ကော်ဇောအနီရောင်။

          အမေရိကန်နိုင်ငံ Alaska၊ Politician မိသားစုမှ အသက် ၃၆ နှစ်ရှိ Dudy တစ်ယောက် သူမ သွားနေကြ ဟော်တယ်ဘားသို့ ရောက်လာပါတယ်။ သူမမှာ ငွေတစ်ထပ်ကြီးပါတဲ့အပြင် Hawaii  ကို သွားဖို့လေယဉ်လက်မှတ်လည်းပါ ပါတယ်။ ဘားမှာ သောက်နေစဉ်။ ဟိုတယ်မှ ယောက်ျားတစ်ယောက် ဆင်းလာပြီး Dudy  နှင့်အတူတူသောက်ကြပါတယ်။ ထိုနောက် နှစ် ယောက်သား ထိုလူ၏ဟိုတယ်ခန်းသို့ တက်သွားကြပါတယ်။ ခဏအကြာမှာ Dudy တစ် ယောက်တည်း ဆင်းလာပြီး တက်စီဖြင့် ဟိုတယ်မှ ထွက် သွားပါတယ်။ ဒီနောက်ပိုင်း Dudy ပျောက်ဆုံးနေပါ တယ်။ Dudy အမေက Dudy မဆက်သွယ်တာ ၂ ပတ် အကြာမှာ Dudy ပျောက်ဆုံးကြောင်း ပုလိပ်ထံတိုင်တန်းပါတယ်။

          Dudy နှင့် ဘားမှာတွေ့ခဲ့သောသူအားစုံစမ်းရာ ထိုလူအနေနဲ့ နံမယ်အတုပေးထားပြီး လက်ငင်း ငွေ ခြေခဲ့သဖြင့် ၎င်း မည်သူမည်ဝါဖြစ်သည်ကိုစုံစမ်းမရဖြစ်နေပါတယ်။

          တက်စီသမားများအား စုံစမ်းရာ Dudy ကို မှတ်မိသူမရှိပါ။ လေယဉ်ဌာနတွင် စုံစမ်း သည့်အခါ Dudy လေယဉ်စီးခဲ့ခြင်းမရှိပါ။ Dudy မပျောက်ဆုံးခင်က Karl Brown နှင့် ၉ လ ကြာအတူနေထိုင်ခဲ့ကြ ပါတယ်။ Dudy က ၎င်း၏မိခင်အား Karl Brown သည်တစ်ခါတစ်ရံ အကြမ်းဖက်တတ်ကြောင်း။ ၎င်း အနေဖြင့် Hawaii သို့သွားရောက်၍ ဘ၀သစ်စ မည်ဟုပြော ဆိုခဲ့ပါတယ်။ ဘားသမားက Dudy က လေယဉ်မစီးခင် အိမ်ပြန် ပစ္စည်းများယူအုံးမယ်ဟု ပြောဆို ခဲ့တဲ့အတွက် စုံထောက်များ Karl Brown ၏အိမ်အားသွားရောက်စစ်ဆေးရာ Karl Brown က Dudy အနေနဲ့ ဒီမြို့မှာ မပျော်တော့သဖြင့် ထွက် သွားပြီး ဖြစ်ကြောင်း ပြောဆိုပါ တယ်။

ဒီလိုနဲ့ ၂လခန့်ကြာခဲ့ပါတယ်။ ဘာသတင်းမှ ထူးမလာပါဘူး။ တစ်နေ့မှာ Dudy နောက်ဆုံးသွားခဲ့တဲ့ ဘားရဲ့ ၃၀၀ km မှာ မိသားစု တစ်စု Pick nick ထွက်ရာက ခလေးများ တောစပ်တွင် အ၀တ်ဖြင့် ထုတ်ထား သော ပုပ်ပွနေသည့် မိန်းမ အလောင်း တစ်လောင်း တွေ့ ခဲ့ကြပါတယ်။

          ပုပ်ပွနေသည့် အလောင်းဖြစ်တာမို့ အလောင်းမှာထင်ကျန်နေတတ်တဲ့လက်ဗွေရာများ၊ DNA များလည်း ပျက်စီးကုန်ပါပြီ။ အလောင်းရဲ့ခေါင်းတစ်ခြမ်းမှာတော့ ပစ္စည်း တုံးတုံးတစ်ခုနဲ့ ပြင်းပြင်းထန်ထန် အရိုက်ခံထားရတဲ့ ဒါဏ်ရာရှိနေပါတယ်။ အလောင်းဟာ Dudy ကဲ့သို့ ၁.၅ မီတာရှည်ပြီး၊ နီညိုရောင်ဆံပင် အတို ရှိပါတယ်။

          ယခုအမှုမှာ၊ ဘာလက်နက်၊ဘာမျက်မြင်သက်သေ၊ လက်ဗွေရာ၊ DNA စတဲ့ သိပ္ပံ ဆိုင်ရာ သက်သေများလည်းမရှိပါဘူး။ အလောင်းကို အ၀တ်ဖြူနဲ့ထုပ်ထားပါတယ်။ အဲ့ဒီ အ၀တ်ဖြူက အိပ်ရာခင်း နဲ့တူပါတယ်။ အိပ်ရာခင်းတောင် ရိုးရိုး မဟုတ်ပါဘူး။ ဟိုတယ် တွေ မှာသုံးလေ့ရှိတဲ့ အနီ၊ အပြာ၊ အ၀ါ စတဲ့ အစင်းတွေပါတဲ့အိပ်ရာခင်းမျိုးပါ။ အိပ်ရာခင်း ချုပ်လုပ် ရာဌာနကိုသွားရောက်စုံစမ်းတဲ့အခါ ဟိုတယ်များ ဟာ သူတို့ရဲ့အိပ်ရာခင်းများကို အစင်းရဲ့ အရောင်များနဲ့သတ်မှတ်ထားတာကိုတွေ့ရပါတယ်။ အခုတွေ့ရတဲ့ အ၀ါရောင်အစင်း ရှိတဲ့ အိပ်ရာခင်းဟာ မြို့လည်က ဟော်တယ်တစ်ခုတည်းက သုံးတဲ့အိပ်ရာခင်းဖြစ်နေပါ တယ်။ ဒါပေမဲ့ ဟော်တယ်က ဘယ်သူကမှ Dudy ကိုသတိမထားမိကြပါဘူး။

အိပ်ရာခင်းကိုထပ်မံစစ်ဆေးတဲ့အခါ အနီရောင်ချည် တစ်ချို့ငြိနေတာ တွေ့ပါတယ်။ ဒီချည်တွေဟာ polyester လို့ခေါ်တဲ့ ချည်များဖြစ်ပါတယ်။ ကော်ဇောများရက်လုပ်ရာမှာ အသုံးပြုပါတယ်။ စုံထောက်များ သတိထားမိတာက Karl Brown ရဲ့အိမ်ကိုသွားရောက် စစ် ဆေးစဉ်က Karl Brown ရဲ့အိမ်ရှေ့ အမှိုက်ပုံမှာ ကော်ဇောအနီရောင်ပစ်ထားတာကို တွေ့ခဲ့ ပါတယ်။ ဒါကြောင့် Karl Brown ဆီကိုထပ်မံသွား ရောက်ခဲ့ ပါတယ်။ ပစ်ထားတဲ့ ကော်ဇော အနီရောင် မရှိတော့ပါ။ Karl Brown ရဲ့အိမ်မှာကော်ဇော လိမ်မော်ရောင် ခင်းထားပါတယ်။ Karl Brown ကိုမေးမြန်းတဲ့အခါမှာ အရင်ကော်ဇောကဟောင်းနွမ်းစုပ်ပြတ်နေလို့ အသစ် လဲလိုက် ကြောင်းပြောပါတယ်။ ဘယ်တုန်းကလဲခဲ့ သလဲလို့မေးတဲ့အခါ Dudy ထွက်မသွားခင်က Dudy မကြိုက်လို့ လဲခဲ့တယ်လို့အစစ်ခံပါတယ်။ Karl Brown ရဲ့အိမ်မှာ ကော်ဇောအသစ်ပြောင်းသွားတာက လွဲရင်၊ ဘာသွေးစွန်းတာ၊ ခိုက်ရန်ဖြစ်ထားတဲ့ လက္ခဏာများမရှိတဲ့အတွက် စုံထောက် များအနေနဲ့ Karl Brown ရဲ့အိမ်ကိုရှာဖွေခွင့် ၀ါရမ်းမရခဲ့ပါဘူး။ ဒါပေမဲ့ ဒီအမှုကို ကိုင်တဲ့ စုံထောက်က Karl Brown ကို မသင်္ကာပါဘူး။ ဒါကြောင့် ပတ်တရောင်းလှည့်တဲ့ ပုလိပ်များကို Karl Brown ရဲ့အိမ်ရှေ့ကိုအနည်းဆုံး တစ်လတစ်ခါ လောက်ဖြတ်ကြည့်ရန် မှာထားခဲ့ ပါ တယ်။ စောင့်ရကျိုးနပ်ပါပြီး။ ၆လ အကြာမှာ Karl Brown ရဲ့အိမ်ကို ရောင်းမဲ့စာတမ်း ကပ်ထား တာ တွေ့ရပါတယ်။ ရောင်းမဲ့အိမ်ဖြစ်တဲ့အတွက် ရှာဖွေ       ၀ါရမ်းမလိုပဲ ရှာနိုင်ပါတယ်။

စုံထောက်များအိမ်ကိုအသေးစိတ်ရှာဖွေတဲ့အခါမှာ လိမ်မော်ရောင် ကော်ဇော အောက် ကသံချောင်းမှာ ငြိကျန်နေတဲ့ အနီရောင်ကော်ဇောဟောင်းမှချည်စ အနည်းငယ်တွေ့ပါတယ်။ အဲ့ဒီချည်စတွေကို ယူပြီး polyester ကျွမ်းကျင်သူထံပို့လိုက်ပါတယ်။ polyester  ချည်မျှင် တိုင်းမှာ တိကျတဲ့ (Characteristic melting point) အရည်ပျော်မှတ်ရှိပါတယ်။ အရည်ပျော် မှတ်တူရင် ချည်တစ်မျိုးထဲလို့ ပြောနိုင်ပါတယ်။ တစ်နည်းအားဖြင့် လူတစ်ယောက်ထဲရဲ့ DNA လိုပါပဲ။ ထင်တဲ့အတိုင်း Karl Brown ရဲ့အိမ်က အနီရောင် polyester ချည်မျှင်နဲ့ Dudy အလောင်းကိုထုပ်ထားတဲ့ အိပ်ရာခင်းမှာ ကပ်နေတဲ့ အနီရောင် polyester ချည်မျှင်တို့ ဟာ တစ်မျိုးထဲပါ။

နောက်စုံစမ်းရရှိတာက Karl Brown ဟာ Dudy အလောင်းကိုထုပ်ထားတဲ့ အိပ်ရာခင်း သုံးတဲ့ ဟော်တယ်မှာအလုပ်လုပ်ပါတယ်။ Karl Brown အနေနဲ့ အိပ်ရာခင်းကို ဟော်တယ် က ခိုးယူခဲ့တယ်လို့ ယူဆပါတယ်။ ဒီအမှုမှာ မထင်မှတ်တဲ့ အသေးအမွှား အပေါ်စားကော်ဇောက ချည်မျှင်လေးက လူသတ်တရားခံကိုဖေါ်ထုတ်ခဲ့တာဖြစ်ပါတယ်။ Karl Brown ဟာ Dudy သူ့ကိုထားခဲ့တာ ကို လက်မခံ နိုင် လို့ Dudy အိမ်ပြန်ပြီး ပစ္စည်းတွေသိမ်းတဲ့အချိန်မှာ နောက်က  ရိုက်သတ်ခဲ့ပြီးနောက် အလောင်းကို သွားပစ်ထားခဲ့တယ်လို့ စုံထောက်များကယူဆပါတယ်။

NT1  မှ ၂၀၁၂ ခုနှစ် ဂျွန်လ ၁၆ ရက် မှာတင်ဆက်ခဲ့တဲ့ impossibles  investigation series မှ ဇတ်လမ်းအားသင့်လျော်အောင် ဘာသာပြန်ပါတယ်။