လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Tuesday, May 29, 2012

နယုန်လပြည့် မဟာသမယ အခါတော်နေ့ ဆိုတာ။

သမိုင်းကြောင်း။
အိန္ဒိယနိုင်ငံ ကပိလ၀တ်ပြည်နှင့် ကောလိယပြည်မှလယ်သမားများ ရောဟနီမြစ်ရေကို လုရာမှ နှစ်နိုင်ငံစစ်ဖြစ်မည့်အချိန်မြတ်ဘုရားကြွလာပြီး၊ငြိမ်းချမ်းရေးကိုရှေးရှု၍ ၀တ္ထုသာဓက ၆ မျိုး ကို ဟောတော်မူသည်တွင်ဒေါသမီးငြိမ်းကာ၊စစ်မဖြစ်တော့ပဲ၊ နှစ်နိုင်ငံမှ၂၅၀ စီသော မင်းသားများ ရဟန်းပြုကြသည်။ သို့သော်ရဟန်းများ ဇနီးမယားများ သတိရပြီးသာသနာ၌ မပျော်ကြသဖြင့်၊ ဟိမ၀န္တာရှိ ကုဏာလရေအိုင်သို့ တန်ခိုးတော်ဖြင့်ခေါ်သွားပြီး၊ ကုဏာလ ငှက်မင်း၏ ဇတ်တော် ကိုဟောတော် မူ သည်တွင် သောတာပန်များဖြစ်ပြီးအဘိညဉ်များပါရကြသဖြင့်၊ကပိလ၀တ်ပြည် အနီးမဟာဝန်တောသို့ မြတ်ဘုရားနှင်အတူမိမိတို့တန်ခိုးများဖြင့်ပြန်လာကြသည်။ ထိုမဟာဝန် တော၌ဆက်လက်တရား အားထုတ်သဖြင့် အားလုံးရဟန္တာများဖြစ်တော်မူကြသည်။

အသစ်ဆက်ဆက်ရဟန္တာ ၅၀၀ တို့မိမိတို့ရရှိသောတရားတော်များ အား မြတ်ဘုရား အား လျှောက်ကြားရန် နယုန်လပြည့်နေ့ညချမ်းတွင် မြတ်ဘုရားထံပါးစုရုံးရောက် လာကြ၏။ ဤထူးခြားသော သံဃာ့အစည်းအဝေးကိုကြည်ညိုရန် နတ်၊ဗြဟ္မာ၊ အသုရာ၊ ဂဠုန်၊ နဂါး၊ တို့ မဟာဝန်တောသို့ စုရုံး ရောက်ရှိကြ၏။ မြတ်ဘုရားသည် ထိုသို့စုရုံးရောက်ရှိလာသော နတ်တို့ အား ၎င်းတို့၏အမည်များ အား ထုတ်ဖေါ်နှုတ်ခွန်း ဆက်တော်မူသည် ထိုစကားတော်တို့ ကို မဟာသမယသုတ်ဟုခေါ်သည်။ နတ်တို့သည် မိမိတို့၏အမည်များကိုမြတ်ဘုရားခေါ် တော် မူသောထိုမဟာသမယသုတ်ကိုလွန်စွာနှစ်သက်ကြသည် ထိုကြောင့် ၎င်းသုတ်ကို နတ်ချစ်တဲ့ သုတ်ဟုပြောဆိုကြသည်။

မဟာသမယသုတ်အပြီးတွင်မြတ်ဘုရားသည် စရိုက် (၆) မျိုး အတွက် တရားတော် ၆ ပါးကို နိမ္မိတဘုရားဖန်ဆင်းတော်မူ၍ ထိုနိမ္မိတဘုရားကမေး၍ ပကတိဘုရားကဖြေခြင်းဖြင့် ထူးခြားစွာ ဟော တော်မူသည်။ တရားတော်အဆုံးတွင် နတ်ဗြဟ္မာပေါင်း ကုဋေတစ်သိန်းစီကျွတ်တမ်းဝင်ကြသည်။

မဟာသမယနေ့၏ထူးခြားချက်များ။
၁။ ကပိလ၀တ်နှင့်ကောလိယနှစ်ပြည်စစ်ဖြစ်ခြင်းမှကင်းဝေးခြင်း။
၂။ နတ်၊ဗြဟ္မာ၊ အသုရာ၊ ဂဠုန်၊ နဂါး၊ ရဟန္တာ ၅၀၀ တို့ မြတ်ဘုရားလက်ထက်တွင် တစ်ကြီမ်တည်းစုရုံးမိခြင်း။
၃။ မင်းသားငါးရာ ရဟန္တာဖြစ်ကြခြင်း။
၎။ မဟာသမယသုတ်ကိုအကြောင်းပြု၍ ကမ္ဘာ့ရန်ဖြစ်သော ဂဠုန်၊ နဂါး၊များပင် မေတ္တာ သက်ဝင်ကြခြင်း။
၅။ ထူးခြားစွာဟောတော်မူသော သုတ္တန် ၇ မျိုးကိုနာရ၍ နတ်ဗြဟ္မာ ကုဋေတစ်သိန်းစီ ကျွတ်တမ်းဝင်ကြ
ခြင်း။
၆။ ပဋိပက္ခပြေရန် ရှေးဇတ်တော်  ၆ မျိုးကိုလည်းဟော တော်မူခြင်း။

မဟာသာမယအမွှန်း၊ဧကပိုဒ်ရတု။
လျှောက်ထားပါမည်၊ရွှေနားကြည်လော့၊နေပြည်ဌာန၊ကပိလဟု၊သာစွရဂုံ၊မဟာဝုန်၌၊ များတုံငါးရာ၊ရဟန္တာတို့၊ညီညာဆင်နွှဲ၊ကျွတ်ဆုပွဲတွင်၊အားခဲရောက်လာ၊နတ်ဗြဟ္မာနှင့်၊
အသုရာစုံ၊ဂဠုန်နဂါး၊မေတ္တာပွါး၍၊အမှားမပြု၊တရားရှုသော်၊သုံးလူ့ထွတ်ထား၊မြတ်ဘုရားက၊
သိကြားဗြဟ္မာ၊ဒေ၀ါသုရ၊ဂရုဠနှင့်၊နာဂအဆုံ၊အကုန်မကြွင်း၊အမည်ရင်းကို၊ရှင်းလင်းပြတ်သား၊
ထုတ်ဖေါ်ကြားသော်၊အများသူငါ၊နတ်ဒေ၀ါတို့၊၀မ်းသာရွှင်ပြုံး၊ပီတိဖုံး၏၊စုရုံးလာကြ၊သမယ၌၊
ဓမ္မအမွေ၊ကုဋေတစ်သိန်း၊ကျွတ်ဆုငြိမ်း၏၊ခပ်သိမ်းသတ္တ၀ါ၊ရောဂါလည်းပျောက်၊ချမ်းသာ ရောက်လျက်၊ထွန်းတောက်စည်းစိမ်၊နေအိမ်ကျက်သရေ၊တက်နေအလား၊လွန်တိုးပွါး၏၊ ဉာဏ်အားထက်မြက်၊အသက်ရှည်ရေး၊နတ်ချစ်ဆေးဟု၊မည်ပေးခေါ်ကြ၊သမယဟု၊ဗုဒ္ဓမန္တန်၊
ဤသုတ္တန်ကို၊ထုတ်ပြန်ခုခါ၊ရွတ်ချိန်သာပြီ၊သေချာ မောင်၊မယ်တို့ရွတ်ပါဆို့။


ကျမ်းကိုး။
အခါတော်နေ့များ၊မာဂဓီ(သာစည်)၊၁၉၉၉။

2 comments:

  1. တကယ်ချစ်တာပဲလား?

    * ချစ်တာနဲ့ မေတ္တာဟာ တူသလိုနဲ့ ကွဲပြားလှပါတယ်။
    * ချစ်တာက သံယောဇဉ်ကုို အရင်းခံပြီး မေတ္တာကတော့ ဗြဟ္မစိုရ်တရားကို
    အရင်းခံပါတယ်။
    * သံယောဇဉ်ဟာ ပူလောင်စေတတ်ပြီး ဗြဟ္မစိုရ်ကတော့ အေးမြစေတတ်ပါတယ်။
    * ချစ်တာက ကိုယ့်အတွက်ဖြစ်ပြီး မေတ္တာက သူများအတွက်ပဲ ဖြစ်ပါတယ်။
    * ပိုင်ဆိုင်ချင်တာ၊ ရယူချင်တာ၊ ထိန်းချုပ်ချင်တာ၊ မနာလုိုတာ၊ သဝန်တုိုတာ စတာတွေဟာ အချစ်ရဲ့ သင်္ကေတ သဘောတွေဖြစ်ပြီး ကြီးပွားစေချင်တာ၊ အန္တရယ်ကင်းစေချင်တာ၊ ကိုယ်ကျန်းမာ၍ စိတ်ချမ်းသာစေချင်တာ စတာတွေဟာ မေတ္တာရဲ့ သင်္ကေတ သဘောတွေ ဖြစ်တဲ့အတွက် အချစ်နဲ့ မေတ္တာဟာ အပူနဲ့ အအေးလို ကွားခြားလှပါတယ်။
    * ချစ်တာက တဏှာပေမတွေနဲ့ ရောယှက်နေတဲ့အတွက် ပူလောင်စေပြီး မေတ္တာကတော့ အကျိုးလိုလားခြင်း သက်သက်ဖြစ်တဲ့အတွက် အေးမြစေပါတယ်။
    * တစ်ယောက်နှင့်တစ်ယောက် တွေ့တုန်းဆုံးတုန်း ချစ်ခင်ကြခြင်းသည် တစ်ချို့ကအချစ်-ဂေဟဿိတပေမတဏှာကိုအရင်းခံကြသည်။ တစ်ချို့က မေတ္တာ-အပြစ်မလိုလားခြင်းကို အရင်းခံကြသည်။
    တကယ်စစ်မှန်သော မိတ်ဆွေစစ်ကိုကား ခွဲခြားဖို့ရန်ခက်ခဲလှသည်။ အမှန်စစ်မှန်သော အပေါင်းအသင်းတို့သည် မေတ္တာ-ခွင့်လွှတ်ခြင်း၊ သည်းခံခြင်း၊ နားလည်တတ်ခြင်း-သဘောကို အခြေခံတတ်သည်။
    ထိုမေတ္တာရဲ့သဘောသဘာဝက-
    (၁) တစ်ဖက်သူရဲ့အကျိုးစီးပွါးကို ရှေးရှုကျင့်ကြံခြင်း၊
    (၂)ရန်ငြိုးကို ပယ်ဖျောက်နိုင်ပီး ငြိမ်းအေးခြင်းလက္ခဏာရှိခြင်း။
    (၃) သူတစ်ပါးတို့ရဲ့ စိတ်ချမ်းသာခြင်း၊ နှစ်သက်ခြင်းကိုသာ ပြုလုပ်တတ်ပြီး ဖြောင့်မတ်မှန်ကန်စွာ ကြည့်တတ်ခြင်း။(ဗုဒ္ဓ)
    * မျော်လင့်ချက်မထားပဲ သူဘာပဲဖြစ်နေနေ။ ကိုယ်ကသူ့ဆီမှ ဘာမျော်လင့်ချက်မှမလိုလား။ တကယ်လိုလားခဲ့သည့်တိုင် အဲဒီလိုလားတဲ့ မျော်လင့်ချက်ဟာ သူ့အတွက်ပဲဖြစ်ရမယ်။ သူဘယ်လိုအဆင့်တန်းပဲဖြစ်ဖြစ် နားလည်ပေးနိုင်ရမယ်။ ခွင့်လွှတ်တတ်ရမယ်။ သူ့ဆီက ပေးဆက်မှုကို ရသည်ဖြစ်စေ၊ မရသည်ဖြစ်စေ သူ့အပေါ်မှာသာမူတည်နေရမယ်။ ကိုယ့်အတွက်မစဉ်းစား။ ကိုယ့်အတွက်မလိုလားဘူး။ သူ့ဆီကမျော်လင့်ချက်တစ်ခုခု၊ ပိုင်ဆိုင်လိုမှုတစ်ခုခုကို မလိုလားဘူးလို့စိတ်ထားနိုင်ရမယ်။ သည်လိုမေတ္တာမျိုးကိုတော့ လိုချင်မှု-လောဘ၊ နှစ်ဦးနှစ်ဘက်ပျက်စီးခြင်းဒေါသ၊ အဆိုးအကောင်းကိုမဝေဖန်နိုင်ခြင်း မောဟ-တို့ လုံးဝကင်းစင်ပြီးသော အရိယာသူတော်စင်ဘုရား ရဟန္တာများသန္တာန်မှာသာ အမြဲဖြစ်နိုင်သည်။
    သာမန်လူများ၏ လူနည်းစုသန္တာန်မှာတော့ သည်မေတ္တာမျိုးဖြစ်လေ့ရှိကြသည်။ သည်လိုမေတ္တာမျိုးကိုထားနိုင်သောသူများလည်း ရှိကြသည်။ သို့သော် သူတို့သန္တာန်မှာအမြဲမဖြစ်နိုင်ကြ။ ရာထူးဂုဏ်သိမ်၊ ဥစ္စာပစ္စည်းပိုင်ဆိုင်မှု များလာချိန်နှင့် အလွန်သည်းခံနိုင်ခဲတဲ့အချိန်၊အမှန်တကယ်အခက်ခဲပေါင်းများစွားနဲ့ကြုံတွေ့ရတဲ့အချိန်မျိုးမှာ အဲသည်လို မေတ္တာမျိုးပျောက်ကွယ်သွားတတ်သည်။ ကြာကြာထိမ်းမထား
    နိုင်ပေ။
    သာမန်လူတော်တော်များများအတွက်ကတော့ မိမိကိုလည်းနားလည်ပေးနိုင်တယ် ၊ ခွင့်လွှတ်ပေးနိုင်တယ်၊ အနေလည်းနီးစပ်နေတယ်ဆိုရင် မိတ်ဆွေအဖြစ်ပေါင်းသင်းတတ်ကြသည်။
    သို့သော် လမ်းကြုံတဲ့အခါ ဈေးမှာ ထမင်းကျွေးရုံမျှဖြင့် ကူညီပေးကြခြင်းသည် မိတ်ဆွေစစ်ကား ဖြစ်မလာနိုင်သေး။ မိတ်ဆွေစစ်ဟု မခွဲခြားနိုင်သေး။ မိမိကိုယ်ကိုက မိတ်ဆွေစစ်ဟုတ်မဟုတ်ကိုတော့ လူတော်တော်များများ ဆန်းစစ်ကြည့်ကြမည်မဟုတ်ပေ။ သို့ဆိုကာမူ မိမိကရော မိတ်ဆွေပီသသလားလို့ ဆန်းစစ်ကြည့်မိတဲ့အခါတိုင်း မိမိအပေါ်မှာ ဘယ်အတိုင်းတာထိအနွံတာခံ၊ ယုံကြည်အားထားရတဲ့သူရှိနေပြီလဲ ဆိုတဲ့ ခြားနားချက်အားဖြင့် ခန့်မှန်းနိုင်သည်။
    တစ်ယောက်နှင့် တစ်ယောက် ယုံကြည်မှုသည် ထိုသူတို့၏နောက်ကွယ်တွင် ပိုမိုထင်ရှားကြောင်း သက်သေအဖြစ်ရှိရမည်။ နောက်ကွယ်မှာမိမိအပေါင်းသင်းနှင့်ပတ်သက်လာလျှင် မိမိက မိမိရဲ့အပေါင်းအသင်းအတွက် အကောင်းဆုံးကိုယ်စားပြုခြင်းဖြစ်နေရမည်။ သည်လိုဆို ပေါင်းသင်းခြင်းစစ်မှန်မမှန် ခွဲခြားနိုင်သည်။ တကယ်ချစ်တတ်သူအဖြစ်သတ်မှတ်နိုင်သည်။

    ရေးသားသည်။ ။ ဒုခမံ ခမတိ၊ ဒုဒ္ဒဒံ ဒဒါတိ၊ ဒုကရံ ကရောတိ-အင်္ဂုတ္တရနိကါယ်မေတ္တာသုတ်ပါဠိနှင့် A Friend in need is a Friend indeed -စားသားများကို အခြေခံလျှက် မိမိညာဏ်စွမ်းသလောက်မျှဝေလိုက်ရပါသည်။
    မေတ္တာဖြင့်။ sonmothers@gmail.com

    ReplyDelete