မေတ္တာရပ်ဝန်း: ဘုရားရှစ်ခိုး

Showing posts with label ဘုရားရှစ်ခိုး. Show all posts

Saturday, August 13, 2016

ရသေ့ကြီး ဦးခန္တီရွတ်သော အလွန်အကျိုးပေးသည့် ဘုရားရှိခိုး

မောင်တင်မောင် -တောင်ကြီး with Devi Khin and 21 others.

ရသေ့ကြီး ဦးခန္တီရွတ်သော အလွန်အကျိုးပေးသည့် ဘုရားရှိခိုး
*******************
လာဘ်တိတ်နေသူများ ၊ ဈေးရောင်းမကောင်းသူများ ၊ အကြွေးမရသူများ ၊ အကြွေးမဆပ်နိုင်သူများ ...၊ ငွေကြေး အခက်အခဲဖြစ်နေသူများ ၊
အကြီးအကဲနဲ့ အဆင်မပြေသူများ ၊ အလုပ်အကိုင် တို့လို တန်းလန်း ဖြစ်နေသူများ ၊ လာဒ်ရွှင်ငွေဝင်လိုသူများ အတွက်

အလွန်တရာမှ လာဒ်ရွှင်စေသော ရသေ့ကြီး ဦးခန္တီရွတ်သော ဂါထာကို
လက်ဆောင်ပေးလိုက်ရပါတယ် ခင်ဗျာ ...
ဒေါက်တာ ကုမာရ ဘိဝံသ(ဗန်းမော်ဆရာတော်) ချီးမြှင့်တော်မူသော ရသေ့ကြီး ဦးခန္တီ၏ဂါထာတော်။
အရဟံ၊ ဗဟိ-အန္တ-ဇယံ၊ သုဂတံ၊
အမိတံ၊ ၀ိရဇံ၊ လလိတံ၊ အတုလံ၊
စရဏံ၊ တိ-ဘ၀ူပ-သမံ၊ ယမကံ၊
သုခ ဒံ ၊ သရဏံ ၊ ပ နမာမိဇိနံ။
(အနက်ကို ရွတ်ဆိုရန်မလိုပါ..အဓိပ္ပါယ် သိရန် ရေးပေးတာပါ...
အထက်ပါ ဂါထာကို သာရွတ်ပါ။)
၁။ အရဟံ - ပူဇော်အထူးကို ခံယူတော်မူထိုက်သော မြတ်စွာဘုရားကို ပဏာမာမိ-ရှိခိုးပါ၏။
၂။ ဗဟိ-အန္တ-ဇယ - အတွင်း-အပ ရန်ကို အောင်တော်မူသော မြတ်စွာဘုရားကို ပဏာမာမိ-ရှိခိုးပါ၏။
၃။ သုဂတံ - ကောင်းသောစကားကို ဟောပြောတတ်သော မြတ်စွာဘုရားကို ပဏာမာမိ-ရှိခိုးပါ၏။
၎။ အမိတံ - မနှိုင်းယှဉ်နိုင်သည့် တန်ခိုးဗျာဋိဟာရှိသော မြတ်စွာဘုရားကို ပဏာမာမိ-ရှိခိုးပါ၏။
၅။ ၀ိရဇံ - ကိလေသာမြူ ကင်းတော်မူသော မြတ်စွာဘုရားကို ပဏာမာမိ-ရှိခိုးပါ၏။
၆။ လလိတံ - တင့်တယ် သပ္ပါယ်တော်မူသော မြတ်စွာဘုရားကို ပဏာမာမိ-ရှိခိုးပါ၏။
၇။ အတုလံ - အတုမရှိသော မြတ်စွာဘုရားကို ပဏာမာမိ-ရှိခိုးပါ၏။
၈။ စရဏံ - အကျင့်စရဏနှင့် ပြည့်စုံတော်မူသော မြတ်စွာဘုရားကို ပဏာမာမိ-ရှိခိုးပါ၏။
၉။ တိ-ဘ၀ူပ-သမံ - ဘုံသုံးပါး၌ ကိလေသာငြိမ်းအေးသော မြတ်စွာဘုရားကို ပဏာမာမိ-ရှိခိုးပါ၏။
၁၀။ ယမကံ - ရေမီးအစုံအစုံ တန်ခိုးဗျာဋိဟာနှင့် ပြည့်စုံသော မြတ်စွာဘုရားကို ပဏာမာမိ-ရှိခိုးပါ၏။
၁၁။ သုခဒံ - ချမ်းသာကို ပေးစွမ်းနိုင်သော မြတ်စွာဘုရားကို ပဏာမာမိ-ရှိခိုးပါ၏။
၁၂။ သရဏံ - ကိုးကွယ်အားထားရာဖြစ်သော မြတ်စွာဘုရားကို ပဏာမာမိ-ရှိခိုးပါ၏။
၁၃။ ဇိနံ - မာန်ငါးပါးကိုအောင်မြင်သော မြတ်စွာဘုရားကို ပဏာမာမိ-ရှိခိုးပါ၏။
လိုသလောက် မရပေမဲ့ လုပ်သလောက်တော့ ရပါတယ်.... ခင်ဗျာ......
Credit to - အနှိုင်းမဲ့ရင်ခွင်
မှတ်ချက်
ဘုရားဟောထားပါတယ် အောင်မြင်ရေးအတွက် ကံ ညဏ် ဝိရိယ သုံးပါးလုံးပြည့်စုံဖို့လိုပါတယ် ဂါထာတော်များရွတ်ဆိုပွါးများခြင်းဟာ ကံအတွက်အထောက်အပံ့ဖြစ်စေပါတယ် ညဏ်နဲ့ဝီရိယ ကတော့ မိမိ(ကာယကံရှင်) အပေါ်မှာသာ မူတည်ပါတယ်။

Thursday, July 28, 2016

" သရဏဂုံ တည်သူ "

Ei Ei Mon to ဗုဒ္ဓ အရိပ်

18 July at 08:12

. " သရဏဂုံ တည်သူ "
===========
ည အိပ်ယာ မဝင်ခင် သရဏဂုံတည်ပြီးမှ အိပ်ကြပါ။
သရဏဂုံတည်သောသူသည် ထိုဘဝမှ စုတေသောအခါ တစ်ဘဝတာ တည်ခဲ့သော... သရဏဂုံ ကုသိုလ်ကြောင့် ……

(၉၁)ကမ္ဘာ အပါယ်လေးပါးသို့ မကျရောက်ရခြင်း။
အကြိမ်(၈၀) သိကြားမင်းဖြစ်ရခြင်း။
(၇၅)ကြိမ် စကြာမင်းဖြစ်ရခြင်း။
ရိုးရိုးပဒေသရာဇ် ဧကရာဇ်ဘုရင်အဖြစ် အကြိမ်ကြိမ်ဖြစ်နေခြင်း။
အဆုံးဘဝတွင် မြတ်စွာဘုရားသာသနာ၌ (၇)နှစ်သားအရွယ်မှာပင် ရှင်သာမဏေအဖြစ် ခံယူ၍ သရဏဂုံအဆုံး၌ ရဟန္တာဖြစ်ခြင်း။
ဈေးဝယ်သောအခါ တစ်ပိဿာဝယ်လျှင် တစ်ပိဿာရ၏။ဈေးသည်က တစ်ပိဿာအပြည့်အပြင် မေတ္တာလက်ဆောင် ထည့်ပေးလျှင် အဆစ်ပါရ၏။
ထို့အတူ သရဏဂုံတည်လျှင် အကျိုးရင်း အကျိုးဖျားဟူ၍ နှစ်မျိုးရ၏။
ယခုဖော်ပြပြီးသည်တို့ကား အကျိုး အရင်းဖြစ်၏။ တစ်ပိဿာဝယ်၍ တစ်ပိဿာရခြင်းမျိုး တစ်ရာဖိုးဝယ်၍ တစ်ရာဖိုးရခြင်းမျိုးပင် ဖြစ်၏။
အဆင့်နှင့်တူသည့် အကျိုးဖျားဟုခေါ်သော ကောင်းကျိုး(၈)မျိုးကိုလည်း ဘဝဆက်တိုင်း ရနိုင်သေး၏။
ထိုကောင်းကျိုး(၈)မျိုးကိုလည်း အပါဒါန်ပါဠိတော်မှာ ဟောတော်မူထား၏။
သရဏဂုံတည်ခဲ့သူသည် လူ နတ် ဗြဟ္မာ မည်သည့်ဘဝသို့ ရောက်ရောက် ……………
၁။ လူအများ၏ ပူဇော်ခံရခြင်းကို ခံယူရသည်။
၂။ ထူးထူးခြားခြား သူတကာထက် ဥာဏ်ကောင်းသည်။
၃။ သူ၏အလိုသို့ အများက လိုက်ပါရသည်။
၎။သတ္တဝါအားလုံးက နှစ်သက်သည်။
၅။ သတ္တဝါအားလုံးက ချစ်ခင်သည်။
၆။ ရွှေအဆင်းကဲ့သို့ လှပသည်။
၇။ ကျော်စောထင်ရှားသည်။
၈။ စည်းစိမ်များပြားသည်။
---------------------------------
ပေးရသောအချိန်နှင့် တန်သည့်…
အသိဥာဏ်ဗဟုသုများ ရရှိကြပါစေ ………။
တစ်ဆင့် မျှဝေ ကုသိုလ်ပြုပါတယ်။
❄❄❄❄❄❄❄

Friday, July 20, 2012

ဗျည်း (၃၃) လုံး ဘုရားရှစ်ခိုး။

က = ကိလေသမာရ်ကိုအောင်မြင်တော်မူသောမြတ်စွာဘုရား။

ခ = ခန္ဓမာရ်ကိုအောင်မြင်တော်မူသောမြတ်စွာဘုရား။

ဂ = ဂန္ဓဂုဋိရွှေတိုက်မှကျွတ်ထိုက်သောသတ္တ၀ါတို့အားရွှေဉာဏ်တော်ကွန်ယက်ဖြင့် ဖြန့်ကြက်ကြည့်ရှု့တော်မူသောမြတ်စွာဘုရား။

ဃ = ဃဋိကာယ ဗြဟ္ခမင်းကြီးဆက်ကပ်သော ရွှေသင်္ကန်းကို ဆင်းမြန်းတော်မူသော မြတ်စွာဘုရား။

င = ငါးပါးမာရ်ကိုအောင်မြင်တော်မူသောမြတ်စွာဘုရား။

စ = စကြ၀ဠာတ၀ိုက် တုဘက်ပြိုင်ဘက်ကင်းတော်မူသောမြတ်စွာဘုရား။

ဆ = ဆယ်ပါးသောဒုစရိုက်ကို ပယ်ဖျက်ခုတ်ထွင်အောင်မြင်တော်မူသောမြတ်စွာဘုရား။

ဇ = ဇာတိဿရဉာဏ်ကိုရတော်မူသောမြတ်စွာဘုရား။

ဈ = ဈာန် သမာပတ်အပေါင်းနှင့်ပြည့်စုံ တော်မူသောမြတ်စွာဘုရား။

ည = ဉေ ယျဓံတရား ၅ ပါးနှင့်ပြည့်စုံ တော်မူသောမြတ်စွာဘုရား။

ဋ = ဋီကာ လက်သန်းကျမ်းအသွယ်သွယ်တို့ကိုဆရာမရှိကိုယ်တော်တိုင်သိ တော်မူ သောမြတ်စွာဘုရား။

ဌ = ပဋ္ဌာန်းကျမ်းကိုဟော် တော်မူသောမြတ်စွာဘုရား။

ဍ = ကောာဏ္ဍဉာပုဏ္ဏားသည် လက်ညှိုးတစ်ချောင်းထောင်ပြ၍ဘုရားဧကန်ဖြစ်ပါလိမ့်မည်ဟု

အပြောခံရသော မြတ်စွာဘုရား။

ဎ = ဒီပင်္ဂရာဘုရားရှေ့တော်၌ နိယာတဗျာဒိတ်ပန်းကိုဆင်မြန်း တော်မူသောမြတ်စွာဘုရား။

ဏ = တဏှာတည်းဟူသောအမိုက်မှောင်ကိုပယ်ဖျက်ခုတ်ထွင်အောင်မြင် တော်မူ သော မြတ်စွာဘုရား။

တ = တစ်ထောင်မကသောတိတ္ထိတို့ကိုဆုံးမတော်မူသောမြတ်စွာဘုရား။

ထ = ထူးမြတ်သောဂုဏ်တော်အပေါင်းနှင့်ပြည့်စုံ တော်မူသောမြတ်စွာဘုရား။

ဒ = ဒိဗ္ဗစက္ခုဉာဏ်တော်ကိုရတော်မူသောမြတ်စွာဘုရား။

ဓ = ဓမ္မစကြာတရားတော်ကိုဟောတော်မူသောမြတ်စွာဘုရား။

န = နိဗ္ဗာန် အောင်ချာရွှေပြည်သာသို့ပို့ဆောင်တော်မူသောမြတ်စွာဘုရား။

ပ = ပုဗ္ဗေနိဝါသဉာဏ်တော်နှင့်ပြည့်စုံတော်မူသောမြတ်စွာဘုရား။

ဖ = ဖိုလ် မဂ်ချမ်းသာကိုအောင်တော်မူသောမြတ်စွာဘုရား။

ဗ = ဗောဓိပင် ကိုအောင်တော်မူသောမြတ်စွာဘုရား။

ဘ = ဘုန်းတော် ၆ ပါးနှင့်ပြည့် စုံတော်မူသောမြတ်စွာဘုရား။

မ = မစ္စုမာရ်ကို အောင်မြင်တော်မူသောမြတ်စွာဘုရား။

ယ = သရက်ဖြူပင်ရင်းတွင်တိတ္ထိတို့ကို ရေမီးအစုံ ယမိုက်ပြာဋိကာကိုပြ တော်မူ သော မြတ်စွာဘုရား။

ရ = ရောင်ခြည်တော် ၆ သွယ် နှင့်ပြည့်စုံတော်မူသောမြတ်စွာဘုရား။

လ = လူသုံးပါးတို့တွင်တုဘက်ပြိုင်ဘက်ကင်းတော်မူသောမြတ်စွာဘုရား။

ဝ = ၀သုနြေ္ဒမြေနတ်သားသည်သက်သေခံပြု၍မာရ်နတ်မင်းခုခံသည်ကိုအောင်မြင်တော် မူသောမြတ်စွာဘုရား။

သ = သစ္စာလေးပါး တရားအပေါင်းနှင့်ပြည့်စုံတော်မူသောမြတ်စွာဘုရား။

ဟ = ဟိန္ဒဒါနိဘိက္ခဝေပါဠိတော်လာသည်နှင့်အညီရဟန်းတော်တို့ကိုဆုံးမ တော်မူသော မြတ်စွာဘုရား။

ဠ = လပြည့်ဝန်းကဲ့သို့ပြည့်ထွန်းသောမျက်နှာတော်နှင့်ပြည့်စုံတော်မူသောမြတ်စွာဘုရား။

အ = နေအရုဏ်မတက်မှီအာသဝေါကင်းကွား၍အာသ၀က္ခယ ဉာဏ်တော် ကိုရတော်မူ သောမြတ်စွာဘုရား။

ကျမ်းကိုး။

ကျိုက်ကဆံဦးပဏ္ဍိဓမ္မ၊ဆရာကြီးဦးမြတ်ကျော်၏ ဘုရားရှစ်ခိုးအမျိုးမျိုး မူဟောင်း နှင့်ဝတ်ရွတ်စဉ်။တတိယအကြိမ်။ ၁၉၉၂။

Tuesday, May 22, 2012

တောင်ခွင်သာသနာပိုင်ဆရာတော်ကြီးရေးသားသော စက်တော်ရာဘုရားရှစ်ခိုးလင်္ကာ။

ထွန်းပေါ်ကျစ်လစ်၊တရာ့ရှစ်ကို၊စိစစ်လျှင်ထွေ၊လျှင်းလျှင်းရေပိမ့်။ ။ချီလေအစ၊ (၁-၂) လုံမ, အိမ်မွန်၊ (၃) သုံးတန်ပွင့်ချပ်၊ဇလပ်ပျံ့မွှေး၊(၄) လည်ရည်သုံးဆင့်၊ (၅) လှတင့် ထွန်းတောက်၊ဦးဆောက်ပန်းက၊ (၆) ဖြူဆွရောင်မောင်း၊ဦးဘောင်းမကွဲ၊စားပွဲတည်ခင်း၊ (၇) အင်းပျဉ်ဝန်းနှင့်၊ (၈-၉) ချွန်းတောင်း, ပြာသာဒ်၊(၁၀) အထွတ်မြင့်ခိုင်၊တံခါးတိုင်က၊ (၁၁-၁၂) ဖြူဆွပြိုးပြက်၊ထီးသန်လျှက်နှင့်၊(၁၃)ထန်းရွက်ရပ်ဝန်း၊ (၁၄) ရွှန်းရွှန်းရောင်မောင်း၊ ဥဒေါင်းမြီးရပ်၊ (၁၅) သင်းကျပ်ရွှေပြား၊(၁၆) ပတ္တမြား ကျောက်မြက်၊(၁၇) စားခွက်ရောင်ပြေး၊ (၁၈) မုလေးပန်းဆိုင်း၊(၁၉-၂၃) တုနှိုင်းမရ၊ပွင့်လှအပြား၊ငါးပါးကြာမျိုး၊ (၂၄)ပြည့်သည့်အိုးနှင့်၊(၂၅) ပြည့်ဖြိုးဖလား၊ (၂၆) ရေငြားသမုဒြ၊ (၂ရ) စကြာဝဠာတောင်မွန်၊ (၂၈) ဟိမ၀န်တော ချောင်၊ (၂၉) မြင်းမိုရ်တောင်နှင့်၊ (၃၀-၃၁) ထွန်းပြောင်နေလ၊(၃၂) နက္ခတ္ထက၊ (၃၃-၃၆) ဒီပလေးသွယ်၊ကျွန်းငယ်ရံဆောင်၊ (၃၇)ဘုန်းခေါင်စကြာမင်း၊ (၃၈)ခရုသင်းဖြူနစ်၊ဗွေရစ်လက်ျာ၊ (၃၉)ရွှေဝါအဆင်း၊ငါးမင်းစုံလျက်၊(၄၀) လက်နက်စက်က၊(၄၁-၄၇) ရေတွက်သချာင်္၊ ဂင်္ဂါခုနှစ်တန်၊(၄၈-၅၄)တောင်ရံခုနှစ်လုံး၊ (၅၅-၆၁) အိုင်ထုံးခုနှစ်ကွက်၊ (၆၂)ငှက်ဂဠုန်မင်း၊ (၆၃) မြစ်တွင်းကိန်းအောင်း၊ (၆၄) တံခွန်လျားနှင့်၊(၆၅) ကုက္ကားတံခွန်၊(၆၆) မင်းတန်သံလျင်း၊(၆၇) အဆင်းရွှေလား၊သားမြီးလေဆောင်၊(၆၈) ငွေတောင်ကေလာသ၊ (၆၉-၇၀) သီဟ၊ဗျ ဂ္ဃါ၊ (၇၁) ၀လာဟမြင်း၊ (၇၂) ဆင်မင်းမြတ်စွာ၊ ဥပေါသထာယာဉ်မွန်၊ ဆဒ္ဒန်တူပြီ (၇၃) ဗာသုကီ မည်ရင်း၊နဂါးမင်းနှင့်၊(၇၄) ဟင်္သာရွှေလား၊ (၇၅) နွားဥသဘမွန်၊(၇၆) ဧရာဝဏ်တခဏ်း၊(၇၇)ရွှေမကရ်းတထွေ၊ (၇၈) ရွှေလှေလျှံဝါ၊ (၇၉) ဗြဟ္မထွတ်ဖျား၊ (၈၀) သားနှင့်တကွ၊နွားမနို့ညစ်၊(၈၁) အချစ်မြဲစွာ၊ကိန္နရာဖို-မ၊ (၈၂) သဒ္ဒမဆိတ်၊ကရ၀ိတ်တွန်ညောင်း၊(၈၃-၈၄) ဥဒေါင်း၊ ကြိုးကြာ၊(၈၅) သံသာစက္က၀ါက်၊ (၈၆) စုံလျက်၊ဇီဝဇိုင်း၊ (၈၇-၉၂) မိုးဝဘုံသာ၊ ဆကာမာနှင့်၊ (၉၃-၁၀၈) ဗြဟ္မဘုံရပ်၊ဆယ့်ခြောက်ထပ်လည်း၊ယှဉ်စပ်မကင်း၊ခမင်းများစွာ၊ရံစကာနှင့်၊ စကြာခြေမွန်၊တင့်တယ်ဟန်ကို၊မိုးစွန်ဘုံဖျား၊သိကြား၊ဗြဟ္မာ၊တူရေးလှာလည်း၊ဘယ်မှာတမျှ၊ အတုရချိမ့်၊ အသမသမာ၊သုံးလူ့ချာ၏၊ရတနာလျှံဝင်း၊နီဆင်းစင်သန့်၊အကန့်တထောင်၊ ထွန်းပြောင်သိင်္ဂါ၊ သန္တာအကွပ်၊ ထိန်လျှပ်ပုံတောင်း၊ညိုမောင်းကျောက်မျက်၊ခြေတော်စက်ကို၊စုံမက်မြတ်နိုး၊ ရှိလျှင်ခိုးသည်၊ အကျိုးကောင်းမွန်၊ မဂ်ဉာဏ်၊ဖိုဉာဏ်၊ နိဗ္ဗာန်ထုတ်ချောက်ရောက် စေသောဝ်။

Friday, April 27, 2012

ဘုရားကန်တော့တာနဲ့ ဘုရားရှစ်ခိုးတာဘာကွာသလဲ?

ဘုရားကန်တော့တယ် ဆိုတာ အပြစ်များပပျောက်အောင်တောင်းပန်ခြင်း။ သြကာသ အစရှိတာက ဘုရားကန်တော့ဖြစ်ပါတယ်။

ဘုရားရှစ်ခိုးတယ် ဆိုတာ ဘုရားရှင်၏ဂုဏ်တော်များအားအာရုံပြုရွတ်ဆိုခြင်း ဖြစ်ပါတယ်။

နမော တဿ ဘဂ၀တော အရဟတော သမ္မာသမ္ဗုဒ္ဓဿ။ ဆိုတာ နတ် (၅) ပါးနှင့် ပညာရှင် များရှစ်ခိုးသောဘုရားရှစ်ခိုးဖြစ်ပါတယ်။။

ဘဂ၀တော = ဘဂ၀ါဂုဏ်ရှင်ဖြစ်တော်မူသော

အရဟတော = အရဟံဂုဏ်ရှင်ဖြစ်တော်မူသော

သမ္မာသမ္ဗုဒ္ဓဿ = သမ္မာသမ္ဗုဒ္ဓဿဂုဏ်ရှင်ဖြစ်တော်မူသော

တဿ = ထိုမြတ်စွာဘုရားအား

နမော = ရိုသေမြတ်နိုးအကျွန်ပ်ရှစ်ခိုးပါ၏။

ဂါထာ

သာတာဂိရိ နမော ယက္ခော၊တဿ စ အသုရိန္ဒကော၊

ဘဂ၀တော မဟာရာဇာ၊သက္ကော အရဟတော တဿ။

သမ္မာသမ္ဗုဒ္ဓဿ ဗြဟ္မာ၊ ဧတေ ပဉ္ဇ နမဿန္တိ။

နတ် (၅) ပါးနှင့်ပညာရှင်များမှာ-

၁။ သာတာဂိရိနတ် = နမော

၂။ အသုရိန်နတ်မင်း = တဿ။

၃။ စတုမဟာရာဇ်နတ်မင်း = ဘဂ၀တော။

၎။ သိကြားမင်း = အရဟတော။

၅။ သဟမ္ပတိဗြဟ္မာမင်း= သမ္မာသမ္ဗုဒ္ဓဿ။

ဟုဆိုခဲ့သည်ဟု မှတ်သားဖူးပါတယ်။

၁။ ဗိမ္မိဿာရမင်း။

၂။ ပေဿနဒီကောသလမင်း။

၃။ ဗြဟ္မယုပုဏ္ဏား။

၎။ ပေါက္ခရသာတိပုဏ္ဏား။

၅။ ဇာဏုေဿာဏိပုဏ္ဏား။

၆။ အရိယာဓနဉ္ဇာနီပုဏ္ဏားမ။ တို့က နမော တဿ ဘဂ၀တော အရဟတော သမ္မာသမ္ဗုဒ္ဓဿ။ ဆိုကာ ဘုရားရှစ်ခိုးခဲ့တယ်လို့ ဆိုပါတယ်။။

အရဟံ ဆိုတာ ဘုရားဂုဏ်တော် တွေကိုရည်မှန်းတာမို့ ဘုရားရှစ်ခိုးဖြစ်ပါတယ်။

အရဟံ၏ အဓိပ္ပါယ် (၅) မျိုး။

၁။ အရဟံ = သုံးလုံးဝလုံး တပေါင်းတည်းယူသောနည်း။

မြတ်စွာဘုရား၏သဏ္ဍန်တွင်လောဘ၊ဒေါသ၊မောဟ အစရှိသောကိလေသာများ၊ ၀ါသနာနှင့်တကွ

လုံးဝကင်းစင်ပါပေသည်။

၂။ အရဟံ = အတွင်းကိလေသာများကိုသတ်ဖြတ်ပြီးသောကြောင့် အရဟံမည်ပါပေသည်။

၃။ အရ-ဟံ = ရှေ့ကနှစ်လုံးတွဲယူသောနည်း။ သံသရာဘ၀စက်၏ ဆယ်ပါသောဒေါက်

အကန့်တို့ကိုပယ်ဖျက်တော်မူပြီးသောမြတ်စွာဘုရား။

၎။ အ-ရဟံ = လူမင်းနတ်မင်းတို့၏ပူဇော်အထူးကိုခံယူထိုက်ပါပေ၏။

၅။ အ-ရဟံ = ဆိတ်ကွယ်ရာအရပ်၌ပင် မကောင်းမှုကိုပြုတော်မမူသောမြတ်စွာဘုရား။

ဘုရားရှိခိုးတယ်ဆိုတာ ကမ္မဋ္ဌာန်းတရား(၄၀)အနက် ဗုဒ္ဓနုဿတိ ကမ္မဋ္ဌာန်းကို စီးဖြန်း ခြင်း လည်းဖြစ်။ ဗုဒ္ဒနုဿတိကမ္မဋ္ဌာန်းဆိုတာ ဘုရားရှင်ရဲ့ဂုဏ်တော်ကို စိတ်ဖြင့် အဖန်တလဲလဲ ဆင်ခြင်ခြင်းဖြစ်တယ်။ သို့သော် ဗုဒ္ဓဂုဏ်တော်ဆိုတာ အလွန်နက်ရှိုင်းတယ်။ ဂုဏ်တော်ကို မကျက်မှတ် မရွတ်ဆိုဘဲ စိတ်ဖြင့် ဆင်ခြင်ဖို့ မလွယ်ကူဘူး။ ဒါကြောင့် ဘုရားရှင်ရဲ့ ဂုဏ်တော် တွေကို ဦးစွာရအောင်ကျက်မှတ်ရတယ်။ ကျက်မှတ်ပြီးတော့ နှုတ်ကရွတ်ဆိုရတယ်။ နှုတ်က ရွတ်ဆိုရင်း စာမှာပါဝင်တဲ့ ဂုဏ်တော်ကိုဆင်ခြင်တာကို ဗုဒ္ဒနုဿတိကမ္မဋ္ဌာန်းဘာဝနာလို့ ခေါ် ပါတယ်။

ဘုရားရှစ်ခိုးရခြင်းအကျိုး(၉)ပါး ၀ိသုဒ္ဓိမဂ် အဋ္ဌကထာ(ပ)၂၀၆

၁။ ဘုရားရှင်၌ ရိုသေခြင်း၊ တုပ်ဝပ်ကျိုးနွံခြင်းရှိတယ်။

၂။(က) ရတနာသုံးပါး၌ ယုံကြည်မှု၊ ကံ-ကံ၏အကျိုး၌ ယုံကြည်မှု

သဒ္ဓါတရားတိုးပွားလာတယ်။

(ခ) အမှတ်သတိကောင်းလာတယ်၊ မမေ့မလျော့ဘူး၊

မရူးသွပ်နိုင်ဘူး၊ စိတ်ရောဂါ မဖြစ်နိုင်ဘူး။

(ဂ) ဉာဏ်ပညာထက်မြက်လာတယ်၊ ဉာဏ်ထက်မြက်လာလို့

စာကျက်လျှင် ရလွယ်တယ်။ စာကြည့်လျှင် မှတ်မိလွယ်တယ်။

(ဃ) ကောင်းမှုတရား တိုးပွားလာတယ်၊ ခန္ဓာကိုယ်တွင်းမှာ

ကုသိုလ်တရားတွေ ပွါးများလာတယ်။

၃။ (က) နှစ်သက်ခြင်းပီတိတရား ဖြစ်ပွားလာတယ်။

(ခ) နှစ်သက်ရုံမက ၀မ်းသာခြင်း ပါမောဇ္ဇတရားလည်း တိုးပွားလာတယ်။

၎။ (က) ဘေးကြီးဘေးငယ် ရန်ကြီးရန်ငယ်တို့ကို နှိမ်နင်းနိုင်တယ်။

မဟာရာဇ၀င်မှာလာတဲ့ မိဖုရားစောလုံဟာ ဘုရားဂုဏ်တော် ထုံထားတော့ မီးမလောင်ဘူး၊ တောက်လောင်နေတဲ့မီးဟာ ငြိမ်းရတယ်။ဒါကြောင့် ဘုရားရှင်ရဲ့ ဂုဏ်တော်ဟာ ဘေးရန်အန္တရာယ်ကို သည်းခံနိုင်စွမ်းရှိတယ်။

(ခ) အကယ်၍ ဘေးရန်အန္တရာယ်နှင့် မလွှဲမရှောင်သာကြုံဦးတော့ ကြုံလာတဲ့ ဘေးရန် အန္တရာယ်ကို သည်းခံနိုင်စွမ်းရှိတယ်။

၅။ မိမိကိုယ်ကို ဘုရားဂုဏ်တော်နှင့် ထုံထားတော့ ဘုရားရှင်နှင့်အတူ နေရသလို အမှတ် ရတယ်။

၆။ မိမိခန္ဓာကိုယ်ဟာ စေတီအိမ်လိုဖြစ်ပြီး လူနတ်ဗြဟ္မာတို့ရဲ့ပူဇော်ခြင်းကို ခံယူထိုက်တယ်။

၇။ ဘုရားဂုဏ်တော်ကို အာရုံပြုရင်း ဘုရားရှင်ရဲ့ ဂုဏ်တော်များ ဤမျှကြီးကျယ် ခမ်းနား လှ ပါကလား၊ ငါလည်းဤသို့သော ဂုဏ်ပိုင်ရှင် ဘုရားဖြစ်ရန် စိတ်ညွှတ်နိုင်တယ်။

၈။ လွန်ကျူးအပ်တဲ့ ဒုစရိုက်မှုနှင့် မရှောင်သာမကွင်းသာ တွေ့ကြုံသည့်တိုင်အောင် မိမိ မျက်မှောက်မှာ ဘုရားရှင်ကို မြင်ရသလို ဖြစ်ပြီး အရှက်အကြောက်ပေါ်လာကာ ဒုစရိုက်က ရှောင်လွှဲနိုင်တယ်။

၉။ အထက်မဂ်ဖိုလ်နိဗ္ဗာန်ကို မထိုးထွင်းမသိမြင်နိုင်စေကာမူ သေသည်ရဲ့အခြားမဲ့မှာ ဒုဂ္ဂတိ ဘ၀ကို မလားနိုင်ဘူး၊ သုဂတိဘ၀ကိုသာ လားရောက်ဖို့ ရှိတယ်။

ဘုရားရှစ်ခိုးရတဲ့အကျိုးဟာ ယခုဘ၀မှာပင် ခံစားနိုင်တဲ့ အကျိုးစိတ် (၁၃) ပါးရှိတယ်။ သည် (၁၃) ပါးကို တူရာပေါင်းလိုက်လျှင် ပစ္စုပ္ပန် ဘုရားရှစ်ခိုး ရကျိုး ရှစ်ပါးရှိတယ်။ နောင်ဘ၀ သုဂတိလားရတဲ့ အကျိုးတစ်ပါး ထည့်လိုက်လျှင် ဘုရားရှစ်ခိုးရတဲ့အကျိုးဟာ ကိုးပါးရှိတယ်။

ဘုရားရှိခိုးရကျိုး ၉ မျိုး။

စေတီအတူ၊ စိတ်မူတည်ကြည်၊ရောက်မည်နတ်ရွာ၊

တွေ့ခါသိလွယ်၊မြတ်နွယ်အမျိုး၊ရိုးကျိုးခံရ၊ပြည့်ဝအင်္ဂါ၊

ဆင်းလှစွာနှင့်၊ကာယ ခံတွင်း၊ကြိုင်သင်းမွှေးကြူ၊

ကြီးမူပညာ၊နက်စွာဖက်ရွှင်၊လျှင်မြန်ဆန်းကြယ်၊

ကောင်းကြွယ်စကား၊ဆိုနိုင်ငြားလည်း၊ဘုရားဂုဏ်တော်ပွါးကျိုးတည်း။

ဘုရားရှိခိုးရကျိုး ၉ မျိုး။ရှစ်လုံးဘွဲ့ကဗျာ (တည်တောဆရာတော်)

၁။ မြတ်ဘုရား၌၊ ၀တ်တွားရိုသေ။

သဒ္ဓါ၊သတိ၊ ဓိတိပုည။

နေ့စဉ်ပွါးလို့၊ပယ်ရှားကိလေ။

နှစ်သက်ခြင်း၊ရွှင်ခြင်းပါမောဇ္ဇေ။

၂။ ဘေးနှင့်ရန်မျိုး၊ပယ်ချိုးနိုင်သလေ။

ဆင်းရဲကြုံလည်း၊ခံသည်းမသွေ၊

မြတ်ဗုဒ္ဓနှင့်တကွအတူနေ။

ပူဇော်ထူး၊ညွှတ်ဦးခံထိုက်ပေ။

၃။ ဗုဒ္ဓစင်စစ်၊ဖြစ်လိုက်ချင်သလေ။ ရှက်ကြောက်နှစ်ပါး၊ဌင်ရှားပေါ်ချေ၊ သေမှာမကြောက်၊ဆိုက်ရောက်နတ်ပြည်။

ရှိခိုးကောင်းကျိုးအထွေထွေ။

၎။ မြတ်ဗုဒ္ဓအား၊၀တ်တွားကော်ရော်။ ရှိခိုးရကျိုး၊ကိုးမျိုးဖွင့်ဖော်။

ဝိသုဒ္ဓိကျမ်း၊ရွှင်လန်းအလျော်။ ကဗျာဖွင့်၊ ဉာဏ်ဖြင့်ရှုကာမျှော်။

ဗုဒ္ဓနုဿတိဂုဏ်တော်ပွါးကျိုး ၁၇ မျိုး။

၁။ မိမိခန္ဓာကိုယ်အတွင်းသဏ္ဍန်သည် စေတီအိမ်နှင့်တူသည်ဖြစ်၍ သူတစ်ပါးတို့၏ ရှိခိုးမှု ကိုခံထိုက်ခြင်း။

၂။ စိတ်ဓါတ်ရဲရင့်တည်ကြည်ခြင်း။

၃။သေခါနီး၌ မတွေမဝေ သေရ၍ သေသည်၏အခြားမဲ့၌ နတ်ရွာသုဂတိသို့ ရောက်ခြင်း။

၎။ နောင်အခါ ဘုရားနှင့်တွေ့ရာဝယ် သစ္စာလေးပါးကိုသိလွယ်ခြင်း။

၅။ အမျိုးမြတ်ခြင်း။

၆။ သူတစ်ပါးတို့၏အရိုအသေပြုမှုကို ခံရခြင်း။

၇။ ချီးမွမ်းထိုက်သောကိုယ်အင်္ဂါနှင့်ပြည့်စုံခြင်း။

၈။ အဆင်းလှခြင်း။

၉။ ကိုယ်အနံ့ကြိုင်သင်းခြင်း။

၁၀။ ခံတွင်းနံ့ပြန့်မွှေးခြင်း။

၁၁။ ကြီးကျယ်သောဉာဏ်ပညာနှင့်ပြည့်စုံခြင်း။

၁၂။ နက်နဲသောဉာဏ် ပညာနှင့်ပြည့်စုံခြင်း။
၁၃။ ထက်မြက်သော ဉာဏ်ပညာနှင့်ပြည့်စုံခြင်း။

၁၄။ လျှင်မြန်သော ဉာဏ်ပညာနှင့်ပြည့်စုံခြင်း။

၁၅။ ရွှင်သော ဉာဏ်ပညာနှင့်ပြည့်စုံခြင်း။

၁၆။ ဆန်းကျယ်သောဉာဏ် ပညာနှင့်ပြည့်စုံခြင်း။

၁၇။ စကားကောင်းကိုဆိုနိုင်ခြင်း။

ဘယ်ဂုဏ်ပွါး ပွါး အတူတူရရှိမည့်ကောင်းကျိုးများဖြစ်သည်။

ဝိသုဒ္ဓါရုံလင်္ကာ

၁ ။ကိလေမနှောင့်၊ ၂။ စိတ်စဉ်ဖြောင့်၏၊

၃။ ဘုန်းခေါင့်ရိုသေ၊

၎။ သဒ္ဓါစွေ၍၊

၅။ နှစ်ထွေပီတိ၊

၆။ သည်းခံချိ၏၊

၇။ စေတီပုံလား၊

၈။ ဘုရားနှင့်နေ၊

၉။ ထင်ပေဟိရောတ်၊

၁၀။ စိတ်ညွတ်ချစ်ရှင်၊

၁၁။ မဂ်စဉ်မပွား၊ နတ်ရွာလားသည်၊ဘုရားဂုဏ်တော် ပွားကျိုးတည်း။

သီးသန့်ဂုဏ်တော်ပွါးကျိုး။

၁။ အရဟံဂုဏ်တော်ပွါးလျှင် ဘေးရန်ကင်းခြင်း၊ ကျန်းမာခြင်း၊ လာဘ်လာဘပေါများခြင်း အကျိုးသီးသန့်ထပ်ရသည်။

၂။ သမ္မာသမ္ဗုဒ္ဓဂုဏ်တော်ပွါးလျှင် စိတ်ရွှင်လန်းခြင်း၊ဉာဏ်ပွင့်ခြင်း၊စာမေးပွဲအောင်ခြင်း အကျိုးသီးသန့်ထပ်ရသည်။

၃။ ၀ိဇ္ဇာစရဏသမ္ပန္နဂုဏ်တော် ပွါးလျှင်ဝိဇ္ဇာပညာ၊အသက်မွေးအတတ်ပညာများပြိုင်ဘက်မရှိ တတ်မြောက်နိုင်သည့်ကောင်း ကျိုးကို သီးသန့်ထပ်ရသည်။

၎။ သုဂတဂုဏ်တော် ပွါးလျှင် စကားစစ်ထိုးခြင်း၊အမှုအခင်း၊အရောင်းအ၀ယ်၊အရေးတကြီးကိစ္စ

ပြောဆိုခြင်းများ၌အောင်မြင်ခြင်း ကျိုးကို သီးသန့်ထပ်ရသည်။

၅။ လောက၀ိဒူ ဂုဏ်တော် ပွါးလျှင် လောကရေး၊လူမှုရေးရာအဖြာဖြာနှင့် လူကဲကို ရှင်းရှင်းလင်းလင်းပိုင်ပိုင်နိုင်နိုင်သိနိုင်ခြင်းကောင်းကျိုးကို သီးသန့်ထပ်ရသည်။

၆။ အနတ္ထရောပုရိသဒမ္မသာရထိဂုဏ်တော် ပွါးလျှင်နတ်လူတို့အလယ်တွင်ကျောဇောသတင်း ပျံ့နှံ့ခြင်း၊ရှိခိုးပူဇော်ခံရခြင်းးကောင်းကျိုးကို သီးသန့်ထပ်ရသည်။

၇။ သတ္တဒေ၀မနုဿာနဂုဏ်တော်ပွါးလျှင်နှတ်စလျှာစထက်မြက်၍ဆိုတိုင်းရ၊ကြံတိုင်း အောင်မြင်ခြင်း ကောင်းကျိုးကို သီးသန့်ထပ်ရသည်။စိတ်ဝေဒနာသည်များဤ ဂုဏ်တော် ရေမန်းတိုက်လျှင်ပျောက်သည်ဟုဆိုကြသည်။

၈။ဗုဒ္ဓေါဂုဏ်တော် ပွါးလျှင် ဘေးဆိုးရန်ဆိုးကြမ္မာဆိုးအမျိုးမျိုးးမှ လွတ်ကင်း၍ ချမ်းသာခြင်း နှင့်ပြည့်စုံသည့်ကောင်းကျိုးကို သီးသန့်ထပ်ရသည်။

၉။ ဘဂ၀ါဂုဏ်တော် ပွါးလျှင် ဘုန်းတန်ခိုးတေဇော်အာနုဘောကြီးမားသည့်းကောင်းကျိုးကို သီးသန့်ထပ်ရသည်။

သုဘူတိရဟန္တာမထေရ် သည်အဘိညာဉ်နှင့်ဈာန်ဝင်စားသောအရာတွင်ဧတဒ်ဘွဲ့ရသည်။ အတိတ်ဘ၀ကဂုဏ်တော်ပွါးခဲ့ခြင်းကြောင့် အပါယ်သို့မလားရပဲ လူနတ်ဘ၀များ၌သာ ကျင် လည်ခဲ့ရသည်။ ၎င်းကျင်လည်ခဲ့သောဘ၀များကို တပ်ကုန်းဆရာတော်က အောက်ပါ အတိုင်း ဖွဲ့ဆိုခဲ့သည်။

ဂုဏ်တော်ပွါးထုံ၊ စိတ်လိုပြည့်စုံ၊နတ်ဘုံကမ္ဘာသုံးသောင်းသာတည်း။ သိကြားမှာရှစ်ဆယ်၊

စကြာဝယ်တစ်ထောင်၊အခေါင်ပဒေသရာဇ်၊အကြိမ်ကြိမ်ဖြစ်၏။ မကျအပါယ်၊စည်းစိမ်ဝယ်လည်း၊ လျော့မရှိဥစ္စာ၊ဘိညာဉ်ဈာန်၊ဂုဏ်ထူးနှင့်ပင်၊ နိဗ္ဗာန်ဝင်သည်၊ဂုဏ်တော်ပွါးသူအကျိုးတည်း။

ကျမ်းကိုး။

မာလာထွေး။ http://toobigg02.blogspot.fr/2012/04/blog-post_7287.html

မေတ္တာရှင်ဇ၀န (ရွှေပြည်သာ)။

Saturday, April 21, 2012

သြကာသ ဘုရားရှစ်ခိုး အဓိပ္ပါယ်။

သြကာသဟူသည် ခွင့်ပြုတော်မူပါဟူသော အဓိပ္ပါယ်ရပါတယ်။ ဘုရားရတနာ တရားရတနာ သံဃာရတနာ တို့ကို ရှိခိုးဖို့ရန်အတွက် အခွင့်ပေးပါလို့ဆိုလိုတဲ့သဘောပါပဲ။ သုံးကြိမ်တိုင်တိုင် ရွက်ဆိုရတာကတော့ လေးလေးမြတ်မြတ်ဖြစ်စေချင်တဲ့ အတွက်ကြေင့် သုံးကြိမ်တိုင်တိုင် ရွက် ဆိုကြတယ်လို့ဆိုပါတယ်။

အပါယ်လေးပါး

၁.ငရဲ၊ ၂.တိရစ္ဆာန်၊ ၃.ပြိတ္တာ၊ ၄.အသူရကာယ်တို့ပဲဖြစ်ပါတယ်။

ငရဲဆိုတာကတော့ ချမ်းသာဟူသမျှ မြူမျှမရှိ၊ ဆင်းရဲခြင်းအတိဖြစ်လို့ ငရဲလို့ခေါ်ပါတယ်။ အဲဒီငရဲမှာလည်း သိဉ္ဇိုင်းငရဲ ကာဠသုတ်ငရဲ သံဃာတငရဲ ရောရုဝငရဲ မဟာရောရုဝငရဲ တာပနငရဲ မဟာတာပနငရဲ အဝေစိငရဲ ဆိုပြီးတော့ ရှစ်ထပ်ရှိတယ်လို့ဆိုပါတယ်။ တစ်ထပ် နှင့် တစ်ထပ် အထက်အောက် ယူဇနာ တစ်သောင်းငါးထောင် စီကွာခြားလျက် တည်ရှိတယ်လို့ ဆိုပါတယ်။

တိရစ္ဆာန်ကတော့ အားလုံးသိကြတဲ့အတိုင်းပါပဲ ဆင်၊ မြင်း၊ ကျွဲ၊ နွား၊ ခွေး၊ ကြက်၊ ငှက်၊ ငါး၊ လိပ်စသော ကုန်းနေ ရေနေ ခြေလေးချောင်းရှိသော သတ္တ၀ါ ခြေနှစ်ချောင်းရှိသော သတ္တ၀ါ များနှင့် မြွေစသော အခြေမရှိသော သတ္တ၀ါများပဲဖြစ်ပါတယ်။

ပြိတ္တာဆိုတာကတော့ တစ္ဆေ၊ မှင်စာ သရဲသဘက် အစိမ်း ဖုတ်ကောင် ကျတ်ကောင်များကို ပြိတ္တာဟုခေါ်ပါတယ်။

အသူရကာယ်ဆိုတာကတော့ ပြိတ္တာအကြီးစားပင်ဖြစ်တယ်လို့ပဲဆိုပါတယ်။ တိရစ္ဆာန်၊ ပြိတ္တာ၊ အသူရကာယ် တို့၏ နေရာဘုံမှာ သီးခြားမရှိ။ တိရစ္ဆာန်တို့ကား လူတို့အနီးအပါးနှင့် တော တောင် စသည်တို့၌ နေကြသည်။

ပြိတ္တာတို့တွင် တစ်ချို့ပြိတ္တာများမှာ သင်္ချိုင်းစသော အရပ်၊ ရေစ၊ ကမ်းစ သားငါးရလောက် သော အရပ်တို့၌ နေ၍ တစ်ချို့ကား သစ်ပင် အိမ်ကြို အိမ်ကြားစသည်၌နေလျက် စိတ်နေ စိတ်ထားငယ်သော ယောက်ျားမိန်းမ ကလေးသူငယ်စသူတို့ကို ချောက်လှန့်ပူးကပ်၍ တစ္ဆေစာပစ်သောအခါ စားသောက်ကြရ ပါတယ်။ တစ်ချို့ကားလူတို့၏ ထမင်းကျန် ဟင်းကျန် တံတွေး အန်ဖတ် အပုပ်အစပ်များကို ရှာဖွေ စားသောက်ရ၏။ အသူရကာယ်တို့ကား လူတို့နှင့် အတော်လေးဝေးကွာသော သမုဒ္ဒရာမြစ်ကမ်းစတို့၌ နေတတ်ကြ၏။ရေနားမှာနေရသော်လည်း ရေမသောက်ရ။ “ရေသောက်မည်”ဟုသွားလျှင် သူတို့၏ အကုသိုလ်ကံကြေင့် ရေခန်းခြောက်

နေသော သဲသောင်ပြင်ကိုသာ တွေ့ရလေ၏။ တစ်ချို့အကူရကာယ်တို့မှာ ဘုရားတစ်ဆူနှင့်တစ် ဆူအကြား၌မစားမသောက်ရဘဲ အငတ်ခံ၍ နေရရှာတယ်လို့ဆိုပါတယ်။

ကပ်သုံးပါး

၁.သတ္ထန္တရကပ်၊ ၂.ရောဂန္တရကပ်၊ ၃.ဒု ဗ္ဘိက္ခ န္တရကပ်တို့ပဲဖြစ်ပါတယ်။

သတ္ထန္တရကပ်ဆိုတာကတော့ တုန် ဓား သေနတ် ဗုံး အမြောက်စသော လက်နက်ဖြင့် ပျက်စီးစေခြင်းသည်သတ္ထန္တရကပ်ဆိုက်ခြင်းပဲဖြစ်ပါတယ်။

ရောဂန္တရကပ်ဆိုတာကတော့ ပလိပ်ရောဂါ၊ ကာလရောဂါ၊ ကျောက်ရောဂါ၊ အဖျားရောဂါစ သည်ဖြင့် မြို့နယ်အနှံ့အပြားဖြစ်၍ ပျက်စီးရခြင်းကို ရောဂန္တရကပ်ဆိုက်တယ်လို့ဆိုပါတယ်။

ဒု ဗ္ဘိက္ခ န္တရကပ်ဆိုတာကတော့ မြို့နယ်အနှံ့အပြားတို့၌ အစားအသောက် ပြတ်ငတ်၍ သေ ရခြင်းကို ဒု ဗ္ဘိက္ခ န္တရကပ်ဆိုက်တယ်လို့ဆိုပါတယ်။

ရပ်ပြစ်ရှစ်ပါး

အပြစ်ရှိသောအရပ်ကို ရပ်ပြစ်ဟုခေါ်ပါတယ်။ အပြစ်ဟူသည် ထူးထုးခြားခြားမဟုတ်။ ထိုအရပ်သို့ရောက် နေလျှင် မဂ်ဖိုလ်ရခွင့်မရှိခြင်းကို ဒီနေရာမှာ ရပ်ပြစ်ဟုခေါ်ပါတယ်။

မဟာဂန္ဓာရုံဆရာတော် အရှင်ဇနကာဘိဝံသ ၏ရပ်ပြစ်ရှစ်ပါး ဆောင်ပုဒ်။

ဘုရားပွင့်ခါ၊ ပါယ်သုံးရွာနှင့်၊ ဒီဃာယုနတ်၊ ဖြစ်လတ်ပစ္စန်၊ မိစ္ဆာ ဉာဏ်ရှိ၊ ဉာဏ်မရှိသား၊ ဉာဏ်ရှိ ငြားလည်း၊ ဘုရားမဖြစ်၊ ကျမ်းဂန်လှစ်သည်၊ ရပ်ပြစ်ရှစ်ပါးသရုပ်တည်း။

ရပ်ပြစ်ရှစ်ပါးသရုပ်..........

(၁.၂.၃.)ဘုရားဖြစ်ခါ ပါယ်သုံးရွာနှင့်။ ။ဘုရားပွင့်နေဆဲကာလမှာ ငရဲ၊ တိရစ္ဆာန်၊ ပြိတ္တာ ဟုဆိုအပ်သော အပါယ် သုံးမျိုး၌ဖြစ်ရသူများ။ (အသူရကာယ်ကို ပြိတ္တာမျိုး၌သွင်းယူ ထားသောကြောင့် အပါယ်သုံးရွာဟုဆိုထားပါသည်။)

(၄)ဒီဃာယုနတ်။ ။ အသက်ရှည်သောနတ်များကို ဒီဃာယုနတ်ဟုခေါ်ပါတယ်။ ဘုရားပွင့်ဆဲအခါ လွန်စွာ အသက်ရှည်၍ ဘုရားရှင်ကို မဖူးတွေ့နိုင်သော အသညသတ်ဗြဟ္မာ များနှင့် အရူပဗြဟ္မာများတည်း။

(အသညသတ်ဗြဟ္မာများသည် ခန္ဓာကိုယ်သာရှိ၍ စိတ်ဝိညာဉ်မရှိ။ အရူပဗြဟ္မများသည် စိတ် ၀ိညာဉ် သာရှိ၍ ခန္ဓာကိုယ်မရှိသောကြောင့် ထိုဗြဟ္မာနှစ်မျိုးတို့သည် ဘုရားပွင့်သော်လည်း တရားမနာနိုင်ရှာကြပေ။)

(၅)ဖြစ်လတ်ပစ္စန်။ ။ ဘုရားရှင်နှင့် ရဟန်းတော်များ မရောက်နိုင်ရာ အစွန်အဖျား တောတောင် အကြား (ပစ္စန္တရာဇ်သား)လူရိုင်းများကိုဆိုပါတယ်။

(၆)မိစ္ဆာ ဉာဏ်ရှိ။ ။ဘုရားပွင့်ဆဲအခါ မိစ္ဆာ ဉာဏ်ရှိသူများ။

(၇) ဉာဏ်မရှိသား။ ။ ဘုရားပွင့်ဆဲအခါ တရားကို နားလည်လောက်သော ဉာဏ်မရှိသူများ။

(၈) ဉာဏ်ရှိငြားလည်း ဘုရားမဖြစ်။ ။ တတ်သိနားလည်လောက်သော ဉာဏ်ရှိသော်ငြားလည်း ဘုရားပွင့်သောအခါလူဖြစ်ရသူများဖြစ်ပါတယ်။

ရန်သူမျိုးငါးပါးမှာ

၁.ရေ၊ ၂.မီး၊ ၃.ခိုးသူ၊ ၄.အမွေခံသား သမီးဆိုး၊ ၅.မင်းဆိုးတို့ပဲဖြစ်ပါတယ်။

(မချစ်အပ်သောသူကို ရန်သူမျိုးငါးပါး၌ မသွင်းရ။ မိမိကိုမုန်းနေရှုံမျှဖြင့် ရန်သူမဟုတ်နိုင်။ အမွေခံသားဆိုး သမီး ဆိုးသည်သာလျင် မိဘကိုမကြာခဏ ဒုက္ခပေးတတ်၊ စုဆောင်း ထားသော ပစ္စည်းများကို ဖြုန်းသုံးပစ်တတ်သောကြောင့် ရန်သူအစစ်ဖြစ်သည်။)

ဝိပတ္တိတရားလေးပါး။ ။ဖောက်ပြန်ချွတ်ရွင်းချက်ကို“၀ိပတ္တိ”လို့ခေါ်ပါတယ်။

ဝိပတ္တိတရားလေးပါးမှာ...

၁.ကာလ၀ိပတ္တိ။ ။ မင်းဆိုးမင်းယုတ် အုပ်စိုးသောအခါ။

၂.ဂတိဝိပတ္တိ။ ။ အပါယ်လေးပါးတို့၌ဖြစ်ရခြင်းကို မကောင်းသောဂတိဖြစ်၍ “ဂတိဝိပတ္တိ” လို့ခေါ်ပါတယ်။

၃.ဥပဓိဝိပတ္တိ။ ။ရုပ်အဆင်းအင်္ဂါကို “ဥပဓိ” လို့ခေါ်ပါတယ်။ အင်္ဂါချို့တဲ့ခြင်းကို “ဥပဓ၀ိပတ္တိ” လို့ခေါ်ပါတယ်။

၎.ပယောဂ၀ိပတ္တိ။ ။ကိုယ်မှု နှုတ်မှုကို “ပယောဂ” လို့ခေါ်ပါတယ်။ အသိအလိမ္မာမရှိ၊ သတိ ၀ီရိယမရှိဘဲ ပြုမှု ပြောမှု ကြံစည်မှုကို “ပရောဂ၀ိပတ္တ” လို့ခေါ်ပါတယ်။

ဗျသနတရားငါးပါး။ ။ပျက်စီးခြင်း ဆုံးပါးခြင်းကို ပါဠိလို “ဗျသန” ဟုခေါ်ပါတယ်။ ဗျသနတရားငါပါးမှာ

၁.ညာတိဗျသန။ ။ ဆွေမျိုးများပျက်စီးခြင်း။

၂.ဘောဂဗျသန။ ။ စည်းစိမ်ဥစ္စာများပျက်စီးခြင်း။

၃.ရောဂဗျသန။ ။ အနာရောဂါဖြစ်ခြင်း။

၎.ဒိဋ္ဌိဗျသန။ ။မိစ္ဆာအယူကို ယူခြင်း။

၅.သီလဗျသန။ ။ သီလပျက်ခြင်းတို့ပဲဖြစ်ပါသည်။

(ကျမ်းကိုး=တောင်မြို့ဆရာတော်အရှင်ဇနကာဘိဝံသ၏ ရတနဂုဏ်ရည်)

မှတ်ချက်။ ဆိုက်တစ်ခုမှ ကူးယူထားခြင်းဖြစ်ပါသည်။ ဆိုက်နံမည်မမှတ်မိ၍မထည့်ရခြင်းဖြစ်ပါတယ်။
ဆိုက်ပိုင်ရှင်သိပါကထည့်ပေးစေလိုပါသည်။