YoYarLay added 4 new photos — with Yati Ko and 24 others.
တန်ခိုးမှာရွှေစည်းခုံ၊ အနုမှာအာနန္ဒာ၊ ထုမှာဓမ္မရံ၊ အမြင့်မှာသဗ္ဗညု
တန်ခိုးမှာရွှေစည်းခုံ။ ။ ဧရာဝတီမြစ်ကမ်းနဖူးရှိ သဲခုံပေါ်တွင် တည်ထားသဖြင့် ရွှေစည်းခုံစေတီဟု တွင်သည်။ အနော်ရထာမင်းမှ စတည်ထားပြီး ကျန်စစ်သားမင်းလက်ထက်တွင် စေတီအပြီးသတ်နိုင်သည်။ သီရိလင်္ကာမှ အနော်ရထာမင်းအား ဓမ္မလက်ဆောင်အဖြစ် ပေးပို့သော စွယ်တော်ပွားကို ဌာပနာထားသည်။ ကျန်စစ်သားမင်း၏ ရွှေစည်းခုံကျောက်စာသည် မင်းကောင်း၊ မင်းမြတ်တို့၏ သရုပ်ကိုပေါ်စေသည်။ အံ့ဖွယ်ကိုးပါး (အပြင်ကိုးပါး၊ အတွင်းကိုးပါး) နှင့် ပြည့်စုံသဖြင့် တန်ခိုးမှာရွှေစည်းခုံမှာ ပြောစမှတ်ပြုကြသည်။
အနုမှာအာနန္ဒာ။ ။ ကျန်စစ်သားမင်း၏ ကောင်းမှုတော်ဖြစ်ပြီး မြတ်စွာဘုရာ၏ အနန္တဂုဏ်တော်တို့ကို ရည်ညွှန်းပြီး အနန္ဒာဘုရားဟု ခေါ်တွင်ရာ ကာလကြာသော အာနန္ဒာဘုရားဟု ခေါ်ဝေါ်ကြသည်။ စေတီမှာ ဂူပုထိုးအမျိုးအစားဖြစ်ပြီး အချိုးအစားပြေပြစ်လှပသော အနုပညာလက်ရာများနှင့် ပြည့်စုံသဖြင့် အနုမှာအာနန္ဒာဟု ဆိုကြသည်။
ထုမှာဓမ္မရံ။ ။ နရသူမင်း၏ ကောင်းမှုတော်ဖြစ်ပြီး ကွမ်းတောင်ပေါက် လိုဏ်တစ်ဆင့်ဂူပုံစံမျိုး ဖြစ်ပြီး ထုထည်ကြီးမားလှသည်။ တရားတော်၏ထွန်းပရာ ဟု အဓိပ္ပာယ်ရသည်။ နရသူမင်းသည် ဖခင်အလောင်းစည်သူမင်းအား လုပ်ကြံမိသည့်အတွက် နောင်တရခါ ထိုမကောင်းမှုကို လျော့စေရန်အကျိုးငှာ တည်ထားခဲ့ခြင်းဖြစ်သည်။ နရသူမင်းကိုယ်တိုင် ကြီးကြပ်စစ်ဆေးပြီး ပေါ့လျော့လျှင် အပြစ်ပေးသဖြင့် အင်မတန်စေ့စပ်သေချာအောင် တည်ဆောက်ခဲ့သဖြင့် ငလျင်ဒဏ်အကြိမ်ကြိမ် ခံရသော်လည်း ပျက်စီးမှုအနည်းဆုံး ဖြစ်ခဲ့သည်။ ထုထည်ကြီးမားလှသည့်အတွက် ထုမှာဓမ္မရံဟု ဆိုစမှတ်ပြုသည်။
အမြင့်မှာသဗ္ဗညု။ ။ အလောင်းစည်သူမင်း၏ ကောင်းမှုတော်ဖြစ်ပြီး ဖိနပ်တော်မှ ငှက်မြတ်နားတော်ထိ ၂၀၁ပေ မြင့်သည်။ ဘုရားရှင်၏ သဗ္ဗညုတဥာဏ်တော်ကို ရည်စူးပြီး သဗ္ဗညုဘုရားဟု ဘွဲ့အမည်တွင်သည်။ ပုဂံရှိဘုရားများအကြားတွင် ထီးထီးကြီး မြင့်မားစွာ တည်ရှိသဖြင့် အမြင့်မှာသဗ္ဗညုဟု ဆိုကြသည်။
(unicode version)
No comments:
Post a Comment