လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Tuesday, September 26, 2017

အောင်လံဆရာတော်ဘုရားကြီး အရှင်စန္ဒိမာ၏ ဆုံးမသြဝါဒများ~နိဂုံး

အောင်လံဆရာတော်ဘုရားကြီး
အရှင်စန္ဒိမာ၏ ဆုံးမသြဝါဒများ~နိဂုံး
<><<><<><<><<><<><<><<><<><
 ၃၆။ ယောက်ျားတွေ သတိထားဆင်ခြင်ရန်
လူ့ပြည်မှာ ယောက်ျားလေးနည်းပြီး အမျိုး
သမီးများနေတာရယ်, နတ်ပြည်မှာ နတ်သား
နည်းပြီး နတ်သမီးများနေတာရယ်, နွားပွဲဈေးမှာ
နွားထီးတွေများပြီး နွားမတွေနည်းနေတာရယ်
ဘာကြောင့်လည်းဟု ယောက်ျားတွေ သတိထား
စဉ်းစားသင့်ပြီ။
ဘာကြောင့်လဲဆိုတော့ ယောက်ျားတွေက
အမျိုးသမီးတွေထက် ကုသိုလ်စေတနာ နည်းပါး
လို့ပေါ့...
 ၃၇။ အတောင်းနှင့်အကျင့်
မြတ်စွာဘုရားရှေ့မှာ တကျော်ကျော်နှင့်
မဂ်ဖိုလ်နိဗ္ဗာန်ကို ပေးပါပေးပါလို့ တောင်းနေတာ
ထက် ဘုရားရှေ့မှာ မဂ်တရား ဖိုလ်တရားရ
အောင် ကျင့်နေတာကို မြတ်ဘုရားက ပိုကြိုက်
တယ်။
 ၃၈။ တန်ဖိုးထားခြင်း
တန်ဖိုးထားတယ်ဆိုတာ တန်ဖိုးထားစရာ
ကလဲ တန်ဖိုးရှိရတယ်။ တန်ဖိုးထားသူကလည်း
တန်ဖိုးရှိမှန်း သိရတယ်။ တန်ဖိုးရှိမှန်း သိလျှင်
လည်း တန်ဖိုးထားရတယ်။
 ၃၉။ ဆုံးမခြင်း
မသိတတ်လို့ ကလေးတွေဆိုးတာ ဆုံးမ
ရတာထက် အသိတရားရှိပြီး လူကြီးတွေကိုဆိုး
လို့ ဆုံးမရတာ ပိုပြီးခက်တယ်။ ဘာကြောင့်လဲ
ဆိုတော့ အရိုးမာပြီး အခေါက်ထူနေလို့ဘဲဖြစ်
တယ်။
 ၄၀။ တန်မှရမည်
ပြည်တန်တဲ့ ပတ္တမြားဟာ တန်ဖိုးကြီးလွန်း
လို့ လူတိုင်း မဝယ်နိုင်ဘူး။ တန်ရာ တန်ဈေးပေးမှ
ရမည်။
မဂ်တရား ဖိုလ်တရားဟာလည်း ချမ်းသာ
လွန်းလို့ လူတိုင်း မကျင့်နိုင်ဘူး။ ပြင်းထန်စွာ
အားထုတ်မှရမည်။
 ၄၁။ ရှိနိုင်ခဲမှုများ
တောတိုင်းမှာ သစ်ပင်ပေါင်းများစွာရှိပေ
မယ့် စန္ဒကူးရှိနိုင်ခဲတယ်။ တောင်တိုင်းမှာ
ကျောက်ခဲပေါင်းမြောက်များစွာရှိပေမယ့်
ပတ္တမြားရှိနိုင်ခဲတယ်။
လူသားတိုင်း ဆင်းရဲစွာ သေရမည့်သူ
များစွာရှိပေမယ့် ချမ်းသာစွာ သေမည့်သူ ရှိနိုင်
ခဲတယ်။
 ၄၂။ သန့်စင်သောစိတ်ရအောင်
ရေဟာ ရွှံ့နွံနှင့် ဘယ်လောက်ရောရော
ကျောက်ချဉ်နှင့် ခွဲလိုက်လျှင် သန့်စင်သော
ရေပြန်ရတယ်။
ရွှေဟာ အခြားသတ္ထု တွေနှင့် ဘယ်
လောက်ရောရော ငရဲမီးနှင့် ဓာတ်ခွဲလိုက်လျှင်
သန့်စင်သော ရွှေပြန်ရတယ်။
စိတ်ဟာ ကိလေသာနှင့် ဘယ်လောက်
ရောရော မဂ္ဂင်ရှစ်ပါးနှင့် ပယ်သတ်လိုက်ရင်
သန့်ရှင်းသော စိတ်ရတယ်။
 ၄၃။ မဂ္ဂင်တန်ခိုး
မြင်းကိုနိုင်တာ ဇက်ကြိုး၊
နွားကိုနိုင်တာ နဖားကြိုး၊
ကြောင်ကိုနိုင်တာ ဇက်ပိုး၊
တဏှာကိုနိုင်တာ မဂ္ဂင်တန်ခိုး...
 ၄၄။ အမြှောက်နှစ်မျိုး
အသံထွက်ပြီး အဆံမထွက်တဲ့ သင်္ကြန်
အမြှောက်ရယ်၊ အသံရော အဆံရောထွက်တဲ့
အင်္ဂလန်အမြှောက်ရယ်ဟု နှစ်မျိုးရှိတယ်။
အသံထွက်ပြီး အဆံမထွက်တော့ အသံနဲ့
လှန့်တဲ့ အမြှောက် အဖြစ်ဘဲ အသုံးပြုကြတယ်။
အဆံရော အသံရောထွက်တဲ့ အမြှောက်က ရန်
သူကို သေကြေပျက်ဆီးနိုင်တယ်။
ပညာမဲ့တို့သည် အသံကောင်းလွှင့်ပြီး ပြော
ဆိုနေပေမယ့် အကျိုးသက်ရောက်မှုမရှိ၊
ပညာရှိတို့ပြောဆိုသော အသံသည် အကျိုး
စီးပွားတည်းဟူသော အဆံပါလာသည်။
 ၄၅။ ရှာမှုသုံးမျိုး
လင်းတငှက်တို့သည် လူသေကောင်ပုပ်ကို
ရှာကြသည်။
ပုထုဇဉ်တို့သည် လူရှင်ကောင်ပုပ်ကို ရှာ
ကြသည်။
သူတော်ကောင်းတို့သည် အသင်္ခတဓာတ်
ကိုရှာကြသည်။
 ၄၆။ ဝန်မလေးမှုသုံးမျိုး
ငှက်တို့ လိုရာပျံတော့မည်ဆိုလျှင် အကိုင်း
ကို ကန်ရန် ဝန်မလေးဘူး။
လူမိုက်တို့ လိုရာဆန်တော့မည်ဆိုလျှင်
သခင်ကို ကန်ရန်ဝန်မလေးဘူး။
အရိယာတို့ လိုရာဆန်တော့မည်ဆိုလျှင်
ကိလေသာကို ကန်ရန်ဝန်မလေးဘူး။
 ၄၇။ အကြို က်သုံးမျိုး
ခွေး, ဝက်တို့သည် လူတို့စွန့်သော မစင်ကို
ကြိုက်နှစ်သက်ကြသည်။
လူမိုက်တို့သည် လူလိမ္မာတို့စွန့်သော
အရက်ကို ကြိုက်နှစ်သက်ကြသည်။
ပုထုဇဉ်တို့သည် အရိယာတို့စွန့်သော
ကာမဂုဏ်ကို ကြိုက်နှစ်သက်ကြသည်။
±±±±±±±±±±±
ကမ္မဋ္ဌာနစရိယဆရာတာ်
အရှင်စန္ဒိမာ
(၉-ရက်စခန်းနိဗ္ဗာန်လမ်း
တရားကျင့်စဉ်မှ)
[ဆရာတော်ဘုရားကြီးအားရှိခိုးဦးခိုက်လျှက်]

No comments:

Post a Comment