"ဘုန်းကြီးကျောင်းဝန်းအတွင်း ဖိနပ်စီးသင့် မစီးသင့်"
❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦
❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦
ဘုန်းကြီးကျောင်းဝင်းတွင် လူမှမဟုတ်၊ ရဟန်းသံဃာများပင် ကျောင်းပိုင်ဘုန်းကြီး၏ ခွင့်ပြုချက်မရလျှင် စီးခွင့်မရှိပေ။ ခွင့်ပြုမှ စီးခွင့်ရှိပေသည်။ ၄င်းပညတ်ချက်အရ လူများလည်း ခွင့်ပြုလျှင် စီးနိုင်သည်ဟု အဓိပ္ပါယ် ရပေသည်။ မင်းကွန်း တိပိဋက ဆရာတော်ဘုရားကြီးသည် နွေအခါ မင်းကွန်း၌ အလွန်ပူပြင်းလှသဖြင့် ကျောင်းဝိုင်း ကျယ်ကျယ်ကြီးတွင် ဖိနပ်ချွတ်၍ သွားလာရန် မသင့်သည့် အတွက် လူများကို ဖိနပ်စီးခွင့်ပြုတော် မူသည်။ အမရပူရ မဟာဂန္ဓာရုံ ဆရာတော်ကြီး အရှင်ဇနကာဘိဝံသ သည်လည်း ညစ်ပေသောခြေထောက်ဖြင့် ကျောင်းပေါ်ကိုတက်ခြင်းက ကျောင်းကိုပို၍ ညစ်ပေစေသောကြောင့် သန့်ရှင်းသော ခြေဖြင့် ကျောင်းပေါ်သို့တက် နိုင်စေရန် စီးခွင့်ပြုတော်မူသည်။ ဗိမ္ဗိသာရသည် ရှေးဘ၀က ညစ်ပေသောခြေတို့ဖြင့် သံဃာတော်များ သုံးဆောင်ရန် ခင်းထားသောအခင်းပေါ် ညစ်ပေအောင် နင်းခဲ့သည့်အတွက် ဓားခွဲခံရခြင်း ဖြစ်သည်။ ထို့ကြောင့် ဖိနပ်မစီးဘဲ ညစ်ပေသော ခြေထောက်ဖြင့် တက်ခြင်းထက် ဖိနပ်စီး၍ သန့်စင်သော ခြေထောက်ဖြင့် တက်ခြင်းက အကျိုးပို၍ ရှိသည်ကို ရည်၍ စီးခွင့်ပြုတော်မူသည်။ မန္တလေး မစိုးရိမ် ဆရာတော်ကြီးကား-သံဃာများ သီတင်း သုံးတော်မူသော နေရာသည် လူများအတွက် စေတီထိုက်သောနေရာ ဖြစ်သည်။ထို့ကြောင့် ရှေးထုံးစဉ်လာ သံဃာ့အာရာမ်ကို ဖိနပ် မစီးဘဲ အရိုအသေ အလေးအမြတ်ပြုခြင်း ဖြစ်သည်။ လူများကို စီးခွင့်ပေးရန် မဆုံးဖြတ်ရဲ။ တို့တော့ ခွင့်မပြုရဲ၊ စီးလိုက စီးနိုင်ကြသည်-ဟု မိန့်ကြောင်း ကြားဖူး ပါသည်။ လိုရင်းချုပ်သော် ရိုသေသော စိတ်စေတနာနှင့် မရိုသေသော စိတ်စေတနာ တို့သာ ပဓာနကျပေသည်။ ရိုသေသော စိတ်စေတနာဖြင့်ပင် ကျောင်းကို မညစ်ပေ ရအောင် စီးသည်ဆိုလျှင် အပြစ်မဖြစ်နိုင်ပေ။
ကျမ်းဂန်တို့၌ ရဟန်းသံဃာ ဆရားသမား များကို ၁၂-တောင်အကွာက ဖိနပ်ချွတ်၍ အရိုအသေပေးရမည်ဟု ဆိုသဖြင့် ကျောင်းအတော်များများတွင် ဖိနပ်ချွတ် နေရာနှင့် ဆရာတော် သံဃာတော်များ သီတင်းသုံးရာ နေရာသည် ၁၂-တောင်ခန့် ဝေးနေလျှင် အရိုအသေပြုရာ ရောက်လျက် ရှိပါသည်။ ဘုရားကိုကား မြင်လောက်ရာက စ၍ ဖိနပ်ချွတ်ကာ အရိုအသေပေးရမည်ဟု ဆိုပါသည်။ ရိုသေသော စိတ်စေတနာ ရှိဖို့သာ လိုရင်းဖြစ်ပါသည်။
ဤဖိနပ်ချွတ်ခြင်း၊ မချွတ်ခြင်းသည် ယဉ်ကျေးမှုဓလေ့နှင့်လည်း ဆိုင်ပေသည်။ ထိုင်းနိုင်ငံ၌ တန်ခိုးကြီး မြဘုရားကို ဖိနပ်စီးလျက်ပင် ဖူးမြော်ကြသည်။ ဖိနပ် မချွတ်ဘဲ ကြည်ညိုရိုသေစိတ် ဖြစ်ပေါ်လျက်ရှိကြသည်။ သို့သော် ဘုရားကိုကား မြင်လောက်ရာအရပ်မှ ဖိနပ်ချွတ်ကြ၍ အရိုအသေပြုရမည်ဟု ဆိုသဖြင့် ဘုရားဝင်း၌ မစီးခြင်းသည်သာ အပြစ်ကင်းပေ၏။
ကျမ်းဂန်တို့၌ ရဟန်းသံဃာ ဆရားသမား များကို ၁၂-တောင်အကွာက ဖိနပ်ချွတ်၍ အရိုအသေပေးရမည်ဟု ဆိုသဖြင့် ကျောင်းအတော်များများတွင် ဖိနပ်ချွတ် နေရာနှင့် ဆရာတော် သံဃာတော်များ သီတင်းသုံးရာ နေရာသည် ၁၂-တောင်ခန့် ဝေးနေလျှင် အရိုအသေပြုရာ ရောက်လျက် ရှိပါသည်။ ဘုရားကိုကား မြင်လောက်ရာက စ၍ ဖိနပ်ချွတ်ကာ အရိုအသေပေးရမည်ဟု ဆိုပါသည်။ ရိုသေသော စိတ်စေတနာ ရှိဖို့သာ လိုရင်းဖြစ်ပါသည်။
ဤဖိနပ်ချွတ်ခြင်း၊ မချွတ်ခြင်းသည် ယဉ်ကျေးမှုဓလေ့နှင့်လည်း ဆိုင်ပေသည်။ ထိုင်းနိုင်ငံ၌ တန်ခိုးကြီး မြဘုရားကို ဖိနပ်စီးလျက်ပင် ဖူးမြော်ကြသည်။ ဖိနပ် မချွတ်ဘဲ ကြည်ညိုရိုသေစိတ် ဖြစ်ပေါ်လျက်ရှိကြသည်။ သို့သော် ဘုရားကိုကား မြင်လောက်ရာအရပ်မှ ဖိနပ်ချွတ်ကြ၍ အရိုအသေပြုရမည်ဟု ဆိုသဖြင့် ဘုရားဝင်း၌ မစီးခြင်းသည်သာ အပြစ်ကင်းပေ၏။
မေတ္တာဖြင့်➳ ကိုဖိုးသား
No comments:
Post a Comment