မေတ္တာရပ်ဝန်း

Sunday, March 8, 2015

တပ်မတော်သားတစ်ဦးဖြစ်ခဲ့တဲ့ ကိုမြသန်းစံ ရေးတဲ့ဆောင်းပါး

တပ်မတော်သားတစ်ဦးဖြစ်ခဲ့တဲ့ ကိုမြသန်းစံ ရေးတဲ့ဆောင်းပါး
=======================================
မြသန်းစံ – လုံးဝမရေးချင်ဘဲ ရေးရတဲ့စာ
--------------------------------------------------------
အရိုးသားဆုံးစိတ်နဲ့ပြောရရင် ကျွန်တော်အခုရေးမယ့်စာမျိုးလုံးဝမရေးချင်ပါဘူး။
တော်တော်များများလည်း သိကြပါတယ်။ ကျွန်တော် ဓမ္မဆိုင်ရာစာပေနဲ့ပဲမွေ့လျော် မိမိကိုယ်ကိုကောင်းအောင် ဆောက်တည်ရင်း နေလာခဲ့တာ နှစ်အတော်ကြာပါပြီ။

ကျောင်းဆင်းဒုဗိုလ်ဘဝ(၁၉၈၁ခုနှစ်)လောက်က ကြာအင်းဆိပ်ကြီးဒေသရှေ့တန်း
စစ်မျက်နှာမှာသေကောင်ပေါင်းလဲ တိုက်ပွဲဖြစ်ခဲ့ရတဲ့ရန်သူကို ၁၉၉၉ခုနှစ်ရောက်တော့
လက်နက်နဲ့ ငြိမ်းချမ်းရေးလုပ်မယ် လို့ပြောလာတဲ့အချိန်မှာ တာဝန်ပေးချက်အရ ကျွန်တော့်ဘက်က စေတနာပါပေါင်းထည့်ပေးပြီး“ငြိမ်းချမ်းရေးပန်းခင်း”ဆိုတဲ့သီချင်းကို
ရေးပေးခဲ့ရတဲ့သူပါ။အဲဒီတုံးကအဲဒီတိုက်ပွဲမှာ မအူမလည်နဲ့ကျွန်တော်သာကျဆုံးခဲ့ရင် “ငြိမ်းချမ်းရေးပန်းခင်း” သီချင်းထွက်လာမှာမဟုတ်သလိုကျွန်တော်လည်း သီချင်းရေး
ဆရာ တစ်ယောက်လည်းဖြစ်လာမှာမဟုတ်ပါဘူး။အခုတော့ငြိမ်းချမ်းရေးဆွေးနွေးပွဲ
တွေမှာ အဲဒီသီချင်းဖွင့်ပြီးဆိုကြ ကကြတယ်လို့ ခပ်ဝေးဝေးပဲကြားနေရပါတယ်။

အဲဒီတုံးကအခုလို Mediaတွေသိပ်မထွန်းကားသေးတော့ တလောက ဖြစ်ခဲ့တဲ့
' လောက်ကိုင်စစ်ပွဲ ‘ပုံရိပ်တွေလို ပြည်သူတွေအချိန်နဲ့တပြေးညီသိခွင့်မရခဲ့ဘူး။ ဒါပေမယ့်ကျွန်တော်ကိုယ်တိုင်မြေမြုပ် အမိန့်ပြန်ခဲ့ရတဲ့ ကျွန်တော့်ရဲဘော်တွေရဲ့
ဓာတ်ပုံတွေကတော့ ကျွန်တော့်ရင်ထဲမှာဆေးသားမပျက်ပြယ်သေးပါဘူး။လောက်ကိုင်
စစ်ပွဲမှာ ကျဆုံးသွားတဲ့ကလေးတွေရဲ့မိဘတွေကိုကိုယ်ချင်းစာနားလည်စိတ်နဲ့ ခံစား
နေရချိန်မှာတော့ တချိန်ကကျွန်တော်ကိုယ်တိုင် မျက်ရည်သုတ်ပေးခဲ့ရတဲ့ ကျွန်တော့်
ရဲဘော်တွေရဲ့ဇနီးသားသမီးတွေဟာ အခုတော့ မျက်ရည်တွေခြောက်ခမ်းလို့
ရင့်ကျက်ကုန်ကြပါပြီ။

တက္ကသိုလ်ကျောင်သားဘဝ(၁၉၇၄-၇၈)တုံးက ကြုံခဲ့ရတဲ့ဦးသန့်အရေးအခင်း ၊သခင်
ကိုယ်တော်မှိုင်းရာပြည့်ပွဲတွေတုံးက ဆံပင်ရှည်ရှည် ဝေလေလေဘဝနဲ့ လုံခြုံရေး
လုပ်နေတဲ့စစ်သားတွေကိုလူအင်အားအရှိန်အဝါနဲ့မကျေမနပ်ဖြစ်ခဲ့ဘူးတဲ့ကျွန်တော်
ဟာ ရှေ့တန်းစစ်မြေပြင်ရောက်လို့ တိုက်ပွဲတွေမှာ အသက်ပေးသွားကြတဲ့ ရဲဘော်
တွေကို ကိုယ်တိုင်မြေမြုပ် အမိန့်ပြန်ရတဲ့အချိန်မှာ နောင်တကြီးစွာနဲ့အရမ်းကို
ထိခိုက်ကြေကွဲခံစားခဲ့ရဖူးပါတယ်။

အခုလေးတင်ပဲ ပလပ်စတစ်စခင်းပြီးထမင်းကြမ်းခဲနဲ့ သဲတရှပ်ရှပ်ပဲဟင်းကို မြေကြီး
ပေါ်ထိုင်ပြီးအတူစားခဲ့ကြသေးတယ်။ အခုတော့တိုက်ပွဲပြီးလို့ကျွန်တော်ကမြေကြီး
ပေါ်မှာ တစ်ယောက်တည်း ထိုင်စားနေရပြီး ကျွန်တော့်ရဲဘော်မြေကြီးထဲရောက်
နေပြီ။ သူ့အလောင်းပေါ်မှာကျွန်တော်က ထမင်းကြမ်းခဲထိုင်စားနေရသလိုပါပဲ။

ဒီအတွေ့အကြုံတွေဟာတရားဓမ္မဘက်ကို ငယ်ငယ်ရွယ်ရွယ်နဲ့ရောက်လာဖြစ်ဖို့
တွန်းအား အကြောင်းတရားတွေမှန်း အဲဒီတုံးကတော့ကျွန်တော်မသိခဲ့ဘူး။
ဒါပေမယ့်နှစ်တွေကြာလာတဲ့အခါ သောင်းကျန်းသူတွေကအလင်းဝင် စီးပွားရေး
လုပ်ငန်းတွေလုပ် ကြီးပွားချမ်းသာပြီး လူကြီးတွေနဲ့တခမ်းးတနားအတူတွဲပြီး Cheers
လုပ်နေတဲ့အချိန်မှာ တစ်ခါက အဆင်ပြေရာ တောတွင်းတစ်နေရာမှာ မြေမြုပ်ခဲ့ရတဲ့
အညတြစစ်သည်တွေရဲ့ဂတိနဲ့လားရာတွေကိုကျွန်တော် တွေးဆနေမိပါတယ်။

တစ်ခါကျောင်းသားတွေဘက်ကိုပြန်ကြည့်လိုက်ပြန် တော့လည်း ၁၉၆၂ခုနှစ်
ကတည်းက မိုင်းခွဲခံခဲ့ရလို့ မကျေမနပ်နဲ့ဘဝကူးခဲ့ရတဲ့ကျောင်းသားသမဂ္ဂအဖွဲ့ဝင်
တွေဟာ ၁၉၇၄ ဦးသန့်အရေးအခင်းရောက်တော့ တစ်ကြိမ်၊ ၁၉၇၅ သခင်
ကိုယ်တော်မှိုင်းရာပြည့်ရောက်တော့တစ်ကြိမ်၊ ၁၉၈၈ (၈လေးလုံး) အရေးအခင်း
ရောက်တော့တစ်ကြိမ်၊ ဗိုလ်ချုပ်အောင်ဆန်းဓာတ်ပုံတွေကိုင်ပြီးတောင်းဆိုတိုက်ပွဲဝင်
နေလိုက်ကြတာ သမိုင်းနဲ့ချီပြီး ကြားရတဲ့အရိုးတွန်သံပဲလို့တွေးဆမိပါတယ်။

ဒီမီးတွေကိုအစိုးရအဆက်ဆက်တာဝန်ယူသွားခဲ့ကြသူတွေဟာ တာဝန်ရှိရက်နဲ့ ငြိမ်းအောင်မငြိမ်းသတ်ခဲ့ကြဘူး။နောက်မျိုးဆက်ကို “မီးတုတ်”တွေအမွေပေးခဲ့ကြ
တယ်။ ၁၉၈၈မှာသမ္မတဖြစ်ခဲ့တဲ့ ဒေါက်တာမောင်မောင်ဟာ ပညာရှိပီပီ မီးငြိမ်းနိုင်
ဖို့အစီအစဉ်တစ်ခုဖြစ်တဲ့ “ကျွန်တော်တို့ကျောင်းသားသမဂ္ဂကိုပျော်ပျော်ပါးပါး
အုတ်မြစ်ချပါစို့” လို့ကျေညာခဲ့ပေမယ့်စိတ်ကြွဆေးကျွေး၊ ထောင်တံခါးဖွင့်၊ အရပ်ထဲ
ဝင်မွှေ၊ ဂိုဒေါင်ဖောက်၊အရေးအခင်းကိုပုံဖျက်၊တိုင်းပြည်ပျက်တဲ့ ကိန်းဆိုက်လေ
ဟန်ဖန်တီးပြီး အခြေအနေဆိုးတွေ ပေါ်ပေါက်လာတာကြောင့် စစ်တပ်က
အာဏာသိမ်းလိုက်လို့ဒေါက်တာမောင်မောင်ရဲ့ ကြေငြာချက်လည်း အသက်
မဝင်တော့ဘဲ ပျက်ပြယ်ခဲ့ရပြန်ပါတယ်။

ဒီလိုနဲ့ပဲကျောင်းသားနဲ့အစိုးရ၊ ကျောင်းသားနဲ့စစ်တပ်ဟာ အစေးကပ်တယ်လို့မရှိ
တော့ပဲ အစိုးရအဖွဲ့တွေဘယ်လိုပြောင်းပြောင်း နောက်ထပ်လူသစ်တွေ ဘယ်သူပဲ
အာဏာရလာ ရလာ ရန်မီးဟာအခုအချိန်အထိမငြိမ်းနိုင်တော့ပဲ အခုဖြစ်ပွားနေတဲ့ ပညာရေးသပိတ်အထိရှည်လျားလာခဲ့တာဘယ်ကာလကျမှ အဆုံးသတ်မယ်
မသိနိုင်ဘူး။

ဒါတွေအားလုံးဟာ ကိုယ့်မြန်မာပြည် ကိုယ့်တိုင်းပြည်ထဲမှာပဲဖြစ်နေကြတာပါ။
ကိုယ့်တိုင်းပြည်ထဲက လူတွေပဲနစ်နာကြ ၊ဒဏ်ရာရကြ၊ အသက်တွေပေးကြရ၊ စစ်သားတွေအသက်ဆုံးရှုံးရ ၊ ကျောင်းသားတွေအဖမ်းခံကြရ၊ ပညာသင်ခွင့်တွေ
မရခဲ့ကြ၊ တဖြည်းဖြည်းနဲ့တိုင်းပြည်မှာပညာတတ်တွေကနည်းပါးလာ ၊ ပညာတွေ
ကောင်းကောင်းသင်ခွင့်မရတော့ ဆင်ခြင်တုံ တရားတွေနည်းပါးလာ၊ စီးပွားရေး
ကမပြေလည်၊ ဝင်ငွေအတွက် မနည်းရုန်းကန် ရှာဖွေနေရတော့ မကျေမနပ်စိတ်က
အမြဲအသင့်ဖြစ်နေ၊ ရုတ်ရုတ်သဲသဲဖြစ်တာနဲ့ဖောက်ခွဲဖို့ကအသင့်ဖြစ်နေ၊ဒါပေမယ့်
နိုင်ငံရေးပေါ်လစီပြောင်းလိုက်တာနဲ့ ဘိန်းနဲ့အသက်မွေးခဲ့တဲ့သူတွေ ကနေ့ချင်း
ညချင်း စီးပွားရေးလုပ်ငန်းရှင်ကြီးတွေဖြစ်လာကြတဲ့ အချိန်မှာတိုင်းပြည်ထဲက သာမန်
လက်လုပ်လက်စားတွေရဲ့ ဘဝကတော့ မွဲပြီးရင်းမွဲ ပြာကျပြီး ရင်းပြာကျနဲ့ ဘယ်တော့
မှနလံပြန်ထနိုင်ပါတော့မလဲ။

နိုင်ငံတကာရောက်နေတဲ့မြန်မာနိုင်ငံသားပညာတတ်တွေကလည်း သူတို့ပညာနဲ့
ထိုက်တန်တဲ့နေရာမရှိတာရယ် ဒီရောက်ပြန်ရင်လည်း ဘာမှမတတ်ဘဲနဲ့အပေါ်စီး
ကနေ အာဏာပြတာမခံချင်တော့လို့ ဘယ်သူမှမလာချင်တော့ဘူး။မြန်မာပြည်
ပြန်ရောက်ပြီး ထူးမခြားနားပတ်ပျိုးကြီးနားထောင်နေရတာထက်စာရင် နိုင်ငံခြားမှာပဲ
တည်ငြိမ်နေတဲ့ လူမှုပတ်ဝန်းကျင် ကိုယ့်ပညာနဲ့ထိုက်တန်တဲ့အလုပ်ခွင်မှာ
Pop Music လေးနဲ့ပဲငြိမ့်နေတော့မယ် ဆိုတဲ့သူတွေကိုလည်း အပြစ်မဆိုချင်တော့
ပါဘူး။ဒါကလည်း သူတို့ရဲ့ကိုယ်ပိုင်အခွင့်အရေးပဲလေ။

နောက်ဆုံးတော့ –
တိုင်းပြည်ကြီးကို ကျွန်တော်အပါအဝင် ဖိုးသုည အများစုနဲ့လည်ပတ်နေရတော့ကမ္ဘာ့
အလယ်မပြောနဲ့ အိမ်နီးနားချင်းနိုင်ငံတွေကြားမှာတောင် ကျွန်တော်တို့ အလည်
အပတ်ရောက်တဲ့အခါ မျက်နှာခပ်ငယ်ငယ်ရယ်။ ကျန်းမာရေးဆိုလည်း နည်းပညာ
မြင့်ပြီး စိတ်ချရတဲ့ (စေတနာလည်းပါတဲ့) အိမ်နီးချင်းနိုင်ငံကိုပြေးကြရ၊ ပညာရေး
ဆိုလည်း အိမ်နီးချင်းနိုင်ငံကိုပြေးကြရပြန်၊ သွင်းကုန်ဆိုလည်း သူတစ်ပါးကိုအားကိုးရ၊
ထုတ်ကုန်ကျပြန်တော့လည်း မတန်တဆဈေးအနှိမ်ခံရပြီး ကုန်ကြမ်းသက်သက်
ရောင်းစားနေရတဲ့နိုင်ငံဖြစ်မှန်းမသိဖြစ်နေရနဲ့ ပြောရတာကိုယ့်ပေါင်ကိုယ်လှန်ထောင်း
ရသလို ရှက်လည်းရှက်ပါတယ် မရှက်လည်းမရှက်နိုင်တော့ပါဘူး။

ဒီပြဿနာတွေအားလုံးပြေလည်သွားဖို့ နိုင်ငံတော်ရဲ့ အဆင့်အမြင့်ဆုံးတာဝန်ယူထား
တဲ့သူတွေနဲ့ ကျွန်တော်တို့နိုင်ငံသားအားလုံးမှာတာဝန်ရှိပါတယ်။ဒီနေ့ဒီအချိန်မှာ ကျွန်တော်တို့ဒီပြဿနာကိုပြေလည်အောင် မဖြေရှင်းနိုင်ခဲ့ရင် မြန်မာပြည်မြေပုံဆိုတာ
နောက်များမကြာမီမှာ ကမ္ဘာအလယ်မှကနေပြီးပျောက်ကွယ်သွားနိုင်ပါတယ်။
“ဒို့ခေတ်ရောက်မှ ညံ့ကြတော့မှာလား“ဆိုတဲ့စကားအတိုင်း ဖြစ်နေပြီဆိုရင်တော့
လည်းဘာမျှမတတ်နိုင်တော့ဘူးပေါ့။

တိုင်းပြည်တစ်ခုတိုးတက်ဖို့ဆိုတာ-

(၁) တိုင်းပြည်တည်ငြိမ်ဖို့လိုပါတယ်။
နိုင်ငံရေးပထဝီကိုလေ့လာပြီးကိုယ့်တိုင်းပြည်ဘေးမှာ ကိုယ့်တိုင်းပြည်ရဲ့အနာဂတ်ကို
ဝါးစားဖို့ကျားရဲကြီးတွေ အစွယ်တဖြီးဖြီးနဲ့စောင့်နေတာကို မြင်အောင်ကြည့်ကြပါ။

(၂) တာဝန်ရှိသူတွေကလည်း ကိုယ့်ပြည်သူပြည်သားတွေအပေါ်မှာ ကျားကစားသလို လှည့်ကွက်တွေနဲ့ဥာဏ်မများဖို့လိုပါတယ်။

(၃) ကိုယ့်တိုင်းပြည်ထဲက human resources တွေကိုစံနစ်တကျအသုံးချတတ်ဖို့
လိုပါတယ်။

(၄) အရေးအကြီးဆုံးကတော့ တစ်ဦးနဲ့တစ်ဦး တစ်ဖွဲ့နဲ့တစ်ဖွဲ့ အပြန်အလှန်ယုံကြည်မှု ပရိယာယ်မပါတဲ့ရိုးသားဖြူစင်မှု သစ္စာရှိမှုနဲ့ မေတ္တာထားတတ်မှုတွေရှိဖို့လိုပါတယ်။

(၅) တာဝန်အရ Onlineတွေပေါ်မှာ Account မျိုးစုံတတ်ပြီး ရေးနေကြသူတွေအနေ
နဲ့ Hate Speeches တွေတတ်နိုင်သမျှရပ်တန်းကရပ်ကြပါတော့လို့လည်း မေတ္တာ
ရပ်ခံချင်ပါတယ်။ အပြန်အလှန်ဆဲဆိုနေကြတဲ့သံသရာမဆုံးနိုင်သရွေ့ နောက်ဆုံး
နစ်နာတော့ ကိုယ်တွေချည်းပါပဲ ဆိုတာကို အမြင်ကျယ်ကျယ်နဲ့ကြည့်တတ်ဖို့လိုနေပါပြီ။

(၆) ယုံကြည်ထိုက်သူက ယုံကြည်အောင်နေပြလိုက်ပါ။ အခုဖြစ်နေသမျှအားလုံးဟာ အယုံကြည်မခံရလို့ဖြစ်ကြတာပါ။ မြန်မာပြည်သားတွေရဲ့စိတ်အခြေခံကဒီလောက်မညံ့
ပါဘူး။ ပြေလွယ် ပျောက်လွယ် ကျေအေးလွယ်ပါတယ်။ အရှိန်အဝါကိုကိုင်ပြီးတင်းခံ
နေရင်တော့တင်းလွန်းရင်ပြတ်တတ် လျှော့လွန်းပြန်တော့ဘတ်လပ်ဘတ်လပ်ဖြစ်တတ်
တဲ့သဘာဝကိုလည်းနားလည်ပြီးသားဖြစ်မှာပါ။

ဆက်ပြောရင်တော့အများကြီးပါ။

ဒါပေမယ့်ကိုယ်ကနိုင်ငံရေးသမားလည်းမဟုတ်တော့ဒီလောက်ရေးပြလိုက်ရတာ
တောင်အတော်လွန်လှပါပြီ။ အမှားပါရင်လည်းခွင့်လွှတ်ကြပါ။ ရန်ကုန်နဲ့နေရာအစုံ
မှာဖြစ်နေသမျှမြင်ကွင်းတွေကိုကြည့်ပြီး စိတ်မချမ်းသာလွန်းလို့ ဒီစာကိုရေးလိုက်
ရတယ်လို့မှတ်ပါ။ ပညတ်တွေအာရုံပြုရတာပင်ပန်းလှပါတယ်။ဒါပေမယ့် ပရမတ်
ရုပ်နာမ်တွေရှုမြင်ရာကနေ ပညတ်နယ်ပယ်ကိုမေတ္တာပို့ဖို့လှမ်းကြည့်လိုက်တဲ့အခါ
ကသောင်းကနင်းဖြစ်နေတာတွေ လှမ်းတွေ့လိုက်ရလို့ စိတ်မသက်မသာဖြစ်သွားရာ
က ရေးလိုက်ရတဲ့စာပါခင်ဗျာ။

အားလုံးကောင်းကျိုးလိုရာဆန္ဒ ပြည့်ဝကြပါစေ……။
မြသန်းစံ
(၆.၃.၂၀၁၅)

မိုးမခ မှကူးယူဖော်ပြပါသည်။

Saturday, March 7, 2015

ကူညီပေးကြပါ

Thae Thae‎Myanmar Internet News

အဖေကနောက်မိန်းမနဲ ကလေးတွေဆီပြန်မလာဘူး ကလေးတွေရဲ့ အသားတွေက ပူရင်မနေနိူင်ကြဘူး တကိုယ်လုံးရေစွတ်ပေးနေရတယိ အခုဆိုရင်နွေရာသီရောက်လာပြီ နေကပူ ရေကရှား အလုပ်ကမရှီ စားဝတ်နေရေး အခက်ခဲဖြစ်နေရတယ် အခုဆိုရင် ဇီးမှုန့် ထောင်းပီး ရောင်းမယ်လို့ ပြောပါတယ် စိတ်တောင်မကောင်းဘူး ရွာကိုပြန်ရင်တော့သူတို့ အတွက်အဝတ်အစား ပိုက်ဆံတက်နိူင်သလောက်တော့ အမြဲပါတယ် အခုလည်းဓါတ်ပုံမရိုက်ဘူး ဆိုပြီးပုန်းနေတယ် ဓါတ်ပုံရိုက်ပြီးinternet ပေါ်တင်ရင် အကူအညီပေးမဲ့သူတွေရှီတယ်လို့ ချော့ခဲ့ရတယိ ဒီpost ကိုဖတ်မိသူမှန်သမျှ like လုပ်ပီးshareပေးကြပါ သူတို့ အတွက်တက်နိူင်သလောက်လည်းကူညီပေးကြပါလို့ မေတ္တာရပ်ခံပါတယ် 09798511062ွ

Friday, March 6, 2015

'' ပန်း အမျိုးမျိုး ''

Min Zaw Swe

'' ပန်း အမျိုးမျိုး ''

(၁) စံပယ်ပန်း = Jasmine

(၂) နှင်းဆီပန်း = Rose

(၃) သစ်ခွပန်း = Orchid

(၄) ကြာပန်း = Lotus (or ) Water- lily

(၅) နှင်းပန်း = Lily

(၆) သဇင်ပန်း = Tiger-lady

(၇) ထပ်တရာပန်း = Marigold

(၈) ဒေါနပန်း = Wormwood

(၉) ဆောင်တော်ကူးပန်း = Vervain (or) Bridal bouquet

(၁၀) ပိတောက်ပန်း = Gumkino flower

(၁၁) စိန်ခြယ်ပန်း = Golden coreopsis

(၁၂) မေမြို့ပန်း = Aster

(၁၃) ဇီဇဝါပန်း = Gardenia

(၁၄) နေကြာပန်း = Sunflower

(၁၅) ချယ်ရီပန်း = Cherry

(၁၆) ဒေလီယာပန်း = Dahlia

(၁၇) ညမွှေးပန်း = Queen of the night

(၁၈) စိန်ပန်း = Gold mohur

(၁၉) ခေါင်ရမ်းပန်း = Hibiscus (or ) Shoe flower

(၂၀) ငုပန်း= Laburnum

(၂၁) ခရေပန်း = Star-flower

(၂၂) ဗေဒါပန်း = Water-hyacinth

(၂၃) သော်ကပန်း = Golden shower

(၂၄) ခွါညိုပန်း = Clematis

(၂၅) ဒေစီပန်း = Daisy

(၂၆) သခွတ်ပန်း = Trumpet flower

(၂၇) ခေါင်းလောင်းပန်း = Canterbury bell-flower

(၂၈) နွယ်သာကီပန်း = Oleander

(၂၉) ကုမုဒြာကြာပန်း = Kumudra waterlily

(၃၀) ပုန်းညက်ပန်း = Alexandrian laurel

(၃၁) ဖယောင်းပန်း = Yellow oleander

(၃၂) ကံ့ကော်ပန်း = Mesua ferrea

(၃၃) ငုဝါပန်း = Casssiafistula

(၃၄) မြတ်လေးပန်း = Star ipomea

(၃၅) မိုးမခပန်း = Salitetrasperma

(၃၆) မလေးပန်း = Spanish jasmine

(၃၇) ကြွေပန်း = Begonia

(၃၈) တိုက်ပန်း = Antigonum (or) Coralvine

(၃၉) ရွှေပန်း = Yellow ginge lily

(၄၀) ငွေပန်း = White waxy flower

(၄၁) ပိန်းပန်း = Anthurium

(၄၂) ဇွန်ပန်း = Small jasmine

(၄၃) ဒန်းပန်း = Balsam flower

(၄၄) စကားဝါပန်း = Yellow champac

(၄၅) စကားဖြူပန်း = White champak

(၄၆) တောင်ဇလပ်ပန်း = Rhododendron

(၄၇) ဇော်မွှေးပန်း = Carnation

(၄၈) သစ္စာပန်း = Gladiola

(၄၉)ဂန္ဓမာပန်း=Chrysanthemum

(၅၀) ခတ္တာပန်း = Tulip

(၅၁) ပုဏ္ဏရိတ်ပန်း = Lxora

(၅၂) စက္ကူပန်း = Bougainvillaea

(၅၃) စန္ဒကူးပန်း = Sandal wood flower

(၅၄) တိုက်ကပ်နွယ်ပန်း = Ivy flower

(၅၅) ဒေါင်းဖန်ဝါပန်း = Zinnia

(၅၆) အင်ကြင်းပန်း = Religiosa

(၅၇) တရုတ်စကားပန်း = Frangipani

(၅၈) ရွက်လှ= Croton

(၅၉) ဂမုန်း = Johnuil

(၆၀) ဂမုန်းသစ်ခွ = Slipper orchid

(၆၁) ခိုင်ရွှေဝါ = Golden rod

(၆၂) သရဖီ = Callophillum amoenum

(၆၃) နန်းလုံးကြိုင် = Vachellia

(၆၄) ကြက်ရုန်း = Arabian jasmine

(၆၅) သပြေရွက်များ = Eugenia leaves

(၆၆) ဗုဒ္ဓံ သရဏံ = Canna

Credit By : The Best English For
လူတိုင်းအတွက် အင်္ဂလိပ်စာ

Wednesday, March 4, 2015

ကမ္ဘာကျော်ပျောက်ဆုံးမှုများနှင့် ဘုရားရှင်လက်ထပ်က ပျောက်ဆုံးမှုများ

Ko TharDu

•
ကမ္ဘာကျော်ပျောက်ဆုံးမှုများနှင့်
ဘုရားရှင်လက်ထပ်က ပျောက်ဆုံးမှုများ
~*~*~*~~*~*~*~*~*~*~*~
...

အမေရိကန်နိုင်ငံမှာ ၁၉၄၅ ခုနှစ်က ဖလော်ရီဒါ လေတပ်စခန်းမှာ လေ့ကျင့်ခန်းဆင်းနေတဲ့ ဗုံးကြဲလေယာဉ် စုစုပေါင်း အစင်း - ၂၀ ခန့် ပျောပ်ဆုံးသွားတယ်။ စုံစမ်းဖို့ လေယာဉ် - ၅ စင်း ထပ်လွတ်လိုက်တယ်။ ၅ - မိနစ်အတွင်း ထပ်ပျောက်သွားကြတယ်။ ယနေအချိန်ထိ ပေါ်မလာခဲ့ကြပေ။
၁၉၇၀ ခုနှစ်က သံမဏိတန်ချိန် - ၂ သောင်းကျော်တင်လာတဲ့ သင်္ဘောတစ်စင်း သမုဒ္ဒရာထဲမှာ ပျောက်ဆုံးခဲ့တယ်။
အီတလီနိုင်ငံ ဘိုလော့နာမြို့မှာ ရထားတစင်းဟာ လူ - ၁၃၇ ယောက်တင်ပြီး ၁၅ - မိနစ်သာ ဖြတ်သန်းသွားရတဲ့ လှိုဏ်ခေါင်းထဲဝင်သွားတာ ပျောက်ဆုံးသွားပြီး ၄၂ - နှစ်ကြာမှ ပြန်ပေါ်လာခဲ့တယ်။ ရထားပေါ်က ပါသွားသူတွေဟာ အသက်ကြီးမသွားပဲ ရထားပေါ် လိုက်ပါသွားတဲ့အချိန်ကအရွယ်ပဲ၊ သူတို့ကိုမေးတော့လည်း ဘာမှ မေးလို့မရဘူး။ သိပ္ပံပညာရှင်တွေက time wamp တဲ့ မအို၊ မနာ၊ မသေ၊ အချိန်မဲ့သော နေရာတဲ့။
၁၉၅၅ ခုနှစ်က အမေရိကန် ဖလော်ရီဒါက ခရီးသည်လေယာဉ်တစ်စင်းဟာ ပျံတက်ပြီး ပျောက်ဆုံးသွားခဲ့ကာ၊ ၁၉၉၀ခုနှစ်မှာ ဗင်နီဇွဲလား နိုင်ငံမှာ ပြန်ပေါ်လာခဲ့တယ်။ သူလည်း ၃၅ - နှစ်ကြာ ပျောက်ဆုံးသွားခဲ့တယ်။ သိပ္ပံပညာရှင်တွေက ခရီးသည်တွေရဲ့ ဒီအန်အေကို စစ်ကြည့်တော့ မအိုကြောင်း အတည်ပြု ထောက်ခံပေးခဲ့တယ်။ သူတို့ကိုမေးတော့ သူတို့ ဘာမှ မသိပါဘူးတဲ့။
ဒုတိယကမ္ဘာစစ်တုန်းက မြန်မာနိုင်ငံ ရခိုင် ရိုးမတောကြီးထဲမှာ မဟာမိတ်တပ်ကြီး တစ်တပ်လုံး ပျောက်သွားခဲ့တယ်။ အင်္ဂလိပ်ဝန်ကြီးချုပ် ချာချီကိုယ်တိုင် ကမ္ဘာ့စစ်ရေးမှာ မကြုံဘူးသော ထူးဆန်းသည့် အကြောင်းအရာတခုဟု မှတ်ချက်ပြုပေးခဲ့တယ်။ သူတို့လည်း ခုချိန်ထိ ပေါ်မလာကြသေးဘူး။
ဘုရားရှင်လက်ထပ်က ပျောက်ဆုံးမှုများ
ဘုရားရှင်မပွင့်မီ နှစ်ပေါင်း - ၇၀၀ အလိုက ပြိတ္တာတစ်ဦးဟာ လူယောင်ဖန်ဆင်းပြီး၊ သူ့ ရဲ့မယားဟောင်းကို ရွှေ၊ ငွေ၊ ကျောက်သံပတ္တမြားတွေပေးကာ မိဘတွေဆီက တောင်ယူပြီး ခေါ်သွားခဲ့တယ်။ ၇ - နှစ်လောက်ကြာတော့ မယားက ပြန်ချင်တယ်ပြောတော့ ပြိတ္တာက ပြန်ဖို့ မဖြစ်နိုင်ကြောင်း၊ လူ့အသက်နဲ့ဆို နှစ်ပေါင်း - ၇၀၀ ကြာမြင့်သွားပြီဖြစ်ကြောင်း ပြောပြတော့၊ မယုံကြည်တဲ့အတွက် အတင်းပြန်ပို့ခိုင်တယ်။ ပြိတ္တာလည်း ပြန်ပို့ တဲ့အခါမှာ သူနေခဲ့တဲ့နေရာတွေဟာ မမှတ်မိတော့ပဲ ဘုရားရှင်ပွင့်ထွန်းတဲ့ အချိန်ဖြစ်နေတော့ အမျိုးသမီးလည်း ဘုရားရှင်ကို လျှောက်ထားတော့ ထွက်သွားချိန်ဟာ နှစ်ပေါင်း - ၇၀၀ ကြာသွားတာ ဟုတ်မှန်ကြောင်းဖြေကြားပြီး၊ ပြိတ္တာဘုံနဲ့ လူဘုံရဲ့ အချိန်ကွာခြားမှုကြောင့်ဆိုတာကို ဟောကြားတော်မှုခဲ့တယ်။ အမျိုးသမီးလည်း ကြောက်လန့် တုန်လှုပ်ပြီ မိမိဝတ်ဆင်ထားသော လက်ဝတ်ရတနားများကို ရောင်းချကာ ဘုရားရှင်အား ကျောင်းဆောက်လှူတန်းလိုက်တယ်။ သေလွန်တော့ အထက်နတ်ပြည်ကို ရောက်သွားခဲ့တယ်။
နောက်တစ်ခုကတော့ ဗာရာဏသီမင်းကြီးသည် ပြိတ္တာမတွေ ဖျားယောင်းပြီး ရေထဲမျောလိုက်တဲ့ သရက်သီးကိုလိုချင်လို့ လိုက်သွားခဲ့ရာမှ ပြိတ္တာမတွေနဲ့ ပေါင်းသင်းနေထိုင်လိုက်တာ နှစ်ပေါင်း - ၁၅၀ ကြာသွားခဲ့တယ်။
နောက်တခါ ကုန်သည်တစ်ရောက်ဟာ အခြားကုန်သည်တွေနဲ့ ကုန်ကူးသွားတုန်း မယားက ပြိတ္တာအာနုဘော်နဲ့ လှေကိုတားထားပြီး မဲနှိုက်တဲ့အခါမှာ သုံးခါစလုံး သူချည်းကျတဲ့အတွက် ရေထဲကိုပစ်ချခံခဲ့ရတယ်။ ရေထဲသို့မကျမီမှာ ပြိတ္တာက ခေါ်ယူသွားပြီး ပေါင်းသင်းနေထိုင်လိုက်တာ နှစ်ပေါင်း - ၅၀ ကျော် ကြာသွားခဲ့တယ်။ မြန်မာပြည်က ဦးရှင်ကြီးဝတ္တူကလည်း အဲဒီသဘောမျိုးပါပဲ။
တကယ်တော့ ကမ္ဘာက အဖြေမထုပ်နိုင်ဘူးဆိုတာဟာ ဗုဒ္ဓဘာသာဝင် မဟုတ်တာလည်း တစ်ကြောင်း၊ နောက်တခါ ဖြစ်တဲ့အကြောင်းအရာဟာ ဘုရားရှင်တို့မှသာလျှင် ဖြေရှင်းနိုင်တဲ့ အရာဖြစ်လို့ အဖြေမထုတ်နိုင်ကြတာပါ။
ဘုရားရှင်က ကိစ္စတစ်ခုကို ယုံကြည်ဖို့ရန် အကြောင်း သုံးချက်နဲ့ ညှိရမယ်တဲ့။ ထိုအချက် သုံးချက်ကတော့ -
၁။ မျက်မြင်ကိုယ်တွေ့အားဖြင့်၎င်း၊
၂။ ဝေဖန်ဆင်ခြင်ဉာဏ်အားဖြင့်၎င်း၊
၃။ဘုရားရှင်တို့၏ ဟောပြောမှုကြောင့်၎င်း၊
ယုံကြည်ရမယ်တဲ့။
ဒီဖြစ်စဉ်တွေက သက်သေပြချက်မရှိဘူး။ စဉ်းစားဝေဖန်လို့လဲ မရဘူး။ ဘုရားရှင်တို့၏ ဉာဏ်တော်အရာသာ ဖြစ်တဲ့အတွက်ကြောင့်မို့ အဖြေမရှိကြတာပါ။
ဒါ့ကြောင့်လည်း အိုင်းစတိုင်းက ပြောခဲ့တာပေါ့။ သိပ္ပံပညာရှင်တွေ မဖြေရှင်းနိုင်တဲ့အရာကို ဗုဒ္ဓဘာသာက ဖြေရှင်းပေးလိမ့်မယ် တဲ့။ တကယ်တော့ ဘုရားရှင်ရဲ့ ဂုဏ်တော်ကိုးပါးထဲက ‘လောကဝိဒူ’ဆိုတဲ့ ဂုဏ်တော်ဟာ လောကအကြောင်း အကုန်သိတယ်လို့ ပြောတာပါ။ ဗုဒ္ဓဘာသာဝင်များလည်း မိမိတို့ဘာသာ၏ တန်ဘိုးကို နားလည်နိုင်ကြပါစေခင်ဗျာ . . .
ရှဲပေးကြပါဦးဗျာ။ လိုက်လိုချင်လို့ မဟုတ်ပါဘူး။ လူတွေကို ပိုသိစေချင်လို့ပါ။
ကောင်းသန့် စာပေ's fb wall

Tuesday, February 10, 2015

နားမလည်လို့ပြောပေးကြပါ

ယခုတစ်လော ကိုရင်တွေ ရဟန်းတော်တွေအတွက် အသဲေ၇ာင်အသားဝါ ဘီ ကာကွယ်ဆေး လှူ တာတွေကို FB မှာတွေ့ရပါတယ်။ အလှူလုပ်တာကောင်းပါတယ်။ သာဓုခေါ်ပါတယ်။ ဒါပေမဲ့ လိုအပ်လို့လှူတာလား မလိုဘဲ မယောင်ရာဆီလူးနေကြတာလား ?

အသဲေ၇ာင်အသားဝါ ဘီ ရောဂါက တစ်ယောက်က တစ်ယောက်ဘယ်လိုကူးတာလဲ?

အသဲေ၇ာင်အသားဝါ ဘီ ရောဂါပိုးတွေရှိနေတဲ့ လူနာရဲ့ သွေး၊အရည် (secretions like from male and female sex organs) ဥပမာ သုတ်ရည်၊ မ်ိန်းမကိုယ်မှထွက်သောအရည် စသည်) တို့မှာပါလာပြီး
၎င်းအရည်များနဲ့ အရည်ပါးသော လိင်အင်္ဂါ (mucus membrane like sex organs) နဲ့တိုက်ရိုက်တွေ့ရင် ဒါမှမဟုတ် ပိုးကို အသားထဲသို့ထိုးတဲ့လျှင် (အေ၇းပြားမှာထူသဖြင့် ဘီ ရောဂါပိုးများဖေါက်မ၀င်နိုင်ပါ)။
သာ အသဲေ၇ာင်အသားဝါ ဘီ ရောဂါဖြစ်နိုင်ပါသည်။ ထိုအခြေအနေများကို အသဲေ၇ာင်အသားဝါ ဘီ ရောဂါရှိသောသူနှင့်ကာမဆက်ဆံလျှင်၊သို့မဟုတ် ပိုးပါသောဆေးထိုးအပ်ဖြင့်ဆေးထိုးခံရလျှင်၊ ပိုးပါသောသွေးအသွင်းခံရလျှင်၊ ပိုးပါသောအပ်ဖြင့်မင်ကြောင်ထိုးခြင်း၊နားဖေါက်ခြင်း၊သွားနုတ်ခြင်း စသည်များ ဖြင့်သာကူးနိုင်ပါသည်။ ဒါကြောင့် ဒီလိုအခြေအနေမျိုးနဲ့ကြုံတွေ့ရတာများတဲ့ ဆရာဝန် ဆရာမ၊ သွားဆရာဝန်၊ လိင်လုပ်သား တွေကိုကာကွယ်ဆေးထိုးကြရတာပါ။

သွေးသွင်းရာကမကူးအောင်သွင်းမဲ့သွေးမှာဘီပိုးပါ မပါစစ်ရပါတယ်။ ဆေးထိုးအပ်က မကူးအောင် တစ်ခါထိုးအပ်သုံးခြင်း။ ခေါင်းရိတ်ဓါးကမကူးအောင်တစ်ခါသုံးဓါးသုံးခြင်း၊ သွားစိုက်ပစ္စည်းတွေကို ဘီပိုးသေစေတဲ့ sterilization လုပ်ရခြင်း၊ လိင်လုပ်သားတွေကို အဖေါ် (condom)သုံးစေခြင်း စတာတွေကိုအခြေအနေအလိုက်ကာကွယ်ခြင်းများပြုလုပ်ရပါတယ်။

ကိုရင်တွေ ရဟန်းတော်တွေ အနေနဲ့ကာမဆက်ဆံခြင်းမရှိကြခြင်းကြောင့်ဒီနည်းနဲ့ကူးရန်မရှိပါ။ ကျန်တဲ့ ခြေအနေတွေကတော့ ကျန်တဲ့သူတွေလိုမျိုးမို့ပိုပြီး အန္တာရယ် (risk ) မများပါဘူး။

တစ်ခုပိုထူးတာက ကိုရင်တွေ ရဟန်းတော်တွေ သူတကာထက်ပိုပြီး ခေါင်းရိတ်ကြရတာပါ။ ဒီမှာ တစ်ဦးကတစ်ဦး ကူးဆက်နိုင်ပါတယ်။ ဒါပေမဲ့ ဘီကာကွယ်ဆေးတိုမဲ့အစား ခေါင်းရိတ်ဖို့ တစ်ခါသုံး ဓါးတွေ
လှူကြရင်ပိုမကောင်းဘူးလား။ ဒီနည်းက
၁။ ဘီပိုးအပြင် အခြားအရေပြားကကူးနိုင်တဲ့ ရောဂါတွေ (bacteria ပိုးကြောင့်ကူးတဲ့ အနားစက်ရောဂါ၊ မှိုကြောင့်ဖြစ်တဲ့ဒါက်ရောဂါတွေ)ကိုပါကူးဆက်ခြင်းကကာကွယ်နိုင်ပါတယ်။
၂။ ဘီကာကွယ်ဆေးထက်လည်းပိုပြီး အကုန်အကျသက်သာပါတယ်။
၃။ ကိုရင်တွေ ရဟန်းတော်တွေ ကိုလည်း ကျန်းမာရေးဗဟုသုတအမှန်နဲ့ကာကွယ်ခြင်းအမှန်ကိုရ စေ ပါမယ်။

မှတ်ချက်
၁။ ဘီကာကွယ်ဆေး ထိုးတဲ့သူတိုင်းကို ကာကွယ်နိုင်ခြင်းမရှိပါ။ ၈၅-၉၀% ကိုသာကာကွယ်နိုင်ပါတယ်။ ဆေးထိုးထားတယ်ဆိုပြီး စိတ်ချလို့မရပါ။ ကာကွယ်တဲ့သတ္တိရှိမရှိသိဖို့လိုပါတယ်။
၂။ တစ်ကြိမ်ထိုးရုံနဲ့မရပါ ၂-၃ ခါထိုးရပါတယ်။ ၃ ကြီမ်အပြည့်ထိုးပြီး ၁-၄ လကြာမှကာကွယ်တဲသတ္တိတွေ
ထွက်လာပါတယ်။
၃။ ကာကွယ်ဆေးပေါ်မူတည်ပြီး မလိုအပ်သောဆိုးကျိုး (side effects) တွေရနိုင်ပါတယ်။
၎။ ကာကွယ်သတ္တိက ထာဝရရှိနေမှာမဟုတ်ပါဘူး။ များသောအားဖြင့် ၅ နှစ်သာခံပါတယ်။

Sunday, February 8, 2015

ရွှေဆံပင် လမ်း၊တံတား

မင်္ဂလာပါ Facebook မှ တဆင့် သိရှိကာ ဆံကေသာ လာရောက်လှူဒါန်းသူများ
များပြားလာခဲ့ပါတယ်
မိတ်ဆွေများရဲ့ shareတစ်ချက်
like တစ်ချက် ဟာလည်း
ဒါနကုသိုလ်ထူးများ များစွာပွာ...းများနိုင်သောကြောင့်
Facebook သုံးရင်း ကုသိုလ် ယူနိုင်ကြပါစေရန် တိုက်တွန်းနိုးဆော်အပ်ပါတယ်

Saturday, February 7, 2015

သတ္တိ

LIFE with Aung Ayechan and 41 others

♻ သတ္တိ ♻
🎪🎪��
ကိုယ်တန်ဖိုးထားတာတခုကို ရွေးချယ်လိုက်ပြီး၊ အဲဒါကို ကိ်ုယ့်ပတ်ဝန်းကျင် အသိုင်းအဝိုင်းက တန်ဖိုးမထားဘူး၊ အထင်မကြီးဘူး ဆိုပါတော့။ အဲဒီလိုဆိုရင် ရွေးချယ်ရဲတဲ့ သတ္တိ ရှိရဲ့လား။
🎪🎪🎪
ကိုယ့်လမ်းကိုယ် မရွေးဘဲနဲ့ သူများနောက်ကို ယောင်ယောင်မှားမှားနဲ့ ရောပြီးတော့ လိုက်တဲ့သူဟာ သတ္တိမရှိဘူး။ သူများနောက်ကို မလိုက်ဘဲနဲ့ ကိုယ့်ဆုံးဖြတ်ချက်နဲ့ကိုယ် ကိုယ့်လမ်းကိုကိုယ် ရွေးတဲ့သူဟာ အကြီးမားဆုံး သတ္တိ ရှိတဲ့သူပဲ။
🎪🎪🎪
ဘယ်လို အကြောင်းကြောင့်ပဲဖြစ်ဖြစ် ကိုယ့်ဥာဏ်နဲ့ကိုယ် သိပြီးတော့ ကိုယ် မှန်တယ်ထင်တာကို လွတ်လွတ်လပ်လပ် ရွေးချယ်ပြီး တာဝန်သိသိ မလုပ်နိုင်သေးသ၍ ဒီလူက တကယ်အင်အားရှိတဲ့လူ၊ တကယ်သတ္တိရှိတဲ့လူ၊ တကယ်အသက်ဝင်နေတဲ့လူ၊ တကယ်ဖွံ့ဖြိုးတဲ့ လူတယောက် ဖြစ်မလာသေးဘူး။
🎪🎪🎪
ပတ်ဝန်းကျင်နဲ့ ကိုယ်နဲ့ အယူအဆ မတူတဲ့အခါ၊ ကိုယ့်မိသားစုနဲ့ ကိုယ်နဲ့ကိုပဲ အယူအဆ မတူတဲ့အခါမှာ ကိုယ့်ကို ဝိုင်းပယ်လိုက်ကြမှာ အင်မတန် ကြောက်တယ်။ သူတို့နဲ့ ကိုယ်နဲ့ အယူအဆ မတူတာ၊ ခံယူချက် မတူတာဟာ သူတို့ကို မလေးစားတာ မဟုတ်ဘူး။ ကျေးဇူးကန်းတာ မဟုတ်ဘူးဆိုတာကို နားလည်အောင် ပြောပြီး ရန်မလုပ်ပဲနဲ့၊ စိတ်မဆိုးပဲနဲ့၊ ကြောက်ပြီးတော့ လိုက်လျှောတာလည်း မဖြစ်ပဲနဲ့၊ ကိုယ့်ရဲ့ ပင်ကိုယ်ဥာဏ်ကို အဆုံးရှုံး မခံပဲနဲ့ အဆင်ပြေအောင် ဘယ်လိုလုပ် နေသွားရမလဲဆိုတာ တော်တော်ကို ဥာဏ်ကြီးကြီးနဲ့ တော်တော်ကို သတ္တိရှိရှိ စဉ်းစားရမယ့် ကိစ္စဖြစ်တယ်။
🎪🎪🎪
ကိုယ့်ကိုယ်ကို ပြန်ပြီး ဘယ်လို သဘောထားမလဲ၊ ကိုယ့်ကိုယ်ကို ပြန်ပြီး ဘယ်လို ဆက်ဆံရမလဲ၊ “ ငါ ဘယ်လိုလူလဲ ” ဆိုတဲ့ မေးခွန်းကို မေးမယ် ဆိုရင်တောင်မှ သတ္တိ တော်တော်လိုတယ်။ “ ငါ တကယ်ရိုးသားတဲ့သူ ဟုတ်ရဲ့လား ” ဆိုတဲ့ မေးခွန်းကို မေးကြည့်စမ်းပါ။ သတ္တိ ဘယ်လောက်လိုလဲ ဆိုတာ ရိပ်မိမယ်၊၊ ပြီးတော့ “ ငါဟာ ဘယ်လောက်ထိအောင် ကောင်းတဲ့ လူတယောက် ဖြစ်လာနိုင်သလဲ၊ ဘယ်လောက်ထိအောင် စိတ်ထား နူးညံ့တဲ့ အေးချမ်းတဲ့ မြင့်မြတ်တဲ့ လူတယောက် ဖြစ်လာနိုင်သလဲ ” ဆိုတဲ့ မေးခွန်းမျိုးကို မေးကြည့်စမ်းပါ။ သတ္တိ ဘယ်လောက် လိုမလဲလို့၊၊ အဲဒီလို ကိုယ့်ကိုယ်ကို ပြန်ရင်ဆိုင်ရတဲ့အခါမှာ ရှိရမဲ့ သတ္တိမျိုးကို မွေးသွားနိုင်ပြီဆိုရင် အပြင်မှာ ရှိနေတဲ့ အခက်အခဲတွေကို ရင်ဆိုင်ရတဲ့အခါမှာ ပိုပြီးတော့ ကြီးမားတဲ့ တည်ငြိမ်မှု အေးချမ်းမှု ရှိတဲ့စိတ်နဲ့ ရင်ဆိုင်သွားမှာ ဧကန်မုချပဲ။ ဒါကြောင့် အပြင်မှာ ရှိနေတာကို ရင်ဆိုင်ဖို့ထက် ကိုယ့်စိတ်ထဲမှာ ရှိနေတာကို ရင်ဆိုင်ဖို့က သတ္တိပိုပြီး လိုအပ်ပါတယ် ဆိုတာကို နားလည်ဖို့ လိုတယ်။
🎪🎪🎪
သူ့ ဆီက ဘာမှပြန် မမျှော်လင့်ဘဲနဲ့ ကိုယ်ပေးနိုင်တာကို မေတ္တာနဲ့ ပေးနိုင်ဖို့ သတ္တိ လိုပါတယ်။ ငါ့ကို ပြန်ချစ်မှာလားဆိုတဲ့ မျှော်လင့်ချက်မျိုး မထားဘဲ ကိုယ်က လှိုက်လှိုက်လှဲလှဲ ချစ်နိုင်ဖို့ သတ္တိ လိုတယ်။ သူ့ကိုချစ်တယ်ဆိုတာ ကိုယ့်ကိုယ်ကို ပေးလိုက်တာပဲ။ ကိုယ့်ဘဝထဲမှာ သူ့ကို နေရာပေးလိုက်တာဘဲ။ ကိုယ့်ဘဝထဲမှာ သူ့အတွက် နေရာပေးနိုင်ဖို့ သတ္တိ လိုတယ်၊၊ အရှုံးအမြတ် မတွက်ပဲ ချစ်နိုင်ဖို့ သတ္တိ လိုတယ်။ အနိုင်အရှုံးမရှိပဲ ချစ်နိုင်ဖို့ သတ္တိ လိုတယ်။ ပွင့်ပွင့်လင်းလင်း ဆက်ဆံနိုင်ဖို့ သတ္တိ လိုတယ်။ ရာနှုံးပြည့် ရိုးသားတဲ့စိတ်နဲ့ဆက်ဆံတဲ့ ဆက်ဆံရေးမျိုးကို ပေးနိုင်ဖို့ သတ္တိ လိုတယ်။ တကယ် သတ္တိရှိမှ ချစ်နိုင်တယ်။ ကိုယ့်ရင်ထဲက ဖြစ်ပေါ်လာတဲ့ ရိုးသားတဲ့စိတ်နဲ့၊ ကိုယ့်အသိဥာဏ်နဲ့ ကိုယ်မြင်ထားတာ သိထားတာကို ပွင့်ပွင့်လင်းလင်း ပြောနိုင်ဖို့ သတ္တိ လိုတယ်။ ဆန့်ကျင်ဘက် ပြောဖို့ သတ္တိ လိုတယ်လို့ ပြောနေတာ မဟုတ်ဘူး။ စိတ်ထဲရှိတာကို ပွင့်ပွင့်လင်းလင်း ပြောနိုင်ဖို့ ရေးနိုင်ဖို့ကိုပဲ သတ္တိ လိုတယ်။
🎪🎪🎪
ပိုပြီးတော့ ကောင်းတဲ့ လူ့အသိုင်းအဝိုင်း ဖြစ်လာဖို့ ကိုယ်တတ်နိုင်တဲ့နည်းနဲ့ ကြိုးစားရတာ သတ္တိ လိုပါတယ်။ ရိုးသားမှုရှိဖို့ ဆိုတာ သတ္တိ အင်မတန် လိုပါတယ်။ ကိုယ်ကျင့်တရား ရှိဖို့ ဆိုတာလည်း သတ္တိ အင်မတန် လိုပါတယ်။ တရားမျှတတဲ့နည်းနဲ့ ကိုယ်ရသင့်ရထိုက်တဲ့ အခွင့်အရေးကို ရဖို့ ကြိုးစားတာ၊ ကိုယ်ရသင့်ရထိုက်တဲ့ အခွင့်အရေး တခု ရထားတာကို ဆုံးရှုံးမသွားဖို့၊ တရားမျှတတဲ့နည်းနဲ့ ပြတ်ပြတ်သားသား ကာကွယ်တာ၊ ထိန်းသိမ်းတာဟာလည်း သတ္တိပါဘဲ။
🎪🎪🎪
တခုခုကို ဖန်တီးဖို့ တီထွင်ဖို့ သတ္တိ လိုတယ်။ ကိုယ့်မှာရှိတဲ့ အရည်အချင်းလေးတွေကို ကြီးထွားလာအောင် လုပ်တာ၊ ပိုပြီးတော့ လွတ်လပ်တဲ့သူဖြစ်အောင်၊ ပိုပြီးတော့ တာဝန်ကျေတဲ့ တာဝန်သိတဲ့ တာဝန်ယူနိုင်တဲ့ လူတယောက် ဖြစ်လာအောင် ပုံဖေါ်တာဟာလည်း တီထွင် ဖန်တီးတာပဲ။ ဒါ သတ္တိရှိမှ လုပ်နိုင်တယ်။ ငါဟာ လူသားတယောက်ပါ၊ ကိုယ်ပိုင်ဥာဏ်နဲ့ ကိုယ့်ဘဝကို နေသွားနေတဲ့ လူသားတယောက်ပါ ဆိုတဲ့အနေနဲ့ ရပ်တည်ဖို့ ဆိုတာ သတ္တိ အများကြီး လိုတယ်။ သူများနောက်လိုက် မဟုတ်ဘူး၊ ကိုယ့်ခြေထောက်ပေါ် ကိုယ် ရပ်တဲ့သူ၊ ကိုယ့်လမ်းကို ကိုယ်ရှာပြီး သွားနေတဲ့သူ ဖြစ်ဖို့ သတ္တိ အများကြီး လိုပါတယ်။ နေ့စဉ် နေ့စဉ် တနာရီပြီး တနာရီ၊ တမိနစ်ပြီး တမိနစ် တွေ့ကြုံနေရတဲ့ ကိစ္စတွေမှာ မှန်မှန်ကန်ကန် ဆုံးဖြတ်ချက် တခုကို ချဖို့ သတ္တိ လိုပါတယ်၊၊
🎪🎪🎪
အတွင်းလွတ်လပ်မှုလို့ခေါ်တဲ့ စိတ်ရဲ့ လွတ်လပ်မှုကို တကယ် အထိခိုက်မခံဖို့ ထိန်းသိမ်းဖို့က ပိုပြီးတော့ ကြီးမားတဲ့ သတ္တိ လိုအပ်ပါတယ်။
🎪🎪🎪
သတ္တိ မရှိရင် သင်ဟာ တကယ်ချစ်တဲ့သူ မဖြစ်နိုင်ဘူး။ အားငယ်နေတဲ့ သူဟာ အားကိုးရမဲ့သူကိုပဲ ရှာတယ်။ တကယ်ချစ်တာ မဟုတ်ဘူး၊၊တကယ်ချစ်တယ်ဆိုတာ ကိုယ့်ခြေထောက်ပေါ် ကိုယ် ရပ်တည်နိုင်တဲ့သူ ကိုယ့်အားကိုယ်ကိုးနိုင်တဲ့ သူနှစ်ယောက်ရဲ့ ဆက်ဆံရေးပဲ ဖြစ်တယ်။ သတ္တိ မရှိတဲ့သူဟာ အားငယ်တတ်တဲ့သူဟာ ယုံကြည်စိတ်ချတတ်တဲ့သူ မဟုတ်ဘူး။ သူများကို ယုံတယ်ဆိုတာ စိတ်ဓာတ်အင်အား ကြီးတဲ့သူမှသာ လုပ်နိုင်တယ်။ မိသားစု အချင်းချင်းတောင် မယုံကြတာ ရှိတယ်၊၊ သတ္တိမရှိတဲ့သူဟာ အမှန်တရားကို စူးစမ်းမှု မလုပ်နိုင်ဘူး။ အမှန်တရားကို ရှာဖွေစူးစမ်းတယ် ဆိုတာ ဟုတ်ရဲ့လား မှန်ရဲ့လား ဆိုတဲ့ မေးခွန်းကို မေးနိုင်တဲ့သူမှသာ လုပ်နိုင်တယ်။ သတ္တိ မရှိတဲ့သူဟာ အပြင်မှာ အားကိုးစရာတွေကို လိုက်ရှာနေတယ်။ သူ့အသိဥာဏ်ကို သူ အားမကိုးဘူး။ သတ္တိ မရှိတဲ့သူဟာ ထီထိုးတယ်။ သတ္တိ ရှိတဲ့သူဟာ အလုပ် လုပ်တယ်။
🎪🎪🎪
သဘာဝမကျတာကို ယုံကြည်မှုဟာ အယူသည်းမှုပဲ။ ဘာသာရေးမှာပဲ ဖြစ်ဖြစ်၊ ကျန်းမာရေးမှာပဲ ဖြစ်ဖြစ်၊ လူမှုရေးမှာပဲ ဖြစ်ဖြစ် သဘာဝကျရဲ့လား ဆိုတာကို မေးပါ။ သဘာဝကျတာကို လက်ခံပါ။ သဘာဝ မကျတာကို ရဲရဲကြီး ပယ်လိုက်ပါ။ အဲဒါ သတ္တိ ပဲ။
🎪🎪🎪
ကိုယ်ဘာကို တကယ် ယုံကြည်သလဲဆိုတာ မသိတဲ့သူ၊ ကိုယ်ဘာကို ယုံကြည်တယ်ဆိုတာ မသိတဲ့အတွက် ကိုယ့်ယုံကြည်ချက် ကိုယ့်ခံယူချက် အတွက်နဲ့ ခိုင်ခိုင်မာမာ မရပ်တည်နိုင်တဲ့သူဟာ စစ်မှန်တဲ့ သတ္တိ ရှိတဲ့သူ ဖြစ်မလာနိုင်ဘူး၊၊ ကိုယ့်ရဲ့ အစွမ်းအစတွေ ကိုယ့်ရဲ့သတ္တိတွေ ကိုယ့်ရဲ့ အရည်အချင်းတွေဟာ ဘယ်လိုဟာတွေလဲ ဆိုတာကို မသိပဲနဲ့ တစုံတယောက်က ကိုယ့်ကို ဖြစ်စေချင်တဲ့ ပုံစံမျိုး ဖြစ်ပေါ်လာအောင် သူတို့ ကျေနပ်အောင် ကြောက်လို့ပဲ ဖြစ်ဖြစ်၊ ဘယ်လိုအကြောင်းကြောင့်ပဲ ဖြစ်ဖြစ်၊ တယောက်ယောက်ရဲ့ အကြိုက်အတိုင်း နေပြရတယ်ဆိုရင် အဲဒီလူဟာ စစ်မှန်တဲ့ သတ္တိ ရှိတဲ့သူ ဖြစ်မလာနိုင်ဘူး။
🎪🎪🎪
တခုခုကို လုပ်တဲ့အခါမှာ “ဘာဖြစ်လို့လုပ်တယ်” ဆိုတဲ့ အရင်းခံ အကြောင်းတရားက ကိုယ့်ရင်ထဲကမှ မလာလို့ရှိရင် အဲဒီအလုပ်ကို သတ္တိရှိရှိ မလုပ်နိုင်ဘူး။ ဒါ့ကြောင့် ဘာအလုပ်ပဲလုပ်လုပ်၊ ကျောင်းဆရာပဲလုပ်လုပ် သတ္တိရှိဖို့ လိုတယ်။ ဆရာဝန်လုပ်လည်း သတ္တိရှိဖို့ လိုတယ်။ အရောင်းအဝယ် တခုခု လုပ်မယ် ဆိုရင်လည်း ငါ ရိုးရိုးသားသား ရောင်းမယ်ဝယ်မယ်၊ ငါ့ရဲ့ အရောင်းအဝယ် လုပ်ငန်းနဲ့ ငါ့ ပတ်ဝန်းကျင်ကို အကျိုးပြုမယ် ဆိုတဲ့စိတ်နဲ့ လုပ်နိုင်ဖို့ သတ္တိ အများကြီး လိုတယ်။ တကိုယ်ကောင်းဆန်ဆန် မတရား အမြတ်များများရဖို့ မကြိုးစားပဲ သင့်ရုံလောက် အမြတ်ရရင် တော်ပြီ ဆိုတဲ့ စိတ်မျိုး ထားနိုင်ဖို့ သတ္တိ လိုတယ်၊၊ ဘယ်လိုအလုပ်ပဲ လုပ်လုပ် ကိုယ့်ရင်ထဲမှာ ရှိနေတာနဲ့ ကိုယ်အပြင်မှာ ပြောနေ ဆိုနေ လုပ်နေတာနဲ့ဟာ ထပ်တူဖြစ်မှသာ သတ္တိ ရှိတဲ့သူလို့ ပြောလို့ရမယ်။
🎪🎪🎪
သူများအထင်ကြီးတာ ခံရဖို့၊ သူများကြိုက်ဖို့၊ ကိုယ့်ခံယူချက်နဲ့ မကိုက်ညီတဲ့ အလုပ်တွေကို လုပ်ပေးနေတာ လုပ်ပြနေတာ၊ အခွင့်အရေး တခုခုရဖို့ ကိုယ့်ခံယူချက်နဲ့ တကယ်မကိုက်ညီတဲ့ အလုပ်တွေကို လုပ်ပေးနေတာ လုပ်ပြနေတာဟာ သတ္တိ မရှိရာရောက်တယ်။
🎪🎪🎪
ကိုယ့်ကိုယ်ကို ဂုဏ်သိက္ခာရှိတဲ့ လူတယောက်လို့ ခံစားရတာ၊ ကိုယ့်ကိုယ်ကို တန်ဖိုးရှိတဲ့ လူတယောက် ၊ တန်ဖိုးထားထိုက်တဲ့ လူတယောက်၊ လေစားစရာကောင်းတဲ့ လူတယောက်လို့ ခံစားရတာဟာ သတ္တိရဲ့ အခြေခံဖြစ်တယ်။ ကိုယ့်ကိုယ်ကို မလေးစားနိုင်ရင် သတ္တိရှိတဲ့သူ မဖြစ်နိုင်ဘူး။
🎪🎪🎪
အပေါ်ယံ ပစ္စည်းဥစ္စာတို့ ရာထူးတို့ကို ကြည့်ပြီးတော့ သတ္တိရှိတဲ့သူလို့ ပြောလို့ မရဘူး။ ပစ္စည်းဥစ္စာ ချမ်းသာချင်လည်း ချမ်းသာနေမယ်၊ ရာထူးလည်း ရှိချင်ရှိနေမယ်၊ ဒါပေမဲ့ အတွင်းမှာတော့ သတ္တိနည်းတဲ့သူ ဖြစ်နေနိုင်တယ်။
🎪��🎪
ဂလဲ့စားခြေတဲ့အနေနဲ့ တုံ့ပြန်တာဟာ သတ္တိ မဟုတ်ဘူး။
🎪🎪🎪
ကိုယ့်ဘဝမှာ ကောင်းတာတွေ များများ ဖြစ်လာနိုင်ဖို့ ဆိုတာ မှန်ကန်တဲ့ ပြတ်သားတဲ့ ခံယူချက် ဦးတည်ချက် တန်ဖိုးထားစရာတွေ ရှိပြီးတော့၊ အဲဒီ ကိုယ်တန်ဖိုးထားတာတွေအတွက် သတ္တိရှိရှိ ရပ်တည်နိုင်မှသာ အဲဒီ ကောင်းတာတွေဟာ ဖြစ်လာမယ်။
🎪🎪🎪
ကိုယ့်မှာ ဘယ်လိုအင်အားတွေ၊ ဘယ်လိုအရည်အချင်းတွေ၊ဘယ်လိုပင်ကိုယ်အစွမ်းအစတွေ ရှိသလဲ ဆိုတာ သိရမယ်။ ကိုယ့်အစွမ်းအစ ကိုယ့်အရည်အချင်းကို ကိုယ် ယုံကြည်ရမယ်။ အဲဒီလို ယုံကြည်မှု ရှိပြီးတော့ “ဟောဒါဟာ ငါ့ရဲ့ ပင်ကိုယ်အရည်အချင်း၊ ဟောဒါဟာ ငါ့ရဲ့ ပင်ကိုယ်သဘောထား၊ ဟောဒါဟာ ငါ တကယ်လုပ်ချင်တဲ့ အလုပ်၊ ဒါကို ငါ တကယ်လုပ်မယ်၊ ဒါကို လုပ်နိုင်တဲ့ စွမ်းရည်သတ္တိ ငါ့မှာ ရှိတယ်။” လို့ ဒီလို ကိုယ့်ကိုယ်ကို ယုံကြည်မှု ရှိရမယ်။ အဲဒီလို ယုံကြည်မှုမှာ အခြေခံပြီးတော့ ကိုယ့်ဘဝကို ကိုယ် နေသွားရမယ်။ ကိုယ် တန်ဖိုးထားတာကို လုပ်သွားရမယ်။ အဲဒီလို ကိုယ့်ကိုယ်ကို ယုံကြည်ချက် အပြည့်နဲ့ နေသွား လုပ်သွားမှသာ သတ္တိဆိုတာ တနေ့တခြား တိုးပွားလာနိုင်တယ်။
🎪🎪🎪
ပုံမှန်လေး၊ စိတ်ရှည်လက်ရှည်လေး၊ အေးအေးဆေးဆေး တည်တည်ငြိမ်ငြိမ်နဲ့ လွတ်လပ်မှုဘက်ကို တဖြေးဖြေး ရှေ့တိုးသွားနေတာ၊ တနေ့ထက်တနေ့ ပိုပြီး လွတ်လပ်တဲ့သူ ဖြစ်အောင် ကြိုးစားနေတာ၊ အဲဒါက အခက်ဆုံးအလုပ် ဖြစ်တယ်။ အကြီးမားဆုံး သတ္တိလည်း လိုအပ်တယ်။ အဲဒီသတ္တိမျိုးက အပြင်လူ မမြင်နိုင်ဘူး၊ ကိုယ့်ဘဝထဲမှာ ကိုယ့်စိတ်ထဲမှာပဲ ဖြစ်နေတယ်။
🎪🎪🎪
ငါ ဘယ်လိုလူ ဖြစ်ချင်သလဲ ဆိုတာကို သေသေချာချာ အာရုံပြုပါ။ သိအောင်လုပ်ပါ။ ကိုယ့်ကိုယ်ကို ကိုယ် ဘယ်လိုလူ ဖြစ်ချင်သလဲ ဆိုတာ သိအောင်လုပ်ပြီး ကိုယ်ဖြစ်ချင်တဲ့သူ ဖြစ်လာအောင် အစွမ်းကုန် ကြိုးစားပါ။ အဲဒါ အခက်ဆုံးနဲ့ ကျေနပ်စရာ အကောင်းဆုံး အလုပ်ပဲ။ ဒါ ကိုယ့်ကိုယ်ကို ကိုယ် တကယ်ယုံကြည်မှု ရှိတဲ့သူပဲ လုပ်နိုင်မယ်။ ဒါ တကယ့်စွန့်စားခန်းပဲ။
သတ္တိရှိရင် လုပ်လိုက်ပါ။ လွတ်လပ်ချင်ရင် လုပ်လိုက်ပါ။ သတ္တိရှိမှ လွတ်လပ်မယ်။⚡️⚡️⚡️
ဆရာတော်ဦးဇောတိက
( မဟာမြိုင်တောရ ) ၏
“ တွေးမိတိုင်းပျော်တယ် ” စာအုပ်မှ ကူးယူဖော်ပြပါသည်၊၊
💥အများအတွက် အကျိုးရှိစေမဲ့ စာပေတွေကို Share လုပ် မျှဝေပေးခြင်းဟာ မေတ္တာတမျိုး၊ ကုသိုလ်တမျိုး ဖြစ်ပါတယ်၊၊💥