သံစူးတယ်

သံစူးတယ်။
တစ်နေ့နေ့လည် တောင်ကြီးမြို့ တောင်ဆေးရုံလို့ခေါ်တဲ့ခလေးအထူးကုဆေးခန်းမှာတာဝန်ကျ နေတုန်း ဒေသခံ အမျိုးသမီးတစ်ဦး ၃ နှစ်အရွယ် ခလေးငယ်ချီပြီးရောက်လာပါတယ်။
စာရေးသူ   ခလေးဘာဖြစ်လို့လဲ။
အမျိုးသမီး  သံစူးလို့။
စာရေးသူလဲ ခလေးရဲ့ ခြေနှစ်ချောင်းလုံးမှာသံစူးတဲ့ဒဏ်ရာရှာတာမတွေ့တာနဲ့ လက်နှစ်ဘက်မှာရှိလိုရှိငြား ရှာတော့လည်း လုံးဝ မတွေ့ပါဘူး။ ဒါနဲ့..
    သံက ဘယ်မှာစူးတာလဲ လို့ မေးလိုက်ပါ တယ်။ အမျိုးသမီးက ဗိုလ်မှာလို့ ဖြေပါတယ်။ ကျမ စိတ်ထဲမှ ဘုရားတမိပါတယ်။ ဒီအရွယ်ခလေးဗိုက်မှာ အဆီအသားမရှိလို့ သံစူးလို့ကတော့ ဗိုလ်ထဲက အူတွေ အသဲတွေ ထိမှာသေချာလို့ပါပဲ။ ခလေးဗိုလ်သံစူးလောက်အောင် နမော်နမဲ့ နိုင်ရန်ကောလို့ အပြစ်တင်တဲ့ အသံနဲ့ ဘယ်လိုလုပ်ဗိုက် သံစူးရတာလဲလို့ မေးလိုက်ပါတယ်။
ဒီအခါမှာတော့ကျမဘေးက ဒေသခံဆရာမလေးက ကျမတို့ရဲ့ပြဿနာကို ရိပ်စားမိပြီးဝင်ဖြေပါတယ်။ သံစူးတယ်ဆိုတာ ဗိုက်ထဲက သံကောင်တွေ ကြောင့် ဗိုလ်နာတာကိုပြောတာတဲ့။ (မြန်မာပြည်အောက်ပိုင်းမှာတော့ သံထိုးတယ်လို့ ပြောပါ တယ်)။ သြ တော်ပါသေးရဲ့။

ရက်ရက်ရောရော။
နေ့တစ်နေ့ရဲ့ နံနက်မှာ ဓါတ်ခွဲခန်းဆရာဝန်ကြီးရဲ့ ရုံးခန်းမှာ အသေအချာထုပ်ထားတဲ့ အထုပ် တစ်ထုပ် ရောက်နေ ပါတယ်။ ဖွင့်ကြည့်လိုက်တော့ မစင်တွေနဲ့ မစင်အိုးဖြစ်နေတာတွေ့ လိုက် ရပါတယ်။ ဝမ်းစစ်ဖို့ ပို့လိုက်တာပါတဲ့။ ဓါတ်ခွဲခန်းမှာဝမ်းစစ်ဖို့ ဆိုရင် ဝမ်း (ကန်တော့နော်) ထမင်းစားဇွန်း တစ်ဇွန်းခန့်ဆိုရင် လုံ လောက်ပါတယ်။

 ဝမ်းကိုဓါတ်ခွဲခန်းမှာ စမ်းသပ်စစ်ဆေးခြင်းအားဖြင့် ရောဂါတော်တော်များများ အထူးသဖြင့် အစာလမ်းကြောင်း(အသဲ၊သဲခြေအိပ်၊ ပင်ကရိယာ၊ အစာအိမ်၊အူသိမ်၊အူမ) မှာဖြစ်တဲ့ ရောဂါတွေကို သိနိုင်ပါတယ်။ ရှိမှန်းသိပြီးသားရောဂါရဲ့ တိုးတက်မှုဆုတ်ယုတ်မှုကိုလည်း သိနိုင်ပါတယ်။

  ဝမ်းမှာရှိတဲ့ပိုးတွေက လူကိုယ်ခန္ဓာထဲမှာနေတာဆိုတော့ ကိုယ်ခန္ဓာ အပြင်ရောက် ရင်ကြာကြာ မနေနိုင်ပဲသေကြပါတယ်။ရောဂါဖြစ်စေတဲ့ ပိုးကောင်တွေကိုစစ်ဆေးတဲ့အချိန်မှာ မတွေ့ဘူးဆိုရင်၊ ရောဂါဘာကြောင့်ဖြစ်တယ်ဆိုတာမသိနိုင်တော့ပါဘူး။    ရောဂါရဲ့ဆုတ်ယုတ်မှုတိုးတက်မှုအတွက် လည်းအဖြေမှားတွေဖြစ်ကုန်မှာမို့ ၀မ်းကိုယ်ထဲက ထွက်တာနဲ့ ဓါတ်ခွဲခန်းကို ရောက်ရင်တော့ အကောင်းဆုံးပေါ့။ ဒါပေမဲ့လက်တွေ့ မှာမဖြစ်နိုင်တာမို့ ၀မ်းထဲက ပိုးတွေ အသေနည်းအောင် ဝမ်းကို ယူပြီးရင် အေးတဲ့ နေရိပ်မှာထားရပါမယ်။ ၀မ်းအဖြေမရရင်၊ ဒါမှမဟုတ် အဖြေမှားရင် ကုသမှုပါ မှားမှာမို့ သတိထားရပါမယ်။ ၀မ်းကိုယူရာမှာလည်း အပြင်က ပိုးတွေမပါအောင် ဂရုစိုက်ရပါမယ်။ ဥပမာ ၀မ်းကို ညစ်ပတ်တဲ့ ဒုတ်စသည်နှင့် ယူတာမျိုး၊ ညစ်ပတ်တဲ့ပုလင်းထဲ  ထည့်တာမျိုးပေါ့။ ယခင်နေ့ကသွားထားတဲ့(၀ါ) ယူထားတဲ့ ၀မ်းမှာ ဘယ်ပိုးမှ အဲ့ဒီလောက်ကြာ ကြာကိုယ်ခန္ဓာအပြင်မှာ မရှင်နိုင်တာမို့ စစ်လဲ အလကား အချိန်ကုန်၊ အလုပ်ပို၊ ပိုက်ဆံကုန်ရုံ သာမက အဖြေမှားတွေ ရမှာမို့ မစစ်တာအကောင်းဆုံး ပါပဲ။

ဝမ်းစစ်ရတဲ့ရောဂါတစ်မျိုးကတော့ သံကောင်ရောဂါပါ။  များသောအားဖြင့် ခလေးတွေမှာ သံလုံးလို့ခေါ်တဲ့အဖြူရောင် လုံးလုံးကြီးကြီး သံကောင်(ခလေးများ      ၀မ်းသွားသည့်အခါပါလာတာကိုတွေ့နိုင် ပါတတ်)။ ဒီသံကောင်တွေဗိုလ်ထဲရောက်လာတာကတော့ သံဥတွေစားမိလို့ပါ။ သံဥတွေက သံကောင်ရှိတဲ့လူရဲ့ဝမ်းထဲမှာ ပါလာပါတယ်။ မြန်မာပြည် လို ရာသီဥတု ပူတဲ့ နေရာတွေမှာ သံဥတွေကဖုံမှုန့် တွေနဲ့ရော နေတတ်ပါတယ်။ ဒါကြောင့် ဖုံမှုန့်တွေနဲ့ကစားတတ်တဲ့ ခလေးတွေမှာအဖြစ်များတာပါ။ နောက်တစ်နည်းကတော့ မစင်ပေါ်မှာ နားတဲ့ရင်တွေရဲ့ခြေထောက်မှာ သံဥတွေကပ်ပါလာပြီး ဒီရင်တွေက အစာတွေပေါ်နားတဲ့အခါ အစာပေါ်မှာ သံဥတွေကျပြီး၊ အဲ့ဒီအစာကို စားမိတဲ့သူတွေရဲ့ကိုယ်ထဲသံရောက်တာပါ၊ ဒါကြောင့်ရင်နားစာတွေ မစားဖို့၊ အစာတွေကို ရင်မနား အောင် ဖုံးအုပ်ထားဖို့ ကျန်းမာရေး ပညာပေး နေကြတာပါ။ အစာတို့ ရေတို့ကို ချက်လိုက်မယ် ဆိုရင် အပူကြောင့် သံဥတွေသေသွားပါတယ်။ ဒါကြောင့်ရေကိုကြိုချက် သောက်ဖို့၊ အအေးစာဥပမာ လက်သုပ်တို့၊ ကျောက်ကျော တို့ကို ရင်မအုံအောင်ထားဖို့ အရေးကြီးပါတယ်။ ဒီလို ရောဂါရှိတဲ့ဝမ်းကတဆင့် ရောဂါပြန့်နှံ့ ခြင်းကို (Fecal oral route) ၀မ်းမှပါးစပ် သို့ရောက်သောနည်း လို့ခေါ်ပါတယ်။

  သံကောင်ရောဂါအပြင်၊အူရောင်ငန်းဖျားရောဂါ (Typhoid)၊ ၀မ်းလျော် ရောဂါ (Diarrhoea)၊ ၀မ်း ကိုက် ရောဂါ (Dysentry) ၊အီးအမျိုးအစား အသဲရောင်ရောဂါ (Hepatitis E ) ၁၉၇၆ ခုနှစ်က မန္တလေး မြို့ လုံးကျွတ်မျှဖြစ်ခဲ့ ပါတယ်၊ မြို့ရေပေးတဲ့နေရာထဲ၊ မစင်ပိုက်ပေါက်သွားလို့လို့ သိရပါတယ်) အကောင်းဆုံး ကတော့ မစင်တွေ ဘာနဲ့ မှမတွေ့ ရအောင် ရေလောင်းအိမ်သာ၊ ရေဆွဲအိမ်သာ၊ ရင်လုံအိမ်သာစသည်တို့ အသုံးပြုဖို့ပါပဲ၊ တိုးတက်တဲ့တိုင်းပြည်တွေမှာ ရင်လုံ အိမ်သာတွေကြောင့် ဒီလို ၀မ်းမှပါးစပ်နည်းနဲ့ ကူးစက်တဲ့ ရောဂါတွေ မဖြစ် သလောက်နည်း သွားပါတယ်။

လူအများကိုရောဂါမပြန့်ပေမဲ့ လူနည်းစုကိုပြန့်စေတဲ့ နောက်တစ်နည်းကတော့ ၀မ်းသွားပြီး သုတ်သင်တဲ့ လက်ကိုစပ်ပြာရေနဲ့ စင်ကြယ်အောင် မဆေးရင် လက်မှာကပ်ကျန်နေတဲ့သံဥ တွေနဲ့ အထက်က ဖေါ်ပြ ခဲ့တဲ့ရောဂါပိုးတွေ လက်နဲ့ထိရာ နေရာတွေမှာ ကျန်နေပြီး၊ လူနာ ကိုယ်တိုင် စားမိလို့ဖြစ်ဖြစ်၊သူတစ်ပါး စားမိလို့ဖြစ်ဖြစ်၊ရောဂါကူးစေပါတယ်။ ဒါကြောင့် တစ်ကိုယ်ရေ သန့်ရှင်းရေးဟာ မိမိအတွက်ရော၊ မိမိ ပတ်ဝန်ကျင် အတွက်ရော အရေးကြီးပါတယ်။
   
တချို့လူများဟာ မိမိကိုယ်မှာပိုးရှိနေပေမဲ့ သူတို့ကိုယ်တိုင်ကရောဂါမဖြစ်ပါဘူး။ အဲ့ ဒီလိုလူမျိုးကို သယ်ဆောင်သူ (Carrier) လို့ခေါ်ပါ တယ်။ ဆေးပညာသမိုင်းမှာ (Typhoid Marry) ဆိုတာဆရာဝန် တိုင်းကြာဖူးတဲ့အကြောင်းအရာပါ။ Marry ဆိုတဲ့အမျိုးသမီးရဲ့အူထဲမှာ တိုက်ဖိုက် ပိုးတွေ ရှိနေပေမဲ့ တိုက်ဖိုက်မဖြစ်ပါဘူး။ ဒါပေမဲ့ သူ့လက်ကနေ တိုက်ဖိုက်ပိုးတွေကို သူကိုင်တွယ်တဲ့ အစာတွေက တစ်ဆင့်ဖြန့် နေတာကိုနောက်မှ သိကြရလို့ သူ့ကို တိုက်ဖိုက်မေရီ (Typhoid Marry) လို့ ၀ိသေသ တပ် လိုက်တာပါ။ဝမ်းကိုက်ပိုးသယ်ဆောင်သူတွေလည်း ရှိပါတယ်။

  တုတ်ကောင် လို့ခေါ်တဲ့အဖြူရောင်သေးငယ်တဲ့ သံကောင်၊ ညမှာ သံကောင်အမက စအိုကထွက်ပြီး စအိုအပြင်မှာဥ ဥတတ်လို့ ညဘက်ခလေးက စအိုဝ မှာ ယားတယ်ဆိုရင် ယားတဲ့နေရာ ကို ကြည့်ရင် ဖြူဖြူသေးသေး၊ အဖြူရောင် ချည်စတွေလို သံမတွေ ကိုတွေ့နိုင် ပါတယ်။ ခလေးက ယားတဲ့နေရာ ကုတ် လိုက်ရင်ခလေးရဲ့လက်သဲတွေကြားမှာဥထားတဲ့ သံဥတွေပါလာပြီး ပါးစပ်ထဲရောက်သွားနိုင်ပါတယ်။
   အဲဒီလိုကိုယ့်ဘာသာပြန် ကူးတာကို အော်တိုပြန်ကူးစက်ခြင်း (Auto reinfection) လို့ခေါ်ပါတယ်။သံမ တွေက အူမကြီး၊တခါတရံ အူအတက် ထဲမှာနေတတ်တာမို့ သံချဆေးကို ၃ ရက်ဆက်သောက်သင့်ပါတယ်။ ပြီးတော့ အော်တိုပြန်ကူးစက်ခြင်းမဖြစ်အောင်ညအိပ်တဲ့ အခါ ဘောင်ဘီး ၀တ်အိပ်ခြင်း နဲ့(ကုတ်တဲ့ အခါ လက်ထဲသံဥတွေပါမလာရန်)ညအိပ် အ၀တ်အစားတွေကိုရေနွေး နဲ့ပြုတ်လျော် ခြင်းများပြုလုပ် ပေးရ ပါမယ်။
 
 ဒီသံနှစ်မျိုးက ခလေးကို သိပ်ဒုက္ခ မပေးပါဘူး။ သံချဆေး ၆လ တစ်ခါချပေးရုံနဲ့ရပါတယ်။ ဒါပေမဲ့ တစ်ခါတစ်ရံ အထူးသဖြင့် သံလုံးကြီးတွေ သိပ်များနေရင် သံတွေက အသဲလမ်း ကြောင်းကိုပိတ်လို့ အသဲပြည်တည်နာတို့၊ အစာအိမ်ကို ကလိလို့ အစာအိမ်အနာတို့၊ အူလမ်း ကြောင်းပိတ် တဲ့ရောဂါတို့၊ အူအတက်ရောင်ရောဂါတို့ ဖြစ်နိုင်ပါတယ်။

သံပြား။
နွားနဲ့ဝက်သံပြား။ရှမ်းပြည်လို သိပ်မကျက်တဲ့ အမဲသားနဲ့ ၀က်သား၊ ဥပမာ အမဲချဉ်နဲ့ ၀က်သချဉ်စားရင် သံပြား လို့ခေါ်တဲ့ ခေါင်းမှာစုပ်ခွက်နဲ့ ချိတ်တွေပါတဲ့သံတွေ အူထဲမှာရှိနိုင်ပါတယ်။ ဒီသံမျိုးက အသက် ရှည်ပါတယ်။ ကိုယ်ထဲမှာ ၂၅ နှစ်အထိနေနိုင်ပါတယ်။သူတို့ရဲ့ကိုယ်ထည်က အဖြူအပြားတွေပါ။ ရိုးရိုးသံချဆေးစားရင်၊ ကိုယ်ထည်ပဲပြုတ်ထွက်လာလို့ ၀မ်းမှာ အဖြူ ပြားတွေ တွေ့နိုင်ပါ တယ်။ သံကောင်ရဲ့ခေါင်းမှာရှိတဲ့ စုပ်ခွက်တွေ၊ ချိတ်တွေနဲ့ လူနာရဲ့အူနံရံမှာချိတ်ထားတဲ့ သံကောင်ရဲ့ ခေါင်းကမပြုတ်ပဲ ကျန်နေပါတယ်။ ခေါင်းမပြုတ်ရင် သံကောင်မသေပါဘူး၊ ကိုယ်ထည်တွေ ပြန်ရှည် လာပါတယ်။ ဒီသံအတွက် အထူး သံချဆေးသောက် ရပါတယ်။ ဒီသံရဲ့ သန္ဓေလောင်း ဘ၀ (Larval) မှာလူနာရဲ့ကိုယ်ခန္ဓာ ထဲတစ်ပတ် ပတ် ပါတယ်။ အဲ့ဒီ အချိန်မှာ လူနာရဲ့ ကိုယ် ခန္ဓာတစ်နေရာရာမှာ အကြိတ်အခဲဖြစ် တတ်ပါတယ်။  အရေးကြီးတဲ့ နေရာ ဥပမာ၊ ဥဏှောက် လိုနေရာမှာအကြိတ်ဖြစ်ရင် ခွေးရူးပြန်ရောဂါဖြစ် နိုင်ပါတယ်။ နှလုံးမှာဖြစ်ရင် နှလုံး ခုန်နှုန်းမြန် တဲ့ရောဂါစသည်ဖြစ်နိုင်ပါတယ်။

   တစ်ခါက ကျန်းမာရေးဝန်ကြီးဦးဖေသိန်း ရင်ပတ်မှာရုတ်တရက် အဖုပေါ်လာလို့ ကင်ဆာထင်ပြီး ခွဲလိုက်တာ၊ သံပြားသန္ဓေသား ကြောင့်ဖြစ်တဲ့ အလုံးဖြစ်နေပါတယ်။ ၀န်ကြီး တောင်ကြီးမြို့သွားစဉ်က အမဲချဉ်နဲ့ ၀က်သချဉ် စားခဲ့မိတယ် လို့ပြောပါတယ်။ တစ်ခါတရံ အမဲသား၊ ၀က်သားတွေ မှာ သံပြား သန္ဓေလောင်း တွေရဲ့ အကြိတ်အခဲလေး တွေ တွေ့နိုင်ပါတယ်။

ငါးသံပြား။
  ဒီသံက ကိုယ်ထည်ပြားပြီးသေးငယ်ပါတယ်၊ကိုယ်ထည်ပြားလို့ သံပြားစာရင်းထဲထဲ့ထားတာပါ။ သူ့မှာ သံသန္ဓေသားလောင်းဘ၀မရှိလို့ အမဲနှင့် ၀က်သားသံပြားကြောင့်ဖြစ်တဲ့အကြိတ်အခဲ လိုမျိုးမဖြစ်ပါဘူး။ ကျက်အောင်မချက်တဲ့ငါး စားရင်ဖြစ်ပါတယ်။ သူကအစာအိမ်မှာနေပြီး လူနာရဲ့ အစာတွေကို စားပါတယ်။ ကပ်ပါးရပ်ပါး ပိုးလို့ပြောရပါမယ်။ အစာအိမ်မှာနေတာမို့ ဗိုလ်အောင့် တဲ့ရောဂါလက္ခဏာဖြစ်စေပါ တယ်။ ဒါကြောင့် အစာအိမ်ရောဂါနဲ့မှား နိုင်ပါတယ်။

   ကျမအဖေက ငါးရံဆံပြုတ်အလွန်ကြိုက်ပါတယ်၊နံနက်တိုင်းလိုလို တရုပ်တန်းက ငါးရံဆံပြုတ် စားတာမို့ ငါးသံပြားတွေသူ့အစာအိမ်မှာရှိပါတယ်။ အိမ်မှာကျက်အောင် ချက်ပေးတဲ့ငါးဆံပြုတ်က အရသာမရှိဘူးတဲ့။ အဲ့ဒီတော့ အသက်ကြီးပြီးဖြစ်တဲ့ အဖေစိတ်ချမ်း သာပါစေဆိုပြီးသူ စား ချင်တာကျွေးပြီး ၆လ တစ်ခါ သံချ ဆေးပါကျွေးလိုက်ရပါတော့တယ်။

အပ်ချိတ်သံ။
    ဒီသံကတော့ သေးငယ်ပြီးခေါင်းမှာချိတ်ပါ ပါတယ်။ အဲ့ဒီချိတ်နဲ့ အူသိမ်နံရံမှာတွယ်ချိတ်နေပြီး အူနံရံက သွေးတွေကိုစုပ်ယူပါတယ်။ ဒီသံမျိုးက ဖိနပ်မပါပဲ သွားသူတွေမှာအဖြစ်များ ပါတယ်။ ဘာဖြစ်လို့လဲဆိုတော့ သံကောင်လောင်းက အရေပြားကိုဖေါက်ပြီးဝင်လို့ပါ။ ဒီသံတွေအူထဲ မှာများ မယ်ဆိုရင် သွေးအားနည်း ရောဂါ ဖြစ်နိုင်ပါတယ်။

  တောင်ကြီးစပ်စံထွန်းဆေးရုံကြီး အပြင်လူနာဌာနကို ငယ်ငယ်ရွယ်ရွယ် ၁၆ နှစ်အရွယ် ပအို့လူနာ အမျိုးသမီးတစ်ဦးလာပြပါတယ်။ လူနာရဲ့ မျက်နှာ၊ နုတ်ခမ်း၊ မျက်ခွံတွေဟာ သွေးမရှိဘူး ထင်ရ လောက် အောင် ဖြူဖတ်နေလို့ ဆေးရုံတင်လိုက်ရပါတယ်။ လူနာကိုစမ်းသပ်ကြည့်တော့ လည်း သွေးအား အလွန် နည်းတာက လွဲရင်ဘာရောဂါ လက္ခဏာ မှမတွေ့လို့ သွေးမထွက်တဲ့ရောဂါများလား လို့စိုးရိမ်သွားမိပါ တယ်။ ဆေးရုံရောက်ပြီး သွေး၊ဆီး၊ ၀မ်းတွေ စစ်လိုက်တော့မှ အပ်ချိတ်သံကောင်တွေမြောက် များစွာ ရှိနေတာကို တွေ့လိုက်ရ ပါတယ်။ ဒီသံအတွက်လည်း အထူးသံချဆေးလိုပါတယ်။ ဒါပေမဲ့ အခုအခါ သံ ၃မျိုး၊ ၅မျိုးသတ်နိုင်တဲ့ဆေးတွေ ၀ယ်လို့ရပါတယ်။

    အထက်ကလူနာလို ကံမကောင်းတဲ့ ၅နှစ်အရွယ်ခလေးငယ်ကို လဲသတိရမိပါတယ်။ လူနာက သံတွေ ကြောင့် ပိန်ချုန်း၊ အားနည်းနေပါတယ်။ သူ့ကိုယ်ထဲမှာလည်း အထက်ကဖေါ်ပြထားတဲ့ သံတွေ အားလုံး ရှိနေပါတယ်။ သံလှောင်ရုံလို့တောင် ပြောရမလိုပါပဲ။ လူနာကသိပ်အားနည်း နေလို့ သံချဆေးဒဏ် မခံနိုင် တာမို့ သံချဆေးမပေးပဲ နှခေါင်းပိုက်ကနေ အောက်ဆီဂျင် ပေးထားရပါတယ်။ သံကောင်တွေက အောက်ဆီဂျင်နည်းတဲ့ အူထဲမှာနေတာမို့ အောက်ဆီဂျင် များရင်သေပါတယ်။ အောက်ဆီဂျင်ပေးထားပေမဲ့ အထဲကရှင်နေသေးတဲ့သံတွေကြောင့် ခလေးခမျာတချိန်လုံး အနာပျောက်ဆေးထိုး ပေးဖို့တောင်းဆိုပါ တယ်။

  ဆေးရုံရောက်ပြီးတစ်ရက်နှစ်ရက်မှာခလေးလည်းသေဆုံးသွားပါတယ်။ ခလေးအသေကိုဆေးရုံရဲ့ ရင်ခွဲရုံ ကိုပို့ လိုက်ရပါတယ်။ ရင်ခွဲရုံဆိုပေ မဲ့အမိုး အကာသာရှိတဲ့အခန်းပါ။ အထဲမှာအလောင်း တင်ဖို့ခုံတန်း တွေ ရှိပါတယ်။ ရင်ခွဲရုံက တောင်စောင်းလေးပေါ်မှာပါ။ ညနေတာဝန်ကျချိန်မှာ ရုပ်ရှင်ကပြန်လာတဲ့ လူတစ်စု ဆေးရုံကို ရောက်လာပါတယ်။ ရင်ခွဲရုံထဲမှာ မသေသေးတဲ့ ခလေးထဲ့ထားလို့ လာတိုင်တာ လို့ ပြောပါ တယ်။ ရင်ခွဲရုံ အမိုးနဲ့ အကာကြား ကနေ တွေ့တယ်လို့ပြောပါတယ်။ အရှင်မဟုတ်ပါဘူး သေဆုံး လို့ ပို့ထားတာ ပါလို့ရှင်းပြပေမဲ့ လက်မခံပါဘူး။ ခလေး လှုပ်နေတာ တွေ့ပါတယ်တဲ့။

  တကယ် က ခလေး သေတော့ သူ့ဗိုလ်ထဲ့က မသေသေးတဲ့ သံကောင်တွေက ခလေးကိုယ်ထဲက ထွက် ဖို့ကြိုးစားကြတာ မို့ ခလေးဗိုလ်လှုပ်နေ တာကို  ညနေ နေ၀င်ရီတရော အချိန်မှာ ခလေးလှုပ် တယ်ထင်ကြ တာပါ။ လာတိုင်တဲ့လူစု စိတ်ရှင်းသွားအောင် ရင်ခွဲရုံကခလေးအလောင်းကို လိုက်ပြ ခိုင်းလိုက်ပါတယ်။