အနောက်တိုင်းဆေးပညာအရ ကျမတို့မှာ သိစိတ် (conscious mind) နဲ့ မသိစိတ် (unconscious
mind) ဆိုပြီးနှစ်မျိုးရှိတယ်၊ စိတ်တွေဟာ ဥဏှောက်ထဲမှာဖြစ်တယ်လို့ ယူဆတာပဲရှိပါတယ်။ ဒါပေမဲ့ ဥဏှောက်ကို ခွဲစိပ်တာတောင် မသိပါဘူး။ ကျေးဇူးတော်ရှင်မြတ် ဘုရားရဲ့ တရားတော်အရတော့ သိစိတ် အမျိုးပေါင်း ၁၂၁ မျိုး ရှိတာ၊
ဘယ်လိုအကြောင်းတွေကြောင့် စိတ်တွေ ဖြစ်တာ၊ ဘယ်မှာဖြစ်တာ၊ စိတ်မှာ စိတ်အပြင် စိတ်ကိုပြုပြင်တဲ့ စေတသိတ်တွေပူးပေါင်းပါဝင်တာကအစ တော်တော်စုံစုံလင်လင် သိရပါတယ်။
စိတ် (Mind) ဆိုတာကို ဘာသာတရားအရ ကျမသိသလို မျှဝေပါတယ်။ အမှားများပါရင်လည်း ရဟန်း ပညာရှိ၊ လူပညာရှိများ
ကရုဏာရှေးထား၍ ပြုပြင်ပေးတော်မူကြပါလို့ အစဦးဆုံးမေတ္တာ ရပ်ခံ အပ်ပါ တယ်။
ဒွါရ (၆) ပါးနဲ့ အာရုံတိုက်လို့ ပေါ်လာတဲ့ အာရုံကိုသိတဲ့ စိတ်အစဉ်ကို သိစိတ်
(ဝါ) ဝီထိစိတ် (ဝါ) နိုးကြားစိတ် (conscious mind) လို့ခေါ်ပါတယ်။ အာရုံ (၆)
ပါးနှင့် သက်ဆိုင်ရာ အကြည်ဓာတ်တို့ တိုက်ဆိုင်ပြီး၊ လိုအပ်သောအကြောင်းတရားများ
ပြည့်စုံသည့်အခါသက်ဆိုင် ရာဝီထိစိတ်များ ဖြစ်ပါတယ်။
အာရုံ (၅) ပါးကြောင့်ဖြစ်သောဝီထိစိတ်များဖြစ်ပေါ်ပုံတူညီကြလို့ ပဉ္စဒွာရဝီထိ ဟုခေါ်
ပါတယ်၊ ဓမ္မာရုံနှင့်မနောဒွာရကြောင့် ဖြစ်သောဝီထိစိတ်ကိုတော့ မနောဝီထိ ဟုခေါ်ပါတယ်။
ဝီထိစိတ်မဖြစ်တဲ့အချိန်မှာဖြစ်တဲ့စိတ်ကို မသိစိတ်(ဝါ) ဝီထိမုတ်စိတ် (ဝါ) ဘဝင်စိတ်
(unconscious mind) လို့ ခေါ်ပါတယ်။ ဘဝင်စိတ်ဆိုတာ အိပ်မောကျစဉ် ပြင်ပ အာရုံတွေနဲ့ ကင်းလွတ်တဲ့အချိန်မှာဖြစ်တဲ့
စိတ်ဖြစ်ပါတယ်။ ဘဝင်စိတ်က သတ္တဝါ ဆက်လက် အသက်ရှင် ဖို့လိုအပ်ပါတယ်။ စိတ်မရှိတော့ရင်
လူသေဖြစ်သွားပါပြီ။ လူရှင်နဲ့ လူသေအလောင်းဟာ စိတ် ရှိတာနဲ့ မရှိတာပဲ ကွာပါတယ်။
ပဋိသန္ဓေစိတ်ဟာလဲ ဘဝင်စိတ်ပဲဖြစ်ပါတယ်။ စိတ်ဆိုတာ အာရုံမရှိဘဲ မဖြစ်နိုင်ပါဘူး။
ပဋိသန္ဓေစိတ်နဲ့ ဘဝင်စိတ်ဟာ ယခင်ဘဝက စုတိစိတ်ယူခဲ့တဲ့အာရုံများဖြစ်တဲ့ ကံနိမိတ်(ဝါ)
ကမ္မနိမိတ် (ဝါ) ဂတိနိမိတ် တစ်ခုခုကို အာရုံပြုပါတယ်။ အဲဒီစိတ်သုံးမျိုးလုံးဟာ
အာရုံလဲတူ၊ အမျိုးဇတ်လည်းတူ၊ ယှဉ်ဘက်စေတသိတ်တွေလဲတူတဲ့ စိတ်တွေဖြစ်ကြပါတယ်။
ဖြစ်ပေါ်ရာ အချိန်ကို လိုက်ပြီးတော့သာ စုတိစိတ်၊ ပဋိသန္ဓေစိတ်၊ ဘဝင်စိတ်လို့ ခေါ်ကြခြင်း
ဖြစ်ပါတယ်။ သံသရာစကတည်းက နိဗ္ဗာန် မဝင်မချင်း ဘဝင်စိတ်နဲ့ ဝီထိစိတ်တွေဟာ တပြန်စီ
ဖြစ်နေကြ ပါတယ်။
ဘဝင်စိတ်ဖြစ်စေ၊ဝီထိစိတ်ဖြစ်စေ စိတ်တိုင်းရဲ့သက်တမ်းဟာ ဥပါဒ်၊ဌီ၊ဘင် ဆိုပြီး ခဏငယ်သုံးချက်ပဲရှိပါတယ်။
မြန်မာလို ဖြစ်၊တည်၊ပျက်၊ လို့ခေါ်ပါတယ်။
ခဏငယ်ဆိုတာအလွန်တိုတောင်းသောအချိန်လေးကိုဆိုလိုပါတယ်။ ဥပါဒ်၊ဌီ၊ဘင် ခဏငယ်သုံးချက်ပေါင်းကို
စိတ္တက္ခဏ တစ်ချက်လို့ ခေါ်ပါတယ်။
စိတ်တွေဟာတစ်စက္ကန့်မှာကုဋေတစ်သိန်းဖြစ်ပျက်နေပါတယ်။ ဒါကြောင့် စိတ်တစ်ခုရဲ့ သက်တမ်း
(စိတ်သက်) ဟာတစ်စက္ကန့်ရဲ့ကုဋေတစ်သိန်းပုံတစ်ပုံခန့် သာရှိပါတယ်။ ရုပ်ဟာ လည်း
စိတ်ကဲ့သို့ ဖြစ်၊တည်၊ပျက်၊ ဟူသော အစဉ်နဲ့ ဖြစ်၊ပျက် နေပါတယ်။ ဒါပေမဲ့ ရုပ်ရဲ့ သက်တမ်း
(ရုပ်သက်) က စိတ်သက်ထက် ၁၇ဆ ပိုကြာပါတယ်။ တနည်းအားဖြင့် ရုပ်သက် ဟာ စိတ္တက္ခဏ ၁၇ ချက်နဲ့
ညီမျှပါတယ်။ ခဏငယ်အားဖြင့် ၁၇x ၃ = ၅၁ ခဏ ဖြစ်ပါ တယ်။ ရုပ်ရဲ့ ဥပါဒ်ခဏနဲ့ ဘင်
ခဏတို့ဟာ စိတ်ရဲ့ ခဏငယ်တစ်ချက်စီသာကြာပါတယ်။ ဒါကြောင့် ရုပ်ရဲ့ ဌီခဏ ဟာ
စိတ္တက္ခဏ (၄၉) ချက် ကြာပါတယ်။
အိပ်မောကျနေချိန်မှာဘဝင်စိတ်တွေ တစ်ခုပြီးတစ်ခု ဖြစ်လိုက်၊ ပျက်သွားလိုက်၊
ဖြစ်လိုက်၊ ပျက်သွားလိုက်နဲ့ ဘဝင်စိတ် အစဉ်အတန်းတွေ ဖြစ်ပျက်နေကြပါတယ်။
အဲဒီလို ဘဝင်စိတ်အစဉ်အတန်းတွေဖြစ်ပျက်နေစဉ် (၀ါ) အိပ်ပျော်နေစဉ် ကျယ်လောင် သောအသံတစ်ခုပေါ်လာခဲ့ရင်
အဲဒီအသံက အိပ်မောကျနေတဲ့ သူရဲ့နားဆီ အသံလှိုင်း အဖြစ် ရောက်လာပြီးနားထဲမှာရှိတဲ့
ကမ္မဇအကြည်ရုပ် (နားအမှေးပါး) ကို တိုက်လိုက်တာနဲ့အိပ်ရာက နိုးလာပြီး ဘယ်နေရာက ဘာသံလဲဆိုတာ
သိလိုက်ပါတယ်။ ဒါက ကျမတို့ သာမာန် အပေါ်ရံ သိကြတာပါ။ တကယ့်ဖြစ်စဉ်မှာအသံကြားဖို့
စိတ်ပေါင်း (၁၇) ခု ဖြစ်ပျက် သွားကြ ပါတယ်။
အသံရုပ် လာတိုက်ချိန်မှာ အရှိန်နဲ့
ဖြစ်ပျက်အစဉ်အတိုင်း ဖြစ်နေတဲ့ ဘဝင်စိတ်အစဉ်ကို အနှောက်အယှက် မပေးနိုင်ပဲ
အဲဒီဘဝင်စိတ်ကလေး လွန်သွားပြီး သူ့ သက်တမ်းအတိုင်း ဥပါဒ်၊ ဌီ၊ ဘင် ခဏမှာ ပျက်သွားပါတယ်။
၂။ လှုပ်သောဘဝင်စိတ် (ဘ၀င်္ဂစလန)။
နောက်ဘဝင်စိတ်ကလေးတစ်ခု ပေါ်လာပြန်တယ်။
ဒီဘဝင်စိတ်က တော့ အသံရုပ်က နားအကြည်ရုပ်ကို လာတိုက်တဲ့ အကျိုးသက်ရောက်မှုကို ခံရပြီး
တုန်လှုပ် သွားပါတယ်။ သူလည်းသူ့သက်တမ်းအတိုင်း ဥပါဒ်၊ဌီ၊ဘင် ခဏ မှာပျက်သွားပါတယ်။
နောက်ဘဝင်စိတ်ကလေးတစ်ခု ပေါ်လာပြန်တယ်။
ဒီဘဝင်စိတ် ကတော့ အသံရုပ်နဲ့ နား အကြည်ရုပ်တို့တိုက်တဲ့ဒါဏ်ကိုအပြည့်အဝခံရပြီး
ဘဝင်စိတ်အစဉ် လုံးဝ ပြတ်စဲသွားပါတယ်။ သူလည်းသူ့သက်တမ်းအတိုင်း ဥပါဒ်၊ဌီ၊ဘင်
ခဏမှာပျက်သွားပါတယ်။
၎။ ငါးဒွါရဆင်ခြင်သောစိတ်
(ပဉ္စဒွါရဝဇ္ဇန်းစိတ်)။
ဒီစိတ်က ငါးဒွါရမှာလာတိုက်တဲ့အာရုံကိုဆင်ခြင်တဲ့
စိတ်ဖြစ်ပါတယ်။ သူက ဆင်ခြင်ရုံပဲ၊ ဘာမှ မသဲကွဲပဲ ဥပါဒ်၊ဌီ၊ဘင်ခဏမှာပျက်သွားပါတယ်။ပဉ္စဒွါရဝဇ္ဇန်းစိတ် နှင့် မနောဒွါရဝဇ္ဇန်း (မနောအာရုံကိုဆင်ခြင်သောစိတ်)တို့သည်အကျိုးဝိပါက် စိတ်လဲမဟုတ်၊အကျိုးပေးနိုင်သောစိတ်လဲမဟုတ်သည့်ကြိယာစိတ်များဖြစ်သည်။ ဘုရား၊ ရန္တာ မဟုတ်သောသူများတွင်ဖြစ်နိုင်သည့်ကြိယာစိတ်နှစ်မျိုးဖြစ်သည်။
၆။ အာရုံကိုလက်ခံသောစိတ် (သမ္ပဋိ စ္ဆိုန်းစိတ်)။
ယခုပေါ်လာတဲ့စိတ်က ပြီးခဲ့တဲ့ စိတ်ကကြားတဲ့ အာရုံကို လက်ခံ ရုံသက်သက် တခြား ဘာမှ မလုပ်နိုင်ပဲ ကောင်းမှန်းဆိုးမှန်းမသိပဲ ဥပါဒ်၊ဌီ၊ဘင် ဆိုပြီးသက်တမ်းကုန် ပြန်ပါတယ်။
၇။ အာရုံကိုစုံစမ်းသောစိတ် (သန္တိရဏစိတ်)။
ခုနစိတ်ကလေးလက်ခံခဲ့တဲ့အာရုံကိုစုံစမ်းတဲ့စိတ်ဖြစ်ပါတယ်။ ဘာသံလဲ ဆိုတာစုံစမ်းတာပဲ။ ဒါပေမဲ့ဘာမှမပြတ်သားဘူး။ ဘာမှတ်ချက်မှ မချနိုင်ပဲ သက်တမ်းကုန်လို့ ပျက်သွားပြန်တယ်။
၈။ အာရုံကိုမှတ်ချက်ချသောစိတ် (၀ုဋ္ဌော / မနောဒွါရဝဇ္ဇန်း) ။
ခုပေါ်လာတဲ့စိတ်ကလေးက ဒါဘာသံလဲ။ ဘယ်နေရာက လာတာလဲ ဥပမာ။ ကား ဟွန်သံ၊ သေနတ်သံ။ အရှေ့ဘက်ကပေါ်တယ်စသည်ဖြင့် မှတ်ချက် ချနိုင်လို့ ပြတ်သားစွာသိ တဲ့စိတ် ကလေးဖြစ်ပါတယ်။ ပြတ်သားစွာသိရပြီး အဲဒီစိတ်ကလေးလဲ သက်တမ်းကုန်လို့ ပျက်သွားပြန် တယ်။
၉။ ဇောခုနှစ်ကြိမ်။ ၉။၁၀။၁၁။၁၂။၁၃။၁၄။၁၅။
ပြတ်သားတဲ့မှတ်ချက် တိတိကျကျ သိလာရတော့ မကောင်းတဲ့ဆူညံသံဆိုရင်မနှစ်သက်တဲ့
ဒေါသစိတ်။ ကောင်းတဲ့အသံ ဥပမာ မိမိနှစ် သက်တဲ့သီးချင်းသံဆိုရင်နှစ်သက်တဲ့ လောဘ စိတ်ကလေး ပေါ်လာပါ တယ်။
ဘာမှန်း ညာမှန်း မသိ၊ နှစ်သက်တာလဲ မဖြစ်။ မနှစ်သက်တာလဲ မဖြစ်ပဲ အသံရုပ်လို့ မသိပဲ
သီချင်းသံ၊ ကားသံလို့ အမှားသိတာက မောဟစိတ်။ အဲဒီစိတ်ကို ဇောစိတ်လို့ ခေါ်ပါတယ်။
သူလည်း သက်တမ်းကုန်တော့ ပျက်ပါတယ်။ ဒါပေမဲ့သူ့လို့ အလား တူ နောက်ထပ်စိတ်ကလေး ၆ ခု
ပေါ်လာတယ် ပျက်သွားတယ်။ သာမာန်အား ဖြင့်စုစုပေါင်း ဇောစိတ် ခုနှစ်ခုဖြစ်ပြီး
ပျက်ပါတယ်။ မြတ်စွာဘုရားကဇောကို စေတနာလို့ ဟောတော်မူ ပါ တယ်။ သူ့မှာ သတ္တိတွေ ရှိတယ်။
ဇောစိတ်က ပျက်သွားပေမဲ့သူ့ သတ္တိတွေက မပျက်ပဲ စိတ် အစဉ်မှာအကျိုးပေးဖို့အစဉ်လိုက်ပါတယ်။
ပထမဇောကနောက်နောက်ဇောတွေရဲ့အာသေဝန သတ္တိမရလို့ အားနည်းတယ် ဒါကြောင့်ယခုဘဝမှာ
အကျိုးပေးဘို့အခွင့်မကြုံရင် (အဟောသိ ကံ) အကျိုးမပေးဘဲ ပျက်သွားပါတယ်။
ပထမကုသိုလ်ဇော ယခုဘဝမှာအကျိုး (ဒိဋ္ဌဓမ္မဝေဒနိယ
ကံ) ပေးနိုင်ဖို့ သမ္ပဒါ ၄ ချက်
နဲ့ပြည့်စုံ ရပါတယ်။
က။ ပစ္စယဓမ္မိက = စင်ကြယ်သောအလှူပစ္စည်း။ခ။ စေတနာမဟတ္တ = စေတနာသုံးတန်လွန်ကဲမွန်မြတ်ခြင်း။
ဂ။ ဂုဏတိရေက = အလှူခံပုဂ္ဂိုလ်၏ဂုဏ်မြင့်မြတ်ခြင်း။ဥပမာ။ရဟန္တာ။
ဃ။ ဝတ္ထုသမ္ပတ္တိ = ထိုရဟန္တာအရှင်မြတ်တို့ နိရောဓသမာပတ်မှထခိုက်။
ခုနှစ်ခုမြောက်သတ္တမဇောကရှေးရှေးဇောတွေရဲ့အာသေဝနသတ္တိရတာကြောင့် အား
အကောင်းဆုံး ဖြစ်ပြီး နောက်ဘဝရဲ့ရုပ်နာမ်အသစ်ကိုဖြစ်စေနိုင်ပါတယ်။ ကုသိုလ်ဇောက
သုဂတိဘုံ (လူ၊ နတ်) ရုပ်နာမ် ကိုဖြစ်စေပါတယ်။ အကုသိုလ်ဇောက ဒုဂ္ဂတိဘုံ (ငရဲ၊
တိရိစ္ဆာန်၊ ပြိတ္တာ) ရုပ်နာမ်ကိုဖြစ်စေပါတယ်။
အလယ်ဇောငါးခုကတော့နိဗ္ဗာန်မရောက်မချင်းသတ္တဝါရဲ့နာမ်အစဉ်မှာလိုက်ပါပြီးအကျိုးပေးခွင့်ရမဲ့ အချိန်ကိုစောင့်နေကြပါတယ်။
ဇောစိတ်မှလွဲပြီး စိတ်အားလုံးဟာ ဝိပါက်စိတ်နဲ့ ကြိယာစိတ် တွေဖြစ်လို့ အကျိုးမပေး
နိုင်ပါဘူး။ ဝိပါက်ဆိုတာ အကျိုးတရားတွေဖြစ်ပြီး၊ ကြိယာဆိုတာ ပြုကာမျှဖြစ်ပါတယ်။
ယခင်ဘဝများကပြုလုပ်ခဲ့သော ကုသိုလ်ကံတွေကြောင့် ကောင်းတာ မြင်ရ၊ကြားရ၊ နံရ၊
စားရ၊ ထိတွေ့ရပြီး။ အကုသိုလ်ကံတွေကြောင့်မကောင်းတာ မြင်ရ၊ကြားရ၊ နံရ၊ စားရ၊
ထိတွေ့ရ တာဖြစ်ပါတယ်။ အဲဒီစိတ်တွေကို ကောင်းအောင်၊ ဆိုးအောင် ပြုပြင်လို့ မရသလို
သူတို့ ကြောင့်လဲ နောက်ဆက်တွဲ ဘာအကျိုးမှလဲမဖြစ်ပါဘူး။ ပြုပြင်နိုင်တဲ့နေရာက
ဇောစိတ် ပဲဖြစ်ပါတယ်။
ပထမဇောက ကုသိုလ်စိတ်ဖြစ်ရင်နောက်ဇောစိတ်အားလုံးကုသိုလ်ဇောဖြစ်ပြီး။ ပထမ ဇောက
အကုလိုလ်စိတ်ဖြစ်ရင် နောက်ဇောစိတ်အားလုံး အကုသိုလ်ဇောဖြစ်ပါတယ်။ ဒါကြောင့်
ဘာအာရုံနဲ့ပဲ စုံစုံ ယောနိသော မနသိကာရ (ကောင်းသောနှလုံးသွင်းခြင်း) ထားရင်
ကုသိုလ်ဇောတွေဖြစ်ပါတယ်။ ဒါမှမဟုတ် ဝိပဿနာရှုခြင်း (အဆင်း မြင်တာလို့) ပရမတ်ကို
အာရုံပြုလျှင် လောဘ၊ဒေါသ၊မောဟ စတဲ့ကိလေသာ မဝင်ဘဲ ဝိပဿနာမဂ်ဖြစ်ပါတယ်။
၁၆။၁၇။ တဒါရုံနှစ်ကြိမ်
(ဘ၀င်စိတ်)။
အဲဒီစိတ်ကလေးနှစ်ခုက ဇောစိတ်တွေအာရုံပြုခဲ့တဲ့
စိတ်ကိုထပ် အာရုံ ပြုတဲ့စိတ်တွေဖြစ် ပါတယ်။ သူလဲ ဥပါဒ်၊ဌီ၊ဘင်ဆိုပျက်သွားပါတယ်။ အခုချိန်
ရောက် မှ ကြားခြင်း (ဝီထိစဉ်) ကိစ္စအလုံးစုံပြီးသွားပါတယ်။ စုစုပေါင်းကြားခြင်းကိစ္စ
အပြည့်အစုံ ပြီး မြောက်ဖို့ စိတ်ပေါင်း (၁၇) ခု ဖြစ်ပျက်သွားရပါတယ်။ ခဏကလေးလို့
ထင်ရပေမဲ့ တဆင့် ပြီး တဆင့်စိတ် တွေ ဖြစ်ပျက်သွားကြပါတယ်။ ဝီထိစိတ်ဖြစ်ပြီးတာနဲ့
ဘဝင်စိတ် ချက်ချင်းပြန် ပေါ် ပါတယ် (အနန္တသတ္တိ၊ သမနန္တသတ္တိ)။ အိပ်ပျော်နေတဲ့အချိန်
မဟုတ်ရင် ဝီထိစိတ်တစ်ခု ကုန် ဆုံးပြီး နောက်ဝီထိစိတ်တစ်ခုမဖြစ်ပါဘူး။ ကြားမှာဘဝင်စိတ်တွေ
အနည်းဆုံး (၂၃) ခု ခန့်
ဖြစ်ပျက် ကြပါတယ်။ မြတ်စွာဘုရားရှင်၏ ဝီထိစိတ်တစ်ခုနှင့် တစ်ခုကြားမှာတော့ ဘဝင် စိတ်
၁-၂ ခု ခန့်သာရှိပါတယ်။
ဒါကြောင့်မြတ်စွာဘုရားရှင်ဟာ အာရုံတစ်ခုပြီး နောက်တစ်ခုကို အလွန် လျှင်မြန်စွာ ယူနိုင်လို့
သာမာန်လူတွေထက် (၁၆) ဆပိုပြီး စကားမြန်မြန် ပြောနိုင် ပါ တယ်။
ရေမီးအစုံတန်ခိုးပြာဋိဟာ (ကိုယ်ခန္ဓာတစ်ဘက်တစ်ချက်ကမီးနဲ့ ရေများထွက်အောင်) လည်း ပြုနိုင်ပါတယ်။
စိတ်ကလေးတွေဟာဆင့်ကဲဆင့်ကဲအစားထိုးပေါ်လာလိုက်ပျောက်သွားလိုက်နဲ့ သံသရာ တစ်လျောက်လုံး
လူတို့၏သွားရာလမ်းကြောင်းကဲ့သို့သွားနေကြပါတယ်။ ရုပ်တွေလဲ စိတ်တွေလို ပဲ (၁၇)
ဆပိုနှေးသော နှုန်းနဲ့ ပေါ်လိုက်ပျောက်လိုက်ဖြစ်ပျက် နေကြ ပါတယ်။
တစ်ဘဝတာဆုံးတဲ့အချိန်မှာတော့ သာမာန်မျက်စိအမြင်နဲ့ တွေ့ရတဲ့ရုပ်အစုအပေါင်းက လူပုံသဏ္ဍန်၊
နတ်ပုံသဏ္ဍန်၊ ခွေးပုံသဏ္ဍန်ပြောင်းသွားပေမဲ့၊ သတ္တဝါရဲ့ အတွင်းရုပ်နဲ့နာမ်က တော့ဖြစ်ပျက်
အစဉ်သာ ဖြစ်နေပါတယ်။ ဥပမာအားဖြင့်ရွှေကို လက်ကောက်ကနေ လက်စွပ် ပြောင်းလုပ်လိုက်ပေမဲ့ရွှေကရွှေပါပဲ။
နောက် ဥပမာ အနေနဲ့ ရေကိုအပူပေးလို့ ရေနွေးငွေ့ ပြောင်း သွားခြင်း၊ အအေးခံလို့ ရေခဲ
ပြောင်းသွား ကြပေမဲ့ ရေ၊ ရေနွေးငွေ့၊ရေခဲ တွေမှာပါဝင်တဲ့ ဟိုက်ဒရိုဂျင်ဓါတ်နဲ့ အောက်ဆီဂျင်ဓါတ်တွေကတော့
အရည်အသွေးရော အချိုးအဆရော အတူတူပဲဖြစ်ပါတယ်။ သတ္တ၀ါတွေလည်း လူ့ဘဝ၊နတ်ဘဝ စသည်ဖြင့်
ဘဝတွေပြောင်း သွား ကြပေမဲ့ တကယ်က ခန္ဓာငါးပါးပဲဖြစ် ပါတယ်။
အထက်က အသံနဲ့နားအကြည်တိုက်မိလို့ ပေါ်လာတဲ့အကြား အာရုံဖြစ်စဉ်မှာ အသံက ရုပ်၊ နားအကြည်ကလဲရုပ်ဆိုတော့ ရူပက္ခန္ဓာ ဖြစ်ပါတယ်၊
နံပါတ်စဉ်(၅)မှာသောတဝိညဏ်စိတ် ပေါ်တဲ့အတွက် ဝိညာနက္ခန္ဓာ ပေါ်ပါ တယ်။
စိတ်ဟာသူတစ်ခုထဲဘယ်တော့မှမဖြစ်ပါဘူး။ စိတ် ဖြစ်တိုင်း ပါရတဲ့ စေတသိတ်(၇)ပါး
(သဗ္ဗစိတ္တသာဓာရဏ)နှင့် အတူဖြစ်ပြီးအတူချုပ်ကြပါ တယ်။ ဒီစေတသိတ် ခုနှစ်ပါးမှာပါတဲ့
ဝေဒနာက ဝေဒနက္ခန္ဓာ၊ သညာက သညာနက္ခန္ဓာ၊ ကျန်
စေတသိတ်တွေမှာ စေတနာက ဦးဆောင်လှုံဆော်တာကြောင့်သူ့အမည်တပ်ပြီး သင်္ခါရက္ခန္ဓာ လို့ခေါ်ပါတယ်။
ဒါကြောင့်ခန္ဓာငါးပါးစလုံးပေါ်နေပျောက်နေတာပါဘဲ။ အကျဉ်းအားဖြင့်
ရုပ်၊နာမ် (စိတ်+ စေတသိတ်)နှစ်ပါးဘဲဖြစ်ပျက်နေကြပါတယ်။ ငါ၊သူတစ်ပါး။ လူနတ်ဆိုတာ
(ပရမတ်သစ္စာ Real truth) မှာတကယ်မရှိပါဘူး။ (သမုတိသစ္စာ Apparent truth ) မှာသာ အခေါ်အဝေါ်အရ
လူ၊နတ်၊သူ၊ငါ ဆိုတာရှိတာပါ။
တကယ်ရှိတဲ့ခန္ဓာငါးပါးကို ငါလို့အမြင်မှားနေကြတာပါ
(သက္ကယဒိဠိ။ သက္ကယ=ခန္ဓာငါးပါး။ ဒိဠိ=အယူမှား)။ ကြောင်းကျိုးသိမြင်ဒိဋ္ဌိစင်။
ယ္ခုဖြစ်စဉ်မှာ ကြားတဲ့ကိစ္စအလုံးစုံပြီးဖို့ စိတ်ကလေး(၁၇)လုံး
ဖြစ်ကြ ပျက်ကြပါ တယ်။ စိတ်ကလေးတစ်လုံးရဲ့သက်တမ်းက ဥပါဒ်၊ဌီ၊ဘင် ခဏငယ်သုံးချက်ရှိတော့စိတ်
(၁ရ) ခု မှာ ခဏငယ် (၅၁) ချက်ရှိပါတယ်။ ခဏငယ်(၅၁) ချက်ပြည့်တဲ့ အချိန်မှာ အသံ၊
အရိုက်ခံရတဲ့ ကြားရုပ်တို့လဲ ရုပ်သက်ပြည့်လို့ ပျက်သွားကြပါတယ်။
အာရုံတိုင်းဟာ ရုပ်ရဲ့ ဥပါဒ်မှာသာ ထင်နိုင်တဲ့အတွက် ရုပ်ရဲ့
ဥပါဒ်ခဏနဲ့ လွန်ဘဝင်ရဲ့ ဥပါဒ်နဲ့ တစ်ချိန်တည်းဖြစ်ပါတယ်။ ရုပ်ပျက်သောအချိန်
ရုပ်ရဲ့ ဘင်ခဏ ဟာလဲ ဒုတိယသဒ္ဒါရုံရဲ့ဘင်နဲ့တချိန်တည်းပျက်ပါတယ်။ ဒါကြောင့်
ဝီထိတစ်ခုမှာ ရုပ်ရော နာမ်ရောအတူတူဖြစ်ပြီး အတူတူ ပျက်ကြ ပါတယ်။
သောတဝိညာဏ်ဖြစ်ရန်အကြောင်း (၄) ပါး။
၁) သောတပသာဒကောင်းမွန်ရမည်။၂) သဒ္ဒါရုံဟူသည့်ကြားနိုင်သောအသံရှိရမည်။
၃) အာကာသဓာတ်ဟူသည့်လေဖြတ်သန်းသွားလာနိုင်သောဟင်းလင်းနယ်ရှိရမည်။
၎) မနသိကာယဟူသည့်နှလုံးသွင်းမှုရှိရမည်။ အထက်ပါအကြောင်းလေးပါးစုံရင်တော့ သောတဝိညာဏ်မဖြစ်နဲ့လို့ဘယ်တန်ခိုးရှင်မှတားလို့မရပါဘူး။ ထိုနည်းအတူဘဲ အကြောင်း မစုံရင်ဘယ်တန်ခိုးရှင်မှ(သောတဝိညာဏ်)ကြားအောင်လုပ်လို့မရပါဘူး။ ဒါတွေသိရလို့ သူ့ အလိုလိုဖြစ်တယ်ဆိုတဲ့ ဒိဠိတွေ။ ရုပ်နာမ်ဟာသေရင်ပြတ်တယ်ဆိုတဲ့ ဥစ္ဆေဒဒိဠိတို့၊ မြဲတယ် ဆိုတဲ့သဿတဒိဠိတွေလဲကင်းသွားပါတယ်။
(သောတ၊ကာသ၊သဒ္ဒထင်ပြီ၊မနသီ၊လေးလီသောတဖို့)
စက္ခုဝိညာဏ်ဖြစ်ရန်အကြောင်း (၄) ပါး။
၁) မျက်စိပသာဒကောင်းမွန်ရမည်။ ၂) ရူပါရုံဟူသည့်မြင်နိုင်သောအဆင်းရှိရမည်။
၃) အာလောကဟူသောအလင်းရှိရမည်။
၎) မနသိကာယဟူသည့်နှလုံးသွင်းမှုရှိရမည်။
(စက္ခာ၊လောက၊ရူပထင်ပြီ၊မနသီ၊လေးလီစက္ခုဖို့)
ဃနဝိညာဏ်ဖြစ်ရန်အကြောင်း (၄) ပါး။
၁) ဃနပသာဒကောင်းမွန်ရမည်။
၂) ဂန္ဓာရုံဟူသည့်အနံ့ရှိရမည်။
၃) ဝါတဟူသည့်အနံ့ကိုဆောင်သောလေရှိရမည်။
၎) မနသိကာယဟူသည့်နှလုံးသွင်းမှုရှိရမည်။
(ဃန၊ဝါတ၊ ဂန္ဓာထင်ပြီ၊မနသီ၊လေးလီ၊ဃာနဖို့)
ဇိဝှါဝိညာဏ်ဖြစ်ရန်အကြောင်း (၄) ပါး။
၁) ဇိဝှါပသာဒကောင်းမွန်ရမည်။
၂) ရသာရုံဟူသည့်အရသာရှိရမည်။
၃) အာပဟူသည့်လျှာရည်ရှိရမည်။
၎) မနသိကာယဟူသည့်နှလုံးသွင်းမှုရှိရမည်။
(ဇိဝှါ၊အာပ၊ရသာထင်ပြီ၊မနသီ၊လေးလီ၊ဃာနဖို့)
ကာယဝိညာဏ်ဖြစ်ရန်အကြောင်း (၄) ပါး။
၁) ကာယပသာဒကောင်းမွန်ရမည်။
၂) ဖောဋ္ဌဗ္ဗာရုံဟူသည့်အထိအတွေ့ရှိရမည်။
၃) ထဒ္ဓပထဝီဟူသည့်ခတ်မာသောပထဝီရှိရမည်။သိမ်မွေ.သောဖောဋ္ဌဗ္ဗာရုံသည်ကာ ယဝတ္တု၌မထိခိုက်နိုင်သဖြင့်အတွေ့အထိသိမှုဟူသောကာယဝိညာဏ်မဖြစ်နိုင်။
၎) မနသိကာယဟူသည့်နှလုံးသွင်းမှုရှိရမည်။
(ကာယ၊ ထဒ္ဓ၊ ဖောဋ္ဌထင်ပြီ၊မနသီ၊လေးလီ၊ဃာနဖို့)
မနောဝိညာဏ်ဖြစ်ရန်အကြောင်း (၄) ပါး။
၁) မနောဒွာရဟုခေါ်သောဘဝင်စိတ်ရှိရမည်။ ၂) မဉ္စာရုံ (ဝါ) ဓမ္မာရုံဟူသည့်အာရုံတစ်ခုခုရှိရမည်။
၃) ဟာဒယဝတ္တုဟူသည့်စိတ်မှီရာဝတ္ထုရှိရမည်။
၎) မနသိကာယဟူသည့်နှလုံးသွင်းမှုရှိရမည်။
(မနော၊ ဟာဒယ၊ဓမ္မထင်ပြီ၊မနသီ၊လေးလီ၊ဃာနဖို့)
သတိမမူ ဂူမမြင် -ဆိုသည့်အတိုင်း သတိမထားလျှင် (၀ါ) နှလုံးမသွင်းလျှင်
ဂူတောင်မမြင်ပဲ ဖြစ်တတ်သည်။
၁) ရှေးကံဟောင်း။
၂) မှီရာဝတ္ထုရုပ်။
၃) အာရုံ။
ရှေးကံဟောင်းသည်မျိုးစေ့နှင့်တူသည်။ ဝတ္ထုရုပ်သည်မြေနှင့်တူသည်။
အာရုံသည် ရေနှင့် တူသည်။
ကုသိုလ်၊အကုသိုလ်၊စိတ်တို့သည်မှီရာဝတ္ထုရုပ်နှင့်အာရုံအကြောင်းနှစ်ပါးအပြင် ယောနိသောမနသိကာယ
ဟူသောသင့်မြတ်သောနှစ်လုံးသွင်းမှုကြောင့်ဖြစ်ပါသည်။
ကျမ်းကိုးစာရင်း။
၁။ဗုဒ္ဓအဘိဓမ္မာအနှစ်ချုပ်၊ဒေါက်တာမင်းတင်မွန်၊
၁၉၉၃။
၂။ဒေါ်ခင်လှတင်၊ ဓမ္မဗျူဟာ၊အဘိဓမ္မာပို့ချချက်။
