ပြိတ္တာ လေးမျိုးလား ဆယ့်နှစ်မျိုး လား ?

ပြိတ္တာ ဆိုတာ ပေတ ဆိုတဲ့ပါဠိကဆင်းသက်လာတာပါ။ ချမ်းသာခြင်းတရား အပေါင်းတို့မှ ဝေးကွာသောသတ္တဝါ၊ လူ့ခန္ဓာကိုယ် အတ္တဘောမှ ကင်းကွာသွားတဲ့အတွက်ကြောင့် ပေတ (ပြိတ္တာ)လို့ခေါ်ကာ ပြိတ္တာဘုံကို ရောက်သွားသူတို့ကိုဆိုကြောင်း စာပေများက ဖွင့်ဆိုပြ ပါ တယ်။ စာပေအဖွင့်တွေအရ ပြိတ္တာဆိုတာ တောခြုံပိတ်ပေါင်း တောင်စောင်းဂူလှိုဏ် စတဲ့ အရပ် တွေမှာ မှီခိုပြီး ဆင်းရဲစွာ ခံစားနေရတဲ့ သတ္တဝါတစ်မျိုးကိုဆိုကြောင်း မှတ်သား နိုင်ပါ တယ်။ လူ့ပြည်လောကမှာ လူဖြစ်စဉ်က ငြူစူဝန်တိုခြင်း များပြားပြီး ကိုယ်ကိုယ်တိုင်လည်း ပေးကမ်းလှူဒါန်းခြင်းမရှိ၊ သူတပါး ပေးကမ်းလှူဒါန်းတာကိုလည်း တားမြစ်ကာ ကုသိုလ် မလုပ်ဖြစ်အောင် အန္တရာယ်ပြုခဲ့ကြတဲ့ သူတွေဟာ များသောအားဖြင့် ပြိတ္တာဘဝမှာ အဖြစ်များ ကြတယ်လို့ ဆိုပါတယ်။

ပြိတ္တာဘဝကို ရောက်ရှိသွားကြတဲ့ သတ္တဝါတွေဟာ မိမိတို့လုပ်ခဲ့တဲ့ မကောင်းမှုကံကြောင့် အစာရေစာ ငတ်မွတ်ခြင်း ဒုက္ခကို ခံစားကာ နှစ်ပေါင်းရာထောင် သိန်းသန်းမက ခံစား ကြ ရသလို ဘုရားတစ်ဆူနဲ့ တစ်ဆူကြားကာလအထိ မကျွတ်မလွတ်နိုင်ဘဲ ရှိနေတတ်ကြတဲ့ ပြိတ္တာများလည်း အများအပြား ရှိကြောင်းဆိုပါတယ်။ အဲဒီလို အချိန်ကာလ ကြာမြင့်စွာ အစာရေစာ မစားမသောက်ရဘဲ ဆင်းရဲဒုက္ခကို ခံစားကြရပေမယ့် အကုသိုလ်ကံ အရှိန် မကုန်သေးတဲ့အတွက် ကွယ်လွန်သေဆုံး၊ ဘဝတုံးခြင်း မရှိသေးဘဲ အသားအသွေးမရှိ အရေအကြော အရိုးမျှသာရှိကာ အလွန်ဆိုးဝါးတဲ့ အဆင်းနဲ့ ကြောက်ရွံ့ထိတ်လန့်ဖွယ်ရာ တည်ရှိနေရတယ်လို့ ဆိုပါတယ်။

ပြိတ္တာအမျိုးအစား များသလောက် ခံစားရပုံချင်းလည်း မတူညီလှပါဘူး။ ယေဘုယျအားဖြင့် ပြိတ္တာအမျိုးအစား လေးမျိုး ရှိကြောင်းလည်း မှတ်သားရပါတယ်။ အဲဒီလေးမျိုးက

၁။ သူတပါးတို့ ပေးအပ်တဲ့ အစားအစာကို အမှီပြုပြီး အသက်ရှင်ရသော ပရဒတ္တူပဇီဝိကပြိတ္တာ (အပေးခံပြိတ္တာ)

၂။ ထမင်းငတ်ခြင်း၊ ရေမွတ်သိပ်ခြင်းတို့ မပြတ်နှိပ်စက်ခံနေရတဲ့ ခုပ္ပိပါသိကပြိတ္တာ (အဆာခံပြိတ္တာ)

၃။ အမြဲအကြွင်းမဲ့ လောင်ကျွမ်းခံနေရတဲ့အတွက် ပူပန်ခြင်းရှိနေရသော နိဇ္ဈာမတဏှိကပြိတ္တာ (အလောင်ခံပြိတ္တာ)

၎။ အသုရကာယ်လို့ သီးသန့်ခေါ်ဆိုအပ်တဲ့ အသုရာကာယခေါ် ကာလကဉ္စိကပြိတ္တာ (ဆင်းရဲခံပြိတ္တာ) တို့ပဲ ဖြစ်ပါတယ်။

ဒီပြိတ္တာလေးမျိုးမှာ နံပါတ်တစ်အမျိုးအစား ပြိတ္တာကတော့ လူ့ဘဝက ဆွေမျိုးဉာတကာ စသူ တွေရဲ့ ရည်စူးပြီး လှူဒါန်းပေးတဲ့ အလှူကို ဝမ်းမြောက်ဝမ်းသာ သာဓုခေါ်ဆိုနိုင်ပါက စားဖွယ် သောက်ဖွယ်များကို ရရှိခံစားနိုင်ကြောင်း ဆိုပါတယ်။

အကုသိုလ်အလိုက်ဖြစ်ရသောပြိတ္တာအမျိုးအစား (၁၂) မျိုး။

၁။ ၀န္တာသပြိတ္တာ = တံတွေး၊နှပ်၊ချွဲ၊အန်ဖတ်၊စားသော ပြိတ္တာ။ ရတနာသုံးပါး၊ သူတော် ကောင်း များအားပြစ်မှားခြင်း၊စားကြွင်း စားကျန်၊နှပ်၊တံတွေးတို့ဖြင့် ပြစ်မှားသူ။

၂။ ကုဏပါသ ပြိတ္တာ = အကောင်ပုပ်များစားသော ပြိတ္တာ။ စက်ဆုတ်ဖွယ်ရာများ မရိုမသေ ပေးသူ။

၃။ ဂူထခါတကပြိတ္တာ = ကျင်ကြီးစားသော ပြိတ္တာ။သူတော်ကောင်းစား သော အစာထဲ ရွှံရှာ ဖွယ် ထဲ့ကျွေးသူ။

၎။အဂ္ဂိဇာလမုခပြိတ္တာ =ခံတွင်းကမီးထွက်သောပြိတ္တာ။ပူလောင်သောအစာမျိုး၊ မရိုမသေ ကြွေးသူ။

၅။ သုစိမုခပြိတ္တာ =ခံတွင်းအပ်နှဖါးမျှသာရှိသောပြိတ္တာ။သူတစ်ပါးအလှူပိတ်ပင်သူ။

၆။ တဏှာာဋ္ဋိကပြိတ္တာ = အစာရေစာငတ်ခြင်းဖြင့်တဏှာနှိပ်စက်ခံရသောပြိတ္တာ။ ရေတွင်း ရေကန် ဖျက်ဆီးသူ။

၇။ သုနိဇ္ဈာမကပြိတ္တာ = မီးလောင်ငုတ်နှင့်တူသောပြိတ္တာ။သက်ကြီးသူအိုကိုမရိုမသေပြုသူ။

၈။ သတ္ထိင်္ဂပြိတ္တာ = လက်နက်နှင့်တူသောခြေလက်အင်္ဂါရှိသောပြိတ္တာ။မုဒိမ်းကျူးလွန်သူ။

၉။ ပဗ္ဗတင်္ဂပြိတ္တာ = တောင်လောက်ကိုယ်အင်္ဂါရှိသောပြိတ္တာ။

၁၀။အဇဂရင်္ဂပြိတ္တာ = စပါးကြီးမြွေနှင့်တူသောကိုယ်အင်္ဂါရှိသော ပြိတ္တာ။သူတစ်ပါးလှူထား သော ကျောင်းစသည်ကိုဖျက်ဆီးသူ။

၁၁။ သေမာနိကပြိတ္တာ = ဘုံဗိမာန်၌ဖြစ်သော ပြိတ္တာ။သူတစ်ပါးကိုကြောက်အောင် ခြောက်လှန့်သူ။

၁၂။ မဟိဒ္ဓိကပြိတ္တာ = တန်ခိုးကြီးမားသော ပြိတ္တာ။ မိဿကကံ (ကုသိုလ်၊အကုသိုလ်ရော

သောကံကြောင့်ဖြစ်သည်)။ ကုသိုလ်တဘက်ကလုပ်ပြီး၊အကျင့်ပျက်ခြင်း။

အသုရကာယ်ဆိုတာကတော့ နတ်တွေလို ရဲရင့်ခြင်း၊ တောက်ပခြင်း၊ တင့်တယ်ခြင်း ကင်းနေ တဲ့သတ္တဝါ၊ မှင်စာ နတ်သေးနတ်ငယ်၊ နတ်စုတ်၊ နတ်ပြတ် နတ်မွှားလေးတွေကိုခေါ်တာပါ။

ကျမ်းကိုး။

အရှင်ဝိမလဝံသ (နာလန္ဒာတက္ကသိုလ်)