ဝမ်းကိုက်ရောဂါ။

        မြန်မာတိုင်း ၀မ်းကိုက် ရောဂါခံစားဘူးကြမှာပါ။
ဝမ်းကိုက်ရောဂါ နှစ်မျိုးရှိပါတယ်။ တစ်မျိုးက (Bacteria)ခေါ်တဲ့ ပိုးကြောင့်ဖြစ်ပြီး၊ ကျန်တစ်မျိုးက အမီးဘား(Amoeba)ခေါ်တဲ့ပိုးကြောင့် ဖြစ်တာပါ။ များသောအားဖြင့် ဒီနှစ်မျိုးကို ရောဂါလက္ခဏာနဲ့တင်အလွယ် တကူ ခွဲနိုင်ပါတယ်။ ဒါပေမဲ့...

  ၀မ်းကိုက်တဲ့ လက္ခဏာမပြပဲ အမီးဘားပိုးတွေ အသဲထဲ ၀င်ပြီး အသဲပြည်တည်တာ၊ တင်ပါးမှာ ပြည်တည်တာ၊ အူအနာ ဖြစ်ပြီး အူပေါက်လို့ အသက် ဆုံးရှုံးရတာတွေ၊ အဆုတ်မှာ ပြည်တည်တာတွေ၊ ဥဏှောက်ထဲမှာ ပြည်တည်တာ၊ မိန်းမအင်္ဂါမှာ ပြည်တည်တာစတဲ့ ကိုယ်ခန္ဓာနေရာ အနှံ့အပြားမှာ ပြည်တည်နာ တွေဖြစ်နိုင်ပါတယ်။ အဲဒီလို အခြေအနေမျိုး မှာ ၀မ်းဗိုလ်ထဲက ပိုးတွေကိုယ်ခန္ဓာထဲ ရောက်ကုန်တာမို့ ၀မ်း(မစင်)မှာ ပိုးနည်းသွားပြီး ၀မ်းမှာ တွေ့ရှိဖို့ အခွင့်အရေး နည်းသွားပါတယ်။ဒါကြောင့် ဆရာဝန် အနေနဲ့ ဒီရောဂါ ထင်တယ် ဆိုရင် ၀မ်းကို ၃ ရက် ဆက်တိုက် စစ်ဆေးဖို့ ခိုင်းရပါတယ်။

           လူနာရဲ့ အူထဲမှာ အမီးဘားဝမ်းကိုက်ပိုးတွေများလာရင် အမီးဘားမျိုးဆက် ပြန့်ပွါးဖို့နောက် လူတစ်ယောက်ဆီ ကူးရအောင်၊ အမီးဘားဝမ်းကိုက်ပိုးတွေ လူနာရဲ့အူထဲက ထွက်ပါတယ်။ အဲ့ဒီအခါ၊ အပြင်လောကရဲ့ ရာသီဥတုဒဏ် ခံနိုင်အောင် သံချပ်ကာအကျီ င်္ နဲ့တူတဲ့ ဓါတ် တစ်မျိုးကို ထုတ်ပြီး သူ့ကိုယ်ကို ဖုံးအုပ်ပါတယ်။ပြီးမှ ၀မ်းနဲ့အတူ အပြင်ကို ထွက်ပါ တယ်။အဲ့ဒီလို သံချပ်ကာအကျီ င်္နဲ့အမီးဘားပိုးကို (Amoeba cyst) လို့ ခေါ်ပါတယ်။ စစ်ပုံက အပြင်လောကမှာ တော်တော်ကြာကြာနေနိုင်ပါ တယ်။ နောက်လူတစ်ယောက်ရဲ့ အစာအိမ်ထဲရောက်မှ အစာခြေအက်စစ်ဓါတ်နဲ့ သူ့ရဲ့ သံချပ်ကာအကျီ င်္ အရည်ပျော် သွားပြီး အထဲက ဗယ်ဂျီတေတစ်ပုံ (vegetative form) ထွက်လာပါတယ်။
   ဗယ်ဂျီတေတစ်ပုံ ကသာ အူနံရံကို ဖေါက်စားပြီး ရောဂါ အမျိုးမျိုးကို ဖြစ်စေတာပါ။ စစ်ပုံက ရောဂါပြန့် စေဖို့ပါ သူရှိနေတဲ့လူကို ရောဂါ မရစေပါဘူး။

ဆရာတော်သံဃာတော်တွေ အထူးသဖြင့် မိုးကုတ်ဆရာတော်ဘုရားကြီးရဲ့ တရားတော်တွေမှာ စား၊၀တ်၊ နေရေး၊လုပ်နေရုံနဲ့ လူမဟုတ်သေးဘူး။ တိရစ္ဆာန်တွေ တောင် သူတို့ရဲ့ စား၊၀တ်၊နေရေး၊ အတွက် လုပ်ကြ တာပဲလို ဆိုဆုံးမလေ့ရှိပါတယ်။ စား၊၀တ်၊ နေရေး၊ တောင် မဟုတ် မျိုးဆက်ပြန့်ပွါး အောင် တောင်လုပ်နိုင် တာကို အမီးဘားပိုးက ကောင်းကောင်းပြနေပါတယ်။
 
    ဆေးသိပ္ပံမှာတော့ အမီးဘားလို ဆဲ (Cell) တစ်ခုထဲ ပါတဲ့ ပိုးတွေကိုအနိမ့်ဆုံး တိရစ္ဆာန်စာရင်း (Animal Kingdom) ထဲမှာထဲ့ထားပါတယ်။

        မဟာစည်ဆရာတော်ဘုရားကြီးကို ဒေါက်တာဦးမြင့်ဆွေက မေးလျောက်တဲ့ ရောဂါ ပိုးတွေဟာ သတ္တ၀ါထဲမှာ ပါ ပါသလား၊ဆရာဝန်များအနေနဲ့ ပိုးသတ်ဆေး လူနာကိုပေးတာ ပါဏာတိပါတကံ ထိုက် ပါသလားဆိုတဲ့မေးခွန်နဲ့ ပတ်သက်ပြီး ဆရာတော်ဘုရားကြီး ဖြေကြားတာက အမီးဘားလိုပိုးတွေဟာ  ကံအကြောင်းကြောင့်ဖြစ်တဲ့ သတ္တ၀ါမဟုတ်ဘဲ၊ ရောဂါစွဲမည့်ပုဂ္ဂိုလ်၏ အကုသိုလ်ကံ အကြောင်းအား လျော်စွာ ဥတုကြောင့်ဖြစ်ပေါ်သော ကမ္မပစ္စယ ဥတုဇရုပ် များသာလို့ ဖြေကြားတာ ဖတ်ရဘူးပါတယ်။
   
  ကျမရဲ့ဆရာဝန်သက်တမ်းမှာကြုံတွေ့ခဲ့တဲ့ အမီးဘားပိုးရဲ့ ထူးခြားတဲ့ရောဂါ လက္ခဏာသုံးမျိုးကိုဖေါ်ပြလိုက်ပါတယ်။

တော်ပါသေးရဲ့။
     ဆေးတက္ကသိုလ် နောက်ဆုံးနှစ် ကျောင်းသူ၊ကျောင်းသားများ ရုတ်ရုတ် ရုတ်ရုတ်နဲ့ ဆေးရုံကြီးခွဲစိပ်ခန်း အပြင်မှာ စိတ်ပင်ပန်းစွာ စောင့်နေကြ ပါတယ်။ အကြောင်းကတော့၊ ခွဲစိပ်ဆရာဝန် ကြီး လည်းဖြစ်၊ ပရာဖက်ဆာလည်းဖြစ် တဲ့ဆရာကြီး ဦး....အသဲကင်ဆာ ဖြစ်လို့ ခွဲစိပ်ထုတ်ဖို့ ခွဲခန်းထဲမှာ ခွဲစိပ် ဆရာဝန်ကြီးတွေ အလုပ်ရှုပ်နေကြတယ်တဲ့။
 
     ဆရာကအသင်အပြ လည်းကောင်း၊စိတ်သဘောထားလည်း ပြည့်ဝလို့ ကျောင်းသူ ကျောင်းသားများရဲ့ အချစ်တော်ပါ၊ နောက်တစ်ချက်က ဆရာကလူပျိုကြီးပါ၊ ဒါကြောင့် ဆရာ အားမငယ်အောင်၊ဆရာ့မိသားစု  ကိုယ်စား အားပေးဖို့ စောင့်နေကြတာပါ။

           ဆရာက ကျန်းမာရေးကောင်းတဲ့သူပါ၊ တစ်နေ့ဗိုလ်ထဲက အောင့်လို့ မိတ်ဆွေ ဆေးကုသရေး အထူးကုဆရာဝန်ကြီးကို စမ်းသပ်ခိုင်းတော့ ဘာရောဂါ လက္ခဏာမှ မတွေ့ဘူး။ သာမန် ဗိုလ်အောင့် သက်သာဆေးတွေ စားပေမဲ့လည်း မသက်သာတာနဲ့ (General Medical check up) အထွေထွေ ဆေးစစ် စမ်းသပ်တော့ အသဲမှာ အလုပ်မလုပ်တဲ့ အလုံး (Cold mass) တွေ့တယ်တဲ့။ အလုပ် မလုပ်တဲ့အလုံး ဆိုတော့ ဆရာ့လို ၅၀ ကျော် ၆၀ ပတ်ဝန်ကျင် မှာတော့ ကင်ဆာလုံးဖြစ် ဖို့များပါတယ်။

      ဆရာ့ကျန်းမာရေးက ခွဲစိပ်တဲ့ဒဏ်ကို ခံနိုင်တယ်၊ တခြား ကင်ဆာပြန့်တဲ့ လက္ခဏာ တွေလဲ မရှိတော့ ခွဲစိပ်လို့ အချိန်မှီသေးတယ် ဆိုပြီး အလျှင်အမြန် ခွဲဖို့ စီစဉ်ကြ တာပါ။

      အသဲမှာ ဖြစ်တဲ့ ကင်ဆာက အလွန်ပြန့်လွယ်ပါတယ်။ များသောအားဖြင့် အသဲ ကင်ဆာ ဖြစ်တယ်လို့ သိတဲ့ အချိန်မှာ  ၉၀% က ခွဲထုတ်လို့ မရတော့ပါဘူး။ နောက်တစ်ချက်က အသဲက ဒီပြင့်အင်္ဂါနဲ့ မတူပါဘူး၊ အသဲရဲ့ ၇ ပုံ ၈ ပုံအထိ ခွဲထုတ်လို့ ရပါတယ်။

    တစ်နာရီလောက်ကြာတော့ ခွဲစိတ်ခန်းထဲ့က ဆရာဝန်တွေ ပြုံးရွှင်စွာ ထွက်လာကြ ပါတယ်။ကင်ဆာလုံး မဟုတ်ဘူးတဲ့။ အမီးဘားဝမ်းကိုက်ပိုး ကြောင့်ဖြစ်တဲ့ ပြည်လုံးတဲ့။ ၀မ်းကိုက်ပိုးရဲ့ပြည်က တခြားပြည်တွေလို အဖြူ(၀ါ) အ၀ါရောင်ပြစ်ပြစ် မဟုတ်ပါဘူး။ နိုင်ငံခြားကရေးတဲ့ ဆေးစာအုပ်တွေမှာတော့ သူတို့စားတဲ့ အစာနဲ့ နိုင်းပြထားပါတယ်။ မြန်မာအစာနဲ့ ထင်လွယ်မြင်လွယ်အောင် ပြောရမယ်ဆိုရင် ပုံရည်ကြီးနဲ့ တူပါ တယ်။ ညိုညို ပြစ်ပြစ်ပါ။
      (ပုံရည်ကြီး ကြိုက်တဲ့ သူတွေ Sorry နော်၊ ကျမလည်း ကြိုက်ပါတယ်၊ ရန်ကုန်အပြန်မှာ ၀ယ် လာရတဲ့ အစားအစာထဲမှာ သူကလည်း မပါမဖြစ်တဲ့ အစာတစ်ခုပါ)။

စိတ်ရောဂါတဲ့
           မေမေရဲ့ငယ်သူငယ်ချင်း ဖါးအံ့က ရန်ကုန်ရောက်နေလို့ ရန်ကုန်မှာနေတဲ့ သူ့သမီးနဲ့ အိမ်ကို လာလည်ကြပါတယ်။ သူငယ်ချင်းနှစ်ယောက် မတွေ့တာ နှစ်ပေါင်း ၃၀-၄၀ လောက်တောင် ရှိနေပြီ ဆိုတော့ ပြောမဆုံးပေါင် တောသုံးထောင်ပါပဲ။ မေမေက ကျမတို့ကို သူ့ သူငယ်ချင်းနဲ့ မိတ်ဆက် ပေးပါ တယ်။ ကျမ ဆရာဝန်ဖြစ်တယ် ဆိုတာ သိတော့ မေမေ့သူငယ်ချင်းရဲ့ သမီးက သူရောဂါများလို့ ဆေးပင်စင်  ယူလိုက်ရကြောင်း။ နှလုံးရောဂါလဲရှိ၊ သားအိမ်လဲမကောင်းလို့ လာမဲ့အပတ်မှာ သားအိမ် ခွဲထုတ်ရမဲ့ အကြောင်း ပြောပါတယ်။ သူ့ကိုခွဲမဲ့ မီးရပ်နဲ့သားဖွါး ဆရာဝန်က ကျမရဲ့ သူငယ်ချင်း ဖြစ် နေတာနဲ့ သူ့ရောဂါ အခြေအနေ သိရအောင် သူငယ်ချင်း ဆီ ချက်ချင်းဖုန်းဆက် လိုက်ပါတယ်။

     ကံကောင်းချင်တော့ သူငယ်ချင်းနဲ့ တိုက်ရိုက်တွေ့ပါတယ်။ ဒါပေမဲ့ သူငယ်ချင်းက နင့်အမျိုးက (ကျမက လွယ်လွယ်ကူကူ အမျိုးလို့ ပြောလိုက်လို့ပါ) ပြောရမှာတော့ အားနာ တယ်။ (Psycho စိတ်သမားတဲ့ ဆေးလောကမှာ အနာမရှိအနာရှာပြီး ရောဂါထူတဲ့သူ တွေကို ပေးထား တဲ့နံမည်ပါ)။ အခုလည်း လိုအပ်လို့ ခွဲတာမဟုတ်ဘူး။ သူက တကျည်ကျည်နဲ့ ဟိုကနာတယ်၊ ဒီကနာတယ် ဖြစ်နေလို့ စိတ်ကိုကုတဲ့သဘောနဲ့ ခွဲမှာတဲ့။

        ဖုန်းဆက်ပြီးတော့ကျမလဲ တော်တော်ဒေါကန်သွားတယ်။အလကား ဆရာဝန်တွေကို အလုပ် လာရှုပ် တယ်ပေါ့။ ဒါပေမဲ့ စမ်းသပ်ကြည့် လိုက်ပါအုံး မယ်လေ။ကျမသေသေချာချာ စမ်းသပ်ပြီး ရောဂါမရှိဘူး ဆို တာ ယုံကြည်အောင် ပြောနိုင်ရင်တော့ အလကား ခွဲစရာ မလို တော့ဘူးပေါ့။ သူ့မှာ နှလုံးရောဂါလဲရှိ တယ် ဆိုတော့ မလိုအပ်ပဲ ကျန်းမာရေး ပိုထိခိုက်မဲ့ မေ့ဆေးဒဏ်တို့၊ ခွဲစိပ်တဲ့ဒဏ်တို့ မခံရတော့ဘူးပေါ့။

        ဒါပေမဲ့ ကျမ စမ်းသပ်ကြည့်တော့ သူ တကယ်ပဲ နာနေတာ တွေ့လိုက်ရပါတယ်။သူ့ရဲ့ ညာဘက် ဗိုလ် နေရာ (အသဲနေရာ) က နာနေ တာကိုတွေ့လိုက်ရ ပါ တယ်။ ဒီနေရာကနာရင် ၀မ်းကိုက်ပိုးကြောင့် အသဲရောင်တာ ဖြစ်နိုင် ပါတယ်။ ဒါနဲ့ သူ့ကိုခွဲစိပ်ဖို့ ခဏရပ်ဆိုင်းထားဖို့နဲ့ ၀မ်း၃ ရက်ဆက်တိုက်စစ် ဖို့ပြော ပါတယ်။ တဆက်ထဲမှာပဲ ဓါတ်ခွဲခန်းက ကျမတပည့် (Technician) ကို ၀မ်းကို ကွန်စင်ထရေရှင်း (Concentration) လုပ်ပြီး၊ ၀မ်းကိုက်ပိုး ကို သေသေချာချာရှာဖို့ ဖုန်းဆက် ပြောလိုက်ပါတယ်။
 Concentration လုပ်တယ် ဆိုတာ ၀မ်းထဲမှာ ၀မ်းကိုက်ပိုးနည်းနေရင် တွေ့ဖို့ အခွင့် အရေး များအောင် လုပ်တဲ့နည်းပါ။ ပထမ ၀မ်းကို ဆားရည်မှာ ဖျော်ရပါတယ်၊ ၀မ်းထဲမှာ ပါတဲ့ အဖတ်တွေ ဖယ်၊ အရည်ကြည်ကို ယူပြီး၊ ၀မ်းကိုက်ပိုးတွေ အနယ်ထိုင်စေတဲ့ စက်ထဲမှာ ထဲ့ လှည့်ရပါတယ်။ ပြီးမှ ရလာတဲ့ အနယ်ကို မှန်ဘီးလူးအောက်မှာ ပိုးရှာရတာပါ။

      အခုလို နှစ်ရှည်လများ ရောဂါ ဖြစ်နေသူရဲ့ ၀မ်းမှာ ၀မ်းကိုက်ပိုး သိပ် မပါတော့ပါဘူး။ လောလောဆယ် ၀မ်းကိုက်တဲ့ လူနာရဲ့ ၀မ်းမှာတော့ ၀မ်းကိုက်ပိုးတွေ တော်တော်များများ ပါ လို့ Concentration လုပ်စရာ မလိုပါဘူး။

      သာမန်အားဖြင့် ၀မ်းစစ်တယ်ဆိုတာ ၀မ်းတစ်စက်ကို ဆားရည်ထဲမှာ ဖျော်ပြီးအဆ ၅၀၀-၁၀၀၀ ချဲ့ပြီး ကြည့်တာပါ။ ၀မ်းတိုင်းကို Concentration လုပ်မယ်ဆိုရင် ကျန်တဲ့ ဓါတ်ခွဲခန်း အလုပ်တွေ ပြီးမှာ မဟုတ်တော့ ပါဘူး။ တကယ်လို လို့ တောင်းရင်တော့ လုပ်ပေး ပါတယ်။  ထင်တဲ့အတိုင်း သူ့ဝမ်းမှာ ၀မ်း ကိုက်ပိုး စစ်ပုံ ကိုတွေ့ရပါတယ်။ “အနာသိ ဆေးရှိ ” ဆိုတဲ့အတိုင်း အမီးဘာဆေးနဲ့ (နှလုံးမှာ အပေါက် ဖြစ်တဲ့ ရောဂါကလွဲရင်) လုံးဝကောင်း သွားပါ တယ်။ Psycho စိတ်သမားလို့ အခေါ်ခံရတဲ့ ဘ၀ကလဲ ကျွတ်လွတ်သွားပါတယ်။ သူ့သားတွေ ရှိရာ စင်္ကပူကိုတောင် သွားလည် နေပြီတဲ့။

ကိုယ့်ရောဂါကိုကျွမ်းကျင်စွာကုသနိုင်မဲ့ဆရာဝန်ရွေးတတ်ပါစေ
          ကျမနောက်ဆုံးနှစ် ဆေးကျောင်းသူဘ၀၊ ညကြီးမင်းကြီး တံခါးလာခေါက်လို့ ဖွင့်ကြည့် လိုက်တော့။ မအူပင်မြို့က ဆွေနီးမျိုးစပ် မိသားစု ဖြစ်နေပါတယ်။ သူတို့ရဲ့တစ်ဦးတည်းသောသားလေး အရေးပေါ် ဆေးရုံတင်ရတဲ့အကြောင်း။ အခြေအနေမကောင်းလို့ ညတွင်းချင်းခွဲမယ် ဆိုတဲ့အကြောင်း။ လိုက်ကြည့် ပေးဖို့ အားကိုးတစ်ကြီးနဲ့ ပြောကြပါတယ်။ကျမလဲ ကမမ်းကတမ်း အ၀တ်အစားလဲပြီး လူနာတင်ထားရာ ဆေးရုံကြီးကို လိုက်ခဲ့ပါတယ်။

     အဆင်သင့်ချင်တော့ ခွဲမဲ့ဆရာဝန်ကြီးက အသင်အပြရော၊ ခွဲစိပ်တဲ့နေရာမှာရော အလွန် တော်တဲ့ ကျမရဲ့ဆရာ ပရောဖက်ဆာ ဖြစ်နေပါတယ်။ ဆရာ့ထံမှာ အမျိုးကို ခွဲစိတ်တဲ့ အခါ ခွဲခန်းထဲဝင်ကြည့်ခွင့် ပေးဖို့ တောင်ပန်ပြီး၊အပြင်က စောင့်နေတဲ့ မိသားစုကိုလည်း စိတ်မပူဖို့၊ မြန်မာပြည်မှာ အတော်ဆုံး ခွဲစိတ်ဆရာဝန်ကြီး ကိုယ်တိုင် ခွဲမှာဖြစ်ကြောင်း အားပေးပြီး၊ ခွဲစိတ်ခန်းထဲဝင်ခဲ့ပါတယ်။

      လူနာက အသက်၂၅ နှစ်သာ ရှိသေးတဲ့ လူရွယ်တစ်ယောက်ပါ၊လာမဲ့အပတ် မှာလည်း သိပ္ပံပညာဘွဲ့ ယူမဲ့ ခေတ်ပညာတတ် တစ်ယောက်ပါ။ ဒါပေမဲ့ သူ့ရောဂါအခြေအနေက သေရေး ရှင်ရေး မခွဲရင် ပြစ်လိုက်ရမှာမို့ ရလိုရငြား စွန့်ပြီးအရေးပေါ်ခွဲရတာပါ။

       ဗိုလ်ဖွင့်လိုက်တာနဲ့ ဗိုလ်ထဲမှာ မြင်မကောင်းရှုမကောင်း အူအနာတွေက ပေါက်ထွက် နေပါတယ်။ များလှတဲ့ အူပေါက်တွေကို ဘယ်လိုမှ ပိတ်လို့မဖြစ်နိုင် (အူအသားတွေ ရိနေပါ တယ်) တာနဲ့ အနာတွေ ရှိတဲ့ အူမကြီးတစ်ခုလုံးဖြတ်ထုတ်ပြီး၊ ကျန်တဲ့အူနှစ်စကို ပြန်ဆက်၊ ဗိုလ်နံရံ ဘေးမှာ ၀မ်းထွက်ဖို့ အပေါက် ဖေါက်၊ ညစ်ပတ်နေတဲ့ ဗိုလ်ကို သန့်ရှင်းရေး လုပ်ပြီး ဗိုလ်ပြန်ပိတ် လိုက်ပါတယ်။ ဆရာက ပြောပါတယ်၊ မင်းလူနာ ၄၈ နာရီကျော်ရင်တော့ ငါတို့ ခွဲတာ အောင်မြင်ပါလိမ့်မယ်တဲ့။ ဒါပေမဲ့ နောက်တစ်နေ့ ၂၄ နာရီ အတွင်းပဲ လူနာသေဆုံး သွားပါတယ်။

     လူနာ့အူတွေကို ဖေါက်ပြစ်တဲ့ တရားခံကတော့ အမီးဘာပိုးပါပဲ။ ဒီလောက် အခြေ အနေ ဆိုးတဲ့အထိ ဖြစ်ရအောင် ဘယ်ဆရာဝန်နဲ့မှ မပြ ဘူးလား ဆိုတော့။ ပြပါတယ်တဲ့ ရန်ကုန်ကနံမည်ကြီး ခွဲစိပ်ဆရာဝန် တစ်ဦးနဲ့ ပြသကြောင်း။ အဲ့ဒီဆရာဝန်ကြီးဆီမှာ ပြထား တဲ့စာအုပ်ကို ပေးပါတယ်။ အပြင်ကိုယ်ပိုင် ဆေးခန်းမှာ ပြထားတဲ့ စာအုပ်ငယ်လေးထဲမှာ။

  ၀မ်းသွားလျှင် စအိုဝန်ကျင်ကနာလို့ လာပြကြောင်း။ ဒီလိုရောဂါ လက္ခဏာ ဖြစ်စေတဲ့ ဘုရင် ဂျီနာ (Anal fistula and Anal abscess) တစ်ခုမှ မတွေ့ကြောင်းရေးထားပြီး အနာသက်သာ စေတဲ့ ဆေးတစ်ချို့ ပေး ထားပါတယ်။ ဓါတ်ခွဲခန်းမှာ သွေး၊ဆီး၊၀မ်း စစ်ထားတဲ့အဖြေစာရွက်တွေ လဲ ပါ ပါတယ်။  ဓါတ်ခွဲခန်း စစ်ချက်တွေ အားလုံး ကောင်းပါတယ်။ သွေးအားနည်းတာ၊ဆီးပိုးဝင် တာ၊ဆီးချိုတို့၊ ဆီးထဲမှာ အသားဓါတ်ပါ တာတို့၊ ၀မ်းမှာသွေးပါတာတို့ မရှိပါဘူး။ ဒါပေမဲ့ ၀မ်းမှာ အမီးဘားပိုးစစ်ပုံ ရှိကြောင်း ရေးထားပါတယ်။

      ခွဲစိပ်ဆရာဝန်ကြီးက သူ့လူနာ သွေးထွက်မထွက်ကိုပဲ ဂရုစိုက်ပြီး၊ အမီးဘားပိုးစစ်ပုံက သူ့ လူနာကို ဒုက္ခမပေးနိုင်ဘူးဆိုပြီး သိပ်အရေးမထားခဲ့ဟန် တူပါတယ်။ ဒါပေမဲ့ အမီးဘားပိုး စစ်ပုံ က အမီးဘား ပိုးဗယ်ဂျီတေတစ်ပုံက ဖြစ်လာတယ် ဆိုတာ မေ့သွားဟန်တူပါတယ်။

     နံမည်ကြီးဆရာဝန် တော်တော်များများဟာ လောဘရဲ့ သားကောင်တွေ ဖြစ်ကုန်ကြပြီး၊ လာသမျှ လူနာတွေအကုန် ကြည့်ကြပါတယ်။ ဒါပေမဲ့ လူဟာ စက်မဟုတ်ပါဘူး။၂၄ နာရီ ခိုင်း လို့ မရပါဘူး။ အထူးသဖြင့် အေးအေးဆေးဆေး လေးလေးနက်နက် စဉ်းစားရမဲ့ ဆေးကုသမှု မျိုးတွေမှာ အချိန်ပေး သင့်ပါတယ်။ နိုင်ငံခြားမှာသာဆိုရင် လူနာက တရားစွဲလို့ သူတစ်သက် လုံး ရှာထားတဲ့စီးပွါးတွေ ကုန်ရမှာပါ။

      တစ်ခါက နားနှခေါင်းအထူးကုဆရာဝန်ကြီးဦးသိန်းမောင်ကပြောဘူးပါတယ်။ အထူးကု (Specialist) ဆိုလို့ သိပ်အထင်မကြီးနဲ့တဲ့ အများကြီး မသိတော့ပဲ နည်းနည်းလေး သိသွား တာကို ပြောတာတဲ့။ ဟုတ်ပါတယ်။ကိုယ်ခန္ဓာ အစိတ်အပိုင်းတစ်ခု (၀ါ) ပညာရပ်တစ်ခုကို အသေးစိပ် သိသွားပေမဲ့ လူကိုယ် ခန္ဓာတစ်ခုလုံး (General) ကို သိတာတော့ နည်းသွားပါတယ်။ ဒါကြောင့်လူနာ အနေနဲ့ အထူးကုဆီ တန်းပြီး သွားမပြပဲ၊ပထမဦးဆုံး အထွေထွေ ရောဂါကု (Generalist) ကိုအ ရင်ပြသင့်ပါ တယ်။

     ခက်တာကမြန်မာနိုင်ငံမှာ မကြွားသင့်တဲ့ နေရာ တွေမှာ ကြွားကြပါတယ်။ ရောဂါဖြစ်ရင် ဘယ် နံမည်ကြီး၊ ဘယ်နိုင်ငံ ပြန်ဆရာဝန်ကြီးနဲ့ပြတဲ့အကြောင်း၊ ဘယ်နိုင်ငံက ဆေးကို နိုင်ငံခြားကမှာ သောက်ကြောင်းဆိုတာတွေကို ၀မ်းသာအားရ ဂုဏ်ယူပြောနေကြတာကို အံ့သြ စွာတွေ့ရတာပါပဲ။
ပြင်သစ်နိုင်ငံမှာ အရေပြားရောဂါ၊ မီးရပ်နဲ့သားဖွါးရောဂါ၊ မျက်စိရောဂါ၊ တွေက လွဲရင် မိမိပြနေကျ အထွေထွေရောဂါကု ဆရာဝန်ရဲ့ ညွှန်ကြားချက်နဲ့ အထူးကု ဆရာဝန်တွေကိုပြမှ ဆေးကုသမှု ကုန်ကျစရိတ်ကို အစိုးရက ပြန်ပေးပါတယ်။ ကိုယ့်သဘောနဲ့ ကိုယ်သွားပြရင် မပေးပါဘူး။

       အဆထောင်ပေါင်းများစွာချဲ့ထားတဲ့အီးလက်ထရွန်မှန်ဘီးလူး(Electron microscope)အောက် မှာတွေ့ရတဲ့ရောဂါအမျိုးမျိုးဖြစ်စေတဲ့ အမီးဘာ ၀မ်းကိုက်ပိုး ဗယ်ဂျီတေတစ်ပုံ (Amoeba vegetative form)။

အဆတစ်ထောင်ချဲ့မှန်ဘီးလူး(microscope) အောက်မှာတွေ့ရတဲ့ လူတစ်ဦးမှ တစ်ဦး သို့ရောဂါကူးဆက်စေတဲ့အမီးဘာဝမ်းကိုက်ပိုး စစ်ပုံ (Amoeba cyst form) ။

          နောက်အရေးကြီးတဲ့ ၀မ်းစစ်ရခြင်း အကြောင်းကတော့ အစာအိမ်အနာက သွေးထွက်မထွက် သိအောင်လို့ပါ။  ဒီရောဂါမှာလည်း သွေးဟောင်းတွေ့ဖို့ အခွင့်အရေးပိုများအောင် ၃ ရက် ဆက်စစ်တာ ကောင်းပါတယ်။သွေးဟောင်းဆိုတာ အစာအိမ်ထဲကထွက်လာတဲ့ သွေးကို ဆိုလိုတာပါ။ အစာအိမ်ထဲမှာ အက်စစ်ရည်တွေရှိတာမို့ သွေးဟာ နဂိုအနီရောင် မဟုတ်တော့ ပါဘူး။ ညိုပုပ်ပုပ်ဖြစ်သွားပါပြီ၊ သွေးဟောင်း သိပ်များရင်တော့ ကပ်တရာစီး လိုမည်းပြီး စီးကပ် နေပါတယ်။ အစာအိမ်အနာရှိနေသူများ  ၀မ်းကို သတိထားကြည့်သင့်ပါတယ်။ ကိုယ့်ဝမ်းက ကပ်တရာစီးလို မည်းပြီး စီးကပ်နေတယ်ဆိုရင် ဆရာဝန် နဲ့ အမြန်ပြ သင့်ပါ တယ်။ (မှတ်ချက် သံဓါတ်ပါသော ဆေးများစားနေလျှင်လည်း ၀မ်းမည်းမည်း တွေ သွားပါတယ်)

        အက်စစ်မထိတဲ့နေရာတွေက သွေးထွက်တယ်ဆိုရင် သွေးအရောင်အတိုင်း နီပါတယ်။ ဥပမာ၊ အူမကသွေးထွက်တာ၊ လိပ်ခေါင်း ကသွေးထွက်တာမျိုး။

        ကိုယ့်ဝမ်းကို စွန့်ပြီးရင် ပြန်ကြည့်ပြီး အသုဘကိုယ် ဆိုတာ သတိသံဝေဂ ယူဖို့ မြတ် ဘုရားက သားရဟန်းတို့အား မိန့်မှာတော်မူ တယ်လို့ မှတ်သားဖူးပါတယ်။ ကိုယ့်မစင်ကို ပြန် ကြည့်ရင် လောကီရော၊ လောကုတ္တရာရော အကျိုးများတာမို့ ဘုရားသားတော်များ သာမက လူဝတ် ကြောင်တွေလဲကြည့်သင့်ပါ တယ်။

အသုဘ ဘာဝနာ (ရေအိမ်တက်) ရဋ္ဌပါလ။
မနေ့ကအစာ၊မနက်မှာ၊ဖျစ်ညှစ်ထွက်လို့လာ၊
အဆင်းလဲပျက်၊အနံ့ပျက်၊အားလုံးပျက်သည်သာ၊
အညစ် အစို့၊နံဟောင်သလို၊အန်ပျို့ချင်စရာ၊
လက်ဖျားနှင့်ပင်မထိချင်၊ထိလျှင်၊ဆေးကြောကာ၊
ရွှံစရာဖုံ၊တစ်ကိုယ်လုံး၊မစင်တုံးကြီးမှာ၊
အကောင်းမရှိ၊ဗလာအတိ၊နတ္ထိချစ်စရာ၊
ဓါတ် ရုပ်လေးပါး၊ခွါ ၍ထား၊အသားအရိုးလေးပုံပါ၊
လေးပုံတစ်စု၊ဖယ် ၍ရှု၊တစ်ခုမကျန်ပါ၊
ဘာမှမကျန်၊ရုပ်နှင့်နာမ်၊စွန့်ရန်သင့်သည်သာ။

ကျမ်းကိုး။
၁။မဟာစည်ဆရာတော်ဘုရားကြီးဖြေကြားတော်မူသောဘ၀ပြဿနာ။
၂။မိုးကုတ်ဆရာတော်ဘုရားကြီး၏တရားတော်များ။

၃။ရဋ္ဌပါလ။