လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Saturday, August 20, 2016

နံမည်ကြီး ဆေးရုံထဲသို့ တန်ဖိုးကြီးကားတစ်စီးဝင်လာသည်

Ko Aung Nyi
နံမည်ကြီး ဆေးရုံထဲသို့
တန်ဖိုးကြီးကားတစ်စီးဝင်လာသည်
ကားပေါ်တွင်
သူဌေးကြီး
ပါရဂူ ကြီး...
ဒေါက်တာကြီး
ဗိုလ်ချုပ်ကြီး
လုပ်ငန်းရှင်ကြီး
သူ ဆိုသော နာမ်စားပြု ပုဂ္ဂိုလ် တစ်ဦးဦး
ရောဂါ ဖြင့်ရောက်လာပါသည်
သူ့ ရောဂါသည်
ကြာနေပြီ
ကျွမ်းနေပြီ
ကုသမူ့လဲ စုံနေပြီ
သူ့အခြေအနေ
လက်လျှော့ရတော့မည်
---- ----- --------
မကြာမှီ
တရားသော
မျှတသော
ဖြေဆို သူအားလုံးကို
လူမျိုး ဘာသာ မရွေး
ကြီး / လတ် / ငယ် မရွေး
ဆင်းရဲ / ချမ်းသာ မရွေး
မေးခွန်းတစ်မျိုး တည်းသာမေးသော
ဘဝ ၏
Final Exam ကို
သူ ဖြေရတော့မည်
---- ----- ------
ရက်များ မကြာမှီ
ကားတန်းကြီး တစ်တန်း
နံမည်ကြီးဆေးရုံထဲက ထွက်လာသည်
သိန်းထောင်ကျော်တန် ကားတွေကြားမှာ
-------- နာရေးကူညီမူ့အသင်း ၏
Model နိမ့် ကားတစ်စီး ပါလာသည်
ထိုကား နှင့်ပင်
သူ့Body ကိုသယ်ခွင့်ပြုတော့ သည်
သူ ရှာထားသောငွေနဲ့ ဝယ်ထားသော
သူ အလွန်နှစ်သက်သော
သူ့ အမည်ပေါက်သော
သူ အလာ ကစီး လာခဲ့သော
သိန်းထောင်ကျော်တန် ကားကြီး ပေါ်တွင်
သူ လိုက်ခွင့်မရတော့
သူ့ ကိုချစ်လှစွာသောမိသားစု တွေကလဲ
သူ ကြိုက်နှစ်သက်သော
သူ့ ကားကြီးဖြင့် သူ့Body ကိုသယ်ပါရစေ ဟု
မည်သူမျှမတောင်း ဆိုကြ
သူ့ လက်တွင်ဆင်မြန်းထားသည့် တန်ဖိုးကြီးစိန်လက်စွပ်ကို
သူ့ ၏ချစ်လှစွာသော ဇနီးက ချွတ်ယူထားလိုက်သည်
သူ ကိုင်နေကျ လက်ကိုင်ဖုန်းကိုလဲ
သူ ၏ ချစ်သား/သမီး များက သိမ်းယူထားလိုက်ပြီ
သူ့ Body. တင်ထားသည့်ကားပေါ်တွင်
သူ့ Body နှင့်အတူလိုက်မည့်သူပင်မရှိ
သူ အသက်မဲ့နေ ပြီ
သူ့ တွင် အသိမဲ့နေပြီ
သူ တွင်တန်ဖိုးမဲ့လေပြီ
သူ ရုပ်သည် မကြာခင် ပုတ်တော့မည်
သူ သည် မသာယာတော့
သူသည် မတင့်တယ်တော့
သူသည် ဆက်ဟန်မဆောင်နိုင်တော့သောမသာကောင်
သူ့ အမည် ကိုတ၍ တ၍
ဆက်ဟန်ဆောင်နိုင်သေးသော မသာ
တို့က ငိုကြလေသည်
-----------------------------
သူ ဘာမှမသိတော့
သူ ဘာမှမဆိုင်တော့
သူသည် ဘာမှမပိုင်တော့

သူ ဘာတွေယူသွားနိုင်ပါသလဲ ?
သူ အခုဘယ်ရောက်နေပြီလဲ?
သူ ဘာဖြစ်နေပြီလဲ?
သူ ခံစား နေရပြီလား?
သူ စံစားနေရပြီလား?
ယခုအချိန် မှာတော့
သူ ခုဘဝတစ်သက်တာလုံး
သူ သိလျှက်
သူ မသိလျှက်
ဖြေထားမိထားသော
ဖြေထားသော
Life Exam Result
လေးကိုကိုင်၍
သူတစ်ဦးတည်း
သူတစ်ယောက် တည်း
ခရီးဆက်နှင်နေပြီ
ကိုညီ ( လှိုင်သာယာ)

No comments:

Post a Comment