ပြင်သစ်နိုင်ငံအပါအ၀င်ဥရောပနိုင်ငံနှင့်အနောက်နိုင်ငံများတွင် တစ်နှစ်လျှင်နှစ်ကြိမ် ဆောင်းလနဲ့ နွေလများမှာ အပန်းဖြေခရီးထွက်ကြပါတယ်။ ဆောင်းတွင်းမှာ နှင်းစီးသွားခြင်းနဲ့ နွေမှာပင်လယ်ကမ်းခြေ တို့ကို သွားလေ့ရှ်ိပါတယ်။ တစ်ဦးနဲ့တစ်ဦးတွေ့ရင်လဲ အပန်းဖြေခရီး ထွက်တာကိုဂုဏ်ယူပြောကြသလို အသားအရေနေလောင်လို့ ညိုသွားတာကို လည်းသက်သေ ပြကြပါတယ်။ ကျမတို့တစ်တွေ လက်ဝတ် လက်စားတွေဝတ်ပြီးကြွားကြသလိုပါပဲ။ အပန်းဖြေခရီးမထွက်နိုင်ရင် သိမ်ငယ်တယ်လို့ခံစားကြပါတယ်။ နားကပ်ကလေးမှ မ၀တ်နိုင်လို့ နားပေါက်ဟောင်းလောင်းနဲ့မြန်မာ မလေးတွေအားငယ်ကြသလိုပါပဲ။
ဂျွန်လိုင် ၂၀ ရက်ကစပြီး သြဂုတ်လ ၁၉ ရက်အထိ ပါရီမြို့တော်ခန်းမနားက သိမ်းမြစ်နခမ်းမှာ
ကားလမ်းတွေပိတ်ပြီး ပါရီကမ်းခြေ ဆိုပြီး မြစ်ကိုမျက်နှာမူပြီး သဲသောင်အတုတွေ၊ရေပန်းတွေ၊
ရေကူးကန်တွေပါလုပ်ပေးပါတယ်။ အပန်းဖြေခရီးထွက်ဖို့ မတတ်နိုင်တဲ့ မိသားစုများ အခမဲ့ သွားရောက်ဆော့ ကစားနိုင်ပါတယ်။ ပါရီကမ်းခြေ ကို နံနက် ကနေ ညသန်းခေါင် အထိ ဖွင့်ထားပါတယ်။ ညနေပိုင်းတွေမှာ သီချင်းများ၊ ပြဇတ်များနှင့်လည်းဖျော်ဖြေပါတယ်။ ယခုနှစ် မှာတော့ အလွန်ကြီးသော screen ဖြင့် လန်ဒန်မှ အိုလံပစ်ပွဲတော်ကို တိုက်ရိုက်လွင့်ထုတ် ပေးပါတယ်။
No comments:
Post a Comment