★ ကျေးဇူးတော်ရှင် မဟာစည် ဆရာတော်ဘုရားကြီး ဖြေကြားတော်မူခဲ့သည့် “သောတာပန် ရဟန်း လူထွက်/မထွက်”ဟူသော ပြဿနာ

 _______________________________________________________

ရန်ကုန်မြို့သို့ရောက်ရှိနေခိုက် “အင်းဝ စာပေတိုက်” မှ “မဟာစည် ၀ိပဿနာ စိန်ရတုအထိမ်းအမှတ်” စာအုပ်ထူကြီး ကိုတွေ့မိသဖြင့် အားရ၀မ်းသာ ၀ယ်ယူ ပူဇော်ခွင့်ရရှိခဲ့ပါသည်။ အလေးအနက်ထား ဖတ်ရှုမိသောအခါ “ကျေးဇူးတော်ရှင် မဟာစည် ဆရာတော်ဘုရားကြီး” ၏ နက်နဲစူးရှသော ဉာဏ်တော်၊ ထက်မြက်သော စွမ်းရည် သတ္တိ နှင့် ထူးခြားသော ဂုဏ်ပုဒ်များကို လေ့လာ တွေ့ရှိရသဖြင့် ကြည်ညိုခြင်းအသစ် ဖြစ်မိပါ၏။
ကျေးဇူးတော်ရှင် မဟာစည် ဆရာတော်ဘုရားကြီး ၏ များစွာသော ဂုဏ်ပုဒ်တော်များထဲမှ လူသိနည်းသော အကြောင်းအရာ တစ်ခု ကို တင်ပြလိုပါသည်။
ထို ခေတ်ကာလ အချိန်က “သောတာပန် ရဟန်း လူထွက်/မထွက်”ဟူသော ပြဿနာ နှင့် စပ်၍ အခြားသော ပညာရှင်များ က “သောတာပန်များ လူမထွက်တော့” ဟု ယူဆ တော်မူကြသည်ဟု သိရှိရပါသည်။ ယူဆတော်မူသည့် ပါဠိတော် အချက်များမှာလည်း ဤသို့စိတ်ဝင်စားဖွယ်ရာ တွေ့ရပါ၏။
“မဟာမောဂ္ဂလိပုတ္တတိဿထေရ်” အလောင်းအလျာ “သာမဏေ” သည် “အရှင် သိဂ္ဂ၀ ထေရ်” ထံတော်မှောက် တွင် “ဒွတိံ္တ သာကာရ”(၃၂-ကောဋ္ဌာသ) ကမ္မဋ္ဌာန်းစီးဖြန်းရင်း “သောတာပန်” ဖြစ်တော်မူပါ၏။ ထိုအခါ ဥပဇ္ဈယ် မထေရ် မြတ်က-
“သာမဏေရော သောတာပတ္တိဖလေ ပတိဋ္ဌိတော၊အဘဗ္ဗော ဒါနိ သာသနတော နိဝတ္တိတုံ”
(သာမဏေ သည် သောတာပတ္တိဖိုလ် ၌ တည်ပြီ၊ ယခု သာသနာတော်မှ ပြန်နစ်ခြင်း(လူထွက်ခြင်း) ငှာ မထိုက်တော့) ဟု စဉ်းစားတော်မူပါ၏။(၀ိ၊ဋ္ဌ၊၁၊၃၁။)
ပုထုဇဉ်များထက် “သဒ္ဓါ ၊၀ီရိယ၊သတိ၊သမာဓိ၊ပညာ” [ဣနြေ္ဒ ငါးပါး] ထက်မြတ် အားကောင်း သော “သောတာပန် အရိယာ” သည် ရခဲလှစွာသော ရဟန်းဘ၀ ၌ “အဓိသီလသိက္ခာ” [(၂၂၇)သွယ်(ကုဋေကိုးထောင်ကျော်)] ကို ဖြည့်ကျင့်နေရာမှ သာမန် “ငါးပါးသီလ” မျှလောက်သာ စောင့်ထိန်းရသော လူ့ဘ၀ သို့ မပြောင်းနိုင်တော့ ဟု ဆိုလိုတော်မူပါသည်။
ထို အဆိုသည်လည်း အောက်ပါ ပါဠိတော်(သံ၊၃၊၄၉) နှင့် ညီညွှတ်နေသကဲ့သို့ရှိပါ၏။
ပါဠိတော် မြန်မာ ပြန်မှာ-
“ရဟန်း တို့- အနောက် မှ အရှေ့သို့ စီးဆင်းနေသော ဂင်္ဂါမြစ်ရေ ကို များစွာသော လူအပေါင်းက နောက်ပြန်စီးဆင်းအောင် ပြုလုပ်ခြင်းငှာ မစွမ်းနိုင်သကဲ့သို့ အရိယာ မဂ် ကိုပွားများထားသော အရိယာ ရဟန်း ကို မည်သူတစ်ဦးတစ်ယောက် ကမျှ လူထွက်အောင် မတတ်နိုင်။ထို အရိယာ ရဟန်း မှလည်း လူထွက်နိုင်သော အကြောင်း မရှိ။ အဘယ့်ကြောင့် ဆိုသော်-
ရဟန်း တို့- ထို ရဟန်း ၏စိတ် သည် ရှည်စွာသော ကာလပတ်လုံး “၀ိဝေကိလေသာ” တို့မှ ကင်းဆိတ်ရာ နိဗ္ဗာန်၌ ကိုင်းညွတ် နေသောကြောင့်ဖြစ်၏။” ဟူသော ပါဠိတော် ကိုကြည့်၍ အခြားသော ပညာရှင် များက ဆိုကြခြင်းဖြစ်ပါ၏။
မဟာစည်ဆရာတော်ကြီး သည်ကား အခြားသော ပညာရှင်များကဲ့သို့ မယူချေဘဲ ဤသို့ ယူဆတော်မူပါ၏။
ဖော်ပြပါ သုတ်တော် ၌ အရိယာပုဂ္ဂိုလ် လူမထွက်ခြင်း၏ အကြောင်းကိုပြရာဝယ် “အရိယာမဂ် ကိုပွားစေသောကြောင့်(၀ါ) အရိယာဖြစ်သောကြောင့်”ဟု အကြောင်းပြတော် မမူပေ။ “သူ၏ စိတ်က ရှည်စွာသော ကာလပတ်လုံး နိဗ္ဗာန် ၌ ညွတ်ကိုင်းနေသောကြောင့်(၀ါ) ရှည်စွာသော ကာလပတ်လုံး နိဗ္ဗာန်၌ ညွတ်ကိုင်းသော စိတ်ရှိသောကြောင့်” ဟု ပြတော်မူပါ၏။
“သောတာပန်ပုဂ္ဂိုလ်များ” သည် ခန္ဓာငါးပါး ကို “အနိစ္စ၊ဒုက္ခ၊အနတ္တ၊အသုဘ” ဟု သေချာစွာ သိ၍ “ဒိဋ္ဌိ”အားလုံးနှင့်တကွ “သညာ၊စိတ္တ၊၀ိပ္ပလ္လာသ”အများစု ကို ပယ်နိုင်သော်လည်း “ဒုက္ခ” ၌ “ချမ်းသာသည်” ဟုထင်မှု၊“အသုဘ”၌ “တင့်တယ်လှပ၏” ဟုထင်မှု၊“၀ိပ္ပလ္လာသ”လေးပါး ကျန်သေး၏။ “ကာမဂုဏ်”၌ တပ်မက်သော “ကာမရာဂ”ကိုလည်းမပယ် နိုင်သေး။ ထို့ကြောင့် လောကီ ကာမ ချမ်းသာထက် အဆပေါင်းများစွာ သာလွန်သော လောကုတ္တရာ ဓမ္မ ဖလသမာပတ် ချမ်းသာ ကိုဝင်စား၍ နေနိုင်ပါလျက် အမြဲမ၀င်စားဘဲ ကာမဂုဏ် ချမ်းသာ ကိုခံစားကြသေး၏။
အချို့သော “သောတာပန်” များသည် “၀ဋဘိရက” ၀ဋ်ဆင်းရဲ၌ ပျော်မွေ့ကြ၏။မိမိ ကိုယ်ခန္ဓာ နှင့်တကွ
ဘ၀အားလုံး၌ ငြီးငွေ့သော “နိဗ္ဗိဒါဉာဏ်” အမြဲတမ်း မဖြစ်။ ထိုသို့ “နိဗ္ဗိဒါဉာဏ်” မဖြစ်လျှင် “သင်္ခါရတရား”၏ ဆန့်ကျင်ဘက် “အသင်္ခတ ၀ိဝေက နိဗ္ဗာန်” ၌ အမြဲတမ်းစိတ်ကိုင်းညွတ်မှု မဖြစ်နိုင်။ ထို“သောတာပန်”ပုဂ္ဂိုလ် မျိုးသည် “ရဟန်းဘ၀” မှ “လူ့ဘ၀” ပြောင်းနိုင်သေးသည်။
အကယ်၍ ခန္ဓာငါးပါး၌ ငြီးငွေ့သော “နိဗ္ဗိဒါဉာဏ်” ဖြစ်၍ “နိဗ္ဗာန်”၌ အမြဲကိုင်းညွတ်သော စိတ် ရှိနေပါမူ လူ့ဘ၀သို့မပြောင်းနိုင်ပေ။“နိဗ္ဗာန်”၌ အမြဲကိုင်းညွတ်သော စိတ် ရှိနေပါက “အရိယာ” သာမဟုတ် ပုထုဇဉ် “အာရဒ္ဓ ၀ိပဿက”ပုဂ္ဂိုလ် သည်လည်း “ရဟန်းဘ၀” မှ “လူ့ဘ၀” ပြောင်းတော့မည် မဟုတ် ဟု မဟာစည် ဆရာတော်ဘုရားကြီး က မှတ်ချက်ပြုတော်မူခဲ့ပါသည်။
ထိုအတူ “သောတာပန်ပုဂ္ဂိုလ်”များသည် “သီလေသု ပရိပူကာရီ-သီလ တို့၌ ပြည့်စုံအောင်ဖြည့်ကျင့်လေ့ရှိ၏”ဟု ဟောတော်မူပါ၏။(အံ၊၁၊၂၃၃။)။
“(၂၂၇)သွယ်သော “အဓိသီလသိက္ခာ” ကိုစွန့်၍“ငါးပါးသီလ”မျှ ကိုထိန်းနေပါလျှင် “သီလ”၌ ပြည့်ပြည့်စုံစုံ ဖြည့်ကျင့်ရာ ရောက်နိုင်ပါမည်လား” ဟု စဉ်းစားစရာရှိပါသည်။ဤသို့လည်း စဉ်းစားစရာမလိုပါချေ။
“သီလ” ဆိုသည်မှာ လူ့ဘ၀ အလိုက်၊သာမဏေ ဘ၀ အလိုက်၊ရဟန်းဘ၀ အလိုက်၊ထိုက်သည့်အားလျော်စွာဖြည့်ကျင့်ရ၏။ ရဟန်းဘ၀ ၌ မနေသော“သောတာပန်” သည်  “ရဟန်းသီလ” ကို ဖြည့်ကျင့်ရန် မလိုပေ။“သောတာပန်၊သကဒါဂါမ် အရိယာ”ဖြစ်နေစေကာမူ လူ့ဘ၀၌ နေလျှင် အိမ်ထောင်ပြုခွင့်ရှိပါ၏။
ထို့ကြောင့် “သောတာပန်ဂုဏ်အင်္ဂါ” ကို ပြတော်မူရာ၌-
(၁) ဗုဒ္ဓေ အဝေစ္စ ပသာဒေန သမန္နာဂတော=ဘုရားရှင်၌ဉာဏ်ဖြင့်သက်ဝင်၍ ကြည်ညိုခြင်း နှင့်ပြည့်စုံ၏။
(၂) ဓမ္မေ အဝေစ္စ ပသာဒေန သမန္နာဂတော=တရားတော် ၌ဉာဏ်ဖြင့်သက်ဝင်၍ ကြည်ညိုခြင်း နှင့်ပြည့်စုံ၏။
(၃) သံဃေ အဝေစ္စ ပသာဒေန သမန္နာဂတော=အရိယာ သံဃာတော် ၌ဉာဏ်ဖြင့်သက်ဝင်၍ ကြည်ညိုခြင်း နှင့်ပြည့်စုံ၏။
(၄) အရိယ ကန္တေဟိ သီလေဟိ သမန္နာဂတော=အရိယာ တို့နှစ်သက်အပ်သော ငါးပါးသီလ နှင့်ပြည့်စုံ၏။ ဟု “ငါးပါးသီလ” ကိုသာ ပြထားပါပေ၏။(သံ၊၁၊၂၉၈။)(သံ၊ဋ္ဌ၊၂၊၆၇။)
မဟာစည် ဆရာတော်ဘုရားကြီး ၏ အယူ သည် အောက်ပါ ပါဠိတော် အဋ္ဌကထာ များနှင့် ညီညွတ်ပါပေ၏။
“အခါတစ်ပါး ၌ “ကဠာရခတ္တိယ ရဟန်း” သည် “အရှင်သာရိပုတ္တရာ” ထံ လာ၍ “မောဠိယဖဂ္ဂုန ရဟန်း” လူထွက်သွားကြောင်း လျှောက်ထား၏။
ထိုအခါ “အရှင်သာရိပုတ္တရာ” က-
“န ဟိ နူန သော အာယသ္မာ ဣမသ္မိံ ဓမ္မ၀ိနယေ အဿာသမလတ္ထ= ထို အရှင် မောဠိယ ဖဂ္ဂုန သည် ဤ သာသနာတော်၌ သက်သာရာ(အားကိုးရာ) ကို ရဟန်မတူ” ဟု မိန့်တော်မူ၏။(သံ၊၁၊၂၈၃။)။”
ဤ ပါဠိတော် ၌ “အဿာသ”ဟူသည် “သာသနာတော်၌ ချမ်းချမ်းသာသာ နေထိုင်နိုင်ကြောင်း မှီခို အားထား ရာဖြစ်သော အောက်မဂ် သုံးပါး၊ အောက်ဖိုလ် သုံးပါး ” ဟု အဋ္ဌကထာ ၌ ဖွင့်ပြထားပါ၏။(သံ၊ဋ္ဌ၊၂၊၅၇။)။
“ထို အောက်မဂ် သုံးပါး၊အောက် ဖိုလ် သုံးပါး ရရှိထားလျှင် သိက္ခာချ၍ လူထွက်တော့မည်မဟုတ်” ဟု“အရှင်သာရိပုတ္တရာ” ဆိုလိုသည်။
ထို “အဋ္ဌကထာ” ၌ “သောတာပတ္တိမဂ် ကိုသော်လည်းကောင်း၊သကဒါဂါမ်မဂ် ကိုသော်လည်းကောင်း၊အနာဂါမိမဂ် ကိုသော်လည်းကောင်း” စသည်ဖြင့် ခွဲ၍ မဆိုပါချေ။ “တဟော မဂ္ဂေ တီဏိ စဖလာနိ”ဟု တစ်ပေါင်းတည်း ဆိုထားပါသည်။
သို့သော် “ဋီကာ” ၌ ထပ်ဆင့်ရှင်းပြထားပုံမှာကား -
“လူထွက်ခြင်း မည်သည် ကာမဂုဏ် တို့၌ ငဲ့ကွက်မှု ရှိနေသေးသောကြောင့် ဖြစ်၏။ ထို ကာမဂုဏ် တို့၌ ငဲ့ကွက်မှု မရှိခြင်း မှာလည်း (တတိယမဂ်=အနာဂါမိမဂ်) ကို ရရှိမှ ဖြစ်နိုင်ပေမည်။”။(သံ၊ဋီ၊၂၊၇၃။)
ဤစကားအားလုံးကို ကောက်ချက်ချလျှင်“အနာဂါမ်ရဟန်း” ဖြစ်လျှင် မည်သည့်နည်းနှင့်မျှ လူ မထွက်တော့။
“သောတာပန်”ဖြစ်လျှင်ကား လူထွက်နိုင်သေးသည်။
ဤ အကြောင်းအရာများကို ကြည့်လျှင် “မဟာစည် ဆရာတော်ဘုရားကြီး”၏ စူးရှ နက်နဲသော ဉာဏ်ပညာ ကြီးကျယ်ပုံ ကို သိနိုင်လောက်ပါပေပြီ။
မှီခိုရာကျမ်းကိုး-
-၂၀၁၄-ခုနှစ်၊ဖေဖော်ဝါရီလထုတ်၊ “မဟာစည် ၀ိပဿနာ စိန်ရတု အထိမ်းအမှတ်၊”စာအုပ် (စာ-၄၀၃/၄၁၁)
ရေးသားပြီးစီး။ ။၁၃၇၆ခုနှစ်၊၊တန်ဆောင်မုန်းလဆုတ်၊ (၇)ရက်နေ့၊(၁၃-၁၁-၂၀၁၄)ရက်နေ့၊ကြာသပတေးနေ့-(ည-၈း၃၄)
ချမ်းသာပါကြစေ၊အေးငြိမ်းကြပါစေ၊
သံသရာဝဋ်ဆင်းရဲမှ..လွတ်မြောက်နိုင်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ
(ကိုညီညီတင်)
nyinyitindrums@gmail.com
(09-445108754)
http://www.facebook.com/konyinyi.tin
http://www.thirdteachingdhammadanafoundation.tk