ယနေ့ကမ္ဘာပေါ်မှာ သတ္တ၀ါတွေ တစ်ဘ၀ကနေတစ်ဘ၀ကိုကူးပြောင်းတယ်။ ကံတရားတွေကလဲ အဲ့ဒီသတ္တ၀ါ နောက်ကို အရိပ်လို လိုက်ပါတယ်ဆိုတာကို ဟိန္ဒူဘာသာနဲ့ ဗုဒ္ဓ ဘာသာက ယုံကြည်တယ်။ ဒါပေမဲ့ ကံတရားတွေက ဘ၀အဆက်ဆက်လိုက်ပါပုံ ကျတော့မတူကြဘူး။
ဟိန္ဒူဘာသာက
ဒီဘ၀က ရုပ်ကဒီဘက်မှာကျန်ခဲ့ပြီး အတ္တဆိုတဲ့ကိုယ်ထဲက အကောင်လေးက နောက်ဘ၀ကူးသွား တယ်လို့ ယူဆတယ်။ သူတို့တွေက မြင်နေရတဲ့ ရုပ်ခန္ဓာကြီးပျက်စီးသွားတာကို လက်မခံဖြစ်လို့လက်ခံပြီး၊ မမြင်ရတဲ့ နာမ်တရားကိုတော့ မပျက်စီးဘူး။ နောက်ဘ၀ကိုကူးတယ်လို့ ဘ၀ကိုနှစ်သက်တဲ့ (ဘ၀နိကံတိ) ဆိုတဲ့လောဘနဲ့ ကိုယ့်အကြိုက်အတိုင်းကိုယ်လိုရာယူဆကြ တယ် (သဿဒိဋ္ဌိ) သူတို့က ကံတွေက အတ္တဆိုတဲ့ကိုယ်ထဲက အကောင်လေးနဲ့အတူတူ တစ်ဘ၀ကတစ်ဘ၀ကိုကူးသွားတယ်လို့ယူဆတာကြောင့် နားလည်လွယ်တယ်။
မဟာယာနရဲ့ လူဝင်စားနဲ့ တိဘက်တွေရဲ့ ဒါလီလားမား ၀င်စားတယ်ဆိုတာလည်း ဒီအဓိပ္ပါယ်ပဲ။
ဒါပေမဲ့ ကျမတို့ရဲ့ ဗုဒ္ဓ မြတ်ဘုရား လေးအသင်္ချေနဲ့ကမ္ဘာတစ်သိန်းလုံး ပါရမီတွေဖြည့်ပြီးမှသိလာရတဲ့ အမှန်တရားက ဘယ်အရာမှ မမြဲဘူး။ မြင်နေရတဲ့ရုပ်ကြီးမှမမြဲလို့သေသွားတာမဟုတ်ဘူး။ သာမန်မျက်စိနဲ့မမြင်ရတဲ့ စိတ်လဲမမြဲဘူးဆိုတာ မိမိကိုယ်တိုင်လဲသိသလို ဝေနေယျတွေကိုလဲဟောတော်မူပါတယ် ။
ဒါဖြင့် သတ္တ၀ါတစ်ဦးရဲ့ ပြုလုပ်ခဲ့တဲ့ ကောင်းမှု့မကောင်းမှု့တွေက တစ်ဘ၀ ကတစ်ဘ၀ကိုဘယ်လိုလိုက်ပါသလဲ ?
ဒီဘ၀က ရုပ်ကဒီဘက်မှာကျန်ခဲ့ပြီး အတ္တဆိုတဲ့ကိုယ်ထဲက အကောင်လေးက နောက်ဘ၀ကူးသွား တယ်လို့ ယူဆတယ်။ သူတို့တွေက မြင်နေရတဲ့ ရုပ်ခန္ဓာကြီးပျက်စီးသွားတာကို လက်မခံဖြစ်လို့လက်ခံပြီး၊ မမြင်ရတဲ့ နာမ်တရားကိုတော့ မပျက်စီးဘူး။ နောက်ဘ၀ကိုကူးတယ်လို့ ဘ၀ကိုနှစ်သက်တဲ့ (ဘ၀နိကံတိ) ဆိုတဲ့လောဘနဲ့ ကိုယ့်အကြိုက်အတိုင်းကိုယ်လိုရာယူဆကြ တယ် (သဿဒိဋ္ဌိ) သူတို့က ကံတွေက အတ္တဆိုတဲ့ကိုယ်ထဲက အကောင်လေးနဲ့အတူတူ တစ်ဘ၀ကတစ်ဘ၀ကိုကူးသွားတယ်လို့ယူဆတာကြောင့် နားလည်လွယ်တယ်။
မဟာယာနရဲ့ လူဝင်စားနဲ့ တိဘက်တွေရဲ့ ဒါလီလားမား ၀င်စားတယ်ဆိုတာလည်း ဒီအဓိပ္ပါယ်ပဲ။
ဒါပေမဲ့ ကျမတို့ရဲ့ ဗုဒ္ဓ မြတ်ဘုရား လေးအသင်္ချေနဲ့ကမ္ဘာတစ်သိန်းလုံး ပါရမီတွေဖြည့်ပြီးမှသိလာရတဲ့ အမှန်တရားက ဘယ်အရာမှ မမြဲဘူး။ မြင်နေရတဲ့ရုပ်ကြီးမှမမြဲလို့သေသွားတာမဟုတ်ဘူး။ သာမန်မျက်စိနဲ့မမြင်ရတဲ့ စိတ်လဲမမြဲဘူးဆိုတာ မိမိကိုယ်တိုင်လဲသိသလို ဝေနေယျတွေကိုလဲဟောတော်မူပါတယ် ။
ဒါဖြင့် သတ္တ၀ါတစ်ဦးရဲ့ ပြုလုပ်ခဲ့တဲ့ ကောင်းမှု့မကောင်းမှု့တွေက တစ်ဘ၀ ကတစ်ဘ၀ကိုဘယ်လိုလိုက်ပါသလဲ ?
ရုပ်ခန္ဓာကြီးအသက်ရှင်နေတာ ရုပ်တရားတွေ နဲ့နာမ်တရားတွေ ထပ်ထပ်ဖြစ်နေ လို့။ ရုပ်ရော နာမ်ရော ထပ်မဖြစ်နိုင်တော့ရင် သေတာပဲ။ ကိုယ်လုပ်ခဲ့တဲ့ ကံတရားတွေက ရုပ်တွေ နာမ်တွေကိုထပ်ဖြစ်စေတာ။ ဒါကြောင့် ရှေးလူကြီးသူမတွေပြောတဲ့ ကံကုန်တယ်ဆိုတဲ့ စကားက အသက်ထွက်တယ်ဆိုတာထက်မှန်တယ်။ အသက်ကထွက်သွားတာ မှမဟုတ်တာ။ ထွက်စရာမှ မရှိတာ။ မရှိတော့တဲ့ ရုပ်နာမ်လဲ ဟိုဘက်ဘ၀ မကူးဘူး။ ကူးစရာ ရုပ်နာမ် မှမရှိတော့တာ။
ရှိတာပဲ ကူးလို့ရတယ်။ ရှိတာက ကံ တရားပဲ။ ကံတရားက ဘယ်လိုကူးသလဲ။ တကယ်က ကူးတာမဟုတ်ဘူး။ ကံတရား အရ ခန္ဓာအသစ်၊ဘ၀ အသစ် ဖြစ်ရတာ။ ဒါမှမြတ်ဘုရားဟောတော်မူတဲ့ ကမ္မဿကတာသမ္မဒိဋ္ဌိ။
သေရင်ဘာမှမဖြစ်တော့ဘူး။ အားလုံးပြီးပြတ်သွားပြီ။ ခုဘ၀ ခုလူ နောက်ဘ၀ နောက် လူ ဘာမှမဆိုင်တော့ဘူး လို့ယူဆရင် ဥစ္ဆေဒဒိဋ္ဌိဖြစ်တယ်။ ယခုခေတ် ပညာတတ်လို့ ဆိုတဲ့သူတွေကဒီအယူအဆရှိကြတယ်။
ကမ္မဿကတာသမ္မဒိဋ္ဌိကို ဥပမာအနနဲ့ပြောရရင်။ မောင်လှဓါတ်ပုံရိုက် တယ်ဆိုရင်။ မောင်လှက ဓါတ်ပုံထဲ ရောက်သွားတာမဟုတ်ဘူး။ မောင်လှက သတ်သတ်၊ ဓါတ်ပုံက သတ်သတ်။ ထို့အတူပဲ ဒီဘ၀က ရုပ်တွေ နာမ်တွေက နောက်ဘ၀ကို ကူးသွားတာ မဟုတ်ဘူး။ ဒါပေမဲ့ မောင်လှကြောင့် သူ့နဲ့တူတဲ့ ဓါတ်ပုံဖြစ် သလိုပဲ ဒီဘ၀ကလုပ်ခဲ့တဲ့ ကံသတ္တိ တွေကြောင့် နောက်ဘ၀ရဲ့ ရုပ်နာမ်တွေ ဖြစ်တယ်။ ဒီဘ၀မှာ ကုသိုလ်ကောင်းမှုတွေလုပ်ရင် ကုသိုလ်ရဲ့အကျိုးဖြစ်တဲ့ သုဂတိဘ၀ရဲ့ ရုပ်နာမ်ဖြစ်တယ်။ ဆိုလိုတာက သုဂတိဘုံမှာဖြစ်တယ်။ ဥပမာ လူဖြစ်တယ်၊ နတ်ဖြစ်တယ်။ ဒါနတွေလုပ်ခဲ့ရင် လူချမ်းသာ၊နတ်ချမ်းသာဖြစ်တယ်။ ဈန်တရားတွေလုပ်ရင် ဗြဟ္မာဖြစ်တယ်။ ပထမဈန်ရရင် ပထမဈန်ဗြဟ္ခာဖြစ်တယ်။ ဒုတိယဈန်ရရင်ဒုတိယဗြဟ္ခာဖြစ်တယ်။ ကံသတ္တိက အဲ့ဒီလောက်အထိ တိကျမှန်ကန်တယ်။ ဒါကြောင့် ကမ္မဿကတာသမ္မဒိဋ္ဌိ အရဆိုရင် လူ့ဘ၀ ကသေပြီးလူပြန်ဖြစ်တယ်ဆိုရင် လူဝင်စား (incarnation) လို့ မပြောဘူး။ လူအဖြစ်ပြန်လည် မွေးဖွါးတယ် (rebirth) လို့ပြောရတယ်။ ဒါပေမဲ့သူက အရင်ဘ၀ကိုပြန်သတိရတဲ့ ဇာတိဿရ ဉာဏ်ရှိတယ်။
ရုပ် ၂၈ ပါးထဲက ရုပ်ဇီဝိတက သူနဲ့အတူဖြစ်တဲ့ရုပ်တွေကိုဖြစ်တုန်း ဖြစ်ခိုက် စောင့် ရှောက်တယ်။ ဒါကြောင့် ဒီပုံပန်းမပျောက်ဘဲနဲ့ ဒီခန္ဓာ ကိုယ်ကြီးတစ်သက်လုံး ဆက်ဖြစ်နေတာ။ ယောက်ျားကယောက်ျား ပုံပန်း မပျောက်ဘဲ သေတဲ့တိုင်အောင် ဒီရုပ်ခန္ဓာ ကြီးဆက်ဖြစ်နေတာ။ မိန်းမကလဲမိန်းမပုံပန်းမပျောက်ဘဲ သေတဲ့တိုင်အောင် ဒီရုပ်ခန္ဓာကြီး ဆက်ဖြစ် နေတာဇီဝိတရုပ်ကြောင့်။ ဥပမာ။ ခလေးမွေးပြီး အမေသေ သွားတယ်။ နို့ထိန်းနဲ့ကြီး ရတယ်။ ကံက သေသွားတဲ့အမေနဲ့တူတယ်။ ကံက ရုပ်ဖြစ် အောင်သာလုပ်တယ်။ ဖြစ်ပြီး တဲ့ ရုပ်ကို တည်တံ့အောင်ဇီဝိတကစောင့်ရှောက်တယ်။
နာမ်ဇီဝိတကလည်းနာမ်တရားတွေကို စောင့်ရှောက်တယ်။ နာမ်သက်တမ်းကသိပ် တိုတောင်း တာကြောင့်နာမ်အသက်ရဲ့သတ္တိကသိပ်မသိသာဘူး။ ဒါပေမဲ့ နာမ်ဇီဝိတရှိလို့ တိုတောင်းတဲ့နာမ်သက် ကလေးအတွင်းမှာဖြစ်လာတဲ့နာမ်တွေသူတို့ရဲ့လုပ်ငန်းတွေကိုဆောင်ရွက်နိုင်တာဖြစ်တယ်။ စက္ခုပသာဒရုပ် ဆိုတဲ့ (မျက်စိရုပ်) ရဲ့ဇီဝိတအသက်ရှိလို့ မြင်တာ။ စက္ခုဝိညာဏ (မြင်သိစိတ်) ရဲ့ ဇီဝိတအသက်ရှိလို့ အဆင်းလို့ သိတာ။ မြင်သိစိတ်နဲ့အတူပါတဲ့ သညာဆိုတဲ့ စေတသိတ်ကိုနာမ်ဇီဝိတ ကစောင့်ရှောက်ပေးလို့ မြင်ဖူးထားတာ တွေ မှတ် မိတာ။ ကျန်တဲ့ရုပ်တရားနာမ်တရား(စိတ်၊စေတသိတ်) တွေလည်းဒီအတိုင်းပဲ။
ဒီဒိဋ္ဌိ နှစ်ပါးကိုသေသေချာချာသိဖို့လိုအပ်ပါတယ်။ ဘာဖြစ်လို့လဲဆိုတော့ ဒီဒိဋ္ဌိကြောင့်သတ္တ၀ါတွေ ၃၁ ဘုံမှာလည်နေကြရတာ။ သောတာပန်ဆိုတာ ဒိဋ္ဌိတွေမရှိတော့တာ ၊ နိဗ္ဗာန်ကိုသွားတဲ့ လမ်းကြောင်းပေါ်ရောက်သွားတာ။ နားလည်လွယ်အောင်ဥပမာပေးရရင် ၁၀ တန်းအောင်တဲ့ ကျောင်းသားလိုပဲ။ တက္ကလိုလ် ၀င်နိုင်ြ့ပီး။
ဒီဒိဋ္ဌိ နှစ်ပါးကိုသေသေချာချာသိဖို့လိုအပ်ပါတယ်။ ဘာဖြစ်လို့လဲဆိုတော့ ဒီဒိဋ္ဌိကြောင့်သတ္တ၀ါတွေ ၃၁ ဘုံမှာလည်နေကြရတာ။ သောတာပန်ဆိုတာ ဒိဋ္ဌိတွေမရှိတော့တာ ၊ နိဗ္ဗာန်ကိုသွားတဲ့ လမ်းကြောင်းပေါ်ရောက်သွားတာ။ နားလည်လွယ်အောင်ဥပမာပေးရရင် ၁၀ တန်းအောင်တဲ့ ကျောင်းသားလိုပဲ။ တက္ကလိုလ် ၀င်နိုင်ြ့ပီး။
ကမ္မဿကတာသမ္မဒိဋ္ဌိဆိုတဲ့အမြင်မှန်၊အယူမှန်ရကြပါစေ။
ကျမ်းကိုး။
No comments:
Post a Comment