ဘူးသီးကြော်

+2

Meemeetofu added 5 new photos.

26 September at 07:52 · 

ဆောင်းဝင်တော့မယ်ဆို မြန်မာမှာ ဘူးသီးတွေ၊ ဆလပ်ရွက်လေးတွေ လွှတ်ပေါတော့မယ်၊

အချဉ်ရည်အတွက်
မကျည်းရည်
ထန်းလျှက်
ကြက်သွန်ဖြူ ဒါးပြားရိုက် နုတ်နုတ်စင်း
ငရုပ်သီးစိမ်း နုတ်နုတ်စင်း
ငံပြာရည်
နံနံပင် နုတ်နုတ်စင်း
တို့ အားလုံးရောမွှေထည့်လိုက်တာဘဲ၊ ကိုယ်ကြိုက်သလို အချဉ် အငံ အစပ် လိုသလို ပြုပြင်တာပေါ့နော်။
ခပ်ပြစ်ပြစ်လေး ကြိုက်ရင်
ပဲ အကျက်မှုန့်
ငရုပ်သီးလှော်ထောင်း တို့ ထပ်ထည့်နိုင်ပါတယ်။

ဘူးသီးကြော်နည်း

ဘူးသီးကြော် ပွပွဖောင်းဖောင်းလေးရအောင် ၊ ဘူးသီး တချောင်းလုံးကို ငုံမိအောင်၊ ဘေးမှာ အစတွေ ပြန့်မနေအောင် ကြာကြာကြွပ်အောင် ဘယ်လိုကြော်လည်းလို့ မမီးကို မေးကြတယ်..။ မမီး အကြော်ကြော်ရင် တမ်ပူရာမှုန့် (အကြော်မှုန့်) ကိုဘဲသုံးပီးကြော်ပါတယ်..။ ထိုင်းတမ်ပူရာမှုန့်၊ ကိုရီးယား တမ်ပူရာမှုန့် ဘာဘဲသုံးသုံး အဆင်ပြေပါတယ်။ မြန်မာ အကြော်မှုန့်တွေနဲ့ ကြော်ထားကြတဲ့ ဘူးသီးကြော် ကောင်းကောင်းလေးတွေလည်း Facebook မှာ တက်တက်လာတာ တွေ့နေရလို့ ၊ မြန်မာ အကြော်မှုန့်တွေနဲ့လည်းအဆင်ပြေနိုင်ပါတယ်၊ အရေးကြီးတာကတော့ ဆီရဲ့ အပူချိန်မှန်ဘို့..ရေ နဲ့ အမှုန့်တွေရဲ့ အချိုး မှန်ဘို့ တနည်းအားဖြင့် အပြစ်အကျဲ မှန်ဘို့ပါ။ အကြော်မှုန့် အထုတ်တွေမှာ အမှုန့်ဘယ်လောက်ထည့်ရမယ်. .ရေဘယ်လောက်ထည့််ရမယ် ဆိုတဲ့ အချိုး အစားပေးထားပါတယ်..။ အဲဒါကို တိတိကျကျ လိုက်နာပီး..လိုအပ်မှ လိုတိုးပိုလျှော့ လုပ်ပါရှင်။
မြန်မာရိုးရာနည်းနဲ့ ကြော်တဲ့အချိုးကိုတော့ မမီးမသိပါ၊ ကောက်ညှင်း၊ ဆန်၊ ပဲတို့ကို ကြိတ် အချဉ်ဖောက်ပီး အချိုးကျ ရောစပ်ပီးကြော်တဲ့ မြန်မာဘူးသီးကြော်ကလည်းဘဲ ကြာကြာကြွပ်ပါတယ်၊ ယူအက်စ်မှာနေသူအဘို့ စမ်းသပ်ဘို့ အခွင့်မရသေးပါ။
တမ်ပူရာမှုန့်၊ ဘိတ်ကင်းပေါင်ဒါ ၊ ပြောင်းကော်မှုန့် ဆိုတာ ဘာလည်းမေးထားကြသူများ ဒီလင့်မှာ သွားကြည့်ကြပါရှင်..။
https://www.facebook.com/pg/MeeMeeTofu/photos/?tab=album&album_id=248216882188347
မမီးကြော်ထားတဲ့ အချိုးကတော့..
ကိုရီးယား တမ်ပူရာမှုန့် ၄ စားပွဲဇွန်းမောက်မောက်
ပြောင်းကော်မှုန့် ၁/၂ စားပွဲဇွန်း
ဘိတ်ကင်းပေါင်ဒါ အနည်းငယ်
ရေက တော့ နည်းနည်းချင်း လိုသလို ထည့်ထည့်ပီး နယ်သွားတာပါ။
ဘူးသီးကြော် ကြာကြာကြွပ်ရခြင်း ( လေ့လာမိသလောက်သာ..ပိုသိဘို့လိုနေတာတွေ ရှိကောင်းရှိနိုင်)
မုန့်နှစ် နဲ့ ရေ ရဲ့ အချိုးမှန်ပီး၊ မုန့်နှစ်ကို အတွင်းအပြင် ကြွပ် အောင်ကြော်နိုင်ရင် ဘူးသီးကြော် ကြာကြာကြွပ်ပါတယ်။
ပြောင်းကော်မှုန့်ထည့်တာ အကြော်ကို အလွယ်တကူ အရောင်မညိုသွားစေဘဲ ၊ ကျက်အောင်လည်းကြာကြာကြော်ရပါတယ်၊ အဲဒါကြောင့် အတွင်းမုန့်နှစ်ကျက်ပီး ကြာကြာကြွပ်တာပါ။
ဗူးသီးကြော်ကြော်မယ်ဆိုရင် ဗူးသီးရဲ့ အပေါ်ယံ မျက်နှာပြင်က သွေ့နေရပါတယ်။ ကောင်းတာကတော့ ညနေကြော်မယ်ဆိုရင် မနက်ကတည်းက လှီးပီး လေသလပ်ခံ ဖြန့်ထားတာမျိုး လုပ်ထားသင့်ပါတယ်။ ဘူးသီးမျက်နှာပြင်သွေ့နေပါမှ ဗူးသီးကြော် ကြာကြာကြွတ်ပါတယ်.။
ဘူးသီး အချောင်းကိုလည်း ကြီးကြီးထူထူ လှီးရင် ဘူးသီးက ထွက်လာတဲ့ အစိုဓာတ်ကြောင့် ကြာကြာမကြွပ်ပါ။

ဆီ ရဲ့ အပူချိန်ကတော့ ကိုယ့်မီးဘိုနဲ့ ကိုယ် ချင့်ချိန်ရမယ်ထင်ပါတယ်..။ ဘူးသီးမုန့်နှစ်လူးကို ထည့်လိုက်တဲ့ အခါ ၁၀ စက္ကန့် အတွင်းမှာ ဘူးသီး ကြော်က ပွဖောင်းပီး ဆီမျက်နှာပြင်ပေါ် ပြန်တက်လာသင့်ပါတယ်။
မှတ်သားဘွယ်ရာ ကွန်မန့်များ..
**************************************
Sein Sein Yi ဘူးသီးကြော်ရင်မုန့် နှစ်ထဲမှာ ငြုပ်သီးအရောင်တင်မှုန့် နဲနဲထဲ့ကြော်ရင် ဘူးသီးကြော်ကိုအကြာကြီး ကြော်စရာမလိုဘဲ အချိန်ကုန် ဆီကုန်လဲသက်သာ၊ဘူးသီးကြော်လဲအရောင်လှပါတယ်၊
Aye Thidar Win အမMeemee Tofu ရေ စာအုပ်တစ်အုပ်ထဲမှာဖတ်ဖူးတာလေးပြန်share ပါရစေ ဘူးသီးကြော်ကြော်ရင် မုန့်နှစ်ကိုရေနဲ့ အနေတော်နယ်ပီးတဲ့အခါ ဆီတစ်စက်နှစ်စက် ထည့်မွှေလိုက်ရတယ်တဲ့ ပီးမှဘူးသီးနှစ်ကြော်တဲ့အခါ ဘူးသီးကြော်ပုံလည်းပိုလှပြီး ဖောင်းဖောင်းလေးဖြစ်သတဲ့ ညီမ စမ်းကြော်ကြည့်တာ အဆင်ပြေတယ်အမရေ။
Dawgyi Khine ဘူးသီးကိုဆားလေးနဲနဲ
နဲ့အရင်နယ်ထားရင်ဘူးသီးထဲလဲအငံဝင်ဘူးသီးထဲကရေတွေလဲထွက်လာလို့ကြာထားလဲကျွတ်နေပါတယ်သိသလောက်မျှတာပါ..။
Moenya Moenya ကျွန်မတို့ ကတော့ ဂျင်း ကြက်သွန်ဖြူညက်ညက်ထောင်းထည့်ပါတယ် အနံ့ မွှေးတယ်
အကြော်မှုန့် က စပ်ပြီးသားအထုတ်တွေနဲ့ ကြော်ပါတယ်
ကိုယ်တိုင်စပ်တဲ့ -ကောက်ညှင်းမှုန့်  ၂ ဆ
ဆန်မှုန့်  ၁ဆ ဆော်ဒါမှုန့်  နဲနဲလေးရောပြီးလဲကြော်ပါတယ်..။
အန်တီ လွင် ယိုးဒယားမယ်ငါးထုတ်ကိုရွှေကြည်ကွမ်းသီးလုံးခန့်ထည့်ကြော်ရင်အရောင်လည်းလှတယ်ကြွတ်ကြွတ်ရွရွလေး..။
Khaing Win Tun မိတ္ထီလာမြို့က နာမည်ကြော် ပေါက်ချောင်းအကြော်ဆိုင် ကြော်နည်းပါ... သူက အချောင်းလိုက်မကြော်ပါဘူး ဗူးသီးကို မပါးတပါးလှီးပြီး မိုးပြဲဒယ်မှာ အချပ်လိုက်ကြော်ပါတယ်...ရေမုန့်(မုန့်ရေပါးနဲ့)တွဲစား အရမ်းကောင်းပေါ့ မဆလခေတ်က ၀န်ကြီးတွေ အစည်းအဝေးမှာကျွေးဖို့ အကြော်သည်ကို မိတ္ထီလာ လေတပ်က ရဟတ်ယာဉ်နဲ့ပို့ပေးရတဲ့အထိ နာမည်ကြီးပါတယ်.. အချိုးအစားက ဆန်မှုန့်သီးသန့်
စားဆော်ဒါ
ဆနွမ်းမှုန့်အနဲငယ်
ရေပြစ်ပြစ်နဲ့ဖျော်
ဆား အရသာထည့်
ဗူးသီးကို ခပ်ပါးပါးလှီးပြီး မုန့်နှစ်ရည် ထည့်နယ်
ဒယ်ကြီးကြီးမှာ ဆီပူအောင်ထား
ဆီပူရင် မီးလျော့ပြီး ဗူးသီးနဲ့မုန့်နှစ်ရည်အားလုံးကို့ ဖြန့်ထည့် တဖက်ကျက်မှ တဖက်လှန်ပါ..
အချဉ်ရည်ကို မန်ကျည်းသီး အနှစ်တိုက် ငရုတ်သီးစိမ်း(ကုလားအော်သီး) ကြက်သွန်ဖြူထောင်းထည့်
ဆား အရသာထည့်
ဆလပ်ရွက် ဂေါ်ဖီတို့စရာနဲ့ စွန်းမိုက်။
Than Dar အစ်မမီးရေ,,,ကျောက်ဖရုံသီးကိုကြော်စားကြည့်...ကောင်းမှကောင်း ချိုမှချိုပဲ..ဗူးသီးထက်ပိုကောင်းသလိုပဲ..ဗူးသီးဝယ်မရတော့တာနဲ့ ညီမစမ်းကြော်စားကြည့်တာ...အစ်မရဲ့အချဉ်ရည်ထဲကို ပဲမှုန့်နဲနဲထည့်,,ငရုပ်အလှော်မှုန့်နဲနဲထပ်ထည့်.နံနံပင်နုပ်နုပ်စင်းပြီးနဲနဲထည့် ငံပြာရည်နဲနဲထည့်,, လုပ်စားကြည့်ပါအစ်မ ရမ်းကောင်း :D မော်လမြိုင်အချဉ်ရည်ဖြစ်သွားရော။
Ma M Wai using selfrising flour is the best for the bu thee kyaw. it doesn't need anything . just selfrising flour and water only. try it. ဂျုံမှုန့်ထဲမှာ ဘိတ်ကင်းပေါင်ဒါ ကိုသမအောင် ရောထားတဲ့ အသင့်စပ်ပီးသားဂျုံမှုန့်ကို အသုံးပြုပီး ဘူးသီးကြော်တာ အကောင်းဆုံးပါတဲ့၊ တခြား ဘာအမှုန့်မှ ထပ်ရောရန် မလိုပါတဲ့။