ဒူးရင်းသီးရဲ့လှို့ဝှက်ချက်များ။

အသီးတို့ရဲ့ဘုရင်လို့တင်စားခေါ်လောက်အောင် ဒူးရင်းသီးက အသီးတွေအားလုံး ထဲမှာ အလွန်အရသာရှိတာမို့ သူ့ရဲ့ ပြင်းလွန်းတဲ့ အနံ့ကို မွှေးတယ်လို့တောင်ထင် ကုန်ကြ ပါတယ်။ အနံ့ပြင်းတဲ့အပြင် အနံ့ဆွဲကျန်ရစ်တတ်လို့ လူများစုဝေးရာ ဟော်တယ်၊ ရထား၊  ကား၊ လေယဉ်၊ ရုံး၊ အစရှိတဲ့နေရာတွေမှာ သယ်ဆောင်ခွင့်ပိတ်ပင်ထားတတ်ကြပါတယ်။ သူ့အနံ့ ပြင်းပုံကတော့ လူတွင်မက ဂျပိုးတွေတောင် သူ့အနံ့မခံနိုင်ကြလို့ ဂျပိုးရှိတဲ့ ကုလား ထိုင်၊ ကုတင်အောက် မှာထားရင် ပျောက်ကုန်တယ်လို့ဆိုပါတယ်။

ကျမတို့အိမ်မှာ မိသားစု ၇ ယောက်ရှိပါတယ်။ ကျမကလွဲရင် အားလုံးကြိုက်ကြတာမို့ အိမ်မှာ ဒူးရင်းသီးခွဲရင် အနံ့နဲ့ဝေးတဲ့အိမ်အပြင်ထွက်နေရပါတယ်။ ကျမ အဖြစ်ကို မကြည့်ရက် တဲ့မေမေက ကျမပါးစပ်ထဲကို ဒူးရင်းသီးနည်းနည်းချင်းထဲ့ပေးပါတယ်။ ဘယ်နှစ်ကြိမ်မြောက် အထိမေမေထဲ့ပေးခဲ့ တာတော့ မမှတ်မိတော့ပါဘူး။ အခု ကျမဒူးရင်းသီးကြိုက်သွားလို့ ကျမရဲ့ freezer ထဲမှာ ဒူးရင်းသီး အမြဲရှိပါတယ်။ ပြင်သစ်ရောက်စက ဒူးရင်းသီး မခွဲတတ်တာကြောင့် အဆောင်မှာလူတွေမရှိတဲ့ တနင်္ဂနွေတစ်နေ့မှာ ကုလားထိုင်ပေါ်တတ်ပြီးကြမ်းပေါ်ကိုပြစ်ချပြီး ခွဲခဲ့တာကိုမှတ်မိနေ ပါတယ်။ အစားကောင်းစားရရင်ချစ်ခင်တဲ့သူတွေကိုသတိရတတ်တဲ့အတိုင်း သူငယ်ချင်းတွေကျွေးရအောင်လို့ ဓါတ်ခွဲခန်းကိုယူလာခဲ့ပြီး ရေခဲသေတ္တာထဲ ထဲ့ထား ခဲ့ပါ တယ်။ သူငယ်ချင်းတွေက ပြင်းလွန်းတဲ့ အနံ့ကြောင့် စားတောင်စား မကြည့်ကြပဲ ရေခဲ သေတ္တာတောင် မသုံးကြတော့လို့ အနံ့ပျောက်အောင် တော်တော်ဆေး လိုက်ရပါတယ်။

ဒူးရင်းသီးက ထူးခြားတဲ့ အနံ့ရှိသလိုသူ့အရွက်တွေကလည်းထူးခြားပါတယ်။ အရွက် တွေရဲ့ အောက်ဖက်ကရွေမှုံ့လေးတွေကပ်ထားသလိုရွှေရောင်တောက်နေပါတယ်။ မေမေက ဖါးအံသူမို့ သူတို့ ငယ်ငယ်တုန်းက ဒူးရင်းသီးခြံထဲသွားပြီးဝယ်ကြကြောင်း၊ဒူးရင်းသီးကြွေကျပြီးအပင်အောက်မှာ သူ့အလိုလို   ကွဲသွားတာက ပိုအရသာရှိကြောင်းပြောပါတယ်။ ကျမကတော့ ဒူးရင်းသီးခြံဘယ်တော့မှမသွားဘူး လို့ ဆုံးဖြတ်ခဲ့ပါတယ်။ ကျမခေါင်းပေါ်ကျ မှာကြောက်လို့ပါ။ ဒါပေမဲ့ နောက်မှသိရတာက ဒူးရင်းသီးက ညဘက်ပဲကြွေတယ်တဲ့။ ဒူးရင်းပွင့်ကလည်း ညကျ မှပွင့်တယ်တဲ့။

          ဒူးရင်းသီးအသားရောင်အ၀ါဖြော့နဲ့အ၀ါရောင်ကိုတော့မြင်ဖူးကြမှာပါ။ အနီရောင် လည်းရှိတယ်။ ဒူးရင်းသီးအမျိုးပေါင်း ၃၀ ကျော်ရှိတယ်တဲ့။

ဒူးရင်းသီးဘယ်လိုစားကြသလဲ။

ဒူးရင်းသီးကို ကျမကတော့ အသီးအတိုင်းပဲစားပါတယ်။ အခြားမုန့်တွေမှာထဲ့တာမကြိုက်ပါဘူး။ ဘာလို့လဲဆိုတော့ကျမကသူ့အနံ့ကိုကြိုက်တာမဟုတ်ပဲ အရသာကိုသာကြိုက်တာမို့ပါ။ ဒူးရင်းသီးယိုကို အရသာတော့ကြိုက်ပါတယ်။ ဒါပေမဲ့သွားကပ်လို့သိပ်မစားဖြစ်ပါဘူး။

-ယိုဒယား၊မလေးရှားနဲ့ဖစ်လစ်ပိုင်မှာမမှည့်တဲ့အသီးကိုဟင်းချက်စားတယ်တဲ့။

-ဒူးရင်းသီးစေ့ကိုပြုပ်၊လှော်၊အုန်းဆီနဲ့ကျော်စားတယ်တဲ့။ ဒူးရင်းသီးစေ့ အစိမ်းကတော့ cyclopropene fatty acids အဆိပ်ရှိလို့စားလို့မရဘူးတဲ့။ အသက်ရှုမ၀ဖြစ်စေတယ်တဲ့။

-Java မှာဒူးရင်းစေ့ကို ပါးပါးလီးပြီးသကြားနဲ့ မုန့်လုပ်စားတယ်တဲ့။

-ဒူးရင်းရွက်ကိုလည်းဟင်းချက်စားတယ်တဲ့။

- ဒူးရင်းပွင့်ကိုလည်းဟင်းချက်စားတယ်တဲ့။

- ဒူးရင်းသီးအခွံကိုပြာချထားတဲ့အရည်ကိုတရုတ်ပြာရည်ကေါက်ညှင်းထုပ် ထုပ်ရာမှာသုံးပါ တယ်။ ဒူးရင်းသီးခွံပြာကကျန်တဲ့ပြာတွေထက် ကောက်ညှင်းကို ၀ါဝင်းလှပစေပါတယ်။ ဒီ့အပြင် အဲ့ဒီပြာကို ပိုးထည်များအစွန်းချွတ်ဖို့သုံးနိုင်ပါတယ်။ မီးနေသယ်များလျှက်ကြပါတယ်။ သားအိမ်အကျက်မြန်စေ တယ်တဲ့။

-အင်ဒိုနီးရှားမှာ စားလို့မကောင်းတဲ့ဒူးရင်းသီးတွေကို အချဉ်တည်ပြီး၊ ဒီအတိုင်းဖြစ်ဖြစ်၊ ဟင်းချက်ပြီးဖြစ်ဖြစ်စားကြပါတယ်။

-ဒူးရင်းသီးကိုအခြောက်ခံပြီးလဲ (durian chips)အနေနဲ့ စားကြပါတယ်။

-အင်ဒိုနီးရှားမှာ ဒူးရင်းသီးကိုဟင်းချက်တယ်၊ဟင်းချိုချက်တယ်။

-ဒူးရင်းသီးကြိုက်သူများအတွက် ဒူးရင်းသီးနံ့ပါတဲ့သွားတိုက်ဆေးရှိတယ်တဲ့။

-ဒူးရင်းပင်ကို တဲအိမ်အတွင်းပိုင်းမှာအသုံးပြုတယ်တဲ့။

ဒူးရင်းသီးရဲ့ကျန်းမာရေးအသုံးဝင်ပုံများ။

ဒူးရင်းသီးရဲ့အာဟာရဓါတ်များ။

၁။ အာဟာရဓါတ် ၁၄၄ ကီလိုကယ်ရီ/ ၁၀၀ ဂရမ်။                                                           

၂။ ကဆီဓါတ် (Carbohydrate) ၂.၅-၂.၈ ဂရမ်။                                                                 

၃။ အမျှင်ဓါတ် (Fibre) ၃.၈ ဂရမ်။                                                                              

၎။ အဆီ ၃.၁-၃.၉ ဂရမ်။                                                                                          

၅။ အသားဓါတ် ၁.၄၇ ဂရမ်။                                                                                                

၆။ ရေ ၆၀ ဂရမ်။                                                                                                  

၇။ ဗီတာမင် စီ = ၁၉.၇ မီလီဂရမ်။                                                                                    

၈။ ဗီတာမင် အေ =၂၀-၃၀ IU။                                                                                          

၉။ ဗီတာမင် ဘီ၁ = ၀.၂၄-၀.၃၅ မီလီဂရမ်။                                                                                                    

၁၀။ ဗီတာမင် ဘီ၂ = ၀.၂၀ မီလီဂရမ်။                                                                               

၁၁။ ဗီတာမင် အီ များသည်။                                                                                                                                                                                                                                 

၁၂။ ပိုတက်စီရမ် ၄၃၆ မီလီဂရမ်။                                                                                  

၁၃။ သကြား ၁၂ ဂရမ်။                                                                                    

၁၄။ စတတ် (starch) ၁၂ ဂရမ်။                                                                                

၁၅။ ကယ်စီရမ် ၇.၆-၉.၀ မီလီဂရမ်။                                                                       

၁၆။ ဖေါ်ဖိုရပ် ၃၇.၈-၄၄.၀ မီလီဂရမ်။                                                                          

၁၇။ ကယ်ရိုတင်း ၀.၀၁၈ မီလီဂရမ်။

၁။ ဒူးရင်းသီးမှာ ငှက်ပျော်သီး၊ ထောပတ်သီး၊ပိန္နဲသီးတွေလို စွမ်းအင်၊ ဗီတာမင်နဲ့ သတ္ထုဓါတ် များစွာ       ပါဝင်ပါတယ်။

၂။ ဒူးရင်းသီးမှာ fructose and sucrose သကြားဓါတ်များနဲ့ ရှင်းလင်းတဲ့အဆီဓါတ်တွေ ပါ တာကြောင့် အမြန်ဆုံးအားအင်ပြည့်စေပါတယ်။ ဒါကြောင့်ကိုယ်အလေးချိန်နည်းတဲ့ ခလေး တွေကိုကုသရာမှာ အထောက်အကူဖြစ်စေပါတယ်။ သူ့မှာ အဆီဓါတ်ပါပေမဲ့ ကျန်းမာရေးကို ဒုက္ခပေးတဲ့ cholesterol မပါ ပါဘူး။  
၃။ ဒူးရင်းသီးမှာအမျှင်ဓါတ်များစွာပါ ပါတယ်။ ဒါကြောင့်ဝမ်းမှန်မှန်သွားစေခြင်းဖြင့် အူမကြီး ကင်ဆာဖြစ်မှုကိုကာကွယ်နိုင်ပါတယ်။
၎။ ဒူးရင်းသီးမှာ antioxidant သတ္တိရှိတဲ့ vitamin-C ပါဝင်လို့ ကူးဆက်ရောဂါတွေမှလည်း ကာကွယ်နိုင်ပါတယ်။
၅။ ဒူးရင်းသီးမှာ ကျန်းမာရေးအတွက်အရေးကြီးတဲ့ vitamin B complex တွေဖြစ်တဲ့ niacin, riboflavin, pantothenic acid (vitamin B5), pyridoxine (vitamin B-6) and thiamin (vitamin B-1) တို့ပါ       ၀င်ပါတယ်။
၆။ ဒူးရင်းသီးမှာဓါတ်သတ္ထုတွေဖြစ်တဲ့ manganese, copper, iron တွေလည်းပါ ပါတယ်။ copper, iron ကသွေးဥနီထုတ်လုပ်ဖို့လိုအပ်ပါတယ်။ manganese ကတော့ vitamin-C ကဲ့သို့သော antioxidant များလုပ်ငန်းလုပ်ဆောင်ဖို့အတွက်လိုအပ်ပါတယ်။
၇။ ဒူးရင်းသီးမှာ Potassium ဓါတ်တွေများစွာပါဝင်ပါတယ်။ Potassium က နှလုံးခုန်ဖို့နဲ့ သွေးပေါင်ချိန်ထိမ်းသိမ်းဖို့လိုအပ်ပါတယ်။ 
၈။ မရှိမဖြစ်လိုအပ်တဲ့ အမိုင်နိုအက်စစ် (essential amino acid), tryptophan လဲများစွာ ပါဝင်ပါတယ်။ tryptophan ကအာရုံကြောများတစ်ခုနှစ်တစ်ခု ဆက်သွယ်ရာမှာ လိုအပ်တဲ့ အချက်ပေးဓါတ်ပစ္စည်းဖြစ်ပြီး အိပ်ပျော်အောင်လုပ်ပါတယ်။ ဒါကြောင့် tryptophan ကို သဘာဝအိပ်ဆေးလို့လဲခေါ်ပါတယ်။ tryptophan ကိုဝက်ရူးပြန်ရောဂါကုသရာမှာ လည်း အသုံးပြုပါတယ်။

ဒူးရင်းသီးရဲ့တိုင်းရင်းဆေးများတွင်အသုံးပြုခြင်းများ။

၁။ မလေးရှားနိုင်ငံတွင် အဖျားကျရန် ဒူရင်းရွက်ပြုပ်ရည်ကိုလူနာ၏ခေါင်းပေါ်သို့ လောင်းပေးပါတယ်။                                                                                          

၂။ အသားဝါလူနာများကို (Jaundice) ဒူရင်းရွက်ပြုပ်ရည်နဲ့ရေးချိုးပေးပါတယ်။                        

၃။ ဒူးရင်းသီးကိုပိုးမွှားကောင်များသတ်ရန်အသုံးပြုကြပါတယ်။                                         

၎။ ဒူရင်းရွက်ပြုပ်ရည်နဲ့ဒူးရင်းသီးကို အသားရောင်ရမ်းသောနေရာ၊အရေပြားရောဂါရှိသော နေရာများပေါ် တွင်လိမ်းပေးပါတယ်။                                                                                               

၅။ ဒူရင်းခွံပြာကိုမီးဖွါးပြီးချိန်များမှာသောက်ကြပါတယ်။                                                          

၆။ ဒူးရင်းသီးမှာ indole ဓါတ်များပါရှိတဲ့အတွက် bacteria ခေါ်သောပိုများ မပွါးအောင် လုပ်နိုင်ပါတယ်။                                                                                                  

 ၇။ ဒူးရင်းသီးစားခြင်းဖြင့်နလံထကာစလူနာများအားအမြန်ဆုံးကျန်းမာလာစေပါတယ်။                  

 ၈။ ဒူးရင်းသီးဟာ ကာမအားတိုးဆေးလို့ယုံကြည်ကြတဲ့အတွက် ၁၉၂၀ က နယူရော့မြို့က Dur-India  ဆိုတဲ့နံမည်နဲ့ဆေးပြားများကို ၃ လစာ ၉ ဒေါ်လာနဲ့ထုတ်လုပ်ရောင်းချပါတယ်။ အဲ့ဒီ့ဆေးပြားတွေမှာ ဒူးရင်းသီး၊ဗီတာမင် အီနဲ့ ကြက်သွန်ဖြူမျိုး(Allium) ပါဝင်ပါတယ်။ ဆေး ကြောငြာမှာ ကိုယ်စိတ်နှစ်ပါးလုံး မမောပန်းပဲအားအင်ပြည့်ပြည့်ဖြိုးပြီးငယ်မူငယ်သွေးကြွစေတယ်လို့ဆိုပါတယ်။                                                                                               

၉။ တရုတ်နဲ့အရှေ့တောင်အာရှသားတွေကဒူးရင်းသီးကိုအပူစာလို့သတ်မှတ်ပါတယ်။ စားတာ များရင်ချွေးထွက်လွန်ခြင်း၊မိတ်ဖုများ၊အပူဖုများပေါက်စေပါတယ်။ အဲ့ဒါတွေ မဖြစ်အောင်လို့ အသားစားပြီးရင်ဒူးရင်းခွံထဲရေထဲ့ပြီး။ဒူးရင်းခွံထဲကရေကိုသောက်ရပါတယ်။ ဒါမှမဟုတ် ဒူးရင်းသီးစားပြီးရင် အအေးစာလို့သတ်မှတ်ထားတဲ့ မင်းဂွတ်သီး ၊ နာနတ်သီး တို့ကို စားပေး ရပါတယ်။  

၁၀။ ကိုယ်ဝန်ဆောင်မိခင်များနဲ့သွေးတိုးရောဂါရှိသူများကိုပေးမစားကြပါဘူး။

၁၁။ ဒူးရင်းသီးကို ကော်ဖီတို့ အရက်တို့နဲ့ရောမသောက်ရပါဘူး။ ရောသောက်ရင် အစာမကြေ ခြင်းနဲ့ပါးစပ်နံ့ဆိုးခြင်းတို့ဖြစ်စေတယ်လို့ဆိုပါတယ်။ University ရဲ့လေ့လာချက် အရဒူးရင်းသီးမှာပါတဲ့ ဆာဖါ sulphur ဓါတ်ကြောင့် ကိုယ်ထဲမှ အဆိပ်ဓါတ်များစွန့်ထုတ်မှုကို ၇၀% အထိလျော့ကျ စေတယ် လို့ဆိုပါတယ်။

မှတ်ချက်။

တန်ဆေးလွန်ဘေး ဆိုတာလို ဘယ်အသီး၊ဘယ်စားစရာကိုမှအလွန်အကျွန်မစားသင့်ပါဘူး။

လွန်ခဲ့တဲ့ ၇ နှစ်လောက်က ကျမ ဖေဖေကို အသက်လည်းကြီးနေပြီး သူကြိုက်တဲ့ဒူးရင်းသီး စားပါစေဆိုပြီး ဒူးရင်းသီးစိတ်ကြိုက်ပေးစားလိုက်တာ၊ ကျော်မှာအပူဖုပေါက်ပြီး ပြည်တွေ ခွဲထုတ်ယူရတဲ့ အထိဖြစ်သွား ပါတယ်။ အဲ့ဒီထဲက ဖေဖေလည်းဒူးရင်းသီးမစားတော့ပါဘူး။ နောက်တစ်ဦးကတော့ ကျမရဲ့မိတ်ဆွေ အသက် ၉၀ကျော် ကြီးကြီးပါ ယိုးဒယားမှာ ဒူးရင်းသီး တွေအစားကောင်းလို့ (အစားများတဲ့ဆီချိုရောဂါ) ရလို့ တစ်နှစ်ယောက် ကုလိုက် ရပါတယ်။

ဒူးရင်းသီးရဲ့ ထူးခြားတဲ့အရသာနဲ့ကောင်းကျိုးတွေခံစားနိုင်ကြပါစေ။

ကျမ်းကိုး

၁။ http://loveluvv.blogspot.fr/2009/09/blog-post_18.html

၂။ http://en.wikipedia.org/wiki/Durian

၃။ http://www.nutrition-and-you.com/durian-fruit.html