁၅။ သွားတော့ခွေခွေ နေတော့စင်းစင်း။ (ခေါင်းခု)

၁၆။ ငယ်စဉ်က ရင်ခွင်ပိုက်၊ ကြီးစေလိုလို့တုတ်နဲ့ရိုက်၊ မာစေလိုလို့ မီးနဲ့မြှိုက်။ (အိုး)

၁၇။ သားကရိုက်တော့ အမေငို၊ ၀မ်းဗိုက်တစ်လုံး ခေါင်းတစ်လုံး။ (မောင်း)

၁၈။ သံသာငှက်ကြီး ရင်ပတ်တီး၊ အမြီးခါးလယ်မှာ။ (လယ်ကွင်း)

၁၉။ နတ်သမီးအိမ်တိုင် ပိုးမဖောက်နိုင်၊ ဖောက်ပြန်တော့လဲ တစ်ပေါက်တည်း။ (အပ်)

၂၀။ ကျိုးကျိုးကျည် မြည်လို့လာ၊ အိမ်ရောက်ခါမှ မေးထောက်ကာ။ (လှည်း)

၂၁။ ရေလယ်ကောင် သောင်ထွန်း နတ်သမီးနေတဲ့ကျွန်း။(ကျောက်ပြင်)
၂၂။ အသီးပေါ်အပင်ပေါက် ခြေထောက်တစ်ချောင်းထောက်။(နာနတ်သီး)

၂၃။ နေ့ချွတ်၊ည၀တ်။(တံခါးမင်းတုပ်)

၂၄။ အစိမ်းပေါ်အဖြူတင်၊အဖန်လာမှအနီရောင်ဆင်။(ကွမ်းယာ)

၂၅။ သူ့ကိုရိုက်တော့ချာချာလည်၊ကြိုးကိုဆွဲပြီးငိုရှာတယ်။(ကြေးစည်)

၂၆။ ကန်ထဲမှာရေ၊ရေထဲမှာမြွေ၊မြွေခေါင်းမှာရွှေ။(မီးခွက်)

၂၇။ အညာကဆင်ဖြူ၊အမွှေးထူ။(ကြက်သွန်ဖြူ)

၂၈။ ဖူးကနဲထောင်၊ဖောင်ကနဲလဲ၊ရဲရဲနဲ့တွဲလွဲဆွဲ။(ငှက်ပြောဖူး)

၂၉။ သူ့အပင်နွဲ့ချောင်း၊မတက်ကောင်း၊စားကောင်းပါရဲ့ဖူးတံနဲ့။(ပြောင်းဖူး)

၃၀။ ပ၀ါခြုံလုံပါပေ့၊ဆံမြိတ်ချ၊လှပါပေ့၊ကျောက်တန်းစီညီပါပေ့။(ပြောင်းဖူး)

၃၁။ ခြုံကြားထဲကမင်းကုသ၊ခေါင်းပေါင်းစနှင့်ထ။(နာနတ်သီး)

၃၂။ ခြုံကြားထဲကမင်းကုသ၊ခေါင်းပေါင်းစနှင့်ထ။(နာနတ်သီး)

၃၃။ ဆုပ်လျှင်စူး၊နမ်းလျှင်မူး၊စားလျှင်ရှုး။(ပဒိုင်းသီး)

၃၄။ ဒို့နွားတစ်ကောင်၊ဘို့တစ်ထောင်။(ကြက်ဟင်းခါးသီး) ခြေရာလည်းပျောက်၊ရေလည်းနောက်။(ဆန်ဆေးရေ)

၃၅။ နွားမတစ်ရာရေဆင်းလာ၊ ခြေရာလည်းပျောက်၊ရေလည်းနောက်။(ဆန်ဆေးရေ)

၃၆။ သူ့ပင်စည်ကမြွေပွေးပြောက်၊သူ့အသီးကပြည်တောင်လောက်။(သင်္ဘောသီး)

၃၇။ ဖတ်လတ်ဖတ်လတ် ၂ဖတ်လတ်၊တွဲလွဲတွဲလွဲ ၂ တွဲလွဲ၊ဒေါက်လောက် ၊ဒေါက်လောက် ၊၄ ဒေါက်လောက်။(ဆင်)

၂ ဖတ်လတ်= နားရွက် ၂ခု။

၂ တွဲလွဲ = နှမောင်းနဲ့အမြီး။

၎ ဒေါက်လောက် = ခြေလေးချောင်း။
၃၈။ ရေမရှိမြစ်လယ်ကောင်၊ထင်းမရှိတောင်၃တောင်၊နှမ မရှိ ၆ ယောက်မောင်။ (မေတ္တတရား)

ထင်းမရှိတောင်၃တောင် = အနိစ္စ၊ဒုက္ခ၊အနတ္တ။

နှမ မရှိ ၆ ယောက်မောင်= အာရုံ ၆ ပါး။

၃၉။ ပန်းဇော်တကို၊နေ့ညမဆို၊ဆင်စေလိုသည်၊ဗဟိုရင့်ကျူး၊နာရီမှူး။(ကြက်ဖ)

၄၀။ ဆယ့်ခြောက်ပြည်ထောင်ပိုင်စိုး၊မင်းမျိုးငဲ့ရာဇာရှေးကုသိုလ်ကံမကောင်းတာကြောင့်၊

ခေါင်း၊ခြေ၊လက်မပါ။(၁၆ ပြည်ဆံသည်။တင်းတောင်း)

၄၁။ သဒ္ဒါလည်းမတတ်၊ပရမတ်လည်းမကျေ၊လူရှေ့မှာလည်းနေ၊မှန်လျှင်မှန်စေ၊မမှန်လျှင်လျှာထုတ်ပြသည်။(ချိန်ခွင်)

၄၂။ ခြေ ၈ ချောင်း၊ခေါင်းဘယ်ညာ၊အမြီး ခါးလယ်မှာ။(ချိန်ခွင်)

၄၃။ ချောင်းငယ်ကောက်ကောက်၊ရေလယ်နောက်နောက်။(ကျောက်ပျဉ်)

၄၄။ ရေလယ်ကောင်သောင်ထွန်း၊နတ်သမီးနေတဲ့ကျွန်း။(ကျောက်ပျဉ်)

၄၅။ ငုပ်ချည်၊ပေါ်ချည်၊သူ့ဖင်ကိုကြိုးနဲ့ချီ။(အပ်နဲ့အပ်ချည်)

၄၆။ နွားနို့တစ်ပန်းကန်၊တစ်ပြည်လုံးလျှံ။(လနဲ့လရောင်)

၄၇။ နတ်သမီးသောက်ရေကန် တံတိုင်းသုံးထပ်ရံ။(အုန်းသီး)

၄၈။ မဖွပ်ဘဲဖြူ၊မခပ်ဘဲပြည့်။(အုန်းသီး)

၄၉။ မဖွပ်ဘဲဖြူသည့်နတ်ပုဆိုး၊မခပ်ဘဲပြည့်သည့်နတ်ရေအိုး။(အုန်းသီး)

၅၀။ ဒိုက်ခုတ်တော့အုတ်ပေါ်၊အုတ်ခုတ်တော့ကြွေပေါ်၊ကြွေခုတ်တော့ရေပေါ်။

(အုန်းသီး)

၅၁။ သွားတော့ခွေခွေ၊နေတော့စင်းစင်း။(ခေါင်းခု)

၅၂။ လေးထောင့်စပ်စပ်၊သူ့မျက်နှငြါ့မှာကပ်။(မှန်)

၅၃။ အပင်နွဲ့နှောင်း၊အသီးဖောင်ဖောင်မစားကောင်း။(ဆံပင်နဲ့သန်းဥ)

၅၄။ ငါ့နွားနက်နက်ချုံပေါ်တက်၊ချက်ချက်သံမျှမကြားရ။ ဆံပင်နဲ့သန်း)

၅၅။ နှစ်ယောက်တစ်တွဲ၊နေ့မှာခွဲ၊ညဘက်ကျလျှင်ပြန်ပေါင်းချုပ်။(တံခါးရွက်)

ကျမ်းကိုး။

၁။ http://wikimyanmar.co.cc/

၂။ http://alinnsaytaman.multiply.com/

၃။ ကြည်ဦးရေး မြန်မာ့ရိုးရာစကားထာများစာအုပ်

၎။ http://mmfreethinker.wordpress.com/