Red Cross တည်ထောင်ခဲ့သော ဆွစ်စလန် လူမျိုး Henri Dunant
ကျေးဇူးတော်ရှင်
ဓမ္မဘေရီအရှင်ဝီရိယ(တောင်စွန်း) ရဲ “ငုံ့ကြည့် ၊ မော့ကြည့်၊ တည့်တည့်မြင် တတ်စေ”့ ဆိုတဲ့ဆောင်းပါးမှာ “အထိုက်အလျှောက် နည်းနည်းပါးပါးဖြစ်စေ ရှိနေတဲ့ ပါရမီ ဓာတ်ခံ ကလေးတွေဟာ တစ်ခါ တစ်ခါတော့လည်း ကံမကောင်း အကြောင်းမလှမှုလေးတွေရဲ့ အကူအညီ အထောက်အပံ့ကို ရကြမှ ပိုပြီး ပီပြင် ထင်ရှားလာ သလိုလို ဖြစ်ခဲ့ရပုံ” များကိုဖေါ်ပြထားပါတယ်။
ဒီအချက်က ကျမဘ၀အတွက်အလွန်မှန်ကန်နေတာတွေ့ရပါတယ်။
ကျမ အမေကတစ်ဦးတည်းသောသမီးဖြစ်ပြီး တောမြို့မှာမွေးခဲ့တဲ့ လွန်ခဲ့တဲ့နှစ်တစ်ရာက မြန်မာတို့ရဲ့
ခံယူ ချက်ဖြစ်တဲ့ မိန်းခလေးများအနေနဲ့ကျောင်းနေစရာမလို အချိန်တန်ရင် မိဘများရှာဖွေပေးတဲ့
လင်ယောက်ျားကရှာဖွေကြွေးလိမ့်မယ်။ ကျောင်းနေလို့စာဖတ်တတ်ရင် ရီးစားထားလိမ့်မယ်ဆိုတဲ့
အယူအဆကြောင့်ကျောင်းမနေခဲ့ရပါဘူး။ အိမ်တွင်းမှုအတတ်ပညာနဲ့ အတွက်အချက်သာ သင်ခဲ့ရပါ တယ်။စစ်အတွင်း မိဘများပိုင်တဲ့ လယ်မြေများထားပြီးစစ်ပြေးခဲ့ရတာမို့ ၀င်ငွေရှာနိုင်တဲ့ပညာလည်းမရှိ
ပစ္စည်းဥစ္စာလည်းမရှိဖြစ်ခဲ့ပါတယ်။
ကျမ အဖေက တော့ ကျောင်းနေခဲ့ရသော်လည်း ရ တန်းနှစ်ရောက်တဲ့အချိန်မှာ စစ်ဖြစ်ခဲ့တယ်။ စစ်အတွင်းမိဘများနဲ့ကွဲပြားသွားခြင်း၊ မိဘများပိုင်ဆိုင်တဲ့ အထည်ဆိုင်များဗုံးချရာပါသွား တာကြောင့် မေမေနဲ့တွေ့တဲ့အချိန်မှာ ကားမောင်းသင်ပြီးသူများကားအငှါးမောင်းရတဲကားရိုင်ဘာဖြစ်နေ ပါတယ်။
ကျမအထက်မှာသား ၃ ယောက်နဲ့ သမီးတစ်ယောက်ရှိပါတယ်။ ကျမ မမွေးခင်မှာ ကျမရဲ့အကို ၃ယောက်
ရှေ့ဆင့်နောက်ဆင့်ဆိုသလိုသေဆုံးသွားကြတယ်လို့ဆိုပါတယ်။ မေမေတို့ပြောပြတဲ့လက္ခဏာအရ အကို
တစ်ယောက်မှာ တစ်ကိုယ်လုံးကအကျိတ်တွေရောင်လာပြီးသေဆုံးတာကြောင့် အကျိတ်ကင်ဆာဖြစ်ဖို့
များပါတယ်။ ကျန်အကိုကတော့ တစ်ကိုယ်လုံးရောင် ပြီးဆုံးတယ်ဆိုတော့ ခလေးတွေမှာ အဖြစ်များတဲ့ ကျောက်ကပ်ရောဂါလို့ထင်ပါတယ်။ ကျန်အကိုကတော့ နမိုးနီးယားနဲ့သေဆုံးတယ်လို့ပြောပါတယ်။ အဲ့ဒီအချိန်က နမိုးနီးယားဖြစ်ရင် ပိုးသတ်ဆေးတွေမရှိသေးတာကြောင့်ယခုခေတ် ကင်ဆာဖြစ် သလိုပဲ သေကြရတာပါပဲ။
ကျမ ကိုယ်ဝန်နဲ့ မေမေလိမ့်ကျပြီး ညာလက်ကောက်ဝတ်ကျိုးသွားပါတယ်။ တရုပ်ဆေးတွေနဲ့ကုသ ခဲ့ရ တဲ့အတွက် လက်ကပုံမမှန်ပဲဆက်သွားလို့ သေဆုံးတဲ့အထိ ညာလက်နဲ့ အသေးစိတ်လှုပ်ရှားမှု ဥပမာ
အပ်ကဲ့သို့သောသေးငယ်သောပစ္စည်းများကိုကိုင်လို့မရပါဘူး။
အဲ့ဒီအချိန်မှာ အဖေမောင်းတဲ့ကားကို စဥ့်အိုးတန်းက ကမ်းစပ်မှာရပ်ထားပြီးထမင်းသွားစားစဉ် ကားက
ရေထဲသူ့ဘာသာကျသွားတဲ့အတွက် မရှိရတဲ့ကြားထဲက ကရိန်းနဲ့ဆွဲတင်ရတယ်တဲ့။ မေမေကသူ့မှာဝတ် ထားတဲ့လက်ဝတ်လက်စားတွေရောင်းပြီးအိမ်ဆိုင်လေးဖွင့်ပြီးတဘက်တလမ်းမှဝင်ငွေရအောင်ရှာပေမဲ့ လုပ်ငန်း မကျွမ်းကျင်မှုကြောင့် မမြတ်ပဲ အရင်းပါပျောက်ခဲ့ပါ တယ်။ မေမေတို့ရဲ့စီးပွါးရေးကလည်းအလွန့်ကို
ကျဆင်းနေပါတယ်။ အဖေမှာဝတ်စရာရှပ်အကျီ င်္တစ်တည်သာရှိတာမို့ အဖေအလုပ်ကပြန်လာတာနဲ့
ချက်ချင်းလျော်ပြီး တစ်ညလုံးခြောက်အောင်လှမ်းထားရကြောင်း မိုးရွာလို့ မခြောက်ရင် မနက်ဝတ်ဖို့အိမ်နီး
ချင်းဆီကမီးပူငှါးပြီးတိုက်ရတယ်တဲ့။ အဲ့ဒီအချိန်မှာမွေးလာရတဲ့ကျမကို ကျောင်းလခ ပေးရတဲ့
ကျောင်းမှာမထားနိုင်တာကြောင့် ပိုက်ဆံမပေးရတဲ့ ဓမ္မာရုံကျောင်းမှာထားခဲ့ပါတယ်။
ဓမ္မာရုံကျောင်းဆိုတာ ရပ်ကွက်ဓမ္မာရုံရဲ့အောက်မှာ တစ်တန်းကနေ လေးတန်းအထိအစိုးရမူလတန်းအဖြစ်
လုပ်ထားတဲ့ကျောင်းပါ။ ကျောင်းမှာ အခန်းဖွဲ့ထားခြင်းမရှိပါဘူး။ လေးတန်းစလုံးကကျောင်းသားတွေ အတူတူစာသင်ရတာပါ။ ၅ တန်းရောက်တော့ အစိုးရအထက်တန်းကျောင်းကိုပြောင်းနေရပါတယ်။
၅ တန်းကျမှ A,B, C, D စသင်ရပါတယ်။ ၈ တန်းရောက်တော့ tense တွေသင်ရပါတယ်။ ဒါပေမဲ့
ကျမ သိပ်နားမလည်ပါဘူး။ go ကနေဘာဖြစ်လို့ goes ဖြစ်သွားမှန်းလည်းမသိပါဘူး။ ဒါနဲ့ပဲ ၁၀ တန်း
ရောက်လာပါတယ်။ ၁၀ တန်းက အင်္ဂလိပ်စာသင်တဲ့ဆရာမက မင်းတို့ရဲ့ အင်္ဂလိပ်စာကသိပ်ကိုညံ့နေတယ်။
တတ်အောင်သင်နေဖို့အချိန်မရှိတော့ဘူး။ စာမေးပွဲအောင်အောင်ပဲလုပ်ရတော့မယ်ဆိုပြီး အင်္ဂလိပ် text
(Anapuna ဆိုတဲ့စိတ်ဝင်စားစရာမကောင်းတဲ့ မြန်မာတွေအတွက်လည်းအသုံးမ၀င်လှတဲ့ တောင်တတ်တဲ့ အကြောင်း) ထဲက တစ်နေ့တစ်ပုဒ်ကို အခေါက် ၅၀ ရေးခိုင်းပါတယ်။ အဓိပ္ပါယ်မသိပဲ အလွတ်ရ အောင်
လုပ်ခိုင်းတာပါ။ စာမေးပွဲမေးခွန်းမှာ reading conprehension ဆိုတဲ့ မေးခွန်း တစ်ခုပါ ပါတယ်။ အကြောင်း အရာတစ်ခုကိုရေးထားပြီး အဲ့ဒီအကြောင်းကို နားလည်လား ဆိုတာစမ်းတဲ့အနေနဲ့မေးခွန်းတွေ မေးထားပါတယ်။ ကျမ reading conprehension မှာရေးထားတာတွေ ဘာမှနားမလည်ပါဘူး။ ဒါကြောင့်မေးခွန်မှာပါတဲ့စာကြောင်းတွေကို reading conprehension ထဲမှာရှာပြီး ကူးရေးပေးလိုက် ပါတယ်။
ကျမ ၅ တန်းလောက်မှာ မေမေတို့စီးပွါးရေးတွေအစဉ်ပြေလာလို့ ယောကျာ်းလေးဖြစ်တဲ့ ကျမ မောင်ကို လက်ပတ်နာရီတစ်လုံးဝယ်ပေးပါတယ်။ ကျမ ၁၀ တန်းဖြေမဲ့နေ့မှာ မေမေက မောင်လေးရဲ့ လက်ပတ် နာရီကို ကျမပတ်သွားဖို့ မောင်လေးစီကယူပေးပါတယ်။ ကျမလည်း နာရီကို အချိန်တိုက်ပြီး စာမေးပွဲသွား ဖြေပါတယ်။ စာဖြေနေရာက နာရီကြည့်လိုက်တော့ အချိန်ပြည့်ကာနီးနေပြီးမို့ အမြန်ဆုံးရေးနေပါတယ်။
ကျမနာရီအချိန်ပြည့်လို စာဖြေတာခဏနားပြီးပတ်ဝန်ကျင်ကိုကြည့်လိုက်တော့ တစ်ခန်းလုံးငြိမ်နေပြီှး
စာရွက်ထပ်တောင်းနေတာတောင်တွေ့ရပါတယ်။ ဒါနဲ့ ကျမဖြေထားတဲ့ အဖြေစာရွက်ပြန်ကြည့်ပြီး ကျန်နေ တာတွေထပ်ရေးစရာမရှိလို့ မျှားတွေပြပြီးဖြေခဲ့ရပါတယ်။ ကျမအဖြေစာရွက်က အဖြေစာရွက်နဲ့မထူပဲ မြေပုံတစ်ခုလိုဖြစ်နေပါတယ်။ (ပထမဆုံးအကြိမ် ကျမ နာရီတိုက်တာ မှားပြီး တစ် နာရီစော နေတာ နောက်မှ သိရပါတယ်။) အဲ့ဒီကထဲက ကျမစာမေးပွဲဖြေတိုင်း နောက်ထပ် ရေးလို့ရအောင် ဘေးနှစ်ဘက်မှာ နေရာများများချန်ထားတဲ့အပြင် စာတစ်ကြောင်းနဲ့တစ်ကြောင်းမှာလည်း နေရာချန် ရေးပါတယ်။ ( double spacing) ဒါကြောင့်ကျမ ပထမ မိနစ် ၃၀ လောက်ကထဲက စာရွက်ထပ်တောင်းရပါတယ်။ ကျမ သူငယ်ချင်း တွေက ကျမ နားမှာမဖြေချင်ဘူးတဲ့ ငါတို့ကစဉ်းစားလို့မရသေးဘူး နင်က စာရွက်ထပ်တောင်း နေပြီ စိတ်ဓါတ်ကျတယ်တဲ့။ အဲ့ဒီအကျင့်ကြောင့် ကျမနဲ့စာတူတူကျက်တဲ့ ကျမသူငယ်ချင်းထက်ကျမကအမှတ်အမြဲပိုရပါ တယ်။ စာမေးပွဲမှာ မေးတာထက်ပိုဖြေလို့ အမှတ်နှုတ်တာမှမဟုတ်တာ။ မေးတာ မပါရင် သာ အမှတ်နှုတ်ခံရတာပါ။ (ကျမ သူငယ်ချင်းက ကျမ ရှိုတယ်လို့ထင်ရှာတယ်။ ဒီပြင့်ကံတွေမကောင်းပေမဲ့ ကံကောင်းစွာကျမ မှာအဲ့ဒီလို စိတ်ဆိုးစိတ်ယုတ်မျိုးပါမလာခဲ့ဘူး။)
အချိန်ပြည့်နေပြီးအထင်နဲ့အမြန်ရေးခဲ့တာမို့ ကျမစာရေးတာလဲအလွန်မြန်သွားပါတယ်။ စာရေးမြန် တာ
ကြောင့် စာမေးပွဲမှာ မေးခွန်အကုန်၊အဖြေအပြည့်အစုံရေးနိုင်တဲ့အပြင် တက္ကသိုလ်ရောက်တော့ lecture
ကိုအပြည့်အစုံလိုက်ရေးနိုင်ပါတယ်။
၁၀ တန်းအောင်စားရင်းထွက်တော့ ဂုဏ်ထူးနှစ်ခုနဲ့အောင်ပါတယ်။ အဲ့ဒီအချိန်က tution တွေမရှိသေးတဲ့ အချိန်၊ဂုဏ်ထူးတွေပေါ်ကာစပါ။ အမှတ်ပြည့်တာကြောင့်မေမေတို့ဖြစ်စေချင်တဲ့ ဆေးကျောင်းကို ရောင်တောင်ပေါင်တောင်နဲ့ ရောက်ခဲ့ပါတယ်။ ဆေးကျောင်းမှာ အင်္ဂလိပ်လိုရေးထားတာကို မြန်မာ အင်္ဂလိပ်ရော်ပြီး သင်ပါတယ်။ ဖြေတဲ့အခါ အင်္ဂလိပ်လိုဖြစ်ဖြစ်၊ အင်္ဂလိပ်မြန်မာ ရော်ပြီးဖြစ်ဖြစ် ဖြေနိုင် ပါတယ်။ ကျမ အနေနဲ့ အင်္ဂလိပ်လိုမကျွမ်းကျင်တာမို့ဆေးကျောင်းမှာ သူများ တကာတွေ ဘာသာရပ်ကို လေ့လာနေတဲ့အချိန်မှာ ကျမက အင်္ဂလိပ်ဘာသာကို ပါလေ့လာနေရ ပါတယ်။
ရုပ်ရှင်နဲ့ ၀တ္ထုသိပ်ကြိုက်တဲ့ ကျမ ဆေးကျောင်းရောက်ကထဲက ရုပ်ရှင်နဲ့ ၀တ္ထုကိုစွန့်လွှတ်ခဲ့ရပါတယ်။
ကျောင်းမှာလူကြားထဲ စာမေးခံရပြီး မဖြေနိုင်မှာစိုးလို့ အရောင်ဖျော့ဖျော့ တက်ထရွန်လောင်းဗြောင်
အကျီ င်္တွေသာဝတ်ခဲ့ပါတယ်။ အလှပြင်ဖို့ဆိုတာတော့ဝေးရောပဲ။ သနပ်ခါးဘဲကြားနဲ့ကျစ်ဆံမီးတစ်ချောင်း
ထဲသာကျစ်လေ့ရှိပါတယ်။ အချိန်မရှိတာရော။ စာတော့မရဘူး။ အလှတော့ပြင်နိုင်တယ်လို့ အပြောခံရမှာ ကြောက်တာလဲ ပါ ပါတယ်။
ပထမနှစ်မှာ အင်္ဂလိပ်စာသင်ရပါတယ်။ အဲ့ဒီအချိန်ဟာ ကျမအတွက် စိတ်ဆင်းရဲ စရာ အကောင်းဆုံး အချိန်ပါပဲ။ အင်္ဂလိပ်စာသင်ချိန်မှာ အင်္ဂလိပ်လိုအများဆုံးပြောတာမို့ ကျမ ဘာမှနားမလည်ပါဘူး။ ကျောင်းသားတော်တော်များများက သူငယ်တန်းကထဲကအင်္ဂလိပ်စာသင်ခဲ့တဲ့ ကျောင်းတွေကလာတာမို့
သူတို့ကတော့နားလည်ပါတယ်။ တစ်နေ့မှာဆရာက (listening comprehension အနေနဲ့ အကြောင်းအရာ တစ်ခုကိုဖတ်ပြပြီးမေးခွန်းတွေမေးတာပါ။) သင်ခန်းစာမှာ ဟင်နရီဒူနံ အကြောင်းဖတ်ပြပါတယ်။ ကျမ ဘာမှနားမလည်ပါဘူး။ ဟင်နရီဒူနံ ဆိုတဲ့စကားလုံး ပဲကြား နေပါတယ်။ ဟင်နရီ ဆိုတာ အင်္ဂလိပ်နံမည် ဆိုတာ တော့ကျမသိပါတယ်။ ဒူနံ ဆိုတာမျိုးရိုးနံမည်ဆိုတာမသိပါဘူး။ ကျမသိတာက ဒူးနံ့ တယ်ဆိုတဲ မြန်မာစကားပါ။ ဒါကြောင့် ဘာလို့ ဟင်နရီ ဆိုတဲ့လူ ဒူးနံ့တဲ့အကြောင်း ကို ဘာလို့များကြီးကြီးကျယ်ကျယ် ဖတ်ပြပါလိမ့်လို့သာတွေးနေခဲ့မိပါတယ်။ နောက်မှ နံနည်ကျော် red cross အဖွဲ့ကြီးတည်ထောင်ခဲ့တဲ့
ဟင်နရီဒူနံ Henri Dunant မှန်းသိရတယ်။
ပထမနှစ် (botany) သစ်ပင်တွေ အကြောင်းသင်ရတဲ့ lecture မှာ lecture ပေးတဲ့ botany ဌာနက ပရောဖက်စာက သစ်ပင်ရဲ့အမြစ်ကနေ သစ်ပင်ထိပ်ဖျားကိုရေတွေဘယ်လိုရောက်တယ် ဆိုတာ သင်ပါ တယ်။ သစ်ပင်ထိပ်ဖျားမှာရေတွေ minimum ရောက်ရင် အမြစ်ကရေတွေသစ်ပင်အပေါ်ကိုတွန်းပို့ပေး လိုက်ပြီး၊ရေတွေ maximum ရောက်ရင် အမြစ်ကရေတွေ သစ်ပင်အပေါ်ကိုတွန်းပို့မှုရပ်လိုက် ကြောင်း ပြောပါတယ်။ မသိတာရှိရင်လည်းသူ့အခန်းမှာ အချိန်မရွေးလာမေးနိုင်ကြောင်းပြောပါတယ်။ ကျမရဲ့ အကျင့်တစ်ခုက ကျမနားမလည်တာကို အသေမှတ်လို့မရတာပါပဲ။ ဒါကြောင့် ပရောဖက်စာကို စာ သွား မေး ဖို့ဆုံးဖြတ်လိုက်ပါတယ်။ ကျမ ကျောင်းက ကျမတစ်ယောက်ထဲဆေးကျောင်းရောက်ခဲ့တာမို့ကျမ မှာ သူငယ်ချင်းလည်းမရှိတာမို့ ကျမတစ်ယောက်ထဲ ပရောဖက်စာအခန်းသွားခဲ့ပါတယ်။ ကျမ မှာ သူငယ်ချင်း မရှိတာ တောင်ကျေးဇူးတင်ရမလိုဖြစ်နေပါတယ်။ ဘာလို့လဲဆိုတော့ကျမ အရှက်ကွဲခဲ့လို့ပါ။
ပရောဖက်စာက lecture တုံးကလိုပဲ ပြန်ရှင်းပြပါတယ်။ ကျမက အားလုံးနားလည်ကြောင်းကျမ နားမလည်တာက minimum နဲ့ maximum ဆိုတာပါလို့ပြောလိုက်တော့ ပရောဖက်စာက သူ့နဖူးလက်နဲ့
ရိုက်ပြီး မင်းဘယ်ကျောင်းကအောင်တာလဲလို့မေးပါတယ်။ minimum ဆိုတာအနည်းဆုံး၊ maximum
ဆိုတာအများဆုံးဆိုတာ ကျမ နားမလည်ခဲ့တာပါ။ ကျမဆေးကျောင်းရောက်တဲ့အထိ အင်္ဂလိပ်မြန်မာ
အဘိဓါန်တောင်မကြည့်တတ်ခဲ့တာပါ။ ပရောဖက်စာ တော့ ကျမ ခုံနံပတ်မှတ်မိတော့မှာပဲ စာမေးပွဲကျရင်
တော့ သိတော့မှာပဲဆိုတဲ့စိတ်နဲ့ကျမကြိုးစားလိုက်တာနောက်ဆုံးစာမေးပွဲမှာ botany နဲ့ zoology နှစ်ခုပေါင်းတဲ့ Biology subject မှာ ဂရိတ် ၅ ခုမှာ ၅ နဲ့အောင်ခဲ့ပါတယ်။
ဆေးတက္ကသိုလ်မှာ အခက်အခဲအမျိုးမျိုးကိုကျော်လွှာခဲ့ရတာကြောင့်ကျမ တော်တော်တန်တန် အခက် အခဲတွေကို အောင်မြင်စွာကျော်လွှားနိုင်ခဲ့ပါတယ်။ ၁၉၉၄ ကျမ အပါအ၀င် ပြင်သစ်နိုင်ငံကို မြန်မာ ဆရာ
ဝန် ၃ ယောက် ပညာတော်သင်ရောက်ခဲ့ပါတယ်။ ကျန်တဲ့ ၂ ယောက်က နှလုံး ရောဂါအထူးကုဆရာဝန်
ကြီးနဲ့ အရိုးအကြောအထူးကုဆရာဝန်ပါ။
အရိုးအကြောအထူးကုဆရာဝန်က လူငယ်ဆရာဝန်ပါ။ အထူးကုအောင်ပြီးတာမကြာသေးပါဘူး။ ပြင်သစ် ကို တစ်နှစ်ပညာသင်လာရတာပါ။သားဦးလေးမွေးထားတာလည်းမကြာသေးဘူးလို့သိရပါတယ်။ ပထမ ၆ လမှာ ပြင်သစ်စကားသင်စေပါတယ်။ နောက် ၆ လမှာ အရိုးအကြောဆေးရုံကိုပို့လိုက်ပါတယ်။ ပြင်သစ်စာသင်တော့မှ ခက်ပါတယ်ဆိုတဲ့အင်္ဂလိပ်စာဟာအလွန်လွယ်နေတာသိရပါတယ်။ (ကျမ ပြင်သစ်စာ သင်နေတာ ၁၀ နှစ်နီးပါးရှိပါပြီ အခုထက်ထိ ကောင်းကောင်းမွန်မွန် မပြောနိုင်သေးပါဘူး။) အရိုးအကြောအထူးကုဆရာဝန်လေးလဲ ပြင်သစ်စကားကောင်းကောင်းနားလည်းမလည် ပြောလည်း မပြောနိုင်တာကြောင့် ဆေးရုံကလူနာတွေနဲ့ စကားပြောလို့မရဖြစ်နေပါတယ်။ ခွဲစိပ်ခန်းထဲဝင်ပြီးခွဲစိပ်ဆရာဝန်ကြီးကိုကူညီရတဲ့အခါကြတော့လည်း mask တတ်ထားတဲ့ ဆရာဝန်ကြီးပြောတဲ့ စကားတွေကို နားမလည်နိုင်တဲ့အတွက် ခွဲခန်းထဲမှာလည်း အဆင်မပြေဖြစ်နေပါတယ်။ နောက်ဆုံးမှာ လူငယ်ဆရာ ၀န်လေးလည်း စိတ်ဓါတ်တွေကျပြီး တစ်နေ့မှာ မြန်မာသံရုံကိုဖုန်းဆက်လာပါတယ်။ ပြင်သစ်တွေကတင် ကျနော့်ကိုဆန့်ကျင် တာ မဟုတ်ဘူး။ ပြင်သစ်ရထားတွေကပါကျနော့်ကိုဆန့်ကျင် နေကြတယ်။ ကျနော်က တောင်ဘက်ကိုသွားဖို့တောင်ဖက်သွားတဲ့ ရထားစီးရင် ရထားက မြောက်ဘက် သွားတယ်။ ကျနော်က မြောက်ဘက်ကိုသွားဖို့မြောက်ဖက်သွားတဲ့ ရထားစီးရင် ရထားက တောင်ဘက် သွားတယ် လို့ပြောတာနဲ့သူ့ကို သံရုံး ခေါ်လာပြီး၊ စိတ်ရောဂါအထူးကုနဲ့ပြ၊ဆေးတိုက်ပြီး ရန်ကုန်ပြန်ပို့လိုက်ရပါတယ်။
နှလုံးအထူးကုဆရာဝန်ကြီးကတော့ ၃လ သာလာရတာမို့ ပြင်သစ်စာ မသင်ရပါဘူး။ သူလည်း ဘာသာစကားပြဿနာ (language barrier) ကြောင့် လူနာနဲ့လည်းဆက်သွယ်လို့မရ၊ ကျန်တဲ့ပြင်သစ် ဆရာဝန်တွေနဲ့လည်းဆက်ဆံ လို့မရတာကြောင့် ၃လ မပြည့်ခင် ပြင်သစ်တွေမသိအောင် တိတ်တဆိတ် ရန်ကုန်ပြန်လာခဲ့ပါတယ်။ အဲဒီထဲကမြန်မာပညာတော်သင်တွေကို အပြန်လေယာဉ်လက်မှတ် ပေး မထားတော့ပါဘူး။
ကျမကတော့ ငှက်ဖျားနဲ့ပတ်သက်တဲ့သုတေသနလုပ်ဖို့နောက်ဆုံးပေါ်နည်းပညာတွေသင်ဖို့ WHO အထောက်အပံ့နဲ့ ပါရီမြို့က Pasteur Institute ကို ပထမဆင့်အနေနဲ့ တစ်နှစ် လာရပါတယ်။ သုတေသနလုပ်ရတာဆိုတော့ ဆေးရုံမှာလောက် လူတွေနဲ့ဆက်ဆံမှုမရှိလို့ သူတို့လောက်တော့ အခြေအနေမဆိုးဖူးလို့ဆိုနိုင်ပေမဲ့ အရှေ့နဲ့အနောက် ယဉ်ကျေးမှု ပြောင်းပြန်ဖြစ်နေတာ၊ စကား မပေါက်တာတွေကတော့ နေ့စဉ်နီးပါးတွေ့ကြုံ ရပါတယ်။ ဆေးကျောင်းမှာ တွေ့ကြုံခဲ့ရတဲ့ အခက်အခဲ တွေကြောင့်ကျမခံနိုင်ရည်ရှိနေပါတယ်။ တစ်နှစ်ပြည့်လို့တိုင်းပြည်ပြန်ရောက်တော့ ကျမ ဒါရိုက်တာက ပြောပါတယ်။ မင်းမရူးပဲ တစ်နှစ်နေနိုင်တာနဲ့တင်မင်းကို Ph.D ပေးသင့်တယ်တဲ့။
အခက်အခဲများအားအောင်မြင်စွာကျော်လွှားနိုင်ကြပါစေ။
.jpg)
.jpg)