ကြောက်စိတ်

Mg Mg Myo Naing added 2 new photos.

ကြောက်စိတ်
========

ကြိမ်လုံးအကြောင်းစဉ်းစားမိတိုင်းအထက်တန်းကျောင်းသားဘ၀တုန်းက ကြုံခဲ့ရတာလေး တစ်ခုကို အမြဲသတိရနေမိပါတယ်။ မြန်မာစာ အချိန်မှာ ပင်ရင်း စကားပြေလက်ရွေးစင်ထဲက မင်းတုန်းမင်းနှင့် ငါးခြောက်ပြား ဆောင်းပါးကို သင်ပြီးစပေါ့။

မင်းတုန်းမင်းငယ်ရွယ်စဉ် မောင်လွင်ဘ၀က စံကျောင်း ဆရာတော် ဆီမှာပညာသင်ကြားခဲ့ရတယ်။တစ်နေ့မှာ အင်းသားကြီးငကြူးက ငါးခြောက်ပြားကြီး တစ်ပြားလာပြီး လှူတယ်။ ဆရာတော်က ငါးခြောက်ကို သိပ်ကြိုက်ပါသတဲ့။ ကျောင်းမှာကလည်း ငါးခြောက်ပြတ်လပ်နေချိန်ဖြစ်တော့ ဆရာတော်က မောင်လွင်ကို ကျက်သရေခန်းထဲမှာသေသေချာချာ သိမ်းခိုင်းလိုက်ပါတယ်။ နောက်တစ်နေ့ ဆရာတော် ဆွမ်းဘုဉ်းပေး တဲ့အခါ မောင်လွင်ကို ငါးခြောက် ဖုတ်ခိုင်း တော့ ငါးခြောက်က ရှာမတွေ့တော့ဘူး။ ဆရာတော်ကတော့ လက်ဆေးပြီးနှမ်းဆီမွှေးမွှေးနဲ့ ရောက်လာမယ့် ငါးခြောက်ဖုတ်ကို စောင့်နေတာပေါ့.။ မောင်လွင်မှာ ဘယ်လိုမှ ရှာဖွေ မေးမြန်းစုံစမ်းလို့မရဘဲ ဗျာများနေခိုက် ဟဲ့...... ငလွင်မရသေးဘူးလား လို့မေးလိုက်တော့ ညှိုးညှိုးငယ်ငယ်နဲ့ပဲ ငါးခြောက်ပြားကြီး ပျောက်ဆုံးသွားတဲ့အကြောင်း တင်လျှောက် ရတော့တယ်။ ငလွင်......
လာခဲ့ လို့ ထားဝယ်ကြိမ်ကို ဆွဲပြီး ခေါ်လိုက်တဲ့ ဆရာတော်အသံက ကျောင်းသား အားလုံးရဲ့ နှလုံးသားကို ကန့်လန့်ဖြတ်ဝင်သွားပါသတဲ့။

ဟဲ့...ငလွင် နင်ဟာ ဘုရင့်သား၊ အကြောင်း ညီညွတ်ရင် နိုင်ငံကို အုပ်ချုပ်မင်းလုပ်ရမယ့်သူ။ ဒီလိုလူက ငါးခြောက်ပြား တစ်ချပ်ကိုတောင် လုံခြုံအောင် မစောင့်ရှောက်နိုင်ရင် နိုင်ငံကို နင်ဘယ်လို လုံခြုံအောင်လုပ်နိုင်တော့မှာလဲ လို့မိန့်ပြီး အချက်ပေါင်း များစွာ ရိုက်နှက်ဆုံးမပါသတဲ့။
ဒီဆောင်းပါးကို သင်ပြီးတော့ ဆရာက သင်ရိုးထဲက မေးခွန်းတွေကို ဖြေခိုင်းပါတယ်။ မေးခွန်း တစ်ခုက စံကျောင်း ဆရာတော်၏ ဆုံးမမှုကို သင်လက်ခံပါသလား လို့ အဓိပ္ပါယ်မျိုးပေါက်တဲ့ မေးခွန်းပါ။ နောက်တစ်နေ့ မြန်မာစာအချိန်ရောက်တော့ ဆရာဟာ အတန်းထဲကို ခြေသံပြင်းပြင်းနဲ့ဝင်လာပါတယ်. အဖြေလွှာ တွေကို စားပွဲပေါ် ဘုန်းခနဲမြည်အောင် ပစ်ချလိုက်ပါတယ်။

ဆရာ့မျက်နှာက နီပြီးတင်းလို့။ တစ်တန်းလုံးကို ဝေ့၀ဲပြီးကြည့်တယ်။ တစ်တန်းလုံး ကလည်း ငြိမ်လို့။ ဆရာ ဘာဖြစ် လာတာပါလိမ့်လို့ တွေးနေကြပုံပဲ။ ဆရာက ကျောင်းသားတစ်ယောက်ရဲ့နာမည်ကို ခေါ်ပြီး အတန်းရှေ့ ထွက်ခိုင်းပါတယ်။ နောက်ဆုံးခုံက ကျောင်းသားတစ်ယောက်ထွက်လာပါတယ်။ ဆရာက အဖြေလွှာတစ်ရွက်ကို ဆွဲထုတ်ပြီး အဲဒီကျောင်းသားကို ပေးလိုက်တယ်။ "ဒါ မင်းအဖြေလား"။ "ဟုတ်ပါတယ် ဆရာ"၊ "အေး တစ်တန်းလုံး ကြားအောင် ဖတ်စမ်း" နည်းနည်း အံ့သြနေပုံနှင့် ကျောင်းသားက သူ့အဖြေကို ဖတ်ပါတယ်။ မှတ်မိသလောက်ဆိုရင် စံကျောင်းဆရာတော်ရဲ့ ဆုံးမပုံကို မကြိုက်ကြောင်း။ ဆရာတော်ရဲ့ အဲဒီအချိန်က စိတ်ခံစားမှုဟာ တပည့်ကို လမ်းညွှန်ချင်စိတ်ထက် မိမိအလွန်တရာ ကြိုက်နှစ်သက်တဲ့ ငါးခြောက်ဖုတ်ကို ဘုန်းမပေးရတဲ့အတွက် ဖြစ်ပေါ်လာတဲ့ ဒေါသစိတ်ကပိုပြီး ကြီးမားနေနိုင်ကြောင်း၊ ပြီးတော့ ဒီကိစ္စဟာ ဒီလောက် ရိုက်နှက် အပြစ်ပေးစရာမလိုကြောင်း၊ နားဝင်အောင်ဆုံးမလျှင် ရပါလျှက်နှင့် သေရာပါ အမာရွတ်ထင်အောင် ရိုက်နှက်ခြင်းဟာ ဒေါသစိတ်ကြောင့် ဟု သံသယဖြစ်စရာရှိကြောင်း။ ဘုရားသားတော် တို့မည်သည်.....

ရသတဏှာဖြစ် ဆွမ်းဘုဉ်း မပေးသင့်သည်ကို သတိရသင့်ကြောင်း၊ ဆရာကိုယ်တိုင်က ဤ၀ိနည်းကို မထိန်းသိမ်းနိုင်ပါဘဲ တပည့်ကို ဆုံးမခြင်းမှာ စဉ်းစားဖွယ်ဖြစ်ကြောင်း၊ အသားနာမှ အရိုးစွဲမှတ်မည်လို့ထင်ပြီး ပြင်းပြင်းထန်ထန် အပြစ်ပေးဆုံးမခဲ့ပေမယ့် မင်းတုန်းမင်း လက်ထက်မှာ အောက်မြန်မာနိုင်ငံ တစ်ခုလုံးကို အင်္ဂလိပ် လက် ထိုးပေးလိုက်ရတဲ့အတွက် ဒီဆုံးမနည်းဟာ မအောင်မြင် နိုင်ကြောင်း၊ အဲဒီလိုတွေ ဖြေထားတာဗျ။

တစ်တန်းလုံးက တခိခိနဲ့ရယ်ကြတယ်၊ သူတစ်ကြောင်းဖတ်လိုက်၊ ခိခနဲ ကျိတ်ရယ်လိုက်ကြနဲ့။ ဆရာကတော့ ကျောင်းသားတွေရယ်လေ ဒေါသထွက်နေလေပါပဲ။ ကျောင်းသား ဖတ်သွားပြီးတော့ ဆရာက သူ့ကိုမေးတယ်။ "မင်း ငါ့ကို နောက်တာလား" "ဟာ.......မဟုတ်ပါဘူး ဆရာ၊ ကျွန်တော် မေးခွန်းကို ဖြေတာပါ" ကဲအားလုံး သူဖြေတာကို လက်ခံကြသလား၊ တစ်ယောက်စီ မေးမယ်၊ ကဲ....မင်းကစ၊ သူဖြေတာ မှန်သလား၊
မှားသလား။

ပထမဆုံး အမေးခံလိုက်ရတဲ့ ရှေ့ဆုံးခုံက ကျောင်းသားဟာ ရုတ်တရက် ဘာဖြေရမှန်း သိပုံမရဘူး။ အဖြေရှင်ကျောင်းသားကို ကြည့်လိုက် ၊ ဆရာ့ကို ကြည့်လိုက် ဘေးဘီကို ကြည့်လိုက်နဲ့။ ကျွန်တော့် စိတ်ထဲမှာတော့ အဲဒီကျောင်းသားရဲ့ အဖြေကိုကြိုက်နေတယ်။ ကျွန်တော်လည်း သူ့လိုခံစားမိတာပဲ။ ဒါပေမယ့် သူ့လို မဖြေတတ်ဘူး။ သူ့လို ထောင့်စေအောင် မမြင်တတ်ဘူး။ ပြီးတော့ သူ့လို မဖြေရဲဘူး။ တစ်တန်းလုံး လိုလိုလည်း ကျွန်တော့်လိုဘဲထင်တယ်။ သူတို့ မျက်နှာတွေကို ကြည့်ရင်သိသာပါတယ်။
ဟေ့ကောင်.......ဖြေလေကွာ ရှေ့ဆုံးက ကျောင်းသားခမျာ တုန်သွားပါတယ်။ အဖြေရှင်ကျောင်းသားကို တစ်ချက်ခိုးကြည့်ပြီး ခေါင်းငုံ့ချ လိုက်တယ်။

တကယ်တော့ ဆရာကမှန်သလား၊ မှားသလားဆိုတဲ့ မေးခွန်းနှစ်ခုကို မေးနေတယ် ဆိုပေမယ့် အမူအရာ၊ လေသံ၊ ဖန်တီးထားတဲ့ ၀န်းကျင် အငွေ့အသက်တွေက မှားတယ်လို့ ဖြေစမ်း၊ မဖြေရင် ကြိမ်လုံး လို့ပြောပြီးသား ဖြစ်နေပါပြီ။ ဆရာက ကျောင်းသားတွေကို လိမ်နေသလို သူတရားပါတယ် ဖြစ်အောင် သူကိုယ်တိုင်လည်း ပြန်လိမ်နေတာပါ။ ဒါကို အဲဒီကျောင်းသားလည်း သဘောပေါက်ဟန်တူပါရဲ့။ သူဖြေတာ မှားပါတယ် ဟုတ်ပြီ၊ နောက်တစ်ယောက် မှန်....အဲ...မှားပါတယ် နောက်တစ်ယောက် မှားပါတယ်
တစ်ယောက်ပြီးတစ်ယောက် မေးလာလိုက်တာ ကျွန်တော့်အလှည့်ရောက်လာပါတယ်။ ကျွန်တော်ထရပ်လိုက်ပါတယ်။ အသက် တစ်ချက် ပြင်းပြင်း ရှူလိုက်တယ်။ မှားပါတယ်၊ အဖြေရှင်ကျောင်းသားကို မကြည့်ရဲပါဘူး။ ခေါင်းငုံ့ပြီး ခုံပေါ်က စာအုပ်ကိုပဲ စိုက်ကြည့် နေမိတယ်။ ထူးခြားတာက ကျောင်းသားအားလုံးလည်း ဒီလိုပါပဲ။
လူကုန်သွားတော့ ဆရာက အဲဒီကျောင်းသားကို နောက်ပြောင်မှုနဲ့ အတန်းထဲမှာ ရိုက်ပါတယ်။ ကြိမ်လုံးသံ တစ်ချက်ကြားရတိုင်း ကျွန်တော့် ခန္ဓာကိုယ် တစ်နေရာမှာ နာနာသွားသလိုပဲ။ ကျွန်တော်ကိုယ်တိုင် အရိုက်ခံနေရသလိုပဲ။ တစ်တန်းလုံးလည်း ကျွန်တော့လိုဘဲ ခံစားနေရမှာကပါ။ အဲဒီကျောင်းသားဟာ ကျောင်းပြောင်းသွားပါတယ်။ ကိုယ့်ထင်မြင်ချက်ကို ပွင့်ပွင့်လင်းလင်း ပြောရဲတဲ့ သူငယ်ချင်းတစ်ယောက်ကိုကျွန်တော်တို့ ဆုံးရှုံးလိုက်ပါတယ်။ ဆရာမှာ ဒီလိုတပည့်မျိုး ဆုံးရှုံးလိုက်ပါတယ်။

ကျောင်းမှာ အဲဒီလို ကျောင်းသားမျိုး ဆုံးရှုံးလိုက်ပါတယ်။ အဲဒီက ဆန့်တွေးလိုက်ရင်တော့ နိုင်ငံပေါ့ခင်ဗျာ။ ဒါဆုံးရှုံးမှုပါ။ ဘာဖြစ်လို့ ကျွန်တော်ဟာ ခံစားမှုချင်း တူပါလျှက်နဲ့ သူ့လို မဖြေရဲခဲ့တာလဲ။ ဖြေရဲသူ ရှိလာတာတောင် ကျွန်တော်က ဘာဖြစ်လို့ သူမှန်တယ်လို့ မပြောရဲခဲ့တာလဲ။ အာရုံထဲမှာတော့ ငယ်စဉ်ကတည်းက ကြုံကြိုက် ဆုံစည်းခဲ့ရတဲ့ ကြိမ်လုံးတွေ၊ ကြိမ်လုံးတွေ၊ ကြိမ်လုံးတွေ.........။ ခက်ထန်တဲ့ အမူအရာတွေ။ ။

အဲဒီလို ကျွန်တော်တို့ရဲ့သွေးထဲမှာ အကြောက်မျိုးစေ့တွေ ပွားများလာပြီး အရွယ်ရလာတာနဲ့အမျှ ကြောက်သီးတွေ တတွဲတွဲ၊ ကြောက်ပွင့်တွေ တဝေေ၀နဲ့။ လုပ်ငန်းခွင်ထဲမှာ ပြုပြင် ပြောင်းလဲဘို့ လိုအပ်တဲ့ ပြသနာတွေ၊ အခက်အခဲတွေ ရှိရင်လည်း ကျွန်တော်ဘာမှ မပြောရဲဘူး။ အပြုဘက်က မြင်ပြီးပြောင်းလဲပစ်လိုက်ရင် အကျိုးရှိမယ်ဆိုတာ သေသေချာချာကြီး သိမြင်နေပါလျှက်ကနဲ့ အထက် လူကြီးမကြိုက်မှာစိုးလို့ ကျွန်တော်ဘာမှ အကြံမပြုရဲဘူး။ ကျွန်တော့ဆီက အကြံ၊ အတွေး၊ အမြင်၊ သဘောထားတွေကိုလည်း ဘယ်သူကမှ မတောင်းကြဘူးလေ။

သင်ခဲ့ရတဲ့ ပညာတွေ စာအုပ်ထဲ ပြန်သွားလည်း သွားပေရော့ပေါ့။ ဟောဒီ ပရောဂျက်ဟာ ဘယ်နေရာမှာ မှားနေတယ်လို့ ကျွန်တော် မြင်ပေမယ့် ဒါဟာ ပြောရမယ့် ကိစ္စလို့ ကျွန်တော် မထင်တော့ဘူး၊ တဖြည်းဖြည်းနဲ့ အဲဒါ ကျွန်တော်မှန်တယ်လို့ ထင်လာတယ်။ ကျွန်တော့အထက် အဆင့်ဆင့်၊ အောက်အဆင့်ဆင့်က လူတွေအာလုံးက ဒါကို မှန်တယ် ထင်လာကြရင်ဖြင့်......ဌာန မနာဘူးလား တိုင်းပြည်မနာဘူးလား၊ ပညာရပ်အမြင်နဲ့ ကြည့်ရင် တစ်ကမ္ဘလုံးနဲ့ လူသားအားလုံး နာပါတယ်။ ဒါပေမယ့်....... ကျွန်တော်
အိမ်ပြန်ရောက်တော့ အကြီးကောင်ရဲ့ ငိုသံပြဲကြီးကို ကြားရပါတယ်။

သူ့အမေ လက်ထဲမှာ တုတ်တစ်ချောင်းနဲ့.......
"ဘယ်လိုဖြစ်နေကြတာလဲကွာ" "ဘယ်လိုဖြစ်ရမလဲ၊ တော့်သားက အိမ်စာပြီးအောင် မလုပ်ဘဲ ကမြင်းတာလေ၊ ပန်းကန်တစ်လုံး ကွဲပြီ" "ဘာဖြစ်လဲကွ၊ ကလေးဆိုတာ ဒီအရွယ်မှာ.................................."
"တော်...... စာအုပ်ထဲက ဟာတွေလာပြောမနေနဲ့၊ ပန်းကန်တစ်လုံး ဘယ်လောက် အောက်မေ့လို့လဲ၊ ရှင့် ၀င်ငွေက ဘယ်လောက်..............................."
ရွယ်ထားတဲ့ တုတ်အောက်ကနေပြီး သားကြီးက အကြောက် မျက်လုံးများနဲ့ ကျွန်တော့်ကို အားကိုးတကြီး ကြည့်နေရှာပါတယ်။ ဒါပေမယ့် ဖေဖေ့မျက်လုံး တွေကလည်း သားရဲ့ မျက်လုံးတွေလိုဘဲ ဖြစ်နေတာ ကြာပါပြီကောလား သားရယ်.......။

(မောင်သစ်ဆင်း)

“အရေအတွက် အခေါက်ရေနှင့် ပုတီးစိပ်သူများ”

Pay Thoe feeling great with Daw Rupa Singi and 48 others at Москва Улица Фестивальная

“အရေအတွက် အခေါက်ရေနှင့် ပုတီးစိပ်သူများ”
★★★★★★★★★★★★★★★★★★★★★

အသံဖိုင်နာယူ၍ရေးသားပူဇော်ရသောကြောင့် စာလုံးပေါင်းမှားပါက ခွင့်လွတ်ကြပါရန်
_/\_ _/\_ _/\_ (3:34 AM)

မြတ်စွာဘုရားရဲ့ဂုဏ်တော်တွေကို သတိရဖို့ ဒီနေ့ခေတ်တော့
ဂုဏ်တော်ပွားတယ်ဆိုတဲ့အခါမှာ ပုတီးစိပ်ပြီးတော့ ဂုဏ်တော်ပွားကြတာလည်း
ရှိတယ်ပေါ့။ပုတီးစိပ်တဲ့အခါမှာ ဘုရားရဲ့ဂုဏ်တော်ကို စိတ်ကရောက်ရာ အင်မတန်မှ အရေးကြီးတယ်ပေါ့။အဲ့ဒီလိုမှ မဟုတ်ပဲ ပုတီးလုံးနဲ့
ပုတီးအရေအတွက်ဘက်ကို စိတ်ရောက်နေတယ်ဆိုရင် ဂုဏ်တော်နဲ့ဝေးကွာနေကြသေးတယ်ပေါ့။ဂဏန်းဘက် စိတ်ရောက်နေတာ။
အရေအတွက်ပဲ။ကိုယ်ကိုယ်တိုင်တော့ မမြင်ဖူးဘူး ကြားပဲကြားဖူးတာ။မန္တလေး
ဘုရားကြီးထဲမှာ ၈၄၀၀၀ ပုတီးစိပ်တဲ့သူတွေရှိတယ်လို့ ပြောတယ်။
အဲ့ဒီတိုင်း ပုတီးစိပ်ရင် သတိထားပေါ့။သူက ပုတီးကို လက်ညှိုးပတ်ပြီးတော့ ရမ်းနေတာလို့ပြောတယ်။ပုတီးကို လက်ညှိုးပတ်ပြီး ရမ်းလိုက်တာ
အနားနားက လူတွေ မှန်လိုက်ရင်တော့ မသက်သာဘူး။

ပုတီးကိုလက်ညှိုးပတ်ပြီးတော့ ရမ်းနေတာဆိုရင် ၈၄၀၀၀ က ခဏရသွားမှာပဲ။အဲ့လိုစိပ်တဲ့သူလည်း ရှိတယ်လို့ပြောတယ်။
တစ်ချို့လည်း ဗျင်းဗျင်းနဲ့ ဆွဲချပြီးတော့ စိပ်တဲ့သူလည်းရှိတယ်။ကိန်းဂဏန်းကိုပဲ ရှေ့တန်းတင်ပြီးတော့ ပုတီးစိပ်ကြတယ်ပေါ့။
အဲ့ဒီပုတီးစိပ်တာကိုပဲ သမထ အလုပ်ဆိုပြီးတော့ လုပ်ကြတဲ့ပုဂ္ဂိုလ် တွေလည်းရှိတာပဲ။ဘာပဲဖြစ်ဖြစ် လုပ်တယ်ဆိုလို့ရှိရင်
မှန်မှန်ကန်ကန်လုပ်ဖို့တော့ လိုအပ်တာပေါ့။မမှန် မကန်လုပ်ရပ်တွေဟာ ကောင်းကျိုးချမ်းသာပေးတော့လည်း မှန်မှန်ကန်ကန် ကောင်ကျိုးတွေ
ရမှာမဟုတ်ဘူး။ဘယ်ဟာပဲဖြစ်ဖြစ် နည်းလမ်းကျကျ စနစ်တကျ systematically လို့ခေါ်တယ်။သဘာဝကျကျ လုပ်တတ်ဖို့ လိုအပ်တယ်ပေါ့။

အဲ့ဒီလို သဘာဝမကျတဲ့ ပုတီးအပတ်ရေ ကြည့်ပြီးတော့ ဗုဒ္ဓံနုဿတိ
လုပ်လို့ကတော့ သိပ်ပြီးတော့အကျိုးတရားတွေ လုံလောက်အောင်ရမှာ မဟုတ်ဘူး။
ဒါတွေက အရေအတွက်ဂဏန်းတွေပေါ်မှာ မူတည်ပြီး လာလို့။တစ်ချို့ကျတော့ ပုတီးတောင်မကိုင်တော့ဘူး Tally ဂဏန်းပေါင်းစက်ကလေးနဲ့။
ဂဏန်းစက်ကလေးနဲ့ ဆွဲပြီးတော့ လုပ်နေတာ။ဘယ်နှစ်ပတ်ရပြီ ဘယ်နှစ်ခုရပြီနဲ့ ဂဏန်းပဲ အာရုံပြုပြီးတော့ စိပ်နေတာ။ဘယ်နှစ်ခါ ရရဘာမှ လုပ်စရာ
မလိုဘူး။တစ်ထောင်ရမှ နှစ်ထောင်ရမှ သုံးထောင်ရမှ မှတ်စရာမှမလိုတာ။ဘုရားကို အာရုံပြုတယ်ဆိုတာ အာရုံပြုနေရင်ပြီးတာပဲ။

ဘုရားကို အာရုံမရောက်ဘဲနဲ့ ဘယ်အာရုံရောက်နေလဲဆိုတော့ အရေအတွက် ဘယ်နှစ်ပတ်ရှိသွားပြီလဲ? ဥပမာ တစ်နေ့ကို ဂုဏ်တော်ပုတီး
၅၀၀၀ ပြည့်အောင် စိပ်မယ်ဆိုပြီး အခု ဘယ်နှစ်ပတ်ရှိသွားပြီလဲ ဒါပဲကြည့်နေတာ။
ပြည့်သွားရင် ကိစ္စအေးသွားမယ်လို့ သူကဒီလိုထင်တာ။
အဓိက ကတော့ ကိုယ့်ရဲ့စိတ်ဟာ ဘုရားဂုဏ်တော်ပေါ်မှာ သတိတရားဟာ
စွဲစွဲ မြဲမြဲရှိနေဖို့ဟာ ပိုအရေးကြီးတယ်။
ဆိုလိုတာက ဘာလုပ်လုပ် မှန်ကန်ဖို့လိုတယ်လို့ ဆိုတာ။

ပြောတာကြားဖူးတယ် စစ်ကိုင်းတောင်ရိုးမှာ ထွဋ်ခေါင်ချောင်ဆိုတာ
ထွဋ်ခေါင်ဆရာတော်ကြီး မင်းတုန်းမင်းကြီးလက်ထက်က နာမည်ကြီးတဲ့
ထွဋ်ခေါင်ဆရာတော်ကြီး။ထွဋ်ခေါင်ချောင်ကနေ ကောင်းမှုတော်စေတီတော်ကို
သွားဖူးတဲ့အခါမှာ ဆရာတော်ကြီးနောက်က တပည့်တွေ
ယောဂီတွေ သီလရှင်တွေ သံဃာတွေ ပါမှာပေါ့ သွားတဲ့အခါ။အဲ့ဒီလို သွားတဲ့အခါ ဆရာတော်ကြီးက မေးတဲ့အခါ တပည့်တော်က ပုတီး ဘယ်နှစ်ပတ်
ရတယ်ဘုရား။တစ်ချို့ကလည်း တပည့်တော် ဂုဏ်တော်ပုတီး ၁၀၀၀ ရတယ်
၂၀၀၀ ရတယ် ၁၀၀၀၀ ရတယ်နဲ့လျှောက်ကြတာ။
ထွဋ်ခေါင်ဆရာတော်ကြီးက “အေးဗျာ ခင်များတို့တော့ တော်လိုက်ကြတာ။ကျုပ်ဖြင့် တစ်လုံးကိုတောင် မနည်းရအောင် စိပ်ရတယ်” လို့ပြောတယ်။

ဟုတ်တယ်လေ တကယ့်ဘုရားဂုဏ်တော်ကို စိတ်ရောက်မှ အဲ့ဒီလိုမှ မဟုတ်ရင်
“နင်ပြီး နင်ဆင်းပဲ သွားမှာပဲလေ”။
ပုတီးလုံးလေးတွေ ဆွဲဆွဲပြီးတော့ ချနေတာ။နင်ပြီး နင်ဆင်း၊“ နင်” ပြီး “ နင်” ဆင်းပဲ။နောက်ဆုံးမှာ ကိုယ်ပါ ဆင်းရမယ့် ပုံစံမျိုးဖြစ်လာမယ်။
အဲ့ဒီလို အရေအတွက်ဘက် လိုက်လာတဲ့ သဘောတွေဟာ မှန်ကန်တဲ့ဟာမဟုတ်ဘူး။ဘုရားဂုဏ်ကို အာရုံပြုနိုင်ဖို့က အရေးကြီးတယ်။

နောက်ပိုင်းကျတော့ ဘယ်လိုဖြစ်လာလဲဆိုတော့ ဘုန်းကြီးတို့ နိပေါ
ရောက်တဲ့အခါ သွားသတိထားမိတယ်။အဲ့ဒီမှာ ဘီးလုံးကြီးတွေ
လုပ်ထားတာ ရှိတယ်။ သူတို့မှာလည်း မန္တာန်ရွတ်တာတွေ မန္တာန်ကို
ဘယ်နှစ်ခေါက် ရွတ်ရမယ်ဆိုတာတွေ ရှိတယ်။
မန္တာန်ကို ဘယ်နှခေါက်ရွတ်ဆိုပြီးတော့ ။ အဲ့ဒီကနေ ကူးဆက်လာတာ။
မန္တရ တန္တရ ဂိုဏ်းတွေရဲ့အယူအဆတွေက ဒီထဲမှာ ဝင်ရောလာတာ။
ဒါကြောင့် ဂုဏ်တော်စိပ်ရင် ပုတီးဘယ်နှစ်ပတ်ပြည့်အောင် စိပ်ရမယ်လို့ဆိုတဲ့
အယူအဆတွေ ဝင်လာတာ။မန္တာန်နဲ့ဆက်စပ်ပြီးတော့ ဝင်လာတဲ့သဘောတွေပေါ့။
ဂုဏ်တော်ကို အာရုံရောက်အောင် လုပ်နိုင်ရင်တော့ အကျိုးမရှိဘူးလို့ မဆိုလိုပါဘူး။
သို့သော် စနစ်တကျ သတိတရားဟာ ကိုယ့်သန္တာန်မှာ
တန်ဖိုးရှိတဲ့ မြတ်စွာဘုရား ဂုဏ်ပေါ်မှာ လွမ်းခြုံထားတဲ့ သတိရှိဖို့ လိုအပ်တယ်။
ဂဏန်းပေါ်မှာ အာရုံရောက်နေရင်တော့ ဂုဏ်ပေါ်ရောက်တာ မဟုတ်ဘူး။

အဲ့ဒီတော့ နိပေါသွားတော့ သူတို့က ဘယ်နှစ်ခေါက်ဆိုတာ ရွတ်ရမယ်ဆိုတဲ့
တန္တရ မန္တရ တွေရဲ့ အယူအဆအရ ဘီးလုံးကြီးမှာဘာတွေ
ရေးထားလဲ ဆိုတော့ “ ဥုံ မဏိ ပဒ္မေ ဟုံ”ဆိုတဲ့ မန္တာန်ကိုရေးထားတယ်။အဲ့ဒီ မန္တာန်ကြီးကိုရေးထားတာ ပါးစပ်က မရွတ်တတ်တဲ့
ပုဂ္ဂိုလ်တွေတို့ မရွတ်နိုင်တဲ့ ပုဂ္ဂိုလ်တွေတို့ အဲ့ဒီဘီးလုံးကြီးကို သွားလှည့်နေကြတယ်။တစ်ပတ်ပြည့်ရင် တစ်ခေါက်ပေါ့ နှစ်ပတ်ပြည့်ရင်
နှစ်ခေါက်ပေါ့။ဘီးလုံးဆိုတာ လှည့်ရင်လည်တာပဲပေါ့။အဲ့ဒါကို ကုသိုလ်ရတယ်ထင်ပြီး လှည့်နေကြတာပဲ။ အဲ့ဒီမှာ ဘုရားဖူးတွေ တွေ့ခဲ့တာ။
ရမ်းသန်းမှန်းသန်း ယောင်တောင်ပေါင်တောင်လုပ်ပြီးတော့ မြန်မာပြည်ကတောင်
“ဥုံ မဏိ ပဒ္မေ ဟုံ” တွေ လုပ်နေသေးတယ်။
တန်ခိုးရှိတယ်ထင်ပြီးတော့ လျှောက်လုပ်ကြတာ။

အဓိပ္ပာယ်ကို နားလည်ဖို့လိုတယ်ပေါ့။ ဥုံ-ဆိုတဲ့ စကားလုံးသည်ပင်လျှင် ဘာအဓိပ္ပာယ်ဆောင်တာလဲလို့ စဉ်းစားဖို့ လိုအပ်တယ်ပေါ့။
ဥုံ-ဆိုတဲ့ စကားလုံးက “အ , အု, မ” ဆိုတဲ့ အက္ခရာ သုံးလုံးကို
တစ်သံထဲ ထွက်အောင် ရွက်တဲ့သဘော။ကိုယ်ဟာနဲ့ကိုယ်
အိမ်ပြန်တဲ့အခါ ရွတ်ကြည့်ပေါ့။“အ, အု ,မ ” အဲ့ဒီ သုံးလုံးကို
တစ်ပြိုင်တည်း ထွက်အောင် ရွတ်ကြည့်။တစ်ပြိုင်တည်း မြန်မြန်ထွက်အောင်
ရွတ်ကြည့်။“ အ ,အု, မ” လို့မဆိုနဲ့ “ အ , အောင်” ဒီလိုထွက် အဲ့ဒါကို
“ အောင်း ” လို့ အသံကြားတဲ့အခါ ကြားတယ်။
“ ဥုံ” လို့ အသံကြားတဲ့အခါ ကြားတယ်။တကယ်တော့ အဲ့ဒီ အက္ခရာ သုံးလုံးကိုပေါင်းထားတာ။ဒါက ဟိန္ဒူဘာသာဝင်တွေ သုံးတဲ့စကားလုံး။

အဓိပ္ပာယ်က , အ-ဆိုတာ ဗြဟ္မာကို ရည်ညွှန်းတာ။အု-ဆိုတာ ဗိသျှနိုး၊မ-ဆိုတာ
သျှီးဗား(သိဝ) ဆိုတဲ့ နတ်ကြီးကို ရည်ညွှန်းတာ။
သူတို့အခေါ်နဲ့ဆို Brahma, Vishnu , Shiva အဲ့ဒါကြောင့် နောက်ဆုံး
အက္ခရာလေးတွေ ယူပြီးတော့
Brahma မှာ -အ၊ Vishnu မှာ- အု၊
Shiva မှာ- မ။အဲ့ဒီ သုံးလုံးကို ပေါင်းပြီးတော့ ရွတ်တာ။
“အောင်း” ဆိုတဲ့စကားလုံးက။
သူတို့ ကိုးကွယ်တဲ့ ဗြဟ္မာဆိုတဲ့- Creator ၊
ဗိသျှနု-ဆိုတဲ့ Protector ၊ သျှီဝ-ဆိုတဲ့ Destroyer ။
ဖန်ဆင်းတာကတစ်ယောက် စောင့်ရှာက်တာကတစ်ယောက်
ဖျက်စီးတာကတစ်ယောက် သုံးယောက်။

အဲ့ဒီနတ်ဘုရား သုံးဆူကိုတမ်းတပြီးတော့ တစ်ပြိုင်တည်း
တမ်းတရှိခိုးတဲ့ မန္တာန်။အဲ့ဒါဟာ “ ဥုံ ” လို့ရွတ်ဖတ်တာ။
ဗုဒ္ဓဘာသာ နဲ့မဆိုင်ဘူး။ဗုဒ္ဓဘာသာတွေ ရွတ်ချင်ရင်တော့ ဣတိပိတော ရွတ်၊
“ ဥုံ” ခံစရာမလိုဘူး။
ဗုဒ္ဓ သရဏံ ဂစ္ဆာမိ။ဓမ္မံ သရဏံ ဂစ္ဆာမိ။ သံဃံ သရဏံ ဂစ္ဆာမိ။ဒီလိုရွတ်
ဝေဿဝဏ် နတ်မင်းကြီးက
“အာဋာနာဋိယ”သုတ်ကို မြတ်စွာဘုရားကို လာပြီးတော့
လျှောက်ထားတဲ့အခါမှာ ကြည့် ။သူ့ရဲ့ပရိတ်သတ် တပည့်တွေ
ဘီလူးတွေ မြတ်စွာဘုရားကို ကြည်ညိုတာ ရှိတယ်။မကြည်ညိုတာရှိတယ်။
မကြည် ညိုတာတွေက များတယ်။ဘာဖြစ်လို့ များလဲဆိုတော့ ဘုရားက
သူ့အသက် သတ်ခြင်းမှ ရှောင်ရမယ်။ သူ့ဥစ္စာခိုးခြင်းမှ ရှောင်ရမယ်။ဆိုတော့
ဒီကောင်တွေက သူ့အသက် သတ်ချင်တဲ့ ကောင်တွေ ခိုးချင်တဲ့ကောင်တွေ မဟုတ်တာလုပ်ချင်တဲ့ ကောင်တွေ
ဆိုတော့ ဘုရားကို မတည့်ဘူးသူတို့က။
မကြည်ညိုတဲ့ ကောင်တွေကများနေတာ။

ဒါ့ကြောင့်မို့ မကြည်ညိုလို့ ဘုရားကို ကိုးကွယ်တဲ့သူတွေကို
နှောက်ယှက်မှာစိုးလို့ ဘုရားကိုလာပြီးတော့ လျှောက်တာ။
လာလျှောက်တဲ့အခါမှာ အဲ့ဒီလိုလုပ်ရင် နှောက်ယှက်ချင်လို့ အနီးကပ်တယ်။အခွင့်ချောင်းတယ်ဆိုရင် ဒီကောင်ကိုဖမ်း
နယ်နှင်ဒဏ်ပေး။နောက်ဆုံးမှာ ဘီလူးအစည်းအဝေး မဝင်ရဆိုတာတွေ ကန့်သတ်ချက်တွေနဲ့လုပ်။ဒီလိုတွေ လုပ်ပြီးတော့
ပြစ်ဒဏ်တွေ ချမှတ်တယ်။ အဲ့ဒါ အာဋာနာဋိယ သုတ်ဆိုတာ အဲ့ဒီဟာပါတယ်ပေါ့။

အဲ့ဒီတော့ ဒီလိုအန္တရာယ်တွေက ရှိနေတာကိုး။အဲ့လို ရှိနေတဲ့
အန္တရာယ်တွေက ကာကွယ်ဖို့အတွက် မှန်ကန်တဲ့နည်းလမ်းကို အသုံးချရမယ်။
ဘုရားဂုဏ်ကို အာရုံပြုပြီးတော့ နေလိုက်တယ်ဆိုတာ ကိုရတဲ့
“ဣတိပိတော”ဆိုတာ ဗုဒ္ဓဘာသာဝင်တွေ အကုန်ရတယ်။
ဘုရား ဂုဏ်ကိုအာရုံပြုပြီးတော့ ကြည့်ရမယ်။အရဟံ-ဆိုတာ
ဘုရားမှာ လောဘ ဒေါသ မောဟ ကိလေသာတွေ မရှိဘူး
ဆိုတာကို အာရုံပြုလို့လည်း ရတယ်။တစ်နည်းအားဖြင့် လောကလူသားတွေဟာ ဆိတ်ကွယ်ရာရောက်ရင် မကောင်းတာလုပ်တတ်ကြတယ်။

လူကြီးသူကောင်းလို့ပြောတဲ့သူတွေတောင် ကွယ်ရာကျမဟုတ်တာ လုပ်တတ်ကြတယ်။မြတ်စွာဘုရားမှာ ကွယ်ရာမှာတောင် မဟုတ်တာမလုပ်ဘူး။
မကောင်းတဲ့ အကုသိုလ်ဆို ကွယ်ရမှာတောင် မလုပ်ဘူးဒါ့ကြောင့်မို့
“အရဟံ”ဆိုတဲ့ ဂုဏ်တော်နဲ့ ပြည့်စုံတယ် လို့တွေးပြီးတော့ စိတ်ထဲမှာ
ကြည်ညိုလာအောင် နှလုံးသွင်းရမယ်။သတိရတယ်ဆိုတာ အဲ့ဒါပြောတာ။
ဘုရားရဲ့ အရဟံ ဂုဏ်။လောဘ ဒေါသ မောဟတွေကို အကြွင်း
ကျန်မရှိအောင် ဖယ်ရှားနိုင်တယ်။သမ္မာသမ္ဗုဒ္ဓ-မှန်ကန်တဲ့တရားတွေကို ကိုယ်တိုင်သိတယ်။ဝိဇ္ဇာစရဏ-ပညာနဲ့အကျင့်တရားတွေနဲ့ လုံးဝ
ပြည့်စုံတယ်။သုဂတ-ကျင့်ကြံ ကြိုးကုတ်လို့ အောင်မြင်ပေါက်ရောက်ပြီးသာ
ပုဂ္ဂိုလ်ဖြစ်တယ်။(ဝါ)မှန်ကန်တဲ့စကားကိုပြောဆိုတယ်။
လောကဝိဒူ-လောကအကြောင်း ကောင်းကောင်းသိတယ်။ဒီလို
ဂုဏ်တော်တွေ တစ်ခုစီ တစ်ခုစီ စိတ်ထဲမှာ အာရုံပြုပြီးတော့
စိတ်နဲ့ဂုဏ်တော်တွေနဲ့ ထုံမွှမ်းတာပြောတာ။

အဲ့ဒီလို ထုံမွှမ်းထားရမယ်တဲ့ နေ့အခါမှာပဲ ဖြစ်ဖြစ် ညအခါမှာပဲဖြစ်ဖြစ်
ဘုရားဂုဏ်တော်တွေကို မိမိရဲ့နှလုံးသားထဲမှာ ပွားထုံထားပြီးဆိုရင်
ဘုရားဂုဏ်တော် ပွားထုံထားတဲ့အချိန်မှာ
ဘာအန္တရာယ်တွေ ကင်းလဲဆိုတော့

အဲ့ဒီအချိန်မှာ လောဘဆိုတာ မဖြစ်ဘူး ဒေါသဆိုတာ မဖြစ်ဘူး
မောဟဆိုတာလည်း မဖြစ်ဘူး။ဘုရားဂုဏ်တော်ပေါ်မှာ
စိတ်ဟာဖြောင့်ဖြောင့်မှတ်မှတ်
ဘုရားဂုဏ်တော်ပေါ်မှာတွေးပြီးတော့ အာရုံပြုနေတာ။
ဘုရားဂုဏ်တော်ကို အမှတ်သတိရနေတယ် ဒီအပေါ်မှာပဲစိတ်ဟာ
တစ်ဖြောင့်တည်း ဖြစ်ပြီးတော့ စိတ်တွေဟာကြည်နူးမှုတွေ ပီတိတွေဖြစ်လာတယ်။ပီတိတွေဖြစ်တော့ ခန္ဓာကိုယ်တွေ ငြိမ်းချမ်းလာတယ်။
ငြိမ်းချမ်းလာတော့ သုခဖြစ်လာတယ်။သုခဖြစ်လာတဲ့အခါ စိတ်တည်ငြိမ်လာတယ်။ဘုရားဂုဏ်တော်ပေါ်မှာ
စိတ်ဟာ ငြိမ်ကျသွားတယ်။အဲ့ဒီလိုဖြစ်အောင် ပွားပါ။

ဂုဏ်တော် တစ်ထောင်ရအောင်တို့ နှစ်ထောင်ရအောင်တို့ ၈၄၀၀၀
ပြည့်အောင်တို့ နင်ပြီး နင်ဆင်းတွေ လုပ်မနေပါနဲ့။ဒီလိုဆိုလိုတာပေါ့နော်။
အဲ့ဒါမှ ဘုရားဂုဏ်တော်ပွားရခြင်းအကျိုးဟာ တကယ့်စစ်မှန်တဲ့အကျိုးတရားကို ရရှိမှာ ဖြစ်ပါတယ်။ဘုရားဂုဏ်တော်ပွားရင်း ပွားရင်း စိတ်ထဲမှာ
ကြည်နူးလာအောင် ဘုရားကို အာရုံပြုပြီးတော့ ပွားရတယ်။အဲ့ဒီလိုပွားတယ်ဆိုတဲ့အခါမှာ အတွင်းအန္တရာယ်တွေ ကင်းသွားတာသေချာတယ်။
လောဘ ဒေါသ မောဟ အန္တရာယ်မရှိဘူး။အပြင်အန္တရာယ်တော့ ရှိကောင်းရှိမယ်။အတွင်းအန္တရာယ်ကင်းတယ်ဆိုကတည်းက အပြင်အန္တရာယ်လည်း
ပဲ ကင်းသွားပြီ။အတွင်းနဲ့အပြင်ဆိုတာ အတွင်းကပို အားကောင်းတယ်။အပြင်က ဒီလောက်အားကောင်းတာ မဟုတ်ဘူး။ဒါ့ကြောင့်မို့
အတွင်းအန္တရာယ်ကင်းဖို့ရန် ပိုအရေးကြိုးတယ်။အတွင်းအန္တရာယ်ကင်းသွားတော့ အပြင်အန္တရာယ်ကလည်း ကိုယ့်ကို အနှောက်အယှက်မပေး
နိုင်တော့ဘူး ဒီလိုပြောတာနော်။အဲ့ဒီတော့ အရေအတွက်က အဓိကမဟုတ်ဘူး။

မြတ်စွာဘုရားက ဝိသာခကျောင်းအမကြီးကိုဟောတယ်။ဘုရားကိုအာရုံပြုတဲ့သတိ ကိုယ့်သန္တာန်မှာဖြစ်နေအောင်လုပ် သတိဖြစ်နေအောင်လုပ်။
ဘုရားကို သတိရနေတာ။အကြိမ်ကြိမ် သတိရအောင်လုပ်။ဘယ်အချိန်မှာ လုပ်ရမလဲဆိုတော့ အလုပ်လုပ်နေရင်းလည်းလုပ်တဲ့။
သွားနေရင်းလည်းလုပ်။ထိုင်နေရင်းလည်း လုပ်။နောက်ဆုံး သားသမီးတွေနဲ့ အတူနေတဲ့အချိန်မှာတောင် ဒီကမ္မဋ္ဌာန်းဘာဝနာပွားတဲ့။
လုပ်ငန်းကိုင်ငန်းတွေ လုပ်နေတဲ့အခါမှာလည်း ဘုရားကို ကိုယ့်သန္တာန်မှာ တည်အောင်လုပ် ဒီလိုပြောတာ။ဘယ်အချိန်ရယ်လို့ မဟုတ်ဘူး။
အချိန်မရွေး ဖြစ်နေအောင်ကြိုးစား။ဒီလိုပြောတာ။

တနေ့ဂုဏ်တော်ပုတီး ဘယ်နှစ်ပတ် စိပ်တယ်ဆိုတာ အဓိကမဟုတ်ဘူး။လွဲမှားစွာ မမှတ်သားသင့်ဘူး။တန္တရ မန္တရတွေရဲ့ အရေအတွက်တွေဟာ
အဲ့ဒီဘက်ကို စိတ်ရောက်သွားလို့ ရှိရင် တကယ့်ဂုဏ်တော်ပေါ်မှာ အာရုံရောက်မှု လွှဲချော်သွားနိုင်တယ်။ဒီလိုပြောတာနော်။

{ကျေးဇူးတော်ရှင်ပါချုပ်ဆရာတော်ဘုရားကြီး}

(အစွမ်းထက်သော ကာကွယ်မှုတရားတော်မှ ကောက်နှုတ်ချက်)

ဤဓမ္မဒါနကုသိုလ်ကြောင့် လောကနဲ့ သာသနာတော်ကို ထောက်ပံ့နိုင်ပြီး
နိဗ္ဗာန်၏အထောက်အပံ့ ဖြစ်ပါစေ။

ဓမ္မမိတ်ဆွေများ ကျန်းမာချမ်းသာကြပါစေဗျာ

ကျောင်းသားသပိတ်နဲ့ ပတ်သက်ပြီး

A Zyn Latt

သူငယ်ချင်း ဗိုလ်ကြီးတစ်ယောက်က ပို့လာတာပါ...

ကျောင်းသားသပိတ်နဲ့ ပတ်သက်ပြီး အယူအဆတွေက အစွန်းတွေ ထွက်လာကြတာတွေ တွေ့နေရပါတယ်
အရိုက်ခံရတာ နည်းတောင်နည်းသေး ဘာညာနဲ့....သပိတ်ကို ထောက်ခံတာ မထောက်ခံတာကို ဘာမှ မပြောလိုဘူး..ဒါက လူတစ်ဦးစီရဲ့ လွတ်လပ်ခွင့်ပဲ..ခုတော့ ကိုယ်ခံယူထားတဲ့ အယူအဆနဲ့မတူဘူးဆိုတာနဲ့..ကွင်းအပြင်ကန်ထုတ်တဲ့ ငါသာရှိဝါဒတွေ ခေတ်စားလာကြပါတယ်..လူသားဆန်မှုနဲ့ ငါသာရှိ ဝါဒဆိုတာကျတော့ သိပ်ကွာခြားသွားပါပြီ..လူသားဆန်မှုကို ကျနော်တို့ ထောက်ခံတယ်..ငါသာရှိဝါဒကိုတော့ ကျနော်တို့ ဘယ်လိုမှ လက်မခံနိုင်ပါဘူး...
စနစ်တစ်ခု တည်ငြိမ်စွာ ပြောင်းဖို့ဆိုတာ မလွယ်တဲ့ ကိစ္စပဲ..ကျနော်တို့ တိုင်းပြည်မှာက ပိုဆိုးတယ်..ဝိပဿနာ ကလွဲရင် အားလုံးနောက်ကျနေတဲ့ တိုင်းပြည်ဆိုတော့ သိပ်ခက်ခဲပါတယ်...ဆိုလိုချင်တာကဗျာ..စနစ်တစ်ခုကို ပြောင်းဖို့ Waveလိုတယ်...ပညာရေး စနစ်ဆိုတာ ကျနော်တို့ဆီမှာ သိပ်အောက်တန်းကျနေတယ်..မယုံရင် ရပ်ကွက်ထဲက ၈တန်းဖြေထားတဲ့ ကလေးတွေကို ခေါ်ပြီး ပိုက်သာဂိုရပ်စ် သီအိုရီကို မေးကြည့်လိုက်..၁၀ယောက်မေးရင် အနည်းဆုံး ၈ယောက်လောက်က မဖြေနိုင်ဘူး..ပိုက်သာဂိုရပ်စ် သီအိုရီဆိုတာ ၆တန်းလောက်က စသင်တာ..ဒါမယ့် သူတို့ မဖြေနိုင်ကြဘူး..ဘာဖြစ်လို့လဲဆိုတော့ သူတို့တွေ တကယ်မတတ်ခဲ့လို့ဆိုတာ ရှင်းနေတာပဲ..တိုင်းပြည်တစ်ပြည် တိုးတက်ဖို့ဆိုတာ အခြေခံကျကျ သုံးသပ်ကြည့်ရင် ပညာရေးနဲ့ ကျန်းမာရေးဟာ အဓိကပဲ..တစ်ခြားမကြည့်နဲ့..မိသားစုတစ်ခုကိုပဲကြည့်...အဲ့ မိသားစုက ကိုယ့်မိသားစုရဲ့ ပညာရေးနဲ့ ကျန်းမာရေးကို ဂရုစိုက်သလားကြည့်ပါ..ဂရုစိုက်တယ် ဆိုရင်
သိပ်မကြာပါဘူး သိသိသာသာ တိုးတက်လာတာပါပဲ...အဲ့နည်းတူ တိုင်းပြည်တစ်ပြည်ကို ကြည့်လိုက်..အုပ်ချုပ်နေတဲ့ အစိုးရက..ပညာရေးနဲ့ ကျန်းမာရေးကို ဂရုစိုက်သလား..ကျနော်တို့ ပြန်ကြည့်လိုက်တော့.အဲ့ နှစ်မျိုးလုံးပေါင်းတာတောင်မှ တိုင်းပြည် ဘတ်ဂျက်ရဲ့ ၂၀ရာခိုင်နှုန်း မပြည့်ဘူးး ဒါ သိပ်ဆိုးဝါးတဲ့ အခြေအနေပဲ...ပညာရေးဟာ ဘယ်လောက်အရေးပါသလဲ..
ပညာရေးဆိုတဲ့နေရာမှာ ဆိုလိုချင်တာက ကျက်ဖြေစနစ်ကို မဟုတ်ဘူး..အသိဥာဏ်၊အတွေးအခေါ်ကို မြှင့်တင်ပေးနိုင်မယ့် စနစ်က်ို ဆိုလိုချင်တာ...အာ့တွေ ကျနော်တို့ ကလေးတွေမှာ မရှိတော့ဘူး..စာသင်ရုံတင် မဟုတ်ဘူး စိတ်ကိုပါ သင်နိုင်တဲ့ ပညာရေးစနစ်လိုပါတယ်..ခုဖြစ်သွားတဲ့ ကျောင်းသားနဲ့ ရဲ တွေရဲ့ ပဋိပက္ခမှာ စစ်မှုထမ်းတော်တော်များများနဲ့ သူတို့ ပတ်ဝန်းကျင်တွေဆီက အသံတွေ ထွက်လာတယ်...ကျောင်းသားက ကျောင်းသားလို မနေဘူး..စာမကျက်ပဲနဲ့ ရမလားတို့..အရိုက်ခံရတာ နည်းတောင် နည်းသေးတယ်တို့ ထွက်လာကြတော့ ကျနော်တို့ shockဖြစ်ရတယ်..စာနာစိတ်ဆိုတာ ဘယ်ရောက်သွားလဲပေါ့..ကျနော်ကိုယ်တိုင်လည်း စစ်မှုထမ်းဖြစ်နေပါတယ်..အဲ့တော့ ကျနော် မေးကြည့်ချင်တယ်ဗျာ...တိုင်းပြည်နဲ့ စစ်တပ် ..ဘယ်ဟာကို ပို ချစ်လည်းဆိုတာ...ကျနော်ကတော့ တိုင်းပြည်ကို ပိုချစ်ပါတယ် ..အာ့ကြောင့်လည်း ဒီစာကို ရေးဖြစ်တာပါ...စစ်တပ်ကို ပို ချစ်တယ်ဆိုရင်တော့ ဒီစာကို ဆက်မဖတ်ပါနဲ့တော့..
တပ်မတော် အင်အားရှိမှ တိုင်းပြည်အင်အားရှိမည် ဆိုတဲ့ ဆောင်ပုဒ်ကို ဆွေးနွေးကြည့်ချင်ပါတယ်...ကျနော်တို့ တိုင်းပြည်ရဲ့ စစ်အင်အားဟာ လက်ရှိမှာ ၅ သိန်းကျော်ပါတယ်..အာဆီယံ နိုင်ငံတွေ ထဲမှာ အင်အား အကြီးဆုံးပဲ..ဒါပေမယ့် တိုင်းပြည်ရဲ့ အဆင့်က နောက်ဆုံးမှာပါ..ထားလိုက်ဦး..ထိပ်ဆုံးကို ကြည့်ရအောင်..စင်္ကာပူ နိုင်ငံပါ..1960ကျော်မှ လွတ်လပ်ရေးရတဲ့ နိုင်ငံ...ပထမဆုံး ဝန်ကြီးချုပ်ဖြစ်တဲ့ လီကွမ်ယုက မြန်မာနိုင်ငံကို လာလေ့လာတယ်..1965မှာဖြစ်မယ်ထင်တယ်..စင်္ကာပူ ပြန်ရောက်တော့ မျက်နှာငယ်လေးနဲ့ မိန့်ခွန်းပြောခဲ့တယ်..ကျနော်တို့ တိုင်းပြည်ဟာ..မြန်မာနိုင်ငံကို အမီလိုက်ဖ်ို့ နှစ်ပေါင်း ၂၀လောက် ကြိုးစားရဦးမယ် တဲ့..သူတို့နိုင်ငံမှာ သောက်စရာ ရေတောင်မရှိဘူး..ဝယ်သောက်ရတယ်..ဘာသယံဇာတ..ဘာ Resourceမှ မူးလို့တောင် ရှူစရာမရှိဘူး..သူတို့မှာ လူပဲရှိတယ်..အဲ့တော့ သူတို့က လူကို အကောင်းစားဖြစ်အောင်လုပ်တယ်..Human Resource ဖြစ်အောင် လုပ်တယ်..ပညာရေးနဲ့ ကျန်းမာရေးကို အဓိကဇောင်းပေးပြီး လုပ်ကြတယ်..သူတို့နိုင်ငံမှာ စစ်တပ်မရှိဘူး..ငှားထားတဲ့ တပ်ပဲ ရှိတယ်..နည်းနည်းလေးဆ်ိုမှ တကယ့်နည်းနည်းလေး..ဒါတောင် တစ်ခြားနိုင်ငံထဲမှာ ချထားရတယ် လို့ ပြောကြတယ်..ခုကြည့် အာဆီယံ အဆင့် ထိပ်ဆုံးမှာ.
ဒါက ဒေသအတွင်း နှိုင်းယှဉ်ချက်...
ကမ္ဘာ့ အဆင့် နှိုင်းယှဉ်ကြည့်ရအောင်...ကမ္ဘာမှာ နိုင်ငံပေါင်း ၁၉၇နိုင်ငံရှိပါတယ်..ကျနော်တို့ တိုင်းပြည်ရဲ့ အဆင့်က ထိပ်ဆုံးကနေ ရေရင်မောလို့...အောက်ကပဲ ကြည့်ရအောင်..အောက်ကနေတွက်ရင် အောက်မှ ၁၂နိုင်ငံပဲရှိတော့တယ်..အာဆီယံမှာ ကျနော်တို့အထက်ကပ်ရက်က ဘင်္ဂလားဒေ့ရ်ှတောင်မှ ကမ္ဘာ့ အဆင့်မှာ ကျနော်တို့နဲ့ ၁၀နိုင်ငံကွာပါတယ်...ကျနော်တို့အောက်မှာ ရှိတဲ့ နိုင်ငံတွေက..ရဝမ်ဒါတို့..ဇင်ဘာဘွေ..တို့လို ပုရွက်ဆိတ်တွေ ဖမ်းစားနေရတဲ့ နိုင်ငံတွေပဲ ရှိတော့တာပါ...ရှိစေတော့..ထိပ်ဆုံးကို ကြည့်မယ်ဗျာ..အမေရိကန်၊တရုတ်၊ဂျပန် က ထိပ်ဆုံး ၃နိုင်ငံပါ...အမေရိကန်နဲ့ တရုတ်ကို ထားတော့..ဂျပန်ကို ကြည့်ရအောင်..ဂျပန်နိုင်ငံဆိုတာ အားလုံးအသိ..ဒုတိယ ကမ္ဘာစစ်မှာ စစ်ရှုံးတယ်..စစ်ရှုံးစာချုပ်မှာ စစ်တပ်ဖွဲ့စည့း်ခွင့် မရှိဘူး..ကမ်းခြေစောင့် တပ်ဖွဲ့ သာသာပဲ ရှိတဲ့ စစ်တပ်လေးပဲ ဖွဲ့ခွင့်ရတယ်..အခုထိ..စစ်အင်အား ဘာမှမရှိတဲ့.ဂျပန်က ဘာလို့ အဆင့် ၃ ကိုရောက်နေတာလဲ..သူတို့ရဲ့ Human Rescourceက အောင်မြင်လို့..ပညာရေးစနစ်ကောင်းလို့ အတွေးအခေါ်ကောင်းလို့.ဆိုတာ ရှင်းနေတာပဲ..စစ်အင်အားမှာ အမေရိကန်ကို လိုက်ယှဉ်နေတဲ့ တိုင်းပြည်ရှိပါတယ်..ရုရှနိုင်ငံပါ..အင်အား သိပ်ကြီးတယ်..ဒါမယ့် ကမ္ဘာအဆင့် သတ်မှတ်ချက်က ၂၀အတွင်းတောင် မပါဘူး..တပ်မတော် အင်အားက အဓိကလား ပညာအင်အားက အဓိကလားဆိုတာ သိပ်သိသာနေပါပြီ..
ပညာရေးစနစ်ဟာ ပြောင်းသင့် မပြောင်းသင့်ဆိုတာအားလုံးအသိပါ..အဲ့တော့ ကျောင်းသားတွေ တောင်းဆိုထားတဲ့ အချက်တွေ ကြည့်ရအောင်ဗျာ..ကျောင်းသားတွေ တောင်းဆိုထားတဲ့ အချက်(၁၁)ချက်မှာ ကျနော်တို့လည်း ၁၁ ချက်လုံးတော့ သဘောမတူပါဘူး..တကယ့်နိုင်ငံရေး ဝါရင့်ကြီးတွေ လည်း သဘောမတူကြဘူး..ဒါမယ့် ကျနော်တို့ ပြန်သုံးသပ်ရမယ်..အဲ့ ၁၁ ချက်မှာ Effectနှင့် Side Effect ဘယ်ဟာကများလဲ..ဘာဖြစ်လို့လည်းဆိုတော့ ခု လက်ရှိ ကျောင်းသားသပ်ိတ်ဟာ သိပ်အားကောင်းတဲ့ waveတစ်ခုဖြစ်နေလို့ပဲ..တောင်းဆိုတဲ့ အချက်တွေထဲက weak point ဖြစ်နေတဲ့ အချက်တွေ ကြည့်ရအောင်..ဒေသအလိုက်၊ကျောင်းအလိုက် ကိုယ်ပိုင်ပြဌာန်းခွင့် ကိစ္စ..အဲ့ အချက်မှာ ဖြစ်နေတာက မြန်မာနိုင်ငံမှာ ရှိတဲ့ ကျေးလက်ဒေသက ကျောင်းတွေ ကိုယ်ပိုင်ပြဌာန်းရင် အဆင်ပြေမလား..logicဆန်ဆန်တွေးကြည့်တော့ အဆင်မပြေဘူးဖြစ်နေတယ်.မူလတန်းကျောင်းတွေချည်းကို အများကြီး..အဲ့မူလတန်းအဆင့်မှာတင် သင်ရိုးညွှန်းတန်းတွေက အများကြီးဖြစ်လာမယ်..အထူးသဖြင့် တိုင်းရင်းသားတွေက ကျနော်တို့ကို သိပ်အယုံကြည် ရှိတာ မဟုတ်ဘူး..ဒါကလည်း သူတို့အမှားချည်းမဟုတ်ဘူး..ခေတ်အဆက်ဆက် အုပ်ချုပ်ခဲ့တဲ့ ဘုရင်တွေလက်ထက်ကထဲက သူတ်ို့အတွက် အကျိုးဖြစ်ထွန်းအောင်မှ မဆောင်ရွက်နိုင်ခဲ့တာ ..အဲ့တော့ သူတို့ နယ်မှာ ပြဌာန်းမယ့် ကိုယ်ပိုင်သင်ရိုး ညွှန်းတမ်းမှာ သဘောထားကွဲလွဲတာတွေ ပါလာနိုင်တယ် ..အဆင်မပြေနိုင်ဘူး..ကျနော့်အမြင်အရတော့ ..ပညာရေးအဆင့်ကို ၂ဆင့်သတ်မှတ်မှ အဆင်ပြေမယ်..အခြေခံ ပညာရေးအဆင့်နဲ့..အဆင့်မြင် ပညာရေး အဲ့လို l၂မျိုးသတ်မှတ်မယ်..အခြေခံအဆင့်မှာ..သူငယ်တန်းကနေ တက္ကသိုလ်ဝင်တန်းအထိ အကျုံးဝင်မယ်..အဆင့်မြင့်ပညာရေး စနစ်မှာတော့ တက္ကသိုလ်တွေ အားလုံးအကျုံးဝင်မယ်..အခြေခံ ပညာရေး အဆင့်မှာ ကိုယ်ပိုင်ပြဌာန်းခွင့်ကိုတော့ သဘောတူဖို့ဆိုတာ မဖြစ်နိုင်ပေမယ့် အဆင့်မြင့် ပညာရေးစနစ်မှာတော့ ကိုယ်ပိုင်ပြဌာန်းခွင့်ဟာ သိပ်အရေးကြီးပါတယ်..အာ့ကိုတော့ ကျနော်တို့ မဖြစ်မနေထောက်ခံရမှာပါ...

နောက်တစ်ချက်က မိခင်ဘာသာစကား အခြေပြုစနစ်..ဒါကလည်း အခြေခံစနစ်မှာ မဖြစ်နိုင်ပါဘူး..အသုံးပြုချင်တယ်ဆိုရင်တော့..အဆင့်မြင့်ပညာရေးစနစ်မှာ ဖြစ်ကောင်းဖြစ်နိုင်ပါတယ်..ထားပါတော့လေ...
ကျနော်ပြောခဲ့တဲ့ ဒေသအလိုက် ကျောင်းအလိုက် ကိုယ်ပိုင်ပြဌာန်းခွင့်နဲ့ မိခင်ဘာသာစကားအခြေပြုစနစ် အဲ့ ၂ခုဟာ ကျောင်းသားတွေတောင်းဆိုတဲ့ အချက် ၁၁ချက်ထဲက အဓိက weak point ပါ..မထောက်ခံသူများအတွက်တော့ side effectတွေပေါ့..ဒါမယ့် ကျနော်တို့ ပြန်သုံးသပ်တဲ့အခါ..အဲ့ ၁၁ချက်မှာ..effectဖြစ်တဲ့ အချက်က အများကြီး ပိုများပါတယ်..အပြုသဘော ကိုဆောင်ပါတယ်..ဒါကြောင့် ကျောင်းသားသပိတ်ကို ကျနော့်အနေနဲ့..အားလုံးကို သဘောမတူပေမယ့် ပညာရေးစနစ်ကို ပြုပြင်စေတဲ့ waveတစ်ခုအနေနဲ့ ထောက်ခံပါတယ်..ပြီးတော့ weak pointဖြစ်တဲ့ အချက်လေးတွေကို ထောက်ပြီး သပိတ်ကို ဆန့်ကျင်နေသူတွေကိုတော့..ခြေထောက်တွေ အများကြီးရှိတဲ့ ကင်းခြေမြား တစ်ကောင်ရဲ့ အားနည်းတဲ့ ခြေချောင်းလေး ၂ချောင်းလောက်ကို ထောက်ပြပြီး အဆိုးမြင်နေတဲ့ negative thinkingသမားတွေလို့ မြင်ပါတယ်..ပိဋကတ် ၃ပုံမှာ ပါတဲ့ ဝိနည်းကျမ်းကိုတောင်မှ မြတ်စွာဘုရားဟာ..တစ်ခါထဲဟောခဲ့တာ မဟုတ်ပါဘူး..အဖြစ်အပျက်ကို ကြည်ပြီးမှ ထည့်သင့်တာတွေ ထပ်ထည့် ပြင်သင့်တာတွေ ပြင်ရတာပါ.. ဆိုလိုချင်တာက တစ်ခါထဲနဲ့တော့..perfect system ဖြစ်မလာနိုင်ပါဘူး..တဖြေးဖြေး ကောင်းအောင်လုပ်ရမှာပါ...

နောက်တစ်ချက်က ကျောင်းသားတွေကို အကြမ်းဖက်တဲ့ ကိစ္စပါ...ရဲတွေဖက်က မှားတယ်လို့ မပြောသလို ကျောင်းသားတွေ မှားတယ်လို့လည်း ပြောလို့ မရပါဘူး..လက်ရှိအစိုးရရဲ့ ကိုင်တွယ်ဖြေရှင်းပုံကိုပဲ အပြစ်တင်ချင်ပါတယ်..ဖြစ်သွားတဲ့ အဖြစ်အပျက်ကတော့ တော်တော်ကျက်သရေတုံးပြီး ရွံဖို့တောင် ကောင်းပါတယ်..ပြောလည်းထူးမှာ မဟုတ်ပါဘူး..တော်တော် အရေခွံ ထူနေပါပြီလေ..မေးချင်တာလေးတော့ ပေါ်လာပါတယ်..လက်ရှိ အစိုးရအနေနဲ့..တိုင်းပြည်အပေါ် တကယ်စေတနာရှိရဲ့လား ဆိုတာပါ..ဒါမှ မဟုတ် ဒီလောက် စုတ်ပြတ်သတ်နေတဲ့ ပညာရေးစနစ်ကို ကောင်းတယ်များ ထင်နေပါသလား...လက်ရှိပညာရေးစနစ်ဟာ..သေခါနီး လူမမာနဲ့ တူနေပါပြီ..ပြင်ပေးသင့်ပါတယ်..
အမေရိကန်နိုင်ငံမှာ အလယ်တန်းအဆင့်လေးတွေ ဖတ်ဖို့ထုတ်ဝေထားတဲ့ JACK CANFIELD & MARK V. HANSENတို့ရဲ့ CHICKEN SOUP FOR THE SOUL(နှလုံးသား အာဟာရ)ဆိုတဲ့ စာအုပ်လေးမှာ ပါတဲ့ AMY GRAHAM(အေမီဂရေဟမ်)ရဲ့ အကြောင်းလေးကို ပြောပြီးတော့ အဆုံးသတ်ချင်ပါတယ်..
အေမီဂရေဟမ်ဆိုတဲ့ ကောင်မလေးက အသက် ၁၇နှစ်..လူကီးမီးယား သွေးကင်ဆာ နောက်ဆုံးအဆင့်ပါ..အသက်ရှင်ဖို့ ၃ရက်လောက်ပဲရှိတော့တယ်လို့ ဆရာဝန်တွေက ဆုံးဖြတ်ထားပြီး ဖြစ်ပါတယ်..အေမီတက်နေတဲ့ ဆေးရုံက ဆန္ဒတစ်ခု ပြည့်စေမှု ဖောင်ဒေးရှင်းက တည်ထောင်ထားတာပါ..ဖောင်ဒေးရှင်းရဲ့ နာမည်အတိုင်းပါပဲ..သေခါနီးလူမမာတစ်ယောက်အတွက် နောက်ဆုံးဆန္ဒကို ဖြည့်ပေးပါတယ်..အဲ့မှာ အေမီ ဖြစ်ချင်တဲ့ ဆန္ဒက ၂ခုပါ..တစ်ခုက အခြေခံပညာ အဆင့်မြင့်တန်းအောင်ဖို့နဲ့ နောက်တစ်ခုက စာအုပ်ရေးသားသူထဲမှာ ပါတဲ့ မာက်ဗစ်တာဟန်ဆန်ရဲ့ စိတ်ဓာတ်အောင်မြင်တက်ကြွရေး ဟောပြောပွဲကို နားထောင်ချင်တာပါ..ဒီတော့ ၃ရက်လောက်ပဲ အသက်ရှင်တော့မယ့်..အေမီ့ အတွက် အခြေခံပညာ အဆင့်မြင့်တန်းအောင်ဖို့ ဆိုတာ မဖြစ်နိုင်တော့တဲ့ အတွက် ဟန်ဆန်ရဲ့ ဟောပြောပွဲကို နားထောင်နိုင်ဖို့ပဲ ရှိတော့တာပါ...
ဟန်ဆန်နဲ့တွေ့တော့ အေမီကကြာကြာမနေရတော့မယ့် အကြောင်းတွေပြောပြီး သူ့မိဘတွေနဲ့ ပါ မိတ်ဆက်ပေးပြီး ဟန်ဆန်ရဲ့ ဟောပြောပွဲကို မိသားစုလိုက် လာနားထောင်မယ့် အကြောင်းပြောပြီး နှုတ်ဆက်ပြန်သွားပါတယ်..
ဟောပြောပွဲနေ့မှာ ခန်းမတစ်ခုလုံး လူအပြည့်ပဲ..ဟန်ဆန်က ပရိတ်သတ်တွေကို ဘဝတစ်သက်တာလုံး အသုံးဝင်မည့် ကုသရေးနည်းလမ်းတစ်ခုကို သိချင်ပါသလားလို့ မေးပါတယ်..တစ်ခန်းလုံး လက်တွေ မိုးပေါ်ထောင်ပြီး ထောက်ခံကြတယ်..အဲ့တော့ ဟန်ဆန်က ပရိတ်သတ်ကို လက်ဝါး၂ဖက်ကို နာနာပွတ်ခိုင်းပါတယ်..ပြီး လက်ဖဝါး ၂ခုကို ၂လက်မခန့်ခွာ..ယှဉ်ထားပြီး အဲ့ လက်ဖဝါး၂ခုက ထွက်လာတဲ့ အနွေးလှိုင်းလေးကို ခံစားကြည့်ခိုင်းပါတယ်..အဲ့နောက် နီးစပ်ရာ ၂ယောက် ၁တွဲစီကို ကိုယ်စီထွက်လာတဲ့ အနွေးလှိုင်းလေးကို ခံစားစေပါတယ်..အားလုံးက တက်တက်ကြွကြွ လုပ်ကြပါတယ်
ဟန်ဆန်က ကုသနိုင်မှု စွမ်းအားဆိုတာ လူတိုင်း ကိုယ်စီပါဝင်ကြောင်း..လူ၁၀၀မှာ ၅ယောက်လောက်က သူတို့လက်ကနေ သိသိသာသာ စွမ်းအားတွေထွက်သဖြင့် ကုသရေးသမားများအဖြစ် အသက်မွေးကြောင်း ရှင်းပြပါတယ်..အဲ့ဒိနောက်မှာ ဟန်ဆန်က.....
"ဒီနေ့ မနက်မှာ သွေးကင်ဆာ ခံစားနေရတဲ့ အသက် ၁၇နှစ်အရွယ် အေမီဂရေဟမ် ဆိုတဲ့ မိန်းကလေးတစ်ယောက်နဲ့တွေ့ကြောင်း ခုဟောပြောပွဲကို မိသားစုနဲ့ အတူ လာရောက်နားထောင်နေကြောင်း သူ့ကိုစင်ပေါ်ကို ခေါ်ပြီး ကုသဖို့အတွက် ပရိတ်သတ် ၁ဦးချင်းစီမှာရှိတဲ့ အသက်ရှင်မှု စွမ်းအားတွေနဲ့ မေတ္တာဓာတ်တွေကို သူ့ဆီကို ဦးတည် ပို့လွှတ်ပေးစေလိုကြောင်းပြောပါတယ်"..
အေမီကို စင်ပေါ်တွဲခေါ်လာတော့ ပရိတ်သတ်တွေ အကုန်လုံးက.သူတို့လက်ဖဝါး၂ဖက်ကို ပွတ်ပြီး အေမီ့ထံ ကုသမှု စွမ်းအင်တွေ ပို့ပေးကြပါတယ်..အားလုံးက အေမီ့အပေါ် ဂရုဏာသက်ပြီး..မျက်ရည်တွေလည်ပြီး အားပေးကူညီကြပါတယ်..
နောက် ၂ပတ်လောက်ကြာတော့ အေမီက ဟန်ဆန်ဆီကို ဖုန်းဆက်ပြီး သူ့မှာ ရောဂါလက္ခဏာတွေ လုံးဝ မရှိတော့ကြောင်း ဆရာဝန်တွေက ပြောလို့ ဆေးရုံက ဆင်းရပြီဖြစ်ကြောင်း ပြောပါတယ်...နောက်ထပ် ၂နှစ်လောက်ကြာတော့ သူအိမ်ထောင်ပြုတော့မယ့် အကြောင်းဖုန်းဆက်ပါတယ်....
ကျနော်ဆိုလိုချင်တာက ..လက်ရှိပညာရေးစနစ်ဟာ သွေးကင်ဆာ ခံစားနေရတဲ့..အေမီဂရေဟမ်နဲ့ အတူတူပါ..အာ့ကြောင့် ကျောင်းသားသပိတ်ကို..ကုသဖို့ကြိုးစားနေတဲ့ မက်ဗစ်တာဟန်ဆန်လို့ မြင်ပေးပါ..အာ့ကို ကျနော်တို့အနေနဲ့ ကျောင်းသားက စာမကျက်ပဲ နဲ့ ရမလားတို့..အရိုက်ခံရတာ နည်းတောင်နည်းသေးတယ်တို့ မပြောပဲ လက်ဖဝါး၂ဖက်ကို ပွတ်ပြီး သူတို့လေးတွေဆီကို မေတ္တာဓာတ်နဲ့ ကုသမှု စွမ်းအင်တွေ ပို့လွှတ်ပေးကြရအောင်ပါဗျာ..လက်ရှိအစိုးရကိုလည်း နည်းနည်းလေး အရှက်တရားရှိပေးပါ..ဆန္ဒတစ်ခု ပြည့်စေမှု ဖောင်ဒေးရှင်းလိုပဲ..ဆန္ဒလေး တစ်ခုတစ်လေတော့ ဖြည့်ဆည်းပေးပါလို့ ပဲ ပြောချင်ပါတယ်....။

"ဘုရားကျောင်းကန်သွားမည့် အမျိုးသမီးများ သတိထားဖို့

SearchMyanmar

ကြီးကျောင်းသွားခါနီး သူ့အခြွေအရံများကို ပြောနေသည်မှာ -
ထိပ်ထား တစ်ခုသတိပေးချင်သေးတယ်။ သမီးတော်တို့ရော သေသေချာချာနားထောင်ကြနော်။
ယခုမယ်မယ်တို့ သွားရမှာက ရဟန်းတော်တွေ သီတင်းသုံးတဲ့ နေရာ၊ မယ်မယ်တို့ ချယ်သထား
တာက တကယ့်ပွဲလမ်းသဘင်သွားမယ့်အတိုင်းပဲ။ မိန်းမတစ်ရောက်ရဲ့ ၀တ်စားဆင်ယင်မှုနဲ့ အမူအရာတွေဟာ ဆန့်ကျင်ဘက် ဖြစ်တဲ့ ပုရိသတွေကို ဆွဲဆောင်နိုင်စွမ်းရှိတယ်။ အဆန်းတကြယ်
ပြင်ဆင်မွမ်းမံမှုက ညှို့ယူလိုက်တဲ့အတွက် သူတို့မှာ ပူလောင်တဲ့ဆန္ဒ ဖြစ်လာနိုင်တယ်လေ။
ဒီလို သူ့စိတ်ကို အမှောင်ရိပ်လွှမ်းသွားတာနဲ့ တပြိုင်နက် သူ့မှာ အပြစ်ဖြစ်ရသလို သူ့ကိုပူလောင်အောင် ၀တ်ဆင်ထားတဲ့ မိန်းမမှာလည်း တန်းတူ အပြစ်ဖြစ်ရတယ်။ ဒီတော့ ကိုယ့်ရဲ့
အနေအထိုင်ကြောင့် တစ်ပါးသူတစ်ဦးကို ဘယ်တော့မှ အမှောင်မလွှမ်းသွားပါစေနဲ့။
သမီးတော်တို့ . . . ရဟန်းတော်တွေဆိုတာကလည်း အာသဝေါကုန်းခမ်းကြသေးတာ မဟုတ်ဘူး။
ပုထုဇဉ်တွေပဲဖြစ်လို့ ပြာဖုံးနေတဲ့ မီးခဲတွေပါပဲ။ ဒီမီးခဲတွေကို သမီးတော်တို့ရဲ့ တပ်မက်စရာ ရူပါရုံဆိုတဲ့ လေပြေတစ်ချက်မွေ့လိုက်ရင် . . . ထိပ်ထား မဆက်ပါရစေနဲ့တော့ကွယ် . . . ။
ဒါကြောင့် သင့်တင့်ရုံပဲ ပြင်ဆင်ကြ၊ ခေါင်းကပန်းတွေဖြုပ်လိုက်။ မှုံနံ့သာတွေကိုလည်း ဖျက်လိုက်ကြပါဦး။ လုံလုံခြုံခြုံဝတ်ဆင်ပြီး မြင်ရသူစိတ်ထဲမှာ နှမငယ် သမီးငယ်တစ်ယောက်လို
ကရုဏာပွားလာအောင် ပြောဆို ဆက်ဆံကြပါကွယ်။
မသန်းသန်း (မန်းတက္ကသိုလ်)၏ ရှင်စောပု အမည်ရှိ စာအုပ်မှ။
ဒါကြောင့်ဆရာတော်ဘုရားကြီးတွေ ဆုံးမကြတယ်။
ပစ္စည်း ၊ မာတု ၊ ထိုနှစ်ခု
ဘိက္ခု သေမင်း ဓားနှစ်စင်း။ တဲ့ . . . .

အဘိဓမ္မာမသိလို့ဒေါသတွေဖြစ်ခဲ့တယ်။

ကမ္ဘာ့ကျန်းမာရေးအဖွဲ့ရဲ့ ၁၉၉၃ ခုနှစ် Ph D ဒေါက်တာဘွဲ့ကို ဆွတ်ခူးရရှိခဲ့ရာ ၁၉၉၄ ခုနှစ်မှာ ပြင်သစ်နိုင်ငံ ပါရီမြို့ကိုရောက်ခဲ့ ပါတယ်။ ပါရီမြို့ရဲ့ Pasteur Institute ကို နံနက်တိုင်း မနက် ၈ နာရီမထိုးခင် သွားရ ပါတယ်။ ကျမနေထိုင်တဲ့ International City University အဆောင်ကနေ မြေအောက်ဘူတာဆီကို ၅ မီနစ်လောက်လျှောက်သွားရပါတယ်။ လမ်းတစ်လျှောက်မှာ ခွေးချေးတွေ ဗလဗွရှိပါတယ်။ မနက်စောစော၊ချမ်းချမ်းအေးအေးမှာ ခွေးချေးပုံတွေ မနင်းမိအောင် မနဲရှောင် သွားရ ပါတယ်။ နှင်းကျတဲ့မနက်ဆိုရင်တော့ ခွေးချေးပုံပေါ်ချော်လဲမကျအောင် အတော်ဂရုစိုက် ရပါတယ်။ မနက်တိုင်း ခွေးချေးပုံမြင်တိုင်း ခွေးပိုင်ရှင်တွေ ကိုဒေါသဖြစ်မိပါတယ်။ မိမိစိတ်ချမ်းသာဖို့အတွက် ခွေးတွေမွေးထားပြီး ကိုယ့်ခွေးရဲ့တာဝန်မယူကြဘူး။ အတော်တစ်ကိုယ်ကောင်း ဆန်ကြ တဲ့သူ တွေလို့စိတ်ထဲကပြောမိပါတယ်။ လမ်းမှာ ခွေးလက်ဆွဲပြီး လာတဲ့ အထူးသဖြင့်လူငယ်တွေ တွေ့ရင် ပိုဒေါသ ဖြစ်မိပြီး ရန်တွေ့ချင်စိတ် တွေဖြစ်မိပါတယ်။ လူအိုတွေကတော့ တစ်ယောက်ထဲ lonely ဖြစ်နေလို့ခွေးမွေးပြီး နေရရှာတယ် လို့ဖြေနိုင်ပါသေးတယ်။ လူငယ်တွေကတော့ တော်တော် လွန်တယ် လို့ထင်မိပါတယ်။ မနက်တိုင်း ၅ မိနစ် လောက်ဒေါသ တွေ ဖြစ်နေခဲ့မိပါတယ်။

(ပြင်သစ်နိုင်ငံမှာ အဲ့ဒီအချိန်က မနက် ၈ နာရီမှာ မြူနီစီပါယ်ကခန့်ထားတဲ့ ခွေးချေးကြုံးတဲ့သူတွေ လာကြုံး ကြပြီး၊နောက်ကားတွေနဲ့လမ်းတွေကိုဆေးကြောကြတယ်။ လမ်းမှာခွေးချေးပါရင်ခွေး ပိုင်ရှင်တွေကို ဒါဏ်တပ်ပါတယ်။ ဒါပေမဲ့ ဒါဏ်ကြေးကနည်းပြီး၊ဒါဏ်တပ်တဲ့သူကလည်း ရုံးချိန် (၉-၁၀) လောက်မှ လာတာမို့ခွေးပိုင်ရှင်တွေက ဒါဏ်တပ်တဲ့သူမလာခင်စောစောခွေးထွက်ကျောင်းကြတာပါ။ ယခုတော့ torists တွေက ပြင်သစ်နိုင်ငံက အလွန်လှပေမဲ့ ခွေးချေးတွေပေါ်တယ်လို့ ပြောကြတာကြောင့် ဒါဏ်ငွေ
တိုးလိုက်တာကြောင့်ခွေးချေးတွေတော်တော်နည်းသွားပါတယ်။ )

ကျမအခုပင်ဆင်ယူပြီး မြတ်ဘုရားရဲ့ အဘိဓမ္မာတရားတော်တွေလေ့လာတော့မှ မကောင်းတဲ့ ခွေးချေး လိုမြင်ကွင်းတွေမြင်ရတာ၊ မကောင်းတဲ့ အနံ့တွေနံရတာ၊မကောင်းတဲ့ အသံဆိုးအသံကြောင် တွေကြား ရတာ၊မကောင်းတဲ့ အရသာ ရှိတဲ့ ခါးတဲ့ဆေး စတာတွေစားရတာ၊မကောင်းတဲ့ အတွေ့ အထိတွေ နဲ့တွေ့ထိရတာတွေဟာ ခွေးပိုင်ရှင်လိုသူများတွေကြောင့်မဟုတ်ဘဲ ကိုယ်ပြုခဲ့တဲ့ မကောင်းမှုတွေကြောင့် မကောင်းတဲ့မြင်ကွင်းတွေမြင်ရတာဆိုတာသိလာရပါတယ်။  ဒါကြောင့် ခွေးချေးမြင်ရင်ဒေါသ မဖြစ်တော့ ပါဘူး။ ငါ့ရဲ့ အကုသိုလ်တစ်ခုတော့ကုန်သွားပြီးလို့ဝမ်းသာမိပါတယ်။ မကောင်းမှုတွေ မလုပ်မိအောင်လည်း ကိုယ့်ကိုယ်ကို သတိပေးမိပါတယ်။

ကိုယ်မမြင်ချင်တာမြင်တဲ့အခါမှာ အကုသလ၀ိပါက်စက္ခုဝိညာဏ်စိတ်ဖြစ်တာ၊ကိုယ်မကြားချင်တာကြားတဲ့အခါမှာ အကုသလ၀ိပါက်သောတ၀ိညာဏ်စိတ်ဖြစ်တာ၊

အကုသလ၀ိပါက် ဆိုတာအကုသိုလ်ရဲ့အကျိုး ကိုပြောတာ။ ဒီစိတ်တွေကိုယ့်သန္တာမှာဖြစ်ရင် ဒါ
နောက်ဘ၀ကအကုသိုလ်တွေလုပ်ခဲ့တဲ့အတွက် အကုသိုလ်ရဲ့အကျိုးဒီမှာလာပြီးပေါ်တာ။ အဲ့ဒါကြောင့်
ကိုယ်မမြင်ချင်တာမြင်လာပြီ၊ကိုယ်မကြားချင်တာကြားလာပြီ၊ကိုယ်မတွေ့ချင်တာတွေ့လာပြီဆိုရင်
ဘယ်သူ့မှအပြစ်မတင်နဲ့၊ကိုယ့်အကုသိုလ်ကိုယ်ပြန်အပြစ်တင်တဲ့၊ ငါနောက်ဘ၀က လုပ်ခဲ့လို့ငါ့
နောက်ဘ၀ကအကုသိုလ်အကျိုးကို ငါပြန်တွေ့တာ။ ဟိုလူ့အပြစ်တင် ဒီလူ့အပြစ်တင်ဖို့မလိုဘူး
ဆိုတဲ့ အဓိပ္ပါယ်ရလာတယ်။ ဘယ်သူမပြု မိမိမှုဆိုတဲ့အတိုင်းပဲ ကိုယ်ပြုခဲ့တဲ့အကုသိုလ်ရဲ့အကျိုးကို ကိုယ်ဒီမှာလာပြီးတော့ခံစားရတာ ကိုသဘောပေါက်လာတဲ့အပြင် အကုသိုလ်ထပ်ဖြစ်ခြင်း ကလဲ  ရှောင်ရှားနိုင်လာပါတော့တယ်။



ကျမ်းကိုး
အရှင်သီလာနန္ဒာဘိဝံသ၏ အဘိဓမ္မာသင်တန်းပို့ချချက်များ(ဒုတိယတွဲ)။ နှာ ၁၂။

ပဋ္ဌာန်း (၂၄) ပစ္စည်း မေတ္တာပို့

ခင်လပြည့်ဝန်း

ပဋ္ဌာန်း (၂၄) ပစ္စည်း မေတ္တာပို့
••••••••••••••••••••••••••

၁။ ဟေတုပစ္စယော

အကုသိုလ်တရားဖြစ်ကြောင်းများ ပယ်ရှားနိုင်ပါစေ။
ကုသိုလ်တရားဖြစ်ကြောင်းများ တိုးပွားနိုင်ပါစေ။

၂။ အာရမ္မဏပစ္စယော

ကောင်းသောအာရုံမြဲတွေ့ကြုံ ပြည့်စုံကြပါစေ။
ဆိုးသောအာရုံတွေ့ကာကြုံ မတုန်မလှုပ်နေနိုင်စေ။

၃။ အဓိပတိပစ္စယော

ဆန္ဒနှင့်ဇွဲ စိတ်ဥာဏ်တွဲ ကြီးကဲပုဂ္ဂိုလ်ဖြစ်ပါစေ။
ဆန္ဒနှင့်ဇွဲ စိတ်ဥာဏ်တွဲ ကြီးကဲမဂ်ဖိုလ်ရပါစေ။

၎။ အနန္တရပစ္စယော

ကုသိုလ်ပြီးရာကုသိုလ်သာ ကောင်းစွာဖြစ်ပါစေ။

၅။ သမနန္တရပစ္စယော

ကောင်းမှု့ပြီးရာကောင်းမှု့သာ ကောင်းစွာဖြစ်ပါစေ။

၆။ သဟဇာတပစ္စယော

စိတ်တူကိုယ်တူ တရားတူ ကြည်ဖြူကြပါစေ။

၇။ အညမညပစ္စယော

သတ္တဝါအများ ချင်းချင်းအား သနားငဲ့ညှာရှိပါစေ။

၈။ နိဿယပစ္စယော

သူ့ကိုလည်းမှီ ကိုယ့်လည်းမှီ ရွှင်ကြည်ချမ်းမြရှိပါစေ။

၉။ ဥပနိဿယပစ္စယော

ကုသိုလ်ကိုမှီ နိဗ္ဗာန်ဆီ ရွှင်ကြည်တက်လှမ်းနိုင်ပါစေ။

၁၀။ ပုရေဇာတပစ္စယော

ရှေ့ကလူများ နောက်လူအား သနားငဲ့ညှာရှိပါစေ။

၁၁။ ပစ္ဆာဇာတပစ္စယော

နောက်ကလူများ ရှေ့လူအား သနားမေတ္တာရှိပါစေ။

၁၂။ အာသေဝနပစ္စယော

ကုသိုလ်တရား အစဉ်ပွား စိတ်ထားလှပါစေ။

၁၃။ ကမ္မပစ္စယော

အကုသိုလ်ရှောင် ကုသိုလ်ဆောင် ဖြူအောင်စိတ်ကို ထားနိုင်စေ။

၁၄။ ဝိပါကပစ္စယော

များမြတ်အကျိုး စည်းစိမ်တိုး ဖွံ့ဖြိုးကြပါစေ။

၁၅။ အာဟာရပစ္စယော

ရုပ်နာမ်နှစ်ဝ အာဟာရ စိတ်တရွှင်ကြည်ရနိုင်စေ။

၁၆။ ဣန္ဒြိယပစ္စယော

ကောင်းသောဣနြေ္ဒ မြဲခိုင်လေ စိတ်နေတည်တန့်ငြိမ်းပါစေ။

၁၇။ ဈာနပစ္စယော

စိုက်စိုက်စူးစူး အထူးမြဲမြံရှု့အားသန် ဈာန်သမာပတ်ရပါစေ။

၁၈။ မဂ္ဂပစ္စယော

ရုပ်နာမ်ဖြစ်ပျက် ဥာဏ်သိမဂ် တွဲလျက်မြဲခိုင် ရှု့နိုင်စေ။

၁၉။ သမ္ပယုတ္တပစ္စယော

ရဟန်းရှင်လူ စိတ်ညီတူ ကြည်ဖြူကြပါစေ။

၂၀။ ဝိပ္ပယုတ္တပစ္စယော

သဘောတူတူ မတူတူ ကြည်ဖြူလက်တွဲနိုင်ပါစေ။

၂၁။ အတ္ထိပစ္စယော

ကုသိုလ်ပညာ မြတ်ဥစ္စာ ကောင်းစွာရှ်ိ၍ ပြည့်စုံစေ။

၂၂။ နတ္ထိပစ္စယော

ငါမရှိငြား ကွယ်လွန်သွားလည်း များပြားဗိုလ်လူ တရားယူ ကြည်ဖြူကြပါစေ။

၂၃။ ဝိဂတပစ္စယော

ငါမရှိငြား ကင်းမဲ့သွားလည်း များပြားဗိုလ်လူ တရားယူ ကြည်ဖြူကြပါစေ။

၂၄။ အဝိဂတပစ္စယော

မကင်းနိုင်သူ များဗိုလ်လူ ကြည်ဖြူကြပါစေ။

.

(ပိဋကတ်တစ်ပုံအောင် ရွှေမြင့်မိုရ်ဆရာတော်)

လင်ဇီး ကို မစားကြပါနဲ့ 

လင်ဇီး ကို မစားကြပါနဲ့ 

Bell Bagan

Member များများရရေး ၊ ပစ္စည်း များများရောင်းရရေး ကိုပဲကြည့်တဲ့ ကိုယ်ကျိုးရှာ စီးပွါးရေး အချောင်သမားတွေကြောင့် သေဆုံးသွားကြရတဲ့ ဒီလို ဇတ်လမ်းတွေ မြန်မာပြည်မှာ မနည်းတော့ပါ။

၂၀၀၆ ခုနှစ် ဆန်းပိုင်း ၊ကိုညောင်ရမ်းရဲ့  မဟေသီ ဟာ ဒုတိယမြောက် သားရတနာကို မွေးဖွားအပြီး ၆လ ခန့် အကြာ မှာ ဟိုလူပြော ဒီလူပြော ၊ ပြောလို့ နာမယ်ကြီးနေတဲ့ ဂါနိူဒါးမားအိတ်ဇဲလ်လီယမ် ဆိုတဲ့ ဆေးတမျိုး ကို စတင် သုံးစွဲ ခဲ့ပါတယ် ။ အဲ့ဒီင်္ လင်ဇီး ဆိုတာကို တရုပ်ပြည်မှ ရှိုင်းဟုတ် ကုမ္ပဏီ က လင်ဇီး အမည် နဲ့ ရွှေပြည်ကြီး အတွင်းမှာ ရောင်းချလာခဲ့တာဆယ်စုနှစ် တခုမျှ ကြာပါပြီ ။ မလေးရှားနိုင်ငံ အခြေစိုက် ဂါနိူ အိတ်ဇဲလ်အင်တာပရိုက်စ် ကုမ္ပဏီ က တော့ ဂါနို မှို နဲ့ ပြုလုပ်ထားတဲ့ ဆေးနဲ့ စားသောက်ကုန်၊ အသုံး အဆောင် တွေကို ဒီမှာ ဖွင့်လှစ် လုပ်ကိုင် ခဲ့တာ ၈ နှစ် မျှ ရှိပါပြီ။ ခု လက်ရှိ လိပ်စာ ကတော့ ရန်ကုန်မြို့ ၊ ပန်းဘဲတန်းမြို့ နယ် ၊သိမ်ကြီးဈေး စီရုံ ၊ ဒုတိယထပ် အဆောင် ၃ နှင့် ၄ ။ ဖုံး ၃၇၁၈၀၀၊ ဖြစ်ပါတယ် ။
နေရာကတော့ အတော်လေးကျယ်ဝန်းပါတယ် ။ ဟိတ်ဟန်ကလည်း အတော်လေး လူရှိန်စေပါတယ် ။ အပွင့်တွေ အများကြီးနဲ့ ဝတ်စုံစိမ်းကြီး တွေထံ သိန်းပေါင်းများစွာ လှူဒါန်းနေတဲ့ ဓါတ်ပုံကြီးတွေကို တခန်းတနားချိတ်ပြထားပါတယ်။

အပြောကောင်းတဲ့ ဈေးရောင်းသူ တွေ က မလည်မဝယ်ဈေးဝယ်သူတွေကို ဟုတ်တာတွေရော မဟုတ်တာတွေရော ယုံအောင်ပြောအပြီးမှာ မယုံတဝက် ယုံတဝက် နဲ့ ဈေးဝယ်သူတွေက စမ်းသပ်သုံးစွဲရင်း ၊ စားသုံးသူ တွေ ဖြစ်သွားကြပါတယ် ။အမြဲတစေ စားသုံးသူများ ဖြစ်သွားအောင် ၊ သူတို့  အဖွဲ့ ဝင် ဖြစ်သွားအောင် အယုံသွင်း နိုင်ကြတဲ့ အစွမ်းအစ တွေ ဟာလည်း အံမခန်းပါပဲ ။
ဒါကတော့ သူတို့ရဲ့ စီးပွားရေးလမ်းညွှန် ပါ ။ သူတို့ ပစ္စည်းတွေကို လျှော့ဈေးနဲ့ ရမှာ တို့  ၊ နောက်ထပ် စားသုံးသူတယောက် မိတ်ဆက်ပေးရင် ဘယ်လောက် အကျိုးအမြတ်ရမှာ တို့  နဲ့ မက်လုံးတွေ ပေးတာပေါ့။ သူတို့ အထက်က အဆင့်မြင့် အဖွဲ့ ဝင်တဦးရဲ့ တစ်လ ဝင်ငွေဆိုရင် သိန်း ၁၂၀ ကျော်နေပြီတဲ့ ။အာဘောင်အာရင်းသန်သန် ရှင်းပြနေလိုက်တာ မစားရ ဝခမန်း တွေပါပဲ ။
ဒီလိုနဲ့ ကိုညောင်ရမ်းရဲ့ မဟေသီ မအေးအေးမာ ဟာလည်း Gano Excel Enterprise ရဲ့ အဖွဲ့ ဝင်ဖြစ်သွားပါတော့တယ် ။ (ကာယကံရှင် ကိုညောင်ရမ်း ဆီက ခွင့်ပြုချက်ရပြီးတာမို့  နာမည်ရင်း ပဲ သုံးလိုက်ပါတယ် )။ ပုံမှာ ပါတဲ့အတိုင်း ကုဒ်နံပါတ်တွေပါတဲ့ Authority Card လေးတောင် ထုတ်ထားပေးပါတယ် ။

ကိုညောင်ရမ်းရဲ့  မဟေသီ ဟာ နဂို ဘာရောဂါအခံမှ မရှိပဲ ဒေါင်ဒေါင်မြည် ကျန်းမာ နေသူ တဦင်္းပါ ။ ရင်ကြပ် ပန်းနာ ရောဂါ မရှိ ၊ ဆေးမတည့်၊အစားအစာမတည့် တာ တွေ၊ အရေပြားရောဂါ အစရှိတဲ့ ရောဂါ တွေလည်း မရှိခဲ့ပါဘူး ။ သူ သုံးစွဲ ခဲ့တဲ့ လင်ဇီး ဟာ Gano ဆိုတဲ့ ကုမ္မဏီ ထုတ် တာပါ ။ သူ တို့  ကြော်ငြာ အရ ဒီ လင်ဇီးက ၉၆ ပါး ရောဂါဝေဒနာတွေ ပျောက်သလိုလိုပါပဲ ။
Gano Excel ထုတ်ကုန်များ( Gano Excellium - ဦးနှောက်အားတိုးဆေး ၊ ကော်ဖီ ၊ လဖက်ရည် ၊ ကိုကိုး ၊ သွားတိုက်ဆေး၊ ဆပ်ပြာ ..စသဖြင့် ) ဆိုပြီး ခန့်ညားထယ်ဝါစွာ ထုတ်ဝေ ထားတဲ့ ကုန်ပစ္စည်းကြော်ငြာ မိတ်ဆက်စာအုပ်လေးထဲမှာ ရေးသားထားချက်များ အရ -ဒီပစ္စည်းတွေကို Ganoderma lucidum မှိုတမျိုးမှ ထုတ်လုပ်ထားခြင်း ဖြစ်ပါသတဲ့ ။

-Polysaccharide ပါဝင်မှုကြောင့် ကိုယ်ခံအားစနစ်ကို ကြံ့ ခိ်ုင်စေသတဲ့ ။ သွေးလည်ပတ်မှုစနစ်မှာ သကြားပါဝင်မှုကို ညှိပေးသတဲ့ ။
-Organic Germanium ပါဝင်လို့  သွေးလည်ပတ်မှုစနစ်မှာ အောက်စီဂျင်အဆင့်ကို တိုးမြှင့်ပေးသတဲ့ ။Anti oxident တွေက လျှပ်စစ်သံလိုက်စက်ကွင်းမှ ထွက်တဲ့ ဘေးထွက်ဆိုးကျိုးတွေ နဲ့ Free radicals တွေကို ထိန်းချုပ်ပေးသတဲ့ ။Cancer cell များရဲ့ ပတ်ဝန်းကျင်မှာ ရှိတဲ့ molecules များရဲ့  လုပ်ငန်းတာဝန်တွေကို ထိန်းညှိပေးသတဲ့  ။
-Adenosine ပါဝင်လို့  ကိုလက်စထရော နဲ့ အဆီတွေကို လျှော့ချပေးသတဲ့ ။ သွေးခဲ ပိတ်ဆို့ မှာ တွေကို တားဆီးပေးသတဲ့ ။ကိုယ်ခန္ဓာအတွက် အားအင် အသစ်ကို ဖြစ်စေသတဲ့ ။
-Tritepenoids ပါဝင်လို့  အစာခြေဖျက်တာ ကောင်းစေသတဲ့ ။ သွေးနှင့် မတည့်တာတွေကို ကာကွယ်ပေးသတဲ့ ။ ကိုလက်စထရောနဲ့ အဆီပါဝင်မှုတွေကို လျှော့ချပေးသတဲ့ ။
-Ganoderic essense ပါဝင်လို့  အရေပြား ရောဂါတွေကို ကုသပေးသတဲ့ ။ အသားအရေကို ချောမွေ့  လှပစေသတဲ့ ။

ကိုင်း... ဘယ်လောက်တောင်ကောင်းလိုက်တဲ့ ပစ္စည်းတွေဖြစ်ပါသလည်း။ အပြောကတော့ ရွှေမန်း တောင်ရှုံးရပေမယ် ။ တချို့ ဓါတ်ပစ္စည်းတွေ ဖွားကိလည်း မကြားဖူး ၊မသိဖူး တာ မို့  ဇီဝကမ္မဗေဒ ဌာန မှာဆရာလုပ်နေတဲ့ သူငယ်ချင်းတယောက်ကို မေးကြည့်မိတယ် ။ သူလည်း မကြားဖူးတဲ့ ဒြပ်ပေါင်းတွေပေါ့ ။ အဲ့ဒီ ဒြပ်ပေါင်းများစွာနဲ့  ပါဝင်ဖေါ်စပ်ထားတဲ့ အထက်မှာ ဖေါ်ပြထားတဲ့ ပစ္စည်းပေါင်းများစွာကို ထုတ်လုပ်ရောင်းချပါတယ် ။ထားပါတော့ သူ့ ဟာသူ ဘာ ပါပါ သိပ်အရေးမကြီးဘူး ။ အပြောကောင်းတာက ဒီ ဒြပ်ပစ္စည်းတွေ ပါလို့  ကင်ဆာကာကွယ်တယ် ။ လူကို လှပ နုပျိုစေတယ် ၊ အဆီချ ပေးတယ် ဆို တော့ ... လှချင် ပချင် ကျန်းမာ ချင်သူတွေက ဝယ်ယူသုံးစွဲ အားပေးကြလေတယ်ပေါ့ ။ (ဆေးတွေကတော့ ဈေးမသေးလှ ။) ဒါပေမဲ့ ဖြစ်သင့်တာက အကြောင်းနဲ့  အကျိုး ၊ အကောင်းနဲ့  အဆိုး ဒွန်တွဲ နေတတ်တယ် ဆိုတာ သတိမမူမိတာလား ။ သတိမရတာလား ၊ တမင် လျှစ်လျှူရှုထားတာလား တော့ မသိ ။ ဆေးတွေ ရဲ့ ကောင်းကျိုး တွေကိုသာ ဝေဝေဆာဆာ ဖေါ်ပြထားပြီး ၊ ဖြစ်ပေါ်လာနိူင်တဲ့ ဆိုးကျိုး ( Side effects) တွေကိုတော့ တလုံးတပါဒမှ ရေးသားထားတာ မတွေ့ ရပါဘူး ။

ဒီလို နဲ့  မအေးအေးမာ တယောက် ကံဆိုးလှစွာနဲ့ ဒီဆေးရဲ့ ဘေးထွက်ဆိုးကျိုးတွေကို တည့်တည့်ကြီး ခံစားရပါတော့တယ် ။ သူမ ဒီဆေးတွေကို ၄ ခါ ဝယ်ဖူးတဲ့ မှတ်တမ်းတော့ ရှာလို့  တွေ့ ရတယ် ။ ဒါတောင် ကိုညောင်ရမ်း တယောက် နဂို ဒီကုမ္ပဏီ နေရာအသစ် ပြောင်းသွားတာ မနည်း လိုက်ရှာ ပြီးတော့ မှ တွေ့ ရတဲ့ လက်ရှိတည်နေရာကို အကြိမ်ကြိမ် အခါခါ သွားမေးမြန်းတော့မှ သိရ တာပါ ။တကြိမ်ဝယ်ဖူးတာက ကျပ်တစ်သိန်းခွဲ တဲ့ ၊ ကျန်တဲ့ အကြိမ်တွေတော့ မသိရှိရပါ ။ ဒီဆေးကို ဘယ်နေ့  ဘယ်ရက်မှာ စပြီး သုံးစွဲခဲ့တာလည်း ဆိုတာ ရက်အတိအကျတော့ မသိရပါ ။ ဒါပေမဲ့ ဒီဆေး နဲ့ ပစ္စည်ှးတွေကို သုံးစွဲပြီးနောက်ပိုင်း သူ့ မှာ ဖြစ်ပေါ်လာတဲ့ ရောဂါတွေကတော့ ကျန်ခဲ့တဲ့ ဆေးမှတ်တမ်းတွေအရ ၂၀၀၆ ခုနှစ်လယ်ပိုင်းမှာ စပြီး ရောဂါတွေ စတင်ဖြစ်ပွားလာခဲ့တယ်၊ အတော်လေး ပြင်းထန်ခဲ့ပါတယ် ။ အကျဉ်းချုံး ပြောရရင် အရေပြားတွေ မှာ အရည်ကြည်ဖုတွေ ပေါက်တယ် ၊ မျက်စိ ၊ အာခံတွင်း ၊ မိန်းမကိုယ် စတဲ့ နေရာတွေမှာပါ အဖုတွေ ပေါက်တယ် ။ ဒါကြောင့် မျက်စိ၊နား နှာခေါင်းလည်ချောင်း ၊ သွားနှင့် ခံတွင်း၊ အရေပြား ၊ မီးယပ်သားဖွား ၊ သွေးဗေဒ အစရှိတဲ့ ဆရာဝန်ကြီး တွေနဲ့ ရိုးရိုးဆေးခန်းတွေမှာရော အထူးကုဆေးခန်းတွေ မှာပါ ပြသရင်း မသက်သာတာနဲ့  ဆေးရုံ ၃ ကြိမ် တက်ခဲ့ရတယ် ။ ဆေးမှတ်တမ်း တချို့ ကို ပုံမှာတွေ့ နိုင်ပါတယ် ။ ( သွားဌာန မှာ ပြခဲ့စဉ် အခါက သူ့ ကို ကုသပေးတဲ့ ဆရာဝန်င်္ကြိးက “လာ ပြန်ပြီလား နောက်တယောက် ” လို့  ပြောဆိုခဲ့ပါသေးတယ် တဲ့ ၊ အဲ့ဒီ ပထမ သားကောင်ကတော့ ညောင်တုံးမြို့ မှ အမျိုးသမီး တဦး ဖြစ်တယ် လို့  ကိုညောင်ရမ်းရဲ့ အမျိုးတွေ ဆီက တဆင့် သိခဲ့ရပါတယ် )

ဒီဆေးမှတ်တမ်းတွေအရ သူဖြစ်ခဲ့ ခံစားခဲ့ရတဲ့ ဝေဒနာတွေက အရေပြားတွေ ယားယံတယ် ၊ အရည်ကြည်ဖုတွေ နဲ့ အနာတွေဟာ မျက်စိထဲမှာ ၊ပါးစပ် အာခံတွင်း ထဲမှာ ၊ မိန်းမကိုယ် နေရာတွေမှာတဖြေးဖြေး ပွားလာတယ် ၊ အစာ နဲ့ အူလမ်းကြောင်းမှာယောင်ယမ်းတယ် ၊ လူတကိုယ် လုံး ရှိ အရေပြားမှာ ထွက်လာတဲ့ မီးလောင်ဖု လို အရည်ကြည်ဖုတွေ က ကွဲအက်ပြီး အရည် တရွှဲရွှဲ နဲ့ အနာတွေ အဖြစ် ပြောင်းလဲသွားတယ် အဲ့တာကြောင့် သူ့ ခမျာ အဝတ်အစား မကပ်နိုင်ရှာပဲ ဆေးရုံက အအေးခန်းထဲမှာ နေရတယ် ။ နောက်တော့ သွေးအဆိပ် တက်လာတယ်ပေါ့ ။

နောက်ဆုံးအကြိမ်မှာတော့ ( မဟာမြိုင်) ဆေးရုံ မှာ တက်ရောက်ကုသ ခဲ့ပြီး ၊ ဒီင်္ဝေဒနာတွေကို နာကျင်ပြင်းထန်စွာခံစားရင်းနဲ့ ၁၃-၅- ၂၀၀ရ နံနက် ၇ နာရီအချိန်မှာ သူ့ ရဲ့ အဝေးရောက် လင်ယောကျာင်္း နဲ့ သားသမီး ၂ ယောက်ကို ချန်ထားပြီး ဘဝတပါးသို့  ကူးပြောင်းသွားခဲ့ရပါတယ် ။ အသုဘရှု ရက်လည်ဆွမ်းသွတ် တရားတော်နာ ဖိတ်ကြားလွှာ ကို ကြည့်နိုင်ပါတယ် ။

ကံဆိုးရှာသူ မအေးအေးမာတယောက် ဒီဆေးတွေသုံးစွဲသူ လူအယောက် သောင်းပေါင်းများစွာ ထဲမှာ အဖြစ်နည်းလှတယ်လို့ ယူဆရမဲ့ ဘေးထွက်ဆိုးကျိုးတွေကြောင့် ရေတိမ်နစ်ခဲ့ရပေမဲ့ ဆေးရောင်းတဲ့ ကုမ္ပဏီ က ဘာတခုမှ ဆောင်ရွက်ကူညီပေးခဲ့ခြင်းမျိုး မရှိခဲ့ပါဘူး ။( သူမ မသေဆုံးမှီ အသည်းအသန်ဖြစ် လို့ ဆေးရုံတက်နေရစဉ် အချိန်တုံးကတော့ ဆေးရုံက တာဝန်ရှိသူတွေကို ကုမ္ပဏီမှ လို့ ယူဆရသူ တဦးကတော့ နေ့စဉ် ဖုံးဆက် မေးမြန်းခဲ့ပါသေးတယ် ၊ ဒါပေမဲ့ သေဆုံးပြီင်္း နောက်ပိုင်းမတော့ လုံးဝ ဆက်သွယ်ခြင်း မရှိခဲ့ပါဘူး ။ ခင်ပွန်းသည်က အဝေးရောက်နေတာမို့  ကျန်ရစ်ခဲ့တဲ့ သူ့ ဆွေမျိုး အနည်းငယ်နဲ့ နာရေးကိစ္စကို ဆောင်ရွက်ခဲ့ရပါတယ် ။ အဲ့ဒီအချိန်က သူမကို တာဝန်ယူကုသပေးနေတဲ့ ဆရာဝန်ကြီး တဦး ( သွေးဗေဒ ဆိုင်ရာ အထူးကု ပါမောက္ခကြီး ) မှ သေစာရင်း နဲ့အတူ အဲ့ဒီ ကုမ္ပဏီရဲ့  တာဝန်မဲ့ လုပ်ရပ်များ အား သက်ဆိုင်ရာမှ သိရှိစေရန် တိုင်ကြားမှုများ ပြုလုပ်ဖို့  အကြံပေးခဲ့ပါသေးတယ် ။ ဒါပေမဲ့ ကံတရားကိုသာ ပုံချလေ့ရှိနေကြဆဲ ဖြစ်ကြတဲ့ ရွှေမြန်မာ တို့ ရဲ့  ထုံးစံ အတိုင်း၊ တရားသည် ဖြစ်စေ ၊ မတရားသည် ဖြစ်စေ အမှုအခင်း ဖြစ်ရမှာ ဝန်လေးတတ်ကြသူ ကြောက်တတ်သူတို့  ထုံးစံ အတိုင်း ၊ ပြီးတာတွေလည်း ပြီးပါစေတော့ လို့  ခွှင့်လွှတ်ခြင်း တရားများစွာ ဖြင့်၊ ကြီးသော အမှုကို ပပျောက်စေခဲ့ ပါတယ် ။ (သေစာရင်းမှာ ရှာဖွေ မတွေ့ ပါသဖြင့် သေဆုံးရခြင်းအကြောင်းရင်း{cause of death} အတိအကျ ကို မသိပါ ။ထို့ အပြင် ကြွင်းကျန်သော ခန္ဓာကိုယ်အား မှုခင်းစစ်ဆရာဝန်များဖြင့် ဆက်လက်စစ်ဆေး ဓါတ်ခွဲခြင်း {Post mortem examination}မပြုလုပ်ခဲ့ပါသောကြောင့် ဆေးမှတ်တမ်းများ အရ၊ အဆိုပါ လင်ဇီး၏နောက်ဆက်တွဲ ဆိုးကျိုးများကြောင့် ဟူ၍သာ ကောက်ချက်ချလိုက်ရပါသည် ။ )

ခု ဆိုရင် မအေးအေးမာ တယောက် ဘယ်ဘဝ ရောက် နေမယ်မှန်း မသိပါဘူး ။ လင်ဇီးစတင်သုံးစွဲပြီး ကလေး ၆ လသားအရွယ်ထိ သူမရဲ့ နို့ ချို ကို တိုက်ကျွေး ခဲ့တဲ့ သားလေးဟာ ခုဆိုရင် ၅ နှစ်သား အရွယ် ရောက် နေပြီ ဖြစ်ပြီး ဒီ သားကလေး မှာတော့ ဒီင်္ လင်ဇီး ရဲ့ နောက်ဆက်တွဲ အကျိုးဆက်များ ဖြစ်လေမလား ။ သူ့ ရဲ့  ကိုယ်ခန္ဓာ အပူချိန်ဟာ သာမာန်လူရဲ့  အပူချိန်ထက် မြင့်တက် နေလေ့ရှိပါတယ် ။ တခြား ကြီးကြီးကျယ်ကျယ် ဖျားနာခြင်းတော့ မရှိသေးပါဘူး ။ ( ကိုညောင်ရမ်းကို သူ့ သားရဲ့ ကိုယ်အပူချိန် အတိအကျ ဘယ်လောက်ရှိလဲ မေးကြည့်တော့ သူ့ ဆီမှာ ပြဒါးတိုင်မရှိလို့ အတိအကျတော့ မသိပါဘူး တဲ့ ။ လက်နဲ့စမ်းပြီး ပြောခြင်းဖြစ်ပါတယ် တဲ့ ။ ဒါဆိုရင်တော့ တကယ် ကိုယ်ပူချိန် မြင့်နေတယ် ဆိုတာ တော့ သက်သေပြ လို့ မရဘူးပေါ့လေ။ သူ့ သားလေး တယောက် ကျန်းမာနေပါစေလို့ ဆုတောင်းပေးရတာပါပဲ )

အချုပ် ကို ဆိုရရင်တော့ ဒီ လင်ဇီး လို ဆေးဘက်ဝင်တယ်ဆိုတဲ့ ဆေးဝါး အသုံးအဆောင် ပစ္စည်းတွေကို မိမိ တိုင်းပြည်မှာ ထုတ်လုပ်ထားတာ မဟုတ်ပေမဲ့ မိမိ တိုင်းသူပြည်သားများ စားသုံးမှု မပြုခင်၊ တရားဝင် ရောင်းချခွင့် မပြုခင်မှာ စားသောက်ကုန်နဲ့ ဆေးဝါး ကြီးကြပ်ရေး အဖွဲ့ အစည်း မှ သေချာ စီစစ် ဓါတ်ခွဲ သင့်ပါတယ် ။ သူတို့ ရဲ့  ကြော်ငြာ စာ တွေဟာ ကျော်ချင်လို့  ညာထားတာတွေ ဟုတ် ၊ မဟုတ် စီစစ်သင့်ပါတယ် ။ ညာ ထားတာတွေ ရှိပါက ထိရောက်စွာ အရေးယူသင့်ပါတယ် ။

စားသုံးသူတွေ ဖက်မှလည်း သူများပြောတိုင်း အယုံ မလွယ်ပဲ ဖြစ်နိူင် ၊ မဖြစ်နိူင် ဆိုတာ ကိုယ်ပိုင်ဥာဏ်များ နဲ့ ဝေဖန် သုံးသပ် သင့်ပါတယ် ။ တကယ်လို့  ကံမကောင်းလှစွာ ဖြင့် အလားတူ ဖြစ်ရပ်များ နဲ့  ကြုံ တွေ့  ရပါလျှင်လည်း ၊ဒီပြသနာတွေကို သတ္တိ ရှိရှိ ၊ ရင်ဆိုင် ပြီး ၊ ရသင့် ရထိုက် တဲ့ ကိုယ်ပိုင် အခွင့် အရေးတွေ ကို အဆုံးရှုံး မခံသင့်ပါဘူး ။

ဖြစ်သင့် ဖြစ်ထိုက် တဲ့ အခြေအနေနဲ့  ဖြစ်ရပ်မှန်တွေ ကို လူအများ သိရှိစေဖို့  ရည်ရွယ်ပြီး ဒီ စာစုလေးကို တင်ပြ လိုက်ရပါတယ် ။ လင်ဇီးဆိုပြီး အထင်ကြီးနေကြသူများ အတွက်လည်း ၊ နောက်ထပ် ဒုတိယ မအေးအေးမာများ မဖြစ်ကြစေဖို့  ဆုတောင်းပေးလိုက်ပါတယ် ။

*** kiki-idiotlove.blogspot.com မှ ကူးယူဖော်ပြပါသည်။ ***
Credit to Ye Min Aung