ဝိပဿနာဥာဏ်ဆိုတာစကားလုံးတွေရဲ့နယ်ပယ်ကိုလွန်နေတယ်။

ဗုဒ္ဓဘာသာတရားဟာ သုတမယ၊စိန္တာမယလောက်နဲ့တင်ရပ်ထားလို့မရဘူး။ ဘုန်းကြီးကိုယ်တိုင်လည်း
သုတမယ၊စိန္တာမယလောက်ရှိခဲ့တုန်ုးကကိုယ့်ဟာကိုယ်တော်တော်သိပြီလို့ထင်ခဲ့တာ။ တရားအားထုတ်ကြည့်လာတဲ့အခါမှာ ကိုယ့်ဥာဏ်နဲ့ကိုယ်သိလာတဲ့အခါမှာ သုတမယ၊စိန္တာမယနဲ့ ဘာဝနာမယဥာဏ်ကြားမှယခြားနားမှုဘယ်လောက်ကြီးကျယ်သလဲဆိုတာပိုသိရတယ်။

 စာတွေဘယ်လောက်ဖတ်ဖတ် ရုပ်တရား နာမ်တရားဆိုတာတွေကို စာဖတ်ရုံနဲ့မသိနိုင်ပါဘူး။ ကိုယ်တိုင်တရားအားထုတ်ပြီးသတိ၊သမာဓိရင့်ကျက်လာတဲ့အခါကျမှ ရုပ်တရားနာမ်တရားတို့ရဲ့သဘောကိုပိုင်းပိုင်းခြားခြားသိတဲ့ နာမရူပပရိစ္ဆေဒဥာဏ်ဆိုတာကိုသဘောပေါက်လာတယ်။
တဆင့်တက်ရရင်ရုပ်တရားနာမ်တရားတို့ရဲ့အကြောင်းအကျိုးကိုသိတဲ့ပစ္စယပရိဂ္ဂဟဥာဏ်ဆိုတာကို
သတိ သမာဓိပိုကောင်းလာတဲ့အခါသဘောပေါက်လာတယ်။ ပိုပြီးနက်နဲ သိမ်မွေ့ပါတယ်။
သူ့ထက်တစ်ဆင့်ထပ်တက်ရရင် အနိစ္စ၊ဒုက္ခ၊အနတ္တဆိုတဲ့ လက္ခဏာရေးသုံးပါးကို နက်နက်နဲနဲ သိတဲ့ သမာသဏဥာဏ်ကိုသဘောပေါက်လာပြန်တယ်။ ဒီနေရာမှာရှုမှတ်မှုနဲ့ဆင်ခြင်မှုရောနေတတ်တယ်။
ဝိပဿနာဥာဏ်ရင့်ကျက်လာတဲ့အခါမှာတော့ဆင်ခြင်မှုမပါတော့ပဲ ဖြစ်ခြင်းပျက်ခြင်းကို ကိုယ်ပိုင်ဥာဏ်နဲ့တိုက်ရိုက်ကြည့်ပြီးသိနေတဲ့ဥာဏ်ကိုရောက်တယ်။ဒီဥာဏ်မျိုးကိုရောက်တဲ့အခါမှာ အနိစ္စဆိုတာကို ဘယ်လိုမှပြောပြလို့မဖြစ်နိုင်ပါလားဆိုတာ သဘောပေါက်သွားတယ်။ လူတိုင်းပြောနေတဲ့ဖြစ်ပြီးရင်ပျက်တာပဲ မမြဲဘူးဆိုတာ အတွေးသက်သက်နဲ့ပြောတာပါ။တကယ့်ပရမတ္ထတရားတွေဟာ စကားလုံးရဲ့နယ်ပယ်ကိုလွန်နေတယ်။

  လက်ကလေးနှစ်ဖက်ထိထားတဲ့အခါမှာနွေးနေတာရှိတယ်။ပျော့နေတာရှိတယ်။လှုပ်နေတာရှိတယ်။
အဲ့ဒါကိုစကားနဲ့ဘယ်လိုမှပြောလို့မရဘူး။အဲ့ဒီသဘောတွေကိုထိပြီးသိနေမှရတယ်။ဒီလိုထိနေတာလေးမှာ လက်လည်းမပါ၊ငါလည်းမပါ၊ပုံသဏ္ဍန်လည်းမပါပဲနဲ့နွေးတဲ့သဘောသက်သက်
ပျော့တဲ့သဘော သက်သက်၊လှုပ်တဲ့သဘောသက်သက်ကိုသိစေချင်တယ်။တော်တော်ကြိုးစားယူရမယ်။
အဲ့ဒါစကားလုံးရဲ့နယ်ပယ်ကိုလွန်သွားပြီ။ အင်မတန်ရိုးတဲ့အောက်ဆုံးအဆင့်ဥာဏ်တောင်မှစကားနဲ့ပြောလို့မရတော့ဘူး။

ဆရာတော်ဦးဇောတိက၏ သတိဆိုသောနေအိမ်စာအုပ်မှ