လာရောက်ကြသူတွေရော မလာနိုင်သူတွေပါ မင်္ဂလာအပေါင်းနဲ့ ပြည့်စုံကြပါစေ

Tuesday, January 29, 2013

သီလရှင်တို့၏သီလနှင့်ပရိက္ခရာ။

 
 
                   သီလရှင်တို့သည် ပဗ္ဗဇ္ဇအနွယ် ပါဝင်နေကြသဖြင့်သီလရှင်တို့စောင့်ရှောက် ထိန်းသိမ်း ရမည့် သီလ မှာလည်းဗ္ဗဇ္ဇသီလသာလျှင်ဖြစ်သင့်ပေ၏။ ပဗ္ဗဇ္ဇိတသီလခေါ် ရဟန်း၊သာမဏေ၊ရသေ့၊ ပရိဗိုဇ်၊တို့စောင်ထိန်းသောသီလမှာ အနည်းဆုံး ၁၀ ပါးသီလမှစ၍ စတုပါရိသုဒ္ဓိ အထိသော သီလ ပင်ဖြစ်သည်။ ထိုကြောင့်သီလရှင်နှင့် ပရိဗိုဇ်၊ရသေ့ တို့သည် ၁၀ ပါးသီလကို နိစ္စဆောက် တည်ရမည်ဖြစ် ပေသည်။

သီလရှင်ပရိက္ခရာ။                                                                                                          ၁။ ဂိုက်တို (ချွေးခံ)။ ပိတ်စတစ်တောင်နှင့်တစ်မိုက်။                                                                                                                
၂။ အင်္ကျီ။ နှစ်တောင့်ထွာ။
၃။ ဂိုက်ရှည်။ နှစ်တောင့် သုံးမိုက်။
၎။ ကိုယ်ရုံ။ ၅ တောင့်ထွာ။
၅။ ခါးဝတ် (ထဘီ)။ ၅ တောင်။
၆။ ပုခုံတင်ပင်နီ။ ၆ တောင်။

အထက်ပါအ၀တ်အစားများအပြင်
၁။ သင်တုန်းဓား
၂။ ထီး
၃။ ဖိနပ်
၎။ သေတ္တာ
၅။ စိပ်ပုတီး
၆။ ဗန်း (ဆန်ခံရန်)
၇။ ဖျာ၊ခေါင်းအုံး၊အိပ်ရာ၊စောင်၊ခြင်ထောင်။
၈။ အိုးခွက်ပုဂံ။

ကျမ်းကိုး။                                                                                                                   ရဝေထွန်း၏ဘိက္ခုနီသာသနာနှင့်သီလရှင်သမိုင်း။

 
 
 
 

Saturday, January 26, 2013

ဒုက္ခဆိုတာတကယ်သိပြီလား။

 


 
  
          ဒုက္ခဆိုတာ မြန်မာလိုဆင်းရဲခြင်းလို့အဓိပ္ပါယ်ရပါတယ်။ အများသိတာက ကိုယ်မှာ ရောဂါ ကြောင့်ဖြစ်ဖြစ် တစ်ခုခုကြောင့် နာတာ၊ ကျင်တာ၊ကိုက်ခဲတာ၊ အသက်ကြီးလာလို့ ဆံပင်ဖြူတာ၊သွားကျိုးတာ၊မျက်စိမှုန်တာတွေလို့ပဲသိပါတယ်။

               ယခုခေတ်မှာ ရောဂါတွေကိုဆေးနဲ့ဖြစ်ဖြစ်၊ခွဲစိပ်လို့ပဲဖြစ်ဖြစ် ပျောက်အောင်လုပ်နိုင်လာတယ်။ ဆံပင်ဖြူတာဆေးဆိုးလို့၊ ကျိုးတဲ့သွားကို အသစ်ပြန်စိုက်လို့၊ မှုန်တဲ့မျက်စိကို မျက်မှန်တပ်ပြီး၊ မမြင်တော့တဲ့ တိမ်မျက်လုံးကိုလည်း ခွဲစိပ်ပြီး မြင်အောင် လုပ်နိုင်တယ်။ တွန့်နေတဲ့ အရေတွေကိုလည်း ဆေးထိုးလို့ဖြစ်ဖြစ်၊ခွဲစိပ်လို့ဖြစ်ဖြစ် ပျိုရွယ်လာအောင်ကုသနိုင်ရုံမက အသဲတွေ၊နှလုံးတွေပါ အစားထိုး ခွဲစိပ်ကုသ နိုင်လာတဲ့အတွက် မြတ်ဘုရားဟောတဲ့ ကိုယ့်ကိုယ်ကို မပိုင်ဘူး၊ အစိုးမရဘူး ဆိုတဲ့ အနတ္တတရား ဆိုတာ ကိုတောင် မယုံသလိုဖြစ်နေကြပါတယ်။

             တကယ်က မြတ်ဘုရား ဟောတဲ့ ဒုက္ခဆိုတာကို သေသေချာချာ မသိကြလို့ပါ။                       ဒုက္ခ ၃မျိုး ရှိပါတယ်-

၁။ ဒုက္ခဒုက္ခ။ ကြာကြာဖိထိုင်လို့နာတာ၊ရောဂါကြောင့်နာတာမျိုးဟာ ခန္ဓာဒုက္ခ ပေါ်ထပ်ဆင့်ပြီး ဒုက္ခဖြစ် တာမို့ ဒုက္ခဒုက္ခ လို့ခေါ်ပါတယ်။

၂။ ၀ိပရိဏာမဒုက္ခ။ အသက်အရွယ်ရလာလို့ ဆံဖြူ၊သွားကျိုး စသည့်ငယ်ရုပ်အမူအရာမှ ကြီးရုပ်အမူအရာ သို့ပြောင်းခြင်းကိုခေါ်ပါတယ်။
အထက်မှာဖေါ်ပြခဲ့တဲ့ ဒုက္ခ နှစ်မျိုးလုံးကို ပညတ်ဒုက္ခလို့ခေါ်ပါတယ်။

၃။ သင်္ခါရဒုက္ခ။ သင်္ခါရဒုက္ခက ပရမတ်ဒုက္ခဖြစ်ပါတယ်။ ပညတ်ဒုက္ခကို ပြုပြင်၊ပြောင်းလဲ၊ရုပ်တန့်အောင် လုပ်နိုင်ပေမဲ့ သင်္ခါရဒုက္ခ ကိုတော့ ပြုပြင်လို့လဲမရ၊ပြောင်းလဲလို့လဲမရ၊ရုပ်တန့်အောင်လည်းလုပ်လို့မရပါဘူး။ သင်္ခါရဒုက္ခဆိုတာ ပရမတ် တရားတွေဖြစ်တဲ့ စိတ်၊စေတသိတ်၊ရုပ်၊နိဗ္ဗာန်တွေစက္ကန့်နဲ့အမျှဖြစ်နေ၊ပျက်နေ တာကိုပြောတာပါ။

          သင်္ခါရဒုက္ခဆိုတာကို ဘုရားတည်းဟူသောနေမင်းကြီးပေါ်ထွန်းလာမှသိရတာပါ။ ပထမ ဒုက္ခ ၂မျိုးက သာမန်လူများသိနိုင်တာမို့ ဘုရားမပွင့်ရာ ကာလမှာလည်းသိနိုင်ပါတယ်။ အဲ့ဒီဒုက္ခတွေမြင်ခြင်းဖြင့် သမထသာဖြစ်တဲ့အတွက် သံဝေဂဥာဏ်ကိုသာရနိုင်ပါတယ်။ ၀ိပဿနာဥာဏ်တောင်မဖြစ်ပါဘူး။
သင်္ခါရဒုက္ခ ကိုမြင်မှသာ ၀ိပဿနာဥာဏ်ဖြစ်ပြီး မဂ်ဥာဏ် ဖိုလ်ဥာဏ်အထိပေါက်ရောက်နိုင်ပါတယ်။

       အထက်ကကာတွန်းလေးမှာ ဆရာဝန်က အနာတွေကျက်လို့ ပတ်တီးတွေဖြေလိုက်ရင် မင်း တော်တော်ကြည့်ကောင်းသွားမယ်။ ဒါပေမဲ့ မင်း ၀က်ကတော့ ၀က်ပဲတဲ့။

           ခေတ်ဆေးပညာတွေနဲ့ အပေါ်ရံပညတ်ရုပ် တွေကိုဘယ်လိုပဲ ပြောင်းနိုင်ပေမဲ့ ခန္ဓာကိုယ်မှာ ဖြစ်ပျက်နေကြတဲ့ ပရမတ်တရားတွေကတော့ မမြင်ရပေမဲ့ သူတို့ရဲ့ သင်္ခါရသဘောအတိုင်း ဖြစ် ပျက် နေကြမှာပါ။ သင်္ခါရဒုက္ခ ကိုဘယ်လိုမှပြောင်းလဲ၊ပြုပြင်လို့မရတာကြောင့်တကယ့် ဒုက္ခအစစ်ပါ။


ကျမ်းကိုး။
မေတ္တာရှင်(ရွှေပြည်သာ)၏ သညာသိနှင့်ပညာသိ။


Thursday, January 24, 2013

ပရိက္ခရာရှစ်ပါး။

                                                                          
 
၁။ သင်္ကန်းသုံးထည် (သင်းပိုင်၊ ဧကသီ ၊ ဒုကုဋ်ခေါ်နှစ်ထပ်သင်္ကန်း)။                        
၂။ သပိတ်။                                                                                  
၃။ သင်တုန်းဓါး။                                                                        
၎။ အပ်နှင့်အပ်ချည်။                                                                          
၅။ ခါးပန်းကြိုး။                                                                    
၆။ ရေစစ်။                                                                             
၇။ အိပ်ရာခင်း (ဝါ) ဖျာချောနု။ (တောင်းဝှေ (ဝါ) ဆီကျည်ဘူး။)။ထီးဖိနပ်။                                             
၈။ နိသီဒိုင် (ဝါ) သားရေနွယ်။(မြေမှာခင်းထိုင်သောအဝတ်)။
သင်္ကန်းသုံးရပ်၊သပိတ်၊အပ်၊ပဲကွတ်၊ရေစစ်၊ခါးပန်းတစ်၊မှတ်လျှင်ရှစ်ပရိက္ခရာ။

ပရိက္ခရာရှစ်ပါး(သဒ္ဓမ္မရံသီရိပ်သာဆရာတော်အရှင်ကုဏ္ဍလာဘိဝံသ)။
တိစီဝရိတ်၊ သပိတ်၊ ဓား၊ အပ်၊ ခါးပန်း၊ ရေစစ်၊
ရှစ်ခုဖြစ်၊ စင်စစ်၊ ပရိက္ခရာ။

Monday, January 21, 2013

ရုပ်၊နာမ်တွေဟာ မတည်မြဲဘူး။ အမြဲဖြစ်နေပျက်နေတယ်ဆိုပြီးဘာဖြစ်လို့ မွေးရာပါ အမှတ်ကြီးက ပျောက်မသွားပဲ အသက်ကြီးလာတာနဲ့အမျှလိုက်ကြီးလာရတာလဲ။


 

 

မွေးစမှာပါလာတဲ့ အမှတ်အသားတွေက၊အသက်ကြီးလာတဲ့အထိ မပြောင်းလည်းပဲ ဆက်လက်တည်မြဲနေတဲ့ အမှတ်အသားတွေမဟုတ်ပါဘူး။ အသစ်ဖြစ်လာတဲ့အမှတ်အသားတွေပါ။ အမှတ်အသားတွေဟာ ရုပ်ဖြစ်တဲ့အတွက်  အမြဲ ပျက်နေပြီး၊ ပျက်သွားတဲ့ရုပ်တွေနေရာမှာ မူလရုပ်နဲ့ထက်တူ တူတဲ့ရုပ်တွေနဲ့အစားထိုးနေကြတယ်။ ဒီလို ရုပ်သစ် တွေဖြစ်နေတာကို သာမာန်မျက်စိနဲ့မမြင်နိုင်လို့ ရုပ်တွေဟာ မပြောင်းမလဲ အမြဲတည်ရှိတယ်ဆိုတဲ့ အမြင်မှား တွေ ဖြစ်ကြတာပါ။ ခေတ်သစ်ဥပမာပေးရရင် စာတစ်ဆောင်ကို စာကူးဆက်မှာ ကူးယူ (copy) သလိုပါပဲ။ ပထမ ကူးတဲ့ စာတွေကို မူလ စာသားအတိုင်းတွေ့ရပါမယ်။ ဒါပေမဲ့ ကူးတဲ့အရေအတွက်များလာတာနဲ့အမျှ မူလစာလို မပြတ်သား တော့ဘူး။ မူလစာကနေ သွေဖီလာတယ်။ ဒီလိုပဲ ရုပ်တွေလည်း မွေးစကစပြီး အဖန်ဖန်ကူးနေတာမို့ အသက်ကြီးလာ တာနဲ့အမျှ ငယ်ရုပ်က တစ်ဖြေးဖြေးသွေးဖီပြီး ကြီးရုပ်တွေဖြစ်တာတယ်။ မွေးရာပါအမှတ်တွေလည်း ကြီးရုပ်တွေအတိုင်း လိုက်ကြီးလာတယ်။

ဆေးသိပ္ပံအရ အမှတ် (Birthmark) ဆိုတာမွေးစ (၀ါ) တစ်လသားမှာပေါ်လာတဲ့ အရေပြားပေါ်က အမျိုးမျိုးသောအရောင်နဲ့ပုံသဏ္ဍန်ရှိတဲ့အရာများဖြစ်တယ်။ သူတို့ဟာ မျိုးရိုးလိုက်ခြင်းမရှိဘူး။ ကင်ဆာကဲ့သို့ အန္တရာယ် လည်းမရှိဘူး။ ခလေးကြီးလာသလို အမှတ်တွေလည်းလိုက်ကြီးလာတယ်။ ဘာကြောင့်ဖြစ်ရတယ်ဆို တာကိုအတိအကျမသိဘူး။ ဖြစ်နိုင်တာက အမှတ်နေရာမှာရှိတဲ့ အရေပြားရဲ့ဆဲလ်တွေ၊ သွေးကြောတွေ ဖြစ်ပွါးမှုကို ထိန်းချုပ်တဲ့ အကြောင်းတွေကြောင့်လို့ ယူဆကြတယ်။


ကျမ်းကိုး
၁။ ဆရာတော်အရှင်ဇနကာဘိဝံသ၏ သိပ္ပံအမြင်နှင့်ဗုဒ္ဓအဘိဓမ္မာအမေးအဖြေများ။
၂။ http://en.wikipedia.org/wiki/Birthmark

Friday, January 18, 2013

စကားလိမ်။


စကားလိမ်ဆိုသည်မှာ စကားကို ကာရန်အားဖြင့် ရှေ့နောက်လိမ်လည်၍၎င်း၊ အလျားလိုက် လိမ်ပတ်၍၎င်း ပြောဆိုသော စကားထာမျိုး ဖြစ်ပါတယ်။ ဤစကားထာမျိုးတွင်အနက် အဓိပ္ပါယ်ကို ဖုံးကွယ်၍မထားပါ။

 ကျမတို့ငယ်ငယ်က အငြိမ့်တွေမှာ လူရွှင်တော်တွေ ဟာသအနေနဲ့ ပြက်လေ့ရှိပြီး၊ အခြောက်အချင်းချင်းပြောလေ့ရှိပါတယ်။

ဥပမာများ။
မာမရှိန်း = မိန်းမရှာ
ချယ်တစ် = ချစ်တယ်
ကျယ်တိုက်= ကြိုက်တယ်
အမောပြေ= အမေပြော

တရုတ်အားထား = တရားအားထုတ်
မာကလာပင် = မင်္ဂလာပါ
လာမလင် =  လင်မလာ
ဓနောတိ ခြိုက်ကင်းစ် = ဓနိတော ခြင်ကိုက်
တွာရတေ့ ဝယ်သာပါတမ်း = တွေ့ရတာ ဝမ်းသာပါတယ်
ဂျားကစ် စားဖူးသလီး = ဂျစ်ကားစီးဖူးသလား
မပပ် ပလုနေကဲ = မပု ပုလဲနားကပ်
အိုက်တိုး ပဂေးဆန် = အိုးတိုက်ပန်းကန်ဆေး
ယားစီး = ရည်းစား
ကေးမလောင် = ကောင်မလေး
ငပီးကြော = ငပေါကြီး
အမူးပြေ = အမေပြူး
တပည့်မရှား = တပြားမရှိ
အရေးမပါ= အရာမပေး
အရေးပေါ် = အလျော်ပေး
အသက်ပျောက် = အသောက်ပျက်
အသောက်မပျက် = အသက်မပျောက်
တွေ့မရှောင်= တောင်မရွှေ့
တွေ့ရာမရှောင် =တောင်ယာမရွှေ့
ဆူးလေး = ဆေးလူး
ရုံမကောင်း = ရောင်းမကုန်
ပြင်ရရော= ပြောရရင်
အသည်းယား = အသားရဲ
အရေပြား= အယားပြေ
ဆီပုံး= ဆုံးပြီ
အဆံကျွတ်= အစွပ်ကျန်
အဆုံးမသတ် = အစပ်မသုံး
အပျိုစစ်= အပြစ်ဆို
အပြောချို = အပျိုချော
အပြေးလို = အပျိုလေး
ရှစ်ခြောက် = လျှောက်ခြစ်
ရုံတင် = ရင်တုန်
ရင်ရှုပ် = ရုပ်ရှင်
သိပ်မတွေး = သွေးမတိတ်
အသက်နား = အသားနက်
အလုပ်ဖြစ် = အလစ်ဖြုတ်
အလုပ်သစ် = အလစ်သုတ်
စိတ်မပါ = စာမပိတ်
စာမလိပ် = စိတ်မလာ
အဖော်မပါ = အဖာမပေါ်
သုံးစရာ မရှိ = သိစရာမရှုံး
အဆုံးမသတ် = အစပ်မသုံး
အတိတ်၏ ခြေရာ = အတာ၏ ခြေရိပ်
စစ်ဆေး = ဆေးစစ်
အမှားမပါ = အမှာ မပါး
အမှားပေး = အမှေးပါး
အမှိုက်တောင်= အမှောင်တိုက်
အပေါက်ကျယ်= အပါယ်ကြောက်
အမှားတရံ = အမှန်တရား
အချာပင် = အချဉ်ပါ
တစ်ရာသုံးရန် = တစ်ရန် သုံးရာ
အပြီးကျော = အပေါကြီး
အရူးမက် = အရက်မူး
စူးရောက် = စောက်ရူး
ဘာစိုက်= ဗိုက်ဆာ
ဘူးယို = ဘိုရူး
ဖောင်ပြင် = ဖင်ပြောင်
ဖုန်တင် = ဖင်တုန်
အမှူးထား = အမှားထူး
အမှတ်မှား = အမှားမှတ်
မေပုလဲ = မဲပလေ
မောင်ပုလဲ = မဲပလောင်
စကောပြား = စကားပြော
အဟောပြုတ် = အဟုတ်ပြော
ရေသံ = ရန်သေ
အလုပ်ပြန် = အလံပြုတ်
အနမ်းဆိုးသူ = အနူစိုးသန်း
အကိုအောင် = အကောင်အို
အမှတ်တွေထား = အမှားတွေထပ်
စာကြက် = စက်ကြာ

 
တောင်ကြိုတောင်ကြားပေါက်သည့်ဝါး၊အဖျားခပ်သွယ်သွယ်။
အိမ်ကြိုအိမ်ကြားမွေးသည့်သား၊စကားကခပ်ကြွယ်ကြွယ်။

 ပ၀ါပါး၊ကြက်သားထုပ်တော့စွန်းတတ်တယ်။
တရွာသားရည်စားလုပ်တော့ လွမ်းရတယ်။

ခမောက်ဖျားစပါးသီး။
သပေါက်သားစကားကြီး။

ငစိန်စပါး၊အ၀ယ်မှား၊ခလားနဲ့လား၊တင်းနဲ့လား။
ချစ်သူရည်းစား၊နောက်မှာထား၊မယာ။ပါသလား၊သားပါသလား။

ကျွဲချိုပေါ်၊ငှက်ခါးဥ။
ကိုယ်ရင်နှစ်ပါး၊ရည်းစားလု။

ကျွန်းတုံးကြောင်လျှောက်။
လွမ်းတုန်ုးမောင်ရောက်။

ဇာခြင်ထောင်၊မီးလောင်ပေါက်ရယ်။
မလာချင်ပေါင် ညည်းမောင်ကြောက်တယ်။

သေတ္တာထဲမှာကြိုးတစ်ခွေ။
မောင်ရင်လာ၊မိုးကစွေ။

သေတ္တာထဲမှာကြိုးရှုပ်။
မောင်ရင်လာ၊မိုးချုပ်။

သေတ္တာထဲမှာကြိုးရှင်း။
မောင်ရင်လာ၊မိုးလင်း။

လှေးကားရင်းမှာဆန်ခါနဲ့သော့။
နှမချင်းစာ၊မလာနဲ့တော့။

စပယ်ဖြူပန်၊
အရွယ်တူကြံ။

ထန်းညက်နှစ်လုံးပြူး။
တစ်သက်မမုန်းဘူး။

မရောင်းရ၊အိုးနဲ့ဖျာ။
တပေါင်းလ၊ခိုးလှည့်ပါ။

ဆက်ရက်သုံးကောင်၊အိုးမှာလှောင်၊အတောင်ဘယ်ကခတ်သလဲ။
ညည့်နက်သန်းခေါင်၊ခွေးကဟောင်၊အမောင်ဘယ်ကတက်မလဲ။

ဟိုရှေ့ကလာ၊ပိုးပုဝါ၊ကျပ်စင်မှာထား၊ပိုးဟပ်စား။
မောင်ကြီးလာတာ၊လိမ်းစရာ၊ကျောက်ပြင်မှာထားသနပ်ခါး။

မန်ကျည်းပင်ကောက်ကွေး၊လောက်လေးနဲ့ဆော်။
နင့်အမ၊ဆံတောက်လေး၊နောက်ဖေးကမျှော်။

ပွင့်ဖြူသဇင်၊ပင်ထိပ်တွင်၊ပန်တော်ဝင်မို့ထူးလှတယ်။
သူ့သမီးဖြူစင်၊တစ်ခါမြင်၊လိုချင်လို့လည်းရူးရတယ်။

ပင်စိမ်းပင်အောက်၊ဂျင်ဖိုရောက်၊ရောက်တဲ့ဂျီဖို၊ဂျီမီးတို။
အပျို့အိမ်အောက်၊လူပျိုရောက်၊ရောက်တဲ့လူပျို၊လူစိတ်တို။




ကျမ်းကိုး။
၁။ http://wikimyanmar.co.cc/
၂။ http://alinnsaytaman.multiply.com/
၃။ ကြည်ဦးရေး မြန်မာ့ရိုးရာစကားထာများစာအုပ်
၎။ http://mmfreethinker.wordpress.com/

Tuesday, January 15, 2013

ပြုစားခံရတာလား။

 

ကျမတို့ငယ်စဉ်က စုံးမတွေ အကြောင်း၊ ကြောက်ကြောက်နဲ့နားထောင်ခဲ့ကြပါတယ်။ စုံးမတွေက စိတ်ဆိုးရင် ပြုစားတတ်ကြောင်း၊ သူတို့ပြုစားလို့ ဗိုလ်ထဲမှာအလုံးတွေရောက်ကုန်တာတွေ၊ တချို့ အလုံးတွေမှာ ဆံပင်မွေး တွေတောင်ပါတယ်လို့လဲသိရလို့ အလွန်ကြောက်ခဲ့မိပါတယ်။ စုံးမ ဆိုသူတွေက အရုပ်ဆိုးဆိုး ခါးကုန်းကုန်း နဲ့လို့လဲဆိုကြပါတယ်။ အသက်နည်းနည်းရလာလို့ စာတွေ ဘာတွေဖတ်တတ် လာတော့ (မရှိ ခိုးနိုးနိုး၊ မလှ စုံး ဆိုရိုး) ဆိုတာဖတ်မိတော့ စုံးမ ရှိတယ်ဆိုတာကို နည်းနည်း သံသယ ဖြစ်လာပါတယ်။

ဆေးကျောင်းရောက်လို့ အဖု၊အကြိတ်ရောဂါတွေ၊ကင်ဆာရောဂါတွေ အကြောင်းသင်ကြားရတော့မှ ဗိုလ်ထဲမှာ ဘာကြောင့် အလုံးတွေ ဖြစ်တယ်၊ တချို့အလုံးတွေမှာ ဆံပင်မွေးမက၊သွားတွေကအစ ပါ       နိုင်တာကိုလည်း သိလာရပါတယ်။ အဲ့ဒီဗိုလ်ထဲကအလုံးတွေအကြောင်း ဖေါက်သည်ချလိုက်ပါတယ်။

လူတိုင်းရဲ့ဗိုလ်ထဲမှာ အဆီတွေ၊အသားတွေ၊အရိုးတွေ၊၀မ်းတွင်းကလီစာတွေရှိတာမို့ အဲ့ဒီ အစိတ်အပိုင်းတွေကနေ ကင်ဆာတွေ၊ ကင်ဆာမဟုတ်တဲ့ အဖုတွေ အကြီးအသေး၊အရွယ်အမျိုးမျိုး ဖြစ်နိုင်ပါတယ်။ သာမန်အားဖြင့် အဆီတွေကနေဖြစ်တဲ့ အဖုအကြိတ်တွေမှာ အဆီတွေပါပြီး၊ အရိုးတွေကဖြစ်တဲ့ အဖုအကြိတ်တွေမှာ အရိုးတွေပါ ပါတယ်။

ဒါပေမဲ့ တချို့ အဖုအကြိတ်တွေ အထူးသဖြင့် အမျိုးသမီးသားမျိုးအိမ်(ovary) ကဖြစ်တဲ့ (teratoma) ခေါ်တဲ့ အဖုအကြိတ်မှာ ဆံပင်တွေ၊သွားတွေ၊အရိုးတွေပါနိုင်ပြီး၊ တခါတရံ မျက်စေ့၊ လက်တွေ၊ခြေထောက်တွေ အထိ ပါနိုင် ပါတယ်။ များသောအားဖြင့် teratoma တွေဟာ အမျိုးသမီးတွေမှာ အဖြစ်များပြီး အလုံးကိုခွဲထုတ်ကုသခြင်းဖြင့် ရောဂါရှင်းရှင်းပျောက်ကင်းစေပါတယ်။ ရှားရှားပါးပါး တချို့ teratoma များဟာ အမျိုးသားများရဲ့ မျိုးပွါးအင်္ဂါဖြစ်တဲ့ ဂွေးစေ့မှာဖြစ်တတ်ပါတယ်။ အထူးသဖြင့် ကပ်ပယ်အိပ်ထဲသို့ဆင်းမလာပဲ ၀မ်းတွင်း၌ကျန်နေသော ဂွေးစေ့များမှာအဖြစ်များပါတယ်။ အဲ့ဒီ့ teratoma များကနေလည်း တခါတရံ ကင်ဆာအဖြစ်သို့ပြောင်းသွားနိုင်ပါတယ်။

အဖြစ်မှန်သိခြင်းဖြင့် မရှိတဲ့အရာကို တွေးကြောက်ခြင်းမှကင်းဝေးကြပါစေ။

Saturday, January 12, 2013

မေထုန် (၈)ပါး။




မေထုန် (၈)ပါး။
၁။ တဏှာတက်ကြွ သံဝါသ ပြုကြ မေထုံ(၁)
၂။ ပူးပူးကပ်ကပ် နီးစပ်နေချင် လွန်ပျော်ရွှင် မှတ်လျင် မေထုံ(၂)
၃။ တဏှာရောင်ပြ ရယ်မြူးကြ မှတ်ပ မေထုံ(၃)
၎။ မျက်စိနှစ်စုံ ရူပါရုံ တိုက်ဆိုင်တကြည့်ကြည့် မေထုံ(၄)ဟုသိ
၅။ အသံကြားအောင် ဟန်ဆောင်အော်ဟစ် သစ်သစ်ရင့်ကြူး ရွှင်ပျော်မြူး မှတ်ဦး မေထုံ(၅)
၆။ အတိတ်ဇာတ်ကြောင်း ပြန်ပြောင်းတွေးရှု ခံစားမှု (၆) ခုမေထုံသာ
၇။ ခြောင်းမြောင်းကြည့်ကာ သာယာသမှု ခံစားရှု (၇) မေထုံသာ
၈။ ဒါနသီလပြုကြသောခါနိဗ္ဗာန်ရောက်ရန် စိတ်မသန်ဘဲ ဥာဏ်မွဲ ဥာဏ်မှောင် တဏှာဆောင်၍နတ်ဘောင်ရည်မှန်းနတ်နန်းကာမဂုဏ်နတ်ရိပ်မြုံကိုတဘက်ငါးရာ ခံစားကာဖြင့်မှန်စွာရောက်ရေးကြံတွေးထွေထူး သဒ္ဓါရူးဖြင့်ရွှင်မြူးသာယာ ခံစားကာ မှတ်ပါမေထုံ(၈)။

မေထုန်ငယ် (၇) ပါး။
၁။ မသနံ = နံသာစသည်ဖြင့်ပွတ်သပ်ဆုတ်နယ်သည်ကိုသာယာခြင်း။
၂။ ဟသိတံ = ရယ်ရွှင်ပျော်ပါး၊ကစားမြူးတူးခြင်း။
၃။ သဒ္ဒံအဿာဒံ = ဝိသဘာဂပုဂ္ဂိုလ်တို့၏အသံကိုနာခံသာယာခြင်း။
၎။ဣက္ခနံ = ဝိသဘာဂပုဂ္ဂိုလ်ကိုကြည့်ခြင်း။
၅။ ကတံအဿာဒံ = ရှေးကပြုခဲ့ဘူးသောကာမဂုဏ်ကိုအာရုံပြုလျက်သာယာခြင်း။
၆။ အညံအဿာဒံ =သူတစ်ပါးတို့ခံစားပြည့်စုံကာမဂုဏ်ကိုအာရုံပြုလျက်သာယာခြင်း။
၇။ အဂ္ဂအဿာဒံ=သီလအကျင့်မြတ်ပဋိပတ်ကြောင့်နတ်ဘဝကိုတောင့်တသာယာခြင်း။
ပွတ်သပ်မကျူး၊ရယ်မြူးမရှိ၊မျက်စိမဆုံ၊
သံမျိုးစုံပစ်၊ ရှေးဖြစ်မကြံ၊မောင်နှံငုံ့ရှောင်၊

နတ်ဘောင်မရွယ်၊ခုနှစ်သွယ်၊လွတ်ဖွယ်မေထုန်တည်း။

ရန်ကုန်မြို့၊မဟာဝိသုဒ္ဓါရုံ စာသင်တိုက်ကြီးကိုစတင်တည်ထောင်တော်မူခဲ့တဲ့ ပထမ မဟာဝိသုဒ္ဓရုံဆရာတော်ဘုရားကြီးဘန္ဒန္တသဝါဘိဝံသ။ဆရာတော်ကြီးကအခုလိုထိမိ တဲ့
တေးထပ်တစ်ပုဒ်နဲ့ ရဟန်းတော်တွေ မ ကြောင့်မပျက်စီးဖို့သတိပေးတော်မူခဲ့တယ်။
အနာဂါမ်လောကုတ်၊သဘောဟုတ်မရမီ၊
ပြောအလုပ်နှင့် သမဏပီအောင်၊မ မသီစေနှင့်။
သင်းအတွက် ရမ္မက်ခွာ၊စက္ကဝါခြား၍ နေသင့်၊
ဝိသဘာဂအာရုံမျှော်သည်၊ရှာပုံတော်တွေနှင့်။
ကာမဂုဏ်ညှော်လေပင့်တော့၊လေလွင့်ရပြန်သည်၊
ဈာန်လက်ကိုင်ပုဂ္ဂိုလ်များ၊ယုတ်ရိုပျက်ပြားများလှလေပြီ၊
ကျင့်သီလစာမရီလို့၊မကွာညီတည်ရစ်ဖို့၊
ပြည်ချစ်တဲ့ညီလျာ၊သိပါစိမ့်ငှာ၊
နောင်တော်ကြီးအကိုဝါ၊ထိုကဗျာလက်ကမ်းပေါ့လေး။

အဓိပ္ပါယ်လိုရင်းကတော့ ငယ်ဖြူရဟန်းတွေ လူထွက်ဘဝမရောက်ချင်ရင် အနာဂါမ် ပုဂ္ဂိုလ်မဖြစ်မခြင်း အမျိုးသမီးတွေနဲ့နီးကပ်စွာမဆက်ဆံပါနဲ့တဲ့။အမျိုးသမီးတွေနဲ့ နီး ကပ်စွာဆက်ဆံရင်ပုထုဇဉ်ရဟန်းမပြောနဲ့ သောတာပန်၊သကဒါမ်ရဟန်း တွေတောင် လူထွက်နိုင်သေးတယ်တဲ့။ အနာဂါမ်ကျမှသာ ကာမဂုဏ်ကို ပယ်သတ်ပြီးလို့ လူမထွက် နိုင်တော့တာပါတဲ့။ မ နဲ့ဝေးဝေးက ဆက်ဆံဆိုတဲ့နေရာမှာ စိတ်ချရအောင် စကြဝဠာ ကြီးတစ်ခုလောက်ခြားတဲ့အထိ ဝေးဝေးက ဆက်ဆံစေချင်တယ်တဲ့။ ဖိုဓာတ်၊ မ ဓါတ် လို့ခေါ်တဲ့ သဘောခြင်းမတူတဲ့ ဝိသဘာဂအာရုံနှစ်ခုဟာ တစ်ခုနဲ့ တစ်ခု ထိတွေ့ယဉ် ပါးရအောင် သဘာဝအရ အမြဲရှာဖွေနေတတ် ကြတယ် တဲ့။

Tuesday, January 8, 2013

ဝိနည်းပါဠိတော်လာခိုးနည်း ၂၅ မျိုး။



မြတ်စွာဘုရားဟောသောတရားတော်များမှာ နှစ်ပေါင်း ၂၆၀၀ နီးပါးရှိနေ၍ ခေတ်မမှီတော့ ဟု ယူဆကြသော၊ မြတ်ဘုရား၏ တရားတော်များအား မိမိလိုသလိုပြောင်းလဲ ချင်ကြသော မဟာယာနများအောက်ပါအချက်များကိုလေ့လာသင့်ပါသည်။

အဒိန္နာဒါနကို ဝိနည်းပါဠိတော်နှင့်အဋ္ဌကထာကျမ်းများ၌ခိုးယူသည့်ပစ္စည်း၊အချိန်ကာလ၊နေရာဒေသ၊အခြေအနေနှင့်ခိုးပုံခိုးနည်းအရခိုးခြင်း၂၅မျိုးခွဲခြားဖေါ်ပြထားသည်။

၁။ မတရားအမှုဆင်၍ရယူခြင်း။ တရားရုံးကပိုင်ရှင်မဟုတ်သူကိုပိုင်ရှင်အဖြစ်အနိုင်ပေး ၍ဆုံးဖြတ်သောအခါပိုင်ရှင်ကလက်လျော့လျှင်ခိုးမှုမြောက်သည်။ပိုင်ရှင်ကလက်မ လျော့ သေးပဲအယူခံတက်နေလျှင်ခိုးမှုမမြောက်သေး(အာဒိယန)။

၂။ ကိုယ်တိုင်သယ်ယူနေစဉ်ခိုးခြင်း။ ခိုးလိုသောစိတ်ဖြင့်မိမိသယ်ဆောင်လာသောပစ္စည်းကို နေရာရွှေ့ပြောင်းလျှင်၊ဥပမာ၊ ခေါင်းဖြင့်ရွက်လာသောပစ္စည်းကိုခိုးလိုသောစိတ်ဖြင့် ပုခုံးပေါ်သို့ပြောင်းရွှေ့လျှင်သို့မဟုတ်အမှန်သွားရမည့်လမ်းမှဘေးဖဲ့၍လမ်းကြောင်း ပြောင်းသွားခဲ့လျှင်ဒုတိယခြေလှမ်း၌ခိုးမှုမြောက်သည်(ဟရဏ)

၃။ ငြင်းကွယ်၍ခိုးခြင်း။ မိမိအားအပ်ထားသော(ဝါ)မိမိအားချေးငှါးထားသောသက်မဲ့ ပစ္စည်းအားပိုင်ရှင်ကပြန်တောင်းသည့်အခါပြန်မပေးလိုသဖြင့်ညင်းကွယ်ခြင်း။ပိုင်ရှင်ကမိမိပစ္စည်းဆုံးပြီးဟုလက်လျော့သည့်အခါခိုးမှုမြောက်သည် (အဝဟရဏ)။

၎။ သယ်ဆောင်သူကိုလမ်းကြာင်းပြောင်းစေခြင်း။ ဖြားယောင်သွေးဆောင်၍ဖြစ်စေ၊ ချိန်းခြောက်၍ဖြစ်တစ်ခြားနည်းဖြင့်ဖြစ်စေသက်မဲ့ပစ္စည်းသယ်လာသူအားပိုင်ရှင်ထံသို့ မပို့စေပဲအခြားတစ်နေရာသို့ ပို့ခိုင်းလျှင်ပစ္စည်းသယ်လာသူအခြားလမ်းကြောင်းသို့ ပြောင်းသွားခဲ့လျှင်ဒုတိယခြေလှမ်း၌ခိုးမှုမြောက်သည် (ဣရိယာပထဝိကောပဏ)။

၅။ နေရာရွှေ့ပြောင်း၍ခိုးခြင်း။ ခိုးလိုသောစိတ်ဖြင့်သူတစ်ပါးပိုင်ပစ္စည်းတစ်စုံတစ်ခုကို ပိုင်ရှင်ထားသည့်နေရာမှတန်ချည်တစ်မျှင်စာမျှရွေ့ရှားအောင်ပြုလုပ်လျှင်ခိုးမှုမြောက်သည်။ထိုကြောင့်ရဟန်းတော်များအားသူတစ်ပါးပိုင်ပစ္စည်းတစ်စုံတစ်ခုကိုအမှတ်တမဲ့ကိုင်တွယ်ကြည့်ရှုခြင်း
မပြုလုပ်ရန်ဝိနယဂရုကဆရာတော်ကြီးများကဆုံးမကြသည်။ မူလက ရိုးသားသော စိတ်ဖြင့်ကိုင်တွယ်
ကြည့်ရှုနေစဉ်လိုချင်တပ်မက်သောစိတ်ဖြစ်ပေါ် လာ၍ပစ္စည်းကိုင်ထားသောနေရာမှလှုပ်ရှားရွှေ့ပြောင်းမိပါကထိုရဟန်းကိုယ်တိုင်မသိရပဲပါရာဇီကကျသွားတတ်သည်။ထိုကြောင့်ဒုတိယပါရာဇီကသိက္ခပုဒ်တော်သည်အလွန်နူးညံ့သိမ်မွေ့ကြောင်း ပါရာဇီကျမှန်းမသိကျတတ်ကြောင်းအဆိုအမိန့်ရှိသည် (ဌာနာစာဝန)။

နံပတ် ၁ မှ ၅အထိခိုးခြင်းငါးပါးနှင့် ၆ မှ ၁၀ တူသည်။ သက်မဲ့နှင့်သက်ရှိသာ ကွာ၏

၁၁။ ကိုယ်တိုင်ခိုးခြင်း။ ပစ္စည်းကိုယူရန်လှမ်းကိုင်လျှင်ထိုပစ္စည်းမူလနေရာမှရွှေ့လျှင်ခိုးမှုမြောက်သည်။(သာဟတ္ထိက)

၁၂။ သူတပါးအားအခိုးခိုင်းခြင်း။ သူတပါးအားအခိုးခိုင်းခြင်း။ ခိုးရာပါပစ္စည်းမှန်းသိ လျှက်လက်ခံခြင်း၊သူခိုးများသိလျှက်သဘောတူလက်ခံထားခြင်း၊သူတပါးအားအခိုး ခိုင်းရာ၌ အခိုင်းခံရသော ပုဂ္ဂိုလ်က ခိုးလျှင်နှစ်ဦးလုံးခိုးရာမြောက်သည် (အာဏာတ္ထိက)။

၁၃။ ကိုယ်လွတ်လက်လွတ်ခိုးခြင်း(ကိုယ်နှင့်ကင်းကွာအောင်ပြု၍ခိုးခြင်း။) ဥပမာ၊အဆောင့်များ မသိအောင်ခိုးလိုသောပစ္စည်းကိုအပြင်သို့ပစ်ထားခြင်း။ ပစ္စည်း ကိုပစ်လိုက်ရာတွင် လက်မှ လွတ်လျှင်ခိုးမှုမြောက်သည်။(ဝါ) တခြားတစ်ဦး မသိပဲ၊ တိရစ္ဆန်တစ်ကောင်ဖွက်၍ အကောက်ခွန်ကိုကျော်ဖြတ်စေလျှင်ထိုလူ(ဝါ) တိရစ္ဆန် အ ကောက်ခွန်ဌာနကို ကျော်ဖြတ်ကျော သည့်ခဏ၌ခိုးမှုမြောက်သည်။ တရားဝင်သယ် ဆောင်ခွင့်နှင့် လက်ဝယ်ထားရှိခွင့် မရှိသော တရားမဝင်ပစ္စည်းများကိုသယ်ဆောင်ရာ၌စီးပွါးရေးလောဘဖြင့်မူလရှိနေရာမှပြောင်းရွှေ့(ဝါ)လက်ခံသိမ်း ဆည်းထားလျှင်ခိုး မှု မြောက်သည်။( နိဿဂ္ဂယ)။

၁၄။ ခိုးရန်အချိန်နှင့်နည်းမသတ်မှတ်ပဲခိုးခိုင်းခြင်း။သင့်လျောသည့်အချိန်၊ဖြစ်နိုင်သည့် နည်းဖြင့်အခိုးခိုင်းလျှင်အခိုင်းခံရသူတစ်ချိန်ချိန်တွင်အမှန်တကယ်ခိုးပါကခိုင်းသည့် ပုဂ္ဂိုလ်သည်ခိုင်းသည့်အချိန်မှာပင်ခိုးမှုမြောက်သည်။(အတ္ထသာဓက)။

၁၅။ ပိုင်ရှင်လက်လျော့အောင်ပြု၍ခိုးခြင်း။ အပ်ထားသောပစ္စည်း၊ငှါးရမ်းထားသော ပစ္စည်း ပြန်မပေးခြင်းသူတစ်ပါးပစ္စည်းထိခိုက်နစ်နာမှုအတွက်အလျော်မပေးခြင်း၊ လောင်းကစား လျော်ကြေးမပေးခြင်း၊ပိုင်ရှင်ရှာမတွေအောင်ဖွက်ထားခြင်း၊မတရားအမှု စဉ်ပြီးတရားနိုင်ခြင်း၊တို့တွင် ပိုင်ရှင်ကရတော့မည်မဟုတ်ဟုစိတ်ဒုံး ဒုံးချသည့်အ ချိန် ခိုးမှုမြောက်သည်။(ဓုရနိက္ခေပ)။
ဤခိုးခြင်းမှာ ၁၊၃၊၆၊၈၊၂၄ တို့နှင့်တူညီသည်။ ၎င်း တို့ မှာခိုးသူဘက်မှခိုးနည်းကိုဖော်ပြထားပြီး၊ ၁၅ မှာ ပိုင်ရှင်ဘက်မှစိတ်နေစိတ်ထား ကို ဖေါ်ပြခြင်းဖြစ်သည်။

၁၆။ မခိုးမီကခိုးမှုအထမြောက်ခြင်း။ သူတပါးအားအခိုးခိုင်းရာ၌အခိုင်းခံရသူက ဧကန် ခိုးပါက ခိုင်းသောခဏ၌ခိုးမှုမြောက်သည်။ အခိုင်းခံရသူကမခိုးလျှင်မူခိုးမှုမမြောက်။(ပုဗ္ဗပယောဂ)

၁၇။ ချက်ချင်းခိုးမှုမြောက်ခြင်း။ ရွှေ့ပြောင်းနိုင်သောပစ္စည်းများခိုးယူရာ၌နေရာရွေ့သည် နှင့်ခိုးမှုမြောက်သည်။ မရွေ့ပြောင်းနိုင်သောမြေစသည်ခိုးလျှင်ခြံစည်းရိုးတိုင်သူတပါး မြေပေါ်စိုက်လျှင်တိုင်မြေသို့ထိသည်နှင့်တပြိုင်နက်ခိုးမှုမြောက်သည်။(သဟပယောဂ)

၁၈။ တိုင်ပင်ညှိနှိုင်း၍ခိုးခြင်း။(ကြံရာပါ)။ အခွင့်သာသူကခိုးစတမ်းဟုတိုင်ပင်ထားလျှင်။ တိုင်ပင်ထားသူထဲမှတဦးဦးခိုးလျှင်တိုင်ပင်ထာသူအားလုံးခိုးမှုမြောက်သည်။(သံဝိဓာဝဟာရ)

၁၉။ သတ်မှတ်၍အခိုးခိုင်းခြင်း။ အချိန်ကာလကိုလည်းကောင်း၊ခိုးပုံခိုးနည်းကိုလည်း ကောင်း၊ခိုးရမည့်ပစ္စည်းကိုလည်းကောင်းသတ်မှတ်၍အခိုးခိုင်းခြင်းဖြစ်သည်။ယနေ့အခိုး ခိုင်း သည်ကို မနက်ဖန်မှခိုးလျှင်ခိုးခိုင်းသူမှာအပြစ်မရှိ။ တဖန်ခိုးခိုင်းသည့်ပစ္စည်းကိုမ ခိုးပဲအခြားပစ္စည်းကို ခိုးလာလျှင်ခိုင်းသူမှာအပြစ်မရှိ။သို့ရာတွင်ဝိနည်းရှောင်သည့်အ နေဖြင့်ဥာဏ်နီဥာဏ်နက် သုံး၍ အချိန်နှင့်ပစ္စည်းကိုသတ်မှတ်အခိုးခိုင်းရာ၌အခိုးခိုင်းသူ မှာအပြစ်မှမလွတ်ခြေ။(သင်္ကေတကမ္မ)။

၂၀။ အချက်ပြ၍အခိုးခိုင်းခြင်း။တနည်းနည်းဖြင့်အချက်ပြ၍ခိုးခိုင်း၊လုယက်ခိုင်းခြင်း၌ အချက်ပြသည့်အချိန်၌ခိုးမှုမြောက်သည်။(နိမိတ္တကမ္မ)။
နံပါတ် ၁၆ မှ၂၀ သည်ခိုးမှု မြောက်သည့်အချိန်ကိုဖေါ်ပြသည်။

၂၁။ မသိအောင်ခိုးခြင်း။ ပစ္စည်းရှင်မသိအောင်အလစ်သုတ်ခြင်း။ အတုပြုလုပ်ခြင်း၊အမြတ်တော်ကြေး မပေးရအောင်ဝင်ငွေလိမ်ပြခြင်း၊အလေးတင်းတောင်လိမ်ခြင်းများ။မသိနားမလည်သူများအား ဈေးတင်ရောင်းခြင်းများလည်းခိုးမှုမြောက်သည်။

၂၂။ အနိုင်အထက်လုယူခြင်း။ လက်နက်စသည်ဖြင့်ချိန်းခြောက်တောင်းခြင်း၊ငွေညှစ်ခြင်း၊လပ်တောင်းခြင်း၊လပ်စားခြင်းများလည်းပစ္စည်းရှင်ကမကျေနပ်ပဲပေးရသော ကြောင့်ခိုးခြင်းမည်သည်။

၂၃။ ရည်ရွယ်သတ်မှတ်၍ခိုးခြင်း(သံသယစိတ်ဖြင့်ခိုးခြင်း)။ ပစ္စည်းတစ်ခုကိုစတင်ယူစဉ်က ခိုးမည်ဟုဆုံးဖြတ်ချက်မချပဲ၊ အခွင့်သာလျှင်ခိုးမည်၊ အခွင့်မသာလျှင်ပြန်ပေးမည်။မိမိအလိုရှိသောပစ္စည်းဖြစ်ကခိုးမည်၊အလိုမရှိသော ပစ္စည်းဖြစ်ကပြန်ထားမည်ဟုရည်ရွယ် သတ်မှတ်ချက်ဖြင့်ခိုးခြင်း။ လူတစ်ယောက်သည် လူပြတ်လတ်သောအိမ်သို့ဝင်ပြီးပစ္စည်း တစ်ခုကိုယူဆောင်ခဲ့သည်။ ပိုင်ရှင်မြင်လျှင်ပြန်ထားမည် မမြင်လျှင်ခိုးမည် ဟူကြံပြီး ယူလာခဲ့လျှင် အိမ်တံခါးအပြင်သို့ရောက်သည်နှင့်ခိုးမှုမြောက်သည်။ အကဲ၍ထို ပစ္စည်းကိုအစကထဲက ဖွက်ယူလာလျှင်ထိုအိမ်အ တွင်းမှာပင်ပစ္စည်းကိုကိုင်သောခဏ၌ခိုးမှု မြောက်သည်။အကယ်၍မှောင်ထဲတွင်အဝတ် တစ်ခုခိုး ယူလာရာစိတ်ထဲ၌ပုဆိုးဖြစ်လျှင်ဟူမည်။ ထမီဖြစ်လျှင်ပြန် ထားမည်ဟူရည် ရွယ် ထားသည်။ အပြင်ရောက်၍ထမီဖြစ်နေ၍မယူပဲပြန်ထားခဲ့လျှင်ခိုးမှုမမြောက်။ ပုဆိုး ဖြစ်ပါကရည်ရွယ်သည့်အတိုင်းဖြစ်၍စယူစဉ်ကပင်ခိုးမှုမြောက်သည်။(ပရိကပ္ပဝါဟာရ)

၂၄။ ဖုံးဖိဝှက်ထား၍ခိုးခြင်း။ ရေချိုးဆိပ်တွင်ချထားသောပစ္စည်းကိုခိုးလိုသူကဖွက်ထားသည်။ပိုင်ရှင်ကမိမိပစ္စည်းမတွေ့တော့ဟုလက်လျော့သည့်အချိန်တွင်ခိုးမှုမြောက်သည်။
ပိုင်ရှင်မတွေ့စေရန်နေရာပြောင်းထားလျှင်နေရာပြောင်းသည့်အခိုက်အတန့်မှာပင်ခိုးမှု မြောက်သည်။(ပဋိဆစ္ဆန္နဝဟာရ)

၂၅။ စာအမှတ်တံဆိပ်ပြောင်းလဲခိုးခြင်း။ မိမိမဲလိပ်နှင့်သူတစ်ပါးမဲလိပ်ပြောင်းခြင်း၊ကြို တင်၍ ပေါက်မဲယူထားခြင်း၊နံမည်အတု၊တံဆိပ်အတုပြုလုပ်ရောင်းချခြင်း။သူတစ်ပါး စာမေးပွဲ အောင်လက်မှတ်ဖြင့်ရာထူးရအောင်လုပ်ခြင်း။(ကုသဝဟာရ)။

မှတ်ချက်။ မည်သည့်စာအုပ်မှကူးယူထားသည်ကိုမမှတ်မိတော့ပါ။

Friday, January 4, 2013

သံဃာ့ဂုဏ်ရည် (၆)







၇။ သေခိယ သိက္ခာပုဒ် ၇၅ပါး (သင်ကြားလေ့ကျင်ရမည်)
၁၄၆။ ပရိမဏ္ဍလ သိက္ခာပုဒ် (၂) ပါး (သင်္ကန်းကို ရှေ့နောက်ဝဲယာ အ၀န်းညီစွာ ၀တ်ရုံရန်။)
၁၄၈။ သုပ္ပဋိ စ္ဆန္န သိက္ခာပုဒ် (၂) ပါး (မြို့ရွာ အတွင်းတွင် သင်္ကန်းရုံထားရန်။)
၁၅၀။ သုသံဝုသ သိက္ခာပုဒ် (၂) ပါး (မြို့ရွာ အတွင်းတွင် ကာယိနြေ္ဒထိန်းရန်)
၁၅၂။ သြက္ခိတ္တစက္ခု သိက္ခာပုဒ် (၂) ပါး (မြို့ရွာအတွင်းတွင် မျက်လွှာချထားရန်)
၁၅၄။ ဥက္ခိတ္တက သိက္ခာပုဒ် (၂) ပါး (သင်္ကန်းကို မပြီး သွားလာနေထိုင်မှု)


ဥဇ္ဖ ဂ္လိက၀ဂ်
၁၅၆။ဥဇဂ္ဃိက၀ဂ် သိက္ခာပုဒ် (၂) ပါး (မြို့ရွာအတွင်းပြင်းစွာရယ်မှု)
၁၅၈။ အပ္ပသဒ္ဒ သိက္ခာပုဒ် (၂) ပါး (
စကားကို တိုးတိုးပြောရန်)
၁၆၀။ ၁၆၅ထိ ။ ပစာလကစာသော သိက္ခာပုဒ် (၆) ပါး (ကာယိနြေ္ဒကိုစောင့်ထိန်းရန်)


ခမ္ဘကတ၀ဂ်
၁၆၆။ ခမ္ဘကတ သိက္ခာပုဒ် (၂) ပါး (ခါးမထောက်ရ)
၁၆၈။ ဥဂုဏ္ဌိတ သိက္ခာပုဒ် (၂) ပါး (
ခေါင်းမြီး မခြုံရ)
၁၇၀။ ဥက္ကုဋိက သိက္ခာပုဒ် (
ခြေဖျားထောက်မသွားရ)
၁၇၁။ ပလ္လတ္ထိက သိက္ခာပုဒ် (
ဒူးကို သိုင်းဖွဲ့မထိုင်ရ)
၁၇၂။ သက္ကစ္စပဋိဂ္ဂဏ သိက္ခာပုဒ် (
လေးလေးစားစားဆွမ်းခံရန်)
၁၇၃။ ပတ္တသညီ သိက္ခာပုဒ် (
ဆွမ်းခံစဉ် သပိတ်တွင် စိတ်အာရုံပြုနေရန်)
၁၇၄။ သမသူပက သိက္ခာပုဒ် (ဆွမ်းနှင့်ဟင်း မျှတရုံသာ ခံယူရန်။)
၁၇၅။ သမတိတ္ထိက သိက္ခာပုဒ် (သပိတ်အနားရေးညီရုံသာ ဆွမ်းခံရန်။)


သက္ကစ္စ၀ဂ်
၁၇၆။ သက္ကစ္စ ဘဉ္ဖန သိက္ခာပုဒ် (ဆွမ်းစားရာတွင် လေးစားမှုရှိရန်)
၁၇၇။ ပတ္တသညီဘဉ္ဖန သိက္ခာပုဒ် (
သပိတ်၌စိတ်စိုက်ပြီး စားရန်)
၁၇၈။ သပဒါန သိက္ခာပုဒ် (
ဆွမ်းကို အစဉ်အတိုင်း စားရန်)
၁၇၉။ သမသူပကဘဉ္ဖန သိက္ခာပုဒ် (
ဆွမ်းနဲ့ဟင်း မျှတစွာစားရန်)
၁၈၀။ ထူပကတ သိက္ခာပုဒ် (
ဆွမ်းဦးဆွမ်းထိပ်မှ ယူမစားရန်)
၁၈၁။ ပဋိစ္ဆာဒန သိက္ခာပုဒ် (
ဟင်းကို ဆွမ်းဖြင့် ဖုံးမထားရ)
၁၈၂။ သူပေါဒန၀ိညတ္တိ သက္ခာပုဒ် (
မနာမဖျားပဲ ဆွမ်းနဲ့ဟင်းကို တောင်းခံမစားရ)
၁၈၃။ ဥဇ္ဈာနသညီ သိက္ခာပုဒ် (
ကဲ့ရဲ့လိုစိတ်ဖြင့် သူတပါးသပိတ်ကို မကြည့်ရ)
၁၈၄။ အတိမဟန္တကဗဠ သိက္ခာပုဒ် (
ဆွမ်းလုတ်ကြီးကြီးမစားရ)
၁၈၅။ ပရိမဏ္ဍလအာလောပ သိက္ခာပုဒ် (
ဆွမ်းလုတ်ကို ညီအောင်ညှိပြီး စားရမည်)
၁၈၆။ အနာဟဋ သိက္ခာပုဒ် (
ဆွမ်းလုတ်မရောက်မီ ခံတွင်းကို ကြိုတင်ဖွင့်မထားရ)
၁၈၇။ ဘုဉ္ဖမန သိက္ခာပုဒ် (
လက်ချောင်းအားလုံး ခံတွင်းသို့မသွင်းရ)
၁၈၈။ သကဗဠ သိက္ခာပုဒ် (
ဆွမ်းပလုတ်ပလောင်းဖြင့် စကားမပြောရ)
၁၈၉။ ပိဏ္ဍုက္ခေပက သိက္ခာပုဒ်(
ဆွမ်းလုတ်ကို ခံတွင်းထဲသို့ ပစ်ပေါက်မသွင်းရ)
၁၉၀။ ကဗဠာဝစ္ဆေဒက သိက္ခာပုဒ် (
ဆွမ်းလုတ်ကို ကိုက်ဖြတ်မစားရ)
၁၉၁။ အ၀ကဏ္ဍကာရက သိက္ခာပုဒ် (
ပါးဖောင်းအောင်ပြုပြီး မစားရ)
၁၉၂။ ဟတ္ထ နိဒ္ဓုနကံ သိက္ခာပုဒ် (
ဆွမ်းစားစဉ် လက်မခါရ)
၁၉၃။ သိတ္ထ ၀ကာရက သိက္ခာပုဒ် (
ဆွမ်းလုံးများ ဖြန့်ကြဲပြီး မစားရ)
၁၉၄။ ဇိဝှါနိစ္ဆာရက သိက္ခာပုဒ် (
လျှာထုတ်မစားရ)
၁၉၅။ စပုစပုသာရက သိက္ခာပုဒ် (
ပျတ်ပျတ်အသံမထွက်စေရ)

(သုရုသုရုဝဂ်)
၁၉၆။ သုရုသုရု သိက္ခာပုဒ် (အစာစားစဉ် ရှုးရှုးရှဲရှဲမမြည်စေရ)
၁၉၇။ ဟတ္ထနိလ္လေဟက သိက္ခာပုဒ် (
လက်တွင် ကပ်နေသော အစာကို မလျက်ရ)
၁၉၈။ ပတ္တနိလ္လေဟက သိက္ခာပုဒ် (
သပိတ်ကို ခြစ်ပြီး မစားရ)
၁၉၉။ သြဠနိလ္လေဟက သိက္ခာပုဒ် (
နှုတ်ခမ်းကို လျှာဖြင့် ရက်ပြီး မစားရ)
၂၀၀။ သာမိသ သိက္ခာပုဒ် (
ဟင်းပေကျံသော လက်ဖြင့် သောက်ရေခွက် မကိုင်ရ)
၂၀၁။ သသိတ္ထက သိက္ခာပုဒ် (
ဆွမ်းလုံးပါသော သပိတ်ဆေးရေကို မြို့ရွာအတွင်း မစွန့်ရ)
၂၀၂။ ဆတ္တပါဏိ သိက္ခာပုဒ် ( ထီးကိုင်ထားသူအား တရားမဟောရ)
၂၀၃။ ဒဏ္ဍပါဏိ သိက္ခာပုဒ် ( တုတ်ကိုင်ထားသူအား တရားမဟောရ)
၂၀၄။ သတ္ထပါဏိ သိက္ခာပုဒ် ( ဓားကိုင်ထားသူအား တရားမဟောရ)
၂၀၅။ အာဝုဓပါဏိ သိက္ခာပုဒ် (လေးလက်နက်ကိုင်ထားသူများအား တရားမဟောရ)

၂၀၆။ ပါဒုကာရူဠ သိက္ခာပုဒ် (ကျန်းမာပါလျက် ခြေနင်းစီးထားသူအား တရားမဟောရ)
၂၀၇။ ဥပါပနာရူဠ သိက္ခာပုဒ် (ကျန်းမာပါလျက် ဖိနပ်စီးထားသူအား တရားမဟောရ)
၂၀၈။ ယာနဂတ သိက္ခာပုဒ် (ကျန်းမာပါလျက် ယာဉ်ပေါ် နေသူအား တရားမဟောရ)
၂၀၉။ သယနဂတ သိက္ခာပုဒ် (ကျန်းမာပါလျက် အိပ်ရာထဲနေသူအား တရားမဟောရ)
၂၁၀။ ပလ္လတ္ထိကနိသိန္န သိက္ခာပုဒ် (ကျန်းမာပါလျက် အယောဂပတ်ဖွဲ့ပြီး ထိုင်နေသူအား တရားမဟောရ)
၂၁၁။ ဝေငှိတသီသ သိက္ခာပုဒ် (ကျန်းမာပါလျက်ခေါင်းပေါင်းပေါင်းထားသူအား တရားမဟောရ)
၂၁၂။ သြဂုဏ္ဍိသီသ သိက္ခာပုဒ် (ကျန်းမာပါလျက် ဦးခေါင်းခြုံထားသူအား တရားမဟောရ)
၂၁၃။ ဆမာ သိက္ခာပုဒ် (မြေကြီးပေါ်နေလျက် တရားမဟောရ)
၂၁၄။ နီစ အာသန သိက္ခာပုဒ်(နိမ့်ရာမှ နေပြီး တရားမဟောရ)
၂၁၅။ ငှိတ သိက္ခာပုဒ် (မတ်တပ်ရပ်လျက် တရားမဟောရ)
၂၁၆။ ပစ္ဆဂမန သိက္ခာပုဒ် (နောက်က လိုက်၍ တရားမဟောရ)
၂၁၇။ ဥပ္ပထဂမန သိက္ခာပုဒ် (လမ်းဘေးက လိုက်၍ တရားမဟောရ)
၂၁၈။ ငှိတဥစ္စာရ သိက္ခာပုဒ် (မနာမဖျားပဲ မတ်တပ်ရပ်ပြီး ကျင်ကြီးမစွန့် ရ)
၂၁၉။ ဟရိတ ဥစ္စာရ သိက္ခာပုဒ် (မနာမဖျားပဲ စိမ်းစိုရာ၌ ကျင်ကြီးကျင်ငယ်မစွန့် ရ)
၂၂၀။ ဥဒက ဥစ္စာရ သိက္ခာပုဒ် (
မနာမဖျားပဲ ရေ၌ ကျင်ကြီးကျင်ငယ်မစွန့် ရ)

အဓိကရဏ သမထ ၇ ပါး
ဖြစ်ပေါ်လာသော အဓိကရုဏ်းမှုခင်းများကို ပြေငြိမ်းစေမည့် နည်းလမ်း ခုနှစ်မျိူး
၂၂၁။ သမ္မုခါဝိနယသမထ
၂၂၂။ သတိဝိနယသမထ
၂၂၃။ အမူဠ၀ိနယသမထ
၂၂၄။ ပဋိညာတကရဏသမထ
၂၂၅။ ယေဘုယျသိကာသမထ
၂၂၆။ တဿပါပိယသိကသမထ
၂၂၇။ တိဏ၀တ္ထာရကသမထ


 

ကျမ်းကိုး။
၁။မဟာဂန္ဓာရုံဆရာတော်၏ ဘုရားဥပဒေ တော်ကြီး။
၂။ ၂၂၇ သွယ်သောဝိနည်း။ http://buddhismworld.ning.com/profiles/blogs/6371237:BlogPost:167790
၃။သိထားမှကောင်း ၀ိနည်းအကြောင်း http://www.lapyae000.com/2011/09/blog-post_25.html#more

ဆက်လက်ဖေါ်ပြပါမည်။